المساعد الشخصي الرقمي

مشاهدة النسخة كاملة : لو خيروك ماذا تختار ؟.........



الصفحات : 1 2 3 4 5 6 7 8 9 10 11 12 13 14 [15] 16

روح الاسكندرية
24-02-2009, 02:19 PM
بص الفلوس مش كل حاجة في الدنيا فاكيد حختار الشغل المحترم

وحتى لو كنت حختار الفلوس فانا مش عارفة هي من فين اصلا

يعني ما اعرفش من الحلال ولا الحرام

فاكيد حختار الشغل المحترم

نفس السؤال

oo7
24-02-2009, 02:37 PM
هاختار الشغل المحترم

لو خيروك بين عزومة غدا فى مطعم فاخر
او تاكل ترمس مع الشلة بتاعتك على النيل

mada4top
24-02-2009, 02:57 PM
اكل ترمس مع الشلة بتاعتي طبعا وخصوصا الايام دي لاني مفتقد كل اصحابي جداااااااااااااااااااااا


نفس السؤال؟

ahmedab216
24-02-2009, 07:50 PM
و عشان ماليش شلة ... هاضطر أوافق علي عزومة الغدا في المطعم الفاخر


تتعشي ولا تنام خفيف ؟

النجمه الحائره
24-02-2009, 07:53 PM
لا احب النوم خفيف خفيف
طب لو خيروك
تفطر زبادى بس ولا لازم فول وطعميه وفطار جامد

ahmedab216
24-02-2009, 07:58 PM
من عاداتي السيئة ... اني مش بفطر خالص ... الا يوم الجمعة ....


لو مشوار علي بعد 1 كيلو ... تمشي و لا هاتروح بالعربية أو بتاكسي ؟

mada4top
25-02-2009, 07:37 AM
والله انا حاليا لو 20 متر بروح بالمخروبة

اه والله اعربيات دي علي أد فايدتها بس مصيبة



لو خيروك بين سيارة ياباني ولا امريكي ؟

النجمه الحائره
26-02-2009, 06:38 PM
اختار طبعا العربيه اليابانى
طب عربيبه لونها (احمر) ولا (اسود)

ahmedab216
26-02-2009, 09:22 PM
إسود ...و عربيتي فعلا لونها إسود ... و العربية اللي قبلها كان لونها أحمر


تحب تلبس نظارة ولا لينسز ؟ ... بعد الشر عنكم جميعا

النجمه الحائره
26-02-2009, 09:40 PM
لا النضاره ارحم اللينسس بتعمل مشاكل فى العين
طب لو خيروك بين (الكابتشنو) ولا (الشاى)

ahmedab216
26-02-2009, 09:46 PM
الشاي ...


عمارة 10 أدوار ...
تسكن أول 3 أدوار و لا آخر 3 أدوار ؟

النجمه الحائره
26-02-2009, 10:03 PM
لا طبعا اول 3 ادوار مش بحب العالى خالص
طب لو خيروك تطلع (السلم ) ولا (تركب الاصانصير )

روح الاسكندرية
26-02-2009, 10:11 PM
اركب الاصانصير مع اني كنت بخاف منه بس دلوقتي خلاص بأة بس لو كنتي سالتيني من زمان قلتلك السلم اكيد

لو خيروك بين فيلا واسعة خااااااااااااااااااالص

او شقة في عمارة

ahmedab216
27-02-2009, 12:26 AM
طبعا عشان أعمال النظافة و الترويق مش عليا .... هاختار الفيللا ...

تختار تسكن في شارع رئيسي ( بدوشته) و لا تسكن في شارع فرعي (بهدؤه) ؟

زهره
27-02-2009, 12:32 AM
فرعي وفرعي جدا كمان
تسافر بالعربيه ولا الباخره؟

**أمة الله**
27-02-2009, 12:36 AM
العربية***
تفضل تسكن لوحدك وتتحمل عمايل كل حاجة فى البيت، ولا تسكن مع حد يعمل هو كل حاجة فى البيت بس بيدوقك المر بكلامه ؟؟

sad man
27-02-2009, 12:40 AM
ههههههههههههههه
وايه اللى يغصبنى على كده
انا احب اعمل حاجتى لنفسى
تعيش فى بلدك ولا تهاجر

ahmedab216
27-02-2009, 12:47 AM
أعيش في بلدي ...

تختار تندمج مع الآخرين ولا تعيش في عزلة عن الناس ؟

زهره
27-02-2009, 12:56 AM
في عزله عن الناس
تحب تروح الملاهي ولا المتحف ؟

ahmedab216
27-02-2009, 01:14 AM
بصراحة ده بيتوقف علي الحالة المزاجية .... رايق و ذهني صافي يبقي المتحف .... مش عايز أفكر و لا أركز يبقي الملاهي


تختار الفشار و لا غزل البنات ؟

**أمة الله**
27-02-2009, 01:20 AM
غزل البنات طبعاً
***
تختار القعدة فى البيت ولا الخروج ؟؟؟

ahmedab216
27-02-2009, 01:31 AM
لو ما عنديش شغل ..يبقي أقعد في البيت


تختار تتكلم و لا تسمع ؟

**أمة الله**
27-02-2009, 01:38 AM
حسب حالتى النفسية...لو مخنوقة أو فرحانة أحب أتكلم، لكن لو حالتى مستقرة أحب أسمع
***
تحب الحر ولا البرد ؟؟

كروان الغريب
27-02-2009, 01:57 AM
احب البرد (لو كان القصد فصل الشتا)

اللى جاى بعدىبقى , خد عندك يا معلم
لو اجبروك انت تمحى حد من حياتك تمحى مين ؟؟:gun2:

صديق عمل كل حاجة عشان يشوفك مبسوط ؟؟:CHYTRY:
حبيب عملت كل حاجة عشان تشوفه مبسوط ؟؟

يعنى ببساطة انت ممكن تهدم الحاجة اللى غيرك تعب عشان يبنيهالك ؟ ولا تهدم الحاجة اللى انت تعبت عشان تبنيها لغيرك ؟

**أمة الله**
27-02-2009, 02:05 AM
أولا يا أخ كروان انت ماجاوبتش على سؤالى
ثانيا فى الإجابة على سؤالك ... الاختيار صعب جداً، لكن أعتقد انى هفضل أهدم اللى أنا عملته مش اللى غيرى عمله علشانى
***
جاوب على سؤالى بقى...تحب الحر ولا البرد ؟؟؟

دمع الندى
27-02-2009, 02:57 AM
الحر طبعا فالبرررد قهرناااا

اللي بعدي

بعدما تعرف انك اخطأت في حق شخص ثاني تحب تعتذر اليه ولا تعمل كأنه ماجرت حاجة؟

mada4top
27-02-2009, 06:02 PM
لو حدي يهمني اكيد هعتذر طبعا بس لو حد عادي ممكن اه وممكن لا علي حسب اللي عملته



لو خيروك بين ميتسوبيشي ولا تويوتا ؟

ahmedab216
28-02-2009, 12:30 AM
أعتقد هاتبقي تويوتا ..

في الجو البرد ده ...

تشرب كاكاو و لا سحلب ؟

دمع الندى
28-02-2009, 12:52 AM
كاكاو ارفع به معنوياتي شوية (مع انني لا اعرف ماهو السحلب)

تختار تقرا كتاب قبل ما تنام ولا تعمل بالكمبيوتر

ahmedab216
28-02-2009, 01:11 AM
السحلب هو خليط يضاف الي اللبن و معه مكسرات و يشرب ساخن ... و الحقيقة لا أعرف مكونات هذا الخليط ...و لكنه مشروب جميل في موسم الشتاء ...

الكومبيوتر ...


تختار تقرأ الصحف علي الكومبيوتر و لا لما توصلك في الصباح ؟؟

دمع الندى
28-02-2009, 01:39 AM
شكرا على المعلومة ياباشمهندس تكرم

افضل ان اقرأها على الكمبيوتر(حسب الوقت)



تختار تقرأ رواية جميلة مطبوعة(كتاب) ولا موجودة على الكمبيوتر؟

ahmedab216
28-02-2009, 08:04 AM
ربنا يخليكي يا دمع الندي ... منورانا دايما

أقرأها في كتاب ...

تختار تخرج مع أصحابك و لا تقعد علي الكومبيوتر ؟

mada4top
28-02-2009, 08:15 AM
اخرج مع اصحابي الكمبيوتر مش هيهرب


تختار بين البط ولا الوز

ahmedab216
28-02-2009, 08:20 AM
كشكل ... يبقي الوز

لكن كأكل .... لا ده ولا ده ...

تختار تفطر قبل ما تنزل للشغل و لا تفطر بعد ما تروح الشغل ؟

mada4top
28-02-2009, 08:23 AM
امممممممم

علي حسب يعني
لو صحيت بدري بفطر قبل ما انزل
ولو صحيت متاخر بافطر في الشغل


تفطر فطار تقيل ولا اي حاجه وخلاص

روح الاسكندرية
28-02-2009, 01:20 PM
اي حاجة وخلاص



تحب الشغل ولا البيت

mada4top
28-02-2009, 04:41 PM
اكيد الشغل طبعا



نفسه؟

كروان الغريب
02-03-2009, 12:41 AM
الى العضوة العزيزة "امة الله"
انا وعهد الله جاوبت عن سؤالك ....
انت بس اتأكدى من اجابتى وانت تشوفى ..
انا وربنا قولت انا بحب "البرد" لو كان القصد الشتا
نقطة ودمتم

ahmedab216
02-03-2009, 05:33 AM
الشغل ...


لو قابلك شحات في سن الشباب و تبدو عليه علامات الصحة .. و طلب منك حاجة لله ...

تختار تعطيه ولا تنهره ...؟

mada4top
02-03-2009, 07:18 AM
لا مش هعطيه ولا هنهره

هكبسه بس هههههههههههه


نفسه

النجمه الحائره
02-03-2009, 07:58 PM
لا مش هعطيه و لا هنهره بس اكيد ولو قدرت انى انصحه يشتغل
و اعرفه ان ربنا مش بيحب العباد الى زى كدا و ان كدا حرام عليه الى بيعمله
يعنى ممكن انصحه او لو شكله عجيب همشى و اسيبه
طب لو خيروك يبين (تشتغل مضيف طيران ) ولا (مرشد سياحى)

ahmedab216
02-03-2009, 08:04 PM
مرشد سياحي ....


تخرج تعمل واجب في البرد ده ولا تقعد في البيت ؟

mada4top
02-03-2009, 08:15 PM
لا بصراحة مش عارف

بس في واجب مايتفوتش وفي واجب ممكن يتاجل


نفسه

ahmedab216
02-03-2009, 08:21 PM
عندك حق ...

أقوم أنزل بأه... شكرا للتنبيه

تلبس بدلة و لا سويتر جلد متبطن ؟

mada4top
02-03-2009, 08:25 PM
بدلة احسن مع اني مخنوق منها هنا


تحب الصيفي ولا الشتوي ( اللبس)

كروان الغريب
02-03-2009, 11:03 PM
الشتوى طبعا عشان اشيك
تختار ...
تروح رحلة لشرم الشيخ ؟؟
ولا رحلة للاسكندرية ؟؟

محمد علم الدين
02-03-2009, 11:13 PM
أختاااااااااااااااااااااااااااااااار
افطر جبنه بيضه وقشطة بالعسل فى السوق القديم فى شرم
وأتغدى سمك مشوى فى أبوقير فى الأسكندرية
واتعشى شاورمة عند ابو مازن

تختار
كلب عايش ولا أسد ميت ؟؟؟؟؟؟؟؟؟؟؟؟؟؟

mada4top
03-03-2009, 07:48 AM
ولا ده ولا ده عندي عداء مع الحيوانات كلها


تختار تشرب شيكولاته بالحليب ولا سادة ؟؟؟؟؟؟

oo7
12-03-2009, 11:25 AM
سادة بيكون ليها مذاق لذيذ


تختار تلعب بينج بونج ولا بلياردو

sad man
12-03-2009, 07:51 PM
بلياردو

تحب السنه كلها تبقى صيف ولا شتا