المساعد الشخصي الرقمي

مشاهدة النسخة كاملة : اعلانات عظيمة



elharty
27-12-2005, 10:15 AM
طبعا انتو زيي بالظبط
زهئتم طبعا من التلفزيون من كل التلفزيون و الفلام والمسلسلات بداية من الظريف اسماعيل حسين اللي بيسرق موسيقي توم اند جيري لغاااية (الست اللي خترفت علي كبر) اللي اسمها خالتي ايطاليا و الخ الخ لكن الحاجة اللي اتحداكم انكم تستحملوها هي......... الاعلانات بفففففف مش ممكن بجد اوف اوف يعني

و المشكلة ان الاعلانات كلها حاجة من الحاجات دي: : يا اما سمنة
:يا اما زيت
: يا اما مسحوق غسيل
:يا اما جبنة

صح ولا انا غلطان؟!!

نمسك بقي الاعلانات الممتعة اوي!!! الجميلة اوي!!!!!! اوي!!!! واللي بتكون كالتالي:

السمنة: سمنة ترابى: اللي بطعم الزبدة الفلاحي, زي ما سعاد نصر دي!! و محمود عزب شو!!! قالو


سمنة نواعم: ام طقية حمرة


سمنة حنة:حنة حنة ااه حنة سقفة ليكي و سقفة لحنة



سمنة تحياتي: اللي الست دي بتقول في الاعلان تحياااتي



سمنة الفوار: ثلاثة كييلووووو الفوار ثلاثة كيييلووووو



سمنة الغني: اللي الستات عملو ثورة في الشارع و اعدو يقولو الغناااااا الغنااااااا


سمنة الشمس الفضية:
اللي بيغنولها الشمس الفضية الشمس الفضية رملوها عشانك انتييييييييييييييي




سمنة النملتين: (المرملة)

و كفاية سمنة كده احسن الجو بقي تقيل اوى!!! و علي فكرة السمنة المهدرجة دي خطرة و بتسبب سرطلن علي المدي الطويل ده بجد مش هزار


:نيجي للزيت بقي


زيت فلايت: فلايت فلايتيللو فلايت فلايتيللوووووووووو

زيت بلا: بتاع الست دي و بنتها الصغيوة, بلا بلا بلا بلا فتفوتة في ازازة جميلة و صغنتوتة

زيت كريستيال: بتا ع الناس الكتير دول اللي بيقولو كريستيال الدرة الشهية و ميليون سلام و تحية و لقمة هنية

زيت مش عارف مين: اشتري ازازة و خد 10 ازايز مجانا!! وتيجي تسال الازازة بكام تطلع ب 100 جنيه


ااااه وصلنا بقي للمشكلة!! اعلانات مساحيق الغسيل دي مشكلة لوحدها دي موضوع تاني خاالص!!!: مسخرة بجد
طبعا قبل م اقول اسماءهم انتو عرفتو هم اهو لوحدكم

مسحوق فريال: فرياااااال فريااااااااال اوووه اوووه و فرياااااااااال فرياااااااال اوووه اوووه

ماتعرفش بيجيبو مناظر في الاعلان ده بجد مش ممكن!!! و ايه المذيع بقي يعدي علي البيوت و يخبط عالباب و قبل ما اصلا يسالها هي بتستعمل مسحوق ايه ترد و تقول فريااال فريااال اوه اوه يقوم المذيع يقولها برافو كسبتي 10 جنيه و تكمل بقي فريااااال فرياااال اوووه اووووه و المذيع يرقص بقي و الاولاد و الجيران و البلد كلها بتقول فريااال فريااال اوووه اوووه


و التاني برده انتو عارفينو من قبل ما اقولو

مسحوق برسيم: شيل ال الغين و حط البممممم غسيل برسيم مالو حللللل و تحصل التمثيلية بتاعت اخينا فريال تانى بس ال فرق بقي في الاسم و الشعار الجميل لكن كل الحاجات التانية زي ما هي السحن الجميلة و نفس الستوديو و حتي نفس المذيع و بيتهيا لي انهم اول ما خلصو تصوير اعلان فريال قامو عاملين اعلان برسيم


مسحوق سايد: اللي الشعار بتاعو ماتغيرش من ساعة ما عملوو!! مع سايد للغسييييل مافيش مستحييييل


مسحوق فكسترا: بتاع التعلب ده اللي بيطلع للست العجيبة دي و يقولها فكسترا ده جامد و مش عرف ايه بقي و الهبل ده اللي انتو عارفينو!! ماتفهموش بقي الذكي ده صاحب فكسترا جايب عيل صغير يعملو اعلان


مسحوق فومو: ده بقي يجيبولك الراجل بيوقع علي قميصه الابيض عصير بقي ولا شاي اي حاجة وخلاص بعد كده يقسمو الصورة نصين واحدة القميص و فومو و النحية التانية مسحوق عادي و اللي يجننك ان الر اجل بقع قميص واحد بس خه منين التاني ده بقي؟!! و بعد ما يتغسلو يجيبو القميص اللي بفومو طبعا ابيض و تقدر تستعملو مراية كمان!!! اما القميص التاني بقي: يروحو يجيبو قميص بيج بقي و قال يعني بقي المسحوق العادي بقي بيبهت اللون بقي و مش بينظف كويس يعني!!!!
يالهوي تحس ان اللي بيتفرج ده انسان اهباااااااااال!!! ده العيال الصغيرين بيضحكو علي الاعلانات دي اكتر مني و منكم


نخش بقي علي المسخرة الرابعة اللي اسمها الجبنة: ودي بردو فاشلة فشل زريع


جبنة لافشخري: جبنة البقرة المبسوطة!! لافشخري لافشخري جبنة حلوة جبنة لذيذة لافشخري


جبنة الفرعون: جبنة صح الصح و الناس مبسوطة ليه عشان بتاكل جبنة الفرعون و كلو صح الصح!! يا اخي ياللي بتقول صح الصح انت!!دانتو اللي غلط الغلط


جبنة مين جانا: جبنة مين جانا بالطاقة مليانة!! و اصلا تلاقيها بالحليب المغشوش


و ربنا يشفي التعبانين دول و يرحمونا شوية من الصداع المزمن ده اللي اسمه اعلانات ده كفاية بقي اتخنقنا!!! و علي فكرة لسه في كمان توبيك او اتنين علي باقي الاعلانات معلش اتشاللو شوية

الغريب41عام
17-04-2007, 04:08 PM
تصدق بقى واضح انك اصلا مدير شركه اعلانات
طول عمر بتفرج على التلفزيون ولم احفظ اسامى الاعلانات خلتنى حفظتهم دلوقت
انتا قابض ولا ايه بالنص تيجى نقسم القمر انا نص وانتا نص
اسمى الغريب لماذا؟؟؟ الغريب لا تطيب له الاقامه فى مكان لا يسعى لكسب اصدقاء اليوم بينكم وغدا فى ترحال جديد لكن اوعدكم بلاستئذان قبل الانصراف

بوكا بوكا
18-04-2007, 07:30 AM
ههههههههههه
اسلوبك حلو اوي ودمه خفيف والله عندك حق ههههههه بس انت نسيت الشلل الاصلي بتاع ميلودي افلام والواد الخفة بتاعهم ده ما شاء الله عليه :m16: قمر ياباااااااااااااااااااي دمه تقيل بشكل

mr_virus
18-04-2007, 04:34 PM
موضوع لذيذ جدا بس اظن كان نقصه تعمل فاصل اعلانى فى النص

تحياااااااااتى


Photo Gallery