المساعد الشخصي الرقمي

مشاهدة النسخة كاملة : الخلع وسنينه ده اللي هيحصل فيكوا بسبب القانون ده



LORDKAZA
25-12-2005, 05:58 AM
المكان بيت متواضع يسكن فيه حامد ومراته نيفيا واولاده سندس وهي في الثالثه وميمي وهو مازلا يرضع=
نيفيا : قوم يا حامد ينيلك راجل قوم اتحرك يالهوي على رجالة اليومين دول
ميقوموش الا بضرب الجزم.=
حامد وهو ينتفض مذعورا : يا فتاح يا عليم يا رزاق يا كريم ( ثم يتمتم: ده
وش اصطبح بيه واتمسى بيه=
والله حرام متتحرقش متقعش من البلكونة بس انا عارفها غلسة واكيد عفريتها
هيفضل لابد في البيت)=
هي : بتمتم بتقول ايه يا راجل يا جبان علي صوتك كده وقلي خلينا افرج امة
لا اله الا الله عليك=
حامد: ايه يا وليه على الصبح انت شدة حيلك كده ليه =
هي : مشدهوش ليه مش احسن منك يا مدهول مانتش عارف تشد حاجة
ده انت يدوب بتاخد نفسك وبالعافية تطلعه =
حامد في سره: كانت جوازة ايه ديه ياربي انا كنت اعمى ولا ايه مالها سناء
بنت عمي مش احسن من بنت ال ولا بلاش=
هي : اموت واعرف انت بتقول ايه قوم ياراجل حضرلنا الفطار خليني
انزل على الشغل يالا بلاش كسل=
حامد : هو انا كل يوم اللي هاحضر الفطار ما تقومي انتي مرة=
هي : اقوم قامت قيامتك يا بعيد ليه هو انا مش باشتغل زيي زيك
ومرتبي اكبر من مرتبك=
حامد : ماشي بس انتي مرة وانا مرة =
هي : والله انت اتجننت ونهايتك هتترمي في الشارع =
حامد : ايه هي سايبةمفيش محاكم =
هي : شكلك كده هتتخلع النهاردة وبربع جنيه معفن شوف بربع جنية
وبالشلوت على الشارع =
حامد : هو انتي كل حاجة تخديها كده انا باهزر معاكي يا ستي هو
انا اقدر استغنى عنك=
هي : ايوة كده اتعدل=
التليفون يرن وحامد يرد =
حامد : الو =
المتصل : اكلم مدام نيفيا =
حامد : مين معايا =
المتصل : اما شئ بارد صحيح وانت مالك=
حامد : ده مراتي مين اللي بارد فينا =
تتدخل نيفيا مين اللي على التليفون يا حامد =
حامد: ده واحد عايزك يا ست هانم=
نيفيا : مقالش اسمه ايه=
حامد : نعم كمان هأساله عن اسمه =
نيفيا : تاخد التليفون ترد الو مهعلش يا هيمه اصل جوزي راجل رجعي شويه
خلاص اما تنزل رنلي ثم تقفل=.
حامد : ايه ده يا ست هانم راجل بيكلمك في البيت=
نيفيا : نعم نعم نعم انت هتتدخل في حياتي الشخصية ولا ايه الظاهر انك
مش هتيجي الا بالخلع=
حامد : خلاص يا ستي بس انا عايز اقولك انتي كده بقيتي عامله زي الراجل
حتى صوتك تخن وشنبك ابتدى ينبت =
نيفيا : اخرص يا راجل وقوم اعمل الفطار يالا
حامد يجهز الفطار وتأكل نيفيا ثم تقول=
نيفيا: رضعت الواد=
حامد : وهو يتحسس جسده: رضعت الواد ازاي يعني يالهوتي يحسن اكون قلبت=
نيفيا : عملتله الرضعه ولا لأ هو انت مبتفهمش ايه حمار وناقصة ديل =
حامد : ربنا يسامحك=
نيفيا : عملت الرضعه ولا لأ=
حامد : عملتها يا ستي .=
نيفيا : غيرت له هدومة ولا مستني اقولك =
حامد : غيرتهايارب صاروخ تايه من اللي بينضربوا في العراق يقع فوق دماغها=
او صاعقة من السما تحرقها خالص متسبش منها حاجة ويرفع يديه للسماء داعيا=
نيفيا : انت بتدعي عليا ولا ايه=
حامد : ده انا بدعيلك ربنا يحميكي ثم يتمتم ( هم الارهابين خلصوا ولا ايه فين القنابل اللي كانت بتفرقع
في كل حته )=
نيفيا : كتبت على الاجازة=
حامد : اجازة ايه=
نيفيا : رعاية الطفل يا حامد ولا انت عايز الواد يطلع صايع زي ابوة=
حامد : بس
نيفيا : مفيش بس لازم تاخد قرار يانا والعيال والشقة في كفة والشغل في كفه=

camella
25-12-2005, 10:26 AM
اية الحلاوة دي يا لورد ايـــــــــــــــــــــــــــة الحلاوة دي*6*

هات يا ابني كمان هااااااات دانتو طلعتو بتخافو اوووووووووووي *9*

ما عندكش فكرة القانون دة هينزل لبنان ايمتى ؟*14*

خلي الواحد يحس انو حد بيخاف منو *5*

قصة حلوة اوي اوي اوي *15*


اييييييييييييييييييييييييية دنيا ربنا يرحم ايام سي السيد *12*

أسيرة الصبر
25-12-2005, 12:59 PM
*9* :d هههههههههههههههههههههههههههههههه:d *9*

بس بصرااااااااااااااااااحه











الراجل اللي زي ده مينفعنيش*12*








أنا عاوزه سي السيد*7*

LORDKAZA
25-12-2005, 07:35 PM
شكرا كاميلا على المشاركة صحيح رجالة لبنان في نعيم طالما لسه موصلش ليهم الخلع

LORDKAZA
25-12-2005, 07:42 PM
اسيرة سي السيد هيتسيد بأمارة ايه مبقاش يساوي ربع جنيه

محمود زايد
25-12-2005, 08:17 PM
هههههههه حلوة
الاخ حامد محسوب علينا راجل على الفاضى ... ياخسارة الرجاله ياجدعان
تعال يا سيد احمد عبد الجواد شوف احفادك عاملين ازاى ...هيييييه دنيا
شكرا يالورد على القصه الحلوة دى ماتبقاش تعملها تانى لانك هاتشمت فينا البنات
ماشى ياعسل

LORDKAZA
25-12-2005, 08:20 PM
هما لسه هيشمتوا يا حودة الرجاله بتنخلع بربع جنيه

محمود زايد
25-12-2005, 08:24 PM
وانت جاى تكملها يالورد طيب ياعم فى مثل بيقول دارى على شمعتك تقيد لازم تعلى صوتك وتقول الرجاله بتتخلع وبربع جنيه كمان

LORDKAZA
25-12-2005, 08:29 PM
بس مش كل الرجاله احنا مش هنديهم الفرصة ديه ومش هنتجوز من اصله
خليهم بقه يدورا على حد حتى بعشرة صاغ

محمود زايد
25-12-2005, 08:35 PM
تمام وكده انت معايا على الخط ... طول ما احنا بعيد عن الجواز دايما فى السليم

LORDKAZA
25-12-2005, 08:41 PM
ماشي يا باشا يبقوا يشوفوا مين اللي هيرضى بهمهم

أسيرة الصبر
26-12-2005, 05:37 AM
هههههههههههههههههههههههههههههههه


الجواز نص الدين

ياولادي أتجوزوا أنا عاوزه أفرح بيكوا خخخخخخخخخخ

هيا موته وحده وخلاص ههههههههههههههه

Samir Aser
26-12-2005, 05:54 AM
width=400 height=350

LORDKAZA
26-12-2005, 09:29 PM
انتي اسمك اسيرة الصبر ولا مسرور سياف شهريار حرام عليكي يا شيخه ده احنا برضه رجاله

LORDKAZA
26-12-2005, 09:31 PM
شكرا سمورة على مرورك الصامت على الموضوع

malkro7y
26-12-2005, 09:41 PM
والله طالما الراجل بيقوم بكل واجباته *39* *148* *147* *148* *149* *150* *152* *151* هخلعه ليه اهو برده ارخص من الهوس كيبر

LORDKAZA
26-12-2005, 09:53 PM
يا سلام هو ده الراجل في نظرك برضة يا ملكلكلكلكلكلك

pickyaaa
09-09-2006, 11:55 PM
أخي تحوت
أخوك انوبيس بيمسي عليك و بيقول لك طب اللي رجله جات يعمل ايه ؟
مافيش حد كده يشجعني و نعمل حركة مطالبة بحقوقنا و نطالب بالمساواة ؟

stopp
11-09-2006, 06:26 PM
اذا كان الجواز نصف الدين فالواحد يحافظ
على النصف الثانى احسن ما يضيع دينه كله

LORDKAZA
12-09-2006, 10:49 PM
هي ديه ضريبه الجواز شر لا بد منه بيكا انا معاك آن الاوان نطالب بالمساواه كفايه كده
اما اخي ستوب ده كمين ولازم هنقع فيه

LORDKAZA
12-09-2006, 10:50 PM
انوبيس ما احنا لازم نحن لزمن الفراعنه لما كان الراجل راجل والست ست

mr_virus
13-09-2006, 08:37 AM
يا لورد انت كسفتنا اودام البنات
يعنى انا شغال من ناحية
وانت بتهدم من ناحية تانية
ماشىىىىىىىىىىىىىى
شكرا يالورد
ردى على الموضوع دة (http://www.egyptsons.com/misr/showthread.php?p=659746#post659746)

moura
18-09-2006, 11:16 AM
هى دى استات ولا بلااااااااش...

وابقوا طالبوا بالمساواااااااااااااااااااااااااااااااة


:1: :1: :1: :1:

بنت شهريار
23-09-2006, 12:57 AM
هههههههههههههههههههه
هى الرجاله راحت فى الحرب ولا ايه يا ناااااااااس
يا خسارة على الشنبات
بس كله من القانون
احنا مالناش ذنب خااااااااااااااااالص
احنا بنطبق القانون
ههههههههههههههههههههه
والله نيفيا تستاهل كل دعا حامد عليها
ربنا يتقبل منه
دى بجد مفتريه اوى
بس هاتنقول ايه يا شباب
شررررررررررررر لا بد منه
شكرا لك لورد
فى انتظار المزيد
تقبل تحياتى


Photo Gallery