المساعد الشخصي الرقمي

مشاهدة النسخة كاملة : تحت دائرة الضوء ( والضيف مصراوي )



محيي ابراهيم
23-01-2003, 02:30 PM
الاعضاء الافاضل
نشكر الاخ الفاضل خالد بن الوليد على اتاحته الفرصة لنا في محاورته ونعد بلقاء ثاني معه بسبب العدد الكبير الذي يود في سؤالة ونعتذر اذ كانت الاستضافة مدتها 3 ايام فقط كقانون لانستطيع التحايل عليه لكننا حتما سنستمتع بلقاءة مرة اخرى.
اما ضيف هذه الحلقة فهو عضو ( مجرد عضو ) وبقول مجرد عضو تاني واعلى مافي خيله يركبه، وبصراحة انا مش عارف الاعضاء ملهوفين عليه ليه عشان دمه خفيف شوية واللا عشان مهذب حبتين عموما رغم اني مابحبوش خالص لان كلمة الحب شوية عليه ومحتاج اكبر منها ورغم اني مابحترموش لان برضه كلمة الاحترام صغيرة عليه جدا ومحتاج اعظم من مجرد الاحترام زي التبجيل مثلاً ورغم اني عمري ماحسيت انه اخويا لانه اكتر من اخ فانا بقدمه النهارده على اساس انه بجد نجم المنتدى اللى استلب قلوبنا كلنا ومشاعرنا بكل شئ جميل فيه
معانا النهاردة مصراوي أو هشام وانا هسيبكم تسألوة وتهروة اسئلة.
ونحيط علم الجميع انه قد حدث تعديل في المشاركة بحيث سيصبح لقاء لمشرف ولقاء لعضو حتى لايظن احد انها مقصورة فقط على المشرفين
تحياتنا لمصراوي وقلبي معاه لان فيه كتير مستحلفين له
وتحياتي للجميع
ملحوظة لمصراوي
اسئلتي هتكون آخر يوم عشان اكون فرحت فيك على قد مااقدر
محيي

Proud_Muslimah
23-01-2003, 08:01 PM
بسم الله الرحمن الرحيم
اخي محيي ابراهيم,,احسنت تقديم ضيفنا نرحب به وابدا اسئلتي ومن الله التوفيق:)
اخي مصراوي بعد التحيات
*ممكن تعرفنا بنفسك قليلا ومن هو مصراوي?:cool:
*مامعنى القومية بالنسبة لك ومهي تعريفها?كيف ممكن لشخص مثلا ان يصبح مصريا ,,,وهو من دولة اخرى:)
*مذكرات زوج تعيس اقصد سعيد...:)...كم بالمئة من نسج الخيال وكم منها من حياتك الحقيقية(مع اني لااتمنى لعدوي ان تكون هذه حياته:o لانه واضح حياة صعبة والزوج في كفاح مستمر حتى في بيته)

شكرا لسعة صدرك وبارك الله في وقتك:rolleyes:

ابن البلد
23-01-2003, 08:40 PM
في السريع

1- مصراوي أسم مستعار يدل علي حب و إعتزاز شديد لمصر ( تعليقكك علي هذه الجملة ؟؟؟

2- لماذا أتخذت من مواضيع أسلوب ساخر لعرض المشاكل هل لتأثرك بالمنتدي المشهور "الساخر" ؟؟

3- أمنياتك للمستقبل ؟؟؟؟؟؟؟بإختصار شديد :D

elshaeer
23-01-2003, 09:00 PM
أهلا بالأستاذ مصراوى ونرحب بك فى المنتدى
تخيل لو أنك وردة في بساتين الحب ..

تخيل لو أنك قلب ينبض بالرومانسية والحنان ..

تخيل لو أنك محبوب من الجميع ..

تخيل لو أنك في عالم الحب ..

بل تخيل أنك تسأل المصراوى..
:2:ما الفرق بين حبى لفتاة و الزواج منها؟
أى أنى أحب فتاة و أتزوج من غيرها
على فكرة أنا من الأسكندرية

:34: :16:

بنت مصر
23-01-2003, 09:18 PM
مصراوي

السؤال الاول
انت وقعت والا الهوا رماك؟؟:D

السؤال التاني
كيلو الرز فيه كام حباية؟ :rolleyes:

السؤال التالت
كم عدد سكان الصين وماهي اسمائهم؟:3:



بعد ما تجاوب على الاسئلة الرئيسية تجاوب لي
بالمستعجل على الاسئلة الثانوية (العامة) :D



1- ماهي المواضيع التي تستهويك للقراءة في المنتدى ولمن


2- ماذا تعني لك هذه الكلمات

مصر

الضمير

الحرية

منتدى لؤلؤة المشرق العربي

زوجتك :D

الصديق



3- ايه اللي قررته في الورقة العاشرة من اوراق زوج سعيد جدا



بسنت

deaa
23-01-2003, 09:50 PM
السلام عليكم ورحمة الله وبركاته......

اخى الفاضل .....مصراوى ...

البطاقه الشخصيه لك ...واهم حاجه انت خريج كلية ايه ..

متى اكتشفت موهبة الكتابه ....وماذا تمثل لك ....وهل حلولت تنشر فى اى من الجرائد او المجلات............

هل انت سعيد فى حياتك الزوجيه ...

master_of_hell
23-01-2003, 10:16 PM
مصراوى
جالك يوم يا عم
بس انا مش حسأللك حسيبك للاخر
بس استحمل يا عم

مصراوى
24-01-2003, 08:04 AM
بسم الله الرحمن الرحيم
أخى الحبيب محيى إبراهيم
الحقيقة إن تقديمك الرائع لشخصى المتواضع هو أكبر دليل على صادق الحب والأخوه التى نتبادلها ويعلم الله مكانك بقلبى
وأتمنى أنى أكون عضو محبوب فعلا فى المنتدى لأن من أعظم النعم تلك المشاعر الصادقه والجميله التى يتبادلها الإنسان مع كل من حوله
وانا فى إنتظار أسألتك

heba
24-01-2003, 08:09 AM
بسم الله الرحمن الرحيم

مصراوى وقعت فى ايد من لا يرحم
اهلا اهلا صباح الخير
1-متى بدأت تشعر بأن لديك ملكة الكتابه ؟
2-و من شجعك على الأستمرار بها حتى و صلت لهذا الأبداع؟
3-لماذا تعادى المرأه :mad::6:
4-اين باقى اليوميات؟
و تحياتى لك ايها المبدع
اختك هبة الله

مصراوى
24-01-2003, 08:31 AM
الاخت الفاضة Proud_Muslimah

ممكن تعرفنا بنفسك قليلا ومن هو مصراوي؟

إسمى: هشام
العمر: 36 سنه
الجنسيه: مصرى
الوظيفه: إستشارى تطبيقات برامج أوراكل
الحالة الإجتماعية : متزوج ولى 3 أولاد

مامعنى القومية بالنسبة لك ومهي تعريفها?كيف ممكن لشخص مثلا ان يصبح مصريا ,,,وهو من دولة اخرى

القوميه عندى هى أن أحب بلدى حبا إيجابيا بمعنى أن أعمل فعلا لما ينفع بلدى وبداية من أبسط الأشياء كأن أساعد أولاد بلدى فى الغربه ولا أيخل عليهم بم أستطيعه
وهناك نقطه مهمه جدا وهى أن دينى فوق أى إعتبار وأى مسلم هو أخ لى أفرح لفرحه وأتألم لألمه
أما كيف يصبح الشخص مصريا وهو من دولة أخرى فأعتقد أن مجرد حب أى إنسان لمصر يجعله مثل أى مواطن مصرى ومصر تحتضن الجميع بحب ينبع من قلوب أهلها الطيبن
وبالمثل فلا أحد منا إلا وفلسطين داخل قلبه وعقله وروحه
وهذا ينطبق من ناحيتى على كل بلد مسلم وما وجع قلوبنا على العراق ولبنان وكشمير والبوسنه والشيشان ببعيد

مذكرات زوج تعيس اقصد سعيد......كم بالمئة من نسج الخيال وكم منها من حياتك الحقيقية(مع اني لااتمنى لعدوي ان تكون هذه حياته لانه واضح حياة صعبة والزوج في كفاح مستمر حتى في بيته)
مذكرات زوج سعيد خيال مبنى على حقائق
ليست حقائق حياتى الشخصية طبعا والا لكان زمانى فى السجن أو مستشفى المجانين لكن أستطيع أن أقول إنها مبنيه على مانراه ونسمعه جميعا وما يحدث فى بيوت من يحيطون بنا
وهناك طبعا مبالغات لأغراض أدبيه لتعميق الشعور بالنفور من التصرفات السلبيه التى يمكن أن تنغص أى حياه زوجيه

وشكرا

مصراوى
24-01-2003, 09:15 AM
ابن البلد الغالى

1- مصراوي أسم مستعار يدل علي حب و إعتزاز شديد لمصر ( تعليقكك علي هذه الجملة) ؟؟؟

شوف يا سيدى انا سافرت الى السعوديه وعمرى 9 سنوات وذلك لان والدى كان يعمل هناك
وانهيت دراستى الثانويه هناك وكنا نقضى شهرين فقط فى مصر كل عام
فى هذه المرحلة تشكل داخلى حب الوطن
مش حقول كلا منمق وحتكلم على طبيعتى
شوق رهيب كنا بنحسه لبلدنا كنا بنعد الايام فعلا مش كلام كل يوم نقول فاضل كذا يوم وننزل مصر
مش ممكن انسى يوم الوصول وفرحته ويوم الوداع اللى مليان دموع
وبعد كدا فضل الحب ينمو وتتغير مفاهيمه بتغير المدارك والثقافه لكن فضلت مصر هى الفخر الكبير فى حياتى أفتخر جدا انى من اولاد اجمل بلد ومن وسط اطيب ناس
واول مره كتبت فى المنتديات كانت صدفه وبدون أى ترتيب لما دخلت منتدى يهتم بالسياحه ولقيت فيه صفحة عن مصر علشان الناس تتبادل فيه تجاربها عن السفر
المنتدى دا كان منتدى خليجى وذهلت لما لقيت موضوعات تسئ الى مصر بشكل رهيب وبعبارات مفزعه
فورا سجلت باسم مصراوى ودخلت وحطيت مشاركه بعنوان
( مصر الطيبه )
ماردتش على أى أحد فيها ولا رديت بالشتائم بالعكس
مليت المقال بمعلومات عن الاماكن الجميله فى مصر وازاى المسافر يستمتع ويتلافى اى سلبيات
بعدين دخلت على مقالة تانيه كان واحد بيحكى تجربته فى مصر ويصور اهلها لصوص وقوادين
شكرته على زيارته لمصر واعتذرت له عن اي اساءه تلقاها وقلت له ان كان ده اللى انت شفته فى مصر فانا حقولك اللى شفته فى السعوديه
وكتبت عن كل مميزات السعوديه وبصدق ومن القلب لانه شعب طيب برضه وفيه مميزات
اقسم لكم بالله دخل الرجل على الموضوع واعتذر واعلن خجله وحذف الكلام اللى كان كاتبه وكتب رد عن مصر اتكلم فيه عن انها بلد الشعراوى وكشك وكل العلماء والناس الطيبين
وبعدين نزل موضوع بعنوان اعتذار للاستاذ الطيب مصراوى ولكل مصرى
وكتب فيه ان القوافل كانت بتيجى من مصر الى السعوديه بالمساعدات
ده كان بدايتى مع المنتديات وحبى لاسم مصراوى

لماذا أتخذت من مواضيع أسلوب ساخر لعرض المشاكل هل لتأثرك بالمنتدي المشهور "الساخر" ؟؟

اولا السخريه هى جزء من تركيبتى وشخصيتى دايما اسخر من اى شئ لا يعجبنى
بالتالى تأثر اسلوبى بهذه النقطه
كما ان التنبيه على السلبيات داخل قالب ساخر يجعل الفكره اخف والطف واسهل فى الفهم واقرب للقلب وتظل ثابته فى الذهن ولا ننساها بسهوله

3- أمنياتك للمستقبل ؟؟؟؟؟؟؟بإختصار شديد

زوال كرب المسلمين والتمكين لهذا الدين
ان ارى بلدى فى احسن حال
ان اقابل ربى على طاعه وقد احسنت الى رعيتى واديت امانتى

سمسمة
24-01-2003, 06:05 PM
هاااااااااااااااااااااى شيبساوى
انا سمسمة
طبعا عارف من اسم كاتبة الموضوع:D

بس انا المرة دى عايزة اسال شوية اسئلة على مزاجى شوية
ماشى؟

1-ايه شعورك لما بتقف قدام المرايا؟
2-لما بتاكل اكلة مش عجباك؟
3-بتقعد كم ساعة على النت؟
4-بتحب الشكل يعنى التشاجر:D؟
5-واضح من كلامهم انك دمك خفيف كتيييييييييييير طيب بتزعل بسرعة؟
6-ايه اللى ممكن تعملوا لو مسكوا سمسمة قصدى حضرتك:D رئاسة فلسطين؟
7-فيه نوع معين من الكتابة مبتعرفش تكتبه ونفسك تكتبه
واذا كان فيه ايه هو؟
8-ايهما تفضل:شيبسى ولا لايز :D قصدى انك تقعد قدام التلفزيون ولا الانترنت
يعنى ايهما افيد بالنسبة لك او احسن ؟
9-لو ماكنش اسمك مصرواى ايه الاسم التانى اللى كنت هتختاره؟

انا ملاحظة ان كل اسئلتكم تلاتة هو انتم بتسئلوا تلاتة بس؟
اذا كانوا تلاتة خلاص يااستاذ محيى
انا هاعمل zip للاسئلة بتاعتى:D
مرتين ها؟
دة اذا كانوا تلاتة اما اذا ماكانوش خلاص اعملهم فك


البروف سمسم..:140:

مصراوى
25-01-2003, 06:42 AM
elshaeer
والله ياريت توجه الأسئلة دى لعبد الوهاب مطاوع
لكن رأى العبد لله إن الزواج عن حب شئ جميل
وشكرا

وادكول مش معقول
25-01-2003, 07:05 AM
صديقي العزيز ........... مصراوي

تكملة لاسئلة بسنت .......

وانت بتعد حبات كيلو الرز ......... لقيت كام رزايه مكسوره ههههههههههه ؟


كفاية تهريج بقه ونهزر شوية ......... ونسأل بقه في المفيد ....؟


1 - كتاباتك الساخرة عن المرأة .............. هل انت مقتنع بيها 100 في 100

2 - رأيك ايه في تجاوب المنتدي مع الموضوعات الساخرة ؟ وهل تري المنتدي ساحة مناسبة لعرض روائعك الساخرة ؟

3 - هل ما يضحك مصراوي ويثيره ؟
كوميديا الموقف بالافيه التلقائي ؟
اما الكوميديا السوداء ؟ ..............................ولماذا ؟

4 - من يضحك مصراوي من القلب ................
من الفنانين ؟
ومن الكتاب ؟
ومن المنتدي ؟

5 - هل مصراوي الضاحك الساخر .....
يضحك ويضحك الاخرين لان تلك طبيعة روحه ...؟
ام انه يضحك ويضحك الاخرين للترويح والترفيه عن روحه ؟



علي فكرة انا سألتك اسئلة عامة اهو ............ عشان انت ........

مصراوي وهتبقي زميل قريب ...........
مش هاقولك دلوقت ؟
شوية وهتعرف اقصد ايه ؟؟؟

مصراوى
25-01-2003, 07:36 AM
مين بنت مصر ؟
أهودا اللى أنا كنت عامل حسابه :p:p:p

انت وقعت والا الهوا رماك؟؟

الهوا رمانى ...... فوقعت :D

كيلو الرز فيه كام حباية؟

مش متاكد هل 17257 ولا 17275 إستنى ما تمشيش لحد اما اتاكد:p

كم عدد سكان الصين وماهي اسمائهم؟

1578117809543
بس دا لحد يوم الخميس اللى فات بالليل
أسماهم شن فى هو
كلهم نفس الأسم :D


ماهي المواضيع التي تستهويك للقراءة في المنتدى ولمن
تستهوينى المواضيع الأدبيه ثم المناقشات ثم قاعة لقاءات فى حب الله
وصدقينى لكل كاتب تميزه سواء فيما يكتبه أو ينتقيه لنا

ماذا تعني لك هذه الكلمات

مصر
جذور الحياه

الضمير

هو ما يميز الأنسان عن الحيوان والجماد

منتدى لؤلؤة المشرق العربي

مكان رائع ارتاح اليه نفسيا واخرج ما بداخلى

زوجتى
خير متاع دنياى لانها والحمد لله نعم الزوجة الصالحة

الصديق
للصداقة دور كبير جدا فى حياتى فانا ارتبط نفسيا باصدقائى واحبهم جدا واتمنى ان يديم الله على هذه النعمة

- ايه اللي قررته في الورقة العاشرة من اوراق زوج سعيد جدا

:2::2::2:

معلش حعمل خرق للقواعد واسالك سؤال
مين الشخص اللى دعيتيه للمنتدى وندمتى على دعوته ...... غيرى ؟
:D:D:D:D

Mrs. Virgo
25-01-2003, 08:02 AM
:D مصـــــــــراوي ..


اسئلتي .. سريه بحته .... :)
يعني ما حدش هيفهم اجوبتها غيري .. :)

:D علشان يومك مخصوص اشتريت كتاب علم النفس ده :D

يلى بقى .. نبدا ..


انت هتسافر .............
تحب تسافر ازاي .. وطريقك يكون شكله ازاي ..
اختار اجابه واحده من قائمه (1)
واجابه واحده من قائمه (2)
واجابه واحده من قائمه (3)

قائمه (1) - اداة السفر
الطياره ..
السياره ...
القطار ...
الباخره ...

قائمه (2) - نوع الطريق
صحراوي ..
جبلي ...
بحري ...
زراعي ...

قائمه (3) - شكل الطريق
متعرج ...
حلزوني ..
خط مستقيم ..
------------------------------------

لو وصلت لمكان ... فيه كهف ....

- تدخله ولا ما تدخلهوش ؟؟؟
------------------------------------

بأعتبار انك دخلت الكهف ..
ولقيت في الكهف ميه ...

- تفتكر ممكن تكون ايه (بحيره - بركه - ينبوع - عين) ولا ايه ؟؟
- نظيفه ولا متسخه ؟
- راكده ولا متحركه ؟
- تنزل فيها ولا لأ ؟

----------------------------------

لقيت مفتاح ... تفتكر مواصفاته ايه ...

- شكله (قديم - جديد - مصدي) ولا ايه ؟
- حجمه (صغير - كبير - طويل - قصير - رفيع - تخين) ولا ايه ؟
- نوعه (ذهب - خشب - حديد - نحاس) ولا ايه ؟

---------------------------------

لقيت فازا (مزهريه) ..

- شكلها ......... ( مكسره - مشققه - مدوره - جديده )
- نوعها ......... ( فخار - زجاج - طين - حديد - بلاستيك )
- حجمها ......... (كبير - صغير - وسط .. )

--------------------------------

وانت طالع من الكهف ...

لقيت خشبه ...
- تاخدها
- ولا تسبها تماما ولا تبصلها
- ولا تبصلها وتمشي

------------------------------

بعد ما طلعت ..
لقيت حيطه .. كبيره ..وطويله ..
وحاسس ان في حاجه وراها ....

- تطنش وتمشي ..
- تحاول تطلع تبص ولو معرفتش خلاص ..
- تعمل المستحيل علشان تعرف في ايه وراها


:D يلى جاوب .. :D

Proud_Muslimah
25-01-2003, 06:29 PM
ايه ده miss virgo ,,,سمسمة الله يصبرك عليهم استاذ وعليا انا كمان:p
يابنات اعملوا زي واسئلوا على 7مراحل علشان محدش يشك:cool:

احييك اخي على اجاباتك للاسئلة الله يبارك فيك ويزيدك من نعمته...

اسمح لي ان اسالك سؤالين ان سمح بذلك وقتك...
*ابنتك ستتزوج وجاءت لتسالك(ايضا) :)ماهي النصائح التي ستنصحها بها,,,مالذي يجب تجنبه مالشئ الذي يجب ان تركز فيها اكثر ما هو سر نجاح الحياة الزوجية,,,ماكثر شئ يكرهه الرجل ------وستجيبها من خلال خبرتك في الحياة.....

*هل هناك شئ اسمه حدود واسرار بين الاصدقاء المقربين...والى اي حد يكون الكلام في المواضيع الشخصية جدا مع هذا الصديق...
اقصد متى يعرف الشخص انه ليس له الحق ان يسال هذا الشئ او يعرف الشئ الاخر...


مع خالص احترامي وتقديري:)

مصراوى
27-01-2003, 09:48 PM
الأخوه والاخوات الأعزاء
اعتذر جدا لهذا التاخير
شويه بسبب عطل المنتدى
وشويه لانى كنت فى مامورية

بنت مصر
27-01-2003, 10:32 PM
طيب يعني انت اللي معطلنا اهو يا مصراوي مش غلق المنتدى :D

مصراوى
28-01-2003, 04:17 PM
البطاقة الشخصية
بالاضافة الى ماسبق
بلد المولد القاهره
الأقامه الاصليه القاهره النزهة الجديدة
حاليا بالسعودية
اختى ضياء

الاسم : هشام
العمر : 36 عاما



اولا اشكرك لأعتبارى موهوب
ثانيا انا لم تكن لى اى تجارب فى الكتابه حتى وقت قريب جدا منذ 4 شهور فقط
حيث كانت هوايتى الاساسيه هى القراءه منذ الصغر
بمعنى ان اى مصروف احصل عليه يوجه دائما لشراء كتب واذكر اننى كنت اتعامل مع مكتبه تبيع الكتب القديمه وباسعار بسيطه
أما موضوع الكتابه فقد بدأ كما حكيت فى اجابتى على ابن مصر فى منتدى عن السياحه
بعد ذلك أكتشفت الساخر واكتفيت بالقراءه لفتره وبعدين قررت اكتب
وصدقينى كانت النتيجة مفاجأه لى وخصوصا عندما وجدت تشجيع رائع من جمال حمدان وشبعان الخبز وتجاوب كبير جدا من الموجودين والحمد لله

أما ماذا تمثل لى الكتابه فهذا سؤال رائع
لقد فتحت لى الكتابه مجالا للتعبير عما بداخلى لان راسى يزدحم بالافكار والأراء ولم اكن استطيع التعبير عنها من قبل والان لدى الفرصه واعتقد اننى وجدت نفسى فى الكتابة ولن اتخلى عنها باذن الله

وبالنسبة لموضوع النشر فهناك فعلا شخص على اتصال بى حاليا لانه يريد ان ينشر لى فى مصر وطبعا حضراتكم حيكون اول من يعلم


انا اعتبر نفسى زوج سعيد والحمد لله لان زوجتى متدينه وتراعى الله معى ومع اولادها
وهناك سر اذيعه وهو ان زوجتى كانت زميله لى فى الكليه وفى نفس السنه وتزوجنا بعد التخرج بسنه ونصف تقريبا وخاضت معى تجربة الغربه وكانت لى نعم المعين
وبالمناسبه هى اول قراء الأوراق التى انشرها وتضحك بشده لما اكتبه

مصراوى
28-01-2003, 04:20 PM
master_of_hell
انا جمل فى التحمل
:D:D:D

مصراوى
28-01-2003, 04:30 PM
اختى heba

متى بدأت تشعر بأن لديك ملكة الكتابه ؟
بصراحه جانى الأحساس ده من موضوع الوزير وملابسى الداخليه لانه عمل ضجه واعجب كل اللى قرأه

من شجعك على الأستمرار بها حتى و صلت لهذا الأبداع؟
زوجتى و كل اصدقائى حيث كنت ارسل لهم على البريد الالكترونى عندما انشر شيئا وكما قلت من قبل اعتز جدا بتقدير جمال حمدان وشبعان وكل من قرأ لى وشجعنى من حضراتكم

لماذا تعادى المرأه
موضوع العداء للمرأه موجود طبعا لكن انا عدو للمرأه التى تنسى انها إ مرأه
المرأة التى تترك الرقه والحياء والأدب وما خصها الله به لتجرى وراء من يغرر بها تحت دعاوى المساواه وتحرير المرأه وهذه الخزعبلات
وفيما عدا ذلك فانا من اشد انصار المرأه

لبيوميات ستتوالى إن شاء الله

مصراوى
28-01-2003, 04:55 PM
الأخت سمسمه

ايه شعورك لما بتقف قدام المرايا؟شعورى لما اقف امام المرايا ( القرد فى عين امه غزال )

شعورى لما اكل اكله مش بحبها
الحقيقه انى بحب الاكل بكل انواعه يعنى اكيل واحب اجرب فى المطاعم واذا اكلت اكله لا تعجبنى حستحمل و أعدى الموقف لو معزوم مثلا
بتقعد كم ساعة على النت؟بقعد ساعاتين على النت تقريبا وساعات اكتر
هل تحب الشجار؟وهل بتزعل بسرعه
الشجار ابعد شئ عن طبيعتى وعمرى ما تشاجرت مع حد ويمكن زوجتى بتنتقد النقطه دى ساعات لانى احيانا بكون سلبى وممكن يكون عندها حق مش عارف بصراحه
وبرده مش بزعل بسرعه وحتى لو زعلت مش بقول اللى زعلنى بسهوله
ماذا افعل لو عرض على رئاسة دولة فلسطينلا يمكن اقبل اى منصب سياسى فى اى مكان اكره السياسه والسياسين واقولها بكل صدق السياسه مجموعة من الأكاذيب
تحب النت اكثر ولا التلفزيون
احب النت اكتر من التلفزيون

نوع الكتابه اللذى كنت اتمنى ان اجيده هو الشعر طبعا

لو مكنش اسمى مصراوى كنت احب يكون اسمى مصرى وبس

وشكرا

مصراوى
28-01-2003, 05:10 PM
واد كول مش معقووووول
يا عم حرام عليكم إنت وبنت مصر دى رابع مره اعد كيلو الرز

كتاباتك الساخرة عن المرأة .............. هل انت مقتنع بيها 100 في 100بالنسبه لكتاباتى الساخره عن المرأه انا مقتنع بها تماما لان هذه النماذج موجودة فعلا فى الحياة وانا اكتب لانبه كل من تقرا لى حتى لا تقع فى مثل هذه السلبيات

رأيك ايه في تجاوب المنتدي مع الموضوعات الساخرة ؟ وهل تري المنتدي ساحة مناسبة لعرض روائعك الساخرة ؟
بالنسبه للنقطه دى احب اتكلم عن طريقتى فى الكتابه
عندما اكتب موضوعا يكون الأساس فكره معينه داخلى ولكن اتعمد الكتابه باسلوب يفهمه كل قارئ حسب امكانياته او بالأحرى حسب رغبته
مثلا موضوع بيضك يا وطن
البعض اخذ الموضوع على انه نوع من الكوميديا للترفيه والضحك فقط وهذا لا عيب فيه
والبعض فهم المغزى الذى اريده وهو انتقاد تلك الهوجه التى تجعل من ابن او قريب اى مسئول مؤهل فورا ليكون قائدا وعبقريا
إذا انا احس ان الموضوع جيد عندما يتقبل اكثر من نظره لمختلف القراء
ومن هنا احس ان التجاوب دائما على المستوى الذى اتمناه
اما عن تناسب المنتدى لعرض مواضيعى الساخره فاعتقد انه مناسب جدا ويكفى التجاوب الجميل والحب الذى احاطنى واسعدنى من الجميع

هل ما يضحك مصراوي ويثيره ؟
كوميديا الموقف بالافيه التلقائي ؟
اما الكوميديا السوداء ؟ ..............................ولماذا ؟
الحقيقة انا احب المزج بين النوعين احيانا وان كنت افضل الكوميديا السوداء لانها فى رأيى المتواضع تعمق النفور للسلبيات التى تجتاحنا وتعالج فكره معينه

- من يضحك مصراوي من القلب ................
من الفنانين ؟
ومن الكتاب ؟
ومن المنتدي ؟
الممثلين : محمد صبحى
الكتاب : احمد رجب
المنتدى : العمده

هل مصراوي الضاحك الساخر .....
يضحك ويضحك الاخرين لان تلك طبيعة روحه ...؟
ام انه يضحك ويضحك الاخرين للترويح والترفيه عن روحه ؟

الضحك هو طبيعة متاصله داخلى وانا شخص مرح فى الحياة ايضا مع كل من حولى واحب ان ارى الضحكه على الوجوه


وشكرا

مصراوى
28-01-2003, 05:27 PM
miss virgo
كدا برده
ايه لزوم الفضايح
طبعا اى اجابة حقولها حتكون نتيجتها انى محتاج علاج نفسى
حاكم انا عارف غلاوتى عندك
:D

انت هتسافر .............
تحب تسافر ازاي .. وطريقك يكون شكله ازاي ..
اختار اجابه واحده من قائمه (1)
واجابه واحده من قائمه (2)
واجابه واحده من قائمه (3)

قائمه (1) - اداة السفر
الطياره ..
السياره ...
القطار ...
الباخره ...

الباخره

قائمه (2) - نوع الطريق
صحراوي ..
جبلي ...
بحري ...
زراعي ...

بحرى اكيد حمشى بالباخره فى الصحرا ( مش حتعرفى توقعينى):D
قائمه (3) - شكل الطريق
متعرج ...
حلزوني ..
خط مستقيم ..

خط مستقيم------------------------------------

لو وصلت لمكان ... فيه كهف ....

- تدخله ولا ما تدخلهوش ؟؟؟

أدخله فورا بحب الحاجات دى جدا------------------------------------

بأعتبار انك دخلت الكهف ..
ولقيت في الكهف ميه ...

- تفتكر ممكن تكون ايه (بحيره - بركه - ينبوع - عين) ولا ايه ؟؟
- نظيفه ولا متسخه ؟
- راكده ولا متحركه ؟
- تنزل فيها ولا لأ ؟


نظيفه راكده ومنزلش الا لو فيه ستات بتعوم فيها :D:D----------------------------------

لقيت مفتاح ... تفتكر مواصفاته ايه ...

- شكله (قديم - جديد - مصدي) ولا ايه ؟
- حجمه (صغير - كبير - طويل - قصير - رفيع - تخين) ولا ايه ؟
- نوعه (ذهب - خشب - حديد - نحاس) ولا ايه ؟

قديم
حجمه كبير وطويل وتخين بس السؤال ده ليه الله يسترك :confused::confused:
حديد طبعا---------------------------------

لقيت فازا (مزهريه) ..

- شكلها ......... ( مكسره - مشققه - مدوره - جديده )
- نوعها ......... ( فخار - زجاج - طين - حديد - بلاستيك )
- حجمها ......... (كبير - صغير - وسط .. )

مدوره فخار وسط

--------------------------------

وانت طالع من الكهف ...

لقيت خشبه ...
- تاخدها
- ولا تسبها تماما ولا تبصلها
- ولا تبصلها وتمشي
لا ما خدهاش
------------------------------

بعد ما طلعت ..
لقيت حيطه .. كبيره ..وطويله ..
وحاسس ان في حاجه وراها ....

- تطنش وتمشي ..
- تحاول تطلع تبص ولو معرفتش خلاص ..
- تعمل المستحيل علشان تعرف في ايه وراها

اعمل المستحيل علشان اكتشف اللى وراها

ادينى جاوبت ياريت تقولى النتيجه بسرعه
:rolleyes::rolleyes:

مصراوى
29-01-2003, 01:10 PM
الأخت

*ابنتك ستتزوج وجاءت لتسالك(ايضا) ماهي النصائح التي ستنصحها بها,,,مالذي يجب تجنبه مالشئ الذي يجب ان تركز فيها اكثر ما هو سر نجاح الحياة الزوجية,,,ماكثر شئ يكرهه الرجل ------وستجيبها من خلال خبرتك في الحياة.....
الشئ الذى يجب تجنبه هى النظرة المادية البحته
انا لا ادعو لتجنيب هذا العامل فهو احد جوانب نجاح الزواج ولكن المشكله فى تغليبه على كل شئ غير
هناك ايضا نقطة مهمة جدا هى تدين الزوج وشخصيته
اى شخص لا يعرف دينه مرفوض تماما ايا كانت مميزاته لانه لن يكون امينا على زوجته
ولابد من التركيز على الشخصية فانا اكره الرجل المهتز ضعيف الشخصي
اما مايكرهه الزوج فهو ( الأنتقاد ) وللاسف معظم الزوجات يقعن فى هذا الخطأ انتقاد تصرفات الزوج بصورة مباشرة يولد نوع من الحساسية وسرعة الغضب
الزوجة الذكية هى التى تعرف كيف تلفت نظر زوجها لاى تقصير بصورة لا تجرح كرامته

هل هناك شئ اسمه حدود واسرار بين الاصدقاء المقربين...والى اي حد يكون الكلام في المواضيع الشخصية جدا مع هذا الصديق...
اقصد متى يعرف الشخص انه ليس له الحق ان يسال هذا الشئ او يعرف الشئ الاخر...

طبعا هناك حدود وكمثال العلاقت الزوجيه من الناحية الجسدية وقد نبه الرسول صلى الله عليه وسلم لما يقع فيه الكثيرون من خطأ بهذه الناحية
واعتقد ان الانسان السليم الفطره يكون لديه احساس ومعيار لما يجب الا يتعرض له
وشكرا

Mrs. Virgo
03-02-2003, 01:47 PM
انت هتسافر .............
تحب تسافر ازاي .. وطريقك يكون شكله ازاي ..
الباخره
مصراوي مرح - تحب ان تعيش الحياه (كما تشتهي)

بحرى اكيد حمشى بالباخره فى الصحرا ( مش حتعرفى توقعينى)
مغامر - تحب الحياه والنساء ;)

خط مستقيم---------
أنت انسان مباشر - لا تخشى المواجهة

لو وصلت لمكان ... فيه كهف ....
أدخله فورا بحب الحاجات دى جدا------------
فضولي جدا ((يعني حشري)) :D

ولقيت في الكهف ميه ... - تفتكر ممكن تكون ايه ؟نظيفه راكده ومنزلش الا لو فيه ستات بتعوم فيها -----
:D انت وقعت نفسك هنا .. فعلا هو المقصود بالسؤال ده ..
هي حياتك الزوجيه :o طبعا حضرتك فاهم قصدي .. :D
يعني انت نظرتك للحياه الزوجيه "نظيفه - راكده "
وما تدورش على الحاجه .. لأ .. تستنى لما تجيلك :D

لقيت مفتاح ... تفتكر مواصفاته ايه ...
قديم
حجمه كبير
وطويل
وتخين بس السؤال ده ليه الله يسترك
حديد طبعا------------
شخصيتك قويه صلبه - لا تضعف بسهولة :D (بس بتضعف)


لقيت فازا (مزهريه)
مدوره فخار وسط
الفازا تدل على علاقة والديك ببعض ..
مستمره (ما شاء الله)
متغيره .. لكن مستقره :rolleyes:
--------------------------------

وانت طالع من الكهف ...
لقيت خشبه ...
لا ما خدهاش
الخشبه هي المشاكل ....
انت لا تفكر في حلول لمشاكلك كثيرا ..
بل تتركها لتحل نفسها بنفسها ...
"يعني زي ما تيجي تيجي" :D

بعد ما طلعت ..
لقيت حيطه .. كبيره ..وطويله ..
وحاسس ان في حاجه وراها .... اعمل المستحيل علشان اكتشف اللى وراها
ده حبك للحياه ... انت من نوع الأشخاص المتمسك بالحياه جدا جدا ..
فانت مقاوم قوي للمرض - لليأس ...

كان نفسي بجد اسئلك ثاني وثالث وعاشر ..
بس المنتدى قفل 3 ايام ... :( حظك نار ..

معلش اني اتأخرت عليك في الرد ........
بس بجد كنت مشغوله .. :)

مصراوى
04-02-2003, 06:41 AM
تعرفى حاجه يا miss virgo
هو دا انا فعلا ياريت تقولولى على عنوان الكتاب
وعجبتنى حشرى دى أوى
:D:cool::cool::cool:
الف شكر على الرد
وياربنبارك لك بالنجاح
و أشوفك كدا فى اولى أعدادى السنه الجايه
:D:D:D

Mrs. Virgo
04-02-2003, 10:19 AM
:eek: اعدادي ؟؟؟


:mad: احنا مش قلنا في هدنه ؟؟؟
:mad: بس لو عايز تشعل الحرب مره ثاني انا مستعده ..

:41:
:53:
:52:
:97:
:96:
:120:
:144:
:137:
:mad:

وادكول مش معقول
04-02-2003, 10:24 AM
هههههههههههههه بتجيبه لنفسك يا جدع

انا رأي بقه تتدرب من دلوقت علي ال ...........

وادكول مش معقول
04-02-2003, 10:25 AM
او اقولك بلاش ملاكمة وخليك في ......

Mrs. Virgo
04-02-2003, 02:29 PM
:rolleyes: كووول .. انت عايز اي اثنين يتخنقوا ..
وتقوم جاري جايب القبقاب والمقص .. :mad:

وادكول مش معقول
04-02-2003, 02:39 PM
خناقة ايه لا سمح الله ........................؟

دي رياضة جماعية...........ملاكمة ومبارزة ....................؟

وبعدين اكمنك ملكيش في رياضة غير الفردية اللي زي ..............

وادكول مش معقول
04-02-2003, 02:59 PM
مصراوووووووووووووووووووووووووووووي


انا رأي تخلع وتنفد بجلدك لان فيرجوووو ناويلك نيه منيله باين ؟؟

مصراوى
05-02-2003, 07:16 AM
Miss Virgo
هدنه ليه بس
هو فيه الذ من الخناق معاكى
:D:D:D
وانت ياعم كوووووووول
هو انت على طول شغال ولعه كدا
اشوف فيك يوم حلو ويوم ..............................

























حلو برده
ما هنش عليه
:D:D

وادكول مش معقول
05-02-2003, 07:56 AM
ماشي بس ممكن اليوم الحلو التاني يبقي يوم ....................









اربعاء .......

اصلي مش فاضي .............ههههههههههههههه


بس الا انت صحيح انت ليه عاوز تنتحر ............ فيه واحد عاقل في الدنيا يرفض هدنة مع بنت ............. ويتمني الخناق ......

انت مسمعتش اللي قابلنا قالوا ايه ............؟
.........
........
.......

بلاش بقه لانهم ملحقوش يقولوا الخناق جاب اجلهم قبل ما ينطقوا ........

Mrs. Virgo
05-02-2003, 11:01 AM
:D معلش يا كوول ..

ماهو رافض الهدنه لأ ني ما بعتلهوش الصوره بتعتي لغاية دلوقتي ..
مع الرسايل الشخصيه .. إلي قالكم عليها .. :D ..

------------- اقتباس ------------------

كاتب الرسالة الأصلية : مصراوى ....

كل واحده بعتت لى رسائل خاصه تؤكد انها بتموت فى خفه دمى
وانها تتمنى الارتباط بيه علشان تغير فكرتى عن الستات

-------------------------------------------

عموما .. مش هتأخر عليه كثير ..
وهخليه هو يطلب الهدنه بنفسه :D

لما يشوفها ............ :D



















:D










:D










:D

مصراوى
05-02-2003, 11:07 AM
انتى اللى قولتى أهو
وعموما صورتك جميله جدا
خصوصا صوابعك
:D:D:D:D

Mrs. Virgo
05-02-2003, 11:17 AM
:mad: مش فاهمه .. يعني في هدنه ولا لأ .. :confused:

وادكول مش معقول
05-02-2003, 11:19 AM
يا ختي كتاكيتو بني ...........
http://www.00fun.com/kiss_war.gif

ياختي قمر .......
















احمدك يارب .......................... اني متجوز .....

maistro
16-02-2003, 04:15 PM
مصراوى العزيز
تحية طيبة
أعتقد أننى وصلت متأخرا ونظرا لظروف ما لن أستطيع الآن طرح أى أسئلة ولكنى فضلت أن أكتب لك هذه التحية لشخصك الكريم المحترم الراقى .
سأدخل مرة أخرى لطرح اسئلتى بعد قراءة كافة المشاركات .
تحياتى وتمنياتى لك بالتوفيق
بلا شك أتفق مع مقدمة الأخ العزيز / محيى فلقد شعرت بك من خلال مشاركاتك الرائعة والجميلة .
المايسترو

مصراوى
17-02-2003, 09:42 AM
الاخ الكريم مايسترو
يشرفنى مرورك فى اى وقت
وانا بالنتظار مع كل المودة

deaa
17-02-2003, 04:26 PM
السلام عليكم ورحمة الله وبركاته ...

الإخ الكريم ...مصراوى ...

اولا كان لى سؤال لم تجبنى عليه ....

حضرتك خريج ايه ...

الجديد ....

اولا ....ما هو الحلم الذى كلما تقوله للناس ...يقولك ....ياعم انت بتحلم ..الكلام ده عمره ما هيتحقق ؟؟؟؟

ثانيا ..ان شاء الله عند دخولك الجنه ما هو اكثر مكان تريد ان تكون فيه واكثر عمل تريد ان تقوم به ؟؟؟

ثالثا ...انت ذكرت ان زوجتك ساعات بتقول انك سلبى ...عذرا اخى ...ما هى السلبية بالنسبة لك ؟؟؟

جزاك الله خيرا ..

مصراوى
18-02-2003, 07:14 AM
أختى ضياء
أولا حمدا لله على سلامتك شكلك غرقانه فى مشاريع الكليه:D
أنا خريج كلية التجارة وإدارة الأاعمال حلوان ( ايام ماكانت فى أجمل مكان على النيل فى الزمالك );););)
دفعة 1988 قسم محاسبه
نيجى للأسئله

ما هو الحلم الذى كلما تقوله للناس ...يقولك ....ياعم انت بتحلم ..الكلام ده عمره ما هيتحقق ؟؟؟؟

حلمى فرصة عمل لكل شاب فى بلدى لأن فى رأيى إن البطاله والفراغ أساس كل المصائب
حلمى تطبيق أحكام الشريعه الأسلاميه على الكبير قبل الصغير عندها ستختفى كثير من الصور السلبيه التى نعانيها
حلمى مسكن كريم ولقمة عيش بالحلال لكل مصرى لأن كل مصرى يستاهل دا وأكثر
حلمى الحرية والنصر لكل مسلم ولكل عربى
حلمى ان تمس جبهتى ارض المسجد الأقصى وسط أخوتى الفلسطنين فى بلدنا وهى محرره

ان شاء الله عند دخولك الجنه ما هو اكثر مكان تريد ان تكون فيه واكثر عمل تريد ان تقوم به ؟؟؟
اللهم بلغنا الدرجات العلا من الجنه
المكان الى جوار رسول الأنسانية العظيم محمد صلى الله عليه وسلم
أما العمل فهو ان اظل فى بر وخدمة والدى أسأل الله ان يجمعنى بهم فى جنته

انت ذكرت ان زوجتك ساعات بتقول انك سلبى ...عذرا اخى ...ما هى السلبية بالنسبة لك ؟؟؟

السلبيه التى تقصدها زوجتى هى أننى مسالم زياده عن اللزوم ، كثيرا ما يخطئ البعض فى حقى ولا اتخذ منهم اى موقف
وهذه نقطه موجودة فعلا فى شخصيتى ولكن لا استطيع ان اتغلب عليها

لكن مفهوم السلبية فى نظرى مختلف
السلبيه فى نظرى هى الامتناع عن عمل الخير وعدم اسداء النصح لمن استطيع ان انصحه

وجزاكِ الله كل خير

محمد البنيان
18-02-2003, 07:55 AM
الحقيقة الاولى
ماعندي سؤال ابدا
حبيت اشارك في الموضوع
وحبيت اعرف هل هي دائرة ضوء
او
دائرة حلبة
ههههههه
الحقيقة الثانية
مواضيعك اخي واستاذي مصرواي جدا قيمة وله هس خاص
ومن الواجب ان اتعلم منها

ملاحظة
عودة للحقيقة الاولى
وادكول مش معقول
المشاغبة
هدي اللعب شوية مصرواي مايستاهل دا
ترى انا انضم معا

من محب لك





من محب لك

العمدة
18-02-2003, 10:22 AM
كما أنت كاتب رائع فأنت كذلك محاور أكثر روعة .

أخي وصديقي الحبيب أسعدتني إجاباتك وكشفت عن جزء كبير

وكبير جداً عن شخصيتك الهادئة الجميلة .. سلمت لنا ودمت رائعاً :)

لم يترك الأحبة لي أسئلة فلم يتركوا شيء .. فلقد وفوا وكفوا كما يقال.

ولي سؤال من جزئين وكل جزء من شقين وكل شق من نقطتين وكل نقطة

أخي الحبيب من .... :D

ما هو أخر كتاب تشرف بعيون أخي مصراوي ؟

ولمن تقرأ أكثر ؟

ماذا يتوقع مصراوي من القمة القادمة إن تمت ؟

في وقت الفراغ ماذا يفعل مصراوي .. غير النت طبعاً ؟

أكتفي وللعلم لم أكن متواجد وقت طرح الموضوع والحقيقة أنني مقصر جداً

فأرجو المعذرة :(

للجميع التحية :)

مصراوى
19-02-2003, 08:18 AM
الأخ محمد البنيان
شرفنى مرورك أخى الغالى
وأتمنى أن تظل مواضيعى دائما عند حسن ظنك
تحياتى وتقديرى