المساعد الشخصي الرقمي

مشاهدة النسخة كاملة : ديدي علي كرسي التعارف



الصفحات : [1] 2

أم أحمد
02-12-2005, 03:29 PM
السلام عليكم ورحمة الله وبركاته

اخواني في الله اعضاء ومشرفي ابناء مصر يسرني اليوم ان اعلن عن خبر جميل الا وهو جلوس عضو جديد من أبناء مصر عروسة المنتدي .. اطيب انسانة قابلتها... وذو صدر رحب تحب الخير للكل وانسانة حبوبة جدا.. ستكون لنا الفرصة للتعرف علي ديدي علي كرسي التعارف وهي الحمد لله قد وافقت علي ذلك بكامل اردتها :d يعني مفيش اي ضغط عليها ولا حاجة وده معناه انها ذات صدر رحب وسوف تتقبل جميع الاسئلة التي سوف تعرض عليه من قبل الاعضاء والمشرفين

اخواني ارجو منكم عدم الاكثار من الاسئلة والا يزيد عدد الاسئلة في كل مشاركة عن اسئلة حتي يتسني ديدي ان تجيب عليها كلها ونعطي لغيرنا ايضا المجال لذلك واطلب منكم ايضا عدم وجود احاديث جانبية في الموضوع بمعني ان يقتصر الموضوع علي توجيه الاسئلة ديدي وتقوم ديدي بالرد عليها وذلك للحفاظ علي رونق الموضوع وجماله وعدم خروج الموضوع عن الهدف الاساسي له


اتفضلي يا ديدي علي الجلوس علي كرسي التعارف ومده الجلوس هي اسبوع ان شاء الله سوف تبدا من اليوم الي يوم الخميس المقبل ان شاء الله ويمكن لك ان تجاوبي علي جميع الاسئلة واللي مش عجبك ما تردش عليه وتجاهليه تماما بس ما تزودهاش اوي وما ترديش علي كل الاسئلة وتقولي لا تعليق :d

في رعاية الله ،،،

أم أحمد
02-12-2005, 03:32 PM
السلام عليكم و رحمة الله و بركاته

اهلاً و مرحباً بك ديدي منورة الكرسي يا جميل معنا و هنبدأ بالأسئلة التقليدية كالعادة الا و هي بطاقتك الشخصية انا اعرف بعض بياناتك الشخصية بس اكيد في اعضاء كتير عاوزين يعرفوها ودي فرصه لذلك

الإسم:

تاريخ الميلاد:

الجنسية:

محل الإقامة:

المهنة:

الحالة الإجتماعية:

هواياتك المفضلة:

طيب ده سؤال علي خفيف كده هارجعلك تاني ان شاء الله

*3* *3*

الصعيدي
02-12-2005, 03:46 PM
الأخت الفاضلة .. ديدي
أعتبرها رمز العطاء الصامت في المنتدى .. بلا حدود .. كما هو بلا ضجيج
أشعر دائما في موضوعاتها .. على ندرتها .. كشأن النفائس دائما .. بالنقاء .. وحب الخير .. ولغة حوار رقيقة هادئة .. تجعل الموضوع رائعا .. كعروس المنتدى
كثيرا ما تشارك ديدي .. في موضوعات الصعيدي ( من غير قافية ولا حاجة .. هههههههه ) .. والحقيقة أسعد جدا بمشاركاتها .. وأنتظر تواجدها .. وأسعد دائما بآرائها
أحب أسأل ديدي .. وهي عروسة جديدة .. أسأل الله أن يبارك لها .. أسئلة بسيطة .. أشعر إنها من أفضل من يجيب عليها
عن المرأة .. ودورها كأم وكمصنع للأجيال .. ومربية لقادة المستقبل .. كيف تنظر ديدي لهذه المهمة .. وكيف تستعد لها
وعن الزواج .. والبيت الجديد .. اللي هو أهم لبنة في مجتمعنا .. ياترى نظرتها ليه إيه .. وإيه أمنيتها وطموحها لهذا البيت
وكفاية كده .. عشان ادي فرصة لغيري .. أنا سعيد جدا إني أول واحد يسجل حضوره هنا .. تقريبا مش بادخل يوم الجمعة .. ولكن النصيب بقى
إلى الغالية ديدي أقول .. ألف مبروك مرة أخرى بالزواج السعيد .. وأشكرك كل الشكر على عطائك الرائع بالمنتدى .. ومشاركاتك القيمة مع الصعيدي .. وتقبلي تحياتي *8*

الدكتورة نسيبة
02-12-2005, 04:21 PM
ديدى عروستنا الحلوة

والله تسلم ايدك يا ام احمد انا اتبسطت خالص لما لقيت ديدى على الكرسى

انا بس حبيت اسلم عليكى واقولك منورة الكرسى ولو فيه اسئلة هرجع تانى

تحياتى ليكى يا حبيبتى

حنـــــان
02-12-2005, 05:23 PM
ديدي الرقيقة الهادية البسيطة.
أهلا بيكي عالكرسي وألف مبروك يا عروستنا.

لو فكرت في سؤال حاجي http://www.3e6r.net/data/media/22/ccpixie11a.gif

hmoda
02-12-2005, 07:15 PM
بسم الله الرحمن الرحيم
ديدى اهلا بك
وانا اسمى الحقيقى علاء فوزى
من من الممكن
الاسم الحقيقى
اسن
العمل
المدينه

ديدي
02-12-2005, 07:46 PM
السلام عليكم و رحمة الله و بركاته

اهلاً و مرحباً بك ديدي منورة الكرسي يا جميل معنا و هنبدأ بالأسئلة التقليدية كالعادة الا و هي بطاقتك الشخصية انا اعرف بعض بياناتك الشخصية بس اكيد في اعضاء كتير عاوزين يعرفوها ودي فرصه لذلك

الإسم:

تاريخ الميلاد:

الجنسية:

محل الإقامة:

المهنة:

الحالة الإجتماعية:

هواياتك المفضلة:

طيب ده سؤال علي خفيف كده هارجعلك تاني ان شاء الله

*3* *3*
وعليكم السلام ورحمة الله وبركاته
صديقتى الغالية ام احمد اشكرك جدااا على ثقتك الكبيرة دى وربنا يقدرنى واكون عند حسن ظن الجميع بى
ويكون الكرسى بتاعك دا مريح :)
ونبتدى بقى الرد على الاسئلة
الاسم : داليا (ديدى)
الجنسية : مصرية
محل الاقامة : دمياط
المهنة : بكالوريوس تجارة شعبة محاسبة لكن لا اعمل
الحالة الاجتماعية : متزوجة مع ايقاف التنفيذ :d (يعنى مكتوب كتابى)
هوايتى المفضلة : الكمبيوتر ؛ منتدى ابناء مصر ؛ القراءة
تنورى فى اى وقت يا ام احمد بس ياريت تخفى ايدك فى الاسئلة

وردة النيل
02-12-2005, 08:19 PM
*3* *3* *3* *3* والله انا فرحانه جدااااااااااا ان الرقيقه ديدى على كرسى التعارف وان كلنا هنعرفها عن قرب بجد اللى يعرفها عن قرب هيحبهاااااااااااااااااااااااا اكتر من الاول كمان وانا سعيدة جدا بمعرفتها عن قرب وانا بجد نفسى اسالها اسئله ياماااااااااااااااااا واولها ايه هى مقومات شخصيتها الرقيقه والرزينه يعنى شخصيه الجميله دى وكمان لو مكنتيش عايشه فى الرزمن د ه ايى زمن كنت تحبى ان تعيشى فيه ولماذا وكمان ماذا تعنى للديدى هذة الكلمات(الحب , التفائل , القسوة ,الحنان , الدنيا , الدرا الاخره, ال صداقه , الوفاء , الخيانه , ماذا تفعلى عند رؤيه ضحه او دموع طفل صغير او ضحكه او دموع رجل كبير او ام ,ما التفر ق بين الكرامه ولاعتزاز بالنفس والغرور,ماذا يضحك ديدى وما الذى يبكياها ) وكفايه عليكى كده المرة بسلى عودة:d :d اصلى مش هسيبك الا لما استفيد اكبر استفاده هو كل انت كل يوم على كرسى التعارف *4* من لختك وردة النيل انى احبك فى الله*3* *3* *8* *8* *6* *6* *3* *3*

الصاعق
02-12-2005, 09:21 PM
اختي العزيزة

مااسعدني بجلوسك على كرسي التعارف فأنت من اكثر الشخصيات المحببة لكل اعضاء المنتدى

اسئلتي باختصار

كيف تعرفت إلى النمتدى

أي القاعات احب إلى قلبك

على أي اساس تقيمين الأعضاء

ما هي اكثر الصفات التي تكرهينها بالشخص

وما هي اهم الصفات التي يجب ان تكون موجودة في الشخص من وجهة نظرك

دمت بخير

بسمة أمل
02-12-2005, 09:30 PM
بسم الله الرحمن الرحيم
حظى الجميل انى اول مرة اتابع موضوع تعارف من اوله يكون مع عروستنا الجميلة
اهلا بيكى يا ديدى على كرسى التعارف ومنوراه بجد
يلا نبدأ الأسئلة:
ما هى هوايتك المفضلة فى وقت الفراغ؟
هل قابتلى هذة الصفات النادرة فى حياتك: الصديقة الوفية - الانسان الصادق -الإنسان الطيب فعلا
ماذا يمثل منتدى ابناء مصر لكِ وماذا استفدتى من تواجدك به
ماهو المجال الذى تحبى القراءة فيه : السياسة الأدب الفلسفة....الخ
وايه احب كتاب ليكِ
اول قاعة بتفتحيها فى المنتدى؟؟؟
لو كنتى مضايقة ايه اول مكان بتلجأيله؟؟
كفاية كدة يا ديدى عليكى
وربنا يوفقك يارب دايما فى كل حاجة تعمليها*3*
والسلام عليكم*8*

ديدي
02-12-2005, 09:54 PM
الأخت الفاضلة .. ديدي
أعتبرها رمز العطاء الصامت في المنتدى .. بلا حدود .. كما هو بلا ضجيج
أشعر دائما في موضوعاتها .. على ندرتها .. كشأن النفائس دائما .. بالنقاء .. وحب الخير .. ولغة حوار رقيقة هادئة .. تجعل الموضوع رائعا .. كعروس المنتدى
كثيرا ما تشارك ديدي .. في موضوعات الصعيدي ( من غير قافية ولا حاجة .. هههههههه ) .. والحقيقة أسعد جدا بمشاركاتها .. وأنتظر تواجدها .. وأسعد دائما بآرائها
أحب أسأل ديدي .. وهي عروسة جديدة .. أسأل الله أن يبارك لها .. أسئلة بسيطة .. أشعر إنها من أفضل من يجيب عليها
عن المرأة .. ودورها كأم وكمصنع للأجيال .. ومربية لقادة المستقبل .. كيف تنظر ديدي لهذه المهمة .. وكيف تستعد لها
وعن الزواج .. والبيت الجديد .. اللي هو أهم لبنة في مجتمعنا .. ياترى نظرتها ليه إيه .. وإيه أمنيتها وطموحها لهذا البيت
وكفاية كده .. عشان ادي فرصة لغيري .. أنا سعيد جدا إني أول واحد يسجل حضوره هنا .. تقريبا مش بادخل يوم الجمعة .. ولكن النصيب بقى
إلى الغالية ديدي أقول .. ألف مبروك مرة أخرى بالزواج السعيد .. وأشكرك كل الشكر على عطائك الرائع بالمنتدى .. ومشاركاتك القيمة مع الصعيدي .. وتقبلي تحياتي *8*
الاخ العزيز ابو يحيى
اشكرك جداا على كلامك الجميل ويارب دايما اكون عند حسن ظنك بى
سؤالك لى من اهم الاسئلة اللى بحاول اسلح نفسى بالاجابة عليها خصوصا وانا داخلة على مرحلة جديدة فى حياتى بكل المقايس ويارب اكون قدرت اوصل لاجابة مناسبة ومنتظرة منك تقييم اجابتى
والله مهمة تربية الابناء دى اصبحت من اهم واخطر المهام اللى بتقع على عاتق المرأة اللى هى الام فى المقام الاول فى ظل المتغيرات الرهيبة اللى بنعيشها وزمن العولمة والتكنولوجيا
ومع احترامى للجميع أرى ان تفرغ الام للمهمة دى مهم جدااا وخصوصا اذا كان زوجها من ذوى الاعمال اللى مشغول طول الوقت فانا مثلا زوجى طبيب وما ادراك بوقته عامل ازاى
عن عملية الاستعداد للمهمة دى بحاول اسلح نفسى بالقراءة المتعددة فى هذا المجال سواء من الجانب النفسى او التربوى لان الجمع بين الاتنين مهم جدااا كما انى بحاول بقدر الامكان الالمام بقدر مناسب من المعلومات عن كل ما هو جديد من حولى وكيفية تاثيره على الشباب وبصفة خاصة الاثر السلبى
اما عن الزواج بصفة عامة الحمد لله انا ست بيت شاطرة بشهادة زوجى ومثقفة ومش مملة زى ما هو بيقول :) وبحاول بقدر الامكان طبعا اكون السكن والمودة والرحمة والحمد لله ربنا رزقنى بزوج طيب جدااا
اما عن البيت الجديد اتمنى انه يكون هادىء ويكون هو افضل مكان لزوجى للراحة والسكينة ودى من اهم مميزات البيت الناحج وكمان مهم جداا عدم المغالاة فى تجهيزه ويكون فى حدود الامكانيات المتاحة لنا حتى لاارهقه وتكون بداية حياتنا معنا سلسلة من المشاكل كما حدث للعديد
اخى الغالى الله يبارك فيك واشكرك جدااا على مرورك الكريم وطرحك للاسئلة اللى اول مرة توجه لى من خلال صفحات المنتدى اللى اكيد كشفت لكم عن جانب اخر من شخصيتى
تحياتى وتقديرى لشخصك الكريم
*8*

ديدي
02-12-2005, 10:09 PM
صديقاتى الاعزاء الغالين ميرا وحنان
اشكركم جدااا على مروركم وكلامكم الجميل
وفى انتظار عودتكم مع الاسئلة ان شاء الله

الوطواط الفدائى
02-12-2005, 10:38 PM
طب أما أشارك فى الحوارات بتاعتكوا دى بقا
ممكن ..؟
أه ممكن .
اه .. طب كويس
يعنى أسأل ..؟
أه اسأل ياعم براحتك
حاضر ..ألف شكر المهم أسألتى كالتالى..
!/ بما إنك من دمياط ..فإذن كان عندكوا انتخابات امبارح.. فهل يا أستاذتنا نزلتى و أدليتى بصوتك فى الانتخابات ؟
2/ هل أدليتى بصوتك بكل حرية وبدون أى ضغوط ..؟
3/ وناوية تحضرى الاعادة ولا لأه ...؟
4/ و إن كنتى ناوية .. فإيه رأيك فى شعار ( الإسلام هو الحل ) ..؟
5/ أنا عارف إن كل الأسئلة دى من وجهة نظرك مش موضوعنا ومش منضمن أهداف هذه القاعه .. لكن هى بالنسبة لى هتوضح لى أجزاء من طبيعة شخصيتك .. يعنى الأسئلة من صميم الموضوع ....ودلوقتى السؤال الأخير .. عاوزه تجاوبى على الأسئلة دى ولا لأه ..؟

مع العلم بأنه لكى مطلق الحرية فى الرد على أى سؤال شأت او لم تشئى

مع وافر تحياتى

السلام عليكم ورحمة الله وبركاته

ديدي
02-12-2005, 10:38 PM
اختى وصديقتى الغالية وردة النيل
اهلا وسهلا نورتى الموضوع
مقومات شخصية اى انسان بيتحكم فيها عاملين
عامل داخلى وهو التربية والنشئة وعامل خارجى وهو الثقافة والتعليم وكمان الاصدقاء بياثروا فى تكوين الشخصية
الحب : هو الامل دائما
التفائل : لا اؤمن التفائل والتشاؤم لان كل شىء فى حياتنا مقدر من المولى عز وجل
القسوة : مطلوبة احيانا
الحنان : بامكانه ياثر القلوب والعقول فى ان واحد
الدنيا : سلسلة من التجارب والمتغيرات لا تنتهى الا بانتهاء الحياة
الدار الاخرة : حصاد الحياة الدنيا
الصداقة : عملة نادرة الوجود فى هذا الزمن
الوفاء والخيانه:وجهان لعملة واحدة هى الانسان وكل منا يستطيع اختيار الوجه المناسب له
دموع الاطفال لا احتملها وغالبا ابكى لاجلها
اما ضحكة الطفل تملئنى امل
ما الفر ق بين الكرامه ولاعتزاز بالنفس والغرور
الاعتزاز بالنفس هو شعور الانسان باهمية كرامته
اما الغرور فانا لا احبه ولا اهوى الحديث عنه ربنا يحفظنا منه
الذى يضحكنى هو الاحساس بالسعادة وخصوصا لمن حولى
الذى يبكينى مشهد الدموع او الالم لا استطيع احتماله
اشكرك جدااا على مرورك وفى انتظار عودتك مرة اخرى

الوطواط الفدائى
02-12-2005, 11:07 PM
أه بالحق يا ديدى
معلشى سؤال أخير كدا ع الماشي .. بس دا سؤال ملح ياريت أشوف إجابته ع الأكثر بكره الصبح
بما إنك بئا بكالوريوس تجارة .. وشعبة محاسبة كمان فيبقا انتى بقا بت مخلصة فى المحاسبة الضريبية
المهم
عندى سؤال صغير
فسرى لى معنى البند دا ...
* إيرادات الأوراق المالية فى شركات تابعه عبارة عن كوبونات أسهم شركة مساهم تابعه تمتلكها الشركة عند التأسيس وقد ثبت أن الشركة التابعه سددت الضريبة على أرباحها .
دا بند مسألة فى المحاسبة الضريبية ( الضريبة على أرباح شركات الأموال )
والله يعنى لو انتى متخرجة من زمااان .. فأنا مقدر الأمر .. فمافيش داعى تجاوبى ع السؤال دا
اما بئا لو مخلصة قريبة .. فانجدينى بسرعه قبل بكره الظهر

مستنييييييييييى الاجابة
،|||ــــ( معلش يمكن شكلى كدا غيرت مجرى الموضوع خااااالص )ــــ|||،

ديدي
03-12-2005, 10:14 AM
اخى العزيز الصاعق
اشكرك جداا على تواجدك وكلامك الجميل واتمنى ان اظل عند حسن ظن الجميع بى
تعرفت على المنتدى عن طريق الصدفة وجدت عنوانه فدخلت استطلع ومن يومها ماخرجتش تانى
كل قاعات المنتدى باحس بقربى منها الحمد لله لكن اكتر قاعة بحبها القاعة العامة لتنوع موضوعاتها
او مقياس لتقييم العضو هو الاداء المحترم يعنى العضو اللى بيشارك باحترام والتزام شديد من اول لحظة هو اللى بيلفت نظرى
اكثر صفة اكرهها فى الشخص المراوغة لان انا الحمد لله انسانة مباشرة على كل المستويات
اهم صفة يجب ان تكون موجودة فى الانسان حتى يتميز بالرقى الامانة والموضوعية والاعتزاز بالنفس
اشكرك مرة تانيه
تقبل تحياتى وتقديرى

Abdou Basha
03-12-2005, 10:29 AM
أهلا يا ديدي....
منورة الموضوع والقاعة بجد ..:)

عندي شوية أسئلة /\*4*

1- إيه أصعب لحظات حياتك ..؟؟
2- مين أقرب إنسان ليكي ..؟؟
3- لو كنتي مدخلتيش تجارة .. كنتي دخلتي كلية إيه ..؟؟

كفاية كده عشان متقلش عليكي..*3*

Amira
03-12-2005, 11:58 AM
السلام عليكم و رحمة الله و بركاته
أذيك يا ديدي منورة الكرسي يا جميل
أنا هاسأل علي طول
لو جاتلك فرصة شغل كويسة جدا بعد الجواز - هاتقبليها و لا هاترفضيها ؟؟ مع ذكر السبب في أي وضع للأجابة
كفاية عليا كدا دلوقتي
تمنياتي الطيبة لك دائما بكل خير :f2:
أميـــرة

mshmsh73
03-12-2005, 12:05 PM
ديدى حببتى اختيار جميل لشخصيه جميله

- احب اسال ايه هو اصعب قرار اخدتيه فى حياتك
- لماذا مقوله قلب مازال ينبض
- ممكن سؤال شخصى هل تم الارتباط عن حب ام كان تقليدى
كفايه كده دلوقتى ولو فى تانى حرجع
سعدت بك على الكرسى يا داليا

boukybouky
03-12-2005, 12:35 PM
يا هلا يا ديدي منورة الكرسي يا قمر

معلش متأخرة شوية أنا بس علشان السفر زي ما انت عارفة

يلا مش هطول عليكي انا شايفة ما شاء الله الأسئلة كتيرة

* وصفة في السريع لكي يحافظ الفرد علي علاقته الجيدة مع الآخرين

* يا تري هل لديك قدر من التسامح؟ و إن كان نعم هل أتي عليك يوم و ندمتِ علي ذلك؟

* متي تقرر ديدي أنها تحتاج إلي وقفة مع نفسها أولاً ثم مع الآخرين؟ و ماذا تفعلين حينها؟

بس كده مفاية علشان تلحقي تردي ههههههههههه

في رعاية الله ،،،،

ماما زوزو
03-12-2005, 01:07 PM
بسم الله الرحمن الرحيم
السلام عليكم ورحمة الله وبركاته
ابنتى العزيزة الحبيبة الغالية جدااااا
ديـــــــــــــــــــــــدى *3* *8*
حقيقى اشكر قمر الليل لختيارها
وانت منورة الكرسى حبيبة قلبى
دعواتى الله عز وجل لك بالصحة
والسعادة والخير والنعيم والهنا مع عريسك
وان يجعل كل ايامكم سعادة وافرااااح ...
وان شاء الله يرزقكم ربنا بالذريه الصالحة
بيتهيألى انى ماعنديش سؤال لانى طبعا
انت بالنسبة لى كتاب مفتوح قرأته كثيرا
لك كل تقدير وتحية ...

ديدي
03-12-2005, 04:13 PM
اخى hamoda
انا اسفة جداا اخطأت فى الترتيب ولم اقم بالرد على اسئلتك
ولكنى اجبت عليها بالفعل فى ردى على اسئلة ام احمد
تقبل تحياتى

ديدي
03-12-2005, 04:24 PM
اختى وصديقتى الغالية بسمة امل
انا اللى حظى جميل بمشاركتك الجميلة اهلا بيكى ياحبيبتى
هوايتى المفضلة فى وقت الفراغ قبل الكمبيوتر كانت القراءة بلامنافس ولكن اعترف الان انه الكمبيوتر والنت والمنتدى بصفة خاصة بياخد معظم وقتى
الصديقة الوفية : شىء نادر اوى لكن اؤمن بوجوده واكيد صادفته رغم قصر عمره
الانسان الصادق : زوجى العزيز ادامه الله لى
الانسان الطيب فعلا : والدى الغالى ادامه الله لى
منتدى ابناء مصر مهما قلت عنه لن اوفيه حقه
اولا بيتى اللى بحسه فيه بالراحة والهدوء والرقى بين اخوة واخوات اعزاء جدااا على قلبى
منتدى ابناء مصر غير مسار حياتى لانى دخلته وانا كنت بامر بمرحلة عدم اتزان شديدة جدااا ووقفة مع نفسى لاعادة حساباتى
وكم ساعدنى تواجدى بينكم على تخطى المرحلة دى
احب القراءة فى الادب وعلم النفس
كل ادباء مصر العظماء كتبهم صديقة لى احسان عبد القدوس و نجيب محفوظ
كما تعجبنى كتب الدكتور عادل صادق
احب كتاب الى هو القرآن الكريم
اول قاعة افتحها فى المنتدى حاليا هى قاعة الادارة
لو كنت متضايقة دائما الجأ لغرفتى وافضل الجلوس وحدى
ميرسى اوى يا بسمة على مرورك الجميل
*3* *3* *3*

ديدي
03-12-2005, 04:28 PM
الوطواط الفدائى اهلا وسهلا بك
ايوه كان فعلا عندنا انتخابات لكنى لم انزل ولم ادلى بصوتى لان لى تحفظات كتيرة على الانتخابات والمرشحين
ويبقى بالتالى مش ناويه احضر الاعادة
اعتقد انى كدا جاوبتك على كل اسئلتك اجابة لا تحتمل الشك
اشكرك على مرورك
تقبل تحياتى

ديدي
03-12-2005, 04:32 PM
اخى الغالى عبد الرحمن اهلا بك
ميرسى على ترحيبك
اصعب لحظة فى حياتى اللحظة اللتى اختار فيها المولى عز وجل والدتى رحمها الله الى جواره
اقرب انسان لى هو زوجى
حقيقى كلية التجارة دى مكنتش امنيتى بالمرة لكن ظروف المجموع بقه :d
عموما كنت اتمنى ادخل هندسة مثل والدى لكن تخصص كمبيوتر
شكرا لك على تشريفك الموضوع
تقبل تحياتى وتقديرى
*8*

ديدي
03-12-2005, 04:37 PM
العزيزة الغالية برنسيس (اميرة)
اهلا وسهلا
وانا هادخل على الاجابة على طول
انى اقبل او ارفض فرصة عمل بعد الجواز دا قرار مش فى ايدى لوحدى قرار فيه طرف تانى هو زوجى
فى حالة عدم وجود اطفال ممكن يكون الموضوع محل نقاش
اما فى حالة وجود طفل ان شاء الله فلن اطرحه للنقاش اساسا
لان مسئولية تربية الاطفال عندى تتعارض تماما مع فكرة عمل الام
ميرسى جداا على مرورك يا اميرة وتعالى واسأ لى زى ما انتى عاوزه يا حبيبتى
*8* *3*

أحمد ناصر
03-12-2005, 04:44 PM
مش ممكن يا ديدى
بجد الصعيدى والصاعق وجميع الأخوة والأخوات خلصوا على الكلام الذى كنت أريد أن أمتدحك به
والحقيقة أنك تستحقين كل خير وأنت أهل لذلك بفضل الله
وأنا شخصيا أعتبرك من أفضل إخوتى هنا فى المنتدى
وأحس كثيرا بالراحة عندما أقرأ مشاركاتك الرقيقة والهادئة والمتزنة
وأدعو لك ولزوجك أن يتمم الله لكما على خير ويرزقكما بالذرية الصالحة إن شاء الله
وحتى لا أطيل عليك فى الأسئلة
والإجابة ليست إجبارية
ما هو أجمل حلم حلمتى به وتحقق
وما هو حلمك الذى لم يتحقق بعد
*168*

ديدي
03-12-2005, 04:45 PM
اختى الغالية مشمشة
اهلا وسهلا بك
اصعب قرار اخدته فى حياتى هو قرار ارتباط قبل زواجى دا بحوالى سنتين كان قرار صعب اوى والحمد لله كان اختبار من ربنا سبحانه وتعالى
مقولة قلب مازال ينبض القلب هو مصدر النبض ونبض الانسان هو انذار بانه مازال حى يرزق
فقلبى مازال ينبض وانا لازلت احيا
ارتباطى كان عن قصة حب عمرها 10 سنوات وباعتبره رضا من ربنا سبحانه وتعالى
اشكرك جداا على مرورك وفى انتظار عودتك

ديدي
03-12-2005, 05:02 PM
يا اهلا يا اهلا بوكى بوكى
صديقتى الغالية دا نورك انتى يا حبيبتى*3* *6*
الف حمد الله على سلامتك
لكى يحافظ الفرد علاقته بالاخرين يحب ان يكون صادق مع نفسه اولا قبل ان يكون صادق معهم
ان يكون انسان مباشر اقصر طريق بين نقطتين هو الخط المستقيم
الحمد لله لم ياتى يوم ندمت فيه على تسامحى مع الاخرين
احتاج وقفة مع نفسى عندما اخطىء لاعادة حساباتى ووقفة مع الاخرين عندما اجد ان حسن ظنى بهم ليس فى محله
اشكرك جدااا على مرورك يا رورو*3*

ديدي
03-12-2005, 05:05 PM
حبيبة قلبى ست الكل
ماما زوزو الغالية
اشكرك جدااا على مرورك بالطبع انتى الوحيدة اللى مش ممكن يكون عندها سؤال لى بدون اجابة
تحياتى وتقديرى *3* *3* *3*

ديدي
03-12-2005, 05:11 PM
اخى العزيز الغالى احمد ناصر
ربنا يكرمك والف شكر على كلامك الجميل اتمنى انى اظل عند حسن ظنك بى دائما



ما هو أجمل حلم حلمتى به وتحقق


اجمل حلم حلمت به وتحقق ارتباطى بزوجى والحمد لله



وما هو حلمك الذى لم يتحقق بعد


ان يرزقنى الله سبحانه وتعالى بالذرية الصالحة
اشكرك جدااا على تشريفك للموضوع واسئلتك الجميلة
لك منى كل التحية والتقدير
*8*

حسام عمر
03-12-2005, 05:43 PM
لم اعلم بالموضع الا الان


سأقرء الموضوع جيد


ثم اسأل


وكل الامانى الطيبه لكى يا ديدى

حسام عمر
04-12-2005, 03:44 AM
بعد ان قرأت


ممكن اسأل

شكرا


ما الكليه التى كنتى تتمنى دخولها


ماذا كنتى تتمنى ان تكونى


هل تعتبرين ابناء مصر اضافه لكى ام انتى اضافه لهم


السؤال التقليدى


لو عزمتى ناس من منتدى ابناء مصر وانا منهم طبعا ما هى الاصناف اللى حتكون على المائده


واسردى برحتك


واتمنى لكى كل السعاده والتوفيق فى حياتك

وسلامى لكل الاسره الكريمه


اخوكى

حسام عمر

العمرساعه
04-12-2005, 07:53 AM
نورتي يا ديدي اولا كيف الحال انشاء الله تكوني بألف خير ثانيا ماهو السؤال الذي لم يسأله احد وكنتي تتمنين ان يسـأل؟؟ وتودين الاجابه عليه, واعتبريه سؤالي بعد اذنك ،،، ثالثا ماهو السؤال الذي لم يسأل ولو سؤل لن تجيبي عليه ؟؟؟ وهذا لاتعتبريه سؤالي،،، تحياتي لكي ولزوجكي , اخوكي العمرساعه

ديدي
04-12-2005, 09:53 AM
اعزائى ابناء مصر الغالين
استسمحكم فى الغياب عنكم لمدة يومين
لانى مضطرة اسافر اسكندرية اليوم لمدة يومين وبعدها سوف اعود لمواصلة الرد على اسئلتكم
تحياتى للجميع
وهتوحشونى جدااا من دلوقت*8* *8* *8*

boukybouky
04-12-2005, 11:30 AM
ترجعي بالسلامة يا ديدي ان شاء الله

و هنشيلك الأسئلة حتي تردي عليها عند عودتكم بإذن الله

لا تطيلي علينا الغياب

في رعاية الله ،،،

أم أحمد
04-12-2005, 12:08 PM
تسافري وترجعي بالسلامة يا ديدي
في انتظارك ان شاء الله

SwEeT CaT
04-12-2005, 12:53 PM
ترجعي بالسلامة ان شاء الله

في انتظارك

حسام عمر
07-12-2005, 06:48 PM
الظاهر انه السيرفر كان عارف انك حتسفرى


فوقع المنتدى يومين

daria
07-12-2005, 11:00 PM
طيب يا ديدي ارجعي بالسلامة ان شاء الله

الحمد لله يا ديدي اني عرفت انسانة زيك في المنتدى
انتي كتير وقفتي جنبي وشجعتيني وكنتي كويسة معايا جدا
ودة مش عشان حاجة غير انك فعلا انسانة جميلة بكل المقاييس

وانا _وانتي عارفة _ بتمنالك كل خير من قلبي
ودة عن حب كبير جوايا ليكي

مش حاقولك صفات حلوة فيكي ...
انتي كلك حلوة

بصي انا مش مجهزة اسئلة دلوقتي لاني سلمت نمر وحنام
باذن الله اما ترجعي
دمتِ صديقتي
إيمان

hmoda
07-12-2005, 11:42 PM
فى رعاه الله ياديدى
وتعودى لنا
انشا الله فى كامل
الصحه والسلامه
http://70dd

عصفور الشعر
08-12-2005, 06:43 AM
بسم الله الرحمن الرحيم


خيتى الكريمه ((عروسة المنتدى )) ديدى*8*


منوره كرسى التعارف :) ... وفرصه ممتازه اننا نتعرف عليكى أكثر واكثر .. وأحب بدورى أسألك بعض الاسئله




1- ماهى نظرتك للفن بصفه عامه . وهل لكِ أى علاقه بأى مجال فنى من قريب او بعيد (( سواء موهبه او تذوق لفن معين))؟



2- على ضوء اهتمامك بالتبحر فى علم النفس .. كيف تصفين لنا النفس البشريه ..من الناحيه النفسيه؟



3- لو قدر لكى ان تعملى مراسله صحفيه لمدة ربع ساعه .. كيف تصفين لنا المشاهد والأحداث... التى تمت فى انتخابات الاعاده ...لعضوية مجلس الشعب .. بمسقط رأسك ومقر اقامتك ..((دمياط))؟



4- ماهى الدوله او المدينه التى تتمنين زيارتها ...((غير مكه والمدينه))...ولماذا؟



واخيرا السؤال المعتاد



املائى الفراغ بالعضو المناسب ((مع عدم اختيارالمحاور توت فى ملء أى فراغ .. ))


عضو يعجبك اسمه ..........

عضو تحسيه هادىء .........

عضو تتمنى تشوفيه .........

عضو نفسك تهديه باقة ورد

عضو مشااارك وفعال .......

عضو مجنون شويتين .......


عضو رقيق جدا ..............

عضو يستاهل الضرب .......

عضو تحسيه مرتب جدا في مواضيعه

عضو بسرعة يغضب ........

عضو تحبى تتابعى مواضيعه...

عضو ما بتشوفيه بالمنتدى الا نادرا

عضو يحب الخير لاخوانه بالمنتدى

عضو يحب يجادل كثير

عضو تحبى تغيرى اسمه


مع خالص احترامى وتحياتى

خوكى

توت*3*

مظلوووم
08-12-2005, 07:02 AM
مش عيب يا جماعه ما حدش يقولى ان عروستنا ديدى على الكرسى واعرف من برا من شريط اخبار المنتدى هههههههههههههههههههههه
اولا اهلا بيكى يا ديدى ومنوره الكرسى ومنورانا كلنا *8* *8*
ومعلش على التاخير والله وانتى عارفه ان الموقع كان واقع عديها بقى هههههههههه :d
وكالعاده انا هاسال كام سؤال صغنتوتين *9*
اولا بما ان ديدى مشرفتنا فى فك التكشيره ايه اطرف موقف عدى عليكى؟
ثانيا قرار اتخذتيه فى حياتك وحمدتى ربنا على اختيارك دا؟
ثالثا ايه التعديلات اللى تحبى تدخليها فى المنتدى؟
رابعا شخصيات اثرت عليكى فى المنتدى مين وليه ؟
يالا يا باشا جاوب دول ولو لينا فى العمر بقيه نعدى تانى ههههههههههههههههه :d
ويجعلوا عاااامر بيكى دايما يا ديدى
انووووووووووبيس

ديدي
08-12-2005, 09:17 AM
احبائى ابناء مصر الغالين الله يسلمكم
لقد عدت وحشتونى جداااا
ونبتدى باسئلة اخى العزيز حسام عمرو
الكلية اللى كنت اتمنى دخولها هى الهندسة وقسم كمبيوتر بالتحديد
اتمنى ان اكون زوجة ناجحة باذن الله
اعتبر ابناء مصر بالفعل اضافة لى
لو عزمت ابناء مصر على الغداء طبعا هاتكون سفرة عامرة بكل انواع السمك الجمبرى بما انى اسكن فى مدينة تشتهر به
وكمان اجيد طبخ كل انواعه والحمد لله
وبالهنا والشفا
تحياتى لك واشكرك جدااا على مرورك الجميل

hmoda
08-12-2005, 08:04 PM
اختى فى الله
حمدله على سلمتك
واهلا بكى مره اخره
اتمنا من الله ان
تكونى سعتى
فى الايام المضيه
ام على سئالى
هل من ممكن
اعرفك اكثر من ذالك
ام لا
فانا احب الاصدقاء جدا
فهل تقبلينى
صديق واخ
مخلص جدا
اشكرك جدا

ديدي
11-12-2005, 03:03 PM
صديقتى الغالية ايمان منورة الموضوع يا قمر
ميرسى اوى على مرورك وكلامك الجميل
منتظرة اسئلتك انتى عارفه اد ايه مهمة عندى

*3* *3* *3*
*8*

ديدي
11-12-2005, 04:01 PM
اخى العزيز توت عصفور الشعر (محمود)
اهلا وسهلا بك منور الموضوع


ماهى نظرتك للفن بصفه عامه . وهل لكِ أى علاقه بأى مجال فنى من قريب او بعيد (( سواء موهبه او تذوق لفن معين))؟


الفن شىء راقى جدااا وسيلة ممكن من خلالها نعبر عن اى شىء نحب نقوله وان كان بطريقة غير مباشرة
موهبتى مع الفن هى التذوق الكتابات المختلفة من شعر وقصة واحب الخواطر الادبية



2- على ضوء اهتمامك بالتبحر فى علم النفس .. كيف تصفين لنا النفس البشريه ..من الناحيه النفسيه؟


النفس البشرية بمنتهى البساطة عبارة عن تركيبه بياثر فى تكوينها عوامل كثيرة منها التربيه والتعليم واهم شىء تاثرها بالبيئة المحيطة بها سواء داخلية او خارجية



لو قدر لكى ان تعملى مراسله صحفيه لمدة ربع ساعه .. كيف تصفين لنا المشاهد والأحداث... التى تمت فى انتخابات الاعاده ...لعضوية مجلس الشعب .. بمسقط رأسك ومقر اقامتك ..((دمياط))؟

*120* للاسف *13*



- ماهى الدوله او المدينه التى تتمنين زيارتها ...((غير مكه والمدينه))...ولماذا؟

تركيا ... لانى سمعت وشفت كتير عن جمال المناظر الطبيعية والمعالم الاثرية بها

عضو يعجبنى اسمه ... ماما زوزو
عضو احسه هادى ... احمد ناصر
عضو اتمنى اشوفه ... ناس كتير كل اصدقائى وهما عارفين كويس انى مشتاقة اشوفهم جدااا
عضو نفسى اهديه باقة ورد ... كل اعضاء المنتدى
عضو مشارك وفعال ... العضو دا عندى بيختلف كل فترة يعنى مش ثابت وحاليا ممكن نقول الدكتورة نسيبه
عضو مجنون شويتين .... *120* انت عاوز تودينى ورا الشمس ولا ايه :) :d
عضو رقيق جدااا ... عصفور الشعر *5* معلش عارفه ان فى تنبيه بس دى حقيقة :)
عضو يستاهل الضرب ... اى عضو مشاغب وبلاش ذكر اسماء
عضو تحسيه مرتب جدا في مواضيعه ... د/عادل والصعيدى وفاضل
عضو بسرعة يغضب ........ صديقتى باشمهندسة عسولة
عضو تحبى تتابعى مواضيعه... كل الاقلام الجادة فى المنتدى
عضو ما بتشوفيه بالمنتدى الا نادرا ... بنت شهريار
عضو يحب الخير لاخوانه بالمنتدى ... ابن البلد
عضو يحب يجادل كثير ... عمرو صالح
عضو تحبى تغيرى اسمه ... داريا لانى نفسى اعرف معناه :d

شكرا على مرورك الجميل خوى توت
تقبل تحياتى وتقديرى
*8*

بنت شهريار
11-12-2005, 04:22 PM
اختى الغاليه ديدى
انا اسفة انى جيت متاخر..وواضح ان الاخوة الافاضل خلصوا كل الاسئله
بس احب اسأل سؤال..

ما هى اكثر صفة تحبيها فى زوجك؟؟
تقبلى تحياتى عزيزتى..

مريانا
11-12-2005, 06:56 PM
اختي العزيزة ديدي لك مني اطيب التحيات ومنورة الكرسي

سؤالي ما هدفك في الحياة؟
ولي مرور ثاني انشالله
مريانا

ديدي
12-12-2005, 01:31 PM
اخى العمر ساعة اشكرك على مرورك
والحقيقة سؤالك غريب كنت اتمنى تسأل سؤالك بشكل مباشر
فى انتظار عودتك


اختى سويت كات اهلا وسهلا بك
ميرسى على مرورك