المساعد الشخصي الرقمي

مشاهدة النسخة كاملة : تحت دائرة الضوء ( والضيف خالد بن الوليد )



محيي ابراهيم
19-01-2003, 11:18 PM
اعضاء المنتدى
نشكر الجميع على تعاونهم في انجاح هذه المشاركة الامر الذي يدلل على جدية الكل وحب الجميع لنا ولمنتدانا.
وبعد ان اسعدتنا ( طعمية ) بردودها الساخنة والجريئة نتمني تجدوا نفس السعادة والمتعة مع ضيفنا الجديد للحلقة خالد ابن الوليد مشرف قاعة لقاءات في حب الله وهو كما يقول عن نفسه ان اسمه الاول عصام مصري جدا ومقيم بالسعودية ويعمل مبرمج كومبيوتر ويعشق الكومبيوتر وله صفحة خاصة يعتبرها بيته الثاني بعد منتدى اللؤلؤة وهي http://www.hailguide.net/ ولكنها صفحة غير موجودة على الشبكة ولست ادري لماذا ؟:D اما بريده الالكتروني فهو لايعتبره سرا callessam@yahoo.com وكذلك رقم icq الخاص به 40770794 وهذا كل مااستطعنا ان نعرفه عنه والباقي متروك لكم ولأسئلتكم ومرحبا بعصام ( خالد ابن الوليد ) في دائرة الضوء

master_of_hell
20-01-2003, 01:27 AM
اهلا بخالد ابن الوليد
مشرف قاعة لاقاءت فى حب الله والتى تعتبر اكثر قاعات المنتدى نشاط
خالد ابن الوليد صاحب الفكر الهادف والهادئ والمتزن
والذى ينشر داخل المنتدى روح من المحبة والسلام بمواضيعه وردوده

1_ من هو خالد ابن الوليد ؟
2_ كيف يستطيع الفرد العادى ان يصل بأسلامه ليكون منهج حياة فى رائيك ؟

واسمحى افساح المجال لباقى الاعضاء
وربنا يعينك عليهم

heba
20-01-2003, 08:07 AM
بسم الله الرحمن الرحيم

اخى خالد ابن الوليد
1-ما هى اجمل لحظه فى حياتك؟
2-ايهما تحب اكثر مكه ام المدينه؟
3-ما الذى تتمناه لقاعتك فى المنتدى؟
اظن كفايه عليك كده يا خالد انا جاهدت علشان اكون الأسئله دى
تحياتى لك

deaa
20-01-2003, 08:16 AM
السلام عليكم ورحمة الله وبركاته

اخى الفاضل .........
اخيرا هعرف اسأل حد.......قبل ما الناس تسأله .......

اخى الفاضل .......

البطاقه السخصيه .......؟؟

كيف تتلقى العلوم القرآنيه ؟؟

وجزاك الله خيرا

خالد بن الوليد
20-01-2003, 09:58 AM
السلام عليكم ..
أولاً أخي الاستاذ محيي ابراهيم .. شكراً ليك على الاستضافة و اتاحة الفرصة .. و انتهز الفرصة علشان احييك كمان مرة على قلمك الرائع و افكارك الجميلة :)

أما بالنسبة للصفحة الشخصية ( هية مش شخصية قوى ده الموقع بتاع شركتنا اللى انا بديره و هو شغال بقالو سنة و نص و موقعشي غير امبارح :D

خالد بن الوليد
20-01-2003, 10:04 AM
أخي ماستر ..
شكراً ليك على كلامك الجميل .. بارك الله فيك :)

1_ من هو خالد ابن الوليد ؟

هوة هوة عصام الفاتح :) .. بنى آدم .. بيحاول يقلد الناس الكويسة .. جدودنا و امهاتنا .. الرسول عليه السلام و الصحابة .. لكن مش عارف .. بيحاول..

2_ كيف يستطيع الفرد العادى ان يصل بأسلامه ليكون منهج حياة فى رائيك ؟
ان شاء الله ده ممكن يكون بسيط جداً لو كل واحد ابتدا بنفسه ..اصلح نفسك .. هتلاقي سلوكك نفسها تعتبر دعوة الى الله من غير متقول ولا كلمة .. و بعدين اهل بيتك .. زوجتك و اولادك و والديك كمان ..
عيش لللإسلام .. كل واحد ينوي نية طيبة و و الله ان الله سوف يأخذ بيده و يساعده ..
شكراً ليك أخي .. و أى أسئلة تانية انا في الخدمة :)

خالد بن الوليد
20-01-2003, 10:11 AM
أختي العزيزة هبة :)
-ما هى اجمل لحظه فى حياتك؟
و الله الحياه بالنسبة لي مليانه لحظات جميلة جداً .. بس مش عارف قصدك حاجة حصلت فعلاً ولا حاجة اتمناها ؟ :)
عموماً من أجمل لحظات اللى حصلت في حياتي لما اختاروني الطالب المثالي في الكلية :D
و بعدها لما قابلت خطيبتي لأول مرة :o
بلاش احراج بقى :)

2-ايهما تحب اكثر مكه ام المدينه؟

واضح من السؤال أختي انك فاكراني سعودي ؟ ولا ايه ؟ :)
عموماً انا مصري و عايش في السعودية .. بحب مكة و المدينة جداً .. بس بصراحة مكة ( الحرم ) فقط .. جوه الحرم عالم تاني .. لكن أول ما بطلع ببقى نفشي اروح المدينة .. ممكن اعيش في المدينة العمر كله مزهقشي ولا ثانية ..
كفاية جوار الحبيب عليه السلام :)

3-ما الذى تتمناه لقاعتك فى المنتدى؟
اتمنالها كل خير :D
اتمنى انني يكون عندي وقت اكتر من كدة علشان اكبرها و انفذ كل الافكار اللى في دماغي و افكار الناس النشيطة اللي زيك كدة اللى عاملين دعم قوي جداً للقاعة .. اتمنى كمان انها تساهم و لو بالقليل في التوعية لدينا الجميل و نشر الدعوة ..
شكرا ليكي يا هبة :)

heba
20-01-2003, 10:16 AM
بسم الله الرحمن الرحيم

خالد ابن الوليد
انا باسألك السؤال على اساس انك عايش فى السعوديه سواء سعودى او مصرى يا اخى العزيز 0
تحياتى و ربنا يخلى لك خطيبتك يارب و يسعدكم0

Proud_Muslimah
20-01-2003, 11:11 AM
السلام عليكم:)
الى الاخ الذي ليس من ابي وامي...الى اخي في الله...الى اخي الصغير:)
ايوه صغير بقه...
كل الاحترام والود اقدمه اليك ...
بما اننا نعرف بعض من زمان (10 senen?) :)
فاحب ان اسالك...كيف تستطيع ان تميز بين الصديق الحقيقي والصديق المؤقت?
- ماهو السر وراء احتفاظك باصدقائك ....اقصد ان تكون محبوبا عندهم لهذا الحد:)?
-كلمة واحدة فقط تصف بها خطيبتك...ماذا ستكون هذه الكلمة ياترى:)?

في النهاية
الى الذين لايعرفون عصام و بحكم معرفتي البسيطة به,احب ان اعرفكم به اكثر:)

انه الصديق الذي تجده دائما عندما تحتاجه...هو من يعطي الاولوية لاخوانه في الله على حياته الشخصية...هو الصديق المخلص والاخ الوفي الصادق...هو من لايبخل عليك بالنصيحة والمساعدة...هو المكافح الذي لايعرف الياس او الاستسلام:)وهو الذي يعطي ولاينتظر شئ في المقابل
هو فعلا نعم الاخ ...
وانا فخورة به جدا جدا...:cool:

اجري انا بقه اشوفكم كمان سنة...:3:

:7::7::7::7::7:

ابن البلد
20-01-2003, 01:56 PM
أساله

1- تأثير الغربه عليك ؟؟

2- من هو الشخص او الداعيه الذي تأثرت به ؟

3- أكتر شيء إستفادته من المنتدي ؟

بسيطه اههووو

وادكول مش معقول
20-01-2003, 02:03 PM
اخي العزيز .........

انا مش هاطول عليك واغلس عليك زي ما بأغلس علي الباقيين .....

1 - هل جعل اسمك في المنتدي خالد بن الوليد صدفة ام عمدا ؟
ولماذا هذا الاسم بالتحديد؟


2 - ما الصفات التي تحبها في الصديق ؟ وهل وجدت ولو بعض منها في احد اعضاء المنتدي ؟


3 - ماذا تمثل لك صداقتك بطعمية ؟

elshaeer
20-01-2003, 02:07 PM
أهلان بالأستاذ خالد بن الوليد
أريد أسألك سوءال و أنا مصرى مثلك
ما الفرق بين حبى لفتاة و الزواج منها؟
:34:
elshaeer@arabia.com

خالد بن الوليد
20-01-2003, 02:22 PM
أختي العضو النشيط ضياء ..:)
مرحباً بك :)
البطاقه السخصيه :D.......؟؟

الاسم : عصام محمد الفاتح أبوطالب ..

مصري .. مواليد الرياض و عايش بالسعودية من سنتين تقريباً ..
24 / 4 / 1979 .. يعني 24 سنة الا ربع :o
الأخ الثاني لخمسة اخوات و أخت واحدة :)
خاطب الآنسة اللى كلنا عارفينها ( مي الفاتح ) :o
مشرفة قاعة سيدتي الجميلة ..
( معلومة جديدة علشان خاطرك يا ضياء بس ):D

كيف تتلقى العلوم القرآنيه ؟؟
في الحقيقة مش عارف قصدك كيفية التلقي ( يعنى المصادر ) و لا انا بعتبره ايه بالنسبة لي ؟ معلش وضحي السؤال تاني و انا هرد عليكي ان شاء الله :)

خالد بن الوليد
20-01-2003, 02:26 PM
اختي هبة .. طيب يا فندم .. متزقيش :)

و على فكرة انا بيني و بين المدينة 550 كيلو .. و بينى و بين مكة 850 كيلو
:D

خالد بن الوليد
20-01-2003, 02:37 PM
:)
أختي الغالية جداً و الكبيرة Proud_Muslimah
يعني مش عارف اقول ايه بس ربنا يخليكي :) هية عشرة عمر بجد :)

...كيف تستطيع ان تميز بين الصديق الحقيقي والصديق المؤقت?
في الحقيقة يا براود 90 % بيبقى إحساس .. سبحان الله بتكلم مع الواحد من دول 12 كلمة
الاقيني حسيت كدة من جوايا ده من انه نوع فيهم ..
و الاحساس ده بيكون صح بنسبة 90 % برده :o :)
و 10 % بقى من خلال المعاملة و التجارب .. كمان بحب ادرس ظروف الصديق كويس علشان متوقعشي منو اللى مش ممكن يعمله .. فاهماني :) ;)

- ماهو السر وراء احتفاظك باصدقائك ....اقصد ان تكون محبوبا عندهم لهذا الحد?الحمد لله .. بس يعني انا مش محبوب لهذا الحد :o
بصراحة الموضوع مكلف و مش سهل .. يعني سهل قوي يبقى ليك اصدقاء كتير .. لكن صعب جداً الاحتفاظ بيهم كلهم مقربين .. العبد لله بحاول اكون دائماً موجود لما يحتاجوني .. و كفاية أني بكون مبسوط لما همة يتبسطوا :D.. و زعلان لما هما بيزعلوا :(
و مش عارف ايه كمان .. ممكن تسأليهم و تقوليلي ;)


-كلمة واحدة فقط تصف بها خطيبتك...ماذا ستكون هذه الكلمة ياترى?
الرقة :cool:

في النهاية
الى الذين لايعرفون عصام و بحكم معرفتي البسيطة به,احب ان اعرفكم به اكثر

انه الصديق الذي تجده دائما عندما تحتاجه...هو من يعطي الاولوية لاخوانه في الله على حياته الشخصية...هو الصديق المخلص والاخ الوفي الصادق...هو من لايبخل عليك بالنصيحة والمساعدة...هو المكافح الذي لايعرف الياس او الاستسلاموهو الذي يعطي ولاينتظر شئ في المقابل
هو فعلا نعم الاخ ...
وانا فخورة به جدا جدا...
ايه ده .. كدة برده !! بكرة يجيلك يوم ..:rolleyes:

خالد بن الوليد
20-01-2003, 02:46 PM
أخي الغالي ابن البلد .. مشرفنا العام .. منور :)

1- تأثير الغربه عليك ؟؟
يعني .. السفر فيه 7 فوائد زى ما بيقولو :) السفر للسعودية بالزات ليه 17 :D
طبعاً احتكاك و خبرة كبيرة .. و معاملات حقيقية و تعرف فعلاص معادن الناس اللى مش ممكن تكتشفها و انت في مكانك ..
كمان عرفتني الغربة اد ايه بلدنا جميلة و عرفتني انا بحبها اد ايه ( بلدنا طبعاً ;) )
الميزة الزيادة هنا بقى بالزات ( العمرة و الحج ) :D
ربنا يكتبهالكم جميعاً يا رب :)

2- من هو الشخص او الداعيه الذي تأثرت به ؟

اذا كنت تقصد في الايام الحالية يعني فهو الاستاذ عمرو خالد .. دائماً حاسس ان في ارتباط بيني و بينه :) مش عارف ليه .. يمكن علشان اسلوبه و طريقته هما اللى كنت بحلم بيهم و اتمنى ادعي الناس بيهم فعلاً في اليومين دول :)

3- أكتر شيء إستفادته من المنتدي ؟

المنتدى فعلاُ أضاف كتير لية .. أولاً الاصدقاء الجدد ( الناس المحترمة جداً التى قلما تواجد مجتمعة في أى مكان ) - ما شاء الله - :)
احساسي بانتمائي الى اسرة رائعة مثلكم ده سعادة كبيرة في حد ذاتها :)
كمان الكم الرائع من المعلومات و المشاركات اللى كلها فيها فائدة كبيرة
أى خدمة ;)

خالد بن الوليد
20-01-2003, 03:00 PM
الاستاذ كول :)
ربنا يكرم اصلك ;)

1- هل جعل اسمك في المنتدي خالد بن الوليد صدفة ام عمدا ؟
ولماذا هذا الاسم بالتحديد؟
بصراحة هوة مش بالصدفة .. لكن اول مرة كنت استخدمه .. يعنى انا بتعامل مع الانترنت و الدردشات و كدة من يمكن 8 سنين كدة و أول مرة استعمل الاسم ده .. لماذا بقى .. فعلاً مش عارف .. هوة اللى جه في بالي خصوصاً اني كنت راجع من العمرة و كنت قريت كتاب فيه جزء عن سيدنا خالد وعبقريته ..:)

2 - ما الصفات التي تحبها في الصديق ؟ وهل وجدت ولو بعض منها في احد اعضاء المنتدي ؟

الصفات : انه يحس بصديقه .. بالنسبة ليه الاحساس أهم من الكلمة و من الفعل كمان ..
الصراحة و الصدق ..
مواجهتي بعيوبي ..
أعضاء المنتدي بصراحة بحس انهم اسرتي التانية .. أو يمكن الاولي كمان بما اني بعيد عن الاسرة اصلاً .. ربنا يخليهم كلهم و يبارك فيهم اللهم آمين ..


3 - ماذا تمثل لك صداقتك بطعمية ؟
أمل اخت كبيرة :) و معرفة قديمة ..
و ماذا تمثل صداقتي بيها .. مالكشي دعوة :p ده موضوع بيني و بينها :p :D :D :D :D :D
:3:

خالد بن الوليد
20-01-2003, 03:13 PM
الاستاذ ال elshaeer
مرحبا بك في المنتدى :)

ما الفرق بين حبى لفتاة و الزواج منها؟

هوة نفسه الفرق بين ان احب الفاكهة مثلاً و ماكلشي منها :D

هوة السؤال مش واضح قوي .. يعني معنى ( حبي لفتاه ) بالنسبة لك ايه ..
يعني المقارنة كمان بين الحب و الزواج لا تصلح .. يعني بقارن بين شيئين مختلفين .. رجاء توضيح اكثر و انا هرد عليك مرة تانية ان شاء الله :)

elshaeer
20-01-2003, 06:37 PM
أنا أقصد أحب فتاة و أتزوج من غيرها و لماذا الأنسان بة هذا الطبع:3:

خالد بن الوليد
20-01-2003, 07:09 PM
:)
طبعاً ده كلام مش منطقي و مش عام .. يعني اللي يحب فتاة و يتجوز غيرها ( بدون اسباب خارجة عن ارادتهم ) ده مش عادي ..
يعني ليس هذا من طبع الانسان ..
لكن اللي يعمل علاقة مع بنت و يتجوز غيرها :3: ده منقدرشي نقول عليه حب ..
ده أي حاجة تانية ( طبعاً اكرر .. طالما انو مفيش اسباب خارجة عن ارادتهم ..

مش عارف كدة جاوبت على اللى انت عاوزه .. ولا برده فهمت غلط ؟

عبدالحكيم
20-01-2003, 08:32 PM
السلام عليكم اخي خالد ابن الوليد اخي خالد
لو كنت مكلف بتلاوة بيان الجلسه الختاميه للاجتماع وعلى كيفك ماذا ستقول
اكتفي بهذا وتقبل تحيات اخوك في الله :عبدالحكيم

aziza
20-01-2003, 09:06 PM
اخي العزيز خالد بن الوليد
1- ما هي الصفة التي تعجبك اكثر في شخصية سيف الله المسلول ؟

2- ما هو اللقب الثاني الذي تختاره غير خالد بن الوليد؟"

اتمنى ان تكون صفاتك وصفات جميع شباب المسلمين كخالد بن الوليد
كل التحية لك ولخطيبتك :109:

Proud_Muslimah
20-01-2003, 09:40 PM
ايه ده عصام ان كنت عايزة اقول عن مي والسر ده الله:mad:
خير ان شاء الله :)وانا حسئل تاني فيه ماتع?ايوه كده:rolleyes:

*هل تعتقد ان الاولاد ممكن ان يرثوا الطبائع واخلاق الاهل الخاطئة?وان يقلدوهم...
*اسوا شئ في عصام الفتح ماهو:)?
*اين تحب ان تسكن في المستقبل واين تفضل ان تربي اولادك?
*ماهو اصعب درس تعلمته من الحياة حتى الان:)?
وعلى فكرة انت 23 ونص ليه بتكبر في نفسك:p

على راي شاعر معانا في المنتدى(راجعين بعد الفاصل) :cool:كووول

tannjour
21-01-2003, 04:53 AM
بالرغم من أنك أصغر مني في السن لكن حاسيس انك أنت والأنسة برود حجة في الدعوة إلى الله تعالى لذلك أنا حاأسألك :

هل أنت درست في مدرسة شريعة بالإضافة إلى دراستك في برمجة الكومبيوتر وعلوم الدنيا ؟ طبعاً سؤالي للإيضاح بس والإستفسار يعني اتمنى أنو ماتزعلش من سؤالي لأني أنا أعرف عندنا في بلدنا اللاذقية دعاة يدعون الناس إلى ربهم من خلال مطالعاتهم في الكتب الإسلامية وزيادة ثقافتهم الدينية ودا شي كويس في الإنسان والدعاة دول مش دارسين في مدارس شرعية وأنا أكن لهم كل التقدير والإحترام ولذلك أنا بسألك هذا السؤال



السؤال الثاني وهو الحقيقة طلب مش سؤال :
بماذا تنصح شباب اليوم ؟ وخاصة الشباب الذين على صلة مع التطور الذي لا ينافي الدين والأخلاق ؟

وبس وان شاء الله بتممها معاك ومع خطيبتك مي على خير وبتزوجوا وبنفرح بيكم وبتخلفوا صبيان وبنات وبيدخلوا على المنتدى وبيصروا أعضاء وبيفرجونا أبداعاتهم في المنتدى .......... ان شاء الله أعيش لهداك اليوم


لحظة :
قبل ما روح أحب أن أعرف إيه رايك في مدينة اللاذقية وأحب أن ادعوك لزيارتها


التوقيع :

كثيرالكلام :
رمضان يعني أبو الطناجر يعني أنا

محيي ابراهيم
21-01-2003, 05:52 AM
خالد ابن الوليد
1- مالذي تتصوره لكي يقوم حكم اسلامي بمعناه الفقهي السامي داخل الامم الاسلامية جميعا وليس العربية فقط
2- ماهو منظورك الشخصي تجاه لصق الاسلام بكل الحركات السياسية والتي غالبا مايكون اصحابها ممن ليس لهم علاقة بالاسلام.
3- هل هناك ( بحكم كونك مبرمجا ) مايسمى بالبرمجة الاسلامية وماهي؟
شكرا عصام
محيي

خالد بن الوليد
21-01-2003, 07:21 AM
أخي عبد الحكيم .
لو كنت مكلف بتلاوة بيان الجلسه الختاميه للاجتماع وعلى كيفك ماذا ستقول ؟

إجتماع ايه بالضبط ؟ :) كل اجتماع و ليه بيان مختلف :confused:

لكن غالباً هقول اللى تم الاتفاق عليه في الاجتماع :)
:4:

خالد بن الوليد
21-01-2003, 07:29 AM
أختي العزيزة عزيزة :)
مرحباً بك و بجميع أهل الامارات ..

1- ما هي الصفة التي تعجبك اكثر في شخصية سيف الله المسلول ؟
خالد ابن الوليد شخصية عبقرية .. شجاع جداً و قوي جداً .. و في نفس الوقت
مهتم بالاسلام و بالدعوة برقة الداعي و علم العالم ..

و الأهم أنه سيف الله المسلول .. عارفين يعني ايه ؟ .. يعني ربنا بيستخدمه ..
ندعو الله سبحانه و تعالى ان يستخدمنا والا يستبدل بنا قوم آخرين ..

2- ما هو اللقب الثاني الذي تختاره غير خالد بن الوليد؟

ممممم .. كنت هتشجع شوية و اختار ( عصام الفاتح ) علشان اشجعه شوية يكون أقوى من كدة .. و أفضل من كدة .. و الله المستعان :)
شكراً أختي في الله ..

خالد بن الوليد
21-01-2003, 07:39 AM
أختي براود .. عوداً حميداً :D.
انا سبقتك بقى و قولت .. بس محدش دعالنا خالص :( يلا معلش :)

*هل تعتقد ان الاولاد ممكن ان يرثوا الطبائع واخلاق الاهل الخاطئة?وان يقلدوهم...
في اعتقادي انه ده طبعاً ممكن يحصل ( من الناحية النظرية ) الاولاد بيقلدوا الأهل ..
لكن في الوقت الحاضر أول ما الأولاد بيعدوا مرحلة الطفولة بيكونوا شخصيتهم المستقلة ( جداً ) و بيكون ده محتاج تفهم كبير من الأهل .. و ممكن يكون الأولاد هما اللى غير راضيين عن طبائع الأهل الخاطئة في هذه الحالة و بتكون مشكلة:(

*اسوا شئ في عصام الفتح ماهو?
قلنا ( الفاتح ) مش الفتح !! مهم قوي ( الفاتح ) الله ! :mad:
و الله أسوأ شيء المفروض اسئلك انتي عليه و أسئل خطيبتي و الناس اللى تعرفني كويس .. :rolleyes:
لكن لو قلنا في وجهة نظري يمكن ...مممم ... الغضب ( اتق شر الحليم اذا غضب )
انا مش بزعل كتير و هادي أغلب الاوقات لكن لما بقلب :3: محدش يقف قدامي:eek:
بس بحاول اظبط نفسي من بعد ما خطبت :cool: :D
قوليلي انتى بقى من وجهة نظرك لو تكرمتي .. :p

*اين تحب ان تسكن في المستقبل واين تفضل ان تربي اولادك?
احب اسكن في مصر .. في الاسكندرية .. حيث انني من عشاقها ..
أفضل ان أربي أولادي في مصر برده .. بلدهم .. حيث التربية صعبة فعلاً ..

*ماهو اصعب درس تعلمته من الحياة حتى الان?
تعلمت انه عندما تجرح شخصاً .. لن يلتئم الجرح ابداً ..:rolleyes:

وعلى فكرة انت 23 ونص ليه بتكبر في نفسك

لأ بقى 24 الا ربع ..:p ناقص 3 شهور و ابقي 24 و اكبر :3: :D

خالد بن الوليد
21-01-2003, 07:57 AM
أخي الكبير tannjour :
هل أنت درست في مدرسة شريعة بالإضافة إلى دراستك في برمجة الكومبيوتر وعلوم الدنيا ؟
لأ يا أخي .. انا درست فقط بعض الوقت في ( الخدمة الاجتماعية ) ثم انتقلت الى دراسة الحاسب الآلي و نظم المعلومات ..
و مش شايف بصراحة اني بعمل أي حاجة كبيرة استاهل عليها الكلام الجميل بتاعك .. جزاك الله كل خير و بارك فيك ..


السؤال الثاني وهو الحقيقة طلب مش سؤال :
بماذا تنصح شباب اليوم ؟ وخاصة الشباب الذين على صلة مع التطور الذي لا ينافي الدين والأخلاق ؟
اقول ان الاسلام محتاجلنا .. نحن الشباب .. و الله ليسألنا ربنا يوم لا ظل الا ظله ماذا فعلنا لهذا الدين ..
كمان الاسلام محتاج شباب قوي و ناحج و مواكب للتطور و كل الحاجات ده ..
انصح نفسي و الشباب كلهم بأن نصلح انفسنا أولاً .. و نقوي علاقتنا بالله ..

شكراً على دعوتك الجميلة و عقبال عندك ان شاء الله :o
و على فكرة ان شاء الله في الفرح المنتدى كله معزوم :D
:7: :7:


لحظة :
قبل ما روح أحب أن أعرف إيه رايك في مدينة اللاذقية وأحب أن ادعوك لزيارتها
:o :o :o مفيناش زعل .. بصراحة ..
انا معرفشي فين اللاذقية .. بس طالما هتعزمني على الغدا هكونموجود من النجمة :D و لية الشرف طبعاً أخي الغالي .. بارك الله فيك :)

خالد بن الوليد
21-01-2003, 08:10 AM
استاذنا محيي ابراهيم :)
أهو ده اللى انا خايف منو :)

1- مالذي تتصوره لكي يقوم حكم اسلامي بمعناه الفقهي السامي داخل الامم الاسلامية جميعا وليس العربية فقط
اعتقد في رأيي ان الحكم الاسلامي بمعناه الفقهي لا يعتمد أولاً على القيادات الموجودة .. و لكن يعتمد في المفام الأول على الأفراد انفسهم .. الأسر ..
لو كل بيت اتعلم و ابتدى يطبع روح الفقه و قوانينه و مفاهيمه في بيته في العبادات و المعاملات سينصلح المجتمع ان شاء الله .. و في الوقت ده سيكون التغيير العام أسهل بكثير مما نتوقع ..
أي يجب ان نهتم بالدعوة و نشر الاسلام قبل الاهتمام بالسياسة و الاحكام و الحكام .. و الله أعلم ..


2- ماهو منظورك الشخصي تجاه لصق الاسلام بكل الحركات السياسية والتي غالبا مايكون اصحابها ممن ليس لهم علاقة بالاسلام ؟

طبعاً ده اسميه الاتجاه العالمي الحقي.. اقصد الجديد ..
الغرب فهم قبلنا اننا أقوى و أبقى .. و اننا الأفضل ..و لذلك بقى هذفهم و شغلهم الشاغل القضاء على هذه القوة ( قبل ان نكتشفها نحن :4: )
علشان كدة يحدث هذا اللصق المتعمد ..
( طبعاً اقصد الغرب .. بمعاونة الكثير من من هم جزء من نظامنا .. و الله المستعان )


3- هل هناك ( بحكم كونك مبرمجا ) مايسمى بالبرمجة الاسلامية وماهي؟
البرمجة الاسلامية مصطلح غير منتشر و أول مرة اسمعه كمصطلح ..
لكن هوة فيه حاجة زي كدة .. زي مثلاً شركة التراث الاردنية عاملة سلسلة كبيرة من الاسطوانات عن القرآن و علومه و السنة و الكتب الاسلامية و هكذا ..
و فيه كم كبير طبعاً من برامج القرآن و السنة و الاذكار و مواقيت الصلاة و كل هذه الاشياء .. هية قليلة لو قارناها بالعلوم الاخرى لكنها موجودة ..
لكن المصطلح الجديد و الموجود أكثر ما يسمي بالجهاد الالكتروني .. باستخدام الانترنت ..
شكراً أخي العزيز .. و أرجو أن اكون فهمت اسئلتك صح :)

Mrs. Virgo
21-01-2003, 08:57 AM
:D عصام دول عصروك .. :D

انا جايه علشان اقولك ربنا يعينك بس .. :D
وامشي .........


























:rolleyes: ولا اقولك ..




















:rolleyes: هسألك سؤال ..





















:rolleyes: خالد ابن الوليد ..
1) ممكن اعرف انت خاطب من امتى ؟؟
وامتى هتتجوز علشان نيجي نهني ؟؟

2) وما هي اهم مميزات خطبتك ... وكانت هي السبب في تعلقك بيها .. ؟؟
(( تعلقك بيها )) ... مش خطبتك ليها .. !!

3) في رأيك ((الشخصي )) .. ما الأفضل للخطبه .. ان تطول ام ان تقصر ..
مع العلم انها هتكون في حدود وشروط الاسلام .. يعني .. دون الخلوه .. ..
والكلام ده ؟!؟!؟ وليه ؟؟؟

خالد بن الوليد
21-01-2003, 09:13 AM
كدة يا فيرجوة :) دنا قولت البنت هترد الجميل و مش هتسئل :D
بس انتى تؤمري .. أو تامري ... يعني تء مري :D

1) ممكن اعرف انت خاطب من امتى ؟؟
انا يا فندم خطبت يوم 27/6/2002 بالضبط .. ( يوم تاريخي :D ) بالنسبة لي :)

وامتى هتتجوز علشان نيجي نهني ؟؟
ان شاء الله ربنا ييسر الحال في الصيف القادم .. علشان ميكونشي ليكم حجة .. في أجازة المدارس :)


2) وما هي اهم مميزات خطبتك ... وكانت هي السبب في تعلقك بيها .. ؟؟
(( تعلقك بيها )) ... مش خطبتك ليها .. !!
مي انسانة غاية في الرقة و ده مش مجاملة .. و متدينة و الحمد لله .. و بتتكسف :D
و من اجمل الحاجات في البنت عموماً الحياء .. لكن اسباب معينة خليتني اتعلق بيها .. مممم .. مش عارف .. انا لقيت نفسي متشعلق .. قصدي متعلق كدة لوحدي:o
كمام ( بتعرف تعمل أكل كويس ) بس متقوليش لحد :D


3) في رأيك ((الشخصي )) .. ما الأفضل للخطبه .. ان تطول ام ان تقصر ..
مع العلم انها هتكون في حدود وشروط الاسلام .. يعني .. دون الخلوه .. ..
والكلام ده ؟!؟!؟ وليه ؟؟؟

أكيد طبعاً الخطبة فترة جميلة و جميلة كمان في حدود الاسلام .. لكن ولا تطول ولا تقصر .. يعني الاعتدال كويس .. الخطبة فترة للتعارف اكثر و تجهيز احتياجات الزواج .. لو تم الغرض منها يبقى بلاش تعطيل .. و خير البر عاجله :D

شكرك على وعدك ليه انكم تيجو تهنو :p هستانكم ;)

بنت مصر
21-01-2003, 10:17 AM
خالد بن الوليد


اسئلة عالسريع المنيع



- شيء بيعجبك جدا في المنتدى و شيء بيضايقك في المنتدى

- امتا تندم أكتر؟ على شيء عملته والا على شيء ماعملتهوش؟؟

- حكمة تؤمن بها .. مثل اعلي ليك .. طموحاتك لخالد بن الوليد




3 اسئلة بس اهم :D
بسنت

-

محمد البنيان
21-01-2003, 11:47 AM
تحية طيبة

سؤالي
نود معرفة اليوم التاريخي لك لموعد الخطبة ولماذ هذا التاريخ ؟
الثاني
ماهو التصور والمقترح لاستقطاب شريحة اكبر للمنتدى للافادة والاستفادة ؟
الثالث
هل نحن ضمن المعازيم في الفرح ادام الله لك الافراح
وانا اقسم لو اعطيتني خبر على الاقل ب20يوم سوف احضر ومافيش هدية طبعا لانني اذا حضرت اكبر هدية لك
طبعا الجملة الاخيرة متحدث مغرور
ولايهمك الهدية توصل سواء دعيت او عدمه

المهم ان تكون سعيد
وبعدين خلي بالك امي تقول رحمها الله
الشهر الاول تقول لها كلام حلو
الشهر الثاني تقول هي لك كلام احلى
الشهر الثالث الجيران يسمعو الصريخ
طبعا المدخل هذا متحدث غير متفائل بنفسة

والسؤال الرابع هو طلب
ارجو السماح منك على المداخلتين


من محب لك

عبدالحكيم
21-01-2003, 02:03 PM
اخي خالد يبدو ان بعض الكلمات لم تكتمل واني اسف على السوال المنقوص واسمحلى ان اكرر وبشكل صحيح
لو كنت مكلف بتلاوة بيان الجلسه الختاميه للاجتماع القمه للجامعة الدول العربيه
وعلى كيفك يعني ان تصيغ البيان بما يتوافق وافكارك في معالجة الوضع العربي الراهن
اكرر اسفي اخي خالد

خالد بن الوليد
21-01-2003, 02:51 PM
بنت مصر المحروسة .. بسنت الغالية :)

شيء بيعجبك جدا في المنتدى و شيء بيضايقك في المنتدى

الشئ اللي بيعجبني قوى الترابط اللى بين الاعضاء و الجو الاسري الجميل الموحود بيننا هنا ( ما شاء الله ) :)
+ الصور بتاعت بسنت :o :D

اللى مابيعجبنيش .. فيه شوية ناس كدة .. داخلين علشان البنات بس :) انا عارفهم و هما عارفين نفسهم .. هما بيقلو من نفسهم و الحمد لله ;)

- امتا تندم أكتر؟ على شيء عملته والا على شيء ماعملتهوش؟؟

الحمد لله انا مش بندم الا نادراً .. لكن لو هندم يبقى هندم على حاجة عملتها ..
علشان اللى معملتوش ممكن اعملو بمشيئة الله .. :)


- حكمة تؤمن بها .. مثل اعلي ليك .. طموحاتك لخالد بن الوليد
الحكمة : الصراحة .. راحة :D
مثل أعلى : الرسول عليه الصلاة و السلام ..
طموحات : محتاجة منتدى لوحدها على اكتبهالك :D
لكن لو الحاجات الاساسية .. ( طبعاً بعد متجوز :o ) اني اقدر اسعد اكبر قدر من الناس .. و انى اضيف حاجة للاسلام .. و حاجة جديدة للبشرية كلها :)
انتظروا عصام الفاتح .. ايها المؤرخون .. :D ..;)

خالد بن الوليد
21-01-2003, 03:02 PM
أخب العزيز .. محمد البنيان

---نود معرفة اليوم التاريخي لك لموعد الخطبة ولماذ هذا التاريخ ؟

هو أصبح تاريخي بعد الخطبة .. يعني هوة جه كدة في اليوم ده
27/6/2002 فبقى يوم تاريخي بالنسبة ليه ;)

---ماهو التصور والمقترح لاستقطاب شريحة اكبر للمنتدى للافادة والاستفادة ؟

و الله هية تحتاج شوية دراسة .. لكن طول منا معنديش وقت بتبقى دماغي مشغولة .. لو عندي وقت بتلاقي دماغي بتطلع حاجات جامدة كدة :D
ده دماغي و انا عارفها .. ;)


---هل نحن ضمن المعازيم في الفرح ادام الله لك الافراح

محمد الغالي اكيد ان شاء الله كل الاعضاء و اولهم اهل مكة المكرمة الكرام معزومين ... و ان شاء الله هديلكم خبر قبلها بكتير علشان تجهزوا الهدايا :) :p
ربنا يخليك و عقبال عندك اللهم اجعل حاتك كلها افراح :)
و حتى نبقي نسافر مع بعض من هنا .. :D

--- ارجو السماح منك على المداخلتين

انتا تشرف و بارك الله فيك و جزاك كل خير :)

خالد بن الوليد
21-01-2003, 03:24 PM
أخي عبد الحكيم .. ولا يهمك :)
لو كنت مكلف بتلاوة بيان الجلسه الختاميه للاجتماع القمه للجامعة الدول العربيه
وعلى كيفك يعني ان تصيغ البيان بما يتوافق وافكارك في معالجة الوضع العربي الراهن ؟

بسم الله الرحمن الرحيم ..
البيان الختامي لجتماع قمة الحامعة العربية

الحمد لله القائل في كتابه .." وَلَئِنْ قُتِلْتُمْ فِي سَبِيلِ اللَّهِ أَوْ مُتُّمْ لَمَغْفِرَةٌ مِنَ اللَّهِ وَرَحْمَةٌ خَيْرٌ مِمَّا يَجْمَعُونَ "
و الصلاة و السلام على أشرف المرسلن .. و خاتم النبيين ..
ثم أما بعد .. الأحبة في الله .. اليكم البيان التالي ..
1- قررت اللجنة تكوين اتحاد عربي شامل .. متكامل .
2- تكوين سوق عربية مشتركة في اماكن متفرقة من المنطقة العربية باسرها.
3- توحيد الجيوش العربية و الاسلامية تحت قيادة واحدة لهدف الدفاع عن كرامة الأمة و تاريخها و أرضها .
4- تقرر فتح باب الجهاد للشباب ( و الفتيات ) فوق سن 18 سنة في جميع اقطار الوطن العربي .
5-البدء في تنقية الوطن العربي من الدخلاء و الشياطين المتكومة داخله .
6 - البدء في تكملة الفتوحات الاسلامية و استعادة الاراشي التي كانت اسلامية و نشر الدعوة من جديد ..

اعتقد كفاية دول .. علشان روحنا في داهية :)
معلش ابن البلد لو المنتدى اتقفل .. :rolleyes:

شكراً للجميع

سمسمة
21-01-2003, 04:41 PM
اه يانى محتاسة فى قاعة المناقشة ومابدخلش بقية القاعات
اه يانى ياماما
ولسة اول مرة اشوف الموضوع دلوقتى
اه ياخيبتى وكسوفى يانى:(
بس انا مش هاعصرك فى الاسئلة اسئلتى هتكون بسيطة ومش زى بقية الاعضاء ماعملوا معاك
انا عارفة انك بتدعى على من يوم مارجعت المنتدى ومش عايز الامتحانات تخلص
بس متخافش مش هطول;)...مش هطول عموما

يالا نبدا الاسئلة:
1-اغلى هدية ومن مين؟
2-احلى هدية ومن مين؟...فيه فرق:D
3-صفة تحب تكون فيك ومش موجودة؟
4-ماهو اتعس يوم فى حياتك؟
7-امنية اتحققت وامنية تتمنى تحقيقها؟
8-موقف انصدمت فيه؟
9-مين هو اقرب عضو ليك فى المنتدى؟
10-ماهو الشخص الناجح فى نظرك؟
11-اختار عضو من اعضاء المنتدى له الصفة دى:
**احسن عضو
**اجمل عضو
**اميز عضو:D
**المتواجدى عضو:D===>الاكثر تواجدا
**احسن ردود
**احسن مشاركات
**دمه تقيل====>غيرى انا ومتخافش هى خلاص اتقالتلى من واحد فى المنتدى
الله يكسفه:o
**معارض دايم
**اخف دم
**مشاكس
**عضو رخيم

يالا هاوقعكم فى بعض
وعلى فكرة فيه حاجة عايزة اقولها
كنت ملاحظة ان الى انت ومى وراكم حاجة لكن ماكنتش قادرة اتكلم
كنت بمسك نفسى من التعليقات بالعافية والله بس لو كلمت ممكن تزعلوا
من قبل اما اعرف انكم مخطوبين
كنت اقعد اقول اسكت يالسان اسكت يالسان
وعشان كدة ماكنتش برضى اتكلم
لكن دلوقتى والله لاوريكم وهتشوف هاعمل فيكم ايه
بس جايز مش النهاردة يااما دلوقتى يااما بكرة
مالكشى دعوة بقى..هاوريكم وخلاص:p
بس بدون زعل وانا بقول اهوه من دلوقتى
والف الف مبروك ليك انت ومى وعقبال ماتخلفوا صبيان وبنات
والف الف مبروك ليكى يامى عقبال ولاد ولادك ان شاء الله
********

سيبكم بقى من التعارف والمناقشات
نفسى من زمان اشارك فى القاعات الباقية:5:


ياريت يعنى مااكونش طولت عليك
صدقنى والله ماطولت صح؟
والله لو حد يسيبنى ممكن اقعد اتكلم من هنا لبكرة:D

وربنا يعينك على بقية الاعضاء:3:

البروف سمسم..:140:

دموع_مجروحة
21-01-2003, 05:00 PM
بصراحة أنا ماعنديش أي أسئلة لخالد بس حبيت اني أشارك ..
اتمنى لك العمر المديد والبيت السعيد والانجاز المجيد و تفضل دايما منور المنتدى ..:7:

خالد بن الوليد
21-01-2003, 07:38 PM
:2: ايه ده .. مش قلنا 3 اسئلة بس :2:

ماشي يا سمسمة .. ليكي يوم :mad:

1-اغلى هدية ومن مين؟
بصراحة بيجيلي هدايا كتير جداً :o.. فا مش فاكر بقى :D

2-احلى هدية ومن مين؟...فيه فرق

ميدالية على شكر خنجر بجراب و بيفتح و كدة وهوة كله حوالي 2 سم و نص
زى العسل :) من مي هية اللى جابتهولي :o ( اصلي بحب الخناجر و السيوف و الحاجات ده قوى ) :D


3-صفة تحب تكون فيك ومش موجودة؟

جودة التعبير بالكتابة .. يمكن بعرف اتكلم .. بس مبعرفشي اكتب :rolleyes:


4-ماهو اتعس يوم فى حياتك؟

اليوم اللى خلصتي فيه امتحاناتك :p


7-امنية اتحققت وامنية تتمنى تحقيقها؟
امنية اتحققت اني قابلت بنت الحلال:o .. و اللى اتمناها تتحقق اني اقدر اسعدها .. :7:


8-موقف انصدمت فيه؟
لأ ده صعب جداً .ز اصلي بارد .. مش بستغرب ولا بندم من حاجة .. :p :cool:
يتبع :3:

خالد بن الوليد
21-01-2003, 07:43 PM
9-مين هو اقرب عضو ليك فى المنتدى؟
اقرب عضو ليه بيني و بينو حوالي 800 كيلو :D
لكن لو قصدك كصحاب يعني ( غير خطيبتي ) يبقى براود مسلمة :) ;)


10-ماهو الشخص الناجح فى نظرك؟

الشخص الناحج هو الشخص الذي يكتشف اخطاءه و مشاكله و يعترف بها و يسعي لحلها و تصحيحها .. و كمان هوة الذي يعتقد دائما أن هناك وضع أفضل من الوضع الحالي .. :cool:
( وضع مش اللي هوة بعد الحمل :D.. لأ قصدي يعنى ستييواشن ) :p

11-اختار عضو من اعضاء المنتدى له الصفة دى:
ممكن اغيظك و اقولك كلهم حلوين .. بس علشان اريح بالي هقول اسماء و أمري لله .. محدش يزعل ;)
**احسن عضو : ابن البلد - فيرجو
**اجمل عضو : خطيبتي ( مي الفاتح ) .
**اميز عضو : ابن مصر - طعمية .
**المتواجدى عضو===>الاكثر تواجدا : هبة .
**احسن ردود : جمال حمدان .
**احسن مشاركات : براود مسلمة .
**دمه تقيل= : خالد بن الوليد .
**معارض دايم : سمسمة المعارضاتية .
**اخف دم : مصراوي .
**مشاكس : واد كول مش معقول .
**عضو رخيم : عصام الفاتح

و الله يبارك فيكي يا رب و عقبالك انتى و كل البنوتات اللى في المنتدى
و اتكلمي براحتك .. بس انا كمان بقى ساكتلك من الصبح .. و هرد عليكي بقى ..
هه ..
:3: :2: :5:

خالد بن الوليد
21-01-2003, 07:47 PM
دموع مجروحة .. ربنا يخليكي يا رب و يكرم اصلك و يزود رزقك و يوقفلك في كل خطوة ولاد الحلال و ينجحك و يجوزك و تجيبي عيال و يخليلك عيالك اللهم آمين يا رب :D

:7: :7: :7: :7:

الف الف الف شكر :D
:1:

سمسمة
21-01-2003, 09:25 PM
**دمه تقيل= : خالد بن الوليد .

**عضو رخيم : عصام الفاتح

ياواش ياواش ياواش

هربت من الرد
ياسلام

كنت عايزة اوقعكم فى بعض بس معرفتش:D
يالا نسيبها لفرصة تانية

وعلى فكرة مش هتلحقوا تعصرونى ولاتسالونى:D

البروف سمسم..:140:

خالد بن الوليد
23-01-2003, 02:16 PM
استني بس علية لما يجي عليكي الضوء :p
:D