المساعد الشخصي الرقمي

مشاهدة النسخة كاملة : مصر هى مصر بحلوها و مرها



دكتور مهندس جمال الشربينى
11-11-2005, 09:44 AM
تبقى أنت أكيد فى مصر*
محاولة "مدونه" شعرية!

آه و ألف آه من تلك الجملة... تبقى أنت أكيد فى مصر
لو لقيت من كل بيت خارج مدرس خصوصى ... تبقى أنت أكيد فى مصر
لو لقيت فى بلد سنه سادسة ابتدائى و سنه خامسة ابتدائى!... تبقى أنت أكيد فى مصر
لو لقيت فى كل بيت واحد أو أتنين ماتوا من السرطان ... تبقى أنت أكيد فى مصر
لو رحت التأمين الصحى و إدوك حديد و زرنيخ ... تبقى أنت أكيد فى مصر
لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ... تبقى أنت أكيد فى مصر
لو لقيت فى بلد ربع سكانها ساكننين فى عاصمتها ... تبقى أنت أكيد فى مصر
لو لقيت فى بلد تعبيرات مثل "السحابة السودة" و "الشفافية" ... تبقى أنت أكيد فى مصر
لو سمعت جملة "اللى نعرفه أحسن من اللى منعرفوش" ... تبقى أنت أكيد فى مصر
لو رحت "دار الفؤاد" و جاتلك الفاتورة و نعشك فى طريقه "لدار الخلد" ... تبقى أنت أكيد فى مصر
لو رحت تطلع مخالفات عربيتك و لاقتها غير صحيحة
لأن بالفعل معندكش عربية ... تبقى أنت أكيد فى مصر
لو لقيت عجوز و عجوزة ماشيين و معاهم سلم خشب لزوم طلوع الرصيف ... تبقى أنت أكيد فى مصر
لو ركبت مترو الأنفاق و ملقتشى هوا و لا تكييف ... تبقى أنت أكيد فى مصر
لو مزنوق و ملقتشى مراحيض عامة ... تبقى أنت أكيد فى مصر
لو مرة لقيت رسوم الزبالة على فاتورة الكهربا و مرة تانية على فاتورة الغاز ... تبقى أنت أكيد فى مصر
لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ... تبقى أنت أكيد فى مصر
لو فتحت التليفزيون و شفت ظرف "البيت بيتك"... تبقى أنت أكيد فى مصر
لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ... تبقى أنت أكيد فى مصر
لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ... تبقى أنت أكيد فى مصر
لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ... تبقى أنت أكيد فى مصرلو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ... تبقى أنت أكيد فى مصر
لو رحت الباجور منوفية و سألت مين رئيس الجمهورية و ردوا وقالوا كمال الشاذلى ... تبقى أنت أكيد فى مصر
لو رحت تنتخب و معاك بطاقة إنتخابية و ردوا و قالوا إنك متوفى ... تبقى أنت أكيد فى مصر
لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ... تبقى أنت أكيد فى مصر

*مع الإعتذار لـكلمة "مصر" *3* فى تلك المدونة الشعرية فالذنب مش ذنبها و الله العظيم

دكتور مهندس جمال الشربينى
الحزب الأخضر الإشتراطى
(تحت التأسيس)
لا تتردد وسارع بالإنضمام للمؤسسين للحزب لصنع مستقبل نظيف وإشتراطى لمصر
تحيا مصر Viva Misr
بلاش تقول Egypt قول Misr
gmsherbini@msn.com
www.egyptsons.com
******
رئيس لجنة
"مصر بكل اللغات مصرMisr "

ضابط شرطة
12-11-2005, 11:57 AM
انا دلوقتي تاكدت اني في مصر


شكرا لك دكتوري الفاضل

لميس الامام
12-11-2005, 02:51 PM
الى الدكتور المهندس الشربيني،

تحياتي وسلاماتي لمصر واهل مصر الحلوين قوي قوي قوي..

وحتى لو قالولي آه تبقى انت اكيد في مصر على كل اللي اتفضلت وذكرته يا باشمهندس برضه انا راح اقول وورايا كل شعوب الامة العربية :

عظيمة يا مصر، أصيلة يامصر

عظيمة بكل متناقضاتها .. عظيمة بكل أفضالها على الامم العربية كلها وأبناء الامة العربية بلد بلد... عظيمة في فقرها وعظيمة بصروح العلم العالية بتاعتها ..عظيمة بالمليون مئذنة اللي ماليين سماها و بالأزهر الشريف.. عظيمة مصر يا باشمهندس والدليل ان كل من زار مصر وشرب من نيلها رجعلها تاني رجع تاني لمصر ولحضن مصر الكبير اللي لم ناس ياما بعثرتهم الدنيا ناس الدنيا جارت عليهم فلجأوا لمصر .. ناس شردتهم جيوش الاحتلال ما لقيوش غير ارض مصر واهل مصر يستروهم ويدفوهم بقلوبهم الطيبة .. مصر عظيمة بناسها الطبيبن وبناسها الغلبانين اللي مالينها وعظيمة يا باشمهندس بعلمائها وكتابها وفنانينها ... حاقول ايه والا ايه ما يعرفش قيمة مصر اللي من اهلها تركها وهاجر تلاقي بيحن لسماها ولترابها هي مصر عظيمة وأصيلة وبقول الكلام ده من صميم قلبي فحب مصر في قلبي لن ينافسه بلد آخر ..آي والله..مصر ام الدنيا وكله يهون في حبها.... ولا ايه؟؟؟؟؟؟؟؟

لميس الامام*6*

arabey
12-11-2005, 05:05 PM
مصر التى اعرفها
هى مصر التى تحلم بنا وليست مصر الطغيان والاستبداد
اكيد نحن بمصر والا ما رأينا كل تلك الحثالات من ابنائها المزعومين يتربعون على سده الحكم منتظرين الاجهاز على البقيه الباقيه من احلامها

دكتور مهندس جمال الشربينى
12-11-2005, 06:34 PM
*8* إلى العزيزة لميس الامام
و إحنا من حبنا لمصر بنحاول أن نجعل منها أحسن بلد و أكرم و أنبل بلد...نحن لا نريد أن نخفى عيوبنا و نخفى رأسنا فى الرمال كالنعامة...لا بد من مواجهة كل السلبيات و الدخول فى معارك مضنية حتى تعود مصر بحق أم الدنيا....عشت فى السعودية 15 عاما بين ينبع و جدة و الظهران مع أرامكو السعودية.. و أقترح عليك قراءة ما سبق لى أن كتبته و ما أكتبه يوميا حتى تتعرفى على أفكارى و مبادئى أكثر ...من حين لآخر أفك التكشيرة فى أيام الجمعة من كل أسبوع....*4*

لميس الامام
12-11-2005, 06:55 PM
*8* إلى العزيزة لميس الامام
و إحنا من حبنا لمصر بنحاول أن نجعل منها أحسن بلد و أكرم و أنبل بلد...نحن لا نريد أن نخفى عيوبنا و نخفى رأسنا فى الرمال كالنعامة...لا بد من مواجهة كل السلبيات و الدخول فى معارك مضنية حتى تعود مصر بحق أم الدنيا....عشت فى السعودية 15 عاما بين ينبع و جدة و الظهران مع أرامكو السعودية.. و أقترح عليك قراءة ما سبق لى أن كتبته و ما أكتبه يوميا حتى تتعرفى على أفكارى و مبادئى أكثر ...من حين لآخر أفك التكشيرة فى أيام الجمعة من كل أسبوع....*4*


الى الباشمهندس د. جمال الشربيني

انا ولي الشرف ان اشعر بهذا الانتماء لمصر فقد نشأت وترعرت على تراب وارض مصر وتلقيت تعليمي كله في مصر تقريبا ،واعرف عيوبها وسلبياتها كما اعرف ايجابياتها وجمالياتها بالظبط ، ولكن تبقى مصر هي مصر بالنسبة لي، ومن خلال كتابتك في الموضوع ده قدرت استشف بالطبع حبك لمصر وحرصك على الاحتفاظ بنبل وكرم مصر.. ولا انوه بتاتا الى ان اخفاء الرؤوس في الرمال مثل النعامة كلنا نعيش على ارض العروبة وقد عشت انت ومارست العمل في ارجاء المملكة مدة طويلة كما يبدو وعدت الى احضان مصر اليس كذلك؟ وهذا لا يمنع ان نفك التكشيرة كلنا معاك فلو عاش الانسان في الهم على طول كان زمانه طق من الغيظ.. عزيزي طبت وطابت ايامك وطابت للعروبة مصر الغالية ومن احسن الى الاحسن دايما يا رب وأوعدك ان امر على كل كتاباتك موضوع موضوع فقد بدا لي الاسلوب الشيق في كتاباتك.

وشكرا على التعقيب مع تمنياتي القلبية بأن يرتفع رأس مصر دائما عاليا بأبناءها ومحبيها.

لميس الامام
جدة -المملكة العربية السعودية

طموحُ أنثى*
12-11-2005, 07:08 PM
الله يخليكم لمصر ..
ويخليها لكم
:)

loly_h
12-11-2005, 08:28 PM
CC0000
موش عندى حاجه اقولها غير .... فعلا جميله
لكنك يادكتور نسيت حاجات بسيطه ومهمه
لما تكون لك جيران زى اهلك .... تبقى انت اكيد فى مصر
لما تكون تايه تلاقى الف مين يدلك .... تبقى انت اكيد فى مصر
وان شاء الله فى انتظار المزيد من خواطرك ,,,, وشكرا*215*

Hesham Nassar
12-11-2005, 09:17 PM
لما الأهلي ياخد كاس أفريقيا ..http://www.egyptsons.com/misr/images/smilies/old/winner_first_h4h_alam.gif
و العربيات في الشوارع تضرب كلاكسات تسور الودان ..http://www.aborenaz.com/smilies/smilies2/sport/music_toot.gif

يبقى انت أكيد في مصر ..http://www.egyptsons.com/misr/images/smilies/080402cool_prv.gif

http://www.egyptsons.com/misr/images/smilies/old/thumbsup.gif

http://www.egyptsons.com/misr/images/smilies/smile.gif

alapsawy
12-11-2005, 09:56 PM
يا عم بس انت احمد ربنا فى دول تانية مش لاقيين ياكلوا
وبلاش التعقيد و التشائم ده
و بعدين الكهربة واصلة و المية واصلة
و التعليم 100%
و التأمين كمان
يعنى هو لازم نطلع القطط الفطسانة فى كل حاجة
ولا أنت فاكرنا هانبقى احسن من امريكا فى 6 سنين

alapsawy
12-11-2005, 10:03 PM
وبعدين بسم الله ما شاء الله
انت دكتور و ساكن فى المهندسين
و كمان بتعرف تخش ع النت يعنى متعلم كويس وآخر حلاوة
لما انت تقول الكلام ده امال اللى ذى حالتى يقول ايه
ساكن فى ابو خروف منطقة محدش يسمع عنها
ومفيش أى حاجة نقصانى
ولا مية ولا كهربة ولا نت و لا حتى وصلة الدش
و بتعلم و باكل و بشرب و بحب و بتجوز وا شتغل
هاكون عايز ايه اكتر من كدة
روح شفهم فى امريكا بينتحروا عشان مش لاقيين حاجة يعملوها
خدوا كل اللى نفسهم فيه
من الآخر أنا مرتاح كدة

ustarek
14-11-2005, 03:14 AM
خد عندك دول

لما تشوف الفلافل(الكباب المصرى) كل يوم الصبح و طبق الفول الطعم اللذيذ
لما تسمع الناس بتحلف بالنبى (مش بالله) على الفاضى و عل الملان
لما تسمح كلمه اهلا يا باشا - ائمورنى يا باشا
لما تشفوف صاحب اعلى الدرجات العلميه و صاحب اعلى المناصب بيرووح البلد كل جمعه لاهله و ناسه و مبينسهمش
لما تشوف الجنازه وراها مئات من المشيعيين بيدعوا للميت بالرحمه من قلوبهم
لملا تشوف احلى الناس و الاهل و الاحباب و الناس الطيبين مالين عليك الدنيا

رسلان البحيصي
14-11-2005, 10:33 PM
السلام عليكم ورحمه الله وبركاته : فعلا انت اكيد في مصر
رسلان البحيصي

ابو عاصم
14-11-2005, 10:44 PM
رغم كل هذه المآسي التي ذكرت لكننا نعتز بمصر ونحرص علي خيرها ونرفض أن تتحكم عصابة في خيرات بلادنا ونعمل علي إصلاحها ونتذكر يوسف عليه السلام حين أحس بخطر المجاعة يتهدد مصر في رؤيا الملك أسرع يعرض خبراته وينقذ بلده التي يحبها ويحب الخير لها وتقدم للإصلاح قائلاً :اجعلني علي خزائن الإرض إني حفيظ عليم. وعلمهم كيف تحمي مصر من المجاعة المتوقعة في رؤيا الملك*4* *4* *11*

ustarek
15-11-2005, 02:04 AM
[B][FONT="Arial"][SIZE="3"][SIZE="5"]سلام عليكم يا اهلى و يا حبايبى
بارك الله فيكم و وفقنا جميعا لما يحب هو و يرضى - اللهم الف قلوبنا على الايمان و اجمعنا جميعا فى الدرجات العليا من الجنه مع رسول الله - و نشوف الرسول صلى الله عليه و سلم و نشوف معاه ابوبكر و عمر و عثمان و على و كل الصحابه العمالقه امين امين يا رب العلمين

فعلا كلام عين العقل و سيدنا يوسف المثل الاعلى لعلماء الاقتصاد و المحاسبات بكل الانواع على ظهر الارض
و بناء عليه فانه يجب علينا ان نساهم بخبرات من جميع المجالات و نتغاضى عنى المهاترات و المعطلات للرقى و التقدم و الى الامام سر و انطلق
و بما اننا لن نصل الى درجه يوسف فى هذه العلوم فانه يجب علينا ان نكمل بعضنا البعض

ووجه نظرى الشخصيه (بس مجرد راى شخصى) لو ان الطريق الاداريه لاى شركه غير كفؤ و غير فعال - فلا يعنى هذا ان نتخلص من اداره الشركه و الا فلا و نضع العقده فى المنشار و نقول يا كده يبلاش
و لكن من الممكن تطوير او اضافه او تنميه او تدعيم ما هو موجود و ستكون عمليه انتقاليه الى الافضل و الاحسن بدون ان نخسر بعض و لا نكره بعض و لا نختلف مع بعض و بالتالى مع الوقت سيكون الجيل الجديد اقوى و افضل من جيلنا الحالى

و انتم عارفين الى حصل فى العراق--حيث قامت امريكا بتعطيل الجيل كله من مدارس و مستشفيات و علم و تعلم و اعمال تحت شعار التخلص من الرئيس العراقى - و لكن فى الخقيقه هى عمليه تعطيل شعب كامل كان فى يوم من الايام يتلقى الاف من مصر و دول اخرى للعمل بها - و ل ننسى ان معظم الناس بنوا بيوت و شقق و خلافه من خيرات العراق
المهم ان الجيل تعطل و ما زال معطل حتى تاريخه

فلو كل واحد منا قال لاخوه او ابوه لو سمحت ان تقضى كل ساعات الدوام الرسمى فى مكتبك و لا تخرج الا بعد اتمام عملك بما يرضى الله لانك هتصرف علينا من مال لم تبذل به مجهود و ربنا هيحاسبنا عليه(عن مالك من اين اكتسبته و فيما انفقته) سيتحول الوضع للاحسن و المصالح تمشى و الاستثمارات تزيد و بالتالى فرص العمل تزيد و الدنيا تحلو و تزدهر حولينا - و طبعا هناك عوامل اخرى بس كلها تقريبا على نفس المقاس

فالخلاصه - رئيس البلد سواء حلو او وحش لا يجئ كل يوم الصبح يقعد على راس كل واحد فيناا و الموظف بعيش و يموت و عمره ما قابل لا رئيس و لا و زير و ما حدش بيقوله انته بتعمل ايه و فى النهايه بنحط كل اللوم على الحكومه او - خلى الحرامى حرامى - بس احنا نعمل الصح و احسن من مافيش

ان الله يحب اذا عمل احدكم عملا ان يتقنه
فلو كل واحد فينا يتقن عمله و ينفع المترددين على مكان عمله بدون اذى ولا تكشير هيكون افضل من مافيش و مع الوقت هتتغير النفوس الضعيفه المسيطره على زمام الامور الى احسن شويه
و شويه مع شويه الدنيا فانيه و الوحش و الحلو بيموت و بتيجى اجيال احسن و احسن ان شاء الله

دكتور مهندس جمال الشربينى
16-11-2005, 09:12 AM
أخويا alapsawy من أبو خروف المرتاح كده

علشان أنا إتعلمت و شفت الدنيا عاليها و واطيها شفت الدنيا فى الهند و السعودية و لبنان و النمسا و إيطاليا و ألمانيا و كوريا الجنوبية و اليابان و لى إبن هج لأستراليا من فساد كلية الطب و أخوه هج لأمريكا من فساد التجنيد فأرض الله واسعة و اللى مش عاجبه مصر فالله أمرنا بالهجرة كما هاجر الرسول صلى الله عليه و سلم من مكة للمدينة و لكننى على العكس من أولادى فضلت أن أبقى فى بلدى مصر و التى كرمها الله فى محكم تنزيله و ذكر أسمها "مصر" خمس مرات:

"وإذ قلتم يا موسى لن نصبر على طعام واحد فادع لنا ربك يخرج لنا مما تنبت الأرض من بقلها وقثائها وفومها وعدسها وبصلها قال أتستبدلون الذي هو أدنى بالذي هو خير اهبطوا مصرا فإن لكم ما سألتم وضربت عليهم الذلة والمسكنة وباؤوا بغضب من الله ذلك بأنهم كانوا يكفرون بآيات الله ويقتلون النبيين بغير الحق ذلك بما عصوا وكانوا يعتدون" البقرة/61

"وأوحينا إلى موسى وأخيه أن تبوآ لقومكما بمصر بيوتا واجعلوا بيوتكم قبلة وأقيموا الصلاة وبشر المؤمنين" يونس/87

"وقال الذي اشتراه من مصر لامرأته أكرمي مثواه عسى أن ينفعنا أو نتخذه ولدا وكذلك مكنا ليوسف في الأرض ولنعلمه من تأويل الأحاديث والله غالب على أمره ولكن أكثر الناس لا يعلمون" يوسف/21

"فلما دخلوا على يوسف آوى إليه أبويه وقال ادخلوا مصر إن شاء الله آمنين" يوسف/99

"ونادى فرعون في قومه قال يا قوم أليس لي ملك مصر وهذه الأنهار تجري من تحتي أفلا تبصرون" الزخرف/51

فضلت أن أبقى فى بلدى لأرد لها بعض من جمائلها الكثيرة على و لكننى من ترحالى و سفرى أستطعت أن أميز بين الفساد و الخير و لما تبين لى أن الفساد أستشرى فى مصر لدرجة لا يمكن السكوت عليها فكان لزاما على أن أتحرك و بفضل من عند الله تغلبت على آلامى الصحية و بدات بمحاربة تدخين السجاير بالكتابة و القول و نجحت و الحمدلله فى ذلك...و تنامت أفكارى و خبراتى فى مجالات عديدة لا تمت للهندسة مهنتى بأى صلة و لكننى أعملت عقلى و فكرى لخدمة المجتمع و خدمة مصر تنفيذا لأوامر الله فى كتابه العزيز "ألا تتفكرون" "ألا تعقلون" فعزمت و توكلت على الله و ها أنا أقارب الأنتهاء من كتابة أول كتبى و عنوانه "إعرف عدوك تغلبه" و لن تصدق من هو هذا العدو الذى يجب ان تعرفه علشان تغلبه ...عدوى الحالى هو عدو كل المصريين و لن تصدق حينما أقول لك أن عدوى ليس إسرائيل كما تتصور و يتصور الكثير من المصريين لأول وهلة و بدون أى تفكير ...عدوى يا سيدى المرتاح كده هو ذلك المرض اللعين عدوى هو مرض السرطان!...المهم لتعرف عنى المزيد و عن مبادئ و أفكارى عليك بزيارتى فى المنتديات التالية:
1. www.egyptsons.com حيث أمضى معظم وقتى هناك بإسم gmsherbini فى "قاعة القضايا السياسية" و يوم الحمعة بفك عن نفسى و أضحك فى قاعة "فك التكشيرة"
2. www.haridy.com حيث تجدنى هناك بإسم "جمال الشربينى" جالسا فى "قهوة كتكوت" و ساعات بتغدى هناك على "رطلين مخ" و لو بطنك وجعاك أو حد معرفة مريض بعد الشر عليك حتلاقينى فى "العيادة الهريدية"

لا تدع الفرصة تفوتك شارك فى صنع مستقبل مصر..
كن إيحابيا و لو مرة واحدة فى حياتك ...و شارك بالتصويت نعم مش مهم لا مش مهم ..المهم تشارك فى التصويت لا تردد القول الخايب أنا مالى هى دى بلد أبويا...زور الموقع التالى (عدد زوار الموضوع تجاوز الألف زائر):

http://www.egyptsons.com/misr/showthread.php?t=39502

و هناك أدلى بصوتك لرفع العار للأبد عن أسم مصر و كفانا عارا بنسب أسم مصر Egypt إلى ذلك الحاكم الرومانى Aegyptus الملقب بـ "التيس الخامل" و لنجعل سويا أسم مصر كما هو بالقرآن الكريم بكل اللغات مصر Misr نطقا و كتابتا...نحن نعلم أن التغيير سيجابه العديد من المصاعب و أيضا سيجابه بعض العقول الجامدة و لكن الجائزة تستحق منا بذل كل الجهد و تخطى كل الصعاب...أتدرون ماذا ستكون الجائزة؟!...أهناك أحلى و أغلى من عودة "البركة" إلى كل شئ على أرض و هواء و سماء و مياه حبيبة الكل "مصر" أمنا حبيبتنا كلنا...و أخيرا أردد و أقول لكى حبى و فؤادى يا "مصر"...يا أم الدنيا كلها...

دكتور مهندس جمال الشربينى
الحزب الأخضر الإشتراطى
(تحت التأسيس)
لا تتردد وسارع بالإنضمام للمؤسسين للحزب لصنع مستقبل نظيف وإشتراطى لمصر
تحيا مصر Viva Misr
بلاش تقول Egyptقول Misr
gmsherbini@msn.com
www.egyptsons.com
*****
رئيس لجنة
"مصرهى مصرMisr بكل اللغات"

عصفور الشعر
16-11-2005, 09:20 AM
بصراحه موضوع راااااااااااااائع يا باشمهندس جمال وقمة السخريه اللاذعه


بس انت كده يا باشمهندس حتخلينى أفكر مليون مره ومره قبل ما ارجع مصر هههههههههههههههههههههههههههه


على العموم رغم كل ده أكيد كلنا برضه بنحب مصر وأنا عارف ان موضوع حضرتك ده نابع من حب كبير جدا للبلد دى وبحييك جدا جدا على محاولاتك من اجل مصر افضل



خوك اللى استمتع جدااا جدااااااا بتلك الوجبه الدسمه الساخره حتى النخاع


تووووووووووووووووووووت http://www.aborenaz.com/smilies/smilies2/sport/music_toot.gif

mshmsh73
16-11-2005, 09:44 AM
لما تلاقى واحد قارفك بالزمارة وعمال ينادى على صحبه اللى فى العاشر يبقى انت اكيد فى مصر
لما تمشى تلاقى اطفال الشوارع واخدين صناديق القمامه ملك خاص يجمعون فيه من القمامه ما يبيعونه وفى الآخر متلقيش حاجة ترمى فيها القمامه والناس ساكته يبقى انت اكيد فى مصر
لما تلاقى الاتوبيس مليان على الاخر والناس طالعه منه بطريقه مخجله يبقى انت اكيد فى مصر
لما تلاقى عربيات الفول واقفه وجنبها المخلفات بتاعتها عالى الارض يبقى انت اكيد فى مصر
لما تلاقى المواصلات فى رمضات بقت هيصه وكمان متلقيهاش بيقى انت اكيد فى مصر
لما تلاقى اى واحد يستغل موقف معين علشان يكون له سلطه على شئ زى مثلا السوق السودا يبقى انت اكيد فى مصر
ولما تلاقى وتلاقى وتلاقى يبقى انت اكيد فى مصر
نحبها ولذلك ننقضها على تفيق من ثباتها العظيييييييييييييييييييييييم

دكتور مهندس جمال الشربينى
17-11-2005, 10:04 AM
المحاولة بعد تطويرها
و مزجها ببعض الإيجابيات و أيضا السلبيات
التى وردت من جمهور القراء الأعزاء
تبقى أنت أكيد ...أكيد فى مصر*
محاولة "مدونه" شعرية تنامت و تفاعلت مع قرائها!
للمفكر و السياسى
د. م. جمال الشربينى
آه و ألف آه من تلك الجملة... تبقى أنت أكيد ...أكيد فى مصر

1. لو لقيت من كل بيت خارج مدرس خصوصى ... تبقى أنت أكيد ...أكيد فى مصر
2. لو أنت فى بلد "سنه" فيها.. سادسة ابتدائى والسنه اللى بعدها تلاقى سادسة بقت خامسة ابتدائى!...تبقى أنت أكيد ...أكيد فى مصر
3. لو جبت فى الثانويه العامة فوق 90% و مدخلتش إلا التجارة ... تبقى أنت أكيد ...أكيد فى مصر
4. لو لقيت فى كل بيت واحد أو أتنين ماتوا من السرطان ... تبقى أنت أكيد ...أكيد فى مصر
5. لو أنت فى بلد فيها مستشفى للسرطان بيبنوه من عشرات السنين و محتاج علشان يخلص أد اللى فات... تبقى أنت أكيد ...أكيد فى مصر
6. لو رحت التأمين الصحى و إدوك حديد و زرنيخ ... تبقى أنت أكيد ...أكيد فى مصر
7. لو دخلت مستشفى تشيل الزايدة واتسرقت كليتك......تبقى أنت أكيد..أكيد فى مصر
8. لو دخلت مكتب حكومى وقالولك فوت علينا بكرة.......تبقى أنت أكيد..أكيد فى مصر
9. لو رحت "دار الفؤاد" و جاتلك الفاتورة و نعشك فى طريقه "لدار الخلد "..... تبقى أنت أكيد ...أكيد فى مصر
10. لو خلصت دراستك وقعدت على القهوة 20 سنة لحد ما الحكومة توظفك......تبقى أنت أكيد..أكيد فى مصر
11. لو أنت فى بلد البحث العلمى فيه تايه و لسه بيحاول يجد العلاقة بينه وبين المجتمع ... تبقى أنت أكيد ...أكيد فى مصر
12. لو أنت فى بلد كان فيه وزيرة للبحث العلمى و جه الشاب الوزير اللى بعدها يحاول يدعم دور المرأة فى البحث العلمى!......تبقى أنت أكيد..أكيد فى مصر
13. لو أنت فى بلد ربع سكانها ساكننين فى عاصمتها ... تبقى أنت أكيد ...أكيد فى مصر
14. لو أنت فى بلد ناس من ناسها عاوزين يردموا "نيلها"... تبقى أنت أكيد ...أكيد فى مصر
15. لو أنت فى بلد كان زمان من خمسين سنه ممنوع كشف "ستوماك" الراقصات فى الكاباريهات و دلوقتى ستاتها و بناتها بـ "الستوماك" فى الشوارع ماشيين ......تبقى أنت أكيد..أكيد فى مصر
16. لو أنت فى بلد كان زمان من خمسين سنه الستات و البنات تختشى تمشى قدام أى قهوة و دلوقتى ستاتها و بناتها على الرصيف "مشيشين"......تبقى أنت أكيد..أكيد فى مصر
17. لو سمعت و قريت تعبيرات مثل "السحابة السودة" و "الشفافية" فى نفس الوقت......تبقى أنت أكيد..أكيد فى مصر
18. لو سمعت و قريت جملة "اللى نعرفه أحسن من اللى منعرفوش"......تبقى أنت أكيد ...أكيد فى مصر
19. لو رحت تطلع مخالفات عربيتك و لقتها غير صحيحة لأن بالفعل معندكش عربية ..... تبقى أنت أكيد ...أكيد فى مصر
20. لو سألت عسكرى المرور تعرف تكتب و تقرى و رد و قال أعرف أقرى و أكتب "بس" نمر العربيات..... تبقى أنت أكيد ...أكيد فى مصر
21. لو لقيت عجوز و عجوزة ماشيين و معاهم سلم خشب لزوم طلوع الرصيف ... تبقى أنت أكيد ...أكيد فى مصر
22. لو ركبت مترو الأنفاق و ملقتشى هوا و تكييف ... تبقى أنت أكيد ...أكيد فى مصر
23. لو لقيت كل التاكسيات مركبين بنديرات للزينه فقط... تبقى أنت أكيد ...أكيد فى مصر
24. لو لقيت سواقين العربيات راسمين أحزمة أمان على صدورهم... تبقى أنت أكيد ...أكيد فى مصر
25. لو سمعت و شفت عربية مطافئ الحريق سواقها بيزعق فى الميكروفون فين الشارع اللى فيه الحريقه... تبقى أنت أكيد ...أكيد فى مصر
26. لو قريت و سمعت أن الحكومة حتنهى عقود شركات الزبالة "الأجنبية" لأنها لم توفى بإلتزاماتها (و كان ليه من أصله)!......تبقى أنت أكيد ...أكيد فى مصر
27. لو سمعت و شفت بتوع أنابيب البوتاجاز بتخبط على الأنابيب فى الشوارع... تبقى أنت أكيد ...أكيد فى مصر
28. لو مزنوق فى الشارع و ملقتشى مراحيض عامة ... تبقى أنت أكيد ...أكيد فى مصر
29. لو طلعت فى نافوخك تصيف جوه بلدك قمت رايح "ش. ا." أسمها بالخواجاتى Sharm و هناك طلبوا منك تأشيرة الدخول!..... تبقى أنت أكيد ...أكيد فى مصر
30. لو سمعت واحد من إياهم من اللى بيقولوا عليهم "كلاس" و مش "بيئة" بيقول للعسكرى الغلبان "أنت مش عارف أنا مين و إبن مين؟!" ..... تبقى أنت أكيد ...أكيد فى مصر
31. لو سمعت أن الناس بتتجنب الذهاب لأقسام الشرطة منعا للبهدلة..... تبقى أنت أكيد ...أكيد فى مصر
32. لو سمعت أن القضايا بيتحكم فيها بعد وفاة المتقاضين..... تبقى أنت أكيد ...أكيد فى مصر
33. لو مرة لقيت رسوم الزبالة على فاتورة الكهربا و مرة تانية على فاتورة الغاز ... تبقى أنت أكيد ...أكيد فى مصر
34. لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ... تبقى أنت أكيد ...أكيد فى مصر
35. لو فتحت التليفزيون و شفت ظرف "البيت بيتك"... تبقى أنت أكيد ...أكيد فى مصر
36. لو شفت عمرو شال "نرفانا" و جاب بدلها "نشوى"...تبقى أنت أكيد ...أكيد فى مصر
37. لو شفت و سمعت أى داعية إسلامية قبل و بعد "النيولوك"... تبقى أنت أكيد ...أكيد فى مصر
38. لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ... تبقى أنت أكيد ...أكيد فى مصر
39. لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ... تبقى أنت أكيد ...أكيد فى مصر
40. لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ... تبقى أنت أكيد ...أكيد فى مصر
41. لو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ... تبقى أنت أكيد ...أكيد فى مصر
42. لو رحت الباجور منوفية و سألت مين رئيس الجمهورية و ردوا وقالوا كمال الشاذلى ... تبقى أنت أكيد ...أكيد فى مصر
43. لو رحت تنتخب و معاك بطاقة إنتخابية و ردوا و قالوا إنك متوفى ... تبقى أنت أكيد ...أكيد فى مصر
44. لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش!...تبقى أنت أكيد ...أكيد فى مصر
45. لو كل يوم الصبح تشوف الفلافل مع طبق الفول الطعم اللذيذ...تبقى أنت أكيد ...أكيد فى مصر
46. لوسمعت الناس بتحلف على الفاضى و على المليان بـ "النبى" و مش بـ "الله"...تبقى أنت أكيد ...أكيد فى مصر
47. لوسمعت كلمه اهلا يا "باشا" و ائمورنى يا "باشا"...تبقى أنت أكيد ...أكيد فى مصر
48. لو شفت صاحب أعلى الدرجات العلميه و صاحب أعلى المناصب بيرووح البلد كل جمعه لأهله و ناسه و مبينسهمش...تبقى أنت أكيد ...أكيد فى مصر
49. لو شفت الجنازه و وراها مئات من المشيعيين بيدعوا للميت بالرحمه من قلوبهم...تبقى أنت أكيد ...أكيد فى مصر
50. لو تشوف احلى الناس و الاهل و الاحباب و الناس الطيبين مالين عليك الدنيا...تبقى أنت أكيد ...أكيد فى مصر
51. لو الست تخلع جوزها بعد طول عشرة...تبقى أنت أكيد ...أكيد فى مصر
52. لو تقف فى طابور طويل علشان رغيف العيش...تبقى أنت أكيد ...أكيد فى مصر
53. لو الحكومة تقولك حنجيب لحمة من السودان و متجبش...تبقى أنت أكيد ...أكيد فى مصر
54. لو حد النهارده إسمه بوحة و إمبارح كان إسمه اللمبى و الحد ده يقش ملايين...تبقى أنت أكيد ...أكيد فى مصر
55. لو تكون لك جيران زى اهلك ...تبقى أنت أكيد ...أكيد فى مصر
56. لو تكون تايه و تلاقى الف مين يدلك ...تبقى أنت أكيد ...أكيد فى مصر
57. لو طالع أى أتوبيس أو نازل منه و بتسمع عمال على بطال "يا باشمهندس"...تبقى أنت أكيد ...أكيد فى مصر
58. لو سمعت و قريت عن البلطجة السياسية...تبقى أنت أكيد ...أكيد فى مصر
59. لو سمعت الكبير بيقول للصغير "حضرتك"...تبقى أنت أكيد ...أكيد فى مصر
60. لو سمعت ناس بتطلب من الست و الحسين ...تبقى أنت أكيد ...أكيد فى مصر
61. لو سمعت أن النقابات المهنية تحت الحراسة...تبقى أنت أكيد ...أكيد فى مصر
62. لو سمعت أن فيه ناس بتتجوز فى خمس او سبع نجوم و ناس تانيه مش لاقيه تتجوز...تبقى أنت أكيد ...أكيد فى مصر
63. لوسمعت و قريت أن فنان إبن فنان يعمل عملته و ينكر و القضا مازال يفكر ثم يفكر...تبقى أنت أكيد ...أكيد فى مصر
64. لو سمعت واحد زيى بيقول مين يزود على حلوها و مرها...تبقى أنت أكيد ...أكيد فى مصر*

و الله العظيم "مصر" فى المدونة أعلاه ليس لها أى ذنب فى المر و الحلو اللى فيها... أى "حلو" فيها من أهلها المصريين اللى عايشين على ارضها و برضك أى "مر" فيها برضك من أهلها المصريين اللى عايشين على ارضها

دكتور مهندس جمال الشربينى
الحزب الأخضر الإشتراطى
(مشروع حزب تحت التأسيس)

لا تتردد وسارع بالإنضمام للمؤسسين للحزب لصنع مستقبل نظيف وإشتراطى لمصر
تحيا مصر Viva Misr
بلاش تقول Egyptقول Misr
gmsherbini@msn.com
www.egyptsons.com
******
رئيس لجنة
"مصرهى مصرMisr بكل اللغات"

Tharwat
17-11-2005, 12:09 PM
كلامك صحيح 100فى ال100

متشكر جداااا

loly_h
17-11-2005, 09:58 PM
كلام جميل ,,,,كلام معقول
مااقدرش اقول حاجه عنه
بس لو كانت فضلت الخاطره الاولانيه
زى ماهيه بسلبياتها,,,, وكتبت واحده
تانيه بالايجابيات ,,,, كانت هتبقى احلى
كتير,,,, وده مجرد رأى
وعموما,,,, شكرا على مجهودك:y:
الواضح,,,, وفى انتظار المزيد
بس ياريت يكون فى امل يادكتور*215*

دكتور مهندس جمال الشربينى
18-11-2005, 10:09 AM
*8* *6* *8* محاولتى الأولى خاصة بى وحدى ...أما الثانية فهى من حق المشاركين فيها لذا كان الفصل بينهما و شكرا على المواصلة و نأمل فى المزيد

بنت شهريار
18-11-2005, 09:37 PM
اعتقد ان الامر مش سىء للدرجة دى..
اكيد زى السلبيات فى ايجابيات..
تقبل تحياتى..

دكتور مهندس جمال الشربينى
19-11-2005, 03:05 PM
*8* ليكى حق فأنت من مواليد عصر مبارك فقط و لكن نحن من مواليد عصر فاروق و ناصر و السادات و مبارك...شوفى بنفسك الفرق الشاسع!*4*

ديدي
21-11-2005, 07:02 PM
دكتور جمال
اعتقد انه الموضوع كان عبارة عن موضوع ساخر وبالتالى حضرتك وضعته هنا فى القاعة
لكن من الواضح انه بدأ يأخد مسارات اخرى اتمنى الا تتعدى حدود السخرية من اوضاع حضرتك رافضها
وان كنت ارى ان كل بلد بها ما هو جميل وماهو سىء ليس مصر فقط ولا اى بلد بعينه ويكفى اننا ننتمى لها ونشرب من نيلها
وليس السخرية من اوضاعنا الغير مرغوب فيها هى الحل لاصلاحها
تقبل تحياتى

دكتور مهندس جمال الشربينى
22-11-2005, 10:43 AM
*4*
لا عزيزتى أول طريق حلول أى مشكلة هو تعرية و كشف جذور المشكلة و من ثم إيجاد الحلول الجذرية لهذه المشكلة حتى لا يتكرر حدوثها مرة أخرى....راجعى مواضيعى السابقة و انتى تتبينى ما أنا أسعى إليه و هو هدف واحد ....مستقبل أفضل لأحفادنا....كفانا تقليد النعامة و دفن روؤسنا فى الرمال حتى لا نرى الخطر القادم*4*

مجد الاسلام
27-11-2005, 01:05 AM
كلام صحيح بس زي ما قلت وقال الاخ الفاضل لازم يكون لينا دور في الاصلاح

free_bird
27-11-2005, 10:46 AM
ليييييييييييييييه بس
مصر جميلة وبلد الناس الطيبين

معلش بكرة ان شاء الله هيكون احسن من النهاردة

دكتور مهندس جمال الشربينى
28-11-2005, 08:11 AM
إلى العزيز*6*
free_bird

أستحلفك بالله العظيم أن تلغى من قاموسكم كلمة "معلهش" و أعتقد *4* أن كل مصائبنا سببها هذه الكلمة الغريبة و الله أعلم

دكتور مهندس جمال الشربينى
28-11-2005, 08:20 AM
إلى العزيزة *6*
loly_h
عضو سوبر

طبعا الأمل موجود و لكنها هناك بعيد محتاج لأيادينا تتشابك معا لنجتاز الصعاب معا ...الأمل قادم نحونا لا محالة و لكننا دعنا نقطع نصف الطريق إليه حتى لا يتأخر لقاءنا كثيرا...و هاكى عنوان أول الطريق إلى الأمل:

http://www.egyptsons.com/misr/showthread.php?t=40952
*8* *8* *8*


Photo Gallery