المساعد الشخصي الرقمي

مشاهدة النسخة كاملة : أعضاء منتدى أبناء مصر : حتشوفوا المرة دي م/ عاطف هلال بعيوني



الصفحات : [1] 2

daria
16-11-2005, 08:22 PM
المرة دي تختلف
المرة دي موضوعي رسالة ...
رسالة حب وتقدير
إليك والدي الحبيب
م/ عاطف هلال ,
تحية طيبة وبعد
قبل ما ابتدي ... لازم اقول حاجة مهمة .. لان المرة الدي الشخص مهم
لأ لأ مش زي ما فهم البعض
انا قصدي مهم ليكم تعرفوه اكتر
حاديكم عيوني اللى فضلت ساعات ليكم تجمع اللى جاي ... مستمتعة جدا بما اقرأ ،، بما ارى ،، بما أحس

ملفك الشخصي
اسمحي لي احييك عليه

ماشاء الله
وطنية ... ثقافة ........... طموح
ذكاء ..... اجتهاد .......... حب للدين
نجاح
دي بدايته :-
تاريخ الميلاد:
November 28, 1941
العمر:
63
الأسم الحقيقي:
عاطف هلال
الجنسية:
Misr
البلد:
مصر القاهرة
الإهتمامات:
Reading; Music;Chess playing
الوظيفة:
consultant engineer
الجنس:
male


اللى فوق دي معلومات بسيطة
في اكتر
ثواني كدة
اهوه رجعت تانى
بس معايا كلام من م/ عاطف هلال شخصيا ...

الأصل والنشأة : المنصورة وهى أصل جدودى من الأب والأم ، رغم أن ميلادى فى 28/11/1941 كان فى طنطا
سافرت للقاهرة وحدى عام 1958 بعد أن قبلتنى كلية الهندسة جامعة القاهرة .. وظللت تائها فى العاصمة أول عامين ونسيت لماذا جئت للقاهرة ولأى هدف ؟!! – وشرح ذلك يطول .
أفقت بعد ذلك حين اكتشفت أنى أعشق الهندسة ، ومن كثرة عشقى لها هجرتها إلى ألمانيا لمدة عامين ، حيث عملت فى أحد مناجمها تحت الأرض فى منطقة الرور كعامل فنى
إنتسبت لكلية الآداب قسم فلسفة بعد تخرجى مباشرة من كلية الهندسة عام 1967 وكنت مكلفا بالعمل فى مناجم حديد أسوان . ونجحت فى أول عام دراسى بها بتقدير ممتاز رغم ظروف العمل وظروف بالجيش بعد ذلك . ولم أتمكن من تكملة باقى السنوات الدراسية بها لهذه الظروف .
بعد نكسة يونيو 1967 ونداء عبد الناصر الذى تم نشره فى كافة الصحف اليومية لكل المهندسين على مختلف تخصصاتهم والمعافين من الخدمة وخاصة بسبب " لم يصبهم الدور" تسليم أنفسهم للقوات المسلحة ، فسارعت لتلبية النداء

وكنت مسئولا عن نقط الملاحظة الهندسية فى مواجهة العدو ، وكنت أول من تنبأ بإنشاء الساتر الترابى فى مواجهة الجيش الميدانى الثانى ، كما صورت كافة مراحل إنشائه وتفاصيل إنشاء النقط القوية على طول خط بارليف كما اشتركت كقائد لبعض عمليات العبور أثناء حرب الإستنزاف بغرض جمع معلومات عن العدو ، والحديث عن هذه الفترة ممكن أن يستمر بلا نهاية .

بعد معركة أكتوبر والتسريح النهائى لدفعتى ، تسلمت عملى مرة أخرى فى مناجم حديد أسوان ، ثم مناجم حديد الواحات البحرية ، وتنقلت كثيرا فى صحارى مصر شرقها وغربها ، وعشقت الصحراء وأحببت استخراج كنوزها ، وجعلت من هندسة المناجم فنا قبل أن يكون علما
تم نشر الكثير من مؤلفاتى التى كانت خلاصة خبرتى فى صناعة التعدين باللغتين العربية والإنجليزية على مستوى شركات الصناعة .. وآخر ماتم نشره لى فى مجال التعدين والسياسة والإقتصاد كرؤية لأوضاع مصر الحالية وتداعياتها حتى عام 2020 هو كتاب بعنوان " الموارد المعدنية وآفاق تنميتها حتى عام 2020 " ونشرته المكتبة الأكاديمية بالدقى عام 2001 .

حصلت على وسام المهندس من نقابة المهندسين عام 1992 للتميز فى العمل الهندسى .

فضلت تسوية معاشى قبل سن الستين بعام واحد لعدم إقتناعى بأهداف المرحلة سياسيا واقتصاديا واجتماعيا ولصعوبة العطاء فى جو هذه المرحلة .
أعمل فى تدريس مادة "المشروع" لطلبة كلية الهندسة جامعة الأزهر منذ حوالى خمسة عشر عاما وحتى تاريخه كواحد من أصحاب الخبرة ومن كبار رجال الصناعة فى هذا المجال .
لهنا أنتهى الاقتباس يمكن ناس كتير شوية مستغربة انبهاري بحضرتك
انا عارفة ان الابطال في حياتنا كتير
عارفة ان في مفكرين ومهندسي وناس هايلة كدة كتير
بس بالنسبة لي الموضوع مختلف
انا بقى اول مرة اقابل بطل منهم بجد .. أول مرة بطل منهم يبتسملي حتى لو ماشفتش ابتسامته بس انا واثقة انه ابتسملي
دخلى وشجعني ..
جيت مرة قولتله اقول لحضرتك والدي
وكان رده
"وياداريا طبعا يسعدنى كثيرا أن تخاطبينى كأب ، لأنى أشعر أن الزمن يسعى لإرضائى من جديد عندما يخاطبنى أمل المستقيل بتلك الكلمة النبيلة ، وكل ماأخشاه هو أن يحسدنى البعض على ذلك.."


موضوعاتك .... متنوعة
"دعوة غالية من قلب مخلص" على حد قول الصعيدي
قال كدة في موضوع
ااذا نودي للصلاة من يوم الجمعة
http://www.egyptsons.com/misr/showthread.php?t=32036


وم/ عاطف هلال ماكتفاش بكل دة ........ بل كتب في الشعر
وادي لينك تاني بالمنتدى .. حاتبتسم اما تقرأه ،،
بعنوان " بعد خمسين عاما التقينا "
http://www.egyptsons.com/misr/showthread.php?t=16742

مقال رغم صغره الا انه قيم فعلا
http://www.egyptsons.com/misr/showthread.php?t=15958

وبيان لبعض الناس
http://www.egyptsons.com/misr/showthread.php?t=21463


جولتين في قاعة المناقشات ... مع رفاق العهد القديم

يا عشاق مصر
http://www.egyptsons.com/misr/showthread.php?t=15633

تعالى نحب كما علمنا الله
http://www.egyptsons.com/misr/showthread.php?t=12265

عودة الى قاعة السياسة
بموضوعات ...... اقروها واحكموا
فك الارتباط بين اللغة والعروبة والتاريخ
http://www.egyptsons.com/misr/showthread.php?t=39295

سياسة في حكاية
http://www.egyptsons.com/misr/showthread.php?t=15269

ونهاية بموضوعات لقاءات في حب الله

الحياة الدنيا
http://www.egyptsons.com/misr/showthread.php?t=21003

ربنا افرغ علينا صبرا
http://www.egyptsons.com/misr/showthread.php?t=15958


انا كتير باتكسف
بس المرة دى لأ بقى
م/ عاطف ... ارجوك عايزين منك أكتر
بحب حضرتك تنور المنتدى كدة على طول ،، زي ما انت منور بلدنا
خليك معانا زي ما كنت زمان معاهم في صحرا مصر وفي اكتوبر
خليك جنب كل واحد مننا يمكن في يوم يطلع مننا زيك او نجيب اللى يطلع زيك
انا بارفض تماما جهل ناس كتير هنا بحضرتك ،، هما عارفين ان حضرتك حاجة كبيرة
بس انا بقى مايعجبنيش الكلام دة
انا عايزة حضرتك تكون معانا اكتر وهما يستغلوك شوية


في مفاجأة حلوة بقى ليكم
دي صورة م/ عاطف هلال للى مش شافها
http://www.egyptsons.com/mjd/upload/users/Atef.jpg



على فكرة دة لينك مهم بالنسبة لي .. نزلته في قاعة السياسة وم/ عاطف هلال وقف جنبي جدا
انا ماكنتش حانزله عشان ماحدش يفتكر اني باحط لينك يخصني في موضوع مش يخصني
http://www.egyptsons.com/misr/showthread.php?t=17860
بس هوه فعلا مش يخصني لوحدي
ومعلش استحملوني
مع كل محاولاتي اني اكون موضوعية بس و ـماحدش قدي ـ انتوا شايفين م / عاطف بعنيا


م / عاطف هلال,
سلام مؤقت
دمت بطلاً...... بطل " ابناء مصر

الدكتورة نسيبة
16-11-2005, 08:50 PM
سلم ايدك يا ايمان كلامك حلو واسلوبك احلى خلانى اعجب واقدر اكتر الباشمهندس عاطف هلال

للاسف انا محلفنيش الحظ قبل كده واتعرفت على باشمهندس عاطف فى اى موضوع ليه يمكن ده اول تعارف بينى وبين الباشمهندس بس انا سعيدة بيه لان ما شاء الله مفيش حد مش بيشكر فى حضرتك

وسعيدة اكتر وافخر بكده انى عرفت بطل من ابطال مصر بجد يعنى عدوا القناة وعبروا مش زى بس ما بشوفهم فى الافلام

تسلم ايدك يا ايمان على انك عرفتينى بشخصية قديرة زى الباشمهندس

وسعيدة جدا بمعرفة حضرتك ولو انى نفسى اتعرف على حضرتك اكتر وان شاء الله هزور اللينكات واتعرف على الباشمهندس من خلالها ولو انى اتمنى زى ايمان انك متسبناش وتكتبلنا كتير عشان اكيد هنستفيد

saladino
16-11-2005, 08:56 PM
تحية كبيرة للاستاذ / عاطف هلال
شكرا لايمان على الطرح الجميل والمفاجاة الموجودة كمان حلوة اوى

مظلوووم
16-11-2005, 09:48 PM
الاستاذ عاطف هلال وباعتبره وبحق (وليس مدحا فيه لانى احبه بالفعل ) احدى منابع الثقافه فى هذا الصرح الجميل واحدى مصابيح المعرفه التى تحاول جاهده كشف اى غموض فى اى موضوع يمس اى جانب من جوانب الحياه وجدت فيه تواضع الحكماء وتقبله لاى معلومه بدون تعالى او تكبر وكم كانت سعادتى حين التقيت به وجها لوجه فكان فعلا مطابقا لما فى مخيلتى عن تلك الشخصيه الجميله والعزيزه فهو رجلا بسيط ومتواضع بشوش الوجه حديثه بالفعل شيق ولا يمل منه وانا من هذا المكان باقوله ربنا يخليك لينا يا استاذ عاطف ويخلى لينا قلمك اللى بجد علمنا ووضح لنا الكثير والكثير وربنا يجازيك عنا كل خير لك منى كل الشكر وخالص المحبه *3* *8*
ابنك
محمد الشترى

حنـــــان
16-11-2005, 10:11 PM
سبحان الله... لسه النهاردة الصبح يا داريا جيتي على بالي وافتركت انك كنتي قلتي حتعملي موضوع تعارف جديد بس استنيت كتير ومافيش حاجة... أخيرا عملتي الموضوع... وفي منتهى الجمال طبعا مش غريب عليكي.

أستاذ عاطف هلال... طب ماهو أنا لو أعرف أقول شعر كنت قلت قصيدة توضح مدى اعجابي بحضرتك. مش فاكرة كان ايه بالظبط أول موضوع قرأت فيه لحضرتك رد بس من يومها وأنا بأكن ليك كل احترام وتقدير وان كنت مش بأشارك كتير فدا لأن علمي بالسياسة قليل وباكتفي بالقراءة واكتساب المعلومات وحضرتك مش بتبخل علينا أبدا.

بأضم صوتي لايمان...

بحب حضرتك تنور المنتدى كدة على طول ،، زي ما انت منور بلدنا
خليك معانا زي ما كنت زمان معاهم في صحرا مصر وفي اكتوبر
خليك جنب كل واحد مننا يمكن في يوم يطلع مننا زيك او نجيب اللى يطلع زيك
انا بارفض تماما جهل ناس كتير هنا بحضرتك ،، هما عارفين ان حضرتك حاجة كبيرة
بس انا بقى مايعجبنيش الكلام دة
انا عايزة حضرتك تكون معانا اكتر وهما يستغلوك شوية

ابو عاصم
16-11-2005, 10:13 PM
تحياتي للباشمهندس أجمل تحية

سيد جعيتم
16-11-2005, 10:23 PM
الأبنة العزيزة /daria
شكراً يا ابنتى مرتان : مرة لأختيارك شخصية عظيمة مثل الأستاذ المهندس عاطف هلال الذى استطعتى أن تنقلى لنا جميعاً احساسك نحوه مما جعلنا جميعاً نحس بنفس احساسك : الشكر الثانى لدعوتى للأشتراك معك فى نفس الموضوع .
ابنتى لقد اسعدنى الحظ بلقاء مجموعة من الأصدقاء والصديقات فى اليوم الثانى من عيد الفطر المبارك وكان على رأسهم استاذنا الكبير / عاطف هلال وماما زوزو وأخوة والأبناء ابن البلد وبوكو بوكو والمفكر ومظلوم وزيزو والأبن العزيز حسام عمر وهو من دعانى لهذا اللقاء وقد حدثنا تليفونياً الأخ الكريم / ابو يحيى الصعيدى .
اما انطبعاتى عن الأستاذ / عاطف هلال فهو شخص متواضع . يملك زخيرة كبيرة من الخبرة والأفكار .عملى . حلو الحديث . يجيد الأنصات للصغير والكبير . أما وقد أضفتى لنا الكثير من المعلومات التى لم نكن نعرفها فأن تقديرنا له زاد .
اشكرك يا ابنتى وبارك الله فيك

Abdou Basha
17-11-2005, 07:17 AM
م. عاطف
أسعد جدا جدا بآراؤه..
أحيانا ما أفتقد تواجده في المنتدى، وأنتظر مواقفه في القاعة السياسية .
أتمنى له كل التوفيق والحياة السعيدة بعد كل هذا العطاء وتلك الرحلة الشاقة من العمل والبذل .

العندليب الأسمر
17-11-2005, 08:06 AM
أرق التحيات للباشمهندس عاطف
تسلمي ياداريا علي تعريفنا بالباشمهندس عاطف



العندليب

daria
17-11-2005, 09:49 AM
السلام عليكم جميعا
يمكن من قرأ موضوعي الاول عن أنفال
لاحظ وجود فقرة " قالوا وقلت " وعدم وجودها هنا
وهي حتتكتب برضة بس بإسلوب مختلف شوية :)


و

بسنت ...... بنت مصر
قالت
"الاستاذ عاطف هلال
هو العلم والثقافة والطيبة المطلقة والتواضع الجم
وحب الجميع وحب الجميع له ... انا عن نفسي
من أكتر الشخصيات اللي مبهورة بيها واللي فعلا
أكتر شخصية رأيها لو بيخالف رأيي في اي شيء
في الحال باغير موقفي وبأثق في الحال اني غلط
ما دام رأي الاستاذ عاطف مخالف لي
يعني بالعربي ثقة عمياء في فكره "

دمتم بتواصل
إيمان

ابن البلد
17-11-2005, 09:58 AM
أستاذ عاطف
:)
الحقيقة لو أقول كلمة علي أستاذ عاطف مفيش كلمات تكفي حقه
أنا دائما ما أقول عليه أستاذ لانه بالفعل أستاذ أما الهندسه فأعتقد أنها كنت خطوة في الطريق الحافل بالإنجازات والإبداعات
أول مرة قابلته ( وهي المره الوحيدة ) وأتمني لقائه كثيرا
للنظرة الأولي تري إنسانا عاديا جدا تظهر علي ملامحة الطيبة
وعند الإقتراب منه تنبهر أكثر بتواضعه
بالرغم من مركزه المرموق وثقافته العاليه ومعلوماته الفياضه إلا أنه في التعامل معك لا يشعرك بأي من هذه الفروقات بالعكس يتواضع بكل سهوله لمستوى تفكيرك وثقافتك
منذ اول موضوع له بالمنتدى وأنا أشعر أني قرأت له من قبل ولكن الحقيقة لم أتذكر حتى الآن ماهو أول عمل قرأته له
فيه كلام كتير الحقيقة بس الوقت مش متاح لي الآن
جزاك الله خير عنا أ/ عاطف :f:
:f2:

فاضــل
17-11-2005, 10:00 AM
تحية تقدير و عرفان لموسوعة الوطنية و العلم و الثقافة و الانتماء و العطاء المهندس عاطف

أفخر بانتسابي إلى منتدى يشارك فيه و إلى إدارة منتدى تعتز بكونه أكبر أعمدتها

و شكر وافر للعزيزة إيمان على عيونها الفاحصة التي تعرف كيف ترى من منظور الجمال

عصفور الشعر
17-11-2005, 10:18 AM
أختى الكريمه ((المتألقه منذ أن عادت للكتابه ثانية)) إيمان


بالأمس القريب كانت الغاليه دوما وأبدا ((أنفال)) .. واليوم المحترم المتزن المثقف المهذب ((ك عضو))....الحازم فى لين وكياسه ومنطقيه وموضوعيه ((كمشرف)) .. نجم الموضوع ودرته المتألقه (((الاستاذ عاطف هلال))

والاخ الاكبر الاقرب لمكانة المعلم والأب ((أ عاطف هلال)) شخصيه من أهم شخصيات المنتدى و هو أحد أعمدة وركائز المنتدى الرئيسيه بلا أى مبالغه او تملق .. بل هو أحد ((الرواسى )) المتينه والقويه التى تمسك بارض المنتدى وتحميها من الزلازل و الانهيارات والسقوط ... فكما قلت من قبل . وأكرر دائما .. أن منتدى أبناء مصر أهم ما يميزه هو تلك الكوكبه المتميزه من خيرة رجالات ومتقفى مصر على كافة المراحل السنيه والاتجاهات الفكريه والأيدلوجيه .. ومن هنا يكتسب المنتدى قوته وفعاليته وتأثيره وجاذبيته


و ل أ عاطف هلال فكر رؤيه سياسيه عميقه وذات بعد .. ورؤيه ثاقبه لمجريات الاحداث وما بين سطورها .. ولعل هذا يرجع الى خبرته الوسعه التى صقلتها السنين والتجارب والاطلاع الواسع الايجابى ... لهذا أقف بصفه شخصيه دائما عند أراءه وأحترمها جدا ...حتى لو كان رايى على الجانب الاخر منها


وموضوعات أ عاطف متميزه جدا ومن الصعب ان تفضل احداها على الاخرى .. وقد أعجبنى جدا جدا مقاله الاخير او لنقل دراسته حول ((فك الارتباط بين اللغة والعروبة والتاريخ )) والذى حوى زخم من المعلومات التاريخيه التى أثرت حصيلتى الثقافيه فى ذلك الجانب


بارك الله لهذا الرجل.... وسدد خطاه .. وعاش زخرا لمنتدى أبناء مصر .. وحقيقة الكلام عنه لا ينتهى *6*


وأخيرا وليس أخرا .. مجهودك الواضح فى كل مواضيعك يا إيمان لن يوفيه أى تقدير ... بس كل اللى اقدر اقوله حاليا أنكى تستحقين أن تكونى ((مؤرخة أو جبرتى)) المنتدى .. وعن جداره*8*


يحفظ الله ويباركك


خوكى

تووووووووت*3*

Hesham Nassar
17-11-2005, 12:23 PM
أولاً أشكرك يا إيمان على التقديمة الرائعة لأستاذنا العزيز م/عاطف هلال ..
و على المجهود اللي بذلتيه في الموضوع و تنسيقه بهذه الصوره ..

و يمكن أنا كنت معرفش تفاصيل عن حياته زي مثلاً خريج أنهي كليه و إيه مهنته و إيه هي الفروع اللي كتب فيها و حاجات تانيه .

و الحقيقه و الحق يتقال ..

الأستاذ عاطف من خلال متابعتي ليه و لكتاباته و مداخلاته المتنوعه و المتميزة في المنتدى هنا فهو من الناس اللي بحترمهم جداً و بحترم أسلوبهم في الحوار و المناقشه ..
غير كده بحس إنه على درجه عاليه من الثقافه و من الاتزان و الموضوعيه و الحياديه في الآراء و بأسلوب في المضمون بحيث لا يجرح أو يسيئ أو يحرج أحد سواء بصوره مباشره أو غير مباشره .

و أرى إنه فعلا مكسب كبير و تشريف عظيم لمنتدى ابناء مصر إنضمامه لفريق الإشراف بالمنتدى .. http://www.aborenaz.com/smilies/smilies2/ok_no/yes.gif

و اللي وضح لي من كل الكلام ده و أكتر منه .. كل التفاصيل اللي وردت في الموضوع ده و الروابط اللي موجوده فيه .

و على فكره عايز أقول حاجه ..
صورة الأستاذ عاطف زي ما تخيلته في بالي تقريباً بملامحه الأساسيه بس يمكن مع شوية اختلافات بسيطه ..http://smilies.sofrayt.com/^/aiw/wink.gif
و أكتر حاجه عجبتني إني شوفت صورتة .:)

تحياتي و احترامي أستاذي الفاضل عاطف هلال و ربنا يديم عليك الصحه و العافيه و تسعدنا بكتاباتك و لا نتحرمش من وجودك معانا أبداً..http://montadayatna.freesuperhost.com/vb/images/smilies/lovbalon.gif

الصاعق
17-11-2005, 01:26 PM
سوف ألخص

فميا مضى كنت ممارساً مستديماً لرياضة التايكوندو وتحولت الممارسة لشغف. وتوسعت في القرأة بشكل كبير. وفي يوم من الأيام ذهبت إلى مدربي للاستفسار منه عن بعض النقاط الفنية . فأكتشفت اني تخطيت ما يعرف. فأحسست بالضياع بعد ان فقدت الإرشاد ووقعت في حيرة عظيمة وانعدام أمان. من هنا يجب ان تفهموا اهمية وجود (( معلم )) مثل الأستاذ عاطف هلال بالنسبة لي. فهو كنز ثمين ومنارة فكر استرشد بها واتتبع خطاها. وهي علاقة يفهمها كل طالب محب لأستاذه ومعلمه

بنت مصر
17-11-2005, 01:37 PM
في كلمتين وبس أقول لك يا أستاذ عاطف
هنيئا لنا بك


وانتي بقا يا داريا فعلا راااااااااااااااااااااااااااااااااااااااااااائعة
شكرا لك على مجهودك الكبير والمساحة الجميلة اللي
اعطيتينا اياها لنتعرف على حبيب الكل الاستاذ عاطف


*8* *8*

أم أحمد
17-11-2005, 02:22 PM
باشكرك يا ايمان جدا علي اختيارتك الجميلة دائما ومواضيعك الاجمل وعلي اتاحة الفرصة لي للتعرف علي جوانب عديدة في شخصة الا ستاذ عاطف هلال

استاذ عاطف هلال او كما احب ان اناديه الاب الغالي عاطف هلال لقد شعرت منذ انضمامي للمنتدي بان حضرتك الاب الروحي للمنتدي ده كله
ربنا يوفقك دائما ويسدد خطاك ويرزقك الخير كله
ولقد سمعت عن حضرتك الكثير بعد المقابله التي تمت في العيد وزاد اعجابي الشديد بحضرتك
واتمني ان لا تحرمنا من وجودك الدائم بيننا في المنتدي
دمتم بكل ود وحفظك الله لنا

atefhelal
17-11-2005, 02:28 PM
ياداريا إنت حطتينى فى مأزق .. حتى ولو كان جميلا فهو مأزق ..

وأنا طالب المساعدة من كل أحبابى الذين شاركوا فى هذا الموضوع للخروج من هذا المأزق الذى لاأنكر أنه أسعدنى .. ولكنه أضاع منى الكلام وأفقدنى القدرة على النطق بعبارات تليق بمقامكم الغالى عندى .. أرجو أن يسعد بكم جيلكم وأن تسعد مصر على أيديكم ..

ولى عودة بعد أن أفيق قليلا من هذا المأزق الذى وضعتنى فيه تلك الفتاة الجميلة التى رأيتها بعقلى وسمعتها بعينى وقرأت جمالها من بعض ماكتبته على صفحات منتدانا الحبيب ، وهى نفسها تلك الفتاة التى تسكن أحلام الغد المشرق عند كل عاشق لمصر .. !! .

daria
17-11-2005, 07:18 PM
سلم ايدك يا ايمان كلامك حلو واسلوبك احلى خلانى اعجب واقدر اكتر الباشمهندس عاطف هلال

للاسف انا محلفنيش الحظ قبل كده واتعرفت على باشمهندس عاطف فى اى موضوع ليه يمكن ده اول تعارف بينى وبين الباشمهندس بس انا سعيدة بيه لان ما شاء الله مفيش حد مش بيشكر فى حضرتك

وسعيدة اكتر وافخر بكده انى عرفت بطل من ابطال مصر بجد يعنى عدوا القناة وعبروا مش زى بس ما بشوفهم فى الافلام

تسلم ايدك يا ايمان على انك عرفتينى بشخصية قديرة زى الباشمهندس

وسعيدة جدا بمعرفة حضرتك ولو انى نفسى اتعرف على حضرتك اكتر وان شاء الله هزور اللينكات واتعرف على الباشمهندس من خلالها ولو انى اتمنى زى ايمان انك متسبناش وتكتبلنا كتير عشان اكيد هنستفيد


يا ميرا تسلمي
وتسلملي عيونك
شوفتى بقى م/ عاطف اللى كنت عمالة احكيلك عليه واشوقك للموضوع؟؟
اي خدمة
:)
اتمنى يا ميرا انك تشوفي اللينكات
بحب ردودك
وميرسي على دعمك ليا برغبتنا في تواجد م/ عاطف اكتر
شاطرة يا ميرا شاطرة
*3*

daria
17-11-2005, 07:30 PM
تحية كبيرة للاستاذ / عاطف هلال
شكرا لايمان على الطرح الجميل والمفاجاة الموجودة كمان حلوة اوى

العفو يا صلادينو
عجبتك المفاجأة
مفيش شكر على واجب *3*
دمت بود
إيمان

daria
17-11-2005, 07:33 PM
سبحان الله... لسه النهاردة الصبح يا داريا جيتي على بالي وافتركت انك كنتي قلتي حتعملي موضوع تعارف جديد بس استنيت كتير ومافيش حاجة... أخيرا عملتي الموضوع... وفي منتهى الجمال طبعا مش غريب عليكي.

أستاذ عاطف هلال... طب ماهو أنا لو أعرف أقول شعر كنت قلت قصيدة توضح مدى اعجابي بحضرتك. مش فاكرة كان ايه بالظبط أول موضوع قرأت فيه لحضرتك رد بس من يومها وأنا بأكن ليك كل احترام وتقدير وان كنت مش بأشارك كتير فدا لأن علمي بالسياسة قليل وباكتفي بالقراءة واكتساب المعلومات وحضرتك مش بتبخل علينا أبدا.

بأضم صوتي لايمان...



حنان انتي برضة كنت مشوقاكي للموضوع جدا
انا بدأت اكتشف اني سادية جدا على فكرة :d :d
وشكرا اني جييت على بالك
" سبت الكلام كله ودة اللى بسطني بصراحة "

نورتي الموضوع
وشوفتك في لينكات م/ عاطف
برافو عليك
انت تتبعين الاجراءات السليمة *15*
زاد الله من أمثالك :)

وشكرا على دعمك ليا
تحية حب
إيمان

daria
17-11-2005, 07:38 PM
الأبنة العزيزة /daria
شكراً يا ابنتى مرتان : مرة لأختيارك شخصية عظيمة مثل الأستاذ المهندس عاطف هلال الذى استطعتى أن تنقلى لنا جميعاً احساسك نحوه مما جعلنا جميعاً نحس بنفس احساسك : الشكر الثانى لدعوتى للأشتراك معك فى نفس الموضوع .
ابنتى لقد اسعدنى الحظ بلقاء مجموعة من الأصدقاء والصديقات فى اليوم الثانى من عيد الفطر المبارك وكان على رأسهم استاذنا الكبير / عاطف هلال وماما زوزو وأخوة والأبناء ابن البلد وبوكو بوكو والمفكر ومظلوم وزيزو والأبن العزيز حسام عمر وهو من دعانى لهذا اللقاء وقد حدثنا تليفونياً الأخ الكريم / ابو يحيى الصعيدى .
اما انطبعاتى عن الأستاذ / عاطف هلال فهو شخص متواضع . يملك زخيرة كبيرة من الخبرة والأفكار .عملى . حلو الحديث . يجيد الأنصات للصغير والكبير . أما وقد أضفتى لنا الكثير من المعلومات التى لم نكن نعرفها فأن تقديرنا له زاد .
اشكرك يا ابنتى وبارك الله فيك


والد الصاعق
الاول ليا طلب عند حضرتك ياريت تحققهولى
تقولي اسم حضرتك
اصل الصاعق والمفكر مش اغلى عندنا من حضرتك
فأقول لحضرتك والدهم
اما بقى لو تحب اقول لحضرتك والدي
دة موضوع تاني احبه جدا جدا *7*

بعد كدة بقى :
انا مبسوطة اني ولله الحمد عرفت اشرح لحضرتك حدوتة انك تدخل تشارك
لأن تقريباا ماحدش بعتله رسالة افهمه
غير وحسيت اني اخفقت تماما اني اخليه يستوعب انا عايزة ايه :d
فالحمد لله

فالشكر مقبول جدا من حضرتك مع كل الحب والتقدير
وبصراحة لو حد المفروض يشكر حد
فأكيد انا اللي اشكر حضرتك
حضرتك بتشكرني بس من ذوقك وكرم اخلاقك
لكن انا ماعملتش مع حضرتك اللى يستحق الشكر
اسعدني وجودك جدا
ودمت بود
إيمان

daria
17-11-2005, 08:10 PM
أرق التحيات للباشمهندس عاطف
تسلمي ياداريا علي تعريفنا بالباشمهندس عاطف



العندليب


تسلم يا عندليب
منور والله
ابن حلال :)
كنت لسه حابعتلك رسالة تيجي تتعرف بم/ عاطف هلال
لكن انت برافو عليك جيت
*3*
دمت بخير
تحية ود
إيمان

daria
17-11-2005, 08:21 PM
و شكر وافر للعزيزة إيمان على عيونها الفاحصة التي تعرف كيف ترى من منظور الجمال


دي كلمة جميلة جدا
من صديق عزيز جدا
الشكر عليها اكتر من واجب
بس ماقدرش ارد بكلام في مستواها
لان حاجة زي دي اعلى مني بصراحة
فحاكتفي بالشكر
*166*

daria
17-11-2005, 08:47 PM
أختى الكريمه ((المتألقه منذ أن عادت للكتابه ثانية)) إيمان


والله يا توت ميرسي جدا
أخجلتني *7*





وأخيرا وليس أخرا .. مجهودك الواضح فى كل مواضيعك يا إيمان لن يوفيه أى تقدير ... بس كل اللى اقدر اقوله حاليا أنكى تستحقين أن تكونى ((مؤرخة أو جبرتى)) المنتدى .. وعن جداره*8*


يحفظ الله ويباركك


خوكى

تووووووووت*3*


لا يا محمود
تشجيعكم ليا وتقديركم يكفيني جدا

وشكرا على اللقب
" انت متخصص القاب حلوة "
وياريتني استحقه

شكرا ليك يا محمود جدا
تحية ود
إيمان

daria
18-11-2005, 11:54 AM
الاخوة
مظلوم
ابو عاصم
عبدو باشا
ابن البلد
شكرا على المرور
دمتم بخير
إيمان

daria
18-11-2005, 12:06 PM
أولاً أشكرك يا إيمان على التقديمة الرائعة لأستاذنا العزيز م/عاطف هلال ..
و على المجهود اللي بذلتيه في الموضوع و تنسيقه بهذه الصوره ..

و على فكره عايز أقول حاجه ..
صورة الأستاذ عاطف زي ما تخيلته في بالي تقريباً بملامحه الأساسيه بس يمكن مع شوية اختلافات بسيطه ..http://smilies.sofrayt.com/^/aiw/wink.gif
و أكتر حاجه عجبتني إني شوفت صورتة .:)








اهلا اهلا
هشام نصار عندنا
هشام
وبعدين بقى ؟
كل شوية تيجي قدامي بالميدالية *9*
مش قلنا خلاص بقى
ولا برضة مصمم تغيظني ؟
:d
انت عارف اني زي العيال الصغيرة
ولا اقولك خلاص
انت برضة واحد داخل الجيش قريب
ربنا يعينك
وشكرا على مرورك
واتمنى تكون سعدت بالتعرف على م/ عاطف
شكلك سعدت *3*
تحية ود
إيمان

daria
18-11-2005, 01:20 PM
العزيز الصاعق
أشكرك على المرور جدا

سيد جعيتم
18-11-2005, 04:16 PM
والد الصاعق
الاول ليا طلب عند حضرتك ياريت تحققهولى
تقولي اسم حضرتك
اصل الصاعق والمفكر مش اغلى عندنا من حضرتك
فأقول لحضرتك والدهم
اما بقى لو تحب اقول لحضرتك والدي
دة موضوع تاني احبه جدا جدا *7*

بعد كدة بقى :
انا مبسوطة اني ولله الحمد عرفت اشرح لحضرتك حدوتة انك تدخل تشارك
لأن تقريباا ماحدش بعتله رسالة افهمه
غير وحسيت اني اخفقت تماما اني اخليه يستوعب انا عايزة ايه :d
فالحمد لله

فالشكر مقبول جدا من حضرتك مع كل الحب والتقدير
وبصراحة لو حد المفروض يشكر حد
فأكيد انا اللي اشكر حضرتك
حضرتك بتشكرني بس من ذوقك وكرم اخلاقك
لكن انا ماعملتش مع حضرتك اللى يستحق الشكر
اسعدني وجودك جدا
ودمت بود
إيمان
الأبنة العزيزة /daria
شكراً يا ابنتى العزيزة . وافتخر جداً بأن تنادينى بلقب والدى . وقد لا اكون فى براعة استاذنا الكبير/ عاطف هلال فى اخراج مايشعر به ووضعه على اللوحة المكتوبة . ولكنى فعلاً احبكم كلكم
اسمى الحقيقى يا ابنتى هو سيد ابراهيم وانشاء الله سأكتب به عن قريب ولو انى افتخر بالصاعق والمفكر وبكم جميعاً .
تحياتى الخاصة لك وللصديق العزيز الأستاذ / عاطف هلال .

بسمة أمل
18-11-2005, 07:58 PM
بسم الله الرحمن الرحيم
صراحة م عاطف يستحق كل تقدير واحترام على كل شىء
سواء على افادته لنا فى كل المجالات او على سيرته العطرة التى نستمد منها القدوة الرائعة
جزاك الله كل خير يا ايمان على المجهود الجميل وعلى الموضوع الرائع لتعريفنا بشخصية م عاطف المتميزة
وادامه الله لنا وجزاه الله كل خير على افادته لنا وتواجدة بيننا

حلا
18-11-2005, 09:23 PM
أ.م عاطف هلال

حاولت داريا أن تقدمك لنا بالطريقة التي تراك هي بها، وأظن أننا جميعًا لدينا صورنا الخاصة التي نراك فيها كلما قرأنا لك وكلما مر اسمك علينا.
قرأت منذ فترة طويلة جميع المعلومات التي أوردتها داريا عنك، ورأيت منك كما رأى الجميع حجم الجهد الذي تبذله لتقدم لنا الكثير من المعلومات الغائبة عنا بسبب تقصيرنا أولا وبسبب الأسلوب الثقيل والدسم لكتَاب السياسة والتاريخ الذي تسبب في نفورنا من قراءة الكثير من الكتب، فوجدناك هنا تسعى لأن تقدم لنا هذه المعلومات بأسلوب سهل وميسريجعلنا نعود لنقرأ ولنفهم أننا جزء من التاريخ الذي مضى وجزء من عالم السياسة الذي يدور حولنا دون أن نعي مايحاك فيه.

أنا أحترمك وأقدرك لأمور كثيرة جميلة تعرفها عن نفسك ،وأحترمك أكثر لأني وجدتك معينًا لي عندما احتجتك.

شكرًا لك ياإيمان لأنك منحتنا الفرصة للتعبير عن مشاعرنا تجاه هذا الرجل العظيم

ديدي
19-11-2005, 03:08 PM
الوالد أ . م عاطف هلال
صحيح ان الفرصة لم تتاح لى للتعامل مع حضرتك عن قرب
ولكن من خلا تعاملى الغير مباشر مع حضرتك تكونت لدى صورة مهمة وهى روح الاب التى تتعامل بها مع كل افراد المنتدى وكان لى نصيب منها فى يوم من الايام
ومن خلال موضوعك الرائع هذا يا ايمان
تكونت لدى فكرة اعمق عن الاستاذ عاطف هلال
هو حقا اهل لها
تحياتى لكى ولشخصه الكريم

المفكر
19-11-2005, 03:29 PM
أشكرك أختي العزيزة على هذا الموضوع المتميز
فالأستاذ الكبير عاطف هلال يستحق هذا الجهد منا كلنا
دمت لنا بخير لكي نستفثيد من خبراتك وآرائك التي تجعلنا نرقى بالحوار
شكرا أختي مرة أخرى

daria
19-11-2005, 03:41 PM
في كلمتين وبس أقول لك يا أستاذ عاطف
هنيئا لنا بك


وانتي بقا يا داريا فعلا راااااااااااااااااااااااااااااااااااااااااااائعة
شكرا لك على مجهودك الكبير والمساحة الجميلة اللي
اعطيتينا اياها لنتعرف على حبيب الكل الاستاذ عاطف


*8* *8*


يا بسنت يا عيوني
انتِ الاروع

ولا شكر على واجب

نورتيني

إيمان

daria
19-11-2005, 03:45 PM
باشكرك يا ايمان جدا علي اختيارتك الجميلة دائما ومواضيعك الاجمل وعلي اتاحة الفرصة لي للتعرف علي جوانب عديدة في شخصة الا ستاذ عاطف هلال

استاذ عاطف هلال او كما احب ان اناديه الاب الغالي عاطف هلال لقد شعرت منذ انضمامي للمنتدي بان حضرتك الاب الروحي للمنتدي ده كله
ربنا يوفقك دائما ويسدد خطاك ويرزقك الخير كله
ولقد سمعت عن حضرتك الكثير بعد المقابله التي تمت في العيد وزاد اعجابي الشديد بحضرتك
واتمني ان لا تحرمنا من وجودك الدائم بيننا في المنتدي
دمتم بكل ود وحفظك الله لنا


انا كنت واجعة دماغك
كل شوية اقولك مش عارفة اعمل مش عارفة ايه
ياه الموضوه حلو
ياه ماحدش رد عليا
انزله امتى
حقى انا اشكرك
استحملتيني واستحملتي وجع دماغي
شكرا على المرور
دمتِ بود
إيمان

daria
19-11-2005, 03:56 PM
ياداريا إنت حطتينى فى مأزق .. حتى ولو كان جميلا فهو مأزق ..

وأنا طالب المساعدة من كل أحبابى الذين شاركوا فى هذا الموضوع للخروج من هذا المأزق الذى لاأنكر أنه أسعدنى .. ولكنه أضاع منى الكلام وأفقدنى القدرة على النطق بعبارات تليق بمقامكم الغالى عندى .. أرجو أن يسعد بكم جيلكم وأن تسعد مصر على أيديكم ..

ولى عودة بعد أن أفيق قليلا من هذا المأزق الذى وضعتنى فيه تلك الفتاة الجميلة التى رأيتها بعقلى وسمعتها بعينى وقرأت جمالها من بعض ماكتبته على صفحات منتدانا الحبيب ، وهى نفسها تلك الفتاة التى تسكن أحلام الغد المشرق عند كل عاشق لمصر .. !! .


عمرى ما حاعرف اعلق على كلام زي دة
يمكن اخده في توقيعي ولا حاجة
اواكتبه وابروزه
*174*

daria
19-11-2005, 04:00 PM
بسم الله الرحمن الرحيم
صراحة م عاطف يستحق كل تقدير واحترام على كل شىء
سواء على افادته لنا فى كل المجالات او على سيرته العطرة التى نستمد منها القدوة الرائعة
جزاك الله كل خير يا ايمان على المجهود الجميل وعلى الموضوع الرائع لتعريفنا بشخصية م عاطف المتميزة
وادامه الله لنا وجزاه الله كل خير على افادته لنا وتواجدة بيننا


العزيزة جدا
بسمة

جزانا واياكم

دمتِ بخير
إيمان

daria
19-11-2005, 04:02 PM
أ.م عاطف هلال

حاولت داريا أن تقدمك لنا بالطريقة التي تراك هي بها، وأظن أننا جميعًا لدينا صورنا الخاصة التي نراك فيها كلما قرأنا لك وكلما مر اسمك علينا.
قرأت منذ فترة طويلة جميع المعلومات التي أوردتها داريا عنك، ورأيت منك كما رأى الجميع حجم الجهد الذي تبذله لتقدم لنا الكثير من المعلومات الغائبة عنا بسبب تقصيرنا أولا وبسبب الأسلوب الثقيل والدسم لكتَاب السياسة والتاريخ الذي تسبب في نفورنا من قراءة الكثير من الكتب، فوجدناك هنا تسعى لأن تقدم لنا هذه المعلومات بأسلوب سهل وميسريجعلنا نعود لنقرأ ولنفهم أننا جزء من التاريخ الذي مضى وجزء من عالم السياسة الذي يدور حولنا دون أن نعي مايحاك فيه.

أنا أحترمك وأقدرك لأمور كثيرة جميلة تعرفها عن نفسك ،وأحترمك أكثر لأني وجدتك معينًا لي عندما احتجتك.

شكرًا لك ياإيمان لأنك منحتنا الفرصة للتعبير عن مشاعرنا تجاه هذا الرجل العظيم


حلا
اهلا بكِ
افتقد مرورك جدا
العفو يا حلا
انتِ اللى شكرا على كلامك
دمتِ بود
إيمان

أنفـــــال
19-11-2005, 07:49 PM
بسم الله الرحمن الرحيم
الوالد الفاضل و الأستاذ العظيم .. أ . عاطف هلال ..
كل هذا التاريخ .. كل هذا الكفاح .. و كل هذه التضحية .. كل هذا الجمال..
كل تلك الأشياء .. صنعت منك عظيماً .. و جعلت البطولة تسعى إليك ..
لم أعرف في حياتي شخصاً يملك هذا القدر من الإخلاص و الإصرار .. و الخبرة ..
أفخر كثيراً بك .. بما قرأت لك .. و بما تعلمت منك .. و شرف عظيم ..
أن تقرأ كلماتي تلك .. التي قد تحمل جزءاً من إعجابي .. و امتناني ..
و جزيل شكري ..
هؤلاء الذين سبقوني .. في مظاهرة الإعجاب .. كل تلك السطور التي سبقت مجيئي..
الغرض منها .. أن تقول ..
نحبــك .. كثيراً .. بصدق كبير..
لا أملك الكثير لأقول هنا .. فالمقام أعلى من أن يقول أمثالي أي شيء !!
بارك الله بك يا والدنا الحبيب .. دم بخير و عافية ..
و جزيل الشكر لصديقتي .. إيمان
و المرفق.. به ما كتبت هنا ..
و لكن .. بخط يدي!

http://www.geocities.com/mishmisha_1980/scan.jpg

على درويش
19-11-2005, 08:27 PM
اللى لسه بطلبه حالا من المهندس عاطف هلال قمت أنت مشكوره به
فعلا سباقه يا ايمان ووفية ورائعة كعادتك

اسف على تقصيرى فى متابعتك
ولكن أبدا هذا التقصير لا يمس ما فى قلبى لكم
تحياتى لك ولصاحب الدم الخفيف اخيك محمد

daria
19-11-2005, 09:48 PM
الوالد أ . م عاطف هلال
صحيح ان الفرصة لم تتاح لى للتعامل مع حضرتك عن قرب
ولكن من خلا تعاملى الغير مباشر مع حضرتك تكونت لدى صورة مهمة وهى روح الاب التى تتعامل بها مع كل افراد المنتدى وكان لى نصيب منها فى يوم من الايام
ومن خلال موضوعك الرائع هذا يا ايمان
تكونت لدى فكرة اعمق عن الاستاذ عاطف هلال
هو حقا اهل لها
تحياتى لكى ولشخصه الكريم



اهلا يا ديدي
نورتي الموضوع
اتعرفتي يا ستي على م/ عاطف
عشان ااما كنت باغيظكم اني باعمل موضوع ليه :) وعنه *3*
تعرفوا ان عندي حق
*3*
تحية ود
إيمان

daria
19-11-2005, 09:51 PM
أشكرك أختي العزيزة على هذا الموضوع المتميز
فالأستاذ الكبير عاطف هلال يستحق هذا الجهد منا كلنا
دمت لنا بخير لكي نستفثيد من خبراتك وآرائك التي تجعلنا نرقى بالحوار
شكرا أختي مرة أخرى


الاخ العزيز المفكر
اهلا بيك
العفو
انا مبسوطة ان الموضوع عجبك
دمت بود
إيمان

daria
19-11-2005, 09:55 PM
بسم الله الرحمن الرحيم

و جزيل الشكر لصديقتي .. إيمان




العفو يا نوفا
يا صديقتي
دمتِ بحب
إيمان

الصعيدي
19-11-2005, 10:02 PM
لم أكن أتوقع أن يسعدني الحظ .. وأتعرف على شخصية رائعة كالباشمنهدس عاطف هلال *3* .. والحقيقة إن أوائل مشاركات الصعيدي كانت على القاعة السياسية .. في وقت كانت القاعة فيه مشتعلة بمعنى الكلمة .. ولا أدري هل كنت عنصرا خاملا أم مساعدا على الاشتعال .. ولكن اللي أنا متأكد منه إن الباشمهندس عاطف كان قمة في التجرد للحق .. ووضع الأمور في نصابها على هذه القاعة التي كادت تغلق .. فتعامل مع المواقف بحكمته المعهودة وخبرته السياسية العريقة .. وحسن خلقه الذي شهد به الجميع .. فأشكر منتدى أبناء مصر أن أتاح لي فرصة التعرف عليك يا أستاذ عاطف .. وأشكرك على كل جهد وعطاء تبذله على صفحات المنتدى*8*

وأما داريا .. فبصراحة مشكلة .. كل موضوع أجمل من اللي قبله .. بقى الواحد مش عارف يقرالك إيه وللا إيه .. فعلا مجتهدة .. وفعلا متميزة .. فلك كل تقدير .. ولك أطيب التحية .. فتقبلي تحياتي *8*

daria
19-11-2005, 10:02 PM
اللى لسه بطلبه حالا من المهندس عاطف هلال قمت أنت مشكوره به
فعلا سباقه يا ايمان ووفية ورائعة كعادتك

اسف على تقصيرى فى متابعتك
ولكن أبدا هذا التقصير لا يمس ما فى قلبى لكم
تحياتى لك ولصاحب الدم الخفيف اخيك محمد


يااااااااااااااه
م/على درويش
والله مفتقداك جدا جدا
ياترى ايه وخدك مننا
شكرا جدا على ثنائك
اقدره جدا
دمت بخير
ودمت معنا
إيمان

حسام عمر
20-11-2005, 02:38 AM
بسم الله الرحمن الرحيم


الأستاذ الفاضل عاطف هلال


نموذج جميل للأب فهو اب لمعظم أعضاء المنتدى



سعدت جدا ً بقربى منه ومعرفتى بشخصه الكريم


كم سعدت أول مره بمهاتفته فكم كان ودودا ً جدا ً معى


وكم سعدت عند زيارتى لقاعه القضايا السياسيه بموضوعاته وردوده


بما فيها من أستفاد وفائده للجميع وبحر من المعلومات


وموقف سياسي جرىء وواضح


وكم سعدت ثانى أيام عيد الفطر المبارك عندما قابلت شخصه الكريم


وكان معنا صحبه رائعه

ماما زوزو

الوالد الفاضل سيد ابراهيم

بوكى بوكى

أحمد صلاح

محمد الشترى

أحمد زيزو


إبراهيم سيد

وكم سعدنا جميعا ببساطة وفكر الاستاذ الفاضل عاطف هلال


ولو جلست ايام اذكر فى مزايا الأستاذ عاطف هلال لما انتهيت




أما بالنسبه للأختي المتألقه دائما ً إيمان

فهذا بالظبط المتوقع منها

فهذا أسلوبها الجميل وهذه طريقتها الرائعه وموضوعتها المميزه


فكل تهانياتى لها لثبات مستوها ودائم تألقها


وخالص أماني لها بالتوفيق الدائم

atefhelal
20-11-2005, 08:45 AM
أتابع كل هذا الكم الجميل من المداخلات الكريمة .. وأعترف بعجزى عن اختيار الكلمات التى تليق بمقام تقديركم وحبكم لشخصى الذى عجز أمام هذا الكم من الحب والتقدير ، وأصبح عاجزا وكأنه لم يتعلم النطق بالكلمات من قبل ، من أجل ذلك أرجو أن تسمحوا لى أن أكرر بعضا من جملة كتبتها لداريا ذات مرة :

إنى أشعر الآن أن الزمن يسعى لإرضائى من جديد عندمخاطبتى بتلك الكلمات النبيلة من الإخوة والأخوات الأفاضل (أبنائى وبناتى ومن هم يقتربون من عمرى مثل والد الصاعق والمفكر ) بتلك الكلمات النبيلة، وكل ماأخشاه هو أن يحسدنى البعض على ذلك ...

فاضــل
20-11-2005, 09:09 AM
وكل ماأخشاه هو أن يحسدنى البعض على ذلك ...

و لذلك نقول (( ما شاء الله لا قوة إلا بالله )) .. لتكون في صلب الموضوع

daria
20-11-2005, 10:53 AM
وأما داريا .. فبصراحة مشكلة .. كل موضوع أجمل من اللي قبله .. بقى الواحد مش عارف يقرالك إيه وللا إيه .. فعلا مجتهدة .. وفعلا متميزة .. فلك كل تقدير .. ولك أطيب التحية .. فتقبلي تحياتي *8*



الصعيدي
فينك بس ؟؟
انا حاقول لحضرتك
تقرالي
كللللللللل حاجة
وتسلملي عيونك اللي تقرا

تحيتك اتقبلها بكل الحب
ولك مثلها وأكثر
دمت بود
إيمان

daria
20-11-2005, 11:18 AM
ازيك يا حسام؟؟

انا كنت عارفة وحاسة بمكانة م/ عاطف هلال

عشان كدة كنت راسلتك في قالوا وقلت :)
واديك جيت بكلام جميل جدا
برافو عليك والله *15*

وشكرا على تشجيعك ليا
بيعني لي الكثير
:)

شكرا يا حسام على مرورك
وتحية ود
إيمان