المساعد الشخصي الرقمي

مشاهدة النسخة كاملة : يوميات مدام شحيبر (طاقة القدر)



مامتكم
22-10-2005, 08:29 AM
المرة دى أنا اللى هأحكيلكو عشان أنا خلاص هأروح المورستان من تحت راس شحبورة *25* (http://www.egyptsons.com/misr/misc.php?do=getsmilies&wysiwyg=1&forumid=49#)

أنا هناء جارة شحبورة وشحيبر النهاردة 19 رمضان على أبواب العشر الأواخر

-شحبورة شفتى رمضان جرى بسرعة إزاى النهاردة 19

[/url]-آه والله رمضان ده طول عمره كده يجرى بسرعة 10 و10 و10

-آه فعلا رحمة ومغفرة وعتق من النار

(http://www.egyptsons.com/misr/misc.php?do=getsmilies&wysiwyg=1&forumid=49#)-مش قصدى اللى بتقوليه ده ماهى الحاجات دى طول السنة أنا قصدى أمى كانت تقول عشرة مرق وعشرة خلق وعشرة حلق

-يعنى إيه

-فى الأول طبيخ وعزايم وبعدين تجهيز هدوم العيد وبعدين الكعك والذى منه بقى

-والعبادة وختم المصحف والتراويح

(http://www.egyptsons.com/misr/misc.php?do=getsmilies&wysiwyg=1&forumid=49#)-ماهو كله شغال مع بعضه حبة كده وحبة كده

-بصى ياشحبورة العشرة اللى جايين دول مالهومش حل لو ما إجتهدناش فى العبادة فيهم هتفوتنا ليلة القدر

-لا ما هو أنا مسنترة نفسى على ليلة القدر هأتفرغ فيها تماما

-ماهى مش ليلة لازم نلتمسها فى الليالى الفردية من العشرة

(http://www.egyptsons.com/misr/misc.php?do=getsmilies&wysiwyg=1&forumid=49#)-لللللللأأأأأأأأأأأ دى حاجة صعبة خالص ده أنا ورايا تنفيض وغسيل سجاد والستاير والنجف والحيطان والكعك والبتى فور .ده أنا حتى لسة ما جبتش هدوم العيال هأقبض الجمعية كمان 3 أيام ده أنا ماصدقت إن شحيبر قال هينعكف العشر أيام وقلت أشقلب الدنيا هأنقل أوضة الأولاد مكان أوضتى وأحط الصالون مكان السفرة ...........

-ياشحبورة إفهمينى ليالى العشرة ماتتعوضش لازم تصلى وتدعى ياترى ختمتى المصحف

-والله مافاضية أقرأ لكن باسمع

-اللهم هل بلغت هأمر عليكى ننزل التراويح والتهجد سوا ماتنسيش

(http://www.egyptsons.com/misr/misc.php?do=getsmilies&wysiwyg=1&forumid=49#)-ربنا يسهل

ليلة 21

-هيه ياشحبورة جاهزة ننزل التراويح

-أصل ماما عندى وبنعمل الكعك 20 كيلو ليا أنا واخواتى تحبى أعمل لك معايا

-لأ شكرا طيب والتهجد؟؟؟؟؟؟؟؟

(http://www.egyptsons.com/misr/misc.php?do=getsmilies&wysiwyg=1&forumid=49#)-أكيد هأكون خلصانة خلينا بكرة

-طيب ماتحرميش نفسك من إنك تدعى وراء إمام الحرم واللا مع درس عمر خالد

-إن شاء الله إدعيلنا بس إنتى

ليلة 22

-هيه ياشحبورة مش نازلة

(http://www.egyptsons.com/misr/misc.php?do=getsmilies&wysiwyg=1&forumid=49#)-إسكوتى تعالى لما أفرجك على اللبس اللى جبته للأولاد تحفة وبسعر لايمكن تتخيليه بس رجليا ورمت من اللف النهاردة

ولسة برضو ماجبتش لبس الصبيان هانزله مرة تانية

-مفيش وقت مرة تانية امر عليكى فى التهجد؟

-مش انتى قلتى ان القدر فى الليالى الفردية الليلة ليلة زوجية خلينا لبكرة

ليلة 23

غسيل السجاد ضهرها مقطوم*148* (http://www.egyptsons.com/misr/misc.php?do=getsmilies&wysiwyg=1&forumid=49#)

ليلة 24

غسيل الحيطان والنجف*151* (http://www.egyptsons.com/misr/misc.php?do=getsmilies&wysiwyg=1&forumid=49#)

ليلة 25

نقل العفش وتغيير مكان الغرف*152* (http://www.egyptsons.com/misr/misc.php?do=getsmilies&wysiwyg=1&forumid=49#)

ليلة 26

تكملة لبس العيد للصبيان*150* (http://www.egyptsons.com/misr/misc.php?do=getsmilies&wysiwyg=1&forumid=49#)

ليلة 27

هيه ياشحبورة مش نازلة الليلة ممكن جدا تكون القدر

-ردت بحزن اسكوتى ياهناء مش ............ (عندها عذر)

طيب وده معناه إن مفيش عبادة

(http://www.egyptsons.com/misr/misc.php?do=getsmilies&wysiwyg=1&forumid=49#)-هأعمل إيه يعنى لا قرآن ولا صلاة زى اللى ربنا حرمنى رمضان ده

-لأ طبعا إستمعى للقرآن وإدعى واجتهدى فى الدعاء واذكرى الله

-ماشى هأحاول ولو إن كابس عليا النوم جدا

-لأ إستعيذى بالله من الشيطان إوعى تفوتى الليلة هأمر عليكى بعد التراويح

بعد التراويح مريت على شحبورة بتتفرج على المسلسل *119* (http://www.egyptsons.com/misr/misc.php?do=getsmilies&wysiwyg=1&forumid=49#)

-بتعملى إيه ياشحبورة

-ما انا قلت لك عندى عذر

-والعذر ماله ومال تضييع الوقت مع المسلسل

[url="http://www.egyptsons.com/misr/misc.php?do=getsmilies&wysiwyg=1&forumid=49#"] (http://www.egyptsons.com/misr/misc.php?do=getsmilies&wysiwyg=1&forumid=49#)-ما انا بأذكر الله وانا بأتفرج أصل المسلسل دى تقريبا أهم حلقة فيه مش عاوزاها تفوتنى بصى بصى يانهار أبيض

سلامو عليكو ياشحبورة

أنا تقريبا بدأت أيأس من شحبورة لكن آخر فرصة كلمت جوزى قلت له خللى شحيبر ييجى ينقذ أهل بيته

-شحيبر ياريت تقضى ولو ساعة فى البيت تعين أهل بيتك على الطاعة شحبورة محتاجالك

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-لأ إلا الليلة مش هأفك إعتكافى

-وأمر أهلك بالصلاة واصطبر عليها -البيت محتاجك هتضيع عليهم الليلة

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-خلاص هاطلع بعد التهجد

-بعد التهجد طلع شحيبر البيت يغط فى نوم عميق

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-شحبورة شحبووورة

*137* (http://www.egyptsons.com/misr/misc.php?do=getsmilies&wysiwyg=1&forumid=49#)-إيه فيه إيه إيه اللى جابك مش كنت منعكف

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-أنا جيت عشان نقعد ندعى سوا الليلة ممكن تكون القدر

*137* (http://www.egyptsons.com/misr/misc.php?do=getsmilies&wysiwyg=1&forumid=49#)-طيب إدعيلى وسيبنى أنام بقى

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-لأ قومى صحصحى كده وصحى الأولاد نحيى الليلة بالدعاء والتضرع كلنا لعلنا نكتب من الذاكرين

*137* (http://www.egyptsons.com/misr/misc.php?do=getsmilies&wysiwyg=1&forumid=49#)-يوووووووووه وكمان أصحى العيال ده انا ماصدقت نيمتهم

*17* (http://www.egyptsons.com/misr/misc.php?do=getsmilies&wysiwyg=1&forumid=49#)-الصبر من عندك يارب يتذكر قول الله واصطبر عليها فيتحمل

جلس شحيبر يدعو والجميع يؤمن وراءه بين التثاؤب والتململ فقبل الفجر بلحظات سألته شحبورة

*137* (http://www.egyptsons.com/misr/misc.php?do=getsmilies&wysiwyg=1&forumid=49#) فين بقى طاقة القدر اللى بتنفتح مش شايفة حاجة لا فى السماء ولا فى وشك

إبتسم شحيبر وقال لأ هى طاقة القدر هتنفتح دلوقتى فى نافوخك *76* (http://www.egyptsons.com/misr/misc.php?do=getsmilies&wysiwyg=1&forumid=49#)







لأ لأ ياشحيبر خليك عاقل أومال حد يحوش ياجدعااااااااااااان

مامتكم
22-10-2005, 08:35 AM
إضطريت طبعا أحذف الإبتسامات والموضوع ساح على بعضه
والتنسيق متوسطن مش عارفة ليه
يظهر عندهم تنفيض هما كمان فى النتدى
كل عام وانتم بخير الليلة ليلة 20 أول ليلة فى العشر الأواخر
ومامتكم زى شحبورة عندها تنفيض وغسيل سجاد وتحمى العيال حماية العيد عقبال عندكو
لاتنسونا من دعائكم

أم أحمد
22-10-2005, 08:49 AM
جزاك الله خيرا يا مامتكم
اللهم بلغنا ليلة القدر واعنا علي القيام
وتقبل مننا يا رب العالمين

مامتكم
22-10-2005, 09:35 AM
جزاك الله خيرا يا أم أحمد على المبادرة بالرد
اللهم بلغنا ليلة القدر

أمة الله
22-10-2005, 10:03 AM
بسم الله الرحمن الرحيم
السلام عليكم ورحمة الله وبركاته

ماشاء الله يا ماما ربنا يكرمك على تذكيرك لنا و جعله فى ميزان حسناتك
كالعاده زى السكر و الله شحبوره بتصعب على حالها زى حال امهات كتير عندنا فى مصر من كام يوم جات لى واحده تعمل انترفيو عشان تشتغل فى الإدارة معايا و لابسه بنطلون جينز و قميص قصير كده و صابغه شعرها و رفعاه بتوكه و كان معاها ابنها و مامتها الست بتقول لى و النبى تخلى بالك منها انا بنتى مؤدبه و حافظه قرآن كتير و متفقهه فى الدين قلت لها ماشاء الله امال فين الحجاب قالت مامتها دى كانت هاتيجى لابساه بس انا قلت لها خليكى لما تستلمى الشغل قلت لها ليه يا ستى كده ما تيجى لابسه حجابها احسن هى هاتتعين فى مكان وحش و لا بيمنع المحجبات
ردت على البنت قالت لى ما ناهاشترى الهدوم و انا مروحه و هاجى بكره لابساه و أهو جه بكره و بعد بكره و ما فيش حجاب (المشكله ان فى أمهات كتير بيفصلوا بين الدين و التربيه فاكرين ان التربيه الكويسه و المدارس اللغات بتعفيهم ان يربوا اولادهم دينيا و ربنا يكرم الجميع و يصلح حالنا و يردنا الى الدين القويم ان شاء الله

وحشتينا كتيييييييييييير

مامتكم
22-10-2005, 01:41 PM
ماشاء الله يا ماما ربنا يكرمك على تذكيرك لنا و جعله فى ميزان حسناتك

مش عارفة أعمل إقتباس
شكرا على مداخلتك ياداليا
فعلا كتير منا مش فاهم دينه صح بس شحبورة مالهاش عذر عندها زوج بياخد بإيدها وجارة مابتزهقش يابختها
إيه أخبار الكعك ياداليا وغسيل السجاد والستائر
ماتنسيناش من دعواتك


Photo Gallery