المساعد الشخصي الرقمي

مشاهدة النسخة كاملة : تعالوا نضحك بعد الفطار بقالى كتير مضحكتش



نوسة
13-10-2005, 07:49 PM
دي اول مجموعه من النكت بنشرها لكم
عشان عارفة اد ايه الحياه بقت عمليه و جد حبيت اخفف عليكم وعليا ونفسى كنت اضحك وارجع لضحكتى الحقيقية

ويا رب فعلا تضحكم


مرة واحد مسطول بيلعب كورة اخد الكورة على صدرة طلعها من مناخيرة

ضابط المرور بيحقق فى حادث... سأل الاول .. فرد .. يا بية انا اديتة كلاكس ..
واديتة انوار وصرخت فية علشان يبعد ومفيش فايده سأل التانى ......... فرد ...
يابية انا اعمل اية ، انا قاعد فى الكشك بتاعى

مسطول لابس جزمة ، فردة بيضة والتانية سوده .... قابله مسطول تاني وقاله: "ايه
ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.
عندي جوز جزم تاني فى البيت شبهه بالظبت

جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال
الاول برجله خرج واحد منهم و قعد يكاكي وعمل نفسه فرخه ضرب التاني خرج وقعد
يأدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج
وقال له شوال بطاطس بطاااااااطس انت مابتفهمش

جماعة مساطيل بيتفرجوا على الاخبار .... فنشرة الاخبار طولت الاولانى قال
للتانى :هى لية نشرة الاخبار طولت النهارد كدة؟ فراح التانى رد علية وقال معلش
اصل شكلها كدة النهاردة اخر حلقة

مرة واحد مسطول اتصل على بيت قال محمد موجود قالوا الرقم غلط قالهم... طيب
بتردوا ليه

مرة واحد مسطول سأل واحد مسطول تانى هو العمود ده منور؟ قاله معرفش أصلى مش من
المنطقة

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال
له السكران طيب ماتيجي تقعد معايا شوية

مره كان في اتنين مساطيل قاعدين بيحششوا فواحد بيقول للتاني انا شايفك اتنين
فالتاني بيقولوا لا انا الي شايفك تلاته فقالوا الاول لا انا الي شايفك اتنين
المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا
وعرضوا عليه المشكله. فقالهم خلاص اصحاب المشكله يقعدوا على جنب والباقي ده
كولوا يروح

سكران بيقول سبحان الله الانسان زي البني ادم لما بيتوفى بيموت

اثنين سكرانين واحد قال للثانى تعرف بيعملوا اية فى اوروبا لما المطر بيمطر ..
قاله لا معرفش .. قال له بيسبوها تمطر

فار محشش قال : كل القطط تحت جزمتى لقى وراه قط اسود قال الا ابو سمره حبيبى

واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا
جايين ننشنق ولا جايين نلعب

واحد مسطول بيسال صاحبه المسطول ايه اسماء اخوتك الشباب؟ قاله:كلهم أسمهم محسن
الا ادهم اسمه تامر

واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه
فقاله ادينى الحلقه الاخيره

مرة اتنين مساطيل قاعدين فالاول بيقول للتاني هو النهاردة السبت ولا الاحد قام
التاني قل له لا الاتنين ..........قام الاول قاله....ياهه و جم مع بعض

مره واحد بيحشش بيقول لصاحبه امبارح جيت اسحب نفس قالوا لى ملكش رصيد

مرة واحد بخيل جدا تزوج راح يقضى شهر العسل وحدة
اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله
دة باين مافيش حد.. قاله إزاى ده النور منور
مره واحد بدوي بيقول لمرته :" الليله عاوز رومانسيه" !!سألت البنت امها:" شو يعني رومانسيه ؟؟؟؟ "حكتلها امها :"ما بعرف بس احتياطا انقعي أرز !!!! "
الاستاذ:مين يعرف اسم حيوان بيطير
الطالب:الفيل يا استاذ
الاستاذ:غلط يا بنى ايه الغباء ده انت ابوك بيشتغل ايه؟
الطالب:فى المخابرات
الاستاذ:والله يا بنى الفيل ممكن يطير بس لو شد حيله

ديدي
13-10-2005, 08:08 PM
:d :d :d
حلوين اوى يانوسه تسلم ايدك

نوسة
13-10-2005, 08:32 PM
ميرسى يا ديدى
كل سنة وانتى طيبة

عـزالديـن
13-10-2005, 08:43 PM
ألف شـكر يانوسة على الإبتسامات الحلوة

كلها مضحكة وآخرها دى
واحد بدوي بيقول لمراته :" الليلة عاوز رومانسية "
سألت البنت امها:" شو يعني رومانسيه ؟؟؟؟ "
قالتلها أمها :"مشعارفه بس إحتياطا انقعي رز !!!! " كل عام وأنتى والأسرة الكريمة بخير

zizoYAzizo
13-10-2005, 08:46 PM
http://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gif


فار محشش قال : كل القطط تحت جزمتى لقى وراه قط اسود قال الا ابو سمره حبيبى

النكت جامده يانوسه تسلم ايدك يلا هاتى باقى الموسوعه بتاعتــــك

http://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gif

نوسة
13-10-2005, 08:51 PM
ألف شـكر يانوسة على الإبتسامات الحلوة

كلها مضحكة وآخرها دىكل عام وأنتى والأسرة الكريمة بخير

اهلا يا عز الدين
كل سنة وانت طيب
ههههههههههههههههه هى غالبا سمعتها مهلبية
كل عام وانت بخير

نوسة
13-10-2005, 08:55 PM
http://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gif



النكت جامده يانوسه تسلم ايدك يلا هاتى باقى الموسوعه بتاعتــــك

http://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gifhttp://www.geocities.com/ahmed_zizo_2006/smil.gif

اهلا يا زيزو
المهم تكون ضحكت ومن قلبك
كل عام وانت بخير