المساعد الشخصي الرقمي

مشاهدة النسخة كاملة : انفال ... بس مش المزيفة بمزاجها !!



الصفحات : [1] 2

daria
27-09-2005, 12:22 AM
تاريخ التسجل : 12_02_2004






يوم الميلاد: July 20, 1980


الجنسية: مصرية

تفاصيل: مجرد مسلمة

البلد: على سطح الأرض

الإهتمامات: الادب و الشعر و القراءات الاسلامية

الوظيفة: مهندسة مدني

الجنس: female


هكذا يبدأ الملف الشخصي لأنفال



كتبت في العنوان ان انفال مزيفة ...

ودة صحيح

من خلال معرفتي بأنفال من المنتدى عرفتها كالآتي

متعالية ... مغرورة .... صارمة ... عصبية ..وهكذا.

بعدها اما قربت منها اوبمعنى اصح قربتني منها..



لقتيها حنينة اوي .... عندها كم هائل من الحب والعطاء

مستعدة تخدم اوي ... جدعة بصراحة

انفال لما كانت على كرسي التعارف

حسيت ان مش دي انفال

كان نفسي تشوفوا جانب تاني منها

قولتلها انفال خليكي بسيطة عن كدة

تخيلي انك بتكلميني مثلا او اي حد على الماسنجر

وبعدها لما لقيت مفيش حل

قلت لاااااااااااااااااااااا

جه الوقت اللى اعرفكم فيه بأنفال بجد



ممكن ؟؟



الكاميرا معايا



تحبوا تشوفوا اللى انا شوفته ؟؟



حاضر



ادي اول مشاركة ليها وكانت في قاعة التعارف



السلام عليكم و رحمة الله و بركاته.."
انا عجبني منتداكم جداً و عجبني اسلوبكم الراقي و حبيت اني اتواصل معاكم هنا.. انا كمان محتاجة اتكلم و حد يسمعني.. محتاجة أحس ان في حد بيفهمني و قادر انه يخاطب عقلي بشكل جيد.. و عشان كدة انا معاكم النهاردة لأني حاسة اني لقيت نفسي هنا..
مع الشكر الجزيل..
أنفــــــــــال "





وبعدها تعددت موضوعاتها المكتوبة بواسطتها


http://www.egyptsons.com/misr/showthread.php?t=22809 (http://www.egyptsons.com/misr/showthread.php?t=22809)

انظر الى نفسك



الموضوع اللى جاي بقى .. انا شخصيا بحبه جدا

ونفسي يتثبت



http://www.egyptsons.com/misr/showthread.php?t=18898





بصوا بدايته



"مش عارفة ابتدي منين..
بس اللي انا عارفاه اني لازم أكتب الكلام دة و الاممكن يجرالي حاجة.. الكلام دة لازم يخرج برة... احساسي بالذنب هيقتلني!!
انا كتبت الموضوع دة.."









ــــــــــــــــــــــــــــــــــــــــــــــــــ ــــــــــــــــــــــــ



وبعديها عملت خطوة

... اتمنى ان يثيبها الله عليها



"قد يخفى على كثير منكم أنني أكتب لنفسي يومياً.
فلنكن اكثر صراحة في الواقع.. لا احد منكم بالطبع يعلم انني اكتب لنفسي مذكرات يومية.
و لأنني أحبكم.. و لأن لكل فرد منكم مكان في قلبي لن يحتله سواه..
فتحت لكم دفاتر مذكراتي.. و أتيت لكم بعصارة بعض المواقف و خبراتي الشخصية..
لا أعرف إن كان ذلك سيعني لكم الكثير كمايعني لي الكثير.. لأن أحداً لم يقرأها من قبل..
ووجدتني صباح اليوم افتحها و أختار لكم اليسير منها..
و لا أخفيكم سراً.. إنني أكتب على كل دفتر مذكرات انتهت صفحاته اسم و رقم.
كلها اسمها Anfalism أنفـاليـزم
و هي مرقمة أنفاليزم1 ، أنفاليزم2 ، أنفاليزم 3 ، و الرابع تحت الكتابة!
أعتقد كفاية رغي بقى و تعالوا أفرجكم على شوية حاجات من عندي".





.......كتبت انفاليزم .......



خطوة جميلة جدا جدا

قصدت بيها الإفادة.. وأحبها ناس كتير

من أجمل ما في انفاليزم .. أنفال .

بمجرد ان تدخل صفحتها وتصبح واحدا من "زبائنها "

تحسسك انك عملت لها خدمة بمجرد ما دخلت

بجد

تكلمك كويس اوي وترحب بيك جدا جدا

وتشكرك

سبحان الله

كمية من الذوق ودماثة الخلق.. أغبطها عليها



يعني بصوا مثلا



صديقتي الغالية ديدي.""".
إشتقت إليك ..
أحب مرورك العاطر على كلماتي..
و أحب أن أعرف أنك تتفاعلين معي و تشعرين بما أشعر..
إن ما أتحدث عنه في أنفاليزم أشياء بسيطة قد نغفل عنها و لا نراها
لكنها موجودة.. و هذا هو الجميل.
أن تعرف ان الملجأ موجود بداخلك .. و أن كل شيء مؤقت .. و أن ليست كل الاشياء كما تبدو..
أحبك في الله ..
و أسأل الله أن يوفقك و أن يرعاك ..
دمت بخير يا صديقتي""""





كتير اوي مبهورين بأنفاليزم

انبسطت اوي اما والدها دخل في انفاليزم دي 12 وكانت مفاجأة



http://www.egyptsons.com/misr/showthread.php?t=36139 (http://www.egyptsons.com/misr/showthread.php?t=36139)







طبعا بعد دة كله

ممكن اي حد يقول

ايه العبقرية دي ايمان؟؟

ماحنا ممكن ندخل الملف الشخصي بتاعها ونشوف كل اللى قلتيه

لكن انا برضة كل فترة حاجي ليكم بعضو او عضوة حادخل ملفهم الشخصي واتصفح فيه

وتشوفوهم وتتعرفوا عليه

وولا تتعبوا نفسكوا



اخر حاجة بقى



" قالوا"



اسمحولي اكتبلكم كلامهم ... كوبس وباست .... نسخ ولصق



قالت .... بسمة أمل ::




"انفال...
قلب ينبض فتحس بنبضاته

أنفال كل كتاباتها تسعدنى وتشعرنى ان البشر ما زالوا انقياء ومازالت الدنيا بخيركمايقولون .. توزع مشاعرها النقية على الجميع، شعرت انها اختى من اول حرف قرأته لها فرأيها يسعدنى ونقدها يفيدنى مجرد ذكر اسمها يشعرنى بالتميز فهى نجمة مميزة اللهم ادمها لنا رائعة ووفقها دائما "





قالت .... لوست

" أنفال من الشخصيات الجيدة التي عندما تقربت منها ارتحت لها كثيرا وتمنيت ان تكون من اصدقائي الاعزاء رغم اننا تعارفنا لقترة قصيرة وان كنت ارى بها بعض " الحمئية " وان تكون اكثر تفهما للامور وان لا تحكم على احد من موقف واحد .. هي شخصية متميزة في المنتدى "




قال .. م/عاطف هلال


وأنفال فتاة طموحة ملتزمة ، ولكن أحيانا تضع نفسها معزولة على قمة جبل من صنعها فترى كل شيء من تحتها جملة واحدة دون اي تفاصيل_من المؤكد أنها فى غاية الأهمية بالنسبة للمرحلة التى تعيشها من عمرها""



وقال الصعيدي

" وحين يجتمع الصدق .. والإبداع .. مع سحر البيان .. فنحن حينئذ نتحدث عن قلم مميز.. هو بلا منازع قلم المبدعة أنفال التي أمتعتنا بنظراتها الجميلة في مواقف الحياة ..والتى وان مرت على على كثير من الناس مرور الكرام ..فإن أنفال تقف امامها وتوقفنا معها لنتأمل في عبرها

ومعانيها .. أجمل التأمل ..

وإن يكن لقلم أنفال هذا الحظ من الجمال .. فإن شخصيتها التى عرفناها من مشاركاتها.. وتعليقاتها .. هذه الشخصية الصادقة الملتزمة.. لها من التقدير والاحترام الحظ الوافر وما أجمل أن تجتمع هذه الصفات والمواهب في إنسان

فقط أقول لها .. ارفعي النظارة السوداء قليلا عن الدنيا من حولك .. سترينها أجمل .. ومع كل ما فيها من ألم ومعاناة ومتاعب.. فإننا نستطيع أن نحولها إلى واحة جميلة بشيء من الصبر وكثير من الأمل

انتهت هنا الكلمات .. ومفيش كلام تاني .. ودايما موفقة يا أنفال ... ودايما شاطرة ومتميزة يا داريا "




قالت دكتورة نسيبة

" أنفال باحسها كئيبة وحزينة كتير .. غامضة ، لكن بتحب تكون مصدر احترام ،، وهي ملفتة للانتباه بشكل جميل "


قال فاضل


"عندما أرى أنفال أرى الصراع المتأجج ين الحق و الباطل .. بين الخير و الشر .. بين الجمال و القبح .. بين الأبيض و الأسود
صراع محتدم و قاس

و لكن تكون الغلبة في النهاية للطرف الأول من طرفي الصراع دائما .. و ذلك للفطرة النقية والروح الشفافة

و لكن رقة هذة الفطرة تجعل كم المعاناة في خوض هذا الصراع رهيبا للغاية و بالتالي يكون من السهل على هذا السطح الأملس أن ينخدش -أحيانا- .. وهذا البلور البراق اللامع أن ينطفيء - أحيانا-
و لكن يعود المعدن النقي إلى أصله و إلى فطرته
و تستقر بوصلة اليقين في اتجاه الخير "المغناطيسي" بعدالاهتزاز من جراء الأقطاب المتنافرة "


قالت حنان

"لدى أنفالنا هبة العزف على الكلمات... والإبحار في أعماق النفس البشرية... لتعود لنا بجواهرها وأسرارها. نكتشف معها أنفسنا وندرك أكثر معاني الحب والكرامة. "

قال دراجون شادو

"
عندما دخلت المنتدى لفت نظري الكثير من الأعضاء وبدأت برسم صورة لكل منهم بخيالي ، وقد كانت أنفال ممن يتصدرون قائمة هؤلاء الأعضاء .
كنت أظن أن عمرها تجاوز الأربعين من خلال أسلوبها وقناعاتها التي وصلت إليها وعندما لاحظت أنها لم تكمل عامها الخمسة والعشرون زاد إعجابي بها ومتابعتي لما تكتب حتى وإن لم أرد على كل مواضيعها ولكني إستعرضت جميع مشاركاتها هى وبعض الأعضاء ممن أثاروا إنتباهي وإعجابي .

أنفال شمس المنتدى الذي تمده بالدفئ وتشعر معهابالثقة وتحبها قبل أن تعرفها إن جاملتك تجدها واقعية بالمجاملة تعرف عنك الكثير قبل أن تجاملك وتشعرك أن مجاملتها لك بمحلها وليست إلا وصف حقيقي ، وإذا أثرت حفيظتها تجد لها أسلوباً مختلفاً في كل مرة لمعالجة الأمر لأنها لاتريد أن تخسر أحداً ، تجد لها التصرف المناسب مع الشخص المناسب .
أنفال
أشعرتني أنها أخت لي لم تلدها أمي حيث شعرت معها أنني كنت آكل معها على طبلية والدي وتعلمنا سوياً من الحياة شعرت اننا نأكل بطبق واحد ونحن نشاهد التليفزيون ، شعرت أنها أختي بحق ولم يعتمل في صدري ابداً أن شعرت أو نظرت إلى جانبها الأنثوي الجارف ، وهذا حتى أعطيها حقها كله فهى وبحق أنثى جميلة ممتلئة بالأنوثة والجمال ، أنني لم أراها ! ولكن جمالها لايحتاج أنتراه مسبقاً فهو منذلك النوع الذي يبقى ولاتمحوه عوامل الزمن ومروره ، وليس ذلك الجمال الذي يخبو بالتعود أو الذي نراه قبحاً بعد إتضاح الرؤية لنا ، جمالها تراه وتسمعه دون أن تراها وأنوثتها تشعر بها من خلال شعورك أنك قابت أختاً لك وأحيانا من شعورك بأمومتها وأحتوائها للغير وسماعها لمشاكلهم بمنتهى الهدوء .
أنفال
ماذا يمكن أن أكتب بها وهى يتجاوز روعتها أسلوبي وإمكانانتي بالوصف فالموصوف هنا أشمل وأجمل من كلماتي وقدرتي على الوصف .
طلبت مني أختي الفاضلة داريا أن أقول عن أنفال :
أأقول أنها أنثى رائعة .
أم أقول أنها أخت فاضلة محترمة .
أم أقول انها صديقة تستحق كل إحترام وتقدير .
أم أصمت لعجزي عن وصفها بما يليق ومكانتها لدى ولدى الجميع أعتقد أن ماقلته صمتاً لا أكثر .
إذا سمحت لي أختي الفاضلة إيمان أن أعود وأقول الكثير عن أنفال حيث أمر حالياً بظرف يشغلني قليلاً عن المنتدى .
وإنعدت ووجدت الحديث إنتهى عن أختى العزيزة أنفال سأتكلم عنها دائماً مجددا وأعلم مسبقاً أنني لن أوفيها حقها ."

أنتظر عصفور الشعر وعبدو باشا وماد بوي ... لتكملة "قالوا "

وانا استنيت للاخر عشان اختم بأعمالها الادبية

بدءا من

اعترافات انثى

http://www.egyptsons.com/misr/showthread.php?t=21624 (http://www.egyptsons.com/misr/showthread.php?t=21624)

انفاليزم 5

http://www.egyptsons.com/misr/showthread.php?t=26529 (http://www.egyptsons.com/misr/showthread.php?t=26529)

وقتلتني منتحرة



http://www.egyptsons.com/misr/showthread.php?t=24283 (http://www.egyptsons.com/misr/showthread.php?t=24283)

راهبة المحراب

http://www.egyptsons.com/misr/showthread.php?t=22426 (http://www.egyptsons.com/misr/showthread.php?t=22426)

واخيرا ... الى هذا الذي تأخر كثيرا

http://www.egyptsons.com/misr/showthread.php?t=36602 (http://www.egyptsons.com/misr/showthread.php?t=36602)





انا كدة خلصت الى عندي

حاسيبكم مع انفال

وياريت تتفرجوا على اللينكات واتمنى تقولوا لأنفال"ي "
فرصة سعيدة .. اتعرفنا بيكي

إيمان

الدكتورة نسيبة
27-09-2005, 01:00 AM
بجد بجد يا داريا اسلوبك حلو جداااااااااااااااااااا وفكرتك احلى واحلى وطريقة سردك لحياة انفال فى منتدانا حلوة قوى وتنظيمك

بجد ما شاء الله عليكى

بالنسبة لانفال انا قلت رايى فيها بصراحة بس مش معنى كده انى بكرها او بحب ابقى بعيدة عنها بالعكس انا نفسى جدااااااا اتعرف على انفال اكتر واعرفها عن قرب واتمنى منها انها متكونش اتضيقت من كلامى

وتسلم ايدك يا داريا

حنـــــان
27-09-2005, 01:18 AM
شكرا يا داريا على مجهودك الجميل المنظم هنا

وشكرا لأنفال على تواجدها بينا

Dragon Shadow
27-09-2005, 04:27 AM
قال دراجون شادو

عندما دخلت المنتدى لفت نظري الكثير من الأعضاء وبدأت برسم صورة لكل منهم بخيالي ، وقد كانت أنفال ممن يتصدرون قائمة هؤلاء الأعضاء .

كنت أظن أن عمرها تجاوز الأربعين من خلال أسلوبها وقناعاتها التي وصلت إليها وعندما لاحظت أنها لم تكمل عامها الخمسة والعشرون زاد إعجابي بها ومتابعتي لما تكتب حتى وإن لم أرد على كل مواضيعها ولكني إستعرضت جميع مشاركاتها هى وبعض الأعضاء ممن أثاروا إنتباهي وإعجابي .



أنفال شمس المنتدى الذي تمده بالدفئ وتشعر معها بالثقة وتحبها قبل أن تعرفها إن جاملتك تجدها واقعية بالمجاملة تعرف عنك الكثير قبل أن تجاملك وتشعرك أن مجاملتها لك بمحلها وليست إلا وصف حقيقي ، وإذا أثرت حفيظتهاتجد لها أسلوباً مختلفاً في كل مرة لمعالجة الأمر لأنها لاتريد أن تخسر أحداً ، تجد لها التصرف المناسب مع الشخص المناسب .

أنفال

أشعرتني أنها أخت لي لم تلدها أمي حيث شعرت معها أنني كنت آكل معها على طبلية والدي وتعلمنا سوياً من الحياة شعرت اننا نأكل بطبق واحد ونحن نشاهد التليفزيون ، شعرت أنها أختي بحق ولم يعتمل في صدري ابداً أن شعرت أو نظرت إلى جانبها الأنثوي الجارف ، وهذا حتى أعطيها حقها كله فهى وبحق أنثى جميلة ممتلئة بالأنوثة والجمال ، أنني لم أراها ! ولكن جمالها لايحتاج أن تراه مسبقاً فهو من ذلك النوع الذي يبقى ولاتمحوه عوامل الزمن ومروره ، وليس ذلك الجمال الذي يخبو بالتعود أو الذي نراه قبحاً بعد إتضاح الرؤية لنا ، جمالها تراه وتسمعه دون أن تراها وأنوثتها تشعر بها من خلال شعورك أنك قابت أختاً لك وأحيانا من شعورك بأمومتها وأحتوائها للغير وسماعها لمشاكلهم بمنتهى الهدوء .

أنفال

ماذا يمكن أن أكتب بها وهى يتجاوز روعتها أسلوبي وإمكانانتي بالوصف فالموصوف هنا أشمل وأجمل من كلماتي وقدرتي على الوصف .

طلبت مني أختي الفاضلة داريا أن أقول عن أنفال :

أأقول أنها أنثى رائعة .

أم أقول أنها أخت فاضلة محترمة .

أم أقول انها صديقة تستحق كل إحترام وتقدير .

أم أصمت لعجزي عن وصفها بما يليق ومكانتها لدى ولدى الجميع أعتقد أن ماقلته صمتاً لاأكثر .

إذا سمحت لي أختي الفاضلة إيمان أن أعود وأقول الكثير عن أنفال حيث أمر حالياً بظرف يشغلني قليلاً عن المنتدى .

وإن عدت ووجدت الحديث إنتهى عن أختى العزيزة أنفال سأتكلم عنها دائماً مجددا وأعلم مسبقاً أنني لن أوفيها حقها ."







الأخت الفاضلة إيمان *8*

موضوع جميل ولإنسانة تستحق كل تقدير ومحبوبة من الجميع وقد قمت بإقتباس كلماتي لتصحيحها حيث كنت قد كتبتها على عجل ولي عودة مترويه إن شاء الله للحديث عن أختنا العزيزة أنفال

والتي أرى قلبها على الورق .

دمت أختاً عزيزة للجميع وبارك الله فيك *3*

تحياتي وحبي للجميع *3*

mad boy
27-09-2005, 01:08 PM
موضوع مميز وغايه فى الروعه يا ايمان

قلت عن انفال : انها شخصيه طيبه ومحترمه ومع انى لم احتك بها كثيرا الا انى احترمها واحترم رأيها بقوه

موضوع حلو يا داريا

بسمة أمل
27-09-2005, 07:18 PM
بسم الله الرحمن الرحيم
موضوع دسم جدا ورائع جدا جدا جدا
فقد اخترتى شخصية مميزة يقال عنها الكثير كما انك يا دارية بذلتى مجهود كبير ظاهر جدا
فجزاكِ الله كل خير على مساعدتك لنا لنرسم بورتريه لتلك الروح الرائعة ...... انفال
وصراحة انا اكتشفت ان كلماتى لاتعبر عن كل مشاعرى تجاه انفال ولكنى لا اجد كلمات تستطيع التعبير فعلا
فاعلمى يا انفال ان ما فى القلوب لا يمكن صياغته ولكن يمكن فقط الاشارة اليه
وشكرا يا ايمان على المجهود وعلى الفكرة المميزة وشكرا يا انفال على انك بينا

daria
27-09-2005, 08:42 PM
بجد بجد يا داريا اسلوبك حلو جداااااااااااااااااااا وفكرتك احلى واحلى وطريقة سردك لحياة انفال فى منتدانا حلوة قوى وتنظيمك

بجد ما شاء الله عليكى

بالنسبة لانفال انا قلت رايى فيها بصراحة بس مش معنى كده انى بكرها او بحب ابقى بعيدة عنها بالعكس انا نفسى جدااااااا اتعرف على انفال اكتر واعرفها عن قرب واتمنى منها انها متكونش اتضيقت من كلامى

وتسلم ايدك يا داريا

ميرا
شكرا
أظنك كدة اتعرفتي بأنفال كويس
كانت فرصة سعيدة .. صح؟؟ *4*
شوفتي أنفالي؟
حلوة ؟؟ :)

دمتِ بكل الطيبة دي
إيمان

daria
27-09-2005, 08:45 PM
شكرا يا داريا على مجهودك الجميل المنظم هنا

وشكرا لأنفال على تواجدها بينا

حنان
العفو يا نونا

نورتي
دمتِ بحب
إيمان *105*

daria
27-09-2005, 09:05 PM
الأخت الفاضلة إيمان *8*
موضوع جميل ولإنسانة تستحق كل تقدير ومحبوبة من الجميع وقد قمت بإقتباس كلماتي لتصحيحها حيث كنت قد كتبتها على عجل ولي عودة مترويه إن شاء الله للحديث عن أختنا العزيزة أنفال
والتي أرى قلبها على الورق .
دمت أختاً عزيزة للجميع وبارك الله فيك *3*


تحياتي وحبي للجميع *3*
وانا كمان صححتها عندي:)
اسفة على عدم تصحيحي اياها قبل ما مالموضوع ينزل
واتمنى حضرتك تزور اللينكات
وتتعرف على أنفال أكتر*3*
وانا متشوقة اقرأ ردود حضرتك على موضوعاتها
شكرا جدا لحضورك
دمت بخير

daria
27-09-2005, 09:13 PM
موضوع مميز وغايه فى الروعه يا ايمان

قلت عن انفال : انها شخصيه طيبه ومحترمه ومع انى لم احتك بها كثيرا الا انى احترمها واحترم رأيها بقوه

موضوع حلو يا داريا

ميرسي يا ماد
كويس انه عجبك

وشكرا على انضمامك ل"قالوا " عن أنفال

دمت بخير
إيمان*3*

ابن البلد
27-09-2005, 10:35 PM
:d
أنا لحد دلوقتي معرفش مين أنفال :d
ولا حتى بعد موضوعك ده :)

الصعيدي
28-09-2005, 10:50 AM
أفكارك أكتر من رائعة يا إيمان .. موضوع جميل جدا .. وأحييك على أسلوبك الجميل وعرضك الشيق .. وتحية خاصة لضيفة الموضوع الغالية أنفال .. وتقبلوا تحياتي *8*

أم أحمد
28-09-2005, 04:17 PM
فكرة جميلة اوي يا ايمان
وباين انتي اد ايه تعبتي لكي توضحي لينا انفال بصورة اكتر
جزاكي الله خيرا علي تعبك ده

daria
28-09-2005, 04:58 PM
بسم الله الرحمن الرحيم
موضوع دسم جدا ورائع جدا جدا جدا
فقد اخترتى شخصية مميزة يقال عنها الكثير كما انك يا دارية بذلتى مجهود كبير ظاهر جدا
فجزاكِ الله كل خير على مساعدتك لنا لنرسم بورتريه لتلك الروح الرائعة ...... انفال
وصراحة انا اكتشفت ان كلماتى لاتعبر عن كل مشاعرى تجاه انفال ولكنى لا اجد كلمات تستطيع التعبير فعلا
فاعلمى يا انفال ان ما فى القلوب لا يمكن صياغته ولكن يمكن فقط الاشارة اليه
وشكرا يا ايمان على المجهود وعلى الفكرة المميزة وشكرا يا انفال على انك بينا

في ايه يا بسمة؟
بتخبي الكلام الحلو دة فين ؟
حسستيني ان فعلا عملت مجهود
بصراحة انتي وميرا من خير الاصدقاء
كنتوا حاسين بيا ومعايا
العفو يا بسمة جزانا واياكم
ونفسي اشوفك في لينكات أنفال :)
مهتمة اعرف رأيك *3*
وخدي الورد الصغنون دة عشان بسطتيني بصراحة
*105* *105*

daria
28-09-2005, 08:42 PM
:d
أنا لحد دلوقتي معرفش مين أنفال :d
ولا حتى بعد موضوعك ده :)

هههههههههه
:d
طب اقولك ايه؟؟
خليني في الرسمي
شكرا لمرورك*3*
إيمان

daria
28-09-2005, 08:51 PM
أفكارك أكتر من رائعة يا إيمان .. موضوع جميل جدا .. وأحييك على أسلوبك الجميل وعرضك الشيق .. وتحية خاصة لضيفة الموضوع الغالية أنفال .. وتقبلوا تحياتي *8*

الصعيدي
كلام حضرتك اخى العزيز محمد ... شرفني
وكان بمثابة تقييم لجهدي
لا حرمك الله من جميل اخلاقك
أشكرك جدا
شكر يمتزج بأحترام اقل من ان يوفيك قدرك لدي
دمت بخير
وفقك الله
إيمان

daria
28-09-2005, 08:54 PM
فكرة جميلة اوي يا ايمان
وباين انتي اد ايه تعبتي لكي توضحي لينا انفال بصورة اكتر
جزاكي الله خيرا علي تعبك ده


قمر الليل
انتي الاجمل
والحمد لله ان الموضوع عجبكم
وجزانا واياكم
بس بصراحة اتفاجأت بردك
وفرحت بيه
شكرا على مرورك وكلامك الجميل دة
دمتِ بود
إيمان

n3na3aah
29-09-2005, 04:54 PM
داريا بجد موضوع هايل بجد ولله من غير مجاملات طريقه عرضك للموضوع تحفه بجد اتمني منك المزيد

و انفال من العضاء الي بجد احترمتها من مجرد قراءه الموضوع ده لاني متعملتش معاها قبل كده

بس بجد احيكي من كل قلبي علي الموضوع *8*

daria
29-09-2005, 07:16 PM
داريا بجد موضوع هايل بجد ولله من غير مجاملات طريقه عرضك للموضوع تحفه بجد اتمني منك المزيد

و انفال من العضاء الي بجد احترمتها من مجرد قراءه الموضوع ده لاني متعملتش معاها قبل كده

بس بجد احيكي من كل قلبي علي الموضوع *8*


العزيزة نعناعة
دخولك هوه اكبر مفاجأة اخدتها في الموضوع دة
وكلامك كان اكبر أثر عملته في الموضوع دة برضة
انا مش حاعرف اوفي الشكر على كلامك ومفاجأتك
بس لينا كلام تاني بيينا
احاول اشكرك بجد
عشان باتكسف على المنتدى *7*
دمتِ بود
كل الحب
إيمان

n3na3aah
29-09-2005, 09:27 PM
العزيزة نعناعة
دخولك هوه اكبر مفاجأة اخدتها في الموضوع دة
وكلامك كان اكبر أثر عملته في الموضوع دة برضة
انا مش حاعرف اوفي الشكر على كلامك ومفاجأتك
بس لينا كلام تاني بيينا
احاول اشكرك بجد
عشان باتكسف على المنتدى *7*
دمتِ بود
كل الحب
إيمان


لا متتفاجئييش يا داريا ان شاء الله حتلاقيني بعد كده في كل مواضيعك لغايه ما تقوليلي بس كفايه كده مش عايزه اشوفك تاني :)

أنفـــــال
29-09-2005, 10:17 PM
بسم الله الرحمن الرحيم
صديقتي الأحلى دارية
أراك قد بذلت مجهوداً طيباً.. في هذا الموضوع
مش عارفة أشكرك إزاي
و مش عارفة إذا كان عرفاني بالجميل و اعترافي به كافيين و لا لأ
و عاوزة اقولك انك من احلى الحاجات اللي طلعت بها من المنتدى
و أغلاها على قلبي
و على فكرة
ممكن اكون مش باظهر ما يجب اظهاره
يمكن لأني باحب ادي فرصة للناس انها تقرب مني
و عادة انا مش باقرب من حد الا قليل جدا
لأن اللي بيقرب مني بيحاول يفهمني أكتر
و لما باحس انه بيبذل مجهود للاحتفاظ بي
باثق فيه جداً و بيبقى غالي عليا اوي اوي
و انتي عارفة مكانتك عندي
و يعلم الله بما في القلوب
و على فكرة يا دارية دة ثناء جميل موضوع القدرة على العطاء و الحنية
و موضوع اني جدعة
بس يارب اكون دايما عند حسن ظنك
و ربنا يقدرني اني اكون دايماً جنبك
و على فكرة
انا متشكرة اوي لاعجابك بأنفاليزم
هي اصلاً انفاليزم بتطلع عيني عشان تتكتب
باقعد اقصقص فيها و اظبطها و اشيل و احط و اقصر منها
لحد ماتبقى مركزة و قصيرة و بسيطة
و الموضوع اللي كتبته لما حسيت بالذنب دة
اتكتب عشان خاطر اقرب اصدقائي
اللي فقدته نتيجة خطأ شخصي
ناتج عن الغرور شوية
و عن احساسي بان ليا حق عليه انه يسامحني حتى لو لم اعتذر
هو دة مش عشم بس نوع من الغرور
لأني في فترة من الفترات كنت بابقى واثقة من مكانتي عند اللي قدامي
و ساعات كنت باضغط على الناس اللي انا واثقة من مكانتي عندهم
مش عارفة اشرح بس لو عارفين التملك؟
هتفهموني
و بعد الموضوع اللي حصل و اللي اتكتب عشانه موضوع الذنب اللي دارية حاطة مقدمته
عرفت ان مفيش حد يملك حد
مش المفروض اني امسك حد من ايده اللي بتوجعه
و استعمل مكانتي عنده كسلاح
و قدرت اتخلص الى حد ما من موضوع التملك للاشخاص دة
متهيألي انا كدة فضحت جزء من عيوبي الشخصية

أنفـــــال
29-09-2005, 10:25 PM
أما بقى بالنسبة للصفوة الجميلة التي تم اختيارها
و استضافتها لأجلي
عشان يقولوا
همة شايفيني ازاي
ليهم عندي كلام تاني :)

بسمة أمل
يا حبيبتي انتي غالية عليا جداً جداً
لدرجة مش عارفة اوصفها
بحب فيكي حاجات كتير غير الهدوء و الثقافة و حسن التصرف
في روح حلوة اوي موجودة وسط الكلام
ربنا يوفقك
و يثبتك

أنفـــــال
29-09-2005, 10:27 PM
لوست
يا لوست
انا مش حمئية
لكن في امور بالنسبة لي تقاس بطريقة معينة
زي ماتقولي كدة بتتقاس بميزان شوية :)
و من قال انني لا اتفهم ؟
مش يمكن يكون مجتش فرصة اننا نعمل ضبط للموجات
و نحصل على افضل استقبال ؟ :)

أنفـــــال
29-09-2005, 10:28 PM
أستاذي عاطف هلال
شهادتك أعتز بها كثيرا
و يعلم الله ان لك عندي مكانة والدي الطيب
أحب أن أراك موجوداً
فكلماتك تجعلني أشعر أنني بخير
أنني أسير على طريق صحيح
و تعلم يا والدي الفاضل إنني أخاف أن أزل فأقع
شكراً
لأنك كتبت من أجلي هذه الكلمات

أنفـــــال
29-09-2005, 10:29 PM
أبو يحيى
وجودك يعني لي الكثيرجداً جداً
و لو قلت انك جزء من اسرتي التي اخترتها هنا
فاني والله لا ابالغ ابداً
صدقني انا اتعلمت منك كتير اوي
وجودك هنا جميل اوي
يا اخي الغالي الذي لم أحصل عليه
بارك الله بك
و بارك الله بأهلك و ولدك و مالك
و رزقك الخير كله

أنفـــــال
29-09-2005, 10:30 PM
الحبيبة نسيبة
تعرفي يا نسيبة
أنا باحب فيكي انك متفهمة اوي اوي
و دة جميل جدا
و مفقود بعض الشيء في هذا الزمن
على فكرة انا مش غامضة
و لا حزينة
بس باميل للواقع بعض الشيء
و انتي عارفة الواقع عامل ازاي
يمكن احساسك اني غامضة
ناتج عن اني مش بافتح تفاصيل كتير
بس دة اسمه ميل للخصوصية مش غموض
و بيني و بينك
لازم الواحد يحتفظ بحاجة ليه هوة
هي دي الخصوصية يا حبيبتي

أنفـــــال
29-09-2005, 10:32 PM
فاضـل

حمدا لله على سلامتك
افتقدتك في الفترة الماضية
فاكر لما قلت لي انتي يتخاف عليكي؟
الجملة معناها انك فهمتني صح
و ممكن تكون شفت اللي محدش قدر يشوفه بشكل واضح
على فكرة اتعلمت منك حاجات جميلة اوي
و لسة باتعلم منك
و باحب اتعلم منك
و اسلوبك في التعليم ممتع جدا و راق
دمت بخير
بارك الله فيك
بارك الله بأهلك و ولدك و مالك
و رزقك الخير كله

أنفـــــال
29-09-2005, 10:33 PM
حنـــان

بسيطة اوي و طيبة اوي
و قريبة من قلوب كتيرة اوي اوي
تعرفي لما باقرا حاجة بتكتبيها
باحس اني شايفاكي و سامعاكي بتتكلمي
و بتقولي و تحكي
متشكرة يا حنان اوي اوي

أنفـــــال
29-09-2005, 10:34 PM
دراجون شادو

مش عارفة اقولك ايه حقيقي
كلامك كبير عليا اوي اوي
بس جميل انك قدرت تفهمني بسرعة
اخجلتني شهادتك الطيبة
ممكن يكون مابقالكش معانا كتير
لكن لك عندي مكانة طيبة جدا
و على فكرة متهيألي انك معانا من زمااااااااان جدا جدا
انت لين الجانب و حسن الحديث و طيب القلب
دة غير خبرتك الطيبة في الحياة
انا مستنية اتعلم منك كتير
و دايما
هانتهز الفرصة
دمت بخير
بارك الله فيك
و بارك الله بأهلك و ولدك و مالك

عصفور الشعر
29-09-2005, 11:04 PM
بسم الله توكلت على الله





مش عارف أبدأ ازاى مداخلتى فى موضوعك الرائع ده يا ايمان ..اللى انتى ما شاء الله بذلتى فيه مجهود كبير جدا ...يدل على حجم اعتزازك وحبك للاخت الفاضله أنفال ..اللى انا شخصيا أقف صفا الى صف بجانبك .. وأشاركك نفس مشاعرك نحوها*3*



على العموم أنا حستخدم طريقتى المعتاده .. وهى التداعى الحر .. وحقول كل اللى يخطر فى بالى بخصوص أنفال .. وعلى فكره مهما حقول هنا .. كلامى مش حيشرح ((كاملة )) وبصوره تفصيليه ودقيقه ..مقدارها ومعزتها عندى ... أنفال فعلا زى ما هى كاتبه تحت أسمها ((حكايه)):)













لقتيها حنينة اوي .... عندها كم هائل من الحب والعطاء

مستعدة تخدم اوي ... جدعة بصراحة


أنتظر عصفور الشعر وعبدو باشا وماد بوي ... لتكملة "قالوا "



وفوق ده وده بدورى أقول

أنفال انسانه متحضره ...صادقه ...متدينه بالتزام لا يشوبه أى تزمت ((وهذا أحلى ما فيها من صفات)).. تتحاشى دائما الغرور.. رغم غزواته ...فتهزمه ..عبر وضع نفسها فى مكانه أقل من مكانتها الحقيقيه ... عندها وعى .. وذهن حاضر .. ما شاء الله.. تستمتعين بالتحاور معها...وتسعدين بمناقشتها.. فهى تحترم كل ما يقال لها .. وتنصت اليه جيدا .. ولا تمر عليها أرائك.. أو افكارك ..مرور الكرام ..كما يفعل البعض عن جهل.. او تجاهل .. بل تجدين منها كل اهتمام .. وكل أذان صاغيه ..

أنفال .. ثانى انسانه ((لم أراها )) وتؤثر بشده فى أسلوبى وفكرى الأدبى ... الأولى كانت زميله لى بقصر ثقافة بورسعيد .. وكانت تتواصل معى من وراء نقاب...والثانيه هى أنفال .. وتواصلى معها من وراء حجاب ((حجاب المنتدى ))

أنفال ... سألت عنها وحى شعرى .. كى يصفها.. فوجدته يشبهها تشبيه غريب ... وجدته يصفها ب ((حلم ذو أجنحه .. يرفرف حولك .. فيمنحك السكينه )):)



أنفال .. أخشى ان اقول اكثر من ذلك .. فأخجل تواضعها ... ولكنها الأخت الأخت .. الصدوقه الصدوقه.... بارك الله فيها ورعاها .. فهى تحفظه .. وهو جل شأنه قادر على أن يحفظها بأذنه*3*




انا كدة خلصت الى عندي

حاسيبكم مع انفال


إيمان



من أجمل مواضيعك يا ايمان*8*

خوكى توت*3*

daria
30-09-2005, 03:17 PM
العزيز جدا
عصفور الشعر
أشكرك على الانضمام ل"قالوا"
وحمد لله على سلامتك ورجوعك للمنتدى
مجهودي للمنتدى...
الذي احبه جدا

لك كل الشكر على ثنائك وتشجعيك
دمت بخير
إيمان *3*

أسيرة الصبر
01-10-2005, 07:05 AM
من خلال معرفتي بأنفال من المنتدى عرفتها كالآتي

متعالية ... مغرورة .... صارمة ... عصبية ..وهكذا.

بعدها اما قربت منها اوبمعنى اصح قربتني منها..

والله نفس شعوري أول مدخلت المنتدى ومتزعليش مني يا أنفال على صراحتي

بس بعد معرفتك كويس عرفت مدى انسانيتك وقلبك الأبيض وان اظهرتي غير ذلك وفعلا محدش هيعرفك غير لما يقرب منك ويفهمك

انتي بالفعل أخت رائعه ومبدعه بمعنى الكلمه

أتمنى لكي دوام التوفيق والصحه غاليتي ولو قلت مش هقدر اوفي حقك بالكلام

وبالنسبه ليكي يا ايمان تسلمي على الموضوع الرائع وضيفته المميزه واتمنى الكل يتعرف على أنفال

تقبلوا تحياتي

Abdou Basha
01-10-2005, 09:59 AM
عبدالرحمن : آسف ع التأخير.. ممكن أقول كلمة في الموضوع هنا..؟http://www.egyptsons.com/misr/images/smilies/old/detective2.gif
إيمان : أهلا ... أخيرا وصلت..!! اتفضلhttp://www.egyptsons.com/misr/images/smilies/sneaky.gif
عبدالرحمن : حقك عليا... ممكن الميكروفون بعد إذنك عشان اتكلم..؟؟http://www.egyptsons.com/misr/images/smilies/tongue.gif
إيمان : ميكروفون إيه يا حضرت..؟ إنت عارف ده بكام..؟!http://smilies.sofrayt.com/%5E/aiw/warning.gif
عبدالرحمن : مش مشكلة .. أنا عملت حسابي وجبت معايا واحد من البيت.http://y1y1.com/hd0/albums/iconsmil/thumb_5_2_100%5B1%5D.gif

أعزائي المشاهدين.. حكلمكم النهارده عن صديقتنا أنفال...http://smilies.sofrayt.com/^/aiw/meeting.gif
الحقيقة بعد ما اشتركت في المنتدى بمدة كده لفت نظري تواجد أنفال، وأول حاجة خطرت في بالي عنها إنها .......متشددة حبة .. وده بسبب أول مشاركة وجهتها ليا بصورة مباشرة.. قالتلي فيها ما معناه...
" إنت متعرفش إن الغناء حرام شرعا..؟"
كنت حرد عليها.. بس لقيت ردها كان بأسلوب مهذب ومسالم... ماكانش الغرض منه إثارة المشاكل والاستعراض والتشكيك في عقيدتي.. فسكت.. خصوصا إن الفترة دي أول ما اشتركت كان بعض الإخوة فاكرين - على مايبدو- إني مناهض للاتجاهات الدينية بسبب بعض مشاركاتي عن العلمانية...

المهم.. كان تاني لقاء مع أنفال في موضوع قررت هي فيه التوقف عن المشاركة في المنتدى.. والموضوع كان غامض ومفهمتش منه حاجة .. فقلتلها مفيش داعي لحاجة زي كده إنك تسيبي المنتدى او غيره (رغم إني مكنتش أعرفها )..

بعد دخولي الاشراف وقاعات الاشراف جه احتكاكي مع أنفال.. بسبب إن فيه حاجات في الاشراف مكنتش فاهمها.. وتبادلنا الرسائل الخاصة، وكانت بداية المعرفة .. واكتشفت إنها مش إنسانة متشددة زي ما انا فاكر.. بل بالعكس ...

فيه بينا حاجات كتير مشتركة .. ويمكن بلاقي شريكنا التالت في الحاجات دي هو محمود (عصفور الشعر) ، وكمان صديقنا دراجون شادو.

بشكر إيمان فاروق كتير على الموضوع ده..
وكمان بشكر أنفال ..

الدكتورة نسيبة
01-10-2005, 01:41 PM
الحبيبة نسيبة

تعرفي يا نسيبة
أنا باحب فيكي انك متفهمة اوي اوي
و دة جميل جدا
و مفقود بعض الشيء في هذا الزمن
على فكرة انا مش غامضة
و لا حزينة
بس باميل للواقع بعض الشيء
و انتي عارفة الواقع عامل ازاي
يمكن احساسك اني غامضة
ناتج عن اني مش بافتح تفاصيل كتير
بس دة اسمه ميل للخصوصية مش غموض
و بيني و بينك
لازم الواحد يحتفظ بحاجة ليه هوة
هي دي الخصوصية يا حبيبتي





انفال

اولا انا سعدت جداااااااا انك وصفتينى بالحبيبة لانها عندى غالية ففعلا متشكرة

ثانيا الحمد لله انى متفهمة ودى صفة عجباكى وانا فعلا اتمنى اكون كده

انا معاكى ان الواقع اللى احنا فيه ده يدعو للحزن والكابة بس انا عايزة اقولك كلمة فى ودنك صغيرة خالص كفاية واقعية احلمى شوية سيبيك من الواقع وطيرى فى اللى الخيال شوية عشان نقدر نكمل من غير ما نحس بالحزن اللى دايما بحسه فيكى حتى لو انتى وصفتيه بالواقعية

حلوة الخصوصية وانا معاكى ان الواحد لازم يحتفظ بحاجة ليه ودى حاجة انا بحترمها واعذرى فهمى الخطا لخصوصيتك دى على انها غموض

تسلميلى يارب على ردك واتمنى نكون اصحاب ان شاء الله ومتكونيش زعلتى منى فى حاجة

وكل سنة وانتى طيبة

daria
02-10-2005, 09:03 PM
والله نفس شعوري أول مدخلت المنتدى ومتزعليش مني يا أنفال على صراحتي

بس بعد معرفتك كويس عرفت مدى انسانيتك وقلبك الأبيض وان اظهرتي غير ذلك وفعلا محدش هيعرفك غير لما يقرب منك ويفهمك

انتي بالفعل أخت رائعه ومبدعه بمعنى الكلمه

أتمنى لكي دوام التوفيق والصحه غاليتي ولو قلت مش هقدر اوفي حقك بالكلام

وبالنسبه ليكي يا ايمان تسلمي على الموضوع الرائع وضيفته المميزه واتمنى الكل يتعرف على أنفال

تقبلوا تحياتي

اهلا يا شعاع
نوريتنا
الله يسلمك
دمتِ بخير
إيمان

daria
02-10-2005, 09:11 PM
عبدالرحمن : آسف ع التأخير.. ممكن أقول كلمة في الموضوع هنا..؟:007:
إيمان : أهلا ... أخيرا وصلت..!! اتفضل:-s
عبدالرحمن : حقك عليا... ممكن الميكروفون بعد إذنك عشان اتكلم..؟؟:p


بشكر إيمان فاروق كتير على الموضوع ده..
وكمان بشكر أنفال ..

اهلا يا عبدو
ولا يهمك
المهم انك جيت
نورتنا
دمت بود
إيمان

ديدي
02-10-2005, 10:30 PM
الغالية ايمان
صدقت بكل حرف قلته لكى من قبل
انه فعلا تفكيرك بيعجبنى
وليس هناك دليل اقوى من موضوعك هذا واسلوبك الجميل فى عرضه ومجهودك الواضح
اختيارك ينم عن ذكاء شديد ما شاء الله
انفال صديقتى الغالية الجميع يراها داخل المنتدى شخص مختلف غير انفال التى عرفتها
كما وصفتيها واكثر
انسانه بسيطه تملك من المواهب التى يعطيها لنا المولى عز وجل الكثير ما شاء الله
اثراها ثقافتها الواسعه واسلوب تربيتها بارك الله لوالديها بها
تميز انفال يكمن فى بساطتها
هى تملك عقل واسلوب تفكير للاسف ليس بهذا الزمان الكثيرين يستطيعون فهمه وفى الاخر يصفونها بالغموض
اطلت عليك الحديث يا ايمان وليس قصدى منه المجاملة ولكنها الواقع
تحياتى لك ولضيفتك الغالية

ياسمين مصطفى
02-10-2005, 11:23 PM
على فكرة انا ليا كلام في انفال من وجهة نظري الخاصة كقريبتها :)
هارجع اكتبه هنا لما احضره
استنوني

ياسمين مصطفى
03-10-2005, 12:58 AM
انفال كإنسانة هي في منتهى النقاء
و طيبة لأقصى درجة ممكن حد يتخيلها فيكم و كمان حنونة جدا جدا
لما تحب حد اوي ا تعامله زي ابنها او بنتها و بتحسسه انه قادرة تجيب له العالم كله و تقدر تعمل عشانه اي حاجة و بتقدم كل اللي عندها و تحطه قدامه حتى لو كانت فوق طاقتها غير قدرتها الجميلة على الاحتواء عندها قدرة على امتصاص غضب الاخرين و تهدئتهم و بتعرف ازاي تقف جنب اي حد محتاج لحد يقف جنبه
مش هاقعد اعدد مناقبها بقى :)

انفال اول تعامل ليها مع اي حد بيبقى وحش جدا لانها بتبقى واخدة خط دفاع معين كدة بطريقة غريبة شوية يمكن دة ناتج عن انها عاشت حاجات كتير تعبتها او ضايقتها فبتحاول انها تحمي نفسها من اللي قدامها بالطريقة دي دة غير انها دايما لما بتتكلم بتبص في عين اللي قدامها على طول و في ناس بتعتبر دي بجاحة على فكرة خصوصا لما تكون اول مرة يكلموها فيها

دايما ساكتة و دايما لوحدها صعب اوي حد يعرف يشد الكلام منها زي مابيقولوا و قلبها مقفول بس ليه مفاتيحه اقصد انها صعب انها تاخد على حد و تتكلم معاه بسهولة عشان كدة في ناس بيقولوا انها مغرورة و متعالية محدش فكر ان دة ممكن يكون نوع من الحذر او الحرص من اللي قدامها تبع خط الدفاع بتاعها اللي اتكلمنا عليه في الاول

لى فكرة انفال بتعيط بسرعة اوي اي حاجة هوب تنزل الدموع حتى لو مشهد في فيلم
انفال قدرتها على التسامح مش كبيرة لدرجة ان في عندها اخطاء حسب معاييرها اسمها fatal mistakes أو أخطاء قاتلة
اي حد عشان يكسب ثقتها لازم يثبت جدارته الاول و لازم هي تديله الفرصة اصلا !

و عادة الاعتذار معاها مابيجيبش اي نتيجة دي حاجة بقى انا شوفتها بعيني محدش قالي و حاولت افهمها ان كل الناس بتغلط بس هي قدرتها على تحمل اخطاء الاخرين قليلة اوي قالت لي قبل كدة (( مادام الواحد قدر يجيب سكينة و هنت عليه انه يضربني في ضهري من ورايا يبقى هو خلاص لازم يتم حذفه و دفنه بكل حسناته و سيئاته كأنه مات بالظبط ))
و مرة قالت لي : (( الواحد مابيعرفش قيمة الحاجة الا لما بتضيع منه و مش بيتجرح او بيتألم الا لما يعرف انها مش هترجع تاني ))
و اللي قدروا يعرفوها و يحافظوا عليها نادرين اوي لان كرامتها دايما بتبقى في الكفة التانية لما بيحصل اي حاجة زي ماتقولوا كدة Love vs. Pride
انا بس نفسي تكون قادرة تسامح الناس التانيين و تكون أقوى في مواجهة الضغوط النفسية اللي الواحد ممكن يتعرض لها و ماتتدمرش بالسرعة دي

عندها كمية لعب دباديب و عرايس و قطط و كلاب و تويتي و أرانب كبيرة اوي
اغلبها هدايا من اصدقاءها و من ناس قريبين ليها

و بتحب القهوة و الشكولاتة و الايس كريم

قلت اللي عندي كله بقى و اسفة يا انفال لو قلت حاجة مش عاجباكي
و سلام

أنفـــــال
03-10-2005, 08:49 AM
بسم الله الرحمن الرحيم


ماد بوي ..
انا كمان ممكن جداً يكون احتكاكي بيك قليل ..
بس في المرات اللي كلمتك فيها بشكل مباشر كنت دمث الخلق و لين الجانب ..
اشكرك على شهادتك الطيبة في حقي ..
ربنا يوفقك يا محمد ..و كل سنة و انت طيب
:f2:
ابن البلد
كفاية انك عديت عليا هنا ..
و كل سنة بقى..و انت طيب .. :)
:f2:

أم احمد الغالية ..
فرصة سعيدة .. :)


نعناعة ..
مرورك هنا كان مفاجأة حلوة بالنسبة لي ..
انا كنت باصادفك كتير بس ماحصلش بيني و بينك احتكاك مباشر ..
و ابادلك احترامك بمثله .. و لك مني اصدق الدعوات ..
كل سنة و انتي طيبة
:f2:

عصفور الشعر ..
كل اللي قلتهولي جميل اوي ..
و رأيك فيا جميل اوي .. بس انا مش كويسة للدرجة دي ..
انا ساعات باغلط لدرجة اني بابقى مش قادرة اسامح نفسي حتى .. !
و جميل إني بأثر عليك و على أسلوبك .. دي عجبتني جدا الحتة دي .. :)
انا فعلا باهتم بكل الكلام اللي بيتقال لي .. عشان مش عيب ان الواحد يصلح الغلط.. و مش عيب انه يكون اكثر مرونة .. و فوق كل دة المفروض ان الواحد يحترم عقول الآخرين ..
و كل سنة و انت طيب..
:f2:

أسيرة الصبر ..
صعب الواحد يرضي كل الناس مش كدة ؟
و صعب ان كل الناس تشوفك بعيون واحدة ..
يعني زي ما في عين الرضا في عين السخط ..
و صعب ان كل الناس تفهمك صح ..
طبيعة بشرية بقى :)
و باقولك على فكرة انا مش مبدعة و لا حاجة ..
كل الحكاية اني باكتب اللي الناس بتحسه اللي هو انا باحسه ..
بس كدة :)
كل سنة و انتي طيبة
:f2:



عبده باشا
حلو الكلام ..جميل بجد .. :)
معنديش حاجة اقولهالك ..
لكن صقني انت من الناس اللي فعلا كان صعب الواحد يلاقيهم في مكان تاني غير المنتدى..
دة ملخص كلامي بصدق ..
كل سنة و انت طيب.. :)
:f2:

ديدي
يا صديقتي الله يبارك فيكي
و يرزقك كل خير..
شهادتك جميلة اوي
ربنا يوفقك يا ديدي
و كل سنة و انتي طيبة
:f2:

ياسمين مصطفى
انا مش زعلانة و لا حاجة ..
كل اللي قلتيه جميل ..
بس ماقدرش اضمن لك اني احقق لك امنيتك يعني :d
ماقدرش اوعدك اني هاتغير من ناحية موضوع الكبرياء الزيادة اللي اعترضتي عليه *14*
مابحبش حد يستغل اخلاصي هو دة القصد بس..
و كل سنة و انتي طيبة
و خدي وردة :)
:f2:

أخ فى الله
06-10-2005, 07:13 AM
السلام عليكم ورحمة الله وبركاته


اخوتى وأخواتى الأفاضل والفاضلات


أعرف أنه فى الغالب لا يعرفنى معظمكم لأننى قليل المشاركة فى هذا المنتدى الذى أحبه من قلبى ولكن فى الحقيقة هناك بعض الناس فى المنتدى أحس وكأنهم إخوانى وأخواتى وبعض الأحيان أساتذتى وفى الحين الآخر إخواتى الكبار وهناك آخرين أحبهم جدا وأحب أن أقرأ لهم رغم أننى أختلف معهم فى الفكر والرأى تماما وأحيانا يكون الإختلاف كبيرا جدا وأحيانا يكون صغيرا بعض الشيئ لكنه ملحوظ ومن الممكن أن يتسبب هذا الإختلاف فى أن أظهر له عداءً واضحا رغم حبى له لكن أحيانا عندما يحاول الباطل أن يظهر بمظهر الحق فإن المرء لا يملك نفسه


خلاصة القول حتى لا أطيل عليكم نتكلم عن الأخت الفاضلة أنفال والتى صيغ هذا الوضوع المميز لأجلها من قبل أختنا الفاضلة دارية جزاها الله عنها كل خير


من بين الأصناف التى ذكرتها لكم سالفا إحتل اثنين من الأعضاء مكانة أخى الأكبر وأختى الكبرى وكانا هما الوحيدين الذين تمنيت فعلا أن يكونا أخان أكبران لى برغم أنى أكبر اخوتى ولا أحب أن يكون لى أخ أكبر منى ولكن هذا هو الإحساس الذى يفرض نفسه على دائما وهما أنفال ويراع ويحتل مكانه مثل والدى واستاذى الحبيب الصعيدى وهؤلاء الثلاثة هم فعلا بمثابة أهلى فى المنتدى الذى كله عزيز على فعلا


ننتقى من هؤلاء أنفال لنتكلم عنها قليلا


وفى الحقيقة كانت بدايتى مع مواضيعها متأخرة ولكننى كنت أرى ردودها وأتابعها باستمرار


وفى الحقيقة كان هذا إحساسى حينما أقرأ ردودها


أنفال انسانة حكيمة بالقياس الى طبيعة النساء التى قل أن توجد فيهم الحكمة ولكن حكمتها هذه تشوبها بعض الأخطاء عندما تنفعل مثلا أو تتأثر أو تشعر بأن أحدا يستخف بمشاعرها أو يضحك عليها هنا تظهر عيوبها وتتخلى عن حكمتها


أيضا عهدتها غامضة بعض الشيئ فى المنتدى ولاحظت أن شعارها دائما ليس من حق أحد أن يعرف أكثر مما يجب أن يعرفه وهذه النقطة تعجبنى فيها كثيرا


أيضا عهدت فيها أنها حساسة ربما زيادة عن اللزوم


أيضا عهدت فيها تدينها وتقربها الى الله تعالى وهذا سر حبى لكل من سميتهم لكم سالفا وختاما يعجبنى كلمة قرأتها لها فى موضوع التعارف وهى أنها ذكرت أنها تود أن تصل الى مرحلة الزهد الكامل فى الدنيا ومتاعها


وهذه كانت كلمات قصيرة عمن أضعها فى مكانة أختى الكبرى ألا وهى أنفال


مع خالص شكرى وتقديرى للأخت داريا والتى أهدتنا هذا الموضوع ليكون فرصة أن نتعرف أكثر على أختنا الفاضلة أنفال


والسلام عليكم ورحمة الله وبركاته


أخوكم فى الله / عبدالله

mad boy
06-10-2005, 07:21 AM
بسم الله الرحمن الرحيم

ماد بوي ..
انا كمان ممكن جداً يكون احتكاكي بيك قليل ..
بس في المرات اللي كلمتك فيها بشكل مباشر كنت دمث الخلق و لين الجانب ..
اشكرك على شهادتك الطيبة في حقي ..
ربنا يوفقك يا محمد ..و كل سنة و انت طيب

وكل سنه وانتى بالف صحه وسلامه يا انفال :)

وشكرا على كلامك الرائع عنى *7*

وكل سنه وحضرتك بالف خير *8*

daria
07-10-2005, 09:06 PM
الغالية ايمان
صدقت بكل حرف قلته لكى من قبل
انه فعلا تفكيرك بيعجبنى
وليس هناك دليل اقوى من موضوعك هذا واسلوبك الجميل فى عرضه ومجهودك الواضح
اختيارك ينم عن ذكاء شديد ما شاء الله
انفال صديقتى الغالية الجميع يراها داخل المنتدى شخص مختلف غير انفال التى عرفتها
كما وصفتيها واكثر
انسانه بسيطه تملك من المواهب التى يعطيها لنا المولى عز وجل الكثير ما شاء الله
اثراها ثقافتها الواسعه واسلوب تربيتها بارك الله لوالديها بها
تميز انفال يكمن فى بساطتها
هى تملك عقل واسلوب تفكير للاسف ليس بهذا الزمان الكثيرين يستطيعون فهمه وفى الاخر يصفونها بالغموض
اطلت عليك الحديث يا ايمان وليس قصدى منه المجاملة ولكنها الواقع
تحياتى لك ولضيفتك الغالية

ديدي
أنتظرتك كثيرا
حبيبتي أشكرك على كلماتك عني
ليتني استحقها
والله سعدت جدا جدا جدا
لمرورك
إيمان *3* *3*

daria
07-10-2005, 09:17 PM
مع خالص شكرى وتقديرى للأخت داريا والتى أهدتنا هذا الموضوع ليكون فرصة أن نتعرف أكثر على أختنا الفاضلة أنفال


والسلام عليكم ورحمة الله وبركاته


أخوكم فى الله / عبدالله

جزانا الله واياكم
والله مرورك الذي يستحق الشكر *8*
وعساها فرصة سعيدة :)
ادام الله حبك للمنتدى واستفادتك منه دائما
كل رمضان وانت الى الله اقرب
دمت بخير
إيمان

أمائندة عمر
13-10-2005, 09:06 PM
انفال رمز الاحترام والثقة بالنفس والتميز

قدوة حسنة اقتدي بها

وانا من محبين انفال وعاشقين انفاليزم

وشكرا درايا على موضوعك الرائع

عـزالديـن
15-10-2005, 01:36 AM
لا أدرى هل اكتب عن أنفال المحبة للحق الساعية للخير القوية فى حجتها المحافظة على حيائها السابقة لسنها صاحبة الفكر المتميز

أم أكتب عن داريا ( إيمان ) التى لاتختلف كثيراً عن أنفال ويساورنى كثيراً إحساس بأنهما وجهان لعملة واحدة


إلى الأمام دوماً يا أنفال وألف شـكر لإيمان تلك المبدعة الصغيرة


وكل عام وأنتم بخير

أنفـــــال
15-10-2005, 09:41 PM
بسم الله الرحمن الرحيم

أخي العزيز جداً عبد الله ..
و الله أني كلما قرأت كلماتك .. عجزت عن الرد ..!
فلست بهذا النقاء و لا بهذه الطيبة و لا بهذا الجمال أبداً..
و إني و الله لأتمنى ان أكون عند حسن ظنك و حسن ظن الجميع .. *3*
معنديش كلام حقيقي .. و يعلم الله بما أكنه لكم أجمعين ..
دمت بخير..
دمت قوياً في الحق.. دمت موفقاً يا أخي.. *3*

أنفـــــال
15-10-2005, 09:50 PM
انفال رمز الاحترام والثقة بالنفس والتميز

قدوة حسنة اقتدي بها

وانا من محبين انفال وعاشقين انفاليزم

وشكرا درايا على موضوعك الرائع

يا حبيبتي الغالية .. :)
أشكر لك حسن متابعتك .. و جميل حديثك ..
و رائع تواجدك ..
أسأل الله أن أكون عند حسن ظنك ..
يا غاليتي دمت بكل الخير..
أحبك في الله.

Kind Hand
16-10-2005, 09:22 AM
العزيزة أنفال

من شواهد حب الله لعبده مدى حب الاشخاص الموجودين حوله له وانتي ما شاء الله كل من شارك في الموضوع أظهر مده حبه واحترامه ووصل مع البعض لحد الإنبهار بشخصيتك الرائعة حقا

كان اول لقاء لي بكلماتك الرائعة في الانفاليزمية الاثنى عشر وفعلا قد تحسستني كلماتك من الداخل وشعرت بمدى الصدق الموجود بين السطور التي تخطينها بيدك

ورغم أني لم أعاملك كثيرا وقد يكون أبدا ولكن شعرت بصدق تخيلي عن شخصيتك من خلال كلمات الاخوة والاخوات الأعضاء

دمتي بخير وأمتعتنا دائما بموضوعاتك الرائعة

وليد كمال

daria
17-10-2005, 01:30 AM
وشكرا درايا على موضوعك الرائع

العفو يا أمائندة
نورتي الموضوع
دمتِ بخير
رمضان كريم