المساعد الشخصي الرقمي

مشاهدة النسخة كاملة : انا وحبيبتي _ على لسان واحد فلسطيني_



وردة فلسطين
12-09-2005, 05:03 AM
قصتي مع البنت .. والموقف الي ما بتمنالكم توقعوا فيه !!
في مرة من المرارير قررت اني اطلع واتمشى .. واجى في بالي اني اروح اقعدلي في شي قهوة حلوة.. اشربلي واحد كابتشينو من الي قلبك بحبه .. يعني اشي زاكي ومرتب ع الاخر..






والله ولبست بنطلون هالجينز الي بحلف ما حدا لبس مثله.. ولا حتى ريكي مارتينhttp://www.panet.co.il/images/articles/32146.gif.. وتسالونيش من وين مشتريه خخخخخ.. ولبست هالبلوزة الي مبينة عضلاتي ... ويا حبيبي العطر الي رشيته.. ريحته بتوخذ العقل زي سوبر ستار 1 .. قصدي فليت علشان اهجج البنات مني.. بتعرفه بحبش الحكي الزايد.. وهاي البلوزة مكتوب عليها رقم 11 عامل فيها لعيب فطبول وقع من المريخ بدون تاريخ .. يعني بالعربي متكتك ومرتب وجاهز لطلعة غير شكل..




المهم شغلت السيارة وطالع من الحارة وهالبنات مبسوطة وتسّبل بعنيهاhttp://www.panet.co.il/images/articles/32147.gif.. بس بتعرفوا انا خجول.. ماشي زي الولد الشاطر.. وهوب وانا ماشي شوفيت صاحب الي واقف جنب سيارته , مبين عليها عطلانة.. صاحبي مرتب شعراته.. لدرجة فكرته جواد العلي كخخخخخخخ..




المهم قلت خليني اكسب اجر واساعده....




وصار هالحكي بينا..




انا : ههههه شو بتعمل؟




هو : اهلاااااا ..




انا : ان شاء الله سليمة .. شو مالها واقفة؟




هو : لا فش فيها اشي.. هذول بس المساحات خربانات وبحبش امشي فيها والمساحات خربانات.. ممكن توخذني على البيت اخذ سيارتي الثانية؟




المهم ركبنا.. سوى بسيارتي واحنا بالطريق شغلت اغنية طرب .. اغنية مزاج يعني هههههه .. وهوب بدون ستوب الا اخونا الي عامل فيها جواد العلي بدون شفايف.. يقولي.. مين الجحش الي بغني , ومين الجحش الي بسمع اغاني زي هاي ؟.




عأخر هالعمر ينقال لي جحش ئيههههه اه ئيهههههه اه... لا هيك زودها... بس بلعتها وخليتها بقلبي..




قوميت قوليت له.. وشو بدك تسمع ؟؟




قال لي طيب يا ريت تفتحلك اغنية نانسي او ميريام ولا سندراء ئاء ئاء ههههههه.. والله مت من الضحك مين هذولا , اكيد نوع من الحلويات .. المهم قوليت له مش عارف شو بدي اقولك.. بس انا ما بحب الاغاني خلينا بدون موسيقى وخلص..




المهم وصلنا عندو على البيت ونزل.. وقوليت له.. يالا سلامات اخوي.. وما اشوفه الا وهو يحلف اني بدي انزل عنده.. صوريت اقوله مستعجل وراي اجتماع وراي ناس وراي عصابيhttp://www.panet.co.il/images/articles/32146.gif.. ولا قابل يسمع.. قال لي اتصل وبطل الاجتماع او قول انك بدك تتاخر ههههههه .. عاد بدي اتاخر على الكابتشينو..




المهم والله شد علي كثير وعجزت معه ونفذت طلبه .. اصلا ما صدقت وقال لي ادخل هههههه .. المهم دخلت واخذني دخلني على صالون كبير ما تشوف اوله من اخره وقال لي دقايق بس ابدل ملابسي واحكي تلفون سريع ..وسالني شو بتحب تشرب ؟ قوليت لا تسلم بديش اشرب اشي.. صار يحلف ويقول لازم اشرب.. المهم طلبت عصير برتقال..




قال لي ثوان وبكون البرتقال عندك.. واعطيني بس 5 دقايق بكون عندك اوكي.. قوليت له مش مشكلة خذ راحتك..




المهم اخذ دقيقتين الا وهاذيك البنت الي شو جمالها بطير العقل.. وتسحر العيون.. تقول لي تفضل حبيبي العصير وهي مستحية علاخر.. بس قوليت بعقلي شو حبيبي .. معقول لحقت تحبني؟ اه بجوز مفكرتني ولد زغير وبتقول حبيبي يعني عشان تدلعني.. بس لع انا مش زغير.. على كل حال حبيبي حبيبي فش داعي اتصل بطبيبي..




طارت عيوني من اول مرة .. وشعرت بدي زنبركات خليني ارجعهن محلهن..




انا انهبلت وفتحت فمي واخذت العصير .. قالت هسا بيجي صاحبك.. قوليت مش مشكلة.. خليه على راحته.. وعاد انا مبسوط...




وصوريت افكر .. شو قصة حبيبي.. ومعقول بتحبني ؟ وبصراحة خوفيت على حالي.. بتعرفه جمال ووسامة ورقبة طويلة مثل رقبة النعامة ههههههه..




يعني زي تقول فش حدا غيري بالعالم..




وما مرقت دقيقة.. الا هالبنت داخلة علي ومغيرة ملابسها كانت لابسة قبل بنطلون وبلوزة نص كم.. ولما رجعت اجت لابسة بلوزة.. بطنها طالع منهاhttp://www.panet.co.il/images/articles/32147.gif صوريت اقول في بان موضوع قصدي في بالموضوع ان.. بصراحة انخوثت بطلت اعرف شو بعمل هون.. وصوريت انادي على صاحبي.. ياااااا عم يا خال.. يا استاذ يا شوسماك.. وما اشوفها الا بتقولي هسا بيجي.. كخخخخخخ فلخت ثمي وسبلت عيوني وقولتلها بكل جراة .. خلص بدي امشي وبرجع بعدين مش مهم.. وبصراحة انا اتعقدت منها ومن صوتها الي بصفر زي البلبل..




المهم قربت علي وقعدت جنبي وانا ملخوم ونسيت اسمي .. هي تقرب مني وانا ابعد شوي..هي تقرب وانا ابعد.. صارت تقول شو مالك حبيبيhttp://www.panet.co.il/images/articles/32146.gif.. ومش بس هيك هاي كمان طلعت بتعرف اسمي وصارت تنادي علي.. بصراحة ما عرفتش شو اقول..




سالتها من وين بتعرفي اسمي ؟ قالت ما تخاف خليك طبيعي وعاد انا مش داري عن حالي واصلا هو ظل في اشي طبيعي .. ولا دريت عن حالي الا وهي حاطة ايدها على رقبتي ومقربة وجهها على وجهي والله اعلم شو بدها.. بتعرفه شاب مثلي خفيف دم وحبوب اكيد بدها تحبه من اول نظرة وبدها تحاول تستغله.. وعاد لما شوفتها بتقرب علي قوليت خليني انا اقرب كمان واسحرها بعيوني خليها تقول عني رومانسي وقال فتلت عيوني عليها زي عنتر روما.. وهوب لما قربت انا.. ما اشعر الا هذاك الكف الي ماشي بسرعة ترليون على خدي ووقتها حسيت ان العصافير بطير فوق راسي وانواع الفلاشات بعيوني شكلي تهورت وما دريت عن حالي.. الا وانا اسمع امي بتقولي قووووووم قوووووم قوووووووم بكفي نوم عليك شغلhttp://www.panet.co.il/images/articles/32146.gif.. امي حرمتني من احلى حلم بحياتي ولبستني كف في اروع لحظة بالحلمhttp://www.panet.co.il/images/articles/32147.gif.. بس بتعرفه.. نصيحتي اذا حدا فيكم بدو ينام وفي امل يحلم..فيقفل على حاله باب الغرفة.. تحسبا للظروف الطارئة وتقلبات الجو..




يلا تشاو بعلبة كاكاو..




- المخلوق الارضي المزدهر-





" منقول" طبعا

sabry77
12-09-2005, 01:34 PM
ههههههههههههههههههههههههههههههههههههههههه حلوة كتير بس كل دةحلم لية نايم بقالك تلات ايام

وردة فلسطين
13-09-2005, 06:20 AM
ههههههههههههههههههههههههههههههههههههههههه حلوة كتير بس كل دةحلم لية نايم بقالك تلات ايام



هههههههههههههههههههههه
الظاهر كده

شكرا لمرورك*8*


Photo Gallery