المساعد الشخصي الرقمي

مشاهدة النسخة كاملة : عصفور الشعر علي كرسي التعارف



الصفحات : 1 2 [3] 4

عصفور الشعر
02-09-2005, 12:26 PM
أخي في الله محمود...
اكيد انت عارف انك غالي جدا.. وبصراحة أنا افتخر باخوتك..
بحبكوووووووووووووووووووو*3* *8* *3* *8*


دخلت قلوبنا.. من أول طله.. وأحبها الجميع ..مع أولى مداخلاتها .... فهى ... أخلاق ... ذكاء .. ثقافه .. علم .. خفة دم ..طيبه ..وفوق كل هذا وذاك ... سينتابكم الذهول عندما تكتشفوا انها ((قطريه )) .. وليست ((مصريه)) .. ف روح مصر تسيطر عليها.. وتسكنها ... ...نرى أسمها .. فنتذكر على الفور كلمتها الماثوره للجميع (((بحبكوووووووووووووووو*3* *8* *3* *8* ))


انها الفتاة التى اذهلتنا جميعا .. أنها مذهله*6* *6* *6* *6*

أختى الكريمه ((مذهله))

كانت هذه مقدمه متواضعه .. لأنسانه طيبه .. احببناها جميعا .. من قلوبنا.. أنها شخصك الكريم *3*




ولن اطيل عليكى كثيرا وسأجيب بسرعه على سؤالك


والان مع الاجابه على أسئلة الاخت الكريمه ... ((مذهله))



أنا سؤالي لأخي الشاعر..
هل لك قراءات في الشعر الخليجي؟؟؟؟



لا أخفيكى سرا .. فأنا لا أستمتع كثيرا بقراءة الشعر بصفة عامه ... وأفضل أن أنصت اليه .. سواء ممن نظمه .. أو من اى شخص موهوب ..ومتمكن فى القاء الشعر ...وقمة استمتاعى .. عندما يكون هذا الشعر ملحن ومغنى .... ف للموسيقى تأثير رهيب .. ووقع عجيب .. على الشعر ..يجعلنى اتذوقه وأستوعبه .. واعيش داخل صوره ومعانيه بدرجه أعمق

ومن هذا المنطلق استطيع القول أننى أعشق القصائد الشعريه .. والاغانى الخليجيه ((المغناة على أنغام الالحان))



أعشق حسين الجسمى وأغنيته الدويتو مع أصاله ((بودعك))

http://songs.6arab.com/7sain..bawad3ek1.ram

((أنا ليا الله .. وأنت الله يخليك.. تسرح .. وتمرح .. وتشوف السعاده))



محمد المازم .. وأغنية حرام

http://song.6arab.com/al-mazem..7aram.ram
((ليه فجأه تبتعد ..عن عينى وتغيب..عطنى فرصه.. فيها أستوعب .. الوضع الغريب))

((جلبك اللى طاوعك .. قادر على الهجران .. واللى أخذته معك..جلبى أنا الانسان))



عباس ابراهيم .. وأغنيته الرهيبه والتى دائما ما ترن كلماتها بأعماقى ((ناديت ))

http://songs1.6arab.com/3abas-ebraheem..nadait.ram

((ناديت..والليل جاوبنى وبكانى...ماحدن سمعنى ..غير ليلى.. اللى ساع دمعى ))

((ما غير ليلى ..من الاحباب واسانى ...يا ويل من همله ربعه .. مثل ربعى))





عبد المجيد عبدالله وأغنيته كل يوم


http://music.6arab.com/3abdelmajeed_kel-yoom.ram


((كل يوم . نجول اليوم .... تتحجج الاحلام .. يا جلبى يا محروم .. من فرحة الايام))

((مين يصدج الاحساس .. وين الوفا يا ناس ..كل شئ متغير .. فى عالمى يحير))


((وبننتظر ونخاف .. يطول الانتظار .. .. ومهما حصل .. ما تنطفى شمعة أمل))




وغيرها الكثير والكثير من الاغانى الخليجيه التى أعشقها .. وهى ما تربطنى بالشعر الخليجى


كما سعدت .. ولا زلت .. بمداخلنك هنا ... ربنا ما يحرمنا من طلتك ابدا يا ((مذهله))*8*


خوكى


تووت

عصفور الشعر
02-09-2005, 12:42 PM
خوي توت
أنا ماعنديش أسئلة ليك - فقط مررت لألقي التحية والسلام


خيتى أووووووووشا *15* ..... منورررررررررررررره ... وكلمة (( خوى )) عندى بالدنيا وما فيها *6*


أنا بقى حستأذنك ..وح أنشر هنا مداخلتى.. فى موضوعك حول الموت .. لأنك سألتى فيه سؤال عام للجميع .. وانا جاوبت عليه .. وأحب الأخوه الاعضاء المتابعين للموضوع .. أنهم يعرفوا الجانب المهم ده من حياتى . لأنه حيخليهم يعرفونى اكثر وأكثر ... وفى نفس الوقت هى دعوه انهم يتطلعوا على موضوعك .. ويستمتعوا بأسلوبك الادبى اللى فاجئنا وأذهلنا جميعا:)


وده أولا رابط الموضوع بعنوان ((الموت صديقى )) للاعضاء الاعزاء

http://www.egyptsons.com/misr/showthread.php?t=36408 (http://www.egyptsons.com/misr/showthread.php?t=36408)




وده سؤال أوشا .. ويتلوه اجابتى عليه



هل تتذكر أول مرة سمعت هذه الكلمة في حياتك ((الموت))? ه لتتذكر متى ترددت على مسامعك وكنت لا تدرك معناها بعد? هل تتذكر متى أدركت هذا المعنى وكيف أدركته وماذا أصبحت تعني هذه الكلمة لك الآن?




ماذا أقول أختى الكريمة أوشا .. غبتى عنا فتره... قد تكون من وجهة نظرك بسيطه ...ولكنها كانت بالنسبة لنا كبيره... ثم عدتى بموضوع اكثر من رائع .. سواء فى الفكره .. او فى أسلوبك المميز فى السرد

وبعد أن قرأت خواطرك حول الموت وخبرتك معه .. اسمحى لى .. ان اجيب على الاسئله التى تصدرت نصك الجميل

نعم أتذكر هذه الكلمه جيدا .. كنت اول مره اسمعها حين كنت فى الخامسة من عمرى .. حيث كان والدى يؤدى فريضة الحج .. وقد عادت كل الافواج .. ولم يعد هو مع أى فوج..... كان وقت الحج فى هذا الوقت فى عز الصيف .. وقد توفى كثيرون فى هذا الموسم بسبب الحر...اتذكر الحزن الذى خيم على ارجاء اسرتى .. المنتظرون بين الياس والرجاء على أمل عودته أو سماع أى خبر يقطع الشك باليقين .. والحمد لله ان الخبر كان سعيدا .. عندما كنت ألهو مع أقرانى من الصبيه .. ووجدت من يهتف بى ليعلمنى بأن والدى قد عاد .ز ورغم تلك الخبره لم ادرك كنه الموت

أول خبره حقيقيه لى مع الموت تمثلت فى جدتى الله يرحمها .. كان ذلك عام 1983 .. وكان عمرى سبع سنين.. أتذكر يوم موتها جيدا .. حينما ذهبت لأراها وكنت بصحبة والدتى ..ووجدتها فاقدة النطق ولا تتحرك .. وعلى شفتيها ابتسامه مشوبه بحزن غريب ودمعة على وجنتيها لم تجف بعد

ثانى خبره لى مع الموت كانت هى اقسى تجربه فى حياتى والتى شعرت بها فعلا بمعنى الموت.. وألم الفراق .. كان هذا فى شهر ديسمبر من عام 1989 ... وكانت أختى لمياء هى المتوفاه .. كان عمرها ثلاث سنوات حينما ذهبت الى جوار ربها .. لمياء الله يرحمها لم تكن اختى بقدر ما كانت بنتى ... فقد كنت أشترك مع والدتى فى رعايتها ... من تحضير الطعام لها وتغيير ملابسها .. واعطاءها الدواء .. واللعب معها .. كنت وقتها فى الثالثة عشر من عمرى .. ولكنى كنت أشعر بالمسئوليه نحوها كأب ..أتذكر حينما كنت أقطع المدينه طولا وعرضا باحثا فى الصيدليات على نوع اللبن الصناعى التى كانتت تتناوله... أتذكر ضحكتها .. تمتماتها بالكلام الغير مفهوم ..يدها الرقيقه وهى تعبث بوجهى... يوم ان اصيبت فجأه بالعمى بسبب الحمى الشوكيه .. فنزعت منها الحمى روحها الطاهره البريئه فى خلال يومين فقط .. يومين فقط كانتا الفاصل بين تمتعها بالصحه والحيويه .. وبين رحيلها الى جنة الخلد باذن الله
ظللت لفتره لا أصدق.. كان وقع موتها أكبر منى .. كنت صغيرا...كانت فجيعتى فوق الاحتمال.. كنت أبكيها كل يوم ..أغطى نفسى بغطاء السرير وأظل أبكى ..لا انكر أن موتها أثر على شخصيتى وتكوينى النفسى فأصبحت أخاف التعلق بأحد ... حتى لا يخطفه الموت .. فيتركنى أعانى.... رحمة الله عليكى يا أختاه .. وأسكنك الله فسيح جناته


أما عن أخر خبره لى مع الموت .. كانت فى الثامن عشر من سبتمبر عام 1998 والمتوفى كان والدى رحمه الله...لقد كان يعانى من الشيخوخه فقد كان عمره حينما توفى 83 عام .. وقد ظل طريح الفراش اكثر من عام يعانى ويلات المرض .. حتى وافته المنيه ... ورغم حزنى الشديد عليه الا اننى تماسكت أمام والدتى وأخواتى البنات ...فهن مسئولات منى .. وعلى أن أواسيهم وأخفف من وطأة ما ألم بنا من أحزان ..فتعجب الكثيرون من أصدقائى من رباطة جأشى ..وهدوئى.. ولكنى لم استطع التماسك كثيرا ... حينما هم أحد اصدقائى بضمى ضمة قويه الى صدره مواسيا اياى وقت تقبل العزاء بالمقابر .. فأنهمرت منى وقتها شلالات دموع .. خففت عنى كثيرا من الضغوط التى أثقلت كاهلى وقتها


كانت هذه قصتى مع الموت وخبرتى به .. هى خبره حزينه بالطبع.. وذكريات مريره .. ولكنى تعلمت من الموت الكثير..

وقد تعرضت للموت مرات كثيره ...موت محقق .. ولكن قصتى ذات نفسى مع مواجهة الموت تحتاج لمداخله بمفردها ..

اشكرك من قلبى أختى الكريمه على هذه المساحه التى أتاحها لى موضوعك ..كى أتذكر ..ويتذكر معى الاخرون الموت ... كنت أحتاج أن افضفض بعض الشئ .. لضيق أصابنى .. وجاء موضوعك فكان بمثابة واحه ظليله استرحت بها قليلا من ألام جرح ينزف.. جراء طعنة نجلاء


خوكى توت*3*

عصفور الشعر
02-09-2005, 08:08 PM
خوى توت
مررت لاسجل اعجابى بالاسئلة المطروحة واجاباتك المقنعه
لك تحياتى اخى العزيز

خيتى ((ديدى)) .. عود حميد .. وعدتى وأوفيتى .. بارك الله فيكى أختاه*6*


أنه لشرف لى .. فخر .. لا يدانيه أى فخر .. أن يكون هذا رأيك فى اجاباتى .. خيتى ((ديدى)):)


سريعا مارش بقى على سؤالك المهم جدا بالنسبة لى .. واللى كان بليغ ..و محدد للغايه . ولذلك حجاوبك عليه برد اكثر تركيز وتكثيف وتحديد


والان مع اجابة الاخت الكريمه ....... ((ديدى))



ايه الحلم اللى بتحلم بيه طول عمرك ودايما حاسس انه بعيد؟


أولا يا ديدى أنا لما بحلم بشئ معين .. بحاول يكون حلم معقول.. ويناسب قدراتى ..والادوات والخامات.. المتاحه أمامى .. .. وأيضا يكون حيحقق شئ من رغباتى .. او احتياجاتى بصفه عامه


وأهم حلم طول عمرى بحلم به .. ودايما حاسس انه بعيد هو التنعم ب (((الاستقرار)))


طيلة عمرى وأنا افتقد الاحساس والشعور بالاستقرار .. فى كل نواحى حياتى للاسف

أفتقد الاستقرار النفسى ...صراعات داميه بأعماق كيانى ... بين مشاعر كثيره متناقضه .. تتطاحن وتتعارك بكل ضراوه .. والمحصله.... تناثر أشلاء الضحايا على جنبات نفسى .. فأصاب بالتشتت تاره .. وبالاختناق تاره .. وبالعناء والارهاق والجنون تارة أخرى


أفتقد الاستقرار العاطفى ... لا أحلم بملكة جمال العالم .. لا أحلم بأمراءة ثريه .. لا أحلم بذات الحسب والنسب والسلطان .. أحلم .. بأم تحتوينى ... وتعاملنى كما أحب أن اعامل ((معاملة الاطفال)).. أحلم بصديقه تبادلنى فكرا بفكر.. فأنصت اليها بلا ملل .. بخليله تؤنس ليلى الموحش فتجعله نهارا أبيض .. بأنثى يعتنق قلبها حبى ..بأيمان لا يتزعزع ..... تعبت كثيرا فى طريقى لتلك المراءه .. كلما أصرخ .. كما كان يصرخ ((ارشميدس )) .. (وجدتها وجدتها ) ... أجد نفسى مع الوقت .. قد خاب ظنى ... وجرح قلبى .. وأخطأت العنوان .. أنه فشل حياتى .. ولكنى لم أيأس بعد .. وما زلت فى طور التنقيب واجراء التجارب


أفتقد الاستقرار الوظيفى ... فانا لا أحب أن اعمل ..غير ما أحبه ...وأهواه ..وأميل اليه ....وأستمتع به .. لا تهمنى الماده على الاطلاق ((على الاقل الان وبعد أن استقر وضعى المالى لحد ما )) .. فأحلم بمهنة واحدة محدده ... فقد عملت فى مهن عديده . ولكننى أكره ذلك التنقل من عمل لأخر .... وأملى الذى اسعى اليه .. أن يكون لى مشروعى الخاص .. والذى من خلاله . أستفيد بمهاراتى وخبراتى التى أكسبتنى اياها حياتى التى عشتها بالعرض وليس بالطول .. فحياتى بالعرض تقترب من المائة عام!!!


هذه بعضا من أحلامى التى اجدها بعيده عنى بعض الشئ .. خيتى الكريمه ((ديدى )) ..

سعدت بكى وبسؤالك العميق بارك الله فيكى *8*



خوكى


تووت*3*

حبوبة
02-09-2005, 08:12 PM
عصفور الشعر تحياتي.

- أي فصل من فصول السنة تحب أكثر ويعنيك؟

- هل الغروب يقول لك شيئاً؟

- هل حلمك بالطيران والتحليق نتيجة؟

- " سؤال كنت تود أن يوجّه اليك ولم يُسأل؟

لك - ؟

***

يسعد أوقاتك .

سيد سليم العربي
02-09-2005, 11:41 PM
أهلا أخي العصفور المغرد في عالم الجمال
السؤال : هل كونت مجموعة من الأصدقاء في غربتك هذه وعرفتهم بقيمنا وادبنا من خلال منتدانا هذا ؟

Abdou Basha
03-09-2005, 07:29 AM
سلام عليكم يا محمود ... :)

معلش أنا جيت متأخر ... بس قلت آجي بعد الزحمة .. :d

شوف يا سيدي أنا عايز أسألك ........ إيه ..؟ *11*

أيوة .. :)

انت جاي مصر إمتى ..؟؟
عشان عايزين نعملك حفلة .. ولقاء كده لما ترجع بإذن الله ...
حتى تشوف أعضاء المنتدى.

يا إما انت تستضيفنا في بورسعيد ... :d

ربنا يوفقك و بأتمنى لك كل خير ..... *3*

أنا كنت عايز أسألك إذا كنت بتدرس في بريطانيا ولا لأ ..؟؟ وهل ممكن تفكر في الدراسة جنب عملك في انجلترا .. ولا صعبة ..؟

وإن شاء الله ترجع لنا بالسلامة ... *8*

حتة سكرة
03-09-2005, 09:05 AM
هاي يا عصفور الشعر
صح كدة مغلطش المرة دي :)

عامل أية يارب تكون بخير

ميرسي على أجابتك على سؤالي وأسمحلي أقولك أنك

فنان في الرد على الأسئلة

وتمتاز بدبلوماسية رائعة .................................................. ...........................
.................................................. ؟؟؟

عصفور الشعر
03-09-2005, 08:36 PM
عصفور الشعر تحياتي.



***

يسعد أوقاتك .

مرحبا بلبنان .. وأهل لبنان .. مرحبا بكى أختى الكربمه (( حبوبه)):)

يسعدنى ويشرفنى مشاركتك بموضوعى . وسعيك الطيب للتعرف على شخصى المتواضع من خلال أسئلتك الجميله

لمحت أسمك بقاعات الادب .. مما يدل اننا سنلتقى قريبا فى أحد اعمالك *8*


واسمحى لى الان للتوجه سريعا للاجابه على اسئلة حضرتك



والان مع الاجابه على اسئلة العضوه الكريمه ((حبوبه))


- أي فصل من فصول السنة تحب أكثر ويعنيك؟


صراحة لا يوجد فصل معين أحبه أكثر بدرجه كبيره . وان كنت أميل لفصل الصيف أكثر خصوصا فى أواخره ..قبيل بدء فصل الخريف.. أحب جدا هذا التوقيت من العام وهو نهاية اغسطس و شهر سبتمبر باكمله .. لا أعرف لماذا .. هناك أسباب تعود الى طفولتى .. ولكن الرؤيه والذكريات مشوشه وغير واضحه أمامى الان لشرحها


- هل الغروب يقول لك شيئاً؟


الغروب يهدئنى .. يريح أعصابى .. خاصة اذا صاحبته أسراب طيور الحمام .. ومعانقتها لصوت اذان صلاة المغرب .. وقد كنت أعشق هذا المشهد عندما كنت صغيرا ببيتنا القديم فى أكثر المناطق ازدحاما ببورسعيد ((الشارع التجارى )) حيث ان هواية الناس هناك تربية الحمام . واطلاقه للطيران وقت الغروب .. وقد كنت أنتظر هذا الوقت بفارغ الصبر






- هل حلمك بالطيران والتحليق نتيجة؟


معذرة لم افهم السؤال أختى الكريمه


- " سؤال كنت تود أن يوجّه اليك ولم يُسأل؟

لك - ؟


حقيقة كان يوجد سؤال كنت أود ان يسالنى اياه أحد الاعضاء هو ((هل يخفق قلبك بالحب)) ولكن الحمد لله أن أحد لم يسالنى *7*





سعدت جدا بتواجدك ... ولنا لقاء أخر بقاعات الادب ان شاء الله*6*


خوكى

توت*3*

بسمة أمل
03-09-2005, 09:53 PM
بسم الله الرحمن الرحيم
على الرغم من دخولى متأخرى الا ااننى قرأت اغلب الاسئلة
وما شاء الله اسئلة رائعة وفرصة جميلة للتعرف عليك يا توت
انا هستمر فى متابعة الاسئلة ولو خطر لى اى سؤال هسأل فورا
بس بشكر بوكى بوكى على اختيارها وبشكرك اخى الكريم على صراحتك واجاباتك

osha
04-09-2005, 03:26 AM
مرة ثانية أقرأ ردك
ومرة ثانية أبكي وانا أبحث بين حروف اللغة الثمانية والعشرين عما يمكن أن يكون كلمات تفي بشعوري نحو وصفك لوفاة أختك
خوي توت
شكرا لك على وصفك الجميل لأسلوبي وأعدك قريبا ببقية حديثي عن الموت صديقي وستجد به سبب انه صديقي ولماذا أسميته كذلك




خيتى أووووووووشا *15* ..... منورررررررررررررره ... وكلمة (( خوى )) عندى بالدنيا وما فيها *6*


أنا بقى حستأذنك ..وح أنشر هنا مداخلتى.. فى موضوعك حول الموت .. لأنك سألتى فيه سؤال عام للجميع .. وانا جاوبت عليه .. وأحب الأخوه الاعضاء المتابعين للموضوع .. أنهم يعرفوا الجانب المهم ده من حياتى . لأنه حيخليهم يعرفونى اكثر وأكثر ... وفى نفس الوقت هى دعوه انهم يتطلعوا على موضوعك .. ويستمتعوا بأسلوبك الادبى اللى فاجئنا وأذهلنا جميعا:)


وده أولا رابط الموضوع بعنوان ((الموت صديقى )) للاعضاء الاعزاء

http://www.egyptsons.com/misr/showthread.php?t=36408 (http://www.egyptsons.com/misr/showthread.php?t=36408)




وده سؤال أوشا .. ويتلوه اجابتى عليه


[/u][/size]



ماذا أقول أختى الكريمة أوشا .. غبتى عنا فتره... قد تكون من وجهة نظرك بسيطه ...ولكنها كانت بالنسبة لنا كبيره... ثم عدتى بموضوع اكثر من رائع .. سواء فى الفكره .. او فى أسلوبك المميز فى السرد

وبعد أن قرأت خواطرك حول الموت وخبرتك معه .. اسمحى لى .. ان اجيب على الاسئله التى تصدرت نصك الجميل

نعم أتذكر هذه الكلمه جيدا .. كنت اول مره اسمعها حين كنت فى الخامسة من عمرى .. حيث كان والدى يؤدى فريضة الحج .. وقد عادت كل الافواج .. ولم يعد هو مع أى فوج..... كان وقت الحج فى هذا الوقت فى عز الصيف .. وقد توفى كثيرون فى هذا الموسم بسبب الحر...اتذكر الحزن الذى خيم على ارجاء اسرتى .. المنتظرون بين الياس والرجاء على أمل عودته أو سماع أى خبر يقطع الشك باليقين .. والحمد لله ان الخبر كان سعيدا .. عندما كنت ألهو مع أقرانى من الصبيه .. ووجدت من يهتف بى ليعلمنى بأن والدى قد عاد .ز ورغم تلك الخبره لم ادرك كنه الموت

أول خبره حقيقيه لى مع الموت تمثلت فى جدتى الله يرحمها .. كان ذلك عام 1983 .. وكان عمرى سبع سنين.. أتذكر يوم موتها جيدا .. حينما ذهبت لأراها وكنت بصحبة والدتى ..ووجدتها فاقدة النطق ولا تتحرك .. وعلى شفتيها ابتسامه مشوبه بحزن غريب ودمعة على وجنتيها لم تجف بعد

ثانى خبره لى مع الموت كانت هى اقسى تجربه فى حياتى والتى شعرت بها فعلا بمعنى الموت.. وألم الفراق .. كان هذا فى شهر ديسمبر من عام 1989 ... وكانت أختى لمياء هى المتوفاه .. كان عمرها ثلاث سنوات حينما ذهبت الى جوار ربها .. لمياء الله يرحمها لم تكن اختى بقدر ما كانت بنتى ... فقد كنت أشترك مع والدتى فى رعايتها ... من تحضير الطعام لها وتغيير ملابسها .. واعطاءها الدواء .. واللعب معها .. كنت وقتها فى الثالثة عشر من عمرى .. ولكنى كنت أشعر بالمسئوليه نحوها كأب ..أتذكر حينما كنت أقطع المدينه طولا وعرضا باحثا فى الصيدليات على نوع اللبن الصناعى التى كانتت تتناوله... أتذكر ضحكتها .. تمتماتها بالكلام الغير مفهوم ..يدها الرقيقه وهى تعبث بوجهى... يوم ان اصيبت فجأه بالعمى بسبب الحمى الشوكيه .. فنزعت منها الحمى روحها الطاهره البريئه فى خلال يومين فقط .. يومين فقط كانتا الفاصل بين تمتعها بالصحه والحيويه .. وبين رحيلها الى جنة الخلد باذن الله
ظللت لفتره لا أصدق.. كان وقع موتها أكبر منى .. كنت صغيرا...كانت فجيعتى فوق الاحتمال.. كنت أبكيها كل يوم ..أغطى نفسى بغطاء السرير وأظل أبكى ..لا انكر أن موتها أثر على شخصيتى وتكوينى النفسى فأصبحت أخاف التعلق بأحد ... حتى لا يخطفه الموت .. فيتركنى أعانى.... رحمة الله عليكى يا أختاه .. وأسكنك الله فسيح جناته


أما عن أخر خبره لى مع الموت .. كانت فى الثامن عشر من سبتمبر عام 1998 والمتوفى كان والدى رحمه الله...لقد كان يعانى من الشيخوخه فقد كان عمره حينما توفى 83 عام .. وقد ظل طريح الفراش اكثر من عام يعانى ويلات المرض .. حتى وافته المنيه ... ورغم حزنى الشديد عليه الا اننى تماسكت أمام والدتى وأخواتى البنات ...فهن مسئولات منى .. وعلى أن أواسيهم وأخفف من وطأة ما ألم بنا من أحزان ..فتعجب الكثيرون من أصدقائى من رباطة جأشى ..وهدوئى.. ولكنى لم استطع التماسك كثيرا ... حينما هم أحد اصدقائى بضمى ضمة قويه الى صدره مواسيا اياى وقت تقبل العزاء بالمقابر .. فأنهمرت منى وقتها شلالات دموع .. خففت عنى كثيرا من الضغوط التى أثقلت كاهلى وقتها


كانت هذه قصتى مع الموت وخبرتى به .. هى خبره حزينه بالطبع.. وذكريات مريره .. ولكنى تعلمت من الموت الكثير..

وقد تعرضت للموت مرات كثيره ...موت محقق .. ولكن قصتى ذات نفسى مع مواجهة الموت تحتاج لمداخله بمفردها ..

اشكرك من قلبى أختى الكريمه على هذه المساحه التى أتاحها لى موضوعك ..كى أتذكر ..ويتذكر معى الاخرون الموت ... كنت أحتاج أن افضفض بعض الشئ .. لضيق أصابنى .. وجاء موضوعك فكان بمثابة واحه ظليله استرحت بها قليلا من ألام جرح ينزف.. جراء طعنة نجلاء


خوكى توت*3*

حتة سكرة
04-09-2005, 01:52 PM
هاي يا أستاذ محمود عامل أية

لية سؤال صغير قد كدة

أية الحاجة الي ديما ً بتخوفك وبتحاول تهرب منها ؟؟

ومش عوزا أجابة دبلوماسية عاوزة أجابة بجد ممكن

عصفور الشعر
04-09-2005, 04:34 PM
أهلا أخي العصفور المغرد في عالم الجمال


أهلا وسهلا بك أستاذى المبجل .. مشرف قاعة الصالوب الادبى ..((أ سيد سليم العربى )) *3*

حقيقى كم أنا سعيد بتواجد حضرتك .. ومداخلتك شرف لى ما بعده شرف*6*

والان اسمح لى أن أنتقل سريعا الى سؤال حضرتك للاجابه عليه


والان مع الاجابه على سؤال الاخ الكريم الاستاذ ((سيد سليم العربى ))


السؤال : هل كونت مجموعة من الأصدقاء في غربتك هذه وعرفتهم بقيمنا وادبنا من خلال منتدانا هذا ؟


حقيقة .. وكما ذكرت سابقا .. فأنا متحفظ هنا للغايه فى علاقتى بالاخرين .. سواء كانوا من أبناء البلد الاصليين .. أو من المغتربين أمثالى ... حتى أقاربى هنا .. ((ومنهم من يحمل الجنسيه البريطانيه)) .. علاقتى بهم محدوده نوعا ما .. ولا تتعدى الزيارات فى المناسبات ..وفى أضيق الحدود .. قد يعطى هذا انطباعا عن أننى غير اجتماعى .. ولكن هذا غير صحيح بالمره .. فأنا فى مصر أنسان اخر .. ولكن ما يدفعنى ((للتقوقع )) هكذا .. أسباب كثيره يطول شرحها .. ولكنه تقوقع حميد يحمينى من فى الانغماس فى هذا المجتمع ...

ولكن من ناحية أخرى لا يمنعنى تحفظى هذا من وجود علاقات ((انسانيه)) طيبه للغايه بينى وبين زملائى بعملى ((وكلهم تقريبا انجليز)) ... وحقيقة فهم يتوددون الى كثيرا .. ويدعونى دائما للخروج معهم فى العطلات .. سواء بالذهاب ل لعب البولينج او البلياردو أو حتى الجولف .. ولكنى صراحة اعتذر دائما ... وفى نفس الوقت فأنا أتحدث معهم بالطبع عن حضارتنا وقيمنا وعاداتنا وتقاليدنا .. وكم صححت للكثيرين مفاهيم خاطئه كانوا يتصورونها عن مصر .. فهم ((معظمهم))يعتقدون ان مصر مجرد رمال وصحراء وجمال .. وأناس لا يلبسون غير العمه والجلابيه !!!!!

هذه كانت فكره عامه عن المدى الذى وصلت اليه علاقاتى الانسانيه بأنجلترا.. أتمنى أن تكون اجابتى وافيه شافيه


وشكرا لك اخى الكريم على تلك الزياره العزيزه التى أبهجتنى كثيرا*6*




خووك


توت*3*

عصفور الشعر
04-09-2005, 05:27 PM
سلام عليكم يا محمود ... :)

معلش أنا جيت متأخر ... بس قلت آجي بعد الزحمة .. :d


وعليكم السلام ورحمة الله وبركاته .. عبد الرحمن أخويا الغالى :)


*6* *6* بالاحضان بالاحضان بالاحضاااااااان*6* *6*

*6* *6* بالاحضان يا عبدو يا خويا بالاحضان*6* *6*

معلش يا عبد الرحمن أنت مينفعش معاك ترحيب رسمى .. أنت تتاخد بالحضن على طووول*6*




انت جاي مصر إمتى ..؟؟




بص يا سيدى .. انا ان شاء الله بعد اسبوعين بالضبط رايح فرنسا لمدة يومين( تحديدا ديزنى لاند عشان عقدة العوده الى الطفوله اللى عندى تتفك:d )) .. وبعد كده من فرنسا.. سأعرج على أسبانيا ... للأستجمام أسبوع فى أحد المنتجعات (( أريح اعصابى شويه بعيدا عن دوشة القطارات والسهر طول الليل مطحون فى الشغل :d )) .. بعد رجوعى بقى وده حيكون قبل رمضان بحوالى 3 ايام .. حبدأ أضع خطتى لزيارة مصر .. يعنى على حسب التساهيل .. انا بتمنى والله شهرين .. بس شكلى مش حعرف اخداجازه غير شهر بس ودا مش كفايه *13* لأن انا أهلى حبايبى وصحابى كثيرررررررررر فى مصر .. وممكن تقول أقرب وقت ممكن أنزل فيه هو العشره الاواخر من رمضان .. ولو حصلت ظروف صعبه فى الشغل وتعذر أنى اخد الاجازه بدون مرتي .. يبقى ان شاء الله على شهر يناير القادم .واهو بالمره نتابع كاس أمم افريقيا لكرة القدم فى مصر



عشان عايزين نعملك حفلة .. ولقاء كده لما ترجع بإذن الله ...
حتى تشوف أعضاء المنتدى.

يا إما انت تستضيفنا في بورسعيد ... :d

ربنا يوفقك و بأتمنى لك كل خير ..... *3*

على فكره دى أمنيتى برضه والله يا عبده:) ... والبركه فيك بقى تنسق العمليه دى .. ونتقابل فى مصر وفى بورسعيد كمان .. وأهى فرصه عشان اللى ما زرش بورسعيد يشوف أد ايه البلد دى من أجمل بلدان مصر .. وأهى فرصه ناكل عيش ورز وسلاطه وسمك بورى وسيبيا وجمبرى سوا :d

ربنا يبارك فيك يا عبد الرحمن . والله انا مهما حتكلم مش حقدر أوصفلك انا حبيتك أد ايه حتى من قبل ما نتقابل .. وانا واثق اننا لما حنتقابل كلنا .. مش حتحسوا ابدا انى غريب عنكم .. ولا أنتم غرباء عنى .. وربنا يديم أواصر المحبه فى الله بيننا دائما*6* *8*




شوف يا سيدي أنا عايز أسألك ........ إيه ..؟ *11*

أيوة .. :)


أنا كنت عايز أسألك إذا كنت بتدرس في بريطانيا ولا لأ ..؟؟ وهل ممكن تفكر في الدراسة جنب عملك في انجلترا .. ولا صعبة

انا كنت عاقد العزم انى أدرس بجانب عملى اول ما وصلت هنا من حوالى سنه .. بس لاقيت العمليه دى صعبه جدا على .. خصوصا انى فى بداية حياتى هنا كنت ب أجد صعوبه رهيبه فى فهم اللكنه اللى بيتحدث بيها الناس هنا ((الجوردى.. ودى لهجه زى اللهجه الصعيدى عندنا كده))... بيضغموا الحروف فى بعضها وبينطقوها بسرعه رهيبه . وانا اساسا لغتى الانجليزيه معقوله .. ولما كنت فى مصر كنت بشتغل مع اجانب ومكنتش عندى مشاكل كبيره فى حتة الفهم .. لكن اصدمت بالمشكله دى فى اول حياتى هنا.. عشان كده قررت انى أركز فى العمل مع اعطاء نفسى فرصه أتأقلم مع اللهجه دى .. عشان بعد كده لما أجى ادرس .. اقدر أستوعب المحاضرات والكورسات بسهوله ..
وأنا حاليا بفكر جديا انى ابدأ ادرس ...لكن التطبيق حيكون بعد عودتى من مصر ان شاء الله ((دا اذا اساسا أهلى فى مصر سابونى أرجع ومدبسونيش فى جوازه :d )) ..بس انا طبعا حضطر انى أشتغل ساعات عمل أقل عشان اقدر أواظب على دراستى .. وحاليا انا عايز أدرس اللغة الانجليزيه .. بجانب انى ح أسعى أن شاء الله للحصول على الرخصه الدوليه للتعامل مع الكمبيوتر ((بتاعة اليونسكو)) ..واحتمال كبير أدرس كورس برمجة صفحات ويب




وإن شاء الله ترجع لنا بالسلامة ... *8*


الله يسلمك .. يا أخويا اللى مش من أمى وأبويا *6* *8*



خووك


توت*3*

سـلـوى
04-09-2005, 05:37 PM
انا اسفة جدااااااااااااااااااااا *7*

ممكن ادخل؟؟*11*

بجد غصبن عنى عدم دخولى

و بجد يا محمود انت تستحق كل خير

فاصبحت لك مكانة فى المنتدى و قلوب الجميع
ربنا يحفظك و يحميك و يقوى ايمانك دائما

و بارك الله فيك على اجاباتك الرااااااااااااااائعة جدا
ما شاء الله عليك بجد


وانا مش بحب اسال كفاية عليك اللى جرى ههههههه

*15* انا بحب اشجع بس

عصفور الشعر
04-09-2005, 08:30 PM
هاي يا عصفور الشعر




صح كدة مغلطش المرة دي :)

عامل أية يارب تكون بخير

ميرسي على أجابتك على سؤالي وأسمحلي أقولك أنك

فنان في الرد على الأسئلة

وتمتاز بدبلوماسية رائعة .................................................. ...........................
.................................................. ؟؟؟

هاى يا ((حتة سكره)) ... مغلطيش المره دى :d


شكرا على كلامك الجميل ...ووصفك ليا بأنى فنان فى الرد على الاسئله*7*


وكماااان دبلوماسى :) ... أهو بحاول يا سكره والله.. أنى أقول رأيى بصراحه ومنطقيه وموضوعيه ... بطريقه متزعلش حد منى .. ((ولو كنت فظا غليظ القلب لانفضوا من حولك))


أشكرك يا ((حتة سكره)) ياللى كلامك بينقط عسل على اهتمامك بمتابعة الموضوع ... وربنا يقدرنى دايما على ارضاء جميع الاطراف .. بدون الاخلال بالحق*8*


خوكى

توت*3*

عصفور الشعر
04-09-2005, 08:42 PM
بسم الله الرحمن الرحيم
على الرغم من دخولى متأخرى الا ااننى قرأت اغلب الاسئلة
وما شاء الله اسئلة رائعة وفرصة جميلة للتعرف عليك يا توت
انا هستمر فى متابعة الاسئلة ولو خطر لى اى سؤال هسأل فورا
بس بشكر بوكى بوكى على اختيارها وبشكرك اخى الكريم على صراحتك واجاباتك


الاخت الغاليه .. بنت بلدى .. أحد ممثلى بورسعيد فى المنتدى .. ((بسمة أمل))

يسعدنى ويشرفنى ويثلج صدرى أن تشاركينى هنا بتلك المداخله الطيبه*6* ... وهى فعلا فرصه جميله لكى يتعارف الاعضاء بعضهم على بعض .. والحمد لله أن وفقنى فى الاجابه عل الاسئله بهذا الشكل الذى يرضيكم ويلقى قبولكم:)


وأى سؤال يخطر على بالك .. لا تترددى فى طرحه على يا بسمه .. وسأجيبك عليه باذن الله ((( ويا سلام لو سؤال له علاقه ببورسعيد يبقى شئ جميييل*15* ))


وطبعا مهما حنشكر فى العضوه الكريمه بوكى بوكى .. وكذلك قمر الليل .. مش حنوفيهم حقهم على هذا الموضوع الاكثر من رائع*6*


وسلميلى على بورسعيد ..والسلام امانه يا ((بسمة امل ))*8*


خوكى


توت*3*

عصفور الشعر
04-09-2005, 08:52 PM
مرة ثانية أقرأ ردك
ومرة ثانية أبكي وانا أبحث بين حروف اللغة الثمانية والعشرين عما يمكن أن يكون كلمات تفي بشعوري نحو وصفك لوفاة أختك
خوي توت
شكرا لك على وصفك الجميل لأسلوبي وأعدك قريبا ببقية حديثي عن الموت صديقي وستجد به سبب انه صديقي ولماذا أسميته كذلك

عارفه يا أوشا .. حتستغربى لما اقولك انى برضه عيونى بتدمع لما بقرأ الجزء بتاع أختى لمياء الله يرحمها .. وكأن واحد تانى اللى كتبه... هو فعلا مقطع مؤثر جدا خصوصا الجزء اللى بشرح فيه ذكرياتى معاها ..


انا فى انتظار باقى حديثك عن الموت بشغف .. ويمكن كمان لما أخلص من موضوع كرسى التعارف أشارك كمان فى موضوعك بمداخله حول تجربتى الخاصه مع الموت.. وتعرضى لمرات كثيره للموت .. ونجاتى منه بأعجوبه فى كل مره

وفى أخر مداخلتى بدعيلك يا أوشا أن ربنا يسترها معاكى انتى واسرتك ويحميكوا من اى أعاصير أو كوارث طبيعيه ...

أمين يا رب العالمين


أخوكى توت*3*

عصفور الشعر
04-09-2005, 10:37 PM
هاي يا أستاذ محمود عامل أية


هاى يا سكره .. انا بخير والحمد لله*15*




لية سؤال صغير قد كدة



بس كده غاليه والطلب رخيص:)






أية الحاجة الي ديما ً بتخوفك وبتحاول تهرب منها ؟؟

يعنى كذا حاجه يا سكره*13*

ذكريات أليمه مريت بيها على مدار حياتى اثرت بالسلب على شخصيتى ... وخلقت جوايا عقد نفسيه ... تخلصت من بعضها .ولسه بحاول مع الباقى*12* ... بحاول دايما أهرب من الذكريات.. دى لانى بخاف تتكرر تانى

من الذكريات دى


أخطاء ارتكبتها .. أخطاء ساذجه .. ندمت كثير انى وقعت فيها .. بس اللى يشفعلى امام نفسى انى كنت وقتها فى مرحلة انعدام وزن ... وطور تكوين شخصيتى ..


تجربه عاطفيه فاشله .. أخرتنى حوالى 3 سنوات .. لحد ما وقفت على رجلى تانى .. وبدأت من أول وجديد أعيش الحياه




ومش عوزا أجابة دبلوماسية عاوزة أجابة بجد ممكن



أتمنى تكونى اجابتى المره دى بجد.. ومن غير الدبلوماسيه اللى اكتشفت انها ضايقتك:d .. معلش يا ((حتة سكره)) انتى بتسألينى اسئله صعبه أوى .. ومحتاجه كتاب عشان أجاوب عليها .. لأنى انا فى حياتى حكايات كثيره لا تنتهى .. وكم هائل من التجارب والخبرات صعب تتصوريه




لكى منى كل الود وباقة ورد*8*


خوكى

توت*3*

فرعونى
05-09-2005, 12:05 AM
مرحب استاذ محمود
عندى سؤال واحد بس علشان انتا اتهريت اسئلة
الغربة عملت فى مشاعرك ايه ؟

حنـــــان
05-09-2005, 09:30 AM
أنا رجعت بعد تفكير كتييير وعذاب عشان أسألك السؤالين دول... يارب بس الاسبوع مايكونش خلص...

لو تقدر تغير حاجة في نفسك... أو فكرك... أو تصرفاتك... تغير ايه؟
طب ايه أكتر حاجة بتعجبك أو مريحاك في نفسك... وفكرك... وتصرفاتك؟

الانجليز بياكلوا في مواعيد غريبة قوي يا اخي... الغدا 12 الظهر والعشا على 7 مش كده... بتاكل في مواعيدهم ولا لسه ماشي على نظام مصر؟ غدا 4 العصر وعشا بقى 9 10 11 12 1 كله يمشي!

لو جا في بالي حاجة تانية حارج *8*

حتة سكرة
05-09-2005, 09:35 AM
أستاذ محمود



أنت شخصية جميلة فعلاً



وأنا سعيدة أني أتعرفت عليك

ديدي
05-09-2005, 10:27 AM
خوى محمود ماشاء الله عليك
اجاباتك وافيه جدااا
ان شاء الله تقدر تحقق كل احلامك واكتر
اشكرك وما زلت معكم للمتابعه
تقبل تحياتى وتقديرى*8*

عصفور الشعر
05-09-2005, 01:15 PM
انا اسفة جدااااااااااااااااااااا *7*

ليه كدا بس .. خير يا سلوى .. مفيش بينت الاخوات أسف*6* *8*






ممكن ادخل؟؟*11*



يا سلام .. معقوله .. صاحبة البيت تستاذن فى الدخول *11* ... انتى تشرفينى والله خيتى سلوى فى اى وقت*6*




بجد غصبن عنى عدم دخولى


ايه ده .. يعنى ايه .. هو فيه حد مانعك من الدخول هنا*4*


*4*



*4*


*4*


متتخضيش كده أنا بهزر معاكى بس:d





و بجد يا محمود انت تستحق كل خير

فاصبحت لك مكانة فى المنتدى و قلوب الجميع



الحمد لله يا سلوى .. وربنا يقدرنى وأحافظ على المكانه دى :) ..وفى نفس الوقت ياريت محدش فى يوم يزعل منى.. على رأى معين قلته سعيا وراء الحق .. أو غلطه غلطتها بدون قصد *7* .. انا مهما كان برضه بشر .. ومش ملاك .. صح يا سلوى :)



ربنا يحفظك و يحميك و يقوى ايمانك دائما

و بارك الله فيك على اجاباتك الرااااااااااااااائعة جدا
ما شاء الله عليك بجد



أكثر شئ بيميزك يا سلوى فى المنتدى ...هى دعواتك اللى من القلب للجميع دون استثناء .. ودا ان دل .. فيدل على صفاء ونقاء سريرتك .. وطيبة أصلك ومعدنك*8*





وانا مش بحب اسال كفاية عليك اللى جرى ههههههه

*15* انا بحب اشجع بس



لعلمك يا سلوى أنا مستمتع جدا بالاسئله والاجابات .. انا مستعد اجاوب على مليون سؤال من غير زهق ولا تعب ولا ملل .. دانا ما صدقت :d :d :d :d








نورتى الموضوع يا عسوله*6* *8*


خوكى

توت*3*

عصفور الشعر
05-09-2005, 01:44 PM
مرحب استاذ محمود

مرحبا بك أخى الكريم ((فرعون))*6*




عندى سؤال واحد بس علشان انتا اتهريت اسئلة


لا كده حزعل *12* ... انا عايز اللى نفسه فى أى اسئله يتفضل وبدون تردد .. حقيقى انا مستمتع والله بتفاعلى مع كل الاخوه الكرام ... ومستعد لأى كم من الاسئله على الرحب والسعه:)



ودلوقتى أسمحلى أخى الكريم أن اجيب على سؤالك المميز جدا صراحة


والان مع أجابة سؤال الاخ الكريم ((فرعون))






الغربة عملت فى مشاعرك ايه ؟


مش ح تصدقنى أخى الكريم لما أقلك انى مش قادر اتخيل انى بعيد عن مصر وأهلى وصحابى كل الفتره دى ((حوالى سنه)) مش قادر أصدق انى قدرت أتحمل لوعات ونيران الحنين كل الفتره دى خصوصا انى رومانسى وشاعرى حبتين *7* .. أقلك ايه بس انا من النوع اللى زى السمك .. ميعرفش يعيش بره الميه .. وانا اساسا لما كنت بسيب بورسعيد عشان اروح شغلى فى جنوب سينا ... كنت لا زم أول اسبوع من وصولى لمكان عملى أبكى كل يوم من حنينى واشتياقى الى بورسعيد ...وكل يوم مكالمات هاتفيه مع اهلى وصحابى.. فما بالك بقى وانا خارج مصر كلها .. أقدر أقولك ان الغربه قللت شويه من الجانب العاطفى فى شخصيتى ... ((انا كنت 90 % عاطفى ودلوقت الجانب العقلانى والواقعى زاد شويه يعنى بقيت 30 % من شخصيتى عقلانى )) .. انا ياما ضحيت بشغل كثير .. منها العمل بجريده محترمه فى القاهره .. نظرا لانى رغم عشقى للسفر .. الا انى كنت لازم لازم أرجع لبورسعيد .. وكنت بكره الاستقرار فى القاهره او اى مكان أخر ..مش عارف انا ((متطرف للغايه )) فى حبى لبورسعيد .. ويمكن على فكره دا شعور كثير جدا من البورسعيديه ..

يمكن اللى دفعتى للتحمل هو انى بصراحه لاقيتها الفرصه الاخيره امامى لتكوين مستقبلى (( بعيدا عن مساعدات الاهل المتوفره والحمد لله .. حاجه كده زى لن أعيش فى جلباب أسرتى :d )).. لأنى بصراحه كنت ((مدلل جدا )) خاصة من جانب أبى رحمه الله نظرا لأنى كنت الابن الوحيد له على اربع بنات وبعد ان تجاوز الستين عام ...

يعنى دا باختصار أهم ما طرأ على مشاعرى من تغير جراء الغربه


سؤالك دا جمييييييييييل جداااااااااااااااااااا .. وبشكرك حقيقى عليه*6* *6* *6*


خوك


توت*3*

ابن البلد
05-09-2005, 03:47 PM
أنا جيت
معلش جيت متأخر :) بس معلش بقه

السؤال :) أيه هو أفضل سؤال طرح عليك حتى الآن وأرجوا انك تحدد سؤال واحد فقط وميكونش الأجابة كتير .... كلهم ؟؟:)


الثاني :- ما القرار الذي أتخذته وقررت التراجع عنه في آخر لحظة ولكن للآسف سبق السيف ... ؟


:)
بس كفايا كده النهارده :)

daria
05-09-2005, 05:27 PM
توت
كييفك دلوقتي؟
ان تابعت معظم الاسئلة ومعظم الردود ....... عرفتك اكتر شوية

انا سؤالى ليك
لو سمعته وجاوبت عليه بكل حسن الظن ..... حيبقى حلو خالص

اقل ذرة سوء الظن ...... السؤال حيبوظ وحازعل من نفسي ... يرضيك ؟؟
لأ
طيب
خليك حسن الظن بقى :)

هههههههههههههه
معلش اوقع قلبك شوية ... انت عملتها فيا قبل كدة في بيني وبينهم


المهم
انا بلاحظ كتير يا توت انك بترد على الجميع باسلوب فخيم شوية
بتمدحهم كتير ... شايفهم هايلين وكويسين
وانا من ضمن الناس دول .. يعني مش باحقد على حد ههههههههه

ياترى دة لأنك متفائل ومحب للحياة
ولا انت فعلا شايفهم بالطريقة الجميلة دي

ولا انت هوه دة اسلوبك


سؤالي دة مش نقد مش انتقاد

بس عارف
مجرد سؤال
خطر على بالي
حسيت انك لما تجاوب حاعرف اجابة حلوة

بس كدة
يا بخت من زار وخفف
ولا ايه؟

قلبي معاك .. الاسئلة كتير
من خلال اللى قريته فوق
حاقولك يارب تكون الانسان اللى عايز تكونه
وربنا يديك دايما السكينة والسلام النفسي
حاساك معاهم بتكون في افضل حالاتك
صح؟

عايزة اقولك كتير
عايزة اشجعك اوي
واتمنالك فعلا كل خير
وخلى بالك
لما اختك تتمنالك كل خير من قلبها كدة ........ان شاء الله تتحقق
بس
إيمان

نانيس
05-09-2005, 07:36 PM
السلام عليكم ورحمة الله وبركاته
أعتذر جدا عن تأخري في المشاركة في الموضوع ، لكن أنا الفترة السابقة قضيتها عند خالي ، وهناك كان سلك النت مقطوع فلم أتمكن من الدخول إطلاقا ، ثم بعد عودتي ورؤيتي للموضوع وددت أن أقرأ الموضوع كله قبل المشاركة فيه ، وهذا أخرني لأني قرأته في أكثر من يوم لأني لم أدخل على النت كثيرا بسبب بعض المشاغل والمشاكل ( ادعولي ربنا يفك عني )*13* والمشاوير والدروس الخاصة بالسنة الدراسية الجديدة ، أكرر اعتذاري.
اختيار موفق من بوكي بوكي وقمر الليل ، فالأخ الفاضل محمود نحسبه على خير ولا نزكيه على الله .
ــــــــــــــــــــــــــــــــــــ
ــــــــــــــــــــــــــــــــــــ
سؤال واحد فقط
بالنسبة للموضوعات السابقة لكرسي التعارف كنتم دائما تكثرون من الأسئلة بشكل ملحوظ ( ما شاء الله لا قوة إلا بالله )أعلم أنها جميعا من وحي أفكاركم ، لكن السؤال ؛ هل تتبع طريقة معينة أو نظام معين في التفكير حتي تحصل على هذا الكم من الأسئلة ؟ مع التوضيح إذا سمحتم علنا نستفيد.
خالص التحية والتقدير والاحترام لشخصكم الكريم أيها الأخ الفاضل.

boukybouky
05-09-2005, 08:55 PM
السلام عليكم و رحمة الله و بركاته

الف شكر لك توت بجد أمتعتنا بتواجدك معنا في الموضوع

و بردودك المستفيضة و روحك النقية المرحة و نرجوا ألا نكون قد أثقلنا عليك

كل الشكر لك و دمت بكل خير................

إن شاء الله غداً ستعلن لكم قمر الليل عن العضو الجديد علي كرسي التعارف

في رعاية الله ،،،

عصفور الشعر
05-09-2005, 10:34 PM
أنا رجعت بعد تفكير كتييير وعذاب عشان أسألك السؤالين دول... يارب بس الاسبوع مايكونش خلص...

الاسبوع خلص فعلا يا نونااااااااااااااااا:d

بس الموضوع موجود وأعتقد اللى نفسه يسالنى بعد كده ممكن يسألنى .. لكن فيه ضيف جديد بكره ان شاء الله حيتشرف بالجلوس على الكرسى الجميل ده اللى حبيته من كل قلبى *6*


هيييييييييييه دوووووووووونياااااااااااااااااااااااااا .. دوام الحال من المحال يا نونا .. كانوا زى سبع أيام فى الجنه .. ما علينا


والان اسمحيلى يا نونا أجاوب على أسئلتك ... ومع الاخت الكريمه ((حنان))





لو تقدر تغير حاجة في نفسك... أو فكرك... أو تصرفاتك... تغير ايه؟

بالنسبه لتغيير نفسى ..فيه حاجات كثيره نفسى أغيرها فى نفسى ... زى قلقى المتواصل ..ووسوستى فى بعض الاحيان ... وكذلك نفسى أقلل من نسبة الرومانسيه والخياليه فى شخصيتى شويه.. وبحاول أدرب نفسى أنى أعيش اكثر وأكثر على أرض الواقع .. لأنى ساعات بنعزل عن اللى حواليا وبعيش فى عالم تانى خالص من نسج خيالى

بالنسبه لتغيير فكره ...فيه برضه فكره معينه نفسى أغيرها .. هى فكرتى عن الجواز .. انا حقيقى حاسس ان الجواز حيكون نهايتى من الناحيه المعنويه والشخصيه... مش عارف ليه تحديدا انا حاسس بكده .. او ممكن أكون عارف بس مش حقدر اصرح ليه.. لكنى حقيقى خايف جدا جدا من مسألة الزواج ((هو خوف بدوافع نفسيه عشان أكون محدد )) .. يعنى حاسس انى مش حلاقى الانسانه اللى حتريحنى وحتفهمنى .. وخايف أفشل بصراحه .. الشئ الوحيد اللى فشلت فيه فشل متكرر على مدار حياتى هو أنى ألاقى الانسانه المناسبه ليا ولتفكيرى ولشخصيتى .. يمكن انا حاليا قاربت على انى اتزوج فعلا والطريق من جميع النواحى ممهد أمامى .. لكن الفكره دى عن الزواج هى اللى منغصه على حياتى حاليا .. ومخليانى مش سعيد


بالنسبه لتغيير تصرف معين ... بصراحه نفسى اعقل شويه وابطل جنان وشعننه وعمل مقالب ((بغرض المزاح طبعا)):d ... انا بجد مشهور فة أوساط العائله والاصدقاء .. انى أبو المقالب .. ومجنون العائله الاول .. أقول ايه أدعو لى بالشفا*7*




طب ايه أكتر حاجة بتعجبك أو مريحاك في نفسك... وفكرك... وتصرفاتك؟

أكثر شئ بيعجبنى فى نفسى .. أنى انسان


أكثر شئ بيعجبنى فى فكرى .. أنه فكر متحرر من أى قيود .. فكر يميل الى المنطقيه والموضوعيه .. ويحاول دائما تطبيق هذه المنطقيه والموضوعيه فى الحكم على الامور

أكثر شئ بيعجبنى فى تصرفاتى ... أنى مرح وفوكهى شويه :d



الانجليز بياكلوا في مواعيد غريبة قوي يا اخي... الغدا 12 الظهر والعشا على 7 مش كده... بتاكل في مواعيدهم ولا لسه ماشي على نظام مصر؟ غدا 4 العصر وعشا بقى 9 10 11 12 1 كله يمشي!

حقلك أنا نظامى الغذائى الخاص هو هو سواء فى مصر او حتى لو رحت الصين ((يمكن اكون باكل نسبة طعام أكثر شويه هنا فى انجلترا :d )) ونظامى هو نظام استوحيته من تعاليم الدين الاسلامى ووصايا الرسول صلى الله عليه وسلم (( على فكره انا بحب اطبق دايما الاسلام فى حياتى العمليه .. الدين الاسلامى عندى مش مجرد شرائع وعبادات بس)) .. يعنى انا معنديش وقت محدد باكل فيه ... لما بجوع باكل على طول.. ومفيش كميه معينه .. لما بحس انى قربت أشبع بتوقف على طول .. وتقريبا بتناول خمس وجبات يوميا ((يعنى اللى عايش معايا حيلاقينى باكل طول الوقت :d )) ورغم ذلك الحمد لله جسمى رياضى ((طولى 178 ووزنى يتراوح مابين 65 و68 كيلو)) .. فيه ناس بتقول دا نظام الاكل الفرنسى .. لكن انا بقول دا نظام اسلامى ... ونظامى ده بيتغير بس لما بكون معزوم او فى حفل





لو جا في بالي حاجة تانية حارج *8*





فى انتظارك اى وقت يا نووووووووووووووووناااااااااااااااااااااااااا*15* *6* *8*


خوكى


توت*3*

عصفور الشعر
05-09-2005, 10:43 PM
أستاذ محمود



أنت شخصية جميلة فعلاً

وأنا سعيدة أني أتعرفت عليك



وانتى يا سكره... حتة سكره كبيررررررررررررررررره جدا :)

وأنا أسعد انى الموضوع ده كان فرصه عظيمه عشان تتعرفى على .. انتى وباقى الاخوه الاعضاء .. وعقبى لكى ان شاء الله لما تكونى ضيفه لنفس الكرسى ((كرسى التعارف)) عشان نتعرف عليكى كلنا أكثر وأكثر*6* *8*


خوكى


تووت*3*

عصفور الشعر
05-09-2005, 10:51 PM
خوى محمود ماشاء الله عليك
اجاباتك وافيه جدااا
ان شاء الله تقدر تحقق كل احلامك واكتر
اشكرك وما زلت معكم للمتابعه
تقبل تحياتى وتقديرى*8*

خيتى ديدى ... حقيقى انا سعيد جدا باهتمامك بمتابعة الموضوع .. ورأيك فى أجاباتى بجد شئ يشرفنى .. ويسعدنى *6*


وبشكرك على دعوتك الجميله .. يا ديدى .. وانا بدورى بدعيلك ربنا يوفقك فى حياتك الاسريه .. ويكرمك ويزرقك بالخلف الصالح ان شاء الله*8*




خوكى

توت*3*

عصفور الشعر
05-09-2005, 11:54 PM
أنا جيت


نورت يا ابن البلد*6* ... ياعمدتنا*3* .. ونوارتنا:) .... بصراحه انا فكرت ارحب بيك ازاى .. فملقتش أحسن من الورد أـستقبلك بيه .. عشان انا عارف انك بتحبه جدا*8*

*168* *174* *189* :f2:






معلش جيت متأخر :) بس معلش بقه


أهم شئ انك جيت يا ابو يوسف :) .. ولو مكنتش جيت برضه كنت حقدر *3* .. لأنى انا عارف أد ايه مشغولياتك .. وبعذرك والله .. وكتر خيرك .. داحنا برضه متجمعين هنا على حسك ... وبنفسك معانا ..وربنا يديك الصحه ويقدرك على تكملة مشوار النجاح .. نجاح منتدى أبناء مصر.. اللى كلنا بنفخر بيه :)


ودلوقتى أسمحلى يا ابن البلد اجاوب على أسئلتك


والان مع الاجابه على أسئلة الاخ الكريم ... ((ابن البلد))



السؤال :) أيه هو أفضل سؤال طرح عليك حتى الآن وأرجوا انك تحدد سؤال واحد فقط وميكونش الأجابة كتير .... كلهم ؟؟:)


يعنى لازم تدوخنى يا أحمد كده من اولها:d .. فعلا الاسئله الكويسه كثيره جدا .. بس عشان خاطرك بس انا دورت وتمحصت ولا قيت أن السؤال ده هو من افضل الاسئله اللى جاوبت عليها ... سؤال بجد بشكر جدا الاخت الكريمه ((مشمش)) أنها سألته ليا .. لأنها لمحت فى بداية مداخلاتى انى كنت مضايق من شئ معين ... فبذكاء سألتنى سؤالها ده ...وكانت فرصه انى افضفض فيه عن الشى اللى ضايقنى .. والحمد لله بعدها نسيت الضيق كله برمته .. خاصة بعد مظاهرة الحب الكبيره اللى لمستها بقوه من كل الاعضاء ((قدامى وجداد))اللى شاركونى الموضوع ده اللى بعتبره (احتفاليه او فرح)) لاى عضو يتم اختياره له...

وده رابط ردى على أسئلة ((مشمش)) والسؤال اللى أنا بعتبره أفضل الاسئله وكذلك أفضل اجاباتى هو كالتالى

- هل من الممكن ان تخبرنا عن المحنه العصيبه التى ممرت بها والتى جعلت من الكرسى منحه من السماء ؟

وأدى الرابط للاجابه

http://www.egyptsons.com/misr/showpost.php?p=371698&postcount=15 (http://www.egyptsons.com/misr/showpost.php?p=371698&postcount=15)




الثاني :- ما القرار الذي أتخذته وقررت التراجع عنه في آخر لحظة ولكن للآسف سبق السيف ... ؟

بصراحه ..انا لايمكن.. أستحاله ..أنى أتخذ قرار وأرجع فيه تانى..و بأرداتى الحره .. ممكن يحصل انى اتراجع لو اتعرضت لألحاح المقربين ليا أو لضغوط شديده .. لو يعنى القرار مش شخصى أوى او مصيرى... وده برضه صعب شويه ... لأنى لما باخد قرار بيبقى بعد تفكير عميق وبحث مفصل لدرجة الملل لكل جوانب الموضوع اللى عايز أخد فيه قرار .. وكمان بأخد رأى الحكماء والعقلاء من حولى ثم بستخير ربنا .. وبتوكل على الله وأخد القرار ... لكن منكرش فيه قرارت خدتها وضرتنى جدا واذتنى شخصيا .. بس انا عمرى ما بندم على اى قرار باخده ...ومش بندم على أى شئ فاتنى او ضاع منى كمان .. لأنى مؤمن بأن كل شئ بقدر الله وكل شئ خير حتى لو بدا لنا عكس ذلك



:)
بس كفايا كده النهارده :)



وانا سعدت جدااااااااااااااااااااااا جداااااااااااااااااااااا يا بن البلد لتواجدك .. ودا كان اهم شئ عندى أن عمدة منتدانا يشاركنى فى الاحتفاليه دى أو بمعنى اصح فى فرحى ده*8* *8* *8*


خوك

توت*3*

عصفور الشعر
06-09-2005, 01:26 AM
توت
كييفك دلوقتي؟


كيفك انتى يا ايمى...:) .. وفين كتاباتك ومقالاتك الادبيه الجميله *15* .. الغارقة فى الفلسفه والتأمل .. ما زلت اتذكر انطباعى عنكى .. عندما انتهيت من قراءة مقالاك الرائع ((بينى وبينهم)) ... يومها اندهشت جدا ..من تلك الفتاة الموهوبه التى لم تتعدى التاسعة عشر من عمرها .. ولكنها تكتب .. وكأنها أديبه فيلسوفه محنكه تسبق مرحلتها السنيه بأعوام كثيره.. وتأكدت يومها لماذا تم اختيارك العضوه المثاليه وقتها .. ((فقد كنت ما زلت جديد على المنتدى ولا أعرف الاعضاء جيدا ))



ان تابعت معظم الاسئلة ومعظم الردود ....... عرفتك اكتر شوية



عرفتينى شويه بس.. هو انا فيه حاجه انا مقولتهاش يا ايمان:d .. ويا هل ترى شايفانى ازاى دلوقت ورأيك اللى بلورتيه عنى ايه *7*








انا سؤالى ليك
لو سمعته وجاوبت عليه بكل حسن الظن ..... حيبقى حلو خالص

اقل ذرة سوء الظن ...... السؤال حيبوظ وحازعل من نفسي ... يرضيك ؟؟
لأ
طيب
خليك حسن الظن بقى :)

هههههههههههههه
معلش اوقع قلبك شوية ... انت عملتها فيا قبل كدة في بيني وبينهم

مهما كان سؤالك يا ايمان .. عمرى ما ح أسيئ الظن بيك انتى شخصيا :) ... حتى لو كان السؤال فيه تلميح لشئ معين انتى حاسه بيه ...ونفسك تتأكدى منه .. من حقك انك تسألينى وتستفسرى عن كل ما يجول بذهنك وخاطرك نحوى .. وانا زى مانتى شايفه بحترمك عقليتك وتفكيرك جدا .. ومش مجامله يا ايمان .. لأن ده مش رأيى وحدى .. دا رأى اى انسان التقى بفكر وكتاباتك:)



المهم
انا بلاحظ كتير يا توت انك بترد على الجميع باسلوب فخيم شوية
بتمدحهم كتير ... شايفهم هايلين وكويسين
وانا من ضمن الناس دول .. يعني مش باحقد على حد ههههههههه

ياترى دة لأنك متفائل ومحب للحياة
ولا انت فعلا شايفهم بالطريقة الجميلة دي

ولا انت هوه دة اسلوبك


حقلك يا ايمان .. انتى تابعتى اجاباتى هنا .. ولو رجعتى للمداخله التانيه الخاصه بالاخت الكريمه مشمش حتلاقينى بجاوب على جزء من سؤالك ده .. واليك نص ما قلته بخصوص تعليقى على أحدى صفات برج الحمل الذى أنتمى اليه

((رجل الحمل صادق لا يعرف النفاق .

رجل جري يقع في بعض الأحيان ضحية صدقه وإخلاصه , تجده دءوبا ومخلصا في العمل وتجد زملائه يتكلون عليه .))

دى كانت احدى صفات برج الحمل وده دكان تعليقى الشخصى عليها

((واحب أضيف برضه انى مجامل جيد فى المناسبات .. لكنى ابدااااااا لا أجامل أحد فى الحق .. ولو كان أقرب المقربين الى))



أعتقد أن الامور وضحت ليكى شويه يا ايمان .. انا فى المناسبات زى أعياد الميلاد والنجاح وخلافه بتلاقينى مجامل جدا وبهتم بتهنئة اى عضو .. لان ده بيقوى روابط الحب والاحترام بينا ... ولما بلاقى مواهب ناشئه وتبشر بالخير بحب أشجعها واحمسها بالترغيب والمديح مع بعض التوجيهات على قدر معلوماتى ومعرفتى ..بس فى نفس الوقت رأيى فى كل الاعضاء الكرام اللى اشتركو ا هنا هو رأى ينبع من قناعاتى الشخصيه ومن قلبى .. وليس فيه أى مجامله والله على ما أقول شهيد .. هو بس يمكن انا اسلوبى زى ما بتقولى فخيم شويه... نظرا لأنى شاعر وأديب هاو .. ومن الطبيعى ان ده يأثر فى أسلوبى فى الكتابه.. الى جانب شئ مهم جدا يا ايمان ... الموضوع ده زى ما قلت قبل كده بعتبره بمثابة ((احتفاليه أو فرح)) خاص بيا .. ومن الطبيعى انى أرحب بكل المدعويين اللى شاركونى فرحى ... حتى اللى بيخالفونى فى الاراء .. او زعلانين منى ((وكنت أتمنى أنهم يشاركونى لأنى كنت حرحب بيهم اكثر من اى حد)).. يعنى انا هنا بقوم بعمل الواجب مع ضيوفى وبقدم لهم أحلى ما عندى .. وأحلى ما عندى هو أسلوبى الادبى اللى بستخدمه لوصفهم والترحيب بهم

وعلى فكره كمان يا ايمان .. الموضوع ده أساسا عشان الاعضاء يتعرفوا على عصفور الشعر ... ولو تلاحظى فيه كثير أعضاء جداد شاركم .. وهما لم يتعرفوا على فقط .. بل تعرفوا أيضا على معظم الاعضاء اللى شاركوا هنا .. لاننى قمت بتعريف كثير من الاعضاء وذكر أحسن ما يتمتعون بها من خصال وصفات .. وهنا انا ضربت عشرات العصافير بحجر واحد .. فعرفت نفسى لاعضاء المنتدى .... وعملت دعايه جيده لباقى الاعضاء .. عبر النبذه الصغيره والسطور اللى كنت أنا بوصفهم فيها






سؤالي دة مش نقد مش انتقاد

بس عارف
مجرد سؤال
خطر على بالي
حسيت انك لما تجاوب حاعرف اجابة حلوة

بس كدة




طيب يا ايمى دا باختصار كان ردى على سؤالك .. أتمنى أنى اكون فهمت قصدك من السؤال وجاوبت عليه صح .. ولو مش كده .. انا حنتظر أى استفسار منك .. على الرحب والسعه .. و اوعى تترددى لحظه واحده .. ويارب تكون الاجابه حلوه زى مانتى توقعتى *6*





يا بخت من زار وخفف
ولا ايه؟

قلبي معاك .. الاسئلة كتير


الاسئله خلاص قربت تخلص يا ايمان يا ريتنى افضل كمان اسبوع*13* .. انا مستمتع جدااااااااااا جداااااااااااااااا بالاسئله*15*





من خلال اللى قريته فوق
حاقولك يارب تكون الانسان اللى عايز تكونه
وربنا يديك دايما السكينة والسلام النفسي
حاساك معاهم بتكون في افضل حالاتك
صح؟



صح :)






عايزة اقولك كتير
عايزة اشجعك اوي
واتمنالك فعلا كل خير
وخلى بالك
لما اختك تتمنالك كل خير من قلبها كدة ........ان شاء الله تتحقق
بس
إيمان



من غير ما تقولى يا ايمان من القلب للقلب رسول *3*


وانا فى قمة سعادتى الان بدعوتك الجميله دى .. وتمنياتك الخيره اللى من قلبك ليا ..ورايك فيا انا بعتز بيه .. لانى زى ما قلتلك وحقول دايما انى بحترم عقيتك وتفكيرك ورؤيتك للامور والاشياء من حولك*8* .. وربنا يديم المحبه والود والسكينه بين كل أعضاء المنتدى .. وهو دا مكسبنا الحقيقى والله من تتجمعنا هنا*6*



خوكى



توت*3*

سـلـوى
06-09-2005, 02:33 AM
ربنا يخليك يا محمود يا اخويا الكبير على كلامك :)

انت بصراحة شجعتنى ادخل اسأل

و جنيت على نفسك :d

*4* راح فين السؤال راح فيييييين؟

ايوة مسكتة اهو

انا ماما اصلا من بورسعيد

فاية اكتر مكان مشتاق ووحشك اوى من بلدك يا محمود؟؟؟؟؟؟
و هل لما ترجع لها باذن الله
اية تتمنى ان تجدة فية من تغير كان بيضايقك من قبل ........و اية الميزة او المميزات التى تتمنى ان تجدها كما هى؟؟؟؟؟

عصفور الشعر
06-09-2005, 02:50 AM
السلام عليكم ورحمة الله وبركاته
أعتذر جدا عن تأخري في المشاركة في الموضوع ، لكن أنا الفترة السابقة قضيتها عند خالي ، وهناك كان سلك النت مقطوع فلم أتمكن من الدخول إطلاقا ، ثم بعد عودتي ورؤيتي للموضوع وددت أن أقرأ الموضوع كله قبل المشاركة فيه ، وهذا أخرني لأني قرأته في أكثر من يوم لأني لم أدخل على النت كثيرا بسبب بعض المشاغل والمشاكل ( ادعولي ربنا يفك عني )*13* والمشاوير والدروس الخاصة بالسنة الدراسية الجديدة ، أكرر اعتذاري.
اختيار موفق من بوكي بوكي وقمر الليل ، فالأخ الفاضل محمود نحسبه على خير ولا نزكيه على الله .

وعليكم السلام ورحمة الله وبركاته

لقد حلت البركات أختى الكريمه نانيس بتواجدك فى هذا الموضوع ليكون فعلا ((ختامها مسك)) بمشاركة شخصيه مثلك*6* .. شخصيه على قدر عال من التدين والاخلاق .. نموذج ممتاز للبنت المسلمه المتمسكه بتعاليم ديننا الحنيف فة كل مناحى حياتها ..نموذج يحتذى به ونفخر به جميعا:)

لقد افتقدناك يا نانيس جميعا . ولو تفحصين موضوع الاخ الكريم عمرو صالح ((عضو تايه يا ولاد الحلال )) ستتأكدين من ذلك .. ولكن فعلا فالغائب حجته معاه ..وندعو الله لكى من قلوبنا أن ييسر لك من أمر دخول الانترنت للتفاعل معنا و اتحافنا بمواضيعك الاسلاميه المفيده للجميع

وأشكرك على كلامك اتلطيب التى وصفتينى به .. واتمنى من الله ان يثبتنى على ما أنا فيه .. ويحمين من شر النفس الاأمارة بالسوء

والان اسمحيلى بعد هذه المقدمه الواجبه أن أقوم بالرد على استفسارك وسؤالك الممتاز


والان مع الاجابه على أسئلة الاخت الكريمه .... ((نانيس))

سؤال واحد فقط
بالنسبة للموضوعات السابقة لكرسي التعارف كنتم دائما تكثرون من الأسئلة بشكل ملحوظ ( ما شاء الله لا قوة إلا بالله )أعلم أنها جميعا من وحي أفكاركم ، لكن السؤال ؛ هل تتبع طريقة معينة أو نظام معين في التفكير حتي تحصل على هذا الكم من الأسئلة ؟ مع التوضيح إذا سمحتم علنا نستفيد.

أولا وحتى أكون أمين معكى أختى الكريمه .. فليس كل الاسئله من وحى افكارى .. بل معظمها ... وحقيقة .. فأن حصولى على هذا الكم من الاسئله يرجع الى سببين رئيسيين

اولهما سبب عام...حبى الجارف للمعرفه...و قراءاتى المستفيضه والمكثفه فى مجالات متعدده ومتنوعه .. مما أثرانى (( نسبيا)) من الناحيه الفكريه.. والثقافيه .. ووسع من مداركى ((نسبيا )) ... وجعلنى أتأمل وأتفكر وأتدبر وأتعمق ((نسبيا ايضا)) في كل عناصر الحياه من حولى


ثانيا سبب خاص ... دراستى للاعلام ...أكاديميا .. وبالتالى دراستى لأشكال المواد الاعلاميه .. ومنها الحوار ((سواء كان صحفى .. تلفزيونى .. مرئى )) .. وكذلك ممارستى للعمل الصحفى على أرض الواقع ولمدة ثلاث سنوات .. مما أعطانى تلك الخبره ((النسبيه)) فى وضع الاسئله .. بل وابتكارها والابداع فيها بعض الاحيان


وغير هذا وذاك هى ايضا تعتبر ملكه .. مثل غيرها من الملكات .. ولكنها تحتاج الى الصقل بكثرة القراءه .. العامه منها ..ز والمتخصصه .. وأنصحك اختاه بمتابعة الحوارات الصحفيه والتلفزيونيه بكثره وبتركيز .. فهى ستنمى بدخلك تلك الملكه .. وستجعلك تتعلمين .. ومن الممكن ان تحاكين بعض تلك الاسئله ... وتغيرى فيها .. من قبيل التجريب .. حتى تصلى فى أخر الامر الى صورة ومستوى تستطيعين فيه وضع الاسئله بنفسك ومن وحى أفكارك







خالص التحية والتقدير والاحترام لشخصكم الكريم أيها الأخ الفاضل.



بارك الله فيك أختاه الكريمه نانيس .. وفعلا كنتى ((مسك الختام))*8*



خوكى


توت*3*

عصفور الشعر
06-09-2005, 05:15 AM
السلام عليكم و رحمة الله و بركاته

الف شكر لك توت بجد أمتعتنا بتواجدك معنا في الموضوع

و بردودك المستفيضة و روحك النقية المرحة و نرجوا ألا نكون قد أثقلنا عليك

كل الشكر لك و دمت بكل خير................

إن شاء الله غداً ستعلن لكم قمر الليل عن العضو الجديد علي كرسي التعارف

في رعاية الله ،،،

وعليكم السلام ورحمة الله وبركاته


حقيقى كانوا سبع ايام من احلى ايامى بالمنتدى :)



بشكرك يا بوكى انتى وقمر الليل من قلبى على اتاحة الفرصه العظيمه دى عشان يتعرف على الاعضاء اكثر واكثر*6*



مع السلامه يا كرسى التعارف .. واهلا بضيف الكرسى الجديد*8*




خوكم


توت*3*

عصفور الشعر
06-09-2005, 05:41 AM
ربنا يخليك يا محمود يا اخويا الكبير على كلامك :)



على ايه بس يا سلوى ..هو انا قلت حاجه خالص... دا كلامى اللى فات ليكى أقل شئ يتقال فى حقك:)




انت بصراحة شجعتنى ادخل اسأل

و جنيت على نفسك :d

يعنى ايه...!!؟*11* على نفسه .. جنى توت:d



*4* راح فين السؤال راح فيييييين؟

ايوة مسكتة اهو

انا ماما اصلا من بورسعيد

فاية اكتر مكان مشتاق ووحشك اوى من بلدك يا محمود؟؟؟؟؟؟

الله أكبر *15* *15* *15* ... ايه المفاجأه الجميله دى يا عسووووووووووله *6* ..مامتك بورسعيديه:) مش بعيد كمان والله نطلع قرايب أو معارف .. وأنا اقول أنتى ودكتوره نسيبه فوله واتقسمت نصين ليه*14*

بجد بجد انا سعيييييييييييييييييد جدا انك ليكى أصول بورسعيديه .. ربنا يسهل بقى لما تبقى تجلسى على كرسى التعارف ..حبقى أهريكى أسئله.. عشان أعرف القصه كااااااااامله .. وعلى لسان مامتك .. ربنا يسهل*15* *15* *15*
نرجع بقى لسؤالك... أكثر مكان مشتاق له وواحشنى فى بورسعيد .. أماكن كثيررررررررررررررررره .. منها .. بحر بورسعيد .. قناة السويس.. المعديه ومدينة بورفؤاد ... ستاد النادى المصرى ... طبعا بيتنا القديم ... طيور الحمام ساعة المغربيه ... صلاة الفجر فى جامع الشاطئ .. وصلاة الجمعه فى الجامع العباسى او التوفيقى ..معصرة سلسبيلا ((ابقى اسألى دكتوره نسيبه وهى تقولك عليها:d )) وانا مقرى الرسمى ومكان تجمعى مع صحابى بجانب المعصره دى ... و.....و....و..و متعديش ... انا عااااااااااااااااشق لبورسعيدددددددد



و هل لما ترجع لها باذن الله
اية تتمنى ان تجدة فية من تغير كان بيضايقك من قبل ........و اية الميزة او المميزات التى تتمنى ان تجدها كما هى؟؟؟؟؟


التغير اللى نفسه اشوفه ونفسى يتغير فى بورسعيد... البطاله اللى خيمت بظلالها على الناس فى بورسعيد بسبب القرار التعسفى والغير مدروس والغير مخطط له .. ألا هو الغاء المنطقه الحره ... واللى سبب قطع عيش قطاع كبير جدا من مواطنين البلد ...انا مش بقول انه قرار خاطئ .. لا انا بقول انه جاء فجأه وبدون تخطيط مسبق وبدون ايجاد البدائل للناس اللى انقطع عيشهم واتخرب بيتهم بسبب اتخاذ القرار ده بدون وضع خطط بديله


المميزات اللى أتمنى انى أجدها كما هى .. هى حركة التطوير والتجميل الرهيبه اللى قام بها محافظ بورسعيد الحالى اللواء مصطفى كامل ...بصراحه البلد شهدت معاه تطورات كبيره جدا ونقلات غير عاديه ... والبلد بقى بجد شكلها يفرح .. واتمنى أن حركة السياحه الداخليه تنمو وتزدهر أكثر وأكثر بالبلد .. عشان الانتعاشه الاقتصاديه ترجع تانى ... خصوصا ان فى بورسعيد بعض القرى السايحيه الفخمه والمحترمه



وسلامى ليكى يا سلوى .. و لكل أسرتك ... ويارب دايما فى سعاده وراحة بال وأمان وسلام*8*



خوكى


توت*3*

حتة سكرة
06-09-2005, 06:57 AM
هاي أستاذ محمود عامل أية النهاردة يارب تكون بخير





عندي سؤال محيرني ومترددة أقولو لحسن تزعل بس لو مقلتهوش حموت لأنة خلاص واقف على طرتوفت لساني *5*



من قرائاتي للمواضيع الي بتشارك فيها وردودك على الأعضاء في المنتدى بحس أنك بتجامل الناس كتير *11*



عرفا أنك ممكن تقولي أبدا يا سكرة انا مبجملش انا بقول الي شايفوا والحقيقة ..........................



بس أنا عن نفسي بحس أنك بتجامل ومتقولش لأ



و كمان بتبالغ في مجملتك



وعلى فكرة أنا بلاقيك مجامل للكل مع أن أكيد في فوارق بين الشخصيات تمام



لأنك لما تيجي ترد على حد من الأعضاء وتشكرة بتبالغ قوي دا من وجهة نظري





وسؤالي ليك هوا



هل كتر المجاملة والكلام الحلو وجهة أخر لشخصية عصفور الشعر وبيحاول يداريها ؟؟؟؟

عصفور الشعر
06-09-2005, 10:30 AM
هاي أستاذ محمود عامل أية النهاردة يارب تكون بخير

هاى سكره الحمد لله بخير وعال العال*15*



عندي سؤال محيرني ومترددة أقولو لحسن تزعل بس لو مقلتهوش حموت لأنة خلاص واقف على طرتوفت لساني *5*

:d بجد انتى زى العسل . وانا طبعا ميخلصنيش .. بعد الشر عليكى .. ان شا الله اللى يموت شارون وبوش



من قرائاتي للمواضيع الي بتشارك فيها وردودك على الأعضاء في المنتدى بحس أنك بتجامل الناس كتير *11*
عرفا أنك ممكن تقولي أبدا يا سكرة انا مبجملش انا بقول الي شايفوا والحقيقة ..........................

بس أنا عن نفسي بحس أنك بتجامل ومتقولش لأ

و كمان بتبالغ في مجملتك

وعلى فكرة أنا بلاقيك مجامل للكل مع أن أكيد في فوارق بين الشخصيات تمام

لأنك لما تيجي ترد على حد من الأعضاء وتشكرة بتبالغ قوي دا من وجهة نظري







وسؤالي ليك هوا




هل كتر المجاملة والكلام الحلو وجهة أخر لشخصية عصفور الشعر وبيحاول يداريها ؟؟؟؟

انا يا سكره اتسألت السؤال ده قبل كده من الاخت الكريمه داريا .. ولو كنتى قرأتى الردود هنا بتركيز كنتى حتشوفيه

على العموم دى وصله للمداخله وفيها الاجابه على سؤالك بالتفصيل


http://www.egyptsons.com/misr/showpost.php?p=377989&postcount=133 (http://www.egyptsons.com/misr/showpost.php?p=377989&postcount=133)


وبالنسبه لسؤالك ..برضه حأجيب بأختصار .. وأقول انا فعلا مجامل جيد فى المناسبات .. ومسألة ((كلامى حلو)) ده شئ أعتقد انه يحسب ليا .. ولا يؤخذ على ..ومش ذنبى بقى أن اسلوبى فى الكتابه مـتأثر بروح الشاعر اللى بتسكننى مش انا برضه عصفور الشعر *7* ((بس خدى بالك انا بعتبر وصفك لكلامى انه حلو .. مجامله رقيقه منك :d )) وبعدين .. لو فعلا بتابعى مداخلاتى فى المواضيع الاخرى .. زى مواضيعى فى القاعات العامه .. وقاعة المناقشات .. وقاعة السياسه ... مش حتلاقينى بجامل خالص بالعكس تماما ..دانا ساعات كثيره بختلف مع أعضاء بعتبرهم من المقربين الى فكرى ووجدانى ..ومنهم أعضاء شاركونى ((فرحى ده)).... لأن يا حتة سكره ((لكل مقام مقال)) .. الموضوع ده ((كرسى التعارف )) يعتبر زى حفلة تعارف نظمها اعضاء من المنتدى على شرفى .. وانتى لو مثلا عملتى عيد ميلاد .. وعزمتى فيها أعضاء المنتدى .. ولبوا دعوتك .. واحضروا معهم هدايا كمان ... هل يا ترى حيبقى استقبالك ليهم ازاى .. طبعا حترحبى بيهم كل الترحيب .. وحتحاولى تقدمى لهم أحسن ما عندك ((صح؟)) .. أنا بقى احسن ما عندى هو أسلوبى فى الكتابه اللى انتى جاملتينى بشده وقلتى انه حلو*7* ... ومش معقوله كمان تفرقى فى الترحيب .. الكل ضيوفك والكل لازم ياخد الواجب بتاعه... يعنى مش حتقدمى لحد عيش وفول. والتانى تقدميله تورته وجاتوووه:d ... وانا اسلوبى الادبى اللى بينعكس على ردودى وترحيبى واحد وثابت عشان كده انتى حسيتى ان الكل عندى بيتساوى مع الفوارق الشخصيه بينهم


يا رب أكون قدرت اقنعك بوجهة نظرى .. ولو عندك استفسار تانى حول النقطه دى .. أو اى نقطه أخرى .. انا موجود على الرحب والسعه .. *6*


خوكى توت*3*

Amira
06-09-2005, 10:47 AM
هااا يا تووت يا خويا - معلش ... الكرسي مش بيدوم لحد :d



عموما انا النهاردة انتهيت من قراءة الأسئلة و الردود



و كل الأجابات إن دلت علي شئ - تدل علي انك انسان راقي و علي خلق



*128* *128* *128*



من الأخر يا ريت تقدم علي وظيفة في السلك الدبلوماسي



تقبل خالص تحياتي و احترامي



أميــــــــــــــــــــــــرة



:f2: :f2: :f2:

عصفور الشعر
06-09-2005, 11:31 AM
هااا يا تووت يا خويا - معلش ... الكرسي مش بيدوم لحد :d
هاااااااااااى أميررررررررررره*81*

الكرسى مش بيدوم فعلا *13* بس الحمد لله مرحش لحد غريب *15* .. واللى اتمنيتها تخلفنى عليه فعلا تم أختيارها :) ... انا باين انى كمان مكشوف عنى الحجاب:d




عموما انا النهاردة انتهيت من قراءة الأسئلة و الردود

و كل الأجابات إن دلت علي شئ - تدل علي انك انسان راقي و علي خلق

*128* *128* *128*


بجد والله يا أميره مش عارف أقولك ايه .. يكفينى اهتمامك الشديد بقراءة الموضوع .. ودا شئ له مدلول جميل جدا عندى*8* ...ووصفك ليا بالرقى والخلق .. شهادة بعتز بيها *6*



من الأخر يا ريت تقدم علي وظيفة في السلك الدبلوماسي

تقبل خالص تحياتي و احترامي

أميــــــــــــــــــــــــرة



:f2: :f2: :f2:


حفكر فى الموضوع ده .. خصوصا أن ده مش رايك وحدك:d

بشكرك جدا على الورد وياريت تقبلى منى الباقه المتواضعه دى


*168*


خوكى


توت*3*

حتة سكرة
06-09-2005, 11:49 AM
هاي أستاذ محمود


ميرسي جدا خالص على أجابتك على سؤالي



على فكرة سؤال daria كان بيقول






انا بلاحظ كتير يا توت انك بترد على الجميع باسلوب فخيم شوية
بتمدحهم كتير ... شايفهم هايلين وكويسين
وانا من ضمن الناس دول .. يعني مش باحقد على حد ههههههههه

ياترى دة لأنك متفائل ومحب للحياة
ولا انت فعلا شايفهم بالطريقة الجميلة دي

ولا انت هوه دة اسلوبك
http://www.egyptsons.com/misr/images/quotes/quot-bot-left.gif









كان سؤالها أنت بتمدح الناس وتجاملهم لأنك متفائل ومحب للحياة ولا دي طريقتك






لكن أنا



سؤالي غير خالص أنا سألت




هل كتر المجاملة والكلام الحلو وجهة أخر لشخصية عصفور الشعر وبيحاول يداريها ؟؟؟؟




يمكن متكنش خدت بالك من سؤالي قوي




أنا قصدت أن في ناس شخصيتها الحقيقية مبتحبش تظهرها يعني مثلاً تلاقي البنوتة ريحا جيا تتخانق مع أخوتها في البيت وتقل أدبها على مامتها وباباها متفتكرش يعني ان الأولاد هما الي مؤدبين دول بيطلعو عين مامتهم المهم وممكن صحبها القريبين قوي منها


لكن لما تيجي تتعامل مع أي أنسان أخر خارج المحيط دة بتتقلب 180 درجة وتلاقي الأدب والشياكة والدبلوماسية في الكلاام و و و و ...............................................ألخ



عرفت حتة سكرة تقصد أية


ولعلمك أنا باخد بالي من أرائك في المواضيع وعرفا أنك بتهاجم أحياناً لكن الغالب المجاملات


عشان كدة سألتك



وعلى العموم ميرسي على ردودك على أسئلتي في الفترة دي



وبس

حتة سكرة
06-09-2005, 12:15 PM
أهلا بيكي يا أنفال

نورتي الكرسي[

عصفور الشعر
06-09-2005, 08:14 PM
هل كتر المجاملة والكلام الحلو وجهة أخر لشخصية عصفور الشعر وبيحاول يداريها ؟؟؟؟




قصدك ((هل كثر المجامله والكلام الحلو وجه أخر لشخصية عصفور الشعر وبيحاول يداريها)) يعنى .. لو قصدك كده .. يبقى ح أجاوب وأقول ... أنى فى حياتى العامه .. حاليا انا ((متحفظ)) جدا جدا جدا جدا ...فى علاقاتى بالاخرين .. وبدأت اعمل كنترول .. ومبقيتش بتباسط أو أصاحب اى حد.. ونادرا لما أحضر مناسيات ((اللى المفروض بجامل فيها .. لانى مش بجامل فى مواقف تانيه)) بس لو جت فرصه أو مناسبه تسمح وتستدعى المجامله بجامل ..دا بالنسبه لنقطة المجامله .. أما عن ((الكلام الحلو )) كما تقولين .. ف بصراحه انتى بتحرجينى جدا *7* ..لأنك قررتى ان كلامى حلو.. انا مش عارف اجاوب ازاى.. بس بشكرك على وصفك كلامى أن ((حلو)) !!!!!*11* ...بس على العموم أنا اسلوبى فى الكتابه هنا ((اللى بتقولى عليه حلو)).. هو نفس أسلوبى فى الحياه .. وفى التحدث الى الاخرين ((انا كده.. شكلى كده.. خلقتى كده .. أسلوبى كده .. مع الاعتذار لنجيب الريحانى فى فيلم غزل البنات:d ))..و رأى غالبية الاعضاء المقربين ليا هنا فى المنتدى عنى وعن أسلوبى وشخصيتى .. هو نفس رأى أى حد بيعرفنى وبيتعامل معايا وجها لوجه سواء كانوا قرايب.. أصحاب ..زمايل .. بس برضه انا أصبحت أكثر تحفظا الان فى حديثى الى الاخرين .. فى الحياه الواقعيه ((وخاصة الجنس اللطيف))

أتمنى تكون اجابتى المره دى وافيه شافيه


خوكى

توت*3*

عصفور الشعر
06-09-2005, 08:16 PM
أهلا بيكي يا أنفال

نورتي الكرسي[

خطأ مطبعى تانى يا سكره:d .. انا من يومين كنت ((عصفور الشرق)) .. والنهارده ((أنفال)) .. مش عارف بكره حبقى ايه .. ممكن أبقى(( حتة سكره)):d


خوكى

توت*3*

حسام عمر
06-09-2005, 08:44 PM
اخى محمود

عدت اليك


اين كنت تود ان تذهب لو لم تذهب الى انجلترا؟؟؟؟؟؟؟؟؟



السؤال الثانى تخصصى


هل تشجع الزمالك منذ الصغر ولا لم كبرت؟؟؟؟؟؟؟؟؟؟؟

عصفور الشعر
06-09-2005, 09:50 PM
اخى محمود

عدت اليك


عود حميد أخى الحبيب حسام عمر*3*



اسمحلى أن أجاوب على أسئلتك سريعا

ولالا مع الاجابه على أسئلة الاخ الكريم ((حسام عمر))



اين كنت تود ان تذهب لو لم تذهب الى انجلترا؟؟؟؟؟؟؟؟؟


بصراحه يا حسام انا بعشق السفر كما قلت فى أكثر من موضع من قبل .. لكن عمرى ما تخيلت انى فى يوم ممكن أقيم خارج بورسعيد لاكثر من شهرين ((بورسعيد ذات نفسها .. مش مصر بحالها .. واخد بالك)) .. عشان كده انا عمرى ما فكرت أعيش أو اقيم فى أى مكان غير بورسعيد .. أصلى من النوع اللى بيرتبط بالاشياء والاشخاص والاماكن ارتباط قوووى جدا ((دانا حتى لما سبت بيتى القديم.. لشقه جديده..كنت بتألم الم شديد ...ودا استمر لفتره كبيره .. رغم انى نقلت لمنطقه أرقى ... وشقه أفخم وأوسع ..بس انا قدرت أنقل كل أشيائى الى شقتى الجديده .. الا حاجه واحده .. وهى أهم شئ .. وهى ذكريات الطفوله الجميله))

بس برضه حجاوب على سؤالك وأقلك البلاد اللى نفسى أزورها ((بس مش أقيم فيها )) .. أول بلد مكه والمدينه ((الاراضى المقدسه))... وأنا نذرت أن شاء الله أنى أزور الاراضى المقدسه مع زوجة المستقبل باذن الله بعد زواجنا

ومن البلاد العربيه برضه نفسى أزور تونس سياحه ...ومن اوربا نفسى أزور هولندا والتشيك وألمانيا .. ولو أتيحت لى الفرصه لاى دوله تانيه مش حقول لأه ... المهم أسافر




السؤال الثانى تخصصى


هل تشجع الزمالك منذ الصغر ولا لم كبرت؟؟؟؟؟؟؟؟؟؟؟

انا حكايتى مع الكوره بدأت بكرهها كره شديد :d مكنتش بطيقها .. ولما كانت بتيجى فى التلفزيون وأنا صغير .. ويتلغى بسببها المسلسل العربى أو اى برنامج بحبه ..كان بيركبنى ميت عفريت .. لغاية عام 1989 وده العام اللى اعتزل فيه الخطيب . وبصراحه الخطيب ومهاراته ولعبه وأهدافه هو اللى حببنى فى الكوره .. حتى انى بدأت اشجع فى الاول نادى الاهلى .. وفعلا منساش مبارة القمه بتاعة دورى 1989 لما كان فايتسا بيدرب الاهلى ..وانتهت 2 \1 للاهلى وربيع باسين وجمال عبد الحميد أحرزوا اهداف .. ويوميها الاهلى فاز بالدورى .. ويوميها بدات أحب الكره .. وكان وصول مصر لكاس العالم بداية متابعتى المستمره للكره .. وبعد كده بدات اخد بالى من النادى المصرى بتاع بورسعيد واشجعه بحراره ومعا ه كمان الاسماعيلى نظرا لان أولاد عمتى اسماعلويه .. والاسماعيلى حصل على الدورى بعد رجوعنا من كاس العالم .. وبعد كده ظهر فريق الزمالك بقوه .. وحصل على بطولة الدورى مرتين .. ومن هنا بقى بدأت احب النادى الزمالك .. وأعشقه .. حتى بعد ما الاهلى خد الدورى 7 مرات متواصله .. حبيت الزمالك أكثر خصوصا ان البورسعيديه يميلوا الى الزمالك أكثر..ولما انضم حسام وابراهيم للاهلى .. اتثبت عشقى وتشجيعى للزمالك .. ولحد النهارده

لك منى كل الحب والتقدير يا حسام على عودتك ثانية وكما وعدت*8*




خوك



توت*3*

حسام عمر
07-09-2005, 02:24 AM
شكرا اخى محمود لردك الجميل

حتة سكرة
07-09-2005, 06:49 AM
على العموم أنا اسلوبى فى الكتابه هنا ((اللى بتقولى عليه حلو)).. هو نفس أسلوبى فى الحياه .. وفى التحدث الى الاخرين ((انا كده.. شكلى كده.. خلقتى كده .. أسلوبى كده .. مع الاعتذار لنجيب الريحانى فى فيلم غزل البنات:d ))..



تؤتؤتؤتؤتؤتؤتؤ *13* أنت كدة أبتديت تنتنرفز *14* براحة على نفسك شوية أحنا محتاجينك هنا

وميرسي على ردك على سؤالي

حتة سكرة
07-09-2005, 06:52 AM
خطأ مطبعى تانى يا سكره:d .. انا من يومين كنت ((عصفور الشرق)) .. والنهارده ((أنفال)) .. مش عارف بكره حبقى ايه .. ممكن أبقى(( حتة سكره)):d


خوكى

توت*3*



هههههههههههههههههههه:d

بكرة ممكن تكون أي حد تاني ألا حتة سكرة ..............................