المساعد الشخصي الرقمي

مشاهدة النسخة كاملة : انه عالم قطط قطط قطط - سيامي



الصفحات : [1] 2

osha
27-08-2005, 04:59 PM
امبارح وانا على النت اتكعبلت في موقع قطط سيامي
ولاني كما يعلم الجميع من مدمنات القطط - فقد قررت ان اعرضها على اصدقائي وبالمرة احتفظ بيها في مكاني المفضل
:d



http://www.agabi.net/images/cuccioli/cavelliGarboaria.jpg
http://www.agabi.net/images/cuccioli/cavelliGildaaria2.jpg

http://www.agabi.net/images/cuccioli/cavelliginkodalila.jpg
http://www.agabi.net/images/cuccioli/cavelliGastonedalila.jpg
http://www.agabi.net/images/cuccioli/cuccioli_diletta32.jpg

http://www.agabi.net/images/cuccioli/20030426gandalfblu0002xb.jpg

http://www.agabi.net/images/cuccioli/cavelligalaxy.jpg

http://www.agabi.net/images/cuccioli/cuccioli_diletta33.jpg

http://www.agabi.net/images/cuccioli/picciurrocucciolidiletta.jpg

http://www.agabi.net/images/acuccioli2003/placidiPIC0007.jpg
http://www.agabi.net/images/acuccioli2003/SpecaGenna57gg.jpg

http://www.agabi.net/images/acuccioli2003/bianchiniGandolfeGiselle.jpg

http://www.agabi.net/images/acuccioli2003/picciurrocucciolianabi.jpg

http://www.agabi.net/images/acuccioli2003/20030703galassiappmossa.jpg

http://www.agabi.net/images/acuccioli2003/20030703gocciappb.jpg

http://www.agabi.net/images/acuccioli2003/20030703ghiacciobizet2.jpg

http://www.agabi.net/images/cuccioli/lucianigeronimostilton20030.jpg

http://www.agabi.net/images/cuccioli/lucianigilderoyallok2003060.jpg

http://www.agabi.net/images/cuccioli/sorropagosealerosxrougai.jpg

http://www.agabi.net/images/acuccioli2003/sabettaguenda.jpg

http://www.agabi.net/images/cuccioli/Kintamani%20George%20Clooney%20e%20Goccia%20di%20P ioggiaanabi2.jpg

عـزالديـن
27-08-2005, 05:03 PM
ماشاء الله
قطط حلوة
ألف شـكر يا Osha

أم أحمد
27-08-2005, 06:15 PM
بسم الله ما شاء الله
جميلة اوي يا اوشا
بيفكروني بقطتي اللعبة اللي في مصر

saladino
27-08-2005, 06:49 PM
دى قطط برضو يااوشا
ولا قطة حلووة خالص



دول يجننوا بس كنت عايز اضرب ايدى جوة الشاشة عايز قطة
ههههههههه

مهرة عربية
27-08-2005, 07:24 PM
عسل قوى يا اوشا
تسلم ايديك

ابن البلد
27-08-2005, 09:16 PM
وبعدين معاكي يا أوشا
مش انا قلت مبحبش القطط :@

تعرفوا اللي بيخاف من عفريت بيطلع له
أحكي لكم قصه حصلت من 10 أيام نهايتها كانت إمبارح
أنا ساكن في الدور الأرضي
بس حاطط حديد علي كل الشبابيك وعلي البلكونه يعني سجن
المهم بليل الساعة تلاته بليل صوت أطباق أتكسرت
رحت منادي يا هاله أيه ده
ردت عليا أيه أنا نايمه
نايمه :eek:
قمت أدور علي فيه ايه ألاقي قطة سوداء مفيهاش ولا شاره
بتجري من المطبخ وجري علي الشباك الحديد واختفت وسط ظلام الشارع
دخلت مراتي المطبخ لقيت القطة هانم كسرت طبقين صيني
المهم عدي اليوم عادي ومفيش مشكلة
الجو حر اوي فقررت أني أنام في قوضه الأنتريه
ففرشت في الأرض ونمت الساعة تلاته كده بليل
المهم علي الساعة اربع سمعت صوت قطط صغيره بتصوصو
قمت من النوم وقعدت وحسيت أن القطط دي تحت الكوبرته
طبعا انا اترعبت أعري الغطا وألاقي قطط قدامي
فرحت قمت ولعت النور
ورفعت الغطاء ملقيتش حاجه بس لسه الصوت شغال من ناحية الشباك قلت الله يخرب بيت القطط بيصوصو بره والصوت عامل صدى جوه الشقه ونمت
بعدها بكام يوم برضك لقيت القطة السوده في الشقه
وبعدين بقه في المصيبه السوده دي
طبعا طردها بالذوق وقلت لها لو جيتي هنا تاني انا هكسر رقبتك
نزلت تحت الشباك ومكنتش عايزة تمشي أتطريت ( أجبرت يعني ) :d أجيب أزازة مياه ساقعه وارشها بيها
يوم الأربعاء كنا قررنا الذهاب للمصيف قفلنا الشقه وبوسي كانت قاعده قدام باب البلكونه لقيت القطة بتنون
رحت أبص لقيتها واقفه بره الحديد من بره فرحت مزعق فيها وممشيها
قفلنا البلكونه وبعدين أتصلت بماما :d
قالت لي خلاص المصيف فركش :@ مفيش حجز :mad:
رحنا فضينا الشنط تاني وفتحنا البلكونه لقينا القطة السوده جواها زعقت لها تاني راحت خرجت بطريقه معذبه من الحديد
يعني مش عارف أيه اللي يعذبها يعني كده كل ده علشان الاكل
أتفقت أنا وزوجتى اننا نخرج نتمشي بالعربيه ساعة ولا حاجه
رحنا أتمشينا وارجعنا فتحنا الشقه بقه وأنا كنت بتكلم في الموبايل وعمال رايح جاي علي القوضه اللي فيها الإنتريه وكنت فاتح طبعا شباكها
المهم لمحت القطة السوده في الأرض دخلت وراها لقيتها دخلت تحت كراسي الانتريه
ولعت النور ودورت عليها ملقيتهاش
قلت بس الأنس والجن به وعادل إمام والعفاريت المهم خلصت المكالمه وفضلت أدور علي القطة في كل مكان في الغرفة ملقيتش لها أثر
كانت زوجتى تتكلم في التليفون برضك خلصت وقلت لها علي الحكايه أن القطة دخلت واختفت في الغرفه
قالت لي ماهو حصل كده من قبل شوفها وراها الكومودينو
المهم سمعت صوت القطط الصغيره بتصوصو تاني
قلت لها شوفتي تقريبا لما القطة بتدخل هنا عيالها بيندهوا عليها من بره وطلعت فوق الفوتي ( كرسي بدراعات ) علشان أبص عليهم بره الشباك ملقيتش حاجه والصوت كتم شوية
قلت لها علي فكرة القطة دي ولدتت في الشقه هنا
مراتي طبعا صوتت :d
هي بتخاف من القطط اصلا
قلت لها دول كمان أكيد تحت الكرسي ده وشيلت الكوموديونو
ولقيت قطة صغيره فعلا قلت لها مخلفه قطة
لا أتنين
لا تلاته
راحت القطة الكبيرة شالت بنتها من قدامها ورامتها وراها ومبقاش ظاهر غير الكبيره
نظام بقه بتقولي عايز أيه بقه أيوه مخلفه عندكم خلاص هتعملوا أيه يعني
قلت لمراتي هاتيلها أكل بقه
قالت لي اكل أيه أنت لازم تمشيهم بره
قلت لها حرام عليكي دي الست لسه نفسه :d وعايزة ترم عضمها بفرخه ولا حاجه
راحت جابت لها مراتي جبنه بيضه
وأنا قعدت ازعق للقطة
يعني دلوقتي يا ست هانم لو كنا سافرنا وقفلنا الشقه ومعرفتيش تدخلي لعيالك كنا جينا بقه لقيناهم ماتوا وعفنوا لنا الشقه ها
بس القطة مردتش عليا :(
المهم كلمنا ماما وقلنا لها لازم تيجي بكره تاخد القطط دي أو تشيلها من الشقه
وحطينا للقطط أكل
تاني يوم الصبح القطة الكبيرة خرجت تسترزق وأكتشفنا أنها مخلفه أربعه مش تلاته :d
وجت ماما تاني يوم والحمد لله فشلت في انها تشيل القطة وأولادها ولكن بابا أخد تلاته منهم وحطهم في كرتونه وحطناهم تحت الشباك أما القطة الام فخطفت ابن من أبناءها وجريت به تحت الكراسي ومحدش عرف ياخده منها ولا ياخدها هي نفسها ويخرجها بره :d


تعبتوا من الرغي ولا لسه :d

المهم قعدنا في شبرا الخميس والجمعه وكنا سايبين الشباك مفتوح علشان القطة تقدر تخرج لولادها اللي بره وقلنا حاجه من الإتنين يا أمه تدخل التلاته من بره يا امه تخرج اللي معاها بره

جينا يوم الجمعه بليل الشقه
دخلت ملقيتش القطة بس لقيت قطتين صغيرين من ولادها ( وطبعا مقلكوش ريحت القوضة بقيت عامله أزاي ولا بطاريات الأرانب :d )
المهم رحت أنا شرير :evil:
قفلت الشيش وأخدت القططتين ( يا عيني مغمضين لسه ) وحطيتهم في كرتونه تانيه
وخرجت حطيتهم بره تحت الشباك وجت امهم جري طبعا وقعدت تصرخ في وشي شويه وبعدين شمشمت ولادها وأخدتت واحد وأستنتني لما أمشي
وبعدين أخدت التاني
أما أحنا فمسحنا القوضه بالمياه والصابون :d
وقفلنا الشباك لحد النهارده والحمد لله أتخلصنا من الشرير الأسود :d

أيه رأيكم بقه في القصه الحلوة دي
لي حق اتعقد من القطط ولالأ اللي مشاركاني حتى في نومتي وشقتي :d

أم أحمد
27-08-2005, 10:09 PM
ههههههههههههههه
اللي يخاف من العفريت يطلعله

ابن البلد
28-08-2005, 12:03 PM
ههههههههههههههه
اللي يخاف من العفريت يطلعله
:$
ايوه :$

حنـــــان
28-08-2005, 12:41 PM
الصور دي في منتها الجمال رشا! تجنن بجد... خصوصا الخامسة اللي فيها الست ماسكه القطه كده امور قوي قوي قوي!! مش ممكن! عايزه واحده. ولا الصوره التامنه كمان
مرسي قوي يا رشا!

ابن البلد... على فكره كونها ولدت في بيتكوا معنى كده انكوا ناس طيبيين والا ماكانتش ارتاحت لكوا وللمكان وعملت كده
يعني ان طيب... مع ان مايبانش عليك :d

osha
28-08-2005, 03:42 PM
عز الدين
شكرا على مرورك - مش عاوز ابعت لك واحدة??


قمر الليل
بذمتك القطة اللعبة قمر كده - دول مالهومش حل - انامن ساعة ما لقيت الصفحة كل شوية افتحها واتفرج عليها
شكرا على مرورك وسلمي على احمد كتير كتير


صلادينو
ومين سمعك والله يا صلادينو - انا حاموت وامسكهم كلهم وافضل افعص وابوس فيهم لما اخلصهم
شكرا على مرورك ويالا عاوزة صور قطط تنافس دي

مهرة عربية
الله يسلمك يا مهرة - هم فعلا عسل جدا جدا

ابن البلد
شوف - انت من جواك اكيد بتحب القطط والا ماكنتش اولا دخلت تتفرج وثانيا ماكانتش القطة ولدت في بيتكم - لعلمك القطط بتولد في المكان اللي بتحس فيه بالأمان - بس انت خذلتها يا متوحش !!
عارف ان قطتي في مصر فشلت تولد مرتين - المرة الأولى قالوا عشان الزوج كان شيرازي وكان حجم القطط كبير عليها واخدتها المستشفى عشان الدكتور يتصرف قام قال لي بمنتهى الامبالاة سيبيها تولد براحتها دي قطط الشوارع بتولد كل يوم
سمعت كلامه وكانت حتموت لولا اننا اخدناها تاني المستشفى لما تعبت قوي والدكتور ولدها قيصري وطبعا القطاقيط ماتوا من البنج!!
المرة التانية برضه نفس المشكلة بس كنا اتعلمنا من الغلطة رحت بيها لدكتور خاص - المهم كان فيه 3 - اثنين منهم ماتوا للأسف والتالت هي رفضت تهتم بيه وترضعه والكتور فسر دا بانه لم يعد يحمل رائحتها لانه الدكتور مسكه بايده قبل ما تشمه وتتعرف عليه - انا ساعتها جبت له بيبي رون مخصوص للقطط لكن هو عاش يوم ونصف وبعدين مات
يعني انا حاموت على قطة تولد عندي وسيادتك ترميهم في الشارع يا سفاح القطط!!

حنــان
انت عاوزة الخامسة والثامنة وانا عاوزاهم كلهم بصراحة

zizoYAzizo
28-08-2005, 04:17 PM
بجد قطط تحفه وتجنن بجد تسلم ايدك ياوشا والله قطط زى العسل عسل عسل
انا جايبلك اشهر قط من يومه بجد تحفه ومعاه شويه قطط بردو بس القط ده احلى قط فى القطط كلها يعنى زعيم القطط واحلى قط مابنهم براءه القطط فى عينيه هههههههههههههههههه وشراسه النمر فى نظراته وقوه الصقر فى هجومه نعمل ايه بقى قط عموله هههههههههههههههههههههههههههه
http://www.geocities.com/ahmed_zizo_2006/a.jpg

7
http://www.geocities.com/ahmed_zizo_2006/b.jpg
7
http://www.geocities.com/ahmed_zizo_2006/c.jpg
7


http://www.geocities.com/ahmed_zizo_2006/d.jpg
77777777777777777777777777777777777777777777777777 77777777777777777
باقى القطط اهى بس حبيت افتح نفسكو على القطط

http://www.swapmeetdave.com/Humor/Cats/Kitten-Ducks.jpg
7
7
http://www.swapmeetdave.com/Humor/Cats/Toothbrush.jpg
7
7
http://www.allfreegreetingcards.com/cards/glasskitten.jpg
7
7
http://rds.yahoo.com/S=96062883/K=kitten/v=2/SID=w/l=IVI/SIG=12dkqa1ok/EXP=1125328568/*-http%3A//www.plinkomedia.com/media/kittens/kitten_sleep.jpg

ابن البلد
28-08-2005, 04:58 PM
ابن البلد... على فكره كونها ولدت في بيتكوا معنى كده انكوا ناس طيبيين والا ماكانتش ارتاحت لكوا وللمكان وعملت كده
يعني ان طيب... مع ان مايبانش عليك
كده برضه يا حنان :(
علي العموم أنا مش هرد عليكي علشان بس أنت إسكندرانيه ومعزت بقه الإسكندراينه عندي أيه للسماء :@

والله بجد أنا كنت مضايق وأنا بطلعها بره أنا لو مكنش عندي بوسي ويوسف كنت سبتها في الشقه بس هما بيقلووا أن القطط خطر علي الأطفال
بس برضك كنت هسيبها لحد بس ما القطط تفتح وبعد كده بقه شوال وفي الصحراء :d

ابن البلد
28-08-2005, 05:03 PM
يعني انا حاموت على قطة تولد عندي وسيادتك ترميهم في الشارع يا سفاح القطط!!
أمال لو حكيت لك علي قصة تانيه مؤساويه أكتر بقه :d
هتقولي عليا أيه
:d

هتعلقوني علي باب المنتدى :$

osha
28-08-2005, 05:09 PM
زييييييييييييييييييييييييييزوووووووووووووووووو
شكراعلى المرور وعلى صور القطط الجميلة قوي قوي قوي


ابن البلد
قول حكاويك الدموية كلها - خلاص اخدت على كده منك
بالنسبة للقطط وخطورتها على الأطفال - الخطورة علىالنساء أثناء فترةالحمل فقط ونفس الخطورة بتيجي من اللحوم غير جيدة السواء زي اللانشون والبلوبيف
وانا الحمد لله طول عمري عندي قطط ربونا كرمني بنهال ومحمد من غير مشاكل

حنـــــان
28-08-2005, 05:53 PM
كده برضه يا حنان :(
علي العموم أنا مش هرد عليكي علشان بس أنت إسكندرانيه ومعزت بقه الإسكندراينه عندي أيه للسماء :@

والله بجد أنا كنت مضايق وأنا بطلعها بره أنا لو مكنش عندي بوسي ويوسف كنت سبتها في الشقه بس هما بيقلووا أن القطط خطر علي الأطفال
بس برضك كنت هسيبها لحد بس ما القطط تفتح وبعد كده بقه شوال وفي الصحراء :d\
لا يا راجل انا باهزر معاك اذا كان باقول لك القطة لا يمكن كانت تولد عندكوا الا لو كنتوا ناس طيبيين قوي وأنا باثق في كلام القطط قوي لعلمك... مادام قالت انك طيب تبقى طيب! :d

رشا... ادي الصورة اللي ماكونتيش عارفه تحطيها...


http://x2.putfile.com/8/23911491529.jpg (http://www.putfile.com)

عبدالسلام
28-08-2005, 08:28 PM
كلنا نحب القطط والله انا احبهم واشتغل على اكلهم

تم حذف الجزء الاخير قي بواسطة الادارة

ابن البلد
28-08-2005, 10:56 PM
والله القطة رجعت تاني :( مش عارف أعمل أيه
بكره أصور لكم عيالها وأحطلكم صورها
علشان تعرفوا أنها مهببه
:(

ابن البلد
29-08-2005, 05:01 PM
قررت صباحا النهارده اني أتخلص من القطة بأي طريقة
صحيت الصبح
ملقيتش أمهم المفترسه قلت فرصه
رحت قفلت كل مكان ممكن تدخل منه القطة الشقه
ودورت علي كرتونه ملقيتش خلصوا خلاص من كتر ما بنخرجهم بره :d
جيبت علبه الإسطوانات الكرتون
وحطيت فيها ولدها

وبعدين نزلتهم لها في الشارع

دي صورة القططتين الصغيرين وهما في الركن
http://www.egyptsons.com/misr/attachment.php?attachmentid=11308&stc=1
براءة الأطفال يا حرام بس أعمل أيه يعني :(

ودي وهي أمهم بتجري بواحد منهم بعد ما نزلتهم لها
http://www.egyptsons.com/misr/attachment.php?attachmentid=11309&stc=1

وده يا عيني بقه شبه مامته مفيهوش ولا نقطة سوده سابته في الشارع محدش هياخد باله منه لحد بس ما تودي بنتتها وتيجي في
http://www.egyptsons.com/misr/attachment.php?attachmentid=11310&stc=1

daria
29-08-2005, 05:19 PM
والله يا اوشا يا حبيبتي القطط الناس بتحبها الا انا
بس هي شكلها في الصور حلو
بس مرعبة جدا :d
يا مامي :)

وحوش صغيرة يا ناس هههههههههه

تسلم ايدك على الصور واتمنى لو اتكعبلتي في صور خيول حلوة تورينا برضة
*3*
سلام
إيمان

osha
30-08-2005, 12:05 AM
كلنا نحب القطط والله انا احبهم واشتغل على اكلهم

تم حذف الجزء الاخير قي بواسطة الادارة


شكرا عبد السلام على المرور

osha
30-08-2005, 12:08 AM
قررت صباحا النهارده اني أتخلص من القطة بأي طريقة
صحيت الصبح
ملقيتش أمهم المفترسه قلت فرصه
رحت قفلت كل مكان ممكن تدخل منه القطة الشقه
ودورت علي كرتونه ملقيتش خلصوا خلاص من كتر ما بنخرجهم بره :d
جيبت علبه الإسطوانات الكرتون
وحطيت فيها ولدها

وبعدين نزلتهم لها في الشارع

دي صورة القططتين الصغيرين وهما في الركن
http://www.egyptsons.com/misr/attachment.php?attachmentid=11308&stc=1
براءة الأطفال يا حرام بس أعمل أيه يعني :(

ودي وهي أمهم بتجري بواحد منهم بعد ما نزلتهم لها
http://www.egyptsons.com/misr/attachment.php?attachmentid=11309&stc=1

وده يا عيني بقه شبه مامته مفيهوش ولا نقطة سوده سابته في الشارع محدش هياخد باله منه لحد بس ما تودي بنتتها وتيجي في
http://www.egyptsons.com/misr/attachment.php?attachmentid=11310&stc=1

ياحراااام
صعبت عليا الأم المسكينة وهي بتجري بولادها في الشارع كده?
مش عارفة اقول لك ايه !! هي فعلا تشعر بالأمان والا ماكانتش رجعت تاني
طيب حط لها صندوق فيه فرشة ومتغطي بره البيت - بلاش تبقى منها للشارع كده

osha
30-08-2005, 12:11 AM
والله يا اوشا يا حبيبتي القطط الناس بتحبها الا انا
بس هي شكلها في الصور حلو
بس مرعبة جدا :d
يا مامي :)

وحوش صغيرة يا ناس هههههههههه

تسلم ايدك على الصور واتمنى لو اتكعبلتي في صور خيول حلوة تورينا برضة
*3*
سلام
إيمان

اولا الحمد لله على السلامه يا موني
ثانيا
تقولي على المخلوقات اللطيفة دي وحوش مفترسة وكمان مرعبين!!!
أنا حياتي غالبا لم تكن ابدا خالية من القطط ولا أتخيل عالما بدون قطط
حيكون شكله غريب عليا جدا
انت بتحبي الحصان ..جميل جميل
بس بذمتك تقدري تشيلي الحصان وتلعبي بيه زي القطط..
راجعي نفسك يا ايمان يا بنتي قبل ما يفوت الأوان!!

حنـــــان
30-08-2005, 12:28 AM
ابن البلد

اسمع كلام اوشا يا راجل انت قلبي وجعني مالصور دي! اعمل حاجه اتصرف!

ابن البلد
30-08-2005, 09:53 AM
ما ماما عملت كده في الأول
حطت أولادها في كرتونه
وحطناها تحت الشباك
بعدها بيومين أختفوا قططتين صغيرين من ولادها
والإتنين التانيين دخلت بيهم عندنا الشقه :)
يعني أعمل لها ايه تاني بقه
أنا ناقص عفريت :d

bosycat
30-08-2005, 04:33 PM
معلش يا اوشا هشركك شويه بحبت قطط

ابن البلد
30-08-2005, 05:03 PM
معلش يا اوشا هشركك شويه بحبت قطط
أنا ملاحظ أن تلات تربع البنات بتحب القطط ؟؟؟
ليه بقه يعني ؟؟؟
مينفعش تحبوا سمك الزينة :d
ولا تحبوا كلاب :d من الكبيرة أوي دي اللي بشوفها في أيد الشباب أوقات وبستخبى وقتها في جلدي
ولا تحبوا عصافير أهي كويسه أينعم بتعمل البلكونه مزبله شوية من قشر اللب والكلام ده بس ممكن لها صرفه يعني :d

شاعر الرومانسية
30-08-2005, 11:26 PM
وووووووووووووووووووووشا

جميلة قوى المجموعة دى
واجمل حاجة ةفيهم حجمهم.........!!!


صدق اللى قال مقطقطين،،،





تسلم ايدك يا فندم... وعاوزين نوع تانى بقى اللى هو بيقبى نافش كدة وبيجى
دايما فى اعلانات ابطانيات بتاع ساراتوجا دة

شاعر الرومانسية
31-08-2005, 01:19 AM
وووووووووووووووووووووشا

جميلة قوى المجموعة دى
واجمل حاجة ةفيهم حجمهم.........!!!


صدق اللى قال مقطقطين،،،





تسلم ايدك يا فندم... وعاوزين نوع تانى بقى اللى هو بيقبى نافش كدة وبيجى
دايما فى اعلانات ابطانيات بتاع ساراتوجا دة

osha
31-08-2005, 07:50 PM
ما ماما عملت كده في الأول
حطت أولادها في كرتونه
وحطناها تحت الشباك
بعدها بيومين أختفوا قططتين صغيرين من ولادها
والإتنين التانيين دخلت بيهم عندنا الشقه :)
يعني أعمل لها ايه تاني بقه
أنا ناقص عفريت :d
طيب بلاش والنبي تقول عفريت ربنا يخلي لها اللي فاضلين



أنا ملاحظ أن تلات تربع البنات بتحب القطط ؟؟؟
ليه بقه يعني ؟؟؟
مينفعش تحبوا سمك الزينة :d
ولا تحبوا كلاب :d من الكبيرة أوي دي اللي بشوفها في أيد الشباب أوقات وبستخبى وقتها في جلدي
ولا تحبوا عصافير أهي كويسه أينعم بتعمل البلكونه مزبله شوية من قشر اللب والكلام ده بس ممكن لها صرفه يعني :d
السمك ازاي الواحد يمسكه يلعب بيه ويحبه ازاي يعني
*4*
الكلاب صعب عشان الصلاة ولو اني باحبها جدا
*13*
العصافير مقرفة وبتزبل الدنيا غير اني مش باحب اي شئ له ريش
*14*
هااااااااااااااا

شفت ان القطط الى الأبد الى الأبد
*8*

osha
31-08-2005, 08:36 PM
معلش يا اوشا هشركك شويه بحبت قطط

شوفي يا بوسي كات
أحلى المشاركات عندي اللي فيها قطط واحلى حاجة باحب اعملها اني العب مع القطط
وبالتالي فأناأشكرك حتى تستغيثي على صور القطط واحب اني انوه اني معجبة باسمك عشان مقطقط

osha
31-08-2005, 08:46 PM
وووووووووووووووووووووشا

جميلة قوى المجموعة دى
واجمل حاجة ةفيهم حجمهم.........!!!


صدق اللى قال مقطقطين،،،





تسلم ايدك يا فندم... وعاوزين نوع تانى بقى اللى هو بيقبى نافش كدة وبيجى
دايما فى اعلانات ابطانيات بتاع ساراتوجا دة


شكرا يا حسن علىالمرور
عويناتي حاضر اول ما اعثر على الصور بتاعةالقطط الشيرازي حانزلها عشان خاطرك
بس انا عن نفسي باحب السيامي - اصله ذكي جدا

بهجه
01-09-2005, 07:41 PM
ميرسي يا اوشاااااااااااا قطط جميله خاااالص
بس اقولك حاجه
راسي وجعتني بسبب حكاية ابن البلد دا كتبها بالتفصيل الممل يااااااااه كويس ان مفاتيح الكمبيوتر اتحملته خخخخخخخخخخخخخخخخخخخ

تحياتي للجميع ولك يا ابن البلد

nour2005
02-09-2005, 12:08 AM
القطط تجنن يا اوشا ويا ريت اقدر اخد واحدة منهم اربيها فبيتي من صغري اتعودت عليهم يا جمالهم والاجمل صور القطط بتوعك ما شاء الله على جمالهم ولا عينيهم كلها براءة
وعلى فكرة يا رشا بعض الاطفال وزي ما قال ابن البلد بيبقى عندهم تحسس من وبر القطط صدرهم بيتعب لما بيقربوا منها
شكرا عالصور الرائعة للقطط الاروع

osha
03-09-2005, 04:12 PM
ميرسي يا اوشاااااااااااا قطط جميله خاااالص
بس اقولك حاجه
راسي وجعتني بسبب حكاية ابن البلد دا كتبها بالتفصيل الممل يااااااااه كويس ان مفاتيح الكمبيوتر اتحملته خخخخخخخخخخخخخخخخخخخ

تحياتي للجميع ولك يا ابن البلد
كنت عارفة انها حتعجبك يا بهجة
المهم شفتي الافتراء بتاع ابن البلد
المهم انه لغاية دلوقت ماردش وقال ايه آخر التطورات في المسألة القططية
ربنا يهديه ويخليه للقطة تولد تاني في بيته
شكرايا بهجة على المرور



القطط تجنن يا اوشا ويا ريت اقدر اخد واحدة منهم اربيها فبيتي من صغري اتعودت عليهم يا جمالهم والاجمل صور القطط بتوعك ما شاء الله على جمالهم ولا عينيهم كلها براءة
وعلى فكرة يا رشا بعض الاطفال وزي ما قال ابن البلد بيبقى عندهم تحسس من وبر القطط صدرهم بيتعب لما بيقربوا منها
شكرا عالصور الرائعة للقطط الاروع
اهلين يا نور المنتدى
شوفي محمد كان عنده حساسية عامة لكن اكشتفت مؤخرا انها مالهاش اي علاقة بالقطط
شوفي هم في اوروبا استخدموا الهندسة الوراثية في تعديل بعض فصائل القطط عشان وبرها مايعملش حساسية
مشكلة القطط دي انها غالية شوية يعني ييجي كده 3000 يورو للقطة !!
شكرا على مرورك يا نور

ابن البلد
04-09-2005, 04:22 PM
خلاص أطمنوا يا جماعه
أنا تخلصت من القطط والحمد لله :)

من وقت ما قفلت الشباك ومفيش قطط خلاص وربنا يستر بس :d

osha
06-09-2005, 09:25 PM
خلاص أطمنوا يا جماعه
أنا تخلصت من القطط والحمد لله :)

من وقت ما قفلت الشباك ومفيش قطط خلاص وربنا يستر بس :d

لقد زعلت منك
*76* *70* *114*
ازاي هان عليك بالبساطة دي تقفل الشباك في وش القطة الغلبانة المقهورة المسكينة مهيضة الجناح
*112* *117*
ساتصل بجميع جمعيات الرفق بالحيوان عشان يفتحوا الشباك
*127* *141*

حنـــــان
06-09-2005, 09:31 PM
هههه والله انك عسل قوي قوي يا رشا
احمد بقى... ربنا يسامحه! :)

Years
07-09-2005, 02:00 AM
قططك حلوه يارشروشتي*3* بس انا بخاف منهم وبيعملولي قشعريره(حلوه قشعريره دي)


وبعدين الراجل عمل ايه يعني
ماهو لازم يخرجهم من بيته هوحد ناقص *62*
ده احنا بنأكل عيالنا بالعافيه

انت هنا برده ياشاعر
بقالي كتير ماشفتكش هناك
عل المانع خيرا *36*

بتقولي يارشا انك متربيه مع القطط ومع ذلك ماحصلكيش حاجه!!!!!!!!!
ازاي
بتضحكي عليهم
ماحدش شافك ولا يعرفك غيري امال اللي انتي فيه ده ايه *5*
ربنا يخليهم لك*9*
وقصري بقي بدل ما أفضحك في المنتدي واكشف المستور

حبيبتك أرأوره*8*

بهجه
08-09-2005, 11:11 AM
امبارح جابولي قط ذكر سيامي وافتكرتكيا اوشااا، افتكر ان عنده شهرين ونص



وهو يشبه ده 100% بس اللي عندي لون عينيه ازرق فاااااتح



http://www.agabi.net/images/cuccioli/cuccioli_diletta33.jpg

osha
08-09-2005, 11:04 PM
قططك حلوه يارشروشتي*3* بس انا بخاف منهم وبيعملولي قشعريره(حلوه قشعريره دي)


وبعدين الراجل عمل ايه يعني
ماهو لازم يخرجهم من بيته هوحد ناقص *62*
ده احنا بنأكل عيالنا بالعافيه

انت هنا برده ياشاعر
بقالي كتير ماشفتكش هناك
عل المانع خيرا *36*

بتقولي يارشا انك متربيه مع القطط ومع ذلك ماحصلكيش حاجه!!!!!!!!!
ازاي
بتضحكي عليهم
ماحدش شافك ولا يعرفك غيري امال اللي انتي فيه ده ايه *5*
ربنا يخليهم لك*9*
وقصري بقي بدل ما أفضحك في المنتدي واكشف المستور

حبيبتك أرأوره*8*


خلي الطابق مستور يا ريهام يا بنتي
عامة هم كلهم عارفين الادمان اللي انا فيه - انا معترفة يا بنيتي - هو انا انكرت
ثم انك بتحبي القطط في اللاشعور بتاعك
صدقيني انا صاحبتك من زمان واعرف اكتر منك





امبارح جابولي قط ذكر سيامي وافتكرتكيا اوشااا، افتكر ان عنده شهرين ونص




وهو يشبه ده 100% بس اللي عندي لون عينيه ازرق فاااااتح



http://www.agabi.net/images/cuccioli/cuccioli_diletta33.jpg







يا جماله يا حلاوته يا بهجة
تصدقي دورت هنا لما قلت يا كفا على القطط السيامي عشان يفكروني بقطتي اللي سبتها مضطرة في مصر
كانت عيونها زرقاء وجميلة
طيب ابقى صوريه وابعتي لي الصورة يا بهجة من فضلك شفقة بواحدة اتحرمت من قطتها اللي عيونها زرقاء
القط بتاعي جميل طبعا زي ما انت عارفة لكن عيونه خضراء
اللي من عند الله حياه الله

بهجه
09-09-2005, 12:51 PM
اوكي يا اوشاااا هبقى اصوره هو واخته بس اخته مش سيامي لونهاا ابيض واسود وبرتقالي،افتكر يا مامتهم او باباهم كان سيامي
همه لسه بيخافوا شويه لانهم لسه ماتعودوش على المكان بس اول ما يهدوا هصورهم
تحياتي لك اوشاااااا

أم عبد العزيز
21-09-2005, 11:21 AM
حلوين بس انا ما احب القطاو

بهجه
23-09-2005, 01:52 PM
وحشتوني

ازيك يا اوشا عامله ايه

سبق وقلتيلي اني احط ليكي صور القطط بتاعتي

بس انا بحاول احط الصور ب مش راضيه تضبط معايا افتكر ان الصور كبيره
هحاول اصغر حجمها ولو زبطت معايا هحطها ولو مازبطتش يبقى مالكيش نصيب تشوفيهم

تحياتي لك يا وشوش

osha
24-09-2005, 05:00 AM
وحشتوني

ازيك يا اوشا عامله ايه

سبق وقلتيلي اني احط ليكي صور القطط بتاعتي

بس انا بحاول احط الصور ب مش راضيه تضبط معايا افتكر ان الصور كبيره
هحاول اصغر حجمها ولو زبطت معايا هحطها ولو مازبطتش يبقى مالكيش نصيب تشوفيهم

تحياتي لك يا وشوش

يعني انا افضل مستنية عشان المنتدى يفتح واستنى لما جالي اعلام بريدي انك رديت وداخلة وانا كلي توتر عشان حاشوف القطقط بتاعك وبعدين تقولي ان الصور كبيرة
ماليش دعوة اتصرفي ولوماكنش ابعتيهم على الايميل
انا بافكر اجيب عروسة للقط بتاعي - ادعي لي افرح بخلفته عشان قطتي في مصر فشلت مرتين في الولادة وانا حاموت على قطاقيط صغيرة

هبهوبة المحبوبة
29-09-2005, 08:13 AM
دول روعة

جمال أوي

حلوين


روعةةةةة



شكراً أويييييي

osha
29-09-2005, 10:16 PM
دول روعة

جمال أوي

حلوين


روعةةةةة



شكراً أويييييي
أهلا بيكي يا هبهوبة ومنورة المكان كله
ان شاء الله انت ونهال بنتي تبقوا اصحاب هي عندها 11 سنة وحتنبسط اوي لما تلاقي ناس من سنها

Sanzio
18-05-2007, 08:04 AM
هههههههههههههههههه
الموضوع كله تحفة والله Osha
الصور وحكايه العفاريت اللي كانوا عندك يابن البلد :d
انا اصلاً مش بحب القطط يا سلام بقي لما افتح باب الشقه والاقي واحده واقفه فى وشي . بجيب اي حاجه واقعد اقول لها هش هش هش ولما مش ترضي تمشي ارمي لها اي كل بعيد عن باب الشقه تجري عليه وانا اطلع برة بسرعه واقفل الباب :d
مرة ضحكت عليها وعملت نفسي برمي اكل جريت نحية ما رميت الحاجه " كأني يعني رميت " وبعد كده ملقتش حاجه بصت لي بعنيها خفت :( رحت حاطط لمها سمكة كاملة.
وفى يوم منساهوش كنت صغير ورايح اصلي الفجر احنا عندنا ممر كبير من باب الشقه لحد باب الشارع وده بليل بيبقي ضلمة . المهم انا نازل وبجري علشان الحق الركعه التانيه الاقي عيون منورة على باب الشارع والدنيا ضلمة مش شايف حاجه غير العيون المنورة ديه :( طلعت اجري تاني على جوه البيت وحرمت انزل اصلي الفجر لوحدي تاني :(

بجد الموضوع واللع جبني اوي
تسلم ايدك كمان مرة
فى امان الله

رورو قمر
18-05-2007, 08:23 AM
مشكورة الصور جدا حلــــــــــــــــــــــــوة

osha
22-05-2007, 03:43 AM
كلماتك الحاني
شوف بقى
كله كوم والقطط كوم تاني
يعني جيت المنتدى هنا لازم حتما تحب القطط وتعطف عليها ولما تشوفها خاصة في الضلمة تعمل لها تعظيم سلام كمان
هههههههه
على فكرة احمد صلاح ربنا تاب عليه واتعالج وبيفكر يشتري قطه دلوقت وسبحان مغير الاحوال ياسيدي
شكرا على المرور والرفع


الاخت رورو قمر
نورت الموضوع وشكرا لك

الغريب41عام
22-05-2007, 01:41 PM
بسم الله الرحمن الرحيم
اوشا انا عن نفسى اموت فى القطط ولكن لا احب السيامى بحس انهم جنس تالت
بحب البلدى شقاوتهم ودمهم خفيف وعلى فكرة بيتى لا يخلو من قطه او اكثر
ابن البلد ==القطه لا تلد الا فى مكان تشعر فيع بالامان والاطمئنان فهل يدل هذا على طيبتك انتى وزوجتك
ممكن اقولك القطه ولدت على السرير بينى وبين زوجتى فى الفجر ولم ننام لمده 3 ايام على السرير انا وهى ننام على الارض وتركنها لها السرير لحد مخلت عندها دم واخدتهم وخرجت من الشقه فى كرتونه وضعتها لها مخصوص انا وزوجتى نموت فى القطه ونعاملها اكتر من اولادنا والله