المساعد الشخصي الرقمي

مشاهدة النسخة كاملة : عمل الجبنه البيضاء



sakr_olfat
25-08-2005, 03:13 AM
*6*
اخيرأ صنعت الجبنه البيضاء بعد عناء كبير توصلت الى الطريقه الصحيحه بعد3 سنوات
حرمان من الجبنه البيضاء وها انا اقدمها لااخواتى الغير مقيمين بمدينه نيويورك -ونيوجيرسى


المكونات- لبن سائل+خل+ملح وياريت يكون لبن غنى بى الدسم

الطريقه- نغلى البن كويس جدأ ولا داعى للبستره ولكل لتر لبن معلقه ملح حسب المزاج
اقصد عوزه طحتى ولامتحطيش مش مشكله
بعد الغيل اطفى النار
لكل لتر ربع كوب شاى خل
بعد زلك سوفه تلاحظين ان البن قطع تكونى مجهزه قطعه كبيره من
الشوفون الجامد او كيس رز او كيس مخده وطبعا يكون البن دافيء ضعيه فى
حاجه من الثلاثه دول-لكى يصفى فى وعاء -الميه الا اتصفت اوعى ترميها
لاانها حتكون شرش للجبنه وهنا لو عوزه تضعى فيها ملح
خلاص اتصفت الجبنه - انتم عرفين طريقه العصر زى كده وليه بنعمل كده
علشان الجبنه تتماسك فى بعضهاواتركيها لمده يوم وبعدها ضعيها فى الشرش
ولاتنسى تقطعيها وتوضع فى برطمان وعليهاشويه زيت وتوضع فى الثلاجه
للاستعمال -- ممكن نضع معها 2فلفل مخلل وبى الهناء


*166*

ayoooh
26-08-2005, 03:44 PM
تسلم إيدك و بالهنا و الشفا عليكم *8* ... شوفي أنا لما بأعمل الجبنة البيضا بأستعمل أكثر من طريقة زي مثلا إضافه الليمون بدل الخل للبن و طبعا بيعمل برضه على تخثير اللبن و أكمل المشوار زيك تماما
أو أستعمل منفحة الجبنة و دي بأشتريها من أي سوبر ماركت هنا في السويد .. الطريقة الأسهل و المضمونة جداااا هي إني بأشتري اللبن المخثر ( الرايب ) الجاهز و أصفيه من خلال شاشة بعد ما أكون أضفت له قليل من الملح للطعم فقط وممكن أستغنى عن الملح تماما و أتركه في الشاشة يصفي كل الماء الموجود فيه و بعدها أفتح الشاشة فأجد الجبنة البيضا جميلة و زي الفل و تستاهل بقك و بصراحة الأشتياق ل*175* خلاني كمان عملت منها ( مش مصري ) جميل عيبه الوحيد و اللي مخلي الطعم مش مكتمل إن مافيهوش دود.. *65*

مرة تانية .. تسلم إيدك و عينك

sakr_olfat
26-08-2005, 08:00 PM
(ayooh)
تحيه من القلب يعنى لو انا كنت طلبتها من زمان كنت لقيتها يله الوئه نصيب وشكرا لكى لاانك اكتى لى الطريقه
برضك انا بعملها بى اليمون بس انا مش عوزه اخس ولاكن با استخدمها ك سلطه مع الطماطم
بس المنفحه دى شكلها ايه -- وفيدتها ايه بى الظبط لو سمحتى ردى عليى

بى النسبه للمش فى دواء عطاره طلما عندك محلاات عربى (دينكار) معلقه شاى صغيره وضعيها فى قطعه قماش صغيره او شاشه وارميه فى المش واقفلى عليه لمده اسبوع انتى بتضعى يدك فيه او بتحطى فلفل اخضر عشان كده بيه دود
ولاكن الصح معلقه خشب او اى مغرفه نشفه *11* رلوقتى بفكر ازى اعمل قدره او بلاص علشان االمش يا ترى عندك طريقه? شكرأ لكى والف تحيه لااهل اسكندريه*122*

ayoooh
26-08-2005, 10:06 PM
بسم الله الرحمن الرحيم


أختي الحبيبة
إنت تأمري في أي طلب أجبان .. معجنات .. طبخات
بس إوعي تتغري فيا *13* .. أنا مش شاطرة ولا حاجة بس باحب أجرب

شوفي يا ستي المنفحة دي عبارة عن إنزيم يتكون في جزء من معدة العجل الصغير أو معدة الخروف و هي تعمل على تكسير البروتين الموجود في اللبن إلى أجزاء صغيرة مما يؤدي لتخثر اللبن
و بعدين خدي بالك أنا قلت لك إن المش بتاعي ينقص عن المصري الدود ..يعني المش عندي مافيهوش دود على عكس اللي موجود في مصر .. و أنا لطشت طريقته من كتاب أبلة نظيرة

صدقيني عمري ما شفت كتابها في مصر بس لقيته في المكتبة العامة هنا .. هاهاهاهاها

المهم هي قالت حطوا شاشة فيها شطة و حلبة حصى و فعلا المش بقى له عندي أكثر من 8 سنين و لا دودة و لا حاجة .. الجبنة تخلص أحط غيرها و هكذا و لو نقصت الماية بتاعته أو الخميرة الرئيسية للمش أزودها من شرش الجبنة اللي نزل عند تصفيتها مع إضافه شوية ملح:) و أهو عايش و لو عايزة تجربي أنزل أعمل لك ساندويتش حالا ااا بس إنت شاوري

آآآآآآه البلاص *4* ..
الجيش قالك إتصرف و أنا إتصرفت ببرطمان زجاج كبير غطائة محكم جدااا و إحتفظت بيه في دولاب المطبخ و على سطح البرطمان بعد ما مليته بالجبنة و الشرش حطيت طبقة زيت علشان تحفظه من العفن .. و الحمد لله سليم و عال العال
خدي بالك جبنة المش تفرق عن العادية إني بأزود ملحها شوية و كمان بأزود لها شطة علشان زيادة الطعم طبعا غير إن الشرش نفسه بيكون مالح و مشطشط

و ألف شكر على ملحوظاتك لأني فعلا ما كنتش أعرف إن الحاجات دي ممكن تجيب دود للمش .. مشكورة و جزاك الله خيرا *3*