المساعد الشخصي الرقمي

مشاهدة النسخة كاملة : الجمرك ( دُمركنا )



العمدة
08-01-2003, 09:34 PM
الجمرك ( دُمركنا )


بلدياتي وحبيبي .. وحبيبنا كلنا .. مررت كالعادة أشرب معه فنجان شاي .. وسألني ..(عاتروح) قريب .. أجبته بالإيجاب .. هلل وابتسم ... واقترب من أذني .. حتى شعرت بأنه سيأكلها .. وأردف قائلاً .. بهمس .. دون لمس معاك إي (حاده) عليها (دمرك) .. فاستغربت .. ليلة أمس اشتريت كاميرا فيديو حديثة ... وأحمل هم دفع ما يوازي سعرها مرتين للجمرك .. وكمان العطلة المترتبة على إنهاء الإجراءات .. وسألته .. كيف عرفت أنني شريت كاميرا البارحة .. أجابني .. وهاعرف منييييين .. دانا عاسألك ..هاخمن.. يابووووي ... طيب يابلدياتي .. ها أنت عرفت .. لِما السؤال .. أجابني ... ولا تشيل هم .. الدُمرك
دُمركنا ... أكيد .. أجابني .. أكيدين .. تسلل الطمع لنفسي والنفس أمارة .. ... إيه رأيك أخذ معي كمان فيديو .. قدم لي كوباً من الشاي أثقل من أبو الهول ... ولم يُجب .. فشعرت بالخجل .. وتمنيت لو أنني ما سألت .. أرتشف الشاي بصوت أعلى من المجمع ... ونظر لي نظرة الواثق يارادل أنا عاكول لك الدُمرك ده دمركنا .. ولو عايز تاخد ميت دهاز خد .. أنت عاتروح على إي طيارة .. سوف أصل في الخامسة بحول الله .. كلام زين أهو متولي واد خالي مرزق .. عايكون مودود كل يوم من 8 الصُبح لغاية 8 بالليل .. وعاتنزل على الدمارك أسأل إي موظف فين متولي .. وماليكش صالح .. واسمع .. تفضل .. هاتصلك عليه دلوكيت .. أخرج من معطفه الطابوقة .. عفواً المحمول .. وأعطاني نوتة .. وطلب مني أن أبحث عن أسم متولي أبو مرزوق من النوتة .. لم أكمل نصف ساعة .. عثرت على الاسم .. وطلب أثني عشر رقماً .. كان الحظ رفيقي .. حين أمسك شواربه المفتولة لأعلى أحست أن الرقم جمع معه ... ألو ... ألو .. عانكول ألوووووو ... أبو مرزوق .. أنت ابو مرزوق .. صحتك عاملة كيف .. وام مرزوق .. والحاد دابر واد خالي مدكور .. أنا تمام التمام .. عاكول لك إيه .. أنت عارف فلان الفلاني ... هاينزل بعد يومين .. عايزك تستناه .. عشان معاه حادات عاتدمرك .. وعايزك تطول رقبتي يا واد خالي مرزوق .. أنا عارف ومتوكد من كلامك .. عايز حاده أشيعها ليك معاه ... مع السلامة .. أخذت نفس عميق ... وتأكدت من صدق جهينة شكرته , وودعته , وبعد يومين حملت حقائبي , واتجهت صوب المطار , هبطت الطائرة بسلام , وأنهيت إجراءات الوصول .. اقتربت من موظفي الجمارك .. همست في أذن أول موظف قابلني .. وأنا منتفخ كديك رومي .. لو سمحت يا أستاذ .. نعم .. تفضل ... فين الأستاذ متولي مرزوق , مين , الأستاذ متولي مرزوق , لا يوجد هذا الاسم هنا .. أنت متأكد بأنه موظف هنا .. طبعاً .. أشار لزميل أمامه ,هل تعرف موظف هنا أسمه متولي مرزوق. أستاذ , لا أعرف بصراحة .. قلت لهما .. أنه مسؤول كبير هنا .. ذادت الحيرة أكثر .. الأخر أجابني .. يا أستاذ أنا هنا من 20 سنة ولم أسمع بهذا الاسم , ربما أخطأت الاسم , لا أبداً أنا متأكد من الاسم , بينما ذهني مشغول , بما حدث , سمعت أحد الموظفين بصوت عال .. يا ابو مرزوق , يا ابو مرزوق ... كم مرة وأنا أحذرك من عدم وضع سكر بالشاي !!!

البنهاوي
08-01-2003, 10:36 PM
هع هع هع هع هع هع هع

اشرب بقا بدام نيتك مكنتش سليمة :D تسلم على الموضع الجميل ده وربنا يكفيك شر اولاد الأيهاللي عاوزين ياكلو حق مصر

سكرك ايه يابيه ولا ادبهولك لوحده



:57: :72: :72: :136: :187:

بنت مصر
08-01-2003, 10:58 PM
ههههههههههههههههههههه ياربي عليك يا عمدة .. طلع متولي فراش الدمرك
والله موتني من الضحك .. روح يا شيخ ربنا يسعدك زيما بتسعدنا بمواضيعك العسل



بسنت

heba
08-01-2003, 11:10 PM
بسم الله الرحمن الرحيم
و الله يا عمده انت حادروح فى سين و ديم لو معنا اخوه من هناك بلديات جريبك0

العمدة
08-01-2003, 11:30 PM
يا بنهاوي يا خويا ياغالي :)

نيتي كويسة .. هو بس بلدياتي كان مفهمني الله يسامحه

بأن متولي واد خاله مرزوق هايتوسط لي مش أكتر :D

لم أكن أعلم بأن المتولي ...

مِت ول لي

وكله بثوابة ;)

مشكور على الشاي .. بس متئله كده ليه :7:

العمدة
08-01-2003, 11:35 PM
بصراحة يا بنت الغالية مداخلاتك أروع من المواضيع .. تُعطي نكهة

خاصة لإي موضوع ..

شفتِ ازاي ... فراش الدمرك .. إن ما كنتش أخليكم تتعلموا صعيدي :)

أسعد الله أو قاتك بكل الخير .



:1::7:

العمدة
08-01-2003, 11:38 PM
أهلاً بكِ يا أخت هبة .

بلديات جريبي ... قصدك جرايب بلدياتي :D

شكراً لمرورك هبة .

دمت بخير :7:

أشجان الليل
09-01-2003, 01:08 AM
جزاك الله خيرا أخى الكريم .....على إدخال السرور على قلوبنا..
اللهجه الصعيديه جميله جدا..
لا تحرمنا مشاركاتك أبدا






تحياتى
أشجان الليل

مصراوى
09-01-2003, 12:15 PM
لا أبدا
شميت ريحه
جيت أشوف مين قفاه بيأمر عيش
:D:D:D:D

بنت مصر
09-01-2003, 12:42 PM
هههههههههههههههههههه

العمدة
24-09-2003, 01:47 PM
:5::5::5:

وادكول مش معقول
24-09-2003, 02:44 PM
هههههههههههه :D:D
كركر ولعب شخاليله هههههههههه :D:D

سمسمة
28-09-2003, 03:23 PM
مش فاهم حاجة عاد يابوووووووووووى

:7::7::7::7:

العمدة
28-09-2003, 07:53 PM
:4: :5::5::5:


Photo Gallery