المساعد الشخصي الرقمي

مشاهدة النسخة كاملة : جوزيه وبوادر أزمه مع المنتخب المصرى



عصفور الشعر
14-08-2005, 06:12 AM
كلنا طبعا تابعنا تصريحات جوزيه المدير الفنى للاهلى بخصوص غضبه الشديد من برنامج اعداد المنتخب والذى لا يصب فى مصلحة النادى الاهلى واللى بيمثل مصر فى بطولة افريقيا بأسم مصر .... المشكله اساس بتنبع كون التشكيل الاساسى للنادى الاهلى تقريبا كله فى المنتخب وده شئ يسعد الاهلويه اكيد بس فى نفس الوقت لا يأتى فى مصلحة الفريق فى نفس الوقت على حسب مزاعم جوزيه لأنه حيأدى لتعب اللاعبين والاصابات والاجهاد وتأثر الحاله النفسيه وخلافه


انا بقى عايز أعرف رايكم ..هل جوزيه محق فى كلامه والا لأ.. واذا كان محق طب ايه الحل .. خصوصا ان الازمه والتصادم بين الاهلى والمنتخب وشيكه مع اقتراب كاس افريقيا

اتمنى من الاخوه المشاركين يتحدثوا فى هذا الامر بكل حريه وطلاقه وموضوعيه .. واحنا بيهمنا طبعا مصلحة النادى الاهلى ... مش مصلحة المنتخب بس لأن الاهلى برضه بيمثل مصر فى بطولة افريقيا


فى انتظار رؤيتكم للموضوع

عمرو صالح
14-08-2005, 06:23 AM
اهلا عصفور
موضوع مهم ويظهر ان جوزيه النهارده واكل الجو في المنتدى
انا شايف ان الموضوع ليه جانبين
جانب وطني وهو لا يخص جوزيه
جانب احترافي وهو ما يخص بالطبع مانويل جوزيه
هو مدرب محترف ويتحدث من زوايته لا غير
هو يخشى على لاعبيه الارهاق والاصابات
كما حدث مع بركات مثلا المنهك تماماً
اعتقد ان حسن شحاته على حق من الجانب الوطني
وايضا جوزيه محق تماما من الجانب الاحترافي
نورت يا عصفور
عمرو صالح

حسام عمر
14-08-2005, 06:29 AM
النادى الاهلى له كل الحق


وضح من مباره الامس

ان الاعبين منهكين


بحاجه الى راحه


ولكن جوزيه محتاج انه يرجع زى مكان



كلامه الرزين بتاع زمان


اما الان فهو يتكلم بعصبيه دائما ويسخر من الفرق التى تلعب معه


ربنا يهدى الجميع


موضوع منور القاعه يا محمود

عصفور الشعر
14-08-2005, 06:29 AM
تحليلك جميل وموضوعى بأمانه يا عمرو

بس برضه عايزين حل عشان نرضى جميع الاطراف وانا مش مع اننا نقول المنتخب وبس لا الاهلى برضه او اى نادى اخر مفروض نضعه فى عين الاعتبار خصوصا لو بيمثلنا خارجيا


يعنى يا عمرو عايز اعرف رأيك المشكله دى تتحل ازاى لأن ممكن جوزيه لو حصل اى انتكاسه لا قدر الله للاهلى انه يعلق الاسباب على شماعة المنتخب فاهمنى


الحل ايه يا اهل الرياضه ؟

عصفور الشعر
14-08-2005, 06:37 AM
وانا معاك برضه يا حسام ان النادى الاهلى بيعانى وحيعانى لسه بسبب ارهاق لاعبيه ده عشان كده زى ما قلت عايزين حل يرضى جميع الاطراف ويعنى ممكن الاهلى يجى على نفسه شويه عشان المنتخب .. بس برضه بحساب ... يعنى ميكونش تنازل ومرونة الاهلى فيه ضرر كبير لكيان فريقه


بالنسبه بقى لسلوكيات جوزيه الاخيره (0بقول سلوكيات وليس فنيات)) مش عايز اخوض فيها أكثر عشان اخوانى الاهلويه ميضايقوش من كلامى او يفتكرونى بتحامل عليه .. بس بجد والله جوزيه زودها أوى اليومين دول وراكبه جنون العظمه وعايز حد يفوقه لانه معاه فريق ما شاء الله ومش هو السبب الرئيسى فى انتصارات الاهلى وتفوقه مع احترامى برضه لخبرته وفنياته الكرويه


طيب يا حسام برضه عايزين حل للمشكله دى يا ريت تفكر وترجع لنا بمداخله تانيه

sea_wolf
14-08-2005, 06:37 AM
جوزية مش من دخلى انه يتهكم على برنامج الاعداد للمنتخب
المفروض يركز اكتر فى مهمتة فى النادى الاهلى
اعتقد من حق العيبة انها ترف اللعب للمنتخب
لانو كدة كدة مش هيقدر يعمل حاجة واخرتو كالمعتاد التمثيل المشرف
يبقى خليهم مع النادى الاهلى احسن

عمرو صالح
14-08-2005, 06:38 AM
حصل انتكاسه بالفعل يا عصفور
الأهلي كان كل لاعبيه مرهقين في مباراة اياكس كيب تاون
وهو ما اشعل غضبه
وايضا مباراة الكروم التي فاز بها الأهلي بالخبرة
اعتقد ان الموضوع معقد بعض الشئ
ولكن
جوزيه لا تكلم عن المباريات الرسمية
بل يتكلم عن الودية
مثل بطولة لوزان
ومباراة البرتغال التي تأتي بالفعل في وقت صعب جدا
امامه الرجاء في المغرب وانيمبا في القاهرة
امامه الدوري الذي لا يريد ان فقط ان يفوز بالدوري
بل ان يحافظ على ارقامه القياسية التي تسجل تاريخياً

حسام عمر
14-08-2005, 06:54 AM
من سنتين كان نفس الموضوع فى الزمالك

كان 10 من الزمالك هما قوام المنتخب

لم كان الاهلى فى كبوته


ومفيش حد فى الزمالك قال اللى بيتقال دلوقتى


هو كل طرف ليه حق



متهيألى جوزيه محتاج وقفه من الاستاذ حسن حمدى

أحمد ناصر
14-08-2005, 07:36 AM
أهلا يا محمود
موضوع جديربالمناقشة
للأسف الشديد الرياضة عندنا سمك لبن تمرهندى
ولايوجد نظام محدد
لذلك فإن الأمور تدار بعشوائية وبإرتجال
الأندية تتدخل فى عمل الإتحادات وتفرض آرائها
والوزارة تتدخل فى عمل الإتحادات
واللجنة الأوليمبية بلا حول ولا قوة
وكله عند الرياضيين صابون
المفترض أنه من البديهى أن تكون الكلمة العليا لمنتخب مصر
إذا كان من مصلحة المنتخب أن يضم أى عدد من اللاعبين سواء من الأهلى أو الزمالك فلا يحق للأندية التإعتراض أو التدخل فى البرنامج الموضوع لإعداد المنتخب
ولو قرر إتحاد الكرة إقامة الدورى بدون اللاعبين الدوليين فلا يحق لأى نادى الإعتراض
حتى لو كان هناك 11 لاعب من الأهلى أو من الزمالك فى قائمة المنتخب
هذه بديهيات
ولكن للأسف الموضوع عندنا عبارة عن (سبوبة)لا أكثر ولا أقل

عمرو صالح
14-08-2005, 01:20 PM
تعليق بسيط

اتحاد الكرة لم يصرف على لاعبي الاندية عشرات الملايين مثل الأهلي والزمالك
لذلك من حق الاندية ان تخاف على ملايينها
والاهلي ليس في حاجة لاصابة اخرى يكفي اكوتي منساه واحمد بلال الذي لم يعد بلال
الزمالك لم يتعرض لهذه الضغوط متجمعه حتى يعترض
والزمالك لم يصل ابدا ل11 لاعب من لاعبي المنتخب
وفي دورة قطر كان عدد لاعبي الاهلي على ما اتذكر 13
هذا ما اصاب جوزيه بالجنون بعد عودة بركات شبه مصاب
وكلنا نعرف من هو بركات
وايضا عودة متعب مرهق وما ادراك من هو متعب
الامر يحتاج الى تنسيق وشرف للأهلي ان يتم اختيار كل هذا الكم من لاعبيه
ولكن يجب التنسيق فلن يسرنا ابدا ان يخسر الاهلي كل ما انجزه في البطوله
الافريقية
كلنا نعلم لو تمت هزيمة الاهلي في المبارتين القادمتين لن يتأهل
الا يكفي كل هذا لاصابة جوزيه بالغضب بل والجنون ايضا

عصفور الشعر
15-08-2005, 08:57 AM
جوزية مش من دخلى انه يتهكم على برنامج الاعداد للمنتخب
المفروض يركز اكتر فى مهمتة فى النادى الاهلى
اعتقد من حق العيبة انها ترف اللعب للمنتخب
لانو كدة كدة مش هيقدر يعمل حاجة واخرتو كالمعتاد التمثيل المشرف
يبقى خليهم مع النادى الاهلى احسن

جوزيه بس يا محمد بينظر لمصلحته فى المقام الاول .. ولا مجال هنا للعواطف فى ظل الاحتراف .. الراجل عايز يدعم السيره الذاتيه الخاصه به ((السى فى )) .. عشان اكيد هو له طموحات كبيره منها انه يمسك منتخب بلده البرتغال ... بس برضه مش حيكون على حساب منتخبنا الوطنى .. وعلى فكره مكنش مفروض هو اللى يتكلم اساسا فى حاجه زى كده لان النادى الاهلى عنده أحسن ادراه فى مصر وهى ممكن تتكلم ويبقى لكلامها دور أكثر ايجابيه ومنطقيه ومصلحه لجميع الاطراف

عصفور الشعر
15-08-2005, 09:00 AM
حصل انتكاسه بالفعل يا عصفور
الأهلي كان كل لاعبيه مرهقين في مباراة اياكس كيب تاون
وهو ما اشعل غضبه
وايضا مباراة الكروم التي فاز بها الأهلي بالخبرة
اعتقد ان الموضوع معقد بعض الشئ
ولكن
جوزيه لا تكلم عن المباريات الرسمية
بل يتكلم عن الودية
مثل بطولة لوزان
ومباراة البرتغال التي تأتي بالفعل في وقت صعب جدا
امامه الرجاء في المغرب وانيمبا في القاهرة
امامه الدوري الذي لا يريد ان فقط ان يفوز بالدوري
بل ان يحافظ على ارقامه القياسية التي تسجل تاريخياً

انا معاك يا عمرو بطولة سويسرا دى مكنش لها لازمه تماما .. وبصراحه سقطه فى برنامج اعداد المنتخب .. ومش عارف ايه الفايده اللى جنيناها من بطوله زى دى

عصفور الشعر
15-08-2005, 09:10 AM
من سنتين كان نفس الموضوع فى الزمالك

كان 10 من الزمالك هما قوام المنتخب

لم كان الاهلى فى كبوته


ومفيش حد فى الزمالك قال اللى بيتقال دلوقتى


هو كل طرف ليه حق



متهيألى جوزيه محتاج وقفه من الاستاذ حسن حمدى


يعنى فعلا المشكله قائمه يا حسام طيب ايه الحل ؟

اما جوزيه فمن حقه يعترض لادارة النادى الاهلى ... ثم النادى الاهلى برجالاته المحترمين يناقش الامر مع اتحاد الكره باللهجه الحضاريه المعروفه عن اعضاء النادى الاهلى والقائمين عليه ..

عصفور الشعر
15-08-2005, 09:16 AM
أهلا يا محمود
موضوع جديربالمناقشة
للأسف الشديد الرياضة عندنا سمك لبن تمرهندى
ولايوجد نظام محدد
لذلك فإن الأمور تدار بعشوائية وبإرتجال
الأندية تتدخل فى عمل الإتحادات وتفرض آرائها
والوزارة تتدخل فى عمل الإتحادات
واللجنة الأوليمبية بلا حول ولا قوة
وكله عند الرياضيين صابون
المفترض أنه من البديهى أن تكون الكلمة العليا لمنتخب مصر
إذا كان من مصلحة المنتخب أن يضم أى عدد من اللاعبين سواء من الأهلى أو الزمالك فلا يحق للأندية التإعتراض أو التدخل فى البرنامج الموضوع لإعداد المنتخب
ولو قرر إتحاد الكرة إقامة الدورى بدون اللاعبين الدوليين فلا يحق لأى نادى الإعتراض
حتى لو كان هناك 11 لاعب من الأهلى أو من الزمالك فى قائمة المنتخب
هذه بديهيات
ولكن للأسف الموضوع عندنا عبارة عن (سبوبة)لا أكثر ولا أقل

اهلا بيك يا ابو حميد

والله كلامك بينقط منطقيه وعقلانيه وتفهم شديد لمغزى وجود الانديه والمسابقات بأشكالها وانواعها .. الهدف ببساطه واللى انت وضحته وغاب عن الكثيرين .. ان البطولات والمسابقات المعموله للانديه معموله اساسا لتفريخ لاعبين اقوياء للمنتخب الذى يأتى فى المقام الاول وليس الانديه

بس يمكن هنا يا احمد ان الاهلى بيمثل مصر برضه فى بطولة افريقيا فعشان كده ممكن نتجاوز شويه ونحاول نصل لحل يوفر للاهخلى لاعبين يخوض بهم مباراياته الافريقيه .. وبجد بجد نفسى يجى اليوم ده اللى نشوف فيه بطولة الدورى عندنا تتلعب من غير الدوليين عشان ظروف اعداد المنتخب.. بس اعتقد استحاله حاجه زى دى تحصل لانك زى ما قلت يا احمد فى نهاية مقالك الموضوع عندنا سبوبه

عصفور الشعر
15-08-2005, 09:18 AM
تعليق بسيط

اتحاد الكرة لم يصرف على لاعبي الاندية عشرات الملايين مثل الأهلي والزمالك
لذلك من حق الاندية ان تخاف على ملايينها
والاهلي ليس في حاجة لاصابة اخرى يكفي اكوتي منساه واحمد بلال الذي لم يعد بلال
الزمالك لم يتعرض لهذه الضغوط متجمعه حتى يعترض
والزمالك لم يصل ابدا ل11 لاعب من لاعبي المنتخب
وفي دورة قطر كان عدد لاعبي الاهلي على ما اتذكر 13
هذا ما اصاب جوزيه بالجنون بعد عودة بركات شبه مصاب
وكلنا نعرف من هو بركات
وايضا عودة متعب مرهق وما ادراك من هو متعب
الامر يحتاج الى تنسيق وشرف للأهلي ان يتم اختيار كل هذا الكم من لاعبيه
ولكن يجب التنسيق فلن يسرنا ابدا ان يخسر الاهلي كل ما انجزه في البطوله
الافريقية
كلنا نعلم لو تمت هزيمة الاهلي في المبارتين القادمتين لن يتأهل
الا يكفي كل هذا لاصابة جوزيه بالغضب بل والجنون ايضا


حسنا يا عمرو هو التنسيق كما قلت هو حل معقول ونتمنى ان يتم فى اسرع وقت