المساعد الشخصي الرقمي

مشاهدة النسخة كاملة : حرب الصعايدة...هذا العنوان لا علاقة له بحرب النجوم




دكتور مهندس جمال الشربينى
15-07-2005, 11:40 AM
*4* حرب الصعايدة...هذا العنوان لا علاقة له بحرب النجوم









لما كنت ملازما للبيت من كام يوم متوعكا من مرض فيروسى شخصه الطبيب المعالج على أنه ذلك الفيروس المسئول عن جديرى الميه الذى قد يكون أصابنى فى طفولتى (فينك يا أمى يرحمك الله علشان أسألكى عن الحكاية ديت؟!) و وجد هذا الفيروس مكان له فى جذور جهازى العصبى و كمن فيه ساكنا حتى يجد فرصة سانحة لينقض على مرة أخرى بإسم جديد ألا و الهربس زوستر (الحزام النارى) و من نعم الله على أنه هاجم رجلى اليسرى و لم يهاجم أماكن حساسة كالعين و إلا فمصيرى فقدان البصر و الحمدلله على شئ... و الهربس زوستر يصيب الأنسان فى شيخوخته أو عند ضعف جهازه المناعى أو عند تعرضه للإجهاد.... و أسأل الله سبحانه و تعالى أن يقينا جميعا من شر الأمراض باطنها و ظاهرها و أن يشفينا و يشفى مرضى المسلمين و المؤمنين جميعا....

دخلت على زوجتى عند عودتها من عملها فوجدتنى كالعادة ملطوع قاعد أمام الكمبيوتر كعادتى أكتب مقالا ينسينى آلام ذلك الهربس زوستر و وجدتها محملة ببعض الجرائد و لكن على غير عادتها ليس الأهرام من بينها و أعتذرت لى قائلة الأهرام خلص و كان ردى عليها يظهر إعلانات الوفيات نتيجة التسمم من أكل البطيخ زادت عن المألوف و هذا الذى جعل الأهرام ينفذ من السوق...تصفحت تلك الجرائد فوجدت من بينها جريدة تشبه البعكوكة بتاعت زمان و لكنها تحمل أسم "اضحك للدنيا" أول جورنال ساخر فى القرن ده عنواين الصفحة الأولى جاءت على النحو التالى:

انفراد آخر ورقة كتبها السفير قبل اغتياله

الزرقاوى: لو دلعتونى ما كنتش قتلته

هيفاء وهبى..كل شئ انكشفن و بان (مع صورة لها و هى نايمة على كنبة إرجوانية اللون)

مايوهات البنات أسرار...و الشباب: يا خرابى على اللحم الأبيض المتوسط

ثم يجئ عنوان الجورنال

اضحك للدنيا
8 نكت بعدها تقول: الله لا يخزيك يا شيطان

نحن ننفرد بنشر رقم تليفون ابو مصعب الزرقاوى!

الصعيدى لما يضحك على الحكومة يسمى كل عياله أحمد

و من الصفحة الأولى إنطلقت إلى صفحة عنوانها وجع دماغ آه يارجلى (و كأن الجورنال يعلم بإصابة رجلى اليسرى بالهربس زوستر!) و فى تلك الصفحة وجدت محمد الباز الذى كتب يقول: مقاله "الله لا يخزيك يا شيطان" و الذى بداه بقوله لم يترك المصريون شيئا و لا أحدا إلا و سخروا منه و مرمطوا بكرامته الأرض..رئيس ممكن وزير مفيش أى مانع.....إلى ان وصل حتى الشيطان ذات نفسه جعل منه المصريون عيلا تافها غير قادر على شئ...الخ...إلى أن وصل..إذلال الشيطان بدا واضحا فى مواجهة الصعايدة الذين جعلوه يستغيث:

· صعيدى عرف ان الشيطان بياكل مع الأنسان إذا بدأ الكل دون أن يسمى..فجاب طبق "مش" كبير و قعد ياكل من غير ما يسمى علشان يحرق قلب الشيطان..الذى خرج له و قال: فى عرضك سمى حاموت منك.

· صعيدى عرف ان الشيطان بياكل معاه..فسم الأكل

· ضابط حرس الحدود لقى الشيطان بيحاول يهرب..مسكه من قفاه و قال له رايح فين..قال: سيبنى فى حالى أنا خلاص روحى طلعت من المصريين...أساعد الواحد منهم بسرق و بنهب و ينصب و يبقى صاحب ملايين..و بعدين يقعد سيادته على مكتب و يعلق يافطة كبيرة فوق دماغه مكتوب عليها هذا من فضل ربى..أمال أنا رحت فين؟! *6*

بنت مصر
15-07-2005, 12:16 PM
اولا الف سلامة علي حضرتك يا دكتور جمال شفاك الله عافك
وان شاء الله يكون لك بهذا المرض رفع في الدرجات اللهم أمين





يظهر إعلانات الوفيات نتيجة التسمم من أكل البطيخ زادت عن المألوف و هذا الذى جعل الأهرام ينفذ من السوق
بجد ضحكت لما مت من هذه العبارة وكأن الأهرام ماعادش فيها حاجة تتقري الا صفحة الوفيات !
والله يا دكتور جمال أنا أعرف ناس فعلا قتيلة تقرا صفحات الوفيات من الجلدة للجلدة ...
ناس غاوية نكد :d



ضابط حرس الحدود لقى الشيطان بيحاول يهرب..مسكه من قفاه و قال له رايح فين..قال: سيبنى فى حالى أنا خلاص روحى طلعت من المصريين...أساعد الواحد منهم بسرق و بنهب و ينصب و يبقى صاحب ملايين..و بعدين يقعد سيادته على مكتب و يعلق يافطة كبيرة فوق دماغه مكتوب عليها هذا من فضل ربى..أمال أنا رحت فين؟!
بجد النكتة دي فظيعة موتتني من الضحك .. تسلم ايدك على وصلة الفرفشة الجميلة دي


أخيرا عاوزة أقول لحضرتك ان حتى المرض كان فيه خير كبير ليك .. لانه بعدك عن ناس مش
طايق تشوفهم وممكن يكونوا بيكدروا حضرتك طول اليوم .. اهو برضه حصلت بالقعاد
في البيت على فترة استرخاء جيدة خلت قاعة فك التكشيرة تتشرف بوجودك فيها *105*


بسنت

atefhelal
15-07-2005, 03:52 PM
دخلت قاعة فك التكشيرة مخصوص علشان الأخ الفاضل جمال .. وعلشان الحزام النارى الذى يعانى منه ... فلقد أصابنى هذا الحزام فى منطقة الوسط ولم أستطع النوم لمدة يومين ,, وذهب هذا المرض بحمد الله فى خلال أسبوع واحد بعد العلاج بمضاد لفيروس هذا المرض .. وإسم هذا المضاد تحت أمر الأخ الفاضل بعد استشارة طبيبه ..
وألف حمد الله على سلامتك ..

على درويش
15-07-2005, 04:30 PM
د. جمال الشربينى كاتب ساخر
دى حقيقة
ضحكت كثيرا على اسلوب السخرية الجميل

ولكن هذا الضحك لا يعفينى من اللوم والتقريع وربما الضرب كمان لأننى منذ فترة لم أتصل بأخى الصديق الفاضل وذلك لانشغالى الرهيب فى العمل ونومى بعد العودة مباشرة لأستيقظ قرب الفجر وطبعا ده معاد محدش يتصل فيه بحد الا اذا كان عنده لطف
سلامتك ألف سلامة

وفرصة كمان أن ألتقى بالصديق الفاضل عاطف هلال لأعتذر له أيضا عن تقصيرى وعدم السؤال رغم أنه لم يخذلنى فى دعوة حتى الآن

تحياتى لهذا المنتدى الرائع الذى يجمعنا على صفحاته لنطرح الهموم وربما نجد ما ينتزع الابتسامة من داخلنا ويرزعها لا يزرعها على الوجوه رزع كما فعل معنا د/جمال فضحكنا رغم كل الهموم التى نحملها
تحياتى للجميع وعلى رأسهم الغالى جمال الشربينى شفاه الله وعفاه وجعلها كفارة لذنوبه

elharty
15-07-2005, 07:38 PM
هاهاهاهاهاهههاهاه
فعلا موضوع لذيذ

shadia-ebeltagy
16-07-2005, 01:03 AM
دكتور جمال الشربينى
سلامات

وربنا يديم عليك الصحة
أشكرك 00أشكرك
لانك جعلتنى أضحك من قلبى
من زماااااااااااااااااان
لم اضحك بهذة العفوية

وألف سلامة
شادية

R17E
16-07-2005, 10:34 AM
نحن ننفرد بنشر رقم تليفون ابو مصعب الزرقاوى! 0101425963



ماشي يا عم جمال*3* تقولي الزرقاوي و هو مدير الامن .*13*

بس علي العموم عادي *7* .... الراجل لسانه بينقط سكر :d :d

روح ياشيخ و متغبش عننا تاني *3*

ماما زوزو
16-07-2005, 06:58 PM
تسلم ايدك يادكتور / جمال
حقيقى ضحكنا من قلبنا
اضحك الله سنك على الدوام
الف بعد الشر عنك من كل مرض
دعواتى لك الله عز وجل بالشفاء العاجل
لك كل التقدير والاحترام...

حسام عمر
18-07-2005, 03:14 PM
الف الف سلامه د جمال



الصعيده مبهريين فى كل المجلات اسئلنى منا منهم



كتابتك الساخره رائعه