المساعد الشخصي الرقمي

مشاهدة النسخة كاملة : كرسي التعارف



أم أحمد
15-07-2005, 02:33 AM
عندي فكره جديده او بالأصح لعبه مفيده . وحنسميها كرسي الاعتراف .

عباره عن ايه كرسي الاعتراف ده ؟؟؟؟؟ *11*

هو ببساطه اننا حنتفق علي اننا نختار عضو من الأعضاء ونجلسه علي كرسي الاعتراف علشان نسأله اي سؤال وهو لازم يجاوب عليه .

يعني اي عضو من حقه يسأل اي سؤال واللي علي الكرسي مش من حقه يرفض الاجابه الا علي 3 اسئله بس من جملة اسئلة الاعضاء لكن من حقه انه ما يكررش اجابة سؤال اتسال قبل كده و جاوب عليه.

طيب يستمر علي الكرسي كام يوم ؟؟؟؟
4 ايام وبعدها يختار العضو اللي بعدو وهكذا .... *4*

يا تري موافقين ولا ايه ؟ ويا تري نبدأ بمين ولا ممكن حد يتطوع و يبدأ؟ *4*

اللعبه دي حتساعدنا نتعرف ببعض اكتر ونقرب من بعض اكتر ويبقي فيه تفاعل ما بيننا والقرار للأغلبيه.


يلا في انتظار رايكم في الموضوع ده ومستنية نختار اول عضو عشان نهريه اسئلة *9*
يا رب الموضوع يعجبكم

*8* *8*

osha
15-07-2005, 03:08 AM
يخرب عقلك يا قمر الليل
ايه اللعبة القوية دي
فعلا محتاجة شجاعة رهيبة من العضو المتطوع او المنتخب
انا اقترح اننا نقترح 3 اسماء ونعمل عليهم تصويت
يالا حضري الأباجورة اللي حنحطها في وجه العضو المسكين

معاذ رياض
15-07-2005, 04:48 AM
أنا أرشح أوشا لتكون أول واحدة.. مادام اللعبة عاجباها كده :-)

أم أحمد
16-07-2005, 12:41 AM
يخرب عقلك يا قمر الليل
ايه اللعبة القوية دي
فعلا محتاجة شجاعة رهيبة من العضو المتطوع او المنتخب
انا اقترح اننا نقترح 3 اسماء ونعمل عليهم تصويت
يالا حضري الأباجورة اللي حنحطها في وجه العضو المسكين



طيب كويس يا اوشا ان الموضوع عجبك
ايه رياك بقي نبدا بيكي انتي يلا شوفي كده وردي عليه

نادر فؤاد
16-07-2005, 01:02 AM
رائع الموضوع ده يا قمر
وانا كمان برشح اوووووشا

osha
16-07-2005, 01:06 AM
امري لله
بس حددوا عدد الأسئلةالكلي اولا

أم أحمد
16-07-2005, 01:07 AM
يلا يا اوشا الكرسي يناديكي
الكل بيرشحك اوشا اوشا اوشا عاوزين اوشا
اتفضلي بقي اجلسي علي الكرسي عشان نبدأ معكي التحقيق
ها قولتي ايه يلا ردي علينا بسرعة

أم أحمد
16-07-2005, 01:16 AM
امري لله
بس حددوا عدد الأسئلةالكلي اولا


طيب الحمد لله انك وافقتي
بس ايه حكاية تحديد عدد الاسئلة الكلي دي يعني قصدك كل عضو يسأل كام سؤال
طيب نقول كل عضو يسال في المرة 3 اسئلة مثلا ايه رايك كتير ولا نزود شوية؟
يلا يا جماعة عاوزين اسئلة بقي من اللي هي عشان خاطر اوشا وعاوزين كل المستخبي يبان

يلا بسم الله نبدأ

osha
16-07-2005, 01:18 AM
انت حتدبحيني شكلك طالما سميت عليا
حسبي الله
استعنا على الشقى بالله

أم أحمد
16-07-2005, 01:19 AM
رائع الموضوع ده يا قمر
وانا كمان برشح اوووووشا



كويس ان الموضوع عجبك ولو اني مش شايفة اقبال من باقي الاعضاء
بس تعالي هنا قولي مش انت كنت في السجن باين مش احنا كنا حابسينك هناك ايه اللي خرج منه ومين اللي خرجك *4*

لا نتكلم بجد بقي انت فين مش بتظهر ليه يا رب يكون المانع خير

نادر فؤاد
16-07-2005, 01:28 AM
لا نتكلم بجد بقي انت فين مش بتظهر ليه يا رب يكون المانع خير
يارب يخلكى يا قمر انا فعلا بقالى فتره مش منتظم فى المنتدى والسبب
مشاكل فى العمل مع خساره تحويشة العمر بس الحمد لله الصحه لسه موجوده
وربنا يعوض اللى فات.
يلا خلينا بقى فى الموضوع مين هيسال الاول

مظلوووم
16-07-2005, 01:30 AM
لعبه جميله جدا يا قمر وانا كمان بارشح اوشا
ههههههههههههههههههههههههههه
دى هاتتسال اسئله ههههههههههههه
اللى بعدوووووووا
انووووووووبيس

zizoYAzizo
16-07-2005, 01:33 AM
ياجماعه حقيقى زين ماخترتو مافيش غير اوشا الى تستحق الاستجواب علشان الخرزانه الى ماسكهالى فى المشاركات *39* ،،، دلوقتى هكون انا الناظر ياأوش أوش ياغاليا ههههههههههههههههههههههههههههههههه

وهتعدى على كرسى الاعتراف المشاركه دى تاكيد ترشيح اوشا

ورحله العصر اكيد قادمه *87* ههههههههههههههههههههههه*87*

















اوشا اوشا ياما بلاش اوشا اوشا ياما بلاش اوشا اوشا ياما بلاش

*118*







ههههههههههههه (اوشا الغاليه دائما ) صعبانه عليا قوى

*36*

أم أحمد
16-07-2005, 01:34 AM
يارب يخلكى يا قمر انا فعلا بقالى فتره مش منتظم فى المنتدى والسبب
مشاكل فى العمل مع خساره تحويشة العمر بس الحمد لله الصحه لسه موجوده
وربنا يعوض اللى فات.
يلا خلينا بقى فى الموضوع مين هيسال الاول



الحمد لله علي دوام الصحة ومعلش ربنا يعوض عليك في اللي خسرته وان شاء الله ربنا يرزقك الخير كله بس انت ما عليك سوي الرضا بما قسمه الله لك والصبر وان شاء الله تبدأ تاني واكيد ان شاء الله ربنا يوفقك


يلا بقي انا هاسيبك تبدأ انت الاسئلة ايه رايك عشان اوشا زمانها مترقبة الاسئلة دلوقتي وعمالة تحضر في الاجابات يلا بقي ايدها كام سؤال جامدين كده علي بال لما احضر لها شوية

sea_wolf
16-07-2005, 01:49 AM
انا الموضوع عجبنى بردو وارشح 3 اعضاء
اوشا .قمر اليل .............اوشا تانى
علشان تعرفى معزتك عندى يا ام محمد

نادر فؤاد
16-07-2005, 01:55 AM
ام محمد سؤالى لك سؤال بسيط جدا
ايه هو الحلم اللى انتى مقدرتيش تحققيه فى حياتك ؟
سؤال أخر
اية الموقف اللى دار فى حياتك وبسببه غير حياتك او جزء من حياتك ؟
تحياتتتتتتتى

أم أحمد
16-07-2005, 02:09 AM
طيب يا اوشا بقي انا مضطرة انزل ليكي شوية اسئلة ومعاهم كوبتين شاي عشان تمخمخي كده كويس
يلا خدي عندك عاوزة لما اصحي الصبح الاقيكي خلصتي الاسئلة عشان محضرة لك غيرهم ماشي يا جميل

بسم الله
- حكمة تؤمني بها كثيرا ؟

دولة تتمنى ان تسافري اليها ؟ ولماذا؟
- حددي أهم الأمور التي تقومي فيها وانتي في البيت؟
- ماهي احب المراحل الدراسية الى نفسك؟
- موقف محرج حدث لك في المدرسة؟
- ماهي أوقات النوم المفضلة لك؟


اسيبك بقي مع الاسئلة لغاية بكرة اصحي الصبح الاقي الاجابة عشان عندي كتير لسه اوي ماشي يا جميل

osha
16-07-2005, 02:22 AM
ام محمد سؤالى لك سؤال بسيط جدا
ايه هو الحلم اللى انتى مقدرتيش تحققيه فى حياتك ؟
سؤال أخر
اية الموقف اللى دار فى حياتك وبسببه غير حياتك او جزء من حياتك ؟
تحياتتتتتتتى

يابركة بسم الله
الحلم اللي كان نفسي احققه وماحصلش - اني اجيب عربية جولف - حلم حياتي وربنا يحققه لي في يوم من الأيام
الموقف اللي غير من مجرى حياتي حاجتين خلوني اغير حاجات كتيرة
الأولى : حادث سيارة كاد أن يودي بحياة ابني وقبل حياتنا رأسا على عقب والحمد لله على كل شئ - بس دا خلاني موسوسة على العيال اكثر من اللازم وبشكل مرضي
http://www.egyptsons.com/misr/showthread.php?t=32258&highlight=%C7%E1%D3%C8%CA
الموقف الثاني
وفاة أحد الزملاء في البنك اللي كنت اعمل فيه بشكل مفاجئ وفي مكتبه - دا خلاني أشعر أن الموت أقرب لي مما أتخيل
وكمان خلاني اعيد حساباتي تجاه ناس كثير

أم أحمد
16-07-2005, 02:26 AM
لعبه جميله جدا يا قمر وانا كمان بارشح اوشا
ههههههههههههههههههههههههههه
دى هاتتسال اسئله ههههههههههههه
اللى بعدوووووووا
انووووووووبيس



'طيب يلا بقي في انتظار الاسئلة الجامدة منكم

أم أحمد
16-07-2005, 02:29 AM
ياجماعه حقيقى زين ماخترتو مافيش غير اوشا الى تستحق الاستجواب علشان الخرزانه الى ماسكهالى فى المشاركات *39* ،،، دلوقتى هكون انا الناظر ياأوش أوش ياغاليا ههههههههههههههههههههههههههههههههه
وهتعدى على كرسى الاعتراف المشاركه دى تاكيد ترشيح اوشا
ورحله العصر اكيد قادمه *87* ههههههههههههههههههههههه*87*






طيب يلا يا حضرة الناظر حضر العصاية وتعالي باسئلة للست المديرة






اوشا اوشا ياما بلاش اوشا اوشا ياما بلاش اوشا اوشا ياما بلاش
*118*



ههههههههههههه (اوشا الغاليه دائما ) صعبانه عليا قوى
*36*



طيب يلا يا حضرة الناظر حضر العصاية وتعالي باسئلة للست المديرة

بس اتصدق اوشا معها حق انها تمسك لك القلم الاحمر الظاهر اني كمان هامسكهولك يا احمد *9*

أم أحمد
16-07-2005, 02:31 AM
أنا أرشح أوشا لتكون أول واحدة.. مادام اللعبة عاجباها كده :-)



اوكي ادينا رشحنا اوشا
اتفضل يلا بالاسئلة بتعاتك بس عاوزين اسئلة حلوة

osha
16-07-2005, 02:32 AM
الحكمة
ما لم يكن لك - لم يكن أبدا لك
الدولة
مكة والمدينة والسبب واضح طبعا

أمور البيت
محاولة تقييم سلوك اولادي
الجلوس على النت
الطبيخ والغسيل والذي منه
اما في مصر - كان الحديث في التليفون جزء لا يتجزأ من أمور البييييت

احب مرحلة - كانت الثانوي

موقف محرج كان في الجامعة - نمت من كتر ملل الدكتور وبعدين على صوته مرةواحدة - صحيت وقلت له بصوت عالي تؤتؤتؤتؤ - وبعدين اكتشفت اني في المدرج مش في البيت - بس الدكتور قالي وشاور لي اكمل نوووووووووووم

كل أوقات اليوم مناسبة جدا للنوم

اللي بعدووووووووووووووووووووووووووووووو

أم أحمد
16-07-2005, 02:34 AM
انا الموضوع عجبنى بردو وارشح 3 اعضاء
اوشا .قمر اليل .............اوشا تانى
علشان تعرفى معزتك عندى يا ام محمد



حلوة اوي ترشح 3 اوشا قمر اوشا
طيب ليه ما ترشح اوشا اوشا اوشا ليه قمر في النصف يعني
علي العموم عرفنا اد ايه بتعز اوشا يلا بقي ورينا المعزة دي في الاسئلة بتاعتك بس عاوزين اسئلة جامدة اوي تظهر المعزة اوي

sea_wolf
16-07-2005, 04:09 AM
*4* *4* *4* *4* *4*

معلش يا اختنا اوشا
دة مطلب جماهيرى وانتى عارفة مقدرش اتاخر
ايه هى احسن اكلة ابومحمد بيحبها وانتى مبتعرفيش تعمليها


من المعروف انك بتحبى الصيد
بس اه هو الموقف الى خلاكى تتمنى انك متكونيش بتحبية


قد سبق واعلن تقدم احد الاعضاء ومش عايز اقول على اسمو علشان كلو يشك فى بعضو للمصونة ابنتكم
فكيف سوف تمارسين عليه حقوق الحموات *9* *11*
وشكرا

osha
16-07-2005, 04:48 AM
ابومحمد بيحب السبانخ بالضبط زي امي ما بتعملها - وانا لا أحب السبانخ ولا ريحتها ولا طعهما ولا اسمها ولا اعدي من جنب المكان اللي هي فيه
وعشان كده لما جربت اعملها طلعت حاجة تانية خالص

بالنسبة لصيد السمك - الحقيقة كل مرة بتطلع سمكة فيها على قد ما بابقى مبسوطة على قد ما بتصعب عليا لما بتفضل تفرفر يا حرام - وكمان لما الخطاف بيعلق في فم السمكة ويفضل ابو محمد يقلب فيه يمين وشمال عشان يفكه والسمكة بتنزل دم - مسكينة

بالنسبة لحقوق الحموات - أنا حاكتفي مؤقتا بما ستفعله ابنتي فيه!!! دا كفاية جدا
اللي بعدوووووووووووووووووووووووووووووووووووو

zizoYAzizo
16-07-2005, 05:16 AM
بسم الله الرحمن الرحيم
انا عايز اسال سؤال واحد مباشر وصريح ههههههههههههههههههههه
تقصدى ايه بكلمه بهذه المقوله (أنا حاكتفي مؤقتا بما ستفعله ابنتي فيه!!! دا كفاية جدا ) *11*

هههههههههههههههههههههههه
*6*

osha
16-07-2005, 04:11 PM
بسم الله الرحمن الرحيم

انا عايز اسال سؤال واحد مباشر وصريح ههههههههههههههههههههه
تقصدى ايه بكلمه بهذه المقوله (أنا حاكتفي مؤقتا بما ستفعله ابنتي فيه!!! دا كفاية جدا ) *11*

هههههههههههههههههههههههه
*6*



*60* *60* *60*
*76* *76*
*87* *86* *112* *114* *141* :uff: :mad: :hop: :evil2: :evil2:

طريقكك مسدود مسدود مسدوووووووووووووووووووووووووووووووود
يا زيزو يا ولدي

عـزالديـن
16-07-2005, 04:34 PM
السلام عليكم ورحمة الله وبركاته

الأخت الفاضلة قمر الليل

بارك الله فيكى على الفكرة الجيدة وأشـكرك على سبقك بوضعها وطرحها

ربما يكون هناك ماهو مشابه لها بالمنتدى فى قاعة ( تحت دائرة الضوء )

ولكن الأمر هنا ربما يكون مختلف إلى حد ما حيث انه سيكون إختيار الشخصية منكم ويتم استجواب العضو الذى ستختارونه بأنفسكم على ان يكون هو نفسه موافق على الجلوس على هذا الكرسى

الرجاء إعادة صياغة الموضوع على ان يكون هناك موضوع منفصل مثبت بقاعة التعارف والتهانى أو فك التكشيرة خاص بكل عضو جديد يتم استجوابه من خلاله ويتم تكرار الموضوع كل اسبوع على ان يتم فك تثبيت الموضوع السابق وتثبيت الموضوع الجديد بإسم الضيف الجديد وعلى سبيل المثال يكون العنوان ( كرسى الإعتراف أو التعارف والضيف هو ....... ) وبهذا يكون هناك موضوع كامل لكل عضو بكافة الأسئلة الموجهة اليه والاجابات عليها
على أن يكون الضيف موافق مسبقاً على الجلوس على الكرسى واستقبال الأسئله والموافقة تتم عن طريق الرسائل الخاصة
لايزيد عدد الأسئلة الموجهة من احد الأعضاء عن خمسة أسئلة فى المشاركة الواحدة حتى تتاح الفرصة لباقى الأعضاء لسؤال الضيف
للعضو الضيف الحق فى تجاهل بعض الأسئلة التى قد يراها غير مناسبة للرد او لديه تحفظات عليها
الموضوع يكون خالى من مشاركات الشات بين المشتركين به وتكون جميع الأسئلة موجهة للضيف على كرسى الإعتراف فقط حتى لايتم افساد الموضوع وخروجه عن مساره
لايتم إستخدام الكرسى الكهربائى مع الضيف أو أى وسيلة أخرى من وسائل التعذيب
يكون رعاية هذا الموضوع وطرحه ( مع تكراره أسبوعياً مع كل ضيف جديد ) وإدارته من خلالك
إن كانت هناك ظروف تمنع من تواجدك خلال أى فترة يتم ابلاغ الإدارة أو مشرف القسم لطرحه خلال فترة غيابك

بإنتظار الموضوع بشكله الجديد وليكن أول ضيف يتم إستضافته هو نفسه الضيف الحالى
وتفضلوا هذا الكرسى هدية منى للموضوع

http://members.lycos.co.uk/egyptsons3/up/chair00.gif

ولكى منى وافر التحية والتقدير

سمسمة
17-07-2005, 01:48 AM
اوشا انا هسئلك سؤال الكترونى

انتى اللى عاملة التوقيع بتاعك ولا مين اللى عامله

اصلى نفسى اتعلم الفلاش اوى:d

osha
17-07-2005, 04:50 AM
ازيك يا سمسمة
لا والله مش أنا اللي عاملة التوقيع
انا مشاركتي في التوقيع توقفت عند تصوير اللقطة ورآها أحد أصدقائي الأعزاء جدا جدا وقام بعمل الفلاش على ذوقه
وان شاء الله يقرا ردي دا ويعرف اني أشكره بشدة على وقته ومجهوده في عمل هذا التوقيع الجميل

أم أحمد
17-07-2005, 03:10 PM
الاخ الفضل عز
اجد اقتراحك اقتراح جيد وان شاء الله نبدأ في تنفيذه بس انا شايفة انه مفيش اقبال من الاعضاء اوي علي الفكرة
ان شاء الله سوف انزل موضوع جديد وتكون اوشا هي اول عضوة فيه و يارب يلقي اقبال من بقية الاعضاء
بس كنت منتظرة اشوف راي بقية الاعضاء لكن ان شاء الله سوف انزل الموضوع الجديد ونشوف مدي التفاعل معه

سـلـوى
17-07-2005, 04:40 PM
فكرة جميلة جدااااااااااااااااااااااا
و انا مع كلام عز الدين
بالتفصيل

تسلم يا عز
و ان شاء الله الفكرة تلقى اقبال من الجمييييييييييع
تسلمى يا حبيبتى متالقة دائما*3* :)

zizoYAzizo
17-07-2005, 08:46 PM
بسم الله الرحمن الرحيم اختى الغاليه اوشا*21*

يلا جاوبيلى على السؤال ده ومش عايز ولا غلطه املائيه فى الكتابه هههههههههههه*39*

ايه الحلم الى كان نفسك تحققيه ولظروف او اى سبب ماتحققش ؟؟؟؟ ( الاقى غلطه واحده املائيه *39* )
هههههههههههههههههههه فى حفظ الله

ضابط شرطة
18-07-2005, 11:57 PM
يا سلام عليكم !!!!!!*9*
وحاجه حلوة اوي *9*
يعني كله ف الخباثة من غير لا حس ولا خبر*4*
ماشي...................*9*
يعني المفروض يبقى الكرسي ده على الاقل ف المكتب عندي ( مكتب المباحث ) ........ ولا ايه؟؟؟*9*
وبعدين أكون أول المستجوِِبين .........*9*
وبعدين اتنم ما معاكوش اذن من النيابة م الاساس علشان تاخدوا حبيبتنا الطيبة أوي أوشا .......
بس مادام هي موافقه على الموضوع ده يبقى خلاص هنخش معاكم
ياللا ،،
1- ليه انتي عايشه في ال الولايات المتحده اوف اميريكا ؟؟
2- معاكي شهادة ايه ؟؟؟
3- بتقعدي ع النت اد ايه ؟؟؟
4- نفسك ف ايه قبل ما ..........


تنامي كل يوم؟؟؟
انتي وشطارتك يا هانم

osha
19-07-2005, 04:01 AM
بسم الله الرحمن الرحيم اختى الغاليه اوشا*21*


يلا جاوبيلى على السؤال ده ومش عايز ولا غلطه املائيه فى الكتابه هههههههههههه*39*

ايه الحلم الى كان نفسك تحققيه ولظروف او اى سبب ماتحققش ؟؟؟؟ ( الاقى غلطه واحده املائيه *39* )


هههههههههههههههههههه فى حفظ الله



زيزو يا مملكة
انا رديت على السؤال دا قبل كده - وقلت ان كان نفسي وما زال نفسي اجيب عربية جولف - حاموت عليها - دعواتكم معايا ربنا يسهلها واجيبها قريب
"أظن ولا غلطة إن شاء الله "

osha
19-07-2005, 04:04 AM
يا سلام عليكم !!!!!!*9*
وحاجه حلوة اوي *9*
يعني كله ف الخباثة من غير لا حس ولا خبر*4*
ماشي...................*9*
يعني المفروض يبقى الكرسي ده على الاقل ف المكتب عندي ( مكتب المباحث ) ........ ولا ايه؟؟؟*9*
وبعدين أكون أول المستجوِِبين .........*9*
وبعدين اتنم ما معاكوش اذن من النيابة م الاساس علشان تاخدوا حبيبتنا الطيبة أوي أوشا .......
بس مادام هي موافقه على الموضوع ده يبقى خلاص هنخش معاكم
ياللا ،،
1- ليه انتي عايشه في ال الولايات المتحده اوف اميريكا ؟؟
2- معاكي شهادة ايه ؟؟؟
3- بتقعدي ع النت اد ايه ؟؟؟
4- نفسك ف ايه قبل ما ..........


تنامي كل يوم؟؟؟
انتي وشطارتك يا هانم

طبعا كل ده حصل عشان عيون العدالة كانت نايمة
حضراتهم يعملوا فيا دا كله من غير اذن نيابة !! وحضرتك ولا هنا
ما علينا
عايشة في امريكا عشان زوجي يعمل هنا
وانا معايا ليسانس آداب - قسم علم نفس - جامعة عين شمس
باقعد على النت كثير اوي - مش عارفة قد ايه
وقبل ما انام بيبقى نفسي مايكونش حد زعل مني
اللي بعده

sea_wolf
19-07-2005, 04:34 AM
خايف اشارك يجى يوم واقعد مكانك اعمل ايه ؟؟؟؟؟؟؟؟؟

ضابط شرطة
20-07-2005, 12:26 AM
طبعا كل ده حصل عشان عيون العدالة كانت نايمة
حضراتهم يعملوا فيا دا كله من غير اذن نيابة !! وحضرتك ولا هنا
ما علينا
عايشة في امريكا عشان زوجي يعمل هنا
وانا معايا ليسانس آداب - قسم علم نفس - جامعة عين شمس
باقعد على النت كثير اوي - مش عارفة قد ايه
وقبل ما انام بيبقى نفسي مايكونش حد زعل مني
اللي بعده
اولا كل ده حصل علشان كنت في الراحه بتاعتي :d وعيون العدالة عمرها ما نامت
وبعدين حضرتك معاكي الموبايل بتاعي لوكنتي رنيتي كنت عملتلك حاجه

سلميلي كتييييييير على جوزك اللي احسن الاختيار
ومبروك على الليسانس (متأأخرة شوية)
وحاولي تقللي من النت علشان الصحه تبقى تمام

شكرا على الاجابات يا اوشا هانم

أم أحمد
20-07-2005, 03:44 PM
اوشا الغالية الحبيبة

باشكرك جدا علي تقبل الجلوس علي الكرسي واشكرك علي سعة صدرك لتقبل الاسئلة والرد عليها بارك الله فيكي وفي اولادك
وباقولك الحمد لله فترة جلوسك انتهت خدي نفسك بقي مفيش اسئلة تاني انتي بقي يلا تعالي علي اللينك ده واهري ابن البد اسئلة
http://www.egyptsons.com/misr/showthread.php?p=349619#post349619