المساعد الشخصي الرقمي

مشاهدة النسخة كاملة : للنساء فقط . . . أسئلة نسائية جداااااااااااً



إسلام شمس الدين
05-01-2003, 02:37 PM
· لماذا خُلقت المرأة بكل هذا الجمال ؟
لكي يحبها الرجل .

· و لماذا خُلقت بكل هذا الغباء ؟
لكي تحب الرجل .

· متى يطلب الرجل من زوجته تناول العشاء في ضوء الشموع ؟
لما الكهربا تنقطع .

· لماذا لا يحسن الرجال التعبير عن أحاسيسهم ؟
يا باي . . و هم دول عندهم أحاسيس .

· كيف يمكنك التمييز بين هدايا الزوج الودية ، وهداياه لما يكون عامل عملة ؟
الهدايا بتبقى أغلى كتير في الحالة التانية .

· ما هو مفهوم الرجل لتقسيم الأعمال المنزلية مناصفةً ؟
الزوجة تطبخ وهو يأكل ، الزوجة تكوي الهدوم و هو يكرمشها ، الزوجة تنظف البيت و هو يزروط .

· كيف يعتبر الرجل نفسه متعاوناً في الأعمال المنزلية ؟
بأن يرفع رجليه من على الأرض لتكنس الزوجة تحتهما .

· ما وجه الشبه بين الرجل و إعلانات التلفزيون ؟
ما فيش واحدة عاقلة تصدق ده و لا ده .

· ما وجه الشبه بين الرجل و الطقس ؟
لا يمكن تغيير أي منهم للأفضل .

· ما وجه الشبه بين الرجل و الشهادة الكبيرة ؟
بتضيعي سنين من عمرك عشان تحصلي عليها ، وبعدين تلاقي نفسك مش عارفة تعملي بيها ايه .

· مالفرق بين رجل في الأربعين من عمره ، وإمرأة في نفس السن ؟
المرأة تتمنى أن تنجب طفلاً صغيراً لتثبت أنها لا زالت شابة . .
بينما الرجل يحاول الزواج من طفلة صغيرة . . لنفس السبب .

· كيف يمارس الرجل الرياضة على شاطئ البحر ؟
يشفط كرشه كلما مرت أمامه فتاة بالمايوه .

· ما هو الرقم الذي يذكره الرجل بدقة عندما يذهب إلى شاطئ البحر مع زوجته ؟
كام واحدة على البلاج لابسة مايوه .

· متى يتذكر الرجل أن المرأة تفتقر إلى التفكير المنطقي ؟
عندما تختلف معه في الرأي .

· كيف يمكن للمرأة أن تقتل رغبة رجل بصباص في جسدها ؟
بأن تتزوجه .

· تلاقي فين الرجل اللي ما يبصش لواحدة تانية غير مراته ؟
في القرافة .

· كيف يمكن للفتاة اكتشاف روعة الحياة بدون الزواج ؟
بأن تتزوج .






منقول من موقع نكت دوت كوم

milly
05-01-2003, 03:06 PM
عاش شمس الدين عاش عاش عاش :D:D:D

يا نصير الضعفاء يا انت :D

mariam
05-01-2003, 03:35 PM
رهيب انت يا شمس ........رهيب
هاهاهاهاهاهاهاهاهاهاها................. هاهاهاهاهاهاهاهاهاها.
:7: :p :7:

أشجان الليل
06-01-2003, 01:46 AM
شمس.....
بعد كده هاتطلع مسيره نسائيه من المنتدى تهتف باسمك:D





أول مره أشوف راجل يقول كده...
وده دليل على إنك شخص حكيـــــــــــــــــم وعـــــــــــــــــــــــــــادل وإنك بتقدر المرأه التقدير السليــــــــــــــــــــم..








((قول بصراحه..إنت كاتب الإعتراف ده تحت ضغط ما..؟ أى اعترف يكتب تحت التهديد لا يعترف بيه...للأسف...مش هانقدر نفرح كتير :(:(:())






أختك أشجان الليل

Proud_Muslimah
06-01-2003, 04:32 PM
salamo alayekom we rahmatolah:)
akhi shams al deen:)ma3lesh ana msh metgaweza bs maftekershy eni mewaf2a 3ala kalamak:mad:
we besara7a?shayfa en elregala homa eli mazlomen:D

· ما وجه الشبه بين الرجل و الطقس ؟
لا يمكن تغيير أي منهم للأفضل .
wel noqta deh?mawgoda fel set aktar i think :cool:
sam7oni ya banat bas el7a2 lazem yet2al:p

happylife
06-01-2003, 10:07 PM
:rolleyes:الله يخليلنا ياك يا شمس الدين
يا هيك الشباب يا بلا..........بس بدي اعرف شو راي اخواننا الشباب بالموضوع اكيد نصفهم رح يعمل كده:6:
و يا proud_muslimah ليش عملتي هيك والله الستات مظلومين:rolleyes: وفينا نغيير الست للاحسن هيدا اذا كان الرجال منيح معها.:3:

Proud_Muslimah
06-01-2003, 10:33 PM
happylife :p
wel set eli bedha tezlem? tet7awal ela hitler :D
wel rajel?momken yetghayar be kelma tayba mn elset:) we eshway 7eneya:rolleyes:

milly
06-01-2003, 10:38 PM
ليه هيك بس يا happylife هالاء بدو يصير مظاهرة في المنتدي من قبل اخواننا الرجال :D:D

happylife نورتي المنتدى بدنا نشوف دائما مشاركاتك :)





:7::7::7:

:111:

heba
06-01-2003, 10:50 PM
بسم الله الرحمن الرحيم
انت فنان شامل و متنوع الأفكار يا شمس هذه ميزه جميله تسلم ايديك 0
ولكنى متأكده بكره حتنقل مضاد لها علشان الرجاله ما يعملوش ثوره ضدك0
نقل جميل يا شمس0

happylife
06-01-2003, 11:19 PM
:3::3: عزيزتي milly شكرا عترحيبك:7:
واذا اخواننا الرجال بدهم يعملوا مظاهرة:D انو نحنا شو عمنعمل؟؟؟؟؟؟ منعمل مظاهرة مضادة و اكيد رح نكسحهم:3::3:
ما تاخذوني اخواني الرجالة........بس مش هيدا يللي عمبيصير بهيدي الايام؟؟؟:D:D:D

milly
07-01-2003, 10:49 AM
منكسحهم ونص :D:D:4::4:

ابن البلد
07-01-2003, 11:44 AM
شمس الدين
ههههههههههههه

أنا موت من الضحك يا بني
ههههههههههههههههههههههههههههههههههههههههكعكعكعكعكع كعكعكركركركركركركركركركركركركرهههههههههههههههههههه ههههههه

UNKNOWN
07-01-2003, 11:47 AM
:)لن أنسي لك هذا الموقف يا شمس !!!!!
:6:
كيف تجرؤ علي نقل مثل هذه الأراء الصحيحة ....أقصد العارية من الصحة:mad:

Proud_Muslimah

أحييك و أحب أقولك لو فكرتي في الزواج قوليلي فيه عرسان واقفين طوابير .. أحييك علي الموقف المساند للجنس الضعيف في هذا الزمان

angel
08-01-2003, 09:09 AM
حرام عليك يا شمس.

طب والله هم مظلومين قوي الأيام دي.
انت مش بتقرأيوميات زوج.............

شوف يا شمس انا حأعترفلك اعتراف خطير بس والنبي ما تقولش لحد أحسن ييجو يموتني ضرب :احنا اللي مفتريات والرجالة دول مظاليم, وياما في السجن مظاليم:D
بس برضه هم اللي بيجروا على السجن ده برجليهم وبتلاقيهم مبسوطين قوي قوي وهم داخلين.
يبقى احنا بقى ما لناش ذنب ;)


صح الكلام؟؟؟:3:

saroo02
08-01-2003, 10:53 AM
حسبنا الله ونعم الوكيل فيك يا شمس الدين
بس لعلمك الكلام دي عجبني اوي وضحكني اوي وخصوصا الراجل إلي بيلعب رياضة لانهم بيغظوني اوي علي البلاج لان شكلهم عار :mad::mad::mad:

إسلام شمس الدين
08-01-2003, 06:37 PM
ايه ده ؟ هو انا كنت فين ؟

آه صحيح كنت مستخبي في الدرة من الرجالة

عموماً طالما فيه تأييد نسائي بالشكل ده . . يبقى اطلع بقى و ما أخفش من حاجة . .

و يبقى تفكيري كان في محله الانحياز للجانب الأقوى هو أسلم طريقة . . أصل الرجالة دول غلابة لكن الستات ما شاء الله مفتريين واللي يقف قدامهم يضيع ، لكن الرجالة هيعملوا ايه يا عيني . . كبيرهم حيشجبوا و ينددوا و يستنكروا . . و يزعقوا شوية و بعدين خلاص .

نصيحتي للرجالة : لموا بعضكوا و اطلعوا على مجلس الشعب يمكن تاخدوا حقوقكوا

angel
08-01-2003, 06:56 PM
حقوق ايه يا أستاذ شمس ؟؟

هو انت فاكر ان قدام جبروت النساء حد له حقوق يطالب فيها؟:3:

يعني ما تحاولش تصلح موقفك انت مدعوم من كل فتيات المنتدى وما حدش حيقربلك واالي حيحاول حنحاربه .
:27:

:53:

:94:

:101:

البنهاوي
08-01-2003, 09:14 PM
هههههههههههههههههههههههههههههههههههههههههههههههههه هههههههه

تسلم ايدك شموس بس اكيد انت مش متجوز وبكرة هتقول

(غلطة ندمان عليها):20: :130: :72: :72:

mogah
08-01-2003, 09:36 PM
لأ لأ يا أخ شمس أنت كدا بتظلم الرجاله خالص
أنا شخصيا جوزي راجل عاتفي و متعاون جدا
و حديك مثل في عيد جوازنا السنه دي ( العيد ال 14 ) سألته يا ترى يا حبيبي ح تفضل تحبني بعد ما شعري
يشيب و يبيّض
فرد عليا بمنهى الرومانسيه اللي في الدنيا و قاللي بصوت حنون " يا حياتي _خد بالك من حياتي دي _ على ما شعرك يشيب أنا نظري ح يكون راح و مش ح شوفه ف حافضل احبك برضه " :cool: و راح في سابع نومه:4:
بذمتكوا مش عاتفي :confused:
أما عن التعاون فحدث و لا حرج مثال آخر واحده اتعرفت عليها في النادي عرفت انهم بيقابلوا بعض لما سألته قاللي اصلك مشغوله اليومين دول و مش قادره تخرجي معاها قلت أخرج أنا
تعيش الرجاله ... تا ... تعيش

saroo02
09-01-2003, 09:14 AM
أختي الغالية mogah أكيد مش كل الرجالة متعونين بالطريقة دي دي إنت في نعمة تتحسدي عليها متقليش لحد خالص علي الحجات دي :p

يا جماعة الرجالة والله طيبين وكويسين أكيد في رجالة كدة واكيد بردة ستات كويسين في كل نوع الحلو الوحش

إسلام شمس الدين
09-01-2003, 02:35 PM
أنا واثق من ده يا angel
وعارف ان ورايا . . . رجالة

-----------------------

و من غير ما اتجوز باقلها برضه يا عم البنهاوي
أصل انا عقبال عندك . . مبطل الصنف كله

----------------------

عندك حق يا ست mogah
فعلاً راجل عاتفي جداً و كفاية انه راح في سابع نومة ، لأن في رجالة تانية بتروح في عاشر نومة
و كمان كتر خيره انه بيقوم بدالك بالواجبات الاجتماعية مع صحباتك ، لأن في غيره بيقوم بيها مع صحباتك و كمان مع صحباتهم
الراجل اللي زي ده ما يتعوضش اوعي تفرطي فيه

--------------------------

ايه ياعم سارو ؟
انت جاي تشحت على الرجالة ولا ايه . . مش كده يا عم
و بعدين احنا ما قلناش حاجة هم فعلا غلابة و طيبين
بس ده يا عمنا زمن البقاء للأقوى
و طالما الستات هم الأقوى
يبقى . .
فلتحيا الستات

peace
09-01-2003, 05:10 PM
جميلة فعلا
وخصوصا امتى الواحد يكتشف روعة قبل الزواج

إسلام شمس الدين
09-01-2003, 08:32 PM
العزيزة PEACE

مفتقدين مشاركاتك الجميلة في المنتدى

ربنا يوفقك ان شاء الله

شكراً للمشاركة ، وسعيد ان الموضوع عجبك

saroo02
12-01-2003, 10:35 AM
ماشي يا عم خلينا مع الاقوي لما نشوف هيودونا فين :D:D

إسلام شمس الدين
06-02-2003, 06:45 AM
هم لسه حيودونا يا سارو ؟ ؟

انت عايز تروح فين تاني بعد كده ؟؟

saroo02
06-02-2003, 11:30 AM
لا يا عم انا ولا فية واحدة بتوديني ولا بتجبني لسة صغر علي التحكمات دي :D:D:D:D

ana3sola
06-02-2003, 11:46 AM
بكرة تقع يا منصو ولا حد يسمى عليك:145:
وتقول ياريت اللى جرى ماكان
هههههههههههههههههههههههههه
كلكم بتقولوا كدة فى الاول بس
دة فصر ذيل :123:
ههههههههههههههههههههههههههه:
:166:

saroo02
06-02-2003, 03:08 PM
أه ما انا عارف كلنا لها والمشكلة إني بدور علي إلي تتحكم فيا بس تكون بتتكلم في كليك جولد ههههههههههههههههههههههههههههه

علشان تتحكم فيا علي كفها ههههههههههههههههه:D:D:D

إسلام شمس الدين
16-03-2003, 01:58 AM
عسولة . .

عندك حق . . كله بيقع في الآخر
بس بيسموا عليه . .
عشان يبقى ( شرعي ) :D


-------------

سارو . .

طيب دورلي على واحدة معاك الله يخليك :D



تحياتي للجميع

بنت النيل
16-03-2003, 02:29 AM
كاتب الرسالة الأصلية : شمس الدين


ايه ده ؟ هو انا كنت فين ؟

آه صحيح كنت مستخبي في الدرة من الرجالة

عموماً طالما فيه تأييد نسائي بالشكل ده . . يبقى اطلع بقى و ما أخفش من حاجة . .

و يبقى تفكيري كان في محله الانحياز للجانب الأقوى هو أسلم طريقة . . أصل الرجالة دول غلابة لكن الستات ما شاء الله مفتريين واللي يقف قدامهم يضيع ، لكن الرجالة هيعملوا ايه يا عيني . . كبيرهم حيشجبوا و ينددوا و يستنكروا . . و يزعقوا شوية و بعدين خلاص .

نصيحتي للرجالة : لموا بعضكوا و اطلعوا على مجلس الشعب يمكن تاخدوا حقوقكوا




كده ظهرت دوافعك ياشمس الدين لنشرك هذه النوعية من الموضوعات :3::3:

يعني بتضحك علينا ياشمس وعامل تكتيك تشتغل فيه طيبة قلبنا علشان ندعمك ضد رجال المنتدى

ده بعدك :1:

ح نسيبهم يقطعوك

انت فاكرنا ينضحك علينا بكلمتين

وانا قلت في عقل بالي ايه اللى جري لشمس الدين زعيم المتمردين وخلاه ينقل الكلام ده

اتاريك صاحب اطماع وعايز تحظى بتأييدنا :D

كل شيج انكشفن وبان ياشمس

ماتحاولش

سلم نفسك
المنتدى كله محاصر

:3::3::3:

ايجيبشيانى
16-03-2003, 02:36 AM
بسم الله الرحمن الرحيم

ايه الحكايه يا شمس مين اللى زقك علينا ؟؟

هو احنا ناقصين ............. كان لازم يعنى تفكرنا بحالنا ............ ما إحنا كنا

حلوين ياعم .

لكن معلش ..الايام دول ... يوم ليك ويوم عليك ..... ومسير اليوم اللى ناخد حقنا

فيه من الجنس اللطيف ( سابقا ) ييجى ان شاء الله .





وبشكر الاخت proud_muslimah والاخت angel على صراحتهم ........ ووقوفهم جنب الجنس الضعيف .

أشجان الليل
16-03-2003, 03:07 AM
:confused:


إيه ده؟؟


هو مين ده؟؟

واضح إن حضرتك لسه ماتعالجتش....

ليه تهرب من المستشفى قبل ماتنهي علاجك؟؟
أنت مش عارف إن ده ممكن يعرضك للتعبئة؟؟




في أكياس سوووودا
مش معقمة:D

ايجيبشيانى
16-03-2003, 03:46 AM
:133: :133: :133:

:133: :133: :133:

هو مين ده .......؟؟؟؟؟؟

انسى ........................... دا احنا .. احنا .. اللى اتنحنحنا.... ولا حد قال احنا .

قال مستشفى قال ... :D

:113: :113:

أشجان الليل
17-03-2003, 12:29 AM
لالالا

أنت أكيد مش في وعيك:3:

ايجيبشيانى
17-03-2003, 01:18 AM
وهو فى حد الزمن ده فى وعيه .......

مش كده برده ...؟

بس برده ...... :11: :11: :11:

أشجان الليل
17-03-2003, 01:22 AM
:confused:

مش فاهمه .. بس برضه إيه؟؟;)

مصر على إنك انت اللى تغسل الصحون وتمسح الأرضيات.. وتلمع الخشب؟؟

ايجيبشيانى
17-03-2003, 01:34 AM
المهم انها شغلانه شريفه ... :D

أشجان الليل
20-03-2003, 12:13 AM
:D

إسلام شمس الدين
30-03-2003, 12:07 PM
ايجيبشياني و أشجان الليل . .

هو في ايه بالضبط ؟

انا مش كنت خلصت من الموضوع دا ، انتوا لازم تفتحوه وتجيبولي الكلام تاني ؟

ربنا يستر

تحياتي


Photo Gallery