المساعد الشخصي الرقمي

مشاهدة النسخة كاملة : انت متخيل شكلو ازاي؟؟؟



الصفحات : [1] 2 3

مذهلة
26-06-2005, 08:54 PM
مرحبتين حبايب قلبي...

كل ما اقرأموضوع اتخيل الشخص اللي كاتبه..

مثلا نونا اتخيلها حجمها صغنون و شعرها بني قصير وعاملة هايلايت...*37*

أسيرة الصبر.. اتخيلها طويلة وشعرها اسود طويل.. و مركبة تقويم.... *108*

حسام عمر اتخيله طويل و نحيف و اشقر...:mazika3:

بحر الأسكندرية.. كلبوظ و شعره سبايكي و بنظارات... *45*

محدش يضرب و النبي.....*36*

تحياتي...*8*

نادر فؤاد
27-06-2005, 12:22 AM
مرحبتين حبايب قلبي...

كل ما اقرأموضوع اتخيل الشخص اللي كاتبه..

مثلا نونا اتخيلها حجمها صغنون و شعرها بني قصير وعاملة هايلايت...*37*

أسيرة الصبر.. اتخيلها طويلة وشعرها اسود طويل.. و مركبة تقويم.... *108*

حسام عمر اتخيله طويل و نحيف و اشقر...:mazika3:

بحر الأسكندرية.. كلبوظ و شعره سبايكي و بنظارات... *45*

محدش يضرب و النبي.....*36*

تحياتي...*8*

بجد حلو الموضوع ده
يا سلام لو كل واحد يتخيل شكل اى عضو...... ده تبقى حكايه بجد
بس المهام ما يكونش فى زعل.
تحياتى

مذهلة
27-06-2005, 05:12 PM
شكرا اخ نادر..
انا كمان اتمنى محدش يزعل.. و اتمنى كامن محدش يخرج عن حدود المعقول (الأحتمال ده بعيد لأن لحد الان انا شايفة الأعضاء جميعهم زي العسل)
تحياتي...

ضابط شرطة
28-06-2005, 12:32 AM
أنا متخيلك قمر يا مذهلة و اهلا بيك معانا في ابناء مصر

sea_wolf
28-06-2005, 01:16 AM
الحمد لله محدش متخيلنى
ويا اخت مزهلة لازم نتخيل اشكال بعض لاننا بنتفاعل مع بعض

حنـــــان
29-06-2005, 03:53 AM
مثلا نونا اتخيلها حجمها صغنون و شعرها بني قصير وعاملة هايلايت...

أول مرة أشوف الموضوع ده!
انتي صح في الجزء التاني! أنا فعلا شعري بني قصير وعاملة هايلايت!! واااوو عرفتي ازاي؟ *4*
بس بقى أنا مش صغنون... أنا طولي (168) سم! ووزني (احم احم مالكومش دعوة) كجم :d

مافيش زعل يا ستي شكرا عالموضوع الظريف وأهلا بيكي في المنتدى نورتي

مظلوووم
29-06-2005, 04:48 AM
الموضوع دا متكرر بس بطريقه تانيه
كان اسمه انت شبه مين من الممثلين
وبرضوا موضوع تخيل العضو اللى بعدك
بس برضوا نقولك موضوع جميل يا مذهله واهلا بيكى معانا
وبانتظار باقى المشاركات
ويجعلوا عاااااااااامر
نوووووووووبيس

farawlaia
29-06-2005, 11:00 AM
انا يمكن عشان ما بدخلش المنتدى غير بسيط وكل ما بدخل بلاقي اعضاء غير المرة الي فاتت فمش قادرة اتخيل
حد يقدر يتخيل شكلي؟

مذهلة
29-06-2005, 05:40 PM
ضابط شرطة, Sea_Wolf ، Noona ، مظلوم و farawlaia ....
شكرا حبايب قلبي على ذوقكم... و مشاركتكم...
و أنا اسفة لو كان الموضوع مكرر..
انشاءالله المرة الجاية يكون موضوعي جديد...
تحياتي....*4*

سمسمة
29-06-2005, 05:43 PM
وانا متخيلاكى ازازة برفان من عبد الخالق سعيد

مذهلة:d

مذهلة
29-06-2005, 05:48 PM
ازازة برفان ههههههههه
متخيلتش حد هيكتب كدة
انتي عسل ياسمسمة :)

نادر فؤاد
30-06-2005, 01:20 AM
حسام عمر اتخيله طويل و نحيف و اشقر...:mazika3:



انا فعلا متخيل الاخ العزيز حسام طويل وجسمه جسم رياضى واسمر البشرة
مع كل حبى وتقديرى للاخ حسام عمر



أسيرة الصبر.. اتخيلها طويلة وشعرها اسود طويل.. و مركبة تقويم.... *108*


اما الاخت العزيزه اسيرة الصبر
هى فى خيالى قصيره يعنى مش اكترمن 160 سم
وشقراء البشرة والشعر اسود
والوزن مش اكتر من 60 الى 65 ك

اما انتى اختى العزيزه مذهله
محتاج فترة بسيطه عشان احاول اتخيلك
ولى رجعه تانيه مع هذا الموضوع الجميل
ونرجو من الجميع المشاركه

تحياتى الى الجميع*8* *8*

مذهلة
30-06-2005, 05:14 PM
وتحياتي لك أخ نادر....
و يسلمووووو على المشاركة....

*128*

ابن البلد
30-06-2005, 05:56 PM
أنا لمحت موضوع زي ده من قبل :)

وعلي رأي سمسمة أنا متخيلك أزازة كلونيا خمس خمسات :d من عبد الخالق سعيد :d
علي mbc

osha
01-07-2005, 01:46 AM
نونا - انا كمان 168 سم - هو احنا مش حنخلص من القصة دي???
بسنت متوسطة الطول محجبة - بيضاء وجه مستدير وانف مستقيم قوقازي
احمد ناصر 175 سم - ممتلئ قليلا بسبب توقف عن ممارسة الرياضة - خمري

نونا - شبهي هي هي هي هي

اسيرة - ممشوقة القوام شعر اسود طويل

قمر الليل - شكل دعاء صاحبتي !!!اصل دعاء ليها اخت في هولندا عشان كده بافتكرها

مشمش 168 سم وزنها معقول - شعر مائل للحمرة - وجه ابيض مشرب بحمرة

سالي طويلة - شعر ليس قصير ولا طويل - عينين واسعتين ورموش طويلة شفايف رفيعة رمز الاصرار والتحدي
سمسمة برضه بس مش طويلة زي سالي ولكن لها انف مستقيم زي انف بسنت

مش عاوزة حد يزعل مني يا جماعة

مظلوووم
01-07-2005, 02:00 AM
هههههههههههههههههه
اللى ما حد دخل ووصف وقال مظلووووووووم ههههههههههه
لا ما تخافوش انا وسيم جدا هههههههه
يالا مستنيين نشوف اوصاف باقى الاعضاء
اللى بعدووووا
انووووووووبيس

osha
01-07-2005, 02:05 AM
هو انا نسيت مظلومنا كلنا

ماشي
الطول 175-180
شعر اسود - ليس حليق الوجه دائما
اسمر
اصابع يده طويلة زي لاعبي البيانو
انف كبير مستقيم
ضاحك دائما
قوي البنية

مظلوووم
01-07-2005, 02:50 AM
يا سبحانك يا رب
هههههههههههههههههههههه
زى ما يكون شايفانى بالظبط
بس انا انفى محدب شويه هههههههه يمكن علشان الكسر اللى فيه
ربنا يخليكى يا اوشا
وانا باتخيلك طولك متوسط
ومتوسطه الوزن ايضا
بيضاء واسعه العينين
خفه الدم طبعا واضحه وذات ابتسامه جميله
وكفايه كدا احسن تقولى بيغازل ههههههههههههههه
اللى بعدووووا
انووووووووبيس

حنـــــان
01-07-2005, 07:41 AM
يابني انت مش حطيت صورتك وشفناك خلاص! *14*

أوشا انتي شوفتي صورتي وانتهى الأمر... شبهك منين بقى... مارلين يا جماعة مارليييييييين :d
وبتطلي تقليد بقى... حنى في الطول؟ *14*

osha
01-07-2005, 08:16 AM
يابنتي انا اكبر منك بسنة واحدة(شوفي الكدب بأه) يعني انتي اللي بتقلديني....امشي روحي خدي 2 سم من فوق - او فكي التنية بتاعتك - المهم ماتبقيش زيي

وبعدين انت تطولي تبقى شبهي
انا اسمي الكامل
رشا زيتا جونز!!!

مظلوم ..فين صورتك دي اللي انت حطيتها - انا ماشفتهاش

مظلوووم
01-07-2005, 11:03 AM
هههههههههههههههههههههه
كانت فى موضوع زى ده
اسمه قولى انت شبه مين من الممثلين
وكان موضوعى ان الناس بتقولى انى شبه شوبير
وحطيت صورتى كدليل
والست نونا بتقولى لا انت مش شبهه هههههههههههههههههه
قولتلها عوامل التعريه هي السبب وكدا ههههههههههههههه
واللى حط صورهم انا وعبدو وهشام وتوت حط فيديو
يعنى كان موضوع لذيذ وما اععرفش لسه موجود ولا لا
هابقى اشوفوه كدا وارجعلكم
ويجعلوا عااااااااااااامر
انوووووووووبيس

darkspirt
01-07-2005, 11:26 AM
هههههههه حلو الموضوع ده
وهرجع تاني

وردة فلسطين
01-07-2005, 04:25 PM
اول مرة اشوف الموضوع

با يين عليه حلو جدا

نقول الواد المجنون: مش طويل ورفيع جدا، شعره بني بسرحه واقف مثل القنفد بيستعمل جيل، انيق بنظارة...

زيزو: طويل ونحيف مع لحية نص وجه

شعاع: شعر قصير قمحية عيون ملونة
\




تحياتي لكم

ولي عودة

مذهلة
01-07-2005, 07:06 PM
أحلىىىىىىىىىىىىىىىىىىىىىى...

كان أوصاف يا كامل الأوصاف....
أشكر جميع من سجل تعليقه...
حبايب قلبي والله....*3*

مظلوووم
02-07-2005, 01:55 AM
ربنا يخليكى يا مذهله
وعايزين نشوفك فى باقى القاعات
ويجعلوا عاااااااااامر
انووووووووبيس

حنـــــان
02-07-2005, 01:58 AM
رشا زيتا جونز!!!



:d :d :d :d :d

مذهلة
02-07-2005, 11:43 AM
شكرا للجميع... يسلمو حبايب القلب..
مظلووووووووووووووووووووووووووووووووووووووووووووووو وووم معلهش بس أنا متخيلاك شبه ده
7
7
7
7
7
7
7
7
7
http://www.lonvig.dk/male-sofus-sorry.jpg

مظلوووم
02-07-2005, 11:50 AM
ههههههههههههههههههههههههههههه
بقى كدا يا مذهله
ههههههههههههههههه
ماشى يا ستى بس ما تزعليش هههههههههههه
انتى اللى بداتى اهوه
اشهدوا يا ناااااس هيا اللى بدات وسرقت صورتى من على جهازى
ماااااااشى يا مذهله بس افتكريها هههههههه
اللى بعدووووووووا
انووووووووووبيس

مذهلة
02-07-2005, 11:55 AM
ربنا يستر....
هههههههههههههههههههههههههههههههههههههههههههههههههه هههههههههههههههههههه
*78* شايفني غلبانة ازاي

مظلوووم
02-07-2005, 11:58 AM
اه فعلا واضح انك غلبانه خالص ههههههههههههههه
هههههههههههههه اضحكى براحتك اضحكى
مانتى لو شفتينى فى الحقيقه مش هاتبقى مذهله هههههههههههههه
هاتبقى نادمه جدااااااااااا ههههههههههههه
يالا عايزين صور باقى الاعضاء
اللى بعدووووووووا
انووووووووبيس

مذهلة
02-07-2005, 12:03 PM
تفتكروا ممكن كم واحد يطفش من المنتدى لو حطيت صورتي؟؟؟؟؟؟؟؟؟؟؟؟؟؟؟؟؟؟

مظلوووم
02-07-2005, 12:13 PM
ههههههههههههههههههههههههههههههه
للدرجه دى هههههههههههههه
بس على فكره انا ما باصدقش هههههههههههه
بصى يا ستى حطيها انتى بس
وانا هاقعد اعد عدد الطفشانين ههههههههههههه
اللى بعدووووووا
انووووووووبيس

مذهلة
02-07-2005, 12:26 PM
شوفو يا جماعة.... أنا انذرتكو... و قد اعذر من انذر..
مليش دعوة لو المنتدى قفل... مظلووووم يتحمل المسؤلية كاملة...
ماشي.....
جالك الموت يا تارك الصلاة
7
7
7
7
7
7
7
7
7
7
7
7
كمان شوية
7
7
7
7
7
بس stop هنا


http://www.worth1000.com/entries/57000/57299TyCX_w.jpg

مظلوووم
02-07-2005, 02:14 PM
هههههههههههههههههههههههههههههههه
الصوره مش باينه يا مذهله
مش عارف دا من حسن حظنا ولا العكس ههههههههههههه
بهرج معاكى اوعى تزعلى انا باحب اغشمر شويه هههههههههههه
اللى بعدوووووووووا
انووووووووووووبيس

osha
03-07-2005, 05:13 AM
مظلوم انت تحفة ..لأ انت متحف بحاله ملياااان تحف
الصورة بتاعتك يا مذهلة طلعت عندي وشكلها صراحة يفتح النفس...على الخناق
مظلوم
انا شايفة ان مذهلة حسنت كتير في صورتك

نونا مش عاجبك اسمي والا ايييييييييييييه

مظلوووم
03-07-2005, 05:20 AM
هههههههههههههههه
ربنا يخليكى يا ست اوشا وصباحكم فل باذن الله
وما قولتليش مذهله عامله ازاى ههههههههههه
يظهر انى كنت محظوظ لما ما طلعتش عندى هههههههههههههه
وصحيح يا نونا انتى بتشككى فى قدرات الست رشا زيتا جونز هههههههههه (انا باهدى النفوس)
ويجعلوا عااااااااامر
جيمس بوند

darkspirt
03-07-2005, 05:29 AM
اخص اخص غليكوا الا محد دخل وقال سناك شكلوا ازاي ههههههههههه
اده هو انا عامل الكاونت ده دعاية لية ولا ايةهههههههههههه سيبكوا منو انا انا حد يوصفني
سلامي

مظلوووم
03-07-2005, 05:34 AM
شوف يا دارك انا متخيلك متوسط الطول
ورفيع واسمرانى وبتلبس نضاره
يالا قولى صح ولا غلط
اللى بعدووووووا
انووووووووووبيس

osha
03-07-2005, 05:44 AM
مذهلة
دي بدر التمام ليلة 14
حاجة كده مالهاش حل
تقولش مذهلة كيدمان!!!
دارك بيك - وصف مظلوووووم دقيق جدا وساعات دقيق ذرة

مظلووم بوند حلوة اوي
رشا زيتا جونز
نكست بليز
(اللي بعدوا يعني هئ هئ هئ)

darkspirt
03-07-2005, 05:46 AM
لع احنا مش سمر خالص ده احنا اجانب يابني
اللى بعدواااااااااا

nour2005
03-07-2005, 06:03 AM
موضوع جميل عجبني يا مذهلة اهلا بيكي في الشلة بتاعتنا

ممكن يا جماعة حد يتخيل شكلي ؟

تحياتي ليكم وبحبكم كلكم

مظلوووم
03-07-2005, 06:35 AM
هههههههههههههههههههه
والله شربتات خالص يا ست اوشا ههههههههههههه
حلوه اوى دقيق ذره وذا نيكست بليز ههههههههههههههههه
اغششهم يا ميس نور ولا لا هههههههههه
احسن تمسكينى محضر غش وانتى حضرتك لسه طالعه من مراقبه امتحانات
حضرتك كنتى قولتى انتى شبه مين فى موضوع الممثلين
بس انا هاسيبهم هما يقولوا ههههههههههه
ذا نيكسسسسسسسسسسسست
انووووووووبيس

عـزالديـن
03-07-2005, 08:24 AM
موضوع حلو وجديد

شكراً يامذهلة

أسيرة الصبر
03-07-2005, 10:56 AM
والله لسه شايفه الموضوع ده بالصدفه


أسيرة الصبر.. اتخيلها طويلة وشعرها اسود طويل.. و مركبة تقويم....

ههههههههههههههههه أنا قصيره وشعري فعلا طويل بس مش مركبه تقويم مش محتاجه


اما الاخت العزيزه اسيرة الصبر
هى فى خيالى قصيره يعنى مش اكترمن 160 سم
وشقراء البشرة والشعر اسود
والوزن مش اكتر من 60 الى 65 ك

شكلك يانادر شفتني ههههههه
كلامك صح بس الوزن قول مش اكتر من 50 أضبط ههههههه


اسيرة - ممشوقة القوام شعر اسود طويل

رش رش فعلا شعري أسود طويل أنا ممشوقة القوام بس قصيره خخخخخخخ


شعاع: شعر قصير قمحية عيون ملونة

غلط ياروزالين أنا عيني لونها بني غامق جدا يعني اللي بيشوفها يقول لونها أسود وشعري مش قصير وقمحيه فاتح جدا

أنا هرجع للموضوع ده مره تانيه استنوني

مظلوووم
03-07-2005, 11:57 AM
هههههههههههههههههههههههههههه
خمسين كيلو بس يا شعاع ههههههههههههههههههههههه
انا قدك مرتين ونص وزياده عشر كيلو فوق البيعه هههههههههههههههههههه
هيا ايه الحكايه كلكم قصيرين كدا هههههههههه
ما فيش غير انا وعمرو وميم ههههههههههههه
يالا عايزين نشوف باقى الاعضاء
اللى بعدوووووووا
انوووووووووبيس

nour2005
03-07-2005, 12:01 PM
هههههههههههههههههههه
والله شربتات خالص يا ست اوشا ههههههههههههه
حلوه اوى دقيق ذره وذا نيكست بليز ههههههههههههههههه
اغششهم يا ميس نور ولا لا هههههههههه
احسن تمسكينى محضر غش وانتى حضرتك لسه طالعه من مراقبه امتحانات
حضرتك كنتى قولتى انتى شبه مين فى موضوع الممثلين
بس انا هاسيبهم هما يقولوا ههههههههههه
ذا نيكسسسسسسسسسسسست
انووووووووبيس





*6*


برافو يا مظلوم انت تتمتع بذاكرة قوية اهنيك

بس اوعى تقول لحد او تغش لاحسن حاعمل اللي متعملش *9*


:dمش يمكن حد يتخيل اني اجمل من الشخصية اللنا قلتها ؟

مش يمكن اطلع زي حبيبتي امينة رزق ولا كريمة مختار ؟


بحبهم اوي

مذهلة
03-07-2005, 06:55 PM
مذهلة كيدمان ايه يا ست اوشا....

بذمتك الجمال ده كله و اطلع بنت كيدمان في النهاية؟؟؟؟؟
دا أنا بالشكل ده اطلع اقلها مذهلة جولي....
ولو إني شبه.. هاتي ودنك احسن مظلوم يسمع و بعد كدة يفضحني في كل حتة.. اهي نور مش ناسي هي شبه مين ..
مظلوووووم بص بص ايه اللي بيجري هناك ده؟؟؟؟ الحق دول بينادو عليك عشان تمسكه...
كنا بنقول ايه يا اوشا؟؟؟ اه انا كنت شبه انجلينا جولي..(بشويييش لحد يسمعك يصدق بعدين) بس بعد عمليات التجميل و خلافه بقيت شبه انغام *138* هههههههههههههههههههههههههههههههههههههههههههههههههه ههههههه

وعموما حبايب قلبي والله كلكو.... اشكركم على تعليقاتكم المذهلة....
بحبكووووووووووووووووووووووووووووووووووو*46*

osha
04-07-2005, 02:50 AM
نور حبيبتي انا متخيلة شكلك شكل ليلى فوزي
قوام فارع ووجه محدد القسمات وعيون ملونة

مذهلة انا باحب نيكول كيدمان وقررت انك مذهلة كيدمان !! مش انت حاطة الموضوع عشان نقول متخيلين ايه ? طيب سيبك من عمليات التجميل

n3na3aah
04-07-2005, 11:01 AM
ههههههههههههههههههه ولله موضوع جميل مع اني جيت متاخر

و مفيش حد متخيلني من اساسه ياله افتح باب التخيلات انا

نوسه:: يعني متوسطه الطول مش طويله و مش قصيره , شعرها قصيرو اسود و عنييها بني , وزن متوسط و قمحيه
مظلوم:: اسمراني ضخم زي مبنقول هنا يعني طول بعرض شعر اسود و عيون سوده
بسنت:: شعرها طويل , مش طويله قوي بس مايله للطول عنيها بني و قوام جميل
سناك:: ضئيل الجسم , ابيض و شعره بني
سمسمه:: بيضه و رفيعه و بتلبس نضاره و مايله للطول برضه
ممممممممممم بس كده

عمرو صالح
04-07-2005, 04:41 PM
نعناعه انا متخيلك بنت شقيه

متوسطة الطول
ولونك اخضر زي ربطة النعناع*3*
بصراحه انا مفكرتش اتخيل حد هنا خالص
لأن الصور اللي ممكن نختارها مش شرط تكون شبهنا


طيب حد متخيليني *7*
طبعا الصورة المرعبة اللي انا حاططها مخوفة الناس مني
بس برضة هسيب ليكم التخيل
وبلاش انت يا مظلوم انت عارفني كويس
هههههه


Photo Gallery