المساعد الشخصي الرقمي

مشاهدة النسخة كاملة : فقرات من خطاب زعيمنا الملهم..



Abdou Basha
26-06-2005, 08:46 AM
لوحظ في الفترة الأخيرة أن بعض الأقلام الحاقدة.. قد حاولت النيل من الإشراف و المشرفين .أقدم لكل هؤلاء هذا الجزء من خطاب زعيمنا العظيم/ سايبر أبونت.. والذي يزكي فيه نظام الإشراف والمشرفين في منتدانا العريق..

" بسم الله الرحمن الرحيم..

أيها الإخوة والأخوات..

" اليوم نحتفل بيوم المشرف العالمي.. و لهذا اليوم ذكرى عظيمة في نفوس كل أعضاء المنتدى.. فيتصادف مع هذا اليوم ذكرى وصول فريق الإشراف الحالي إلى سدة الإشراف. (نداءات تأييد من القاعة) "

" الإشراف ده...(تصفيق) الإشراف ده واجب وطني كبير .. وأنا بأحذر كل فتيات وشباب المنتدى .. من الإنسياق وراء الدعاوى اللي بتروج بين الحين والحين لمعاداة الإشراف ..
لاتصدقوا تلك الدعاوي .. إنما هي دعوة للهلاك والتدميــــر .. هؤلاء هم العملاء.. الذين دأبوا في الفترة الأخيرة على التشكيك في مصداقيتنا، و في فاعلية أداءنا...أنا بحذرهم جميعا.. ! دي ناس بتلعب بالنار.."

" أبشروا يا إخواني المشرفين القدماء .. فقد صبرتم على البلاء .. وجزاءكم كبير .. تحملتم الكثير في سبيل المنتدى ..

أحيي بنت مصر التي نجحت في أن تبق في الإشراف طوال تلك الأعوام متماسكة صلبة.(تصفيق حاد)

نعم.. العزيزة بسنت.. و من معها ..هنالك جنودا لم تروهم بعد من فريق الإشراف .. يعملون بجد وإخلاص على حذف موضوعاتكم .. وتشتيتها بين القاعات المختلفة .. و كان على رأسهم العقيد/ عبده باشا.. (تصفيق)
قد أفنى هذا الرجل زهرة شبابه يجابه الموضوعات المكررة.. ينقل الموضوعات.. حتى أصبح إسمه يبث الفزع والرعب في قلوب الأعـ(د)ــضاء.. لنقف دقيقة حداد على روح الفقيد العقيد.

(بعد 10 ثوان فقط)

اليوم.. أدعوكم يا إخواني إلى الإهتمام بمستقبلكم بعيدا عن الإشراف الذي أصبح في يد أمينة (= مرات سي السيد).. يعني بمعنى أوضح ، هاتوا موضوعات مكررة ..حتتحذف.. حطوا موضوعاتكم في قاعات غلط .. حتتنقل ..(ضحكات من الصالة) أيوة .. عشان الأمريكان والصهاينة يعرفوا إن عندنا فريق إشراف جامد وعالمي (تصفيق).. فيه ناس عايزة تعمل فتنة طائفية.. بيبثوا جماعة يخربوا المنتديات بموضوعاتهم..
أقول لهؤلاء.. ستندموا وتفشلوا، فنحن لكم بالمرصاد..! (نداءات تأييد من القاعة) "

" كوندوليزا رايس كانت قاعدة معايا إمبارح.. قلتلها يا رايس يصح الرجالة بتوعك ينزلوا المنتدى يلخبطوا الدنيا بدعوى الإصلاح .. وأخدت منها وعد وتم الإتفاق. "

" إحنا مع الاصلاح.. إنما حد يجيب سيرة المشرفين .. الأطهار.. اللي حملوا الرسالة، وأدوا واجبهم.
لا... مش دي أخلاقنا أبدا ..! (تصفيق) "

" فيه كلام كتير عن المشرفين..! أنا بستغرب من الكلام ده لما بيوصلني..! هو الإشراف ده لعبة..؟ أي حد ييجي كده من الشارع يبقى مشرف ..؟ "

" عموما.. إحنا عندنا ثقة في الشعب والأعضاء واختياراتهم .. وأتمنى إننا نفكر كويس في الأخطار المحدقة بينا.. فيه ناس مش عايزانا نتقدم أبدا .. فياريت ناخد بالنا كويس.

في النهاية ..نتمنى لمنتدانا الخير .

والسلام عليكم ورحمة الله وبركاته .."
(الزعيم الملهم/ سايبر أبو نت) ... فقرات من خطابه في يوم المشرفين العالمي.. قاعة فك التكشيرة
26 يونيو 2005 ...



*إهداء خاص إلى عزيزي/ الصعيدي الذي تسعدني موضوعاته دائما.. خصوصا (عن الإشراف) .

عصفور الشعر
26-06-2005, 11:05 AM
جميل اوى اسلوبك يا عبده... عارف انت كنت بتتكلم بالضبط بطريقة الراحل انور السادات لما كان بيرتجل فى خطبه للشعب

الله يرحم ايامك يا سادات



وفعلا الاشراف ده مسئوليه كبيره يا جماعه ونا عن نفسى بعذرهم وبقدرهم جدا والله


والاشراف ده موهبه قبل اى شئ اخر.. ومش أى حد ينفع مشرف


بارك الله فيك يا عبد الرحمن موضوع جيد جدا واستمتعت به جدا صراحة

sea_wolf
26-06-2005, 11:43 AM
ههههههههههه
لى عودة للتعليق ولكن مساءا

osha
26-06-2005, 05:18 PM
نموت نموت ويحيا المشرفين !!!!
كلنا فدى المشرفين الشرفاء اللي مستعدين يضحوا بكل ما هو غالي ونفيس في سبيل اعلاء كلمة الاشراف في كل المنتديات الحرةالمستقلة!!
المنحة بأه ياسيادة الخديو المشرف - عاوزة اشتري عجلة للعيااااااااااااااااااااااال

daria
26-06-2005, 09:08 PM
ههههههههههههههه
والله افتكرته منقول يا عبدو
مواهب برضة يا سيادة العقيد :d
وخليك صامد زي بسنت وابن البلد قدوة برضة :)


والله شكله الاشراف دة مرعب ههههههههههه *9*

sea_wolf
27-06-2005, 03:09 AM
انا فعلا عايز اعترفلكم بش وخاصة المشرفيين
فى احدى الموضوع تم ايقاف اشتراك العضو صاح بالموضوع
وانا كنت متحمس للموضوع
وزعلت لانه تم ايقاف مشاركتها
ودخلت فى نقاش مع احدى المشرفيين ... ةاعتقد انى كلمتو بطريقة غير زوق
فانا هنا بعتزر ليهم كلهم
لانى والله لا افتكر اسمة
فانا اسف الى جميع المشرفين
اولا لانى تدخلت فى عملهم
ثانيا .. لانى كلمتهم بطريقة بها قله زوق
فهل تقبلون اعتذارى

Abdou Basha
27-06-2005, 12:26 PM
والاشراف ده موهبه قبل اى شئ اخر.. ومش أى حد ينفع مشرف


بارك الله فيك يا عبد الرحمن موضوع جيد جدا واستمتعت به جدا صراحة

محمود .. أنا اللي بأسعد بمرورك ... جدا .. وفي أي موضوع .. *6*


نموت نموت ويحيا المشرفين !!!!
كلنا فدى المشرفين الشرفاء اللي مستعدين يضحوا بكل ما هو غالي ونفيس في سبيل اعلاء كلمة الاشراف في كل المنتديات الحرةالمستقلة!!
المنحة بأه ياسيادة الخديو المشرف - عاوزة اشتري عجلة للعيااااااااااااااااااااااال

المواطنة الصالحة / أوشا ... قد عبرت بكلماتها الصادقة عن نبض الشارع في المنتدى (تصفيق) *118* .. فتحية لك يا سيدتي .. وعشت قدوة لكل عضو .. :king:


والله افتكرته منقول يا عبدو
مواهب برضة يا سيادة العقيد
وخليك صامد زي بسنت وابن البلد قدوة برضة


والله شكله الاشراف دة مرعب ههههههههههه

إيمان ... إزي الصحة .. ده خطبة للزعيم سايبر أبو نت .. قبل ما يتكل ... :d
وحكاية إنه منقول .. فدي إشاعة بيروجها أعداء الأمة *37* ... ناس مش عايزينا نتقدم يا عالم ..*91*
أنا عموما .. حتسمعي عني أخبار حلوة قريب .. *137*


انا فعلا عايز اعترفلكم بش وخاصة المشرفيين
فى احدى الموضوع تم ايقاف اشتراك العضو صاح بالموضوع
وانا كنت متحمس للموضوع
وزعلت لانه تم ايقاف مشاركتها
ودخلت فى نقاش مع احدى المشرفيين ... ةاعتقد انى كلمتو بطريقة غير زوق
فانا هنا بعتزر ليهم كلهم
لانى والله لا افتكر اسمة
فانا اسف الى جميع المشرفين
اولا لانى تدخلت فى عملهم
ثانيا .. لانى كلمتهم بطريقة بها قله زوق
فهل تقبلون اعتذارى


إعتذارك مقبول .... ودايما قلب الزعيم بتاعنا رحيم :d .... ومش بيزعل من المعارضين .. :3:
ملحوظة : سييوولف إنت إنسان رائع ... *128*

osha
27-06-2005, 04:21 PM
[align=center]




المواطنة الصالحة / أوشا ... قد عبرت بكلماتها الصادقة عن نبض الشارع في المنتدى (تصفيق) *118* .. فتحية لك يا سيدتي .. وعشت قدوة لكل عضو .. :king:







شوف يا سيادة الزعيم الملهم
ماهو انا مش باعمل دا كله عشان تقولي مواطنة صالحة وتصفيق حاد
*4* *4*
اناعاوزة المنحة بدل ماأقوم الشعب المقهور عليك واجيب عاليها واطيها
*9* *9* *9*

Abdou Basha
29-06-2005, 01:10 AM
شوف يا سيادة الزعيم الملهم
ماهو انا مش باعمل دا كله عشان تقولي مواطنة صالحة وتصفيق حاد
*4* *4*
اناعاوزة المنحة بدل ماأقوم الشعب المقهور عليك واجيب عاليها واطيها
*9* *9* *9*

اتفضلي أنا حجاوبك... *99*

بالنسبة للمنحة .. والله إحنا بنسعى، وطبعا في أقاويل وإشاعات .. إن الحكومة حتمنع المنحة:n: .. الكلام ده مش صحيح :mm: .. وأقدر أقوله في الكنسيت ذاته *15* ...!!!!!

يا جماعة المنحة في معادها.. لكن برضه مش كل حاجة الحكومة *49* .. يعني فيها إيه لما المواطن يدي منحة لأخوه المواطن .. *5* ؟؟ في أوروبا بيعملوا كده..


أنا كنت في زيارة لبريطانيا..

بسأل الملكة بقولها : يا حاجة إنتوا بتعملوا إيه في المنح...؟

قالت لي: يعني إيه معنى الكلمة دي..؟؟

قلتلها : معقولة متعرفيش المنحة..؟

قالت لي : لأ.. يعني إيه حاجة ..؟؟

(تصفيق وضحكات من القاعة)

كل سنة وانتم طيبين..
_________

تعليق : زعيم معفن :d

الصعيدي
07-07-2005, 08:27 AM
إيه يا عبدو الحلاوة دي .. معقول انا ماشفتش الموضوع ده .. أيوه كده .. واضح انك باشا كبير .. وعارف أصول الشغلانة
طبعا باشكرك على الإهداء وباعتذر عن التأخير .. بس واضح ان المنتدى اكل من عقلك حتة ولازم تلحق نفسك وإلا هنلاقيك ناكش شعرك وواقف بعصاية على باب المنتدى .. ولابس القميص أبو كم طويل .. هههههههههههههه .. عسل يا عبدو .. الله ينور

elharty
07-07-2005, 09:30 AM
اسلوبك فعلا شيق

Abdou Basha
08-07-2005, 08:18 AM
شكرا أخي محمد (الصعيدي) على مرورك على الموضوع .. وأتمنى أن يكون قد أعجبك .. *6*

ربنا يوفقك بإذن الله.. *8*

_____


وأشكرك أخي محمد الحارتي على تعليقك الذي أسعدني.. *3*


Photo Gallery