المساعد الشخصي الرقمي

مشاهدة النسخة كاملة : حاجات اتعلمناها من الافلام والمسلسلات العربى ..!!



bmoot mn el 7ob
25-06-2005, 09:31 AM
الحاجات ديه انا قريتها وحبيت اعرفهالكم كلكم لأنها اكيد هتفيدكم وانتوا بتتفرجوا على الافلام والمسلسلات العربى... http://members.lycos.co.uk/kadooo/fo/images/smiles/icon_cool.gif ..
اولا المسلسلات:-
لما ييجى البطل يدفع الفاتورة فى المطعم ..عمره ما هيبص فى المحفظة لأنه دايما هيطلع الحساب بالظبط ويسيبه ع الترابيزة..
بابا الباشا...هو دايما الشخص اللى لابس روب على القميص والبنطلون ,وبيقرا جورنال وبيدخن بايب او سيجار.
علشان تعرف ان دول شباب فى المسلسل ,هتلاقى دايما حاجة من الاتنين دول:
1-يا اما اودة نومهم كلها بوسترات مغنيين مجهولين عمرنا ما سمعنا عنهم ومتعلقين بالجنب او بالمشقلب(كتر خيرهم يعنى انهم عرفوا يجيبوها)
2-يا اما هتلاقى البنات لامين شعرهم ضفيرتين او قطتين والولاد لابسين ترينج.
وكمان عشان تعرف ان دول ناس اغنيا هتلاقيهم دايما لابسين لبس الخروج فى البيت وعمرك ما هتشوفهم لابسين جلابية او بيجامة(اصلا هما ميعرفوش يعنى ايه جلابية http://members.lycos.co.uk/kadooo/fo/images/smiles/icon_wink.gif )
....مش مهم بقى انت فاتتك كام حلقة من المسلسل ,هتلاقى الاحداث هى هى:بابا ضحك على طنط نادية وخد مركز التجميل بتاعها ,نانيس بتحاول تقول لبابا انها متجوزة عرفى,ميدو اشترى نضارة شمس حمرا علشان هو بقى روش وداده زينب طلعت ام نانيس وميدو الحقيقية.
ثانيا:افلام العنف والاثارة:-
..احمر شفايف البنات عمره ما بيبوز ,حتى لو نايمين \طالعين من البيسين\او بيعيطوا مبيطلعش حتى بالطبل البلدى
..اى حد لما بيضرب على راسه بيغمى عليه ولو مات بينزل دم من غير ما يكون فى جرح اصلا فى راسه
..حادثة العربية: دايما العربية بتتخبط الاول وبوووووم! انفجار مالوش اى علاقة بالعربية الاصلية ولا المشهد كلة من اساسه
..مش مهم لو فى خناقة لقيت نفسك قدام خمسين شخص..هتلاقيهم كلهم صبورين وبيهجموا عليك واحد واحد ,هتلاقى كل واحد داخل فيك بحركة مختلفة عن اللى قبليه,واصوات الضرب كلها بنفس الصوت وفى الاخر هتشلفطهم كلهم.
ثالثا واخيييييرا:--افلااااام الكوميديا http://members.lycos.co.uk/kadooo/fo/images/smiles/icon_biggrin.gif :-
..مهمن كان موضوع الفيلم ,البطل دايما شكلوا ..غريب وملخبط,,والبطلة هتبقى اوكشة طححن........
لكن ده مش هيمنع انها تحب البطل فى اخر الفيلم وتتجوزه!حتى لو ماجابوش سيرتها فى الجزء التانى بتاع الفيلم!!!
..بيبقى فى دايما اغنية فى نص الفيلم البطل اللى بيغنيها...وكلامها بيكون بأى لغة غير العربى...
..الاجنبى دايما هو الشخص اللى عنيه زرقا وشعره اصفر حتى لو الانجليزى بتاعه اوحش من انجليزى قطتك بوسى!!
واخييييرا واخرااا:- الفيلم دايما هيبقى فيه حسن حسنى http://members.lycos.co.uk/kadooo/fo/images/smiles/icon_smile.gif http://members.lycos.co.uk/kadooo/fo/images/smiles/icon_exclaim.gif http://members.lycos.co.uk/kadooo/fo/images/smiles/icon_exclaim.gif

Abdou Basha
26-06-2005, 09:35 AM
علشان تعرف ان دول شباب فى المسلسل ,هتلاقى دايما حاجة من الاتنين دول:
1-يا اما اودة نومهم كلها بوسترات مغنيين مجهولين عمرنا ما سمعنا عنهم ومتعلقين بالجنب او بالمشقلب(كتر خيرهم يعنى انهم عرفوا يجيبوها)

موضوع حلو قوي ..

المهم إن اللي بييبقى كاتب الحوار الروش .. واحد عنده 70 سنة ههههه
طب يخلي حد يساعده .. أبدا .

sea_wolf
26-06-2005, 10:27 AM
الحاجة التانية الى تنرفز فى كل الافلام
ان ديما البطل ملاك طاهر نازل من السما قلبو ابيض ومبيعرفش اللف ولا الدوران خالص
وحببتو بتجرحو فى الاول علشان يتعرف على وحدة اجمل منا فى باقى الفلم وداوية
وديما ديما يهكون فى البداية راجل بسيط ومتواضع وزو مبادئ
وبقدرة قادر .. فى خلاصل اخر الفلم بيقى من اصحاب الملايين
اما المسلسلات فهى شئ اغرب بكتير
تلاقيك دمك مطحون طوال فترة عرض المسلس وكل يوم تلاقى البطل فى مشكلة شكل بسبب طبتو
وفى اخر حلقة تلاقى كل الدنيا اصبحت ملايكة وكلو 100% والبطل كل الناس بتحبو وبتحترمو
الشئ الاهم تعرف ان المسلسل دة صيامى ولا عادى
لو كان فيه يحيى الفخرانى او نور الشريف يبقى مسلسل رمضانى
غير كدة يبقى مسلسل عادى يتعرض فى اى وقت

أشجان الليل
26-06-2005, 07:46 PM
موضوع جامد جدا تسلم إيديك
*8*

bmoot mn el 7ob
26-06-2005, 07:50 PM
الحمد لله ان الموضوع نال اعجابكم

وشكرا على مروركم

bmoot mn el 7ob
26-06-2005, 07:53 PM
وفعلا بجد انا بقيت بتخنق من الافلام اللى هى هى قصة واحدة وموضوع واحد

الواحد مبقاش لاقى غير الاجنبى ومش لاقى حاجة من بلده يتفرج عليها

zizoYAzizo
26-06-2005, 08:17 PM
الحاجات ديه انا قريتها وحبيت اعرفهالكم كلكم لأنها اكيد هتفيدكم وانتوا بتتفرجوا على الافلام والمسلسلات العربى... http://members.lycos.co.uk/kadooo/fo/images/smiles/icon_cool.gif ..
اولا المسلسلات:-
لما ييجى البطل يدفع الفاتورة فى المطعم ..عمره ما هيبص فى المحفظة لأنه دايما هيطلع الحساب بالظبط ويسيبه ع الترابيزة..
بابا الباشا...هو دايما الشخص اللى لابس روب على القميص والبنطلون ,وبيقرا جورنال وبيدخن بايب او سيجار.
علشان تعرف ان دول شباب فى المسلسل ,هتلاقى دايما حاجة من الاتنين دول:
1-يا اما اودة نومهم كلها بوسترات مغنيين مجهولين عمرنا ما سمعنا عنهم ومتعلقين بالجنب او بالمشقلب(كتر خيرهم يعنى انهم عرفوا يجيبوها)
2-يا اما هتلاقى البنات لامين شعرهم ضفيرتين او قطتين والولاد لابسين ترينج.
وكمان عشان تعرف ان دول ناس اغنيا هتلاقيهم دايما لابسين لبس الخروج فى البيت وعمرك ما هتشوفهم لابسين جلابية او بيجامة(اصلا هما ميعرفوش يعنى ايه جلابية http://members.lycos.co.uk/kadooo/fo/images/smiles/icon_wink.gif )
....مش مهم بقى انت فاتتك كام حلقة من المسلسل ,هتلاقى الاحداث هى هى:بابا ضحك على طنط نادية وخد مركز التجميل بتاعها ,نانيس بتحاول تقول لبابا انها متجوزة عرفى,ميدو اشترى نضارة شمس حمرا علشان هو بقى روش وداده زينب طلعت ام نانيس وميدو الحقيقية.
ثانيا:افلام العنف والاثارة:-
..احمر شفايف البنات عمره ما بيبوز ,حتى لو نايمين \طالعين من البيسين\او بيعيطوا مبيطلعش حتى بالطبل البلدى
..اى حد لما بيضرب على راسه بيغمى عليه ولو مات بينزل دم من غير ما يكون فى جرح اصلا فى راسه
..حادثة العربية: دايما العربية بتتخبط الاول وبوووووم! انفجار مالوش اى علاقة بالعربية الاصلية ولا المشهد كلة من اساسه
..مش مهم لو فى خناقة لقيت نفسك قدام خمسين شخص..هتلاقيهم كلهم صبورين وبيهجموا عليك واحد واحد ,هتلاقى كل واحد داخل فيك بحركة مختلفة عن اللى قبليه,واصوات الضرب كلها بنفس الصوت وفى الاخر هتشلفطهم كلهم.
ثالثا واخيييييرا:--افلااااام الكوميديا http://members.lycos.co.uk/kadooo/fo/images/smiles/icon_biggrin.gif :-
..مهمن كان موضوع الفيلم ,البطل دايما شكلوا ..غريب وملخبط,,والبطلة هتبقى اوكشة طححن........
لكن ده مش هيمنع انها تحب البطل فى اخر الفيلم وتتجوزه!حتى لو ماجابوش سيرتها فى الجزء التانى بتاع الفيلم!!!
..بيبقى فى دايما اغنية فى نص الفيلم البطل اللى بيغنيها...وكلامها بيكون بأى لغة غير العربى...
..الاجنبى دايما هو الشخص اللى عنيه زرقا وشعره اصفر حتى لو الانجليزى بتاعه اوحش من انجليزى قطتك بوسى!!
واخييييرا واخرااا:- الفيلم دايما هيبقى فيه حسن حسنى http://members.lycos.co.uk/kadooo/fo/images/smiles/icon_smile.gif http://members.lycos.co.uk/kadooo/fo/images/smiles/icon_exclaim.gif http://members.lycos.co.uk/kadooo/fo/images/smiles/icon_exclaim.gif

هههههههههههه والله ضحكتينى يادينا بجد فطست من الضحك لانى كان فيه ححاجات كنت ببقى فعا مستغربلها جدا بس كانت كده او مش كانت يعنىانا مره سألت نفسى سؤال هوا رئيس الجمهوريه بيلبس جلابيه او بيجامه وهوا قاعد فى البيت بس الكلام ده كان فى ابتدائى والله افتكرت السؤال ده اول ماقريت الموضوع وابقى اسألى بقى لو اتمسكت فى امن الدوله علشان السؤال ده خطر على الامن العام ههههههههههههههههههههههههه
شكرا على الموضوع وجاوبيلى بقى على سؤالى علشان لغايه دلوقتى مش عارف جزاكى الله كل خير

bmoot mn el 7ob
26-06-2005, 08:27 PM
الله اعلم يا زيزو ....اصلى عمرى ما مسكت رئيسة جمهورية بس خلاص من بكرة هرشح نفسى واجاوبك على سؤالك
بس فعلا الحاجة اللى كانت محيرانى فعلا حكاية الروب اللى بيلبسوه فوق الهدوم وان الاغنيا دايما لابسين لبس خروج فى البيت سواء قاعدين شاربين نايمين

وكويس انى قدرت اضحكك شوية

daria
26-06-2005, 08:28 PM
هههههههههههههه

والله عندك حق يا دينا

فعلا المسلسلات العربى والافلام بتكسف خالص

ولو ان دلوقتي في ناس بتحاول تغير زي احمد السقا ومصطفى شعبان وغيرهم




لكن اللى فعلا قريبين مننا شوية المسلسلات المكسيكية المدبلجة اللى عمرى ماشوفتها كاملة لأنى بازهق

وزمان كان في برضة مسلسلات امريكية مملة برضة وميت حلقة


اما بقى الخال حسن حسني زي مابيقولوا عليه فتقريبا مفيش غيره يسد في اي دور

ما عدا لو كان دكتور او غنى ساعتها يفضلوا عزت ابوعوف متهيألى هههههههههههه

:d

موضوع حلو واتمنى ان التفاعل يزيد فيه



ويمكن ارجع تانى

إيمان

bmoot mn el 7ob
26-06-2005, 08:35 PM
فعلا واللهى حكاية حسن حسنى ديه حقيقية هو وعزت ابو عوف دايما تلاقيهم فى كل الافلام زى ما يكونوا مقررين علين زى المناهج تلاقيهم فى كل فيلم وفى كل مسلسل

بس يلا هنعمل ايه ؟؟؟

اما المسلسلات المكسيكية فهى فعلا بتبقى طويلة جددددا واحنا مش عارفين الغلط ع المسلسل ولا الغلط عاللى بيعرضوهولنا اصلا

يلا ربنا معانا ويحمينا ومن المسلسلات والضغط والسكر والزهايمر اللى هيجيلنا منها

وشكرا اختى daria على مرورك وانتظرك تانى

zizoYAzizo
26-06-2005, 08:40 PM
الله اعلم يا زيزو ....اصلى عمرى ما مسكت رئيسة جمهورية بس خلاص من بكرة هرشح نفسى واجاوبك على سؤالك
بس فعلا الحاجة اللى كانت محيرانى فعلا حكاية الروب اللى بيلبسوه فوق الهدوم وان الاغنيا دايما لابسين لبس خروج فى البيت سواء قاعدين شاربين نايمين

وكويس انى قدرت اضحكك شوية

شكر يادينا ورشحى نفسك انت ومالكش دعوه هكون من اول المؤيدين بس اكون انا كمان رئيس وزراء هههههههههه

نوسة
26-06-2005, 08:43 PM
موضوع جميل يا دنيا
تسلم ايديك
تحياتى اليك

bmoot mn el 7ob
26-06-2005, 08:49 PM
اه يا زيزو ونشوفك انت كمان هتلبس بيجامة فى البيت ولا لأ هههههههههههههههههههههههه
ربنا معايا بقا فى الانتخابات مش عارفة هلاقيها من الانتخابات ولا الثانوية العامة

bmoot mn el 7ob
26-06-2005, 08:50 PM
مشكورة على مرورك اختى نوسة
والحمد لله ان الموضوع عجبك


Photo Gallery