المساعد الشخصي الرقمي

مشاهدة النسخة كاملة : اختبار ذكاء للشباب الروش الامووور !!



bmoot mn el 7ob
25-06-2005, 09:28 AM
يلا هنبدأ دلوقتى اختبار الذكاء للشاب الكووول الروش...يلا *9*
*صخرة وقعت من فوق عمارة ومكسرتش الازاز اللى فى الشارع متكسرش ليه ..؟
- عشان ما وقعتش عليه
*طب فرخة بتعدى الشارع وماتت فجأة ليه..؟؟
- عشان الصخرة وقعت عليها
*ليه الصعيدى بيحط كوباية الشاى جنبه وهو نايم ..؟
- عشان الشاى منبه
*طب ليه بيحط جنب الشاى كوباية قهوة ؟؟
- عشان لو الشاى مرنش
*طب ليه الصعيدى بيطلب من مراته تحط ع السفرة كوبايه مية فاضية حنب الكوباية المليانة؟؟
- عشان يمكن يشرب وممكن ميشربش
*ليه بيطلب الملح دايما يبقى جنبه ؟؟
- عشان هو رجل حدق
*وليه بيحط السكر ع الكرسى قبل ما يقعد؟؟
- عشان تبقى قعدته حلوة
وبعييييييييييد عنكوا وعن السامعين ..قصدى اللى بيقروا ..فكروا كدة معايا
*لو واحد صينى هيطلع القمر هيحصل ايه؟؟
- شعب الصين هينقص واحد
*طب لو واحد امريكانى طلع القمر ؟
- مش ممكن هيتصاحب ع الصينى عشان اللغة مختلفة طبعا
*طب لو واحد فلسطينى طلع القمر
- اسرائيل هتحتج وتقول فلسطينى واحد بس ..احنا عايزين نخلص من العرب كلهم
ووو اكيد مش هيتصاحب ع الصينى والامريكى وهسيبهالكوا تعرفوا انتوا ليه بقى ؟؟ *4*

انا وبس
25-06-2005, 02:47 PM
*9* *9* *9* *9* *9* *4* *4* *4* *4* *4* *4* *4* *4* *4* *4*

انا وبس
25-06-2005, 02:48 PM
الى الاخ صاحب الموضوع

ياريت بلاش النكت اللى على الصعايده علشان بايخه اوى وملهاش طعم
واحنا مش لقمة طرية كل من هب ودب يطلع علينا نكت الصعيد فيه نص اثار مصر يعنى الفراعنة يعنى الذكاء و احنا مش اغبية للدرجادى

bmoot mn el 7ob
25-06-2005, 10:21 PM
اخى العزيز انا وبس
اولا وقبل كل شىء انا اسفة انى حطيت النكت ضايقتك
بس كل اللى انا اقصده فى الاول او فى الاخر انى ارسم ابتسامة على وجوهكم بما اننا فى قاعة "" فك التكشيرة "
يعنى احنا داخلين عشان نضحك وبس
اما على موضوع الصعايدة انا لما حطيتهم كان كل قصدى اننا نضحك ولم اقصد اى اهانة للصعايدة
وعلى فكرة انا كمان تقريبا ليا جذور صعيدية يعنى انا مقصدش الاهانة
وارجوك يا اخى متزعلش
ثانيا : انا اختك دينا مش اخوك
وبعدين برضه الصعايدة دوول احسن ناس وارجوك اتقبل هزارى بروح مرحة


Photo Gallery