المساعد الشخصي الرقمي

مشاهدة النسخة كاملة : للسعوديين وبس



ta3mia
31-12-2002, 03:52 PM
واسطة




النحيف : وينك فيه يا الدب سمعت انك متنكر وموقف في الشارع والعالم يدورن حواليك يحسبونك

دوار ههههههههههه


الدب : لا يا جنط انا اللي سمعت انك متنكر وخاش مكتبه وقاعد على اساس انك قلم رصاص


النحيف : يا رجال كل تراب والله لو تصبغ جوانبك اسود وظهرك اصفر صرت كنك حراثه ههههههههه

الدب : الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب ) ههههههههه

النحيف: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي هههههههههه

الدب : قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعهx قال مايحتاج وخذك وحطك على لمبة المكتب وشاف وش اللي فيك


النحيف : يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك


الدب : ايه ولين ركبت جنبي قمت اعشق فيك احسبك القير من نحفك هههههههههه


النحيف : أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص ههههههههههه


الدب: اقول الحين مت ميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير


النحيف : تدري كل ماشفتك ياالنفيخه تذكرت رجال كفرات ميشلان اللي في الدعايه كع كع كع كع كع

الدب : تصدق بالله لو تمر من جنب جيب الدوريات أنك تشوش على جهازهم هههههههه


النحيف :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا هههههههههههههههههههههه


الدب : ماشفت نفسك وانت واقف ترى رجليك ساق بدون ركبه


النحيف :اقول سمعت ان اهلك يروشونك في الحوش بمكانس من كبرك


الدب : انا سامع انك تتروش في المغسله


النحيف : انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى


الدب : انا سمعت انهم صوروك 4 في 6 طلعت كلك


النحيف : انا سمعت انك اذا بغيت تركض تنسدح وتتدربا على جنبك ... أسرع لك ههههههههه


الدب : اقول رح بس وراك انت ووجهك كنه مكان بريك سيكل ههههههههههههههههه


النحيف :ههههههههه ضحكتني انت وخدودك كنها دف طقاقه .


الدب : اقول شف شكل ك كنك ريال بيد بزر .


النحيف : اقول شف خشمك كن متعلق به عيل ههههههههههه


الدب : لا من زين خشمك كنه أصبع عيل هههههههههههههه


النحيف : اقول قم بس قم انت وشكلك كنك وايت مياه غير صالحه للشرب .


الدب : هههههههه ضحكتن انت وشكلك كنك فأر طايح ببالوعه .


النحيف : شف سنونك كنها طلاب ثالثه جيم واقفين عند مقصف .


الدب : عاد من زين سنونك كنها ضغاطات مسجل صناعه صينيه

ta3mia
06-01-2003, 12:54 PM
في وحدة توها متزوجه المهم سمعت صوت بالليل قالت لزوجها روح شوف يمكن حرامي قالها روحي انتي يمكن حراميه
ولد صغير يسأل امه قالها ليش ابوي اقرع قالت له يا ولدي هذي علامة الذكاء قال لها الولد أشوف شعرك طويل

فيه واحد عطوه سمبوسه ... فتحها يحسبها هدية !!!
في مجنون حك راسه طلعله المارد وقاله شبيك لبيك المارد بين اديك المجنون ما صدق قاله ابي منك مزرعه كبيره قاله المارد لو عندي مزرعه ماسكنت في كشتك

أحول سجل في الجيش ... حطوه في القصف العشوائي !!!

واحد اسمه ( زعلان ) تزوج واحده اسمها ( فرحانه ) جابوا بنت سموها ( يا فرحه ماتمت)!!

واحد راح يعبي ( بنزين ) قال للعامل : صديق .. هذا حق اليوم

فيه واحد نام متأخر ...... فاته الحلم !!


واحد اتصل بزوجته وقال لها انا ربحت المليون جهزي
شنطتك بسرعة .
فقالت الزوجة أحمل معاي ثياب الصيف ولا الشتاء
قال لها احملي اللي تبين ، المهم ما أشوفك في البيت لما أرجع
في غبي شارك في برنامج من سيربح المليون سأله قرداحي عن إسمه
قال الغبي أطلب رأي الجمهور.

يقولك مره واحد عربجي قاله ابوه:ياوليدي تعال اوط رجلي....قال العربجي لأبوه:ان قمت وطيت رقبتك

فيه واحد سأل هندي : أيش الفايدة من كثرة أكل الفلفل ؟ قاله : هذا فيه فيتامين أح


خنفسه ماسكه ثلاث نملات ....لييييش؟؟؟
......تقول لهم مين قال لي يالعبده..
فيه فار سكران وحالته بالبلاء مع قوه السكره أنسدح جنب قطو ميت ويوم صحى قال :والله أني كنت عارف أني راح أسوي مصيبه

عجوز طاحت من الدرج جو لمها عيالها قالو سلامات يمه قالت وش رايكم بالحركة


فيه امريكي انفجرت عنده الزايده ....اتهم بن لادن....


وحده تقول لزوجها جارنا كل ماطلع باس زوجته ورا ماتسوي مثله؟؟ قال ظنك توافق
وحده تقول لزوجها وهى تصرخ
ولدك ضااااااااااع قم دوره
قال لها بكل برود ولد حلال بيرجع

محشش مبنشر في شارع سريع.جو الشباب تجمعو عليه .قالهم المحشش:اصصصص ولاكلمه الكفر نايم

فيه عربجي حاط رجل على رجل قاله المدرس هذي جلسه قال لا نسخه أصليه


مـــــحـــشــش عــلــق الــثــوب .. طــاح ..قـــال أشـــــــوا مــا كــنــت لابــسه

يقولك مره صرصور شراء فلمين رعب تدرون وشي:دعاية بف باف وريد

واحد محشش ماشي عالرصيف مسك له واحد ماشي و سأله :لو سمحت وين الرصيف الثاني؟. قام الادمي و أشّر له على الجهه الثانيه من الشارع و قال له :هذاك الرصيف الثاني. قال المحشش:يا خوي دوبي كنت هناك و سألت واحد عن الرصيف الثاني قال لي انه هنا.
يقولك جحش سأل أبوووه متى أكبر مثلك وأصير حمار

فيه منسمين يكتبون المحاضرة مع الدكتور ..وكل ما مسح السبوره شقوا الورقه


ســــــــكـــــران راجـــع البــيــت في اللــيــل فـــتـــحــت له البــاب اخــتـــه ضـــربـــها كــف قــالها تــوك راجــعه


عربجي تزوج عربجية جــابوا ولــد سموه أحــلااااااااااا


نــذل مريض بالسرطان ..يقول للناس إنه مريض بالإيدز ليش ؟

عشان محد يتزوج حرمته

غبيه تبي تفرح زوجها يوم الـدخله ... قالت له أنــــــا حــــــامــل


فيه وحده خبله أحرقت بيت أهلها ليه ؟ تبغى تشوف خويها بالدفاع المدني


هذا المربع فاضي تعرفون ليه استراحه ههههههههه من المغثه


وحــــده طـــالــعه مع خــويها أول مــره ..يوم ركـــبت وكــشــفــت
وجــهــها ، قــال وعععععععععععععععععع
وش ذااااااااااااااااااااااا...! قالت معليش حبيبي أهم شيء الأخــلاق .


فيه محشش طلع جوال عائلي دق على 902 وقال لهم لعببت عليكم تراي عزوبي

فيه واحد غبي جالس عنده خمس شياطين ..ليش..؟؟ واحد يوسوسله والاربعه يفهمونه


فيه غبي سمع بخطف الطيارات خطف قطار الشرقيه وقال للسواق اطلع جده
فيه نذل كلمت ام بي سي وقالت اهدي الاغنيه لخطيبي بمناسبة وفاة امه

فيه عجوز بطلت محو الاميه ليش؟؟ خايفه من التعيين في القرى


فيه 20 محشش غرقوا في غواصه ليش؟؟ سمكه طقت عليهم الباب فتحوا لها


دافور قالو له بنزوجك بنت الوليد قال لا ابي مدرسه


فيه نمله تسبح مرة من عندها خنفسانه قالت روعتيني احسبك جمس الهيئة


اووووووووووبس الكيبورد خرب .....روح للمربع الى بعده


خكري سلموه دوريه وجهاز كلمه الضابط وقال له كيف الصوت قال: يهبل


فيه وحدة تاكل تويكس وتصيح ليه؟؟ تذكرت سيقان زوجها

فيه ((اسمر)) بيشتري دخان راح للبقاله

قال : كنت أبيض رد عليه البياع قال : ايه هييين


فيه مطفر في مسابقه المليون جاها سؤال طلبت تتصل بصديق قامت دقت عليه دقه وسكرت


اممممممممممممممممم كان ودي اكتب نكته بس بعد ما كتبتها شفتها ماصخه روح اقرا الى بعدها


في سـمكـتـيـن طاحو في شبكة صياد قالت وحدة للثانية رحنا تونا


محشش قاعد بالحمام دقت عليه امه قالت بتطول؟ قال: لا ابلف يسار


فيه حمار ينهق وهو مغمض عينه ليه؟؟حافظها غيب



فيه واحد ترقا من جندي الى جندي اول قام يبكي سالوه ليش قال المسئوليه صعبه





في مدرس ساله تلميذ غبي عنده ... شنهو الحيوان الى يقعدك على صلاة الفجر ... قال ابوي
واحد نذل مرة مرة مرة خلا اخته تشارك في من سيربح المليون ليه؟؟؟يبي يعرف الصديق اللي تتصل فيه

فية نكتة ما دخلت هذه الصفحة..... لييييش ؟ خايفة تضحكون
عليها .....
هذا واحد نذل مرررررررره ارسله ابوه لامريكا وكتب على ظهره اسامه بن لادن

فيه واحد عازم اخوياه في السطح - ليش - اصدقاء سطحيين

فيه واحد يحب المدح قاعد يصلي وسمع اثنين يمدحون صلاته قطع صلاته والتفت عليهم وقال
تراني صايم بعد


غبي مات ليه ؟؟؟؟
نسى يتنفس

ديك يعاير دجاجه يقولها: مسيكينه دايم ياخذون بيضها.. قالت له اسكت بس ياللي
تأذن ولا تصلي

بنت مصر
06-01-2003, 03:11 PM
:D

ta3mia
07-01-2003, 01:05 PM
.......

بصــراحه .... ماعندي مــوضوع محــــدد ... ...المهــم ... خلونــي افكــر في مــوضوع .. واللي عنــده شغــل يروح ويرجــع بعــد خمــس دقــايق ...

؟(( اخــوي ركــز زين ...)) ؟

ايه ايه .. لحظه لحظه ... تذكرت نتكـــه حلووووووه مرررررره ... قالهــا لي اخـــوي الصغيـــر .. خلونــي اقـــولها لكـــم ... (( يــاجمــاعه .. بالله اتركوه واطلعــوا .. تراه قلق ما ينعطــى وجـــه .. بعدين اسمعوا وش يقــول .. اخوه الصغير .. اللي يشوفه يقول عمر اخوه خمس سنين .. ياشين صفقني اذا ما طلع عمره 40 سنـــــه ))

المهم .. النكتــــه تقـــول ...................... كان ياماكان في قديــم الزمـــان .. (( ما قلت لكم انه منتهــي .. الرجال بدا يخوووور .. تكفــون عالجــوه قبــل ما يضيع من يدينــــا ..)) كــان فيــــه اســــد كبييييييير مررررره وشـــرااااني .. كان يمشــي في الغـــابه ويأكـــل مــن حشـــــائش الارض المــــزهره ... (( يالحبييييييب .. تــاكد هو اســد ولا حمـــــــار .... بعـــدين وش حشــائش مــزهره مسوي فيها مثقف .. شف هي وحد من الثنتين .. يا انك خبل ولا انك خبل .. اختر انت عاد ..!!)) المهم .. وبينما الاسد يمشي .. وقف عنــد سوبر ماركت .. وكان اللي يبيع فيها الفيل ابو زلومه .. فنظر اليه الاســد بكبرياء وقــال له : اعطني ميرندا ياهذا ............... فقال الفيل : اتريد ميرندا فراوله ام ميرند حمظيات ..... فتبسم الاسد وقال : لقد اضحكت بطني ياهذا .. الا تعلم ان الميرندا فراوله هي شراب الملوك والعضماء وان الغابه تزهر بالفراوله اللذيذه .. هيا اعطني ميرندا حمضيات ثكلتك ام جدة اللي جابوك .. لأتوطى في بطنك ياكلب ...... فضحك الفيل ضحكة اهتزت لها جنبات المكــــان وذهب مهرولا لإحضـــار السفن اب ...... .. المهم اخــذ الأســد الببســـي وغــدر المكــان علــى عجـــل .. لكي يبحــث عــن فريســـه جميلة الوجـــه .. وممشــوقة القـــوام لهــا عينــان تســـر النـــاضرين .. (( شف يالخبــل .. الخرابيــط الاوله بنمشيهـــا لك ... لكن بالنسبه للفريسه هــذي عااااد قويــه .. هو يبي الفريســه عشــان ياكلهـــا ولا عشـــان يكشــخ فيهـــا ... اقول .. خلك رجال احسن لك ..)) المهـــم .. ان الاســد لقــى ارنــب صغيـــر يتنطط في ارجــاء الغــابه .. ويمرح بين الحقول .. (( حشـــا ... فار هذا مووو ارنب ))

فتقدم اليه الاســد بثقـــه كــأنه سفينـــه تختـــــال في رمـــال الصحـــراء الحـــارقه .... (( اقوووول .. تحمدوا الله على نعمــة العقـــل بس )) فقــال الاســـد للارنب .. مارأيك ان اشــاركك اللعب ياصغيــري !!!.؟؟..... فرد الارنب بدهــاء يفوووق الوصف ويدل على ذكاء الارنب : تريد ان تلعب معي .. عاااادي لي الشرف العظيم .. (( اي والله ذكاء .. لكن وش نقوول .. انت شف من يتكلم واعرف ان الموضوع كله عفسه )) .. فقال الاسد والشرر يتطاير من عينيه .. مارأيك ياصغيري ان نلعب عروســه وعريــس ... وآخــذ انا دور العسكــري وانت تأخذ دور الحرامـــي ... (( لا والله الغابه الزينـــه .. اذا كان هــذا ملكهــــا .. اجل الباقين وش بيصيرون )) المهم .. طلب الاســد من الارنب الصغير ان يختبئ في مكــان .. لكي يبحث الاسد عنــــه .. وكان الاسد مبيت النيه على التهــام الارنب .... المهم .. ذهب الارني وتخفــى وراء احدى السيــارات ... (( العن ام النصب .. وش هالغابــه .. لكن الشرهه ميب عليك الشرهه على اللي جالس يقراك اللين اللحين )) زكان الاسد مغمض عين ومفتح عين .. عشان يشوف وين سوف يختفي هذا الارنب اللعين ... وعندما بدأت اللعبــه اخذ الاسد يمشي وكانه يبحث عن الارنب المكار .. وهو يعرف مكانه .. وجاء الاســـد من خلــف الارنب لكي يلهمه على عجــل دون ان يلحظ الارنب ذلك ... .. وعند هذه اللحظــه .. قفــز الارنب المكـــار قفزه مدويه .. وباغـــت الاســد بهجـــوم مضــاد ليس له مثيــل .. ولطم الاسد على وجنته .. فأخــذ الاســد يهرب مهرولا .. والارنب كافخ وراءه .. والاسد يهرول.. وكأن على رأسه الطير..والارنب .. وراه ماسح طبلونه ....ووثب الارنب على الاســـد من الخلف .. حتى ارداه ارضا ..... وعندها التهم الارنب الاســد .. وخلــص الغـــابه من شروره .. وعاشت الحيوانات .. في فرح وسرور .. (( يالربع .. من عنده بندول ولا دوا حق الضغط ...... بالله وش لون صابرين عليه .. كلموا المشرف يطرده .. ولا لا تعطونه وجــه خلوووه يكتب اللين يتعب ويمل .. يمكن يفهمها .. ولا هذا موضوع يكتبه واحد عنده ذرة عقل ))

هاااااااه .. انشاالله اعجبتكم النكتـــــــــه .. ترى اذا اعجبتكم عنـــدي غيرهــــا كثير .. لان اخوي الصغير دايم يقول نكت مثلها .... (( واللي يرحم والديكم .. تكفون لاتجاملونه .. والله تراااه يصدق ... الله يخليكم لاتردون عليه تراااه غثيث ما ينعطى وجه .. والله لتندمون لو تعطونه وجه )) واللحين اترككــم لكي تتفرغوا للتـــأمل في هــذه النكتــــه الجميلـــه .. لكي تحكوها لأصــدقئكم .... (( ياخي والله يانت واثق من نفسك بعــد ... يعني زوود على غثاثتك وكذبك .. واثق بعد ... ايه ايه .. بنحكيها لأصدقائنا .. بس بالله لا عاااد تكررهــا .. فهمت ...ولا ترى بنبدا نستعمل العنف معاك ..

المحب
12-01-2003, 11:52 PM
:D:D:D:D:D:D:D:D:D

جمال حمدان
13-01-2003, 04:10 AM
مرة كنت قاعد طفشان وتهاوشت مع روحي فقلت هذه الابيات باللبطي :3:

انثبرْ , واقعدْ مكانك ما أبيك

........... ما أبي كل يومْ اردد يا حسافه !

تشتري وتبيع فيني , واشتريك

........... وما ربحتْ بشروتك إلاَّ الصَّلافه

لا تجي عندي ولا ودي أجيك

.......... فِكِّني مِنَّك , ومن ذيكَ اللقافة !

حسبيَ الله يا كُبُرْ بلواي فيك

........... حنظلٍ في الحلق لو انك كنافة

ما هقيت اني في يوم ادعي عليك

........ ... مير قلبي فاض من كثر اللي شافه

يا العذول اذلف ترى ما أشتهيك

............. وانثبر ! ما بين عشاقٍ كلافة !


وسامحونا !!! أخوكم / جمال حمدان :6: :6: :6:

ta3mia
14-01-2003, 01:09 PM
:D


Photo Gallery