المساعد الشخصي الرقمي

مشاهدة النسخة كاملة : طريقك مسدود ... مسدود



dr loma 93
21-05-2005, 10:06 PM
كام واحد فينا ماسمعش أغنية قارئة الفنجان لـ"عبد الحليم حافظ"؟ أو حتى سمع عنها؟ كتير قوي كنت باسمعها وتعدي عليّ عادي، لغاية يوم كان عندي فيه امتحان وصاحية الصبح عادي لا بيّ ولا عليّ.. لأ مش صاحية أصل أنا ليّ طقوس خاصة أيام الامتحانات..

أنا قبل الامتحان بأسبوع معدتي بتتعبني وبحس بمغص شديد قوي يصاحبه أعراض العته المنغولي والشررمبرلاح مع بدايات هيستريا و...........

لغاية قبل الامتحان بيومين وأحس زنقة الوقت، أترعب أكتر وأشرب جرعات مكثفة من القهوة والنسكافيه مع القليل من الشاي لزوم السهر وعدم النوم، وهو ما يجعلني والحمد لله قادرة على المواصلة لمدة 48 ساعة بدون أن يطرف لي جفن.

وليلة الامتحان أبدأ في شرب 8 قهوة مع 6 نسكافيه إلى جانب 3 أو 4 كوبايات شاي -أصل أنا مش بحبه قوي-!!! وحتى لو خلصت المادة 3 مرات، وراجعت كذا مرة، وحلّيت كل الأسئلة الممكنة ماباقدرش أنام من الرعب ولا حتى أقعد على السرير، لكن أظل أحدق في السقف وأدور وألف حوالين نفسي لغاية ميعاد الامتحان...... تررررررررررررررررررا..
ويوم الامتحان أقوم ألبس وأفضل أراجع تاني وتالت، وفي يوم من الأيام والراديو شغال عادي وأنا بجهز للامتحان انطلق صوت "عبد الحليم حافظ".....

طريقك مسدودٌ.. مسدودٌ.. مسدود.. يااااااااااااااااااااااا ولدي!!!!
"مسدود إيه؟؟ يا نهار أسود.. هو أنا ناقصة؟؟؟"

ورحت الامتحان وحالتي النفسية مش زفت بس لأ زفت وهباب وقطران...

وعدى اليوم ده على خير، وتاني يوم باستعد للامتحان، وعملت كل الاحتياطات، وقفلت الراديو والتليفزيون وكل حاجة، وإذ فجأة ينبعث الصوت...
طريقك مسدودٌ.. مسدودٌ.. مسدود.. يااااااااااااااااااااااا ولدي!!!!

من أين جاء هذه المرة؟؟ من عند الجيران.. حسبي الله ونعم الوكيل!!
وانتهت الامتحانات بحمد الله ونسيت قارئة الفنجان والامتحانات وكل حاجة وجاءت اللحظة الحاسمة.. اللحظة التي يكرم فيها المرء أو يهان.. إنها لحظة النتيجة.

نزلت من البيت في اتجاه الجامعة وأنا في قمة القلق وأخذت تاكسي عشان أوصل بسرعة، ومن حظي الأسود كان سواق التاكسي مشغل الراديو اللي مستقصدني.. وانبعث الصوت..
طريقك مسدودٌ.. مسدودٌ.. مسدود.. يااااااااااااااااااااااا ولدي!!!!
لأ حرام كده مش في النتيجة.. كفاااااااااااااااااااااااااااااااااااية.

وذهبت إلى الجامعة وشفت النتيجة والحمد لله نجحت وجبت جيد جدا... كله بفضل "عبد الحليم" و.......
طريقك مسدودٌ.. مسدودٌ.. مسدود.. يااااااااااااااااااااااا ولدي!!!!

ومن يومها وكل يوم امتحان أو نتيجة بغني دايماً...
طريقك مسدودٌ.. مسدودٌ.. مسدود.. يااااااااااااااااااااااا ولدي!!!!
هذه الأغنية العظيمة التي تبعث على التفاؤل والمرح والاطمئنان...
عقبال طريقي دايما ما يبقى مسدودٌ.. مسدودٌ.. مسدود.. يا ولدى!!!




تحياتى http://www.nileteam.com/forum/style_emoticons/1975/36_4_11.gif






ثا نكس
*3*

الدكتورة نسيبة
21-05-2005, 10:25 PM
ههههههههههههه

مبروك النجاح وعقبالى

دعواتك

عـزالديـن
21-05-2005, 11:36 PM
وذهبت إلى الجامعة وشفت النتيجة والحمد لله نجحت وجبت جيد جدا... كله بفضل "عبد الحليم" و.......
طريقك مسدودٌ.. مسدودٌ.. مسدود.. يااااااااااااااااااااااا ولدي!!!!كله بفضل الله سبحانه وتعالى
وإن شاء الله طريقك مفتوح للإيمان والنجاح والفلاح فى الدنيا والآخرة
وألف مبروك النجاح بتقدير جيد جداً

dr loma 93
22-05-2005, 11:43 AM
شكرا يا جماعة على ردودكم لكن انا اسف لان الموضوع ده منقول

حنـــــان
23-05-2005, 09:54 PM
انا برضو باقول جامعة ايه وانت كاتب انك عندك 12 سنة؟ :)
عالعموم منقول منقول بس الموضوع لذيذ جدا


Photo Gallery