المساعد الشخصي الرقمي

مشاهدة النسخة كاملة : أكلة والسلام..للرجال فقط



أحمد ناصر
08-05-2005, 02:59 PM
إخوانى الرجال
العزاب منكم والمتزوجون
كثيرا ما يتعرض جنس الرجال إلى الكثير من المواقف الصعبة
مثل أن يعيش المرء عازبا لأسباب إقتصادية
أو لدواعى السفر للعمل أو للدراسة
أو أن تغضب عليه زوجته فتقرر حرمانه من الطعام
ناهيكم عن أن أغلب زوجات هذه الأيام لا يذهبن إلى المطبخ إلا من باب الترويش
لذلك قررت لوجه الله أن أغششكم بعض وصفات الطعام التى تعلمتها أيام العزوبية
هو غالبا عك فى عك
فنصيحة لوجه الله لو ظروفكم المادية كويسة ممكن تأكلوا بره
أو قضوها فول وطعمية
يعنى أنا مش مسئول عن النتائج
[line]
(1) كيف تطبخ الأرز (الرز يعنى)
شوف يا سيدى
أهم حاجة هى النظافة
لذلك لابد من تنقية الأرز
وذلك بأن تتخلص من الحاجات السودة اللى فيه لإن ده تراب أو طين
وياريت أى حاجة تلاقيها مش بيضاء ترميها بره الطبق الذى تم وضع الرز به
يعنى ساعات بيبقى فيه حصى وزلط وأشياء عجيبة
فإذا كنت كسلان ولا تحب تنقية الأرز فإتشاهد على سنة من سنانك أو ضرس من ضروسك
أو الحشو البلاتين اللى الدكتور عمله لسيادتك بسبب عدم غسل الأسنان جيدا قبل الأكل وبعده
المهم بعد تنقية الأرز (فى حالة تنقيته)
يوضع فى طبق أو مصفاة ويتم غسله بالماء
ويجب أن تراعى أن تكون المصفاة ذات خروم أضغر من حبات الأرز وإلا ها تضطر تلم الأرز من الحوض
وبص من غير فزلكة
تغسل الأرز بإنك تفتح الحنفية عليه لمده دقيقتين تلاتة علشان يتخلص قليلا من المادة النشوية لإن ده اللى بيخلى الرز يعجن
بعدين تسيب الأرز يصفى ميته لمدة خمسة دقائق فى المصفاة
وفى هذه الأثناء إختار حلة مناسبة
يعنى تكون متوسطة كده
ضع الحلة على النار
ضع كمية من الزيت فى الحلة (سيبك من السمن وماتدلقش الإزازة كلها) حاجة كده بتاع خمس ست ملاعق من الزيت
وإترك الزيت يسخن لمدة 3 دقائق
وبعدين تمسك بإيدك حبة من الأرز وتروح طاشه فى الزيت
وتفضل تقلب بالملعقة لغاية ما تجد إن الرز لونه أصبح أصفر وداخل على البنى
تروح دالق باقى كمية الأرز فى الحلة
وبعدين تفضل تقلب الأرز مع بعضه لمدة دقيقتين تلاتة
وبعدين أهم خطوة بقى إنك تضع كمية من المياه تكون أعلى من مستوى الأرز بحاجة بسيطة
يعنى ماتزودش عن سنتيمتر تقريبا
وتروح حاطط الملح وإنت وتقديرك بقى
وتروح مقلب تقليبة فى السريع
وبعدين تغطى الحلة كويس
وتخلى النار متوسطة
وبعد شوية صغيرين
أول ما تحس إن الرز ها يشرب الماء تروح موطى على النار
مش إنت اللى توطى
لأ تخللى النار واطية يعنى
ويا سلام لم لو عندك شياطة
ولو ماعندكش ما يهمكش
المهم بعد حوالى ربع ساعة تطفى البوتاجاز وتاكل بالهنا والشفا
وحتى لو الأرز ما طلعش حلو ما يهمكش
يكفيك شرف المحاولة
صدقنى طبخ الرز سهل جدا
بس أنا اللى لتيت وعجنت علشان أعمل فيها أبو العريف

أنفـــــال
08-05-2005, 06:25 PM
:)
ايه الشطارة دي؟
يا ما شاء الله يا ما شاء الله :)

حلوة يا احمد..
أنفال

Abdou Basha
08-05-2005, 06:49 PM
إزيك يا احمد .. :)


عايزين حاجة جنب الرز *5* ... قصدي (الأرز) :d


أنا بعمل الرز .. ولازم يطلع يا معجن .. يا ناشف ... *65*

جربت كل النصايح.. *111*



لحد ما لقيت نصيحة جامدة جدا .. *80*
































إن أنا مابقاش أعمل رز .. *89*

بس برضه تسلم إيدك.. *3*

أحمد ناصر
09-05-2005, 07:45 AM
:)
ايه الشطارة دي؟
يا ما شاء الله يا ما شاء الله :)

حلوة يا احمد..
أنفال
ألف شكر يا أنفال
عاشان تعرفوا إن الرجال برضه عندهم مواهب :d

أحمد ناصر
09-05-2005, 07:47 AM
إزيك يا احمد .. :)


عايزين حاجة جنب الرز *5* ... قصدي (الأرز) :d


أنا بعمل الرز .. ولازم يطلع يا معجن .. يا ناشف ... *65*

جربت كل النصايح.. *111*



لحد ما لقيت نصيحة جامدة جدا .. *80*
































إن أنا مابقاش أعمل رز .. *89*

بس برضه تسلم إيدك.. *3*
*109* ضحكتنى يا عبده
عموما جرب إنت بس الطريقة دى
وبالهنا والشفا
*8*

أحمد ناصر
11-05-2005, 04:10 PM
أولا تشترى كيس مكرونة نوع كويس
يعنى ما تسترخصش
علشان المكرونة الرخيصة غالبا بتعجن
هات حلة متوسطة وإملاها ماء
ضع نقطة أو نقطتين زيت طعام داخل الماء
إنتظر حتى تغلى المياه ثم ضع محتويات كيس المكرونة داخل الحلة
يا سلام بقى لو تعرف تفصص قد عشر حبات من التوم وتدقهم فى الهون
أو تقشر لك بصلة من الحجم الصغير خرط صغيرة
وبعد حوالى ثلث ساعة أو نصف ساعة من وضع المكرونة داخل الماء الذى يغلى على النار
ضع المكرونة المسلوقة فى مصفاة لتصفيتها
ضع قليلا من الزيت فى الحلة الفارغة
إتركه يسخن لمدة ثلاث دقائق
أضف البصل المخروط أو الثوم المدقوق إلى الزيت حتى يصير لونهم مائل للإصفرار
أضف ملعقتين مملوئتين من علبة الصلصلة
قلب تقليبة فى السريع وبعدين أضف ملعقة طعام ملح
وقليلا جدا من الفلفل الأسود أو الشطة الحمراء
صب حوالى خمسة أكواب من الماء وقلب الخايط
أول ماتلاقى الصلصلة بدأت تغلى وطى على النار
وبعد حوالى ربع ساعة ضع المكرونة المصفاة داخل الحلة
وقلبها كويس علشان الصلصة توصل لكل حبات المكرونة
ثم كل بالهناء والشفاء

بنت شهريار
11-05-2005, 04:31 PM
لا لا لا يا استاذ احمد
دا انتم كدا مش محتاجين مننا حاجة خااااااااااااالص
ايوة كدا المساهمة ولا بلاش
بس يعنى هو لازم تبينوا شطارتكم وانتم عزاب
مينفعش نشوف الشطارة دى واحنا معاكم
عموما تسلم ايدك حتى والرز معجن
كله من ايدكم جميل.
تقبل تحياتى.

أحمد ناصر
11-05-2005, 04:36 PM
لا لا لا يا استاذ احمد
دا انتم كدا مش محتاجين مننا حاجة خااااااااااااالص
ايوة كدا المساهمة ولا بلاش
بس يعنى هو لازم تبينوا شطارتكم وانتم عزاب
مينفعش نشوف الشطارة دى واحنا معاكم
عموما تسلم ايدك حتى والرز معجن
كله من ايدكم جميل.
تقبل تحياتى.
أختى العزيزة بنت شهريار
أبدا والله ليس عند العزوبية فقط
فأحيانا أساعد زوجتى وإن كان نادرا وفى حالات الطوارىء
شكرا لك على مشاركتك
*168*

أسيرة الصبر
14-05-2005, 09:08 AM
هههههههههههههههههههههههههههههههههههههههههههههههههه ههههههههه

والله اول مره اسمع ان الرز يتطبخ بالطريقه دي

دي فايدة التكنولوجيا ههههههههههههههههههههه

بص ياأحمد انا هعملها وعلى ذمتك لوجرالي حاجه مش هيحصل طيب هههههههههههههههههههه

وبالنسبه للمكرونه

ايوه دي عندك حق باين عليها حلوه لان كده الطريقه ولابلاش

عاوزين تتحفنا كمان بطبخاتك الحلوه

ممكن سؤال:

متعرفش الملوخيه والكشري
نفسي حد يعلمني طريقتهم هههههههههههههههههههههههه
تحياتي ليك

أسيرة الصبر

ديدي
14-05-2005, 01:38 PM
ماشاء الله عليك يا احمد
ايه الشطارة والمواهب دى كلها فى المطبخ
تحياتى لك.

ماما زوزو
14-05-2005, 05:14 PM
بسم الله الرحمن الرحيم
هههههههههههههههههههههههههههه
الله الله دانت ولا اجدعها شيف 5 نجوم
هلكتنى على روحى من الضحك يااحمد
يارب تسلم وتعيش وتسلم ايدك ياااااااااارب
ايه الشطاره دى دانتم مستغنيين عننا بقه لااااااا
بس برضوا ولو ماتقدروش تستغنوا عننا ابداااااا
اصل المثل بيقول ايه : القط مايحبش الا خنافه
مش كده ولا ايه !!! على راى فؤاد المهندس ...
ربنا يضحك سنك ويسعد ايامك ياااااارب ...
لو سمحت عايزة اعرف نسلق البيض ازاى ؟؟؟

أحمد ناصر
15-05-2005, 10:29 AM
هههههههههههههههههههههههههههههههههههههههههههههههههه ههههههههه

والله اول مره اسمع ان الرز يتطبخ بالطريقه دي

دي فايدة التكنولوجيا ههههههههههههههههههههه

بص ياأحمد انا هعملها وعلى ذمتك لوجرالي حاجه مش هيحصل طيب هههههههههههههههههههه

وبالنسبه للمكرونه

ايوه دي عندك حق باين عليها حلوه لان كده الطريقه ولابلاش

عاوزين تتحفنا كمان بطبخاتك الحلوه

ممكن سؤال:

متعرفش الملوخيه والكشري
نفسي حد يعلمني طريقتهم هههههههههههههههههههههههه
تحياتي ليك

أسيرة الصبر
هههههه
إزيك يا أسيرة الصبر
جربى بس طريقة الأرز وإنت تدعيلى
الأرز ده بيسموه (حبة وحبة)
ومابيعملوش إلا المحترفين من أمثالى :d
بصراحة أنا لم أجرب أصنع كشرى من قبل
ولكن هو سهل على ما أعتقد
فيلزمك فقط أن تسلقى مكوناته كل على حدة (أرز -مكرونة-عدس بجبة-حمص الشام)
وبعدين تعملى التقلية (وهى عبارة عن ثوم مقطع شرائح صغيرة ويقلى فى الزيت حتى يصير لونه مائل للبنى)
وتعملى صلصة بنفس طريقة صلصلة المكرونة ولكن تضاعفى الكمية
وبالهناء والشفا
أمت عن الملوخية فأنا بأعمل الملوخية الجاهزة وليس عندى صبر على الملوخية التقليدية
فأسخن كيس الملوخية الجاهزة على النار على حسب التعليمات الكتوبة على الكيس
لكن الحرفنة كلها فى التقلية
وهى أن تقطعى الثوم إلى قطع صغيرة جدا
وتضعيها فى زيت الساخن
وتضيفى الكسبرة المدقوقة إلى الثوم عند إصفرار لونه
ثم تأخذى بالمغرفة كمية من الملوخية وتضعيها فى المقلاة التى بها الثوم والكسبرة
ثم تضعى هذا الخليط فى حلة الملوخية
أهم حاجة فى عمل الملوخية والمشهورة جدا عند الستات المصريات هى الشهقة
والشهقة دى إنك أثناء إضافة التقلية إلى الملوخية تعملى صوت الشهقة(يعنى كإنك مخضوضة أو مندهشة *109*)

أحمد ناصر
15-05-2005, 10:48 AM
ماشاء الله عليك يا احمد
ايه الشطارة والمواهب دى كلها فى المطبخ
تحياتى لك.
هههههه
إيه رأيك يا ديدى؟
أى خدمة
بس على فكرة أنا بأخلى مسئوليتى عن تطبيق هذه الوصفات
يعنى أنا مش مسئول عن النتيجة
لإن أى خطأ صغير فى التنفيذ ممكن يولد إنفجار فى المطبخ
*109*

أحمد ناصر
15-05-2005, 10:52 AM
بسم الله الرحمن الرحيم
هههههههههههههههههههههههههههه
الله الله دانت ولا اجدعها شيف 5 نجوم
هلكتنى على روحى من الضحك يااحمد
يارب تسلم وتعيش وتسلم ايدك ياااااااااارب
ايه الشطاره دى دانتم مستغنيين عننا بقه لااااااا
بس برضوا ولو ماتقدروش تستغنوا عننا ابداااااا
اصل المثل بيقول ايه : القط مايحبش الا خنافه
مش كده ولا ايه !!! على راى فؤاد المهندس ...
ربنا يضحك سنك ويسعد ايامك ياااااارب ...
لو سمحت عايزة اعرف نسلق البيض ازاى ؟؟؟

ست الحبايب ماما زوزو
إحنا لايمكن أبدا نقدر نستغنى عنكم :d
ومين قال إننا بنحب اللى يخنقنا وإحنا مخنوقين خلقة :d
وحضرتك يا ريت تحددى أى أنواع البيض الذى تريدين معرفة طريقة سلقه(الأبيض أم الأحمر أم البلدى؟)*109*
أصله يفرق مع المحترفين *3* *8*

ماما زوزو
15-05-2005, 11:55 AM
ست الحبايب ماما زوزو
إحنا لايمكن أبدا نقدر نستغنى عنكم :d
ومين قال إننا بنحب اللى يخنقنا وإحنا مخنوقين خلقة :d
وحضرتك يا ريت تحددى أى أنواع البيض الذى تريدين معرفة طريقة سلقه(الأبيض أم الأحمر أم البلدى؟)*109*
أصله يفرق مع المحترفين *3* *8*
بسم الله الرحمن الرحيم
واحنا كمان مانقدرش نستغنى عنكم ابدا
والف سلامة عليك يااحمد من الخنقه ...
والله اتكرم علينا وادينا وصفة لكل واحد فيهم...
على فكرة يااحمد انا نقلت الموضوع
لقاعة المطبخ احسن انت تزعل لو ما لقيتش
الموضوع وانا مااقدرش على زعلك ابدااااا ...

أحمد ناصر
15-05-2005, 12:12 PM
لا أبدا يا ماما زوزو
لا يمكن أبدا أزعل من حضرتك
وأعتذر لعدم طرح الموضوع فى القاعة المناسبة
والظاهر إنى بعد زواجى هأكون زبون مستديم عندكم *109*

على درويش
15-05-2005, 01:00 PM
تسلم ايدك يا ابوحميد
خش على الرز بلبن
علشان انا غاوى حاجات حلوة

أمة الله
15-05-2005, 01:38 PM
بسم الله الرحمن الرحيم
السلام عليكم و رحمة الله و بركاته
ايه الشطارة دى يا سيى احمد بس هاديك معلومتين عشان تعرف اذا كانت الميه كويسه و لا زيادى فى الرز تمسك معلقه و تغرزها فى الرز بوضع افقى لو وقفت تمام من غير ما تقع يبقى الميه كويسه لو وقعت يبقى تقلل شوية ميه
بالنسبة للمكرونه جرب تشطفها بعد ما تصفى منها الميه كده هاتتخلص من النشا اللى فيها و ماتعجنش كمان
ايه رأيك بقى اعتقد برضه انكم ما تستغنوش
أسيرة الصبر اوعى تعملى الكشرى زى ما بيقولك المكونات بتاعته ما بتتسلقش هاسأل ماما و اقول لك هو ايه كل من طبخ يعرف يعمل كشرى

أحمد ناصر
15-05-2005, 02:14 PM
تسلم ايدك يا ابوحميد
خش على الرز بلبن
علشان انا غاوى حاجات حلوة
حبيبى م. على
الأرز بلبن (بس ده عك علشان تكون عارف :d )

نفس الخطوات السابقة من حيث تنقية الأرز وغسله وتصفيته من المياه
وبعدين تضع على النار الأرز فى حلة بها مياه تساوى تقريبا تلات أضعاف كمية الأرز
يعنى ثلاث أكواب مياه مقابل كوب من الأرز
وتترك الأرز يستوى
وكل شوية ممكن تزود كمية المياه
وأول ما تحس إن الأرز ها يستوى تسيبه يشرب ميته تقريبا وبعدين تضيف له اللبن السائل والسكر
وبعدين تصبه فى أطباق
وتضع على (وش الطبق)جوز هند وزبيب زمكسرات مجروشة إذا أمكن
يعنى حسب الإمكانات المتاحة عندك فى المطبخ
وبالهناء والشفاء
شوف يا باشمهندس
هو الموضوع سنس
أو حاسة فى الأول والآخر
بس الستات أحيانا بتتفلسف علينا *109*
مرة والدة واحد صاحبى أيام العزوبية وصفلها طريقة عملى للأرز بلبن (وكانت طريقة تانية خالص وعك أكتر من كده)
فبعد ما وصفلها الطريقة سألته:وطلع إيه فى الآخر *109*
وإندهشت فعلا وضحكت من قلبها عندما قال لها إنه كان لذيذ وأكلنا صوابعنا وراه
*4*

أسيرة الصبر
18-05-2005, 04:41 AM
هههههه
إزيك يا أسيرة الصبر
جربى بس طريقة الأرز وإنت تدعيلى
الأرز ده بيسموه (حبة وحبة)
ومابيعملوش إلا المحترفين من أمثالى :d
بصراحة أنا لم أجرب أصنع كشرى من قبل
ولكن هو سهل على ما أعتقد
فيلزمك فقط أن تسلقى مكوناته كل على حدة (أرز -مكرونة-عدس بجبة-حمص الشام)
وبعدين تعملى التقلية (وهى عبارة عن ثوم مقطع شرائح صغيرة ويقلى فى الزيت حتى يصير لونه مائل للبنى)
وتعملى صلصة بنفس طريقة صلصلة المكرونة ولكن تضاعفى الكمية
وبالهناء والشفا
أمت عن الملوخية فأنا بأعمل الملوخية الجاهزة وليس عندى صبر على الملوخية التقليدية
فأسخن كيس الملوخية الجاهزة على النار على حسب التعليمات الكتوبة على الكيس
لكن الحرفنة كلها فى التقلية
وهى أن تقطعى الثوم إلى قطع صغيرة جدا
وتضعيها فى زيت الساخن
وتضيفى الكسبرة المدقوقة إلى الثوم عند إصفرار لونه
ثم تأخذى بالمغرفة كمية من الملوخية وتضعيها فى المقلاة التى بها الثوم والكسبرة
ثم تضعى هذا الخليط فى حلة الملوخية
أهم حاجة فى عمل الملوخية والمشهورة جدا عند الستات المصريات هى الشهقة
والشهقة دى إنك أثناء إضافة التقلية إلى الملوخية تعملى صوت الشهقة(يعنى كإنك مخضوضة أو مندهشة *109*)

عدس بجبه يعني عدس اسمر؟؟؟؟؟؟؟؟؟؟؟؟؟؟؟؟؟؟

ممكن ياأحمد تسلفلي ست تعملي الشهقه:d :d


تحياتي ياشيف

أحمد ناصر
18-05-2005, 08:43 AM
بسم الله الرحمن الرحيم
السلام عليكم و رحمة الله و بركاته
ايه الشطارة دى يا سيى احمد بس هاديك معلومتين عشان تعرف اذا كانت الميه كويسه و لا زيادى فى الرز تمسك معلقه و تغرزها فى الرز بوضع افقى لو وقفت تمام من غير ما تقع يبقى الميه كويسه لو وقعت يبقى تقلل شوية ميه
بالنسبة للمكرونه جرب تشطفها بعد ما تصفى منها الميه كده هاتتخلص من النشا اللى فيها و ماتعجنش كمان
ايه رأيك بقى اعتقد برضه انكم ما تستغنوش
أسيرة الصبر اوعى تعملى الكشرى زى ما بيقولك المكونات بتاعته ما بتتسلقش هاسأل ماما و اقول لك هو ايه كل من طبخ يعرف يعمل كشرى
*109*
شكرا يا داليا على المعلومات
بس لمعلوماتك
البروفيشنال بيعرف المية كويسة ولا لأ بالخبرة
وبيقدر يتعامل معها بالتحكم فى مستوى الشعلة
يعنى إمتى يخلى النار عالية أو واطية
وشطف المكرونة عندك حق فيه لإنى نسيت أقوله
وإن كنت ساعات بأكسل وبرضه المكرونة ما بتعجنش :pوطريقة الكشرى صحيحة
ولو مش مصدقانى إسألى مامتك
:d
شكرا على مشاركتك اللطيفة
*168*

أحمد ناصر
18-05-2005, 08:57 AM
عدس بجبه يعني عدس اسمر؟؟؟؟؟؟؟؟؟؟؟؟؟؟؟؟؟؟

ممكن ياأحمد تسلفلي ست تعملي الشهقه:d :d


تحياتي ياشيف
أختى العزيزة أسيرة الصبر
أيوة فعلا
العدس بجبة هو الأسمرانى الحليوة ده :d
وممكن أبعت لك صوت الشهقة على شريط كاسيت تشغليه كل لما تعملى ملوخية :d
شكرا على مشاركتك الجميلة
*168*

حنـــــان
18-05-2005, 09:08 AM
وممكن أبعت لك صوت الشهقة على شريط كاسيت تشغليه كل لما تعملى ملوخية

http://smilies.sofrayt.com/fsc/clap.gif

يا أحمد لازم بقى تقول ازاي نطبخ فراخ ولا حاجة مع الرز أو المكرونة http://www.3e6r.net/data/media/4/turkey00.gif

أحمد ناصر
18-05-2005, 09:35 AM
*109*
إنت إفتكرتى إنى شيف بجد يا نونا
دى وصفات عك من أيام العزوبية
يعنى حاجة كده على ما تفرج :d
وأنا عن نفسى بأطبخ الفراخ إزاى تفتكرى
بأسلق الفرخة
وبعدين أروح محمرها فى السمن أو الزيت وخلاص
الحمد لله إنى إتجوزت وإستريحت من العك بتاعى
*109*

أم أحمد
11-04-2006, 12:35 AM
ايه المواهب الجامدة دي يا احمد
كل ده كان مستخبي فين
بس يا تري بتساعد ام لبني دلوقتي
ولا خلاص بقي ده كان زمان ايام العزوبية

حسام عمر
11-04-2006, 01:00 AM
اخي الحبيب

احمد

في المطبخ

ليش يا ولد العم


ورز كمان


مش معقوله كده يا احمد

منور كل مكان في المنتدى

وخاطف الاضواء

ربنا يبركلك ويكرمك ويوفقك

حسام عمر
11-04-2006, 01:06 AM
حبيبى م. على
الأرز بلبن (بس ده عك علشان تكون عارف :d )

نفس الخطوات السابقة من حيث تنقية الأرز وغسله وتصفيته من المياه
وبعدين تضع على النار الأرز فى حلة بها مياه تساوى تقريبا تلات أضعاف كمية الأرز
يعنى ثلاث أكواب مياه مقابل كوب من الأرز
وتترك الأرز يستوى
وكل شوية ممكن تزود كمية المياه
وأول ما تحس إن الأرز ها يستوى تسيبه يشرب ميته تقريبا وبعدين تضيف له اللبن السائل والسكر
وبعدين تصبه فى أطباق
وتضع على (وش الطبق)جوز هند وزبيب زمكسرات مجروشة إذا أمكن
يعنى حسب الإمكانات المتاحة عندك فى المطبخ
وبالهناء والشفاء
شوف يا باشمهندس
هو الموضوع سنس
أو حاسة فى الأول والآخر
بس الستات أحيانا بتتفلسف علينا *109*
مرة والدة واحد صاحبى أيام العزوبية وصفلها طريقة عملى للأرز بلبن (وكانت طريقة تانية خالص وعك أكتر من كده)
فبعد ما وصفلها الطريقة سألته:وطلع إيه فى الآخر *109*
وإندهشت فعلا وضحكت من قلبها عندما قال لها إنه كان لذيذ وأكلنا صوابعنا وراه
*4*


اليوم اللي حتعزمني فيه يا احمد تعمل حسابك

على حله رز بلبن ليه

عشان ان بموت في الرز باللبن

وسكري مظبوط

ولك جزيل الشكر

:f2: :f2: :f2:

أحمد ناصر
11-04-2006, 11:26 AM
ايه المواهب الجامدة دي يا احمد
كل ده كان مستخبي فين
بس يا تري بتساعد ام لبني دلوقتي
ولا خلاص بقي ده كان زمان ايام العزوبية
أهلا يا أم أحمد
أم لبنى الله يكون فى عونها
لبنى هانم نونة مزعجة جدا
وأنا أكثر منها إزعاجا وطلباتى كتيرة
بصراحة ضميرى إبتدى يوجعنى
وهأحاول أساعدها على قد ما أقدر
إن شاء الله

أحمد ناصر
11-04-2006, 11:38 AM
اليوم اللي حتعزمني فيه يا احمد تعمل حسابك

على حله رز بلبن ليه

عشان ان بموت في الرز باللبن

وسكري مظبوط

ولك جزيل الشكر

:f2: :f2: :f2:
بس كده يا حسام؟
إنت تؤمر
بس إنت إنوى

حسام عمر
11-04-2006, 11:43 AM
اخي احمد فير رد فوق الرد

انتا مبصتش عليه

أحمد ناصر
13-04-2006, 10:38 AM
اخي احمد فير رد فوق الرد

انتا مبصتش عليه
بصيت عليه والله يا حسام

اخي الحبيب

احمد

في المطبخ

ليش يا ولد العم


ورز كمان


مش معقوله كده يا احمد

منور كل مكان في المنتدى

وخاطف الاضواء

ربنا يبركلك ويكرمك ويوفقك
لكن يمكن علشان الود المتبادل بيننا شيء ليس بالجديد
ربنا يديم المعروف والصداقة بيننا
:h:
بينما حبك للرز بلبن معلومة جديدة بالنسبة لى
فرديت على المشاركة الثانية
*3*
ربنا يخليك لى يا حسام
وشكرا على كلماتك الجميلة يا جميل

حسام عمر
13-04-2006, 01:41 PM
انا ولله الحمد مفيش اي اكله مبحبهاش

كل عندي زي الفل

معدا المشطشط

لانه بيوجعلي معدتي

أحمد ناصر
26-01-2012, 07:21 PM
انا ولله الحمد مفيش اي اكله مبحبهاش

كل عندي زي الفل

معدا المشطشط

لانه بيوجعلي معدتي

وحشتنا يا حسام
بقالك مدة غايب
النهاردة إفتكرت الموضوع ده وفضلت أضحك وأنا بأقرأه
بأفكر أحاول أفتكر شوية طبخات وأكلات للرجال العازبين وأكمل الموضوع من جديد

حسام عمر
05-01-2013, 06:18 PM
أولا تشترى كيس مكرونة نوع كويس
يعنى ما تسترخصش
علشان المكرونة الرخيصة غالبا بتعجن
هات حلة متوسطة وإملاها ماء
ضع نقطة أو نقطتين زيت طعام داخل الماء
إنتظر حتى تغلى المياه ثم ضع محتويات كيس المكرونة داخل الحلة
يا سلام بقى لو تعرف تفصص قد عشر حبات من التوم وتدقهم فى الهون
أو تقشر لك بصلة من الحجم الصغير خرط صغيرة
وبعد حوالى ثلث ساعة أو نصف ساعة من وضع المكرونة داخل الماء الذى يغلى على النار
ضع المكرونة المسلوقة فى مصفاة لتصفيتها
ضع قليلا من الزيت فى الحلة الفارغة
إتركه يسخن لمدة ثلاث دقائق
أضف البصل المخروط أو الثوم المدقوق إلى الزيت حتى يصير لونهم مائل للإصفرار
أضف ملعقتين مملوئتين من علبة الصلصلة
قلب تقليبة فى السريع وبعدين أضف ملعقة طعام ملح
وقليلا جدا من الفلفل الأسود أو الشطة الحمراء
صب حوالى خمسة أكواب من الماء وقلب الخايط
أول ماتلاقى الصلصلة بدأت تغلى وطى على النار
وبعد حوالى ربع ساعة ضع المكرونة المصفاة داخل الحلة
وقلبها كويس علشان الصلصة توصل لكل حبات المكرونة
ثم كل بالهناء والشفاء

انا بعمل كل الخطوات فيما عدا اني بكتر البصل وبقطع الثوم شرائح عريضه

وحكايت الخمس أكواب مياه جديده نوفي كنت بحط المكرونه على التسبيكه علطول

حسام عمر
05-01-2013, 06:20 PM
هههههه
إزيك يا أسيرة الصبر
جربى بس طريقة الأرز وإنت تدعيلى
الأرز ده بيسموه (حبة وحبة)
ومابيعملوش إلا المحترفين من أمثالى :d
بصراحة أنا لم أجرب أصنع كشرى من قبل
ولكن هو سهل على ما أعتقد
فيلزمك فقط أن تسلقى مكوناته كل على حدة (أرز -مكرونة-عدس بجبة-حمص الشام)
وبعدين تعملى التقلية (وهى عبارة عن ثوم مقطع شرائح صغيرة ويقلى فى الزيت حتى يصير لونه مائل للبنى)
وتعملى صلصة بنفس طريقة صلصلة المكرونة ولكن تضاعفى الكمية
وبالهناء والشفا
أمت عن الملوخية فأنا بأعمل الملوخية الجاهزة وليس عندى صبر على الملوخية التقليدية
فأسخن كيس الملوخية الجاهزة على النار على حسب التعليمات الكتوبة على الكيس
لكن الحرفنة كلها فى التقلية
وهى أن تقطعى الثوم إلى قطع صغيرة جدا
وتضعيها فى زيت الساخن
وتضيفى الكسبرة المدقوقة إلى الثوم عند إصفرار لونه
ثم تأخذى بالمغرفة كمية من الملوخية وتضعيها فى المقلاة التى بها الثوم والكسبرة
ثم تضعى هذا الخليط فى حلة الملوخية
أهم حاجة فى عمل الملوخية والمشهورة جدا عند الستات المصريات هى الشهقة
والشهقة دى إنك أثناء إضافة التقلية إلى الملوخية تعملى صوت الشهقة(يعنى كإنك مخضوضة أو مندهشة *109*)

حعمل الملوخيه

يا أما دخلت شكرتك يا أما جتلي المستشفى