المساعد الشخصي الرقمي

مشاهدة النسخة كاملة : هسسسسسس شحيبر عاوز يناااااام



مامتكم
01-05-2005, 06:52 AM
شحيبر موظف مصرى مطحون يعمل فى مصلحة جماهيرية



يحتاج للوصول اليها الى ان يحشر كغيره فى ميكروباظ ثم فى مترو الانفاق



ثم فى ميكروباظ اخر ولذلك فهو يبدا رحلته الصباحية من السادسة صباحا--



اليوم قرر شحيبر انه لن يذهب لعمله



http://www.mametcom.com/images/mog.gif ايوه مش رايح انا عامل زى الطور اللى مربوط فى ساقية مش رايح أنا عاوز انام

هكذا اجاب زوجته الكادحة وهى تستغرب نومه فى موعد نزوله للعمل



http://www.mametcom.com/images/bb.gif شحيبر انت مش نازل الشغل

http://www.mametcom.com/images/mog.gif لا مش نازل انا عاوز انام-- مدعوق الشغل على اللى فيه

http://www.mametcom.com/images/bb.gif هتاخد عارضة يعنى واللا ايه

http://www.mametcom.com/images/mog.gif مالكيش دعوة سيبينى انااااااااام

http://www.mametcom.com/images/bb.gif طيب بكيفك اللى بيشيل قربة مخرومة بتخر على راسه



زوجة شحيبر امراة عاملة تبدايومها قبل السادسة



حيث عليها ان تحضر كمية من عجينة الطعمية تبيعها لزملائها فى العمل لتحسين الدخل



وعليها تجهيز اولادهم التلاتة للنزول للمدرسة



شحيبر تحت البطانية يمنى نفسه بنومة للضحى مثل اي بيه من البهوات فجاة تولع زوجته النور

http://www.mametcom.com/images/mog.gif فيه اييييييييييييييه

http://www.mametcom.com/images/bb.gif باجهز انا والعيال عشان ننزل

http://www.mametcom.com/images/mog.gif متعرفوش تجهزو بعيد عن هنا

http://www.mametcom.com/images/bb.gifلا ما انت كان المفروض انك مش هنا

يضع المخدة على دماغه محاولا النوم

يلعلع صوت زوجته وهى تنادى على العيال واحدا واحدا http://www.mametcom.com/images/ranting.gif

http://www.mametcom.com/images/bb.gif واد يا حمو قوم ياواد قامت قيامتك http://www.mametcom.com/images/stretcher.gif

http://www.mametcom.com/images/bb.gifبت يا زيزى انت بتعملى ايه فى الحمام ده كله يا بت http://www.mametcom.com/images/wc.gif

http://www.mametcom.com/images/bb.gifانتى نمتى جوه ا(صيحة استعجاب اسكندرانيه )

http://www.mametcom.com/images/bb.gif واد يا ميمى خدت عجينة الطعمية للابلة شهيرة اوع تنساها ياواد خد الجنيه من حبابى عينيها http://www.mametcom.com/images/chair.gif

http://www.mametcom.com/images/2.gifحمو يحاول ازاحة السرير الى نايم عليه شحيبر

http://www.mametcom.com/images/mog.gifبتعمل اييييييييييييه الله ............. (يدعو عليه)

http://www.mametcom.com/images/2.gifمانت اللى نايم على السرير وانا عاوز الكتاب بتاعى من تحت رجل السرير

http://www.mametcom.com/images/mog.gifوالكتاب بيعمل ايه تحت رجل السريرررررررررررررر

http://www.mametcom.com/images/2.gifماما لزقتلى جلدته وحطتهولى هنا علشان اللزق يجمد

يقوم شحيبر متدقلجا من على السرير وياخذ حمو كتابه

جهز الجميع فاضل ام حمو

تزيحه برفق كرفق عشماوى بضحيته

http://www.mametcom.com/images/mog.gifفيه ايييييييه تانىىىىىىىىىىى

http://www.mametcom.com/images/bb.gifحاخد الاشارب من تحت المرتبه

اشارب ايييييييييييييييه

http://www.mametcom.com/images/bb.gifانزاح انت بس شوية وبعدين نام مالكش دعوة



ام حمو تفرد الاشارب تحت المرتبه توفيرا للكهربا والمكوة




نزل الجميع وحدثت حالة من الهدوء النسبى وبدا شحيبر يمنى نفسه بنوم عميق
وضع شحيبر المخدات على راسه محاولا النوم وبدا بالفعل يغط غطيطا يسمع صوته الجيران http://www.mametcom.com/images/sleep1.gifhttp://www.mametcom.com/images/sleep1.gifhttp://www.mametcom.com/images/sleep1.gif







ياترى شحيبر هيعرف ينام ده اللى هنعرفه الحلقة الجاية





مامتكم

نادر فؤاد
01-05-2005, 07:14 AM
ههههه
ايه ده مسلسل ولا فزوره على العموم هحاول اشغال دماغى المره الجايه
شكر مامتكم

ديدي
01-05-2005, 03:46 PM
اهلا مامتنا تعودى بنا الى شحيبر وزوجته
الذى علقنا بك قبل تواجدك الفعلى بينا الذى اسعدنا كثير
من خلال اخينا الفاضل الصعيدى
تحياتى لقلمك وفى انتظار البقية عاوزه اعرف شحيبر هايوصل لايه.

محمد فاروق
01-05-2005, 04:42 PM
فى انتظار الحلقة القادمة

مامتكم
02-05-2005, 06:38 AM
ايه ده مسلسل ولا فزوره على العموم هحاول اشغال دماغى المره الجايه

عادة كتاباتى معظمها بتنزل على حلقات بس الصعيدى كان بينزلها حتة واحدة ويخلص بأحب أترك للقارىء فرصة لتصور الأحداث شكرا نادر فؤاد


اهلا مامتنا تعودى بنا الى شحيبر وزوجته
الذى علقنا بك قبل تواجدك الفعلى بينا الذى اسعدنا كثير
من خلال اخينا الفاضل الصعيدى
تحياتى لقلمك وفى انتظار البقية عاوزه اعرف شحيبر هايوصل لايه

خليكى معايا ياديدى إلهى يسترك العالم كلهم فلسعو باين عليها مش عاجباهم


فى انتظار الحلقة القادمة

وأنا لن أتاخر

aynad
02-05-2005, 01:03 PM
تحفة و الله يا ماما عايزة اعرف ايه اللي حيحصل بعد كدة ؟؟

مامتكم
03-05-2005, 07:05 AM
وضع شحيبر المخدات على راسه محاولا النوم وبدا بالفعل يغط غطيطا يسمع صوته الجيران http://www.mametcom.com/images/sleep1.gifhttp://www.mametcom.com/images/sleep1.gifhttp://www.mametcom.com/images/sleep1.gif

بعد لحظات قليلة قام مفزوعا على صوت خبط على الباب وكانه ركل بالارجل

ذكره بزوار الفجر ربنا ما يحكم على احد *86*

طااااااااااخ ------------طاااااااااااااخ ------------طااااااااااااااخ---------طييييييييخ

فتح الباب

ميدو ابن الجيران يلعب بالاسكوتر على السلم وطاخ هنا مرة وهناك مرة *141*

اييييييييييه اللى بيحصل ده *25*

خرجت الست نعمات وشهقت وهى تتفل فى عبها من الخضة :)

:http://www.mametcom.com/images/in_love.gif:يوووووه يقطعنى انت هنا ياسى شحيبر

اصل الواد ياخويا عنده بعيد عنك جديرى مائى ومنعوه من المدرسه قلت اسيبه يلعب على السلم شوية

بدل ماهو مجننى فى البيت *85*

ادخل يا مقصوف الرقبه كده زعلت عمك شحيبر

معلش ياخويا مستاسفين

http://www.mametcom.com/images/mog.gifحصل خير بس ياريت ميعملش دوشه تانى عاوز انااااااااااااام

دخل شحيبر واعاد وضع المخدات على راسه محاولا استعادة النوم http://www.mametcom.com/images/sleep1.gifhttp://www.mametcom.com/images/sleep1.gif

بعد 10 دقائق

رن جرس التلفون تررررررررررررررررن

http://www.mametcom.com/images/mog.gif الوووووووووووhttp://www.mametcom.com/images/ranting.gif
http://www.mametcom.com/images/book.gifالتلفون اتصلح مبروك

التلفون عطلان بقى له شهر وعمل شحيبر البدع لاصلاحه ولم يحدث حبك يتصلح النهارده ايوة ياسيدى مادام انا بارد عليك يبقى اتصلح

http://www.mametcom.com/images/book.gifاولا انا انسه مش راجل وبعدين بتزعق ليه ده بدل ما تقول متشكرين

http://www.mametcom.com/images/mog.gif خلاص ياستى حقك عليا متشكرين

قفل السكه وقطع السلك باسنانه ليتاكد ان التلفون مش هيرن تانى *9*
وعاد لمحاولات النوم المستميته http://www.mametcom.com/images/sleep1.gifhttp://www.mametcom.com/images/sleep1.gifhttp://www.mametcom.com/images/sleep1.gif

بعد ربع ساعة رننننننننننننننننن جرس الباب

عثمان البواب

عاوز ايه يازفت
http://www.mametcom.com/images/chef.gifالست فكيهة اللى فى الدور الرابع عتجول لك لم الغسيل عشان هى عاوزة تنفض لا مؤاخذة السجاد

http://www.mametcom.com/images/mog.gifافرض انى مش فى البيت

http://www.mametcom.com/images/chef.gifيابيه قد اظعر من ازجر (قد اعذر من انذر)

الست حرمكم المرة اللى فاتت دبت خناجة لرب السما من تحت راس المودوع ده

انا بلغتك وعملت اللى عليا *12*

تذكر شحيبر ما فعلته زوجته وهى تردح للست فكيهة لما نفضت السجاد على الغسيل وكيف انه طلعها من الحجز بكفاله لانها فتحت راس الست وجوزها وبنتها *15*

طلع شحيبر ولم الغسيل بمنتهى الجنتله *150*

وعاد شحيبر يحاول النوم لاعنا اليوم اللى مش فايت ده

ياترى شحيبر هينام ده اللى هنعرفه بكره *11* *11*

ديدي
03-05-2005, 08:39 AM
ههههههههههههههه
عسل والله يا مامتنا
الله يكون فى عون شحيبر دا كدا ممكن ينتحر
منتظرين نعرف هايحصل ايه بكره

مامتكم
03-05-2005, 10:28 AM
إلهى يجبر بخاطرك ياديدى هو مين اللى نام بالضبط شحيبر واللا المتفرجين إوعو تكونو بتشمو النسيم لسه

ماما

ديدي
03-05-2005, 10:34 AM
لا متخافيش الناس موجودة بس الظاهر النسيم كان تقيل شويه
انا اللى شميت على ادى.

محمد فاروق
03-05-2005, 10:51 AM
الحمد لله انى بانزل الشغل حتى فى ايام الاجازة ....!!!!!

الصعيدي
03-05-2005, 01:10 PM
يعني .. مش بطالة .. مع الاستمرار ممكن أدائك يتحسن

*42*

*42*

*42*

*42*

*42* ههههههههه *109* .. شكلي مش هابطل غلاسة غير لما *141* .. أكيد انتي واخدة على الحاجات دي من زمااااااااااااان .. الجديد بقى إني بقيت أغلس من الأول بكتير .. ههههههههههه *109*

بس عشان حق ربنا .. جميلة جدا حدوتة شحيبر المرة دي .. وطبعا بما ان أنا كان عندي نسخة منها من زمان .. بافكر اريح الزملا الحبايب من عناء الانتظار وانزل لهم بقية الحدوتة في المشاركة الجاية *109*.. هههههه .. ياترى فاكرة كاميرة الفيديو اللي كنت عايزها وللا افكرك .. *9*

مامتكم
03-05-2005, 02:05 PM
الحمد لله انى بانزل الشغل حتى فى ايام الاجازة ....!!!!!

الحمد لله إبقوا معنا



فاكرة كاميرة الفيديو اللي كنت عايزها وللا افكرك

إحنا فينا من كده
والأمواس أم شفتين ودست الشرابات مش كفاية وفيه مفاجأة كمان
برطمانات فاخرة الصنع واللا إيه ياخال

إبقو معنا بعد الفاصل

أحمد ناصر
03-05-2005, 02:16 PM
*109*
فى إنتظار التتمة (على رأى الكارتون بتاع Space Toon
ده محمود السعدنى كده ما يجيش جنبك حاجة
تسلم إيدك
ولو أخوكى الصعيدى التايوانى ده غلس تانى
أشرى إنت بس وأنا أبعتهولك الصعيد الجوانى ونعمل معاه اللازم
*109*

MaTR|X
03-05-2005, 04:31 PM
جميلة جدا يا مامتكم
ومنتظرين البقيه

aynad
04-05-2005, 02:11 AM
عايزين تاني يا ماما يلا كملي الحدوتة قربت انام هههههههههههه

مامتكم
04-05-2005, 06:53 AM
تحفة و الله يا ماما عايزة اعرف ايه اللي حيحصل بعد كدة ؟؟

أم دودى وبودى أسفة والله إنى تخطيت ردك الأولانى ماشفتوش يظهر نزل وأنا بأكتب باقى القصة ربنا يخليلك بودى ودودى وباباهم كمان إبقى معنا هتشوفى العجب



فى إنتظار التتمة (على رأى الكارتون بتاع Space Toon
ده محمود السعدنى كده ما يجيش جنبك حاجة
تسلم إيدك
ولو أخوكى الصعيدى التايوانى ده غلس تانى
أشرى إنت بس وأنا أبعتهولك الصعيد الجوانى ونعمل معاه اللازم

إن شاء الله التتمة مش هتتأخر وبس مشكلتى إنى لا أقرأكثيرا وبالتالى أسلوبى لا يتطور ولكن غالبا بيكون فيه فايدة إنه ليس تكرارا لأحد يعنى آخر حاجة قرأتها كانت مجلد ميكى بتاع سنة 75 بعد الميلاد طبعا
وبالنسبة لحمو فهو زى العسل بكل مافيه من غلاسة أو وناسة ربنا مايحرمكو منه


جميلة جدا يا مامتكم
ومنتظرين البقيه

حاضر وأنا مش هأتأخر
ماما

مامتكم
04-05-2005, 07:09 AM
لم تمض 10 دقائق على محاولة شحيبر النوم حتى حدث
ززززززززززززززززززززززززززززززززززز
صوت رهيب يخرم الودان

فزع شحيبر ولكنه ادرك بعد انفهاش ان هذا هو صوت شنيور الومنيوم http://www.mametcom.com/images/stretcher.gif

هو يعرف هذا الصوت جيدا (حد جربه) http://www.mametcom.com/images/chair.gif

جرى على البواب انت يازفت يا عثمان

http://www.mametcom.com/images/mog.gif مين اللى مشغل شنيور الامونيا

http://www.mametcom.com/images/chef.gifده مخيمر بيه يا بيه اللى فى الشقة اللى فوقيك بيركب ا لامونيا للبلكونة

http://www.mametcom.com/images/mog.gif قولله يبطل دلوقتى عاوز انااااااااااااام


http://www.mametcom.com/images/chef.gif يابيه ماهو كان عيشتغل بعد الضهر بس حضرتك اللى جلت له يشتغل الصبح

عشان الناس بعد الضهر ترتاح
والرادل واخد اجازة من شغله مخسوس عشان يخلص الشغلانة ديه
http://www.mametcom.com/images/mog.gifاه صحيح

(شحيبر عمل محضر ازعاج لمخيمر بسبب هذا الموضوع)

حاول شحيبر التاقلم مع الزززززززززززززززز اللى شغال بيخرم فى جتته
ولكن جرس الباب لم يمهله

http://www.mametcom.com/images/mog.gif نعم

:*137* سباح الخير

http://www.mametcom.com/images/mog.gif وعليكم افندم

*137* انا مندوبة من كناة اوربت الفدائية

ممكن اسال حدرتك كام سؤال

http://www.mametcom.com/images/mog.gifهم بان يغلق الباب قائلا معنديش هباب دش

*137*ما انا عارفة

*137*احنا هنتكلم بردو كده على الباب

قالتها وهى تهم بالدخول

ارتبك شحيبر مع حنيتها الزائده

http://www.mametcom.com/images/mog.gifبس اصل المدام مش هنا

*137*ما انا عارفة بردو

معايا زميلى




(زميلها هلف بلبانة وسلسلة وانسيال حاجة كده زى اختها بالظبط)

*137* ليه معندكوش دش -بتشوفو مسلسل الساعة تمانية-ايه البرامج اللى بتتابعها فالتلفزيون
ايه اللى بيعجبك -ايه اللى مبيعجبكش-مين مطربك المفضل-ايه احسن مسلسل شفته لحد دلوقتى
لو عندك دش هتحب تشوف قناة ايه

لم يجد الاتنين عنده اى اجابة لاسئلتهم

وانصرفو قفاهم يقمر عيش

وهو يصرخ عاوز اناااااااااااااااام

وهو يغلق الباب وراءهم شم رائحة قتيل متعفن *7*
الرائحة تزداد وتملا الشقة حاول البحث عن مصدرها *11*
لم يجد شىء غير عادى اضطر ان ياخذ دش ظنا منه انها رائحته

واخيرا اكتشف انها رائحة توزعها سيارات شركة الاونكس بالتساوى على كل مكان تزوره *100*




شركة الاونكس هى شركة جمع القمامة فى اسكندرية تجمعها من الصناديق
وتخلطها وتفعصها حتى تتحول الى مادة سائلة وتمشى تخرها فى شوارع المدينة بالتساوى






خلاص طار النوم من عين شحيبر

لمح النتيجة على الحائط فقفز من مكانه

يا خبررررررررررررررررر *102*


ايه اللى افزعه فى النتيجة وهيعمل ايه بكرة نعرف دى اخر حلقة اوعى حد ييجى

أحمد ناصر
04-05-2005, 07:19 AM
يا عينى عليك يا شحيبر

شركة الاونكس هى شركة جمع القمامة فى اسكندرية تجمعها من الصناديق
وتخلطها وتفعصها حتى تتحول الى مادة سائلة وتمشى تخرها فى شوارع المدينة بالتساوى
*109* *109* *109*

الصعيدي
04-05-2005, 07:46 AM
يابيه ماهو كان عيشتغل بعد الضهر بس حضرتك اللى جلت له يشتغل الصبح

والرادل واخد اجازة من شغله مخسوس عشان يخلص الشغلانة ديه


أيوه عشان كده احمد ناصر فرحان بالموضوع .. أخيرا لقى موضوع أصلي مش مترجم *109*.. ههههههههههههه .. الله ينور يا مامتكم .. جميييييييييييييييييييييييييييييييلة جدا الحداويت دي .. *109*

daria
04-05-2005, 12:14 PM
2حقيقي حلوة اوي
بتنقلي اللي بيحصل بالضبط
يعني مثلا قومي قامت قيامتك
دي واحدة من الكلمات المفضلة عند امهات كتير
الايشارب اللي تحت المرتبة ........سكر اوي
اما الكشكول ففعلا كانت نصيحة ماما ليا زمان
والبواب يفطس من الضحك
قد اظعر من ازجر
هههههههههههههههههههههههههه
دي مسخرة لوحدها
ههههههههههههه
تسلم ايدك بجد
ومادام بتقولي قولولي مامتكم
يبقى
ابنتك إيمان
*105*

ديدي
04-05-2005, 07:04 PM
الله يكون فى عون شحيبر
انا لو مكانه يا مامتنا كنت لبست وخرجت من البيت ههههههههههههههههه:d
مش مهم انام اوى يعنى:d
فى انتظار الحلقة الاخيرة.*3*

R17E
05-05-2005, 05:47 AM
وبالنسبة لحمو فهو زى العسل بكل مافيه من غلاسة أو وناسة ربنا مايحرمكو منه




ماما

كنت عايز أستفسر عن الجمله باللون الاحمر
يا تري حضرتك بتدعي لينا ... ولا علينا

الصعيدي
05-05-2005, 05:53 AM
كنت عايز أستفسر عن الجمله باللون الاحمر
يا تري حضرتك بتدعي لينا ... ولا علينا

أهلااااااااااااااااا يراع *8* .. انت شرفت :) .. معلش يا مامتكم .. ما تاخديش على كلامه .. هو دايما بيبقى كده أول ما يصحى الصبح .. يا فتاح يا عليم يا رزاق ياكريم عالصبح *9*

أخ فى الله
05-05-2005, 06:35 AM
السلام عليكم ورحمة الله وبركاته







جزاكى الله خيرا مامتنا على الموضوع الجامد








والحدااااااااوووووووويييييييييتتتت الشديدة دى

شاب مصرى جدا
05-05-2005, 07:06 AM
*128* الله عليكى يا ماماتنا ... مش ممكن خفة الدم اللى فى حواديتك دى
تسلم ايدك .......... الحدوتة جميله جدا جدا وأنا فطست على روحى من الضحك
أحلى حاجه بقى على رأى اختنا إيمان إن فعلا الكلام واقعى جدا
و بيتقال بالحرف (ياما إتقال لنا) :1: و هو دا سر جمال و خفة دم الحدوتة


يالا بقى هاتى لنا الحلقه الاخيرة احسن إحنا على نار

مامتكم
05-05-2005, 12:08 PM
نظر شحيبر فى النتيجة وقام فاززا فززانا مستفزا http://www.mametcom.com/images/blink.gif

اليوم هو 29 فى الشهر اليوم قبض المرتب http://www.mametcom.com/images/knight.gif

وكمان ايه الدور عليه فى الجمعية http://www.mametcom.com/images/balloon.gif

شحيبر داخل جمعية على 20 شهر يقبضها اخر واحد والشهر ده موعده لو ملحقش الحوش زمايله

قبل مايروحو بمرتباتهم مش هيطول منهم حاجة *56*




ده لازم يروح ومعاه اتنين بلطجية عشان يطلع فلوسه من حبابى عينيهم *60*

لبس شحيبر بسرعة وقفز فى اول ميكروباظ وفوجىء انه فاضى وادرك ان

حشرته كل يوم الصبح فى وقت الذروة هى سبب تعاسته وتمنى لو نزل كل يوم فى هذا الموعد بدل قلة القيمة

من الميكروباظ الى ميكروباظ اخر هو الان امام مقر عملهhttp://www.mametcom.com/images/knight.gif

ولكن الساعة لسه 11 الظهر ادرك ان امامه حوالى ساعة قرر ان يجلس على القهوة المقابلة لعمله (فجر بقى)

شحيبر يوميا كان ينظر بحسرة الى عشرات الجالسين على القهوة لا شغلة ولا مشغلة ويتمنى ان يجلس جلستهم مرة من عمره *145*




دخل شحيبر الى القهوة لم يكن مظهره يدل على انه من النوع اللى بيدفع

مما حدا بالقهوجى الى ان يغنى بصوته الجحشاوى:

اللى هيدفع راح يقعد واللى مايدفعشى يبعد تن تن

لم يكد شحيبر يجلس حتى دخل كومة من الناس يحملون سيدة تجاوزت الستين من عمرهاhttp://www.mametcom.com/images/stretcher.gifhttp://www.mametcom.com/images/stretcher.gif

وتعالت الاصوات شوية ميه يا جماعة الست بتفرفر http://www.mametcom.com/images/cry.gif

اسعاف ياناس اسعاف ياخلقhttp://www.mametcom.com/images/stretcher.gif

وسع يا استاذ خللينا نمدد الست هنا هووا عليها ياجدعان http://www.mametcom.com/images/police.gif

اتشاهدى ياست قولى اشهد الا اله الا الله http://www.mametcom.com/images/notworthy.gif

تتمتم الست بكلمه واحده شحيبرر منه لله شحيبر

صرخ شحيبر اناااااااااااااااااااا

نظر اليه الجميع نظرة تشلخ العبير من حنتيته

المقصود نظرة تنم عن أنهم سوف يلتهمونه حيا




ادرك شحيبر انه ليس من الحكمة ان يعلن انه شحيبر والا اكل علقة لم ياكلهاارهابى فى امن دولة

اكمل شحيبر مستطرداhttp://www.mametcom.com/images/mog.gif اناااااا ماعرفوش فيه حد فى الدنيا يبقى اسمه شحيبر برضو


http://www.mametcom.com/images/mog.gifجثا شحيبر بجوار الست وهمس فيه ايه ياحاجة ماله شحيبر

http://www.mametcom.com/images/stretcher.gifرفعت يدها بورقة ولم تستطع ان تكمل كلامها وراحت فى غيبوبة




نظر شحيبر للورقة فى يد السيدة العجوز واختطفها فى انزعاج

انتهز فرصة انشغال الناس بتفويق الست وانسل من بين الجمع http://www.mametcom.com/images/shutup.gif

الورقة تنتمى الى المصلحة التى يعمل بها

انها باقية على توقيعه هو وبعدها تستطيع الست ان تصرف معاشها اللى يتضح من الورقة انه منقطع من حوالى سنة

قفز شحيبر السلالم لمكتبه http://www.mametcom.com/images/knight.gif

مكتب شحيبر فى الدور السادس بدون اسانسي

وصل شحيبر لمكتبه ونفسه مقطوع فتح الدرج بلهفة واخرج الختم وقع الورقة وختمها بين صيحات زملائه

كنت فين ياشحيبر

فيه ايه ياشحيبر

شحيبررررررر لم يلتفت اليهم

نزل جرى وهو يتمنى الا تكون الست قد ماتت

وصل شحيبر للقهوة

مازال الناس متجمعين http://www.mametcom.com/images/stretcher.gif

لا حول ولا قوة الا بالله

دخل منحشرا بين الناس ودس الورقة فى يد الست

همس فى اذنها اصحى الله لا يسيئك خلاص شحيبر مضالك الورقة http://www.mametcom.com/images/thumbup.gif

بربشت الست بعينيها وبدات تفيق http://www.mametcom.com/images/doctor.gif

تمتمت الهى يارب يكرمك يا ابنى ويجازيك خير انت جبته منين

همس كان فى بيته راحت عليه نومة http://www.mametcom.com/images/sleep1.gifhttp://www.mametcom.com/images/sleep1.gifhttp://www.mametcom.com/images/sleep1.gif

نومة وهو معطل مصالح الناس الهى يقلق منامه البعيييييييد

لا الا الدعوة دىىىىىىىىىىى
نسى شحيبر امر الجمعية والفلوس وكل شىء

جرجر قدميه الى مكتبه واجما

وهو يدعو الله الا يكون سببا فى موت السيدة ولا عذاب اى مواطن يوما ما *8*

بس خلاص .....................ماما

الصعيدي
05-05-2005, 12:25 PM
جمييييييييييييييييييييييلة جدا جدا يامامتهم .. الله ينور .. بصراحة أنا هاعلن اعتزازي .. سوري .. قصدي اعتزالي وانا في قمة المجد هههههههههههه.. واسيب لك الساحة .. بس وصيتك يراع الله يخليكي .. تسلم ايديكي

ديدي
05-05-2005, 12:53 PM
ههههههههههههههههههههه
رائعة والله يا مامتنا تسلم ايدك
صعيدى انا اؤيدك فى قرار الاعتزال وسيب شحيبر بقى لناسه
ههههههههههههه
لا والله انتوا الاتنين بتمتعونا بكتاباتكم الساخرة المميزة
تحياتى لكم

سـلـوى
05-05-2005, 12:58 PM
انا بجد مش عارفة اقول اية و انا حزينة انى مكنتش متابعة مع حضرتك من الاول *13*

بجد بجد رائعة و اسلوب جميل و مشوق و جذاب جدا

بارك الله فيكى و امد فى عمرك لتمتعينا دائما

تقبلى منى كل احترام و تقدير و حب

ابنتك سلوى

العبد لله
06-05-2005, 01:29 PM
مش عارف ليه تصورت نهاية أخرى لشحبير

تصورت انه أدرك قيمة الشغل , و النوم على المكتب , ولو كان متعب حبتين

و أخد يلعن اليوم إلي قرر فيه النوم في البيت , و قعد يقول هو فيه أحسن من نوم المكتب.



مكتبي يا كبير , شفت عليك أحلى شخير

يا ربي خلي لي مكتبي

ليه و لكل الشحابير



شكرا أختنا الكريمة على الأسلوب المتميز .

مامتكم
07-05-2005, 07:34 AM
بتنقلي اللي بيحصل بالضبط
يعني مثلا قومي قامت قيامتك

عزيزتى إيمان ده تراث شعبى عالى جدا متوارث من أيام حتشبسوت الأولى
قوم قامت قيامتك - إمشى مشش فى ركبك - نام نامت عليك حيطة - إلبس لبسك عفريت - أقف وقفت الميه فى زورك ..........أكمل واللا عارفين الباقى
الجميل فى الموضوع إننا لما حاولنا نحسن الموقف ونغير هذا التراث الذى ماهو إلا دعوات تدعوها الأم على أولادها وياعالم قد تفتح لها أبواب السماء فقلنا مثلا الأم تقول ربنا يهديك ربنا يكرمك ربنا يباركلك فكانت النتيجة أننا إتهمنا بالإرهاب والتطرف والخيانة العظمى لقوانين الدولة الماموية والتى توارثت هذا التراث أبا عن جد شكرا يا إيمان على مشاركتك


انا لو مكانه يا مامتنا كنت لبست وخرجت من البيت ههههههههههههههههه

ديدى ماهو لبس أهوه ونزل من البيت
إنما إيه رأيك فى مندوبين الأوربيت جربتيهم إلهى ما يخبطلك باب بمندوب أوربيت ياديدى يارب دول واخدين كورس غلاسة ومياصة يستاهلو عليه الطخ



كنت عايز أستفسر عن الجمله باللون الاحمر
يا تري حضرتك بتدعي لينا ... ولا علينا

يراع فيه إيه بينك وبين حمو ده حمو ده أليف ووديع خالص ربنا مايحرمك منه إنت بتفكرنى بجهاد إبنى كان برضو عامل جو كده فى منتدى قهوة كتكوت وهو اللى جرجرنى وراه فى المنتديات
إنما عجبك شحيبر واللا لأ؟


جزاكى الله خيرا مامتنا على الموضوع الجامد

والحدااااااااوووووووويييييييييتتتت الشديدة دى

جزانا الله وإياكم على التوقيع الممتاز والتذكرة


أحلى حاجه بقى على رأى اختنا إيمان إن فعلا الكلام واقعى جدا
و بيتقال بالحرف (ياما إتقال لنا) و هو دا سر جمال و خفة دم الحدوتة

جزاك الله خيرا يعنى الكلام ده إتقال لكم فعلا ربنا يستر



جمييييييييييييييييييييييلة جدا جدا يامامتهم .. الله ينور .. بصراحة أنا هاعلن اعتزازي .. سوري .. قصدي اعتزالي وانا في قمة المجد هههههههههههه.. واسيب لك الساحة .. بس وصيتك يراع الله يخليكي .. تسلم ايديكي

إعتزال مين بس ده إحنا من غيرك ولا حاجة ياباشا

لا والله انتوا الاتنين بتمتعونا بكتاباتكم الساخرة المميزة
تحياتى لكم
ديدى بأحب كلامك اللى زى العسل وتوقيعك الرقيق خليكى عندنا دايما



انا بجد مش عارفة اقول اية و انا حزينة انى مكنتش متابعة مع حضرتك من الاول

بجد بجد رائعة و اسلوب جميل و مشوق و جذاب جدا

بارك الله فيكى و امد فى عمرك لتمتعينا دائما

تقبلى منى كل احترام و تقدير و حب

ابنتك سلوى

سلوى ما انتى جبتى من الآخر وقريتيها على بعضها بدال القطاعى شكرا لكى وياترى الدرس اللى كنت عاوزة أقوله من قصة شحيبر وصل واللا تاه فى وسط القصة الساخرة ؟

مامتكم
07-05-2005, 07:40 AM
مش عارف ليه تصورت نهاية أخرى لشحبير

تصورت انه أدرك قيمة الشغل , و النوم على المكتب , ولو كان متعب حبتين

و أخد يلعن اليوم إلي قرر فيه النوم في البيت , و قعد يقول هو فيه أحسن من نوم المكتب.

لأ ماهو لو حضرتك متابع شحيبر من الأول هتعرف إنه بيتعظ بسرعة جدا من كل موقف بيمر بيه سواء هو أو المدام بتاعته بس حضرتك مش معانا من الأول
شكرا لكم
ماما

engi
07-05-2005, 06:54 PM
حلو قوى المسلسل ده, فى انتظار باقى الحلقات

حنـــــان
08-05-2005, 04:29 AM
ياااه... للاسف لسه واصلو هنا دلوقتي
تسلم ايدك يا مامتنا http://www.asmilies.com/smiliespic/FAWASEL/000.gif

مامتكم
08-05-2005, 07:49 AM
حلو قوى المسلسل ده, فى انتظار باقى الحلقات

ماخلص كده خلاص صح النوووووووووووم


ياااه... للاسف لسه واصلو هنا دلوقتي
تسلم ايدك يا مامتنا

نورتينا يانونا تابعى شحيبر فى مغامرة قادمة

مامتكم

AMABDO59
08-05-2005, 09:29 PM
الفكره جميله وتمثل واقع المجتمع المصرى ومش عيب نشوف حياتنا على الطبيعه



مع خالص تحياتى ((((( وارجو ان يتم مناداتى بعد اليوم لعاشق تراب مصر ))))))))

م. بسمة
08-05-2005, 10:03 PM
السلام عليكم ورحمة الله وبركاته

رائعه ماشاء الله......

في انتظار باقي الابداعات يا مامتكم مع وعد بالمتابعه ان شاء الله..
دمتِ بخير

مامتكم
09-05-2005, 06:40 AM
الفكره جميله وتمثل واقع المجتمع المصرى ومش عيب نشوف حياتنا على الطبيعه

عم عبدو مش عيب نشوف حياتنا على الطبيعة بس العيب إننا مانحاولش نصلح ولا ناخد عبرة وهنا فيه درس مستفاد إن اللى بيعطل مصالح الناس عمره ما هيرتاح ولا ربنا هيباركله


رائعه ماشاء الله......

في انتظار باقي الابداعات يا مامتكم مع وعد بالمتابعه ان شاء الله..
دمتِ بخير

أم الشهيد إنتى اللى رائعة وأم الشهيد صفة رائعة ربنا ينولهالنا جميعا نورتى

ماما

ديدي
09-05-2005, 01:56 PM
ميرسى يا مامتنا على مجاملتك الرقيقة واتفضلى التوقيع
الحمد لله انا لا اتعامل مع المندوبين ولسه ما جربتش مندوبين الاوربت قبل كدا
فى انتظار المغامرة القادمة لصديقنا شحيبر.

eldeeb2000
31-05-2005, 01:04 PM
انا مشترك جدبد احب اشترك و اقول لماما فعلن قصه جميله جدا جدا انا معلش جيت متاخر شويه بس فعلن قصه شددنى جامد والحمد الله انى قرائتها كله وفعلن مستوى جميل من القصص و ربنا يوفق الجميع

اخوكم

محمد الديب
مع جزيل الشكر

أمة الله
31-05-2005, 01:37 PM
بسم الله الرحمن الرحيم
السلام عليكم و رحمة الله وبركاته
حقيقى أسلوبك مشوق جدا ماما العزيزه و الموضوع رائع فعلا يسلم ايديكى و لو انك فكرتينى بنفسى انا ما بين بنتى النونو اللى ما بتنيمنيش بالليل و شغلى اللى بيفلق دماغى طول النهار هاعمل زى شحيبرو اخد عارضه و انام
بسى حقيقى شحيبر يجنن و مادام شحيبر ست زى العسل ممكن بقى اتنين جنيه طعميه

مامتكم
12-06-2005, 08:38 PM
انا مشترك جدبد احب اشترك و اقول لماما فعلن قصه جميله جدا جدا انا معلش جيت متاخر شويه بس فعلن قصه شددنى جامد والحمد الله انى قرائتها كله وفعلن مستوى جميل من القصص و ربنا يوفق الجميع
شكرا إبنى محمد

حقيقى أسلوبك مشوق جدا ماما العزيزه و الموضوع رائع فعلا يسلم ايديكى و لو انك فكرتينى بنفسى انا ما بين بنتى النونو اللى ما بتنيمنيش بالليل و شغلى اللى بيفلق دماغى طول النهار هاعمل زى شحيبرو اخد عارضه و انام
بسى حقيقى شحيبر يجنن و مادام شحيبر ست زى العسل ممكن بقى اتنين جنيه طعميه
__________________

أم نهال سعدت بوجودك أديكى جربتى اللة بياخد أجازة وينام الكل بينق له فى النومة ويقلق منامه
مافيش أحلى من نومة المكتب سيبك إنتى

n3na3aah
17-06-2005, 11:03 AM
*8* *8* *8* جميييله بجد تسلم ايدك يا مامتتنا

مامتكم
18-06-2005, 07:27 AM
جميييله بجد تسلم ايدك يا مامتتنا

أشكرك يانعنوعة

محمود سامي
29-06-2005, 05:19 PM
كله إلا

ميكروباظ


قعدت أضحك عليها لوحدها مدة

عاشقة الغروب
01-07-2005, 10:39 PM
هاي اول مره بقرأ فيها مشاركه لحضرتك
بس عن جد قدرتي تستحوذي على كامل اهتمامي ياماما
اما عن قصة شحيبر روووووووووووووووووووعه
ههههههههههههههههههههههه
هاي اول مره اضحك فيها عن جد في المنتدى


شكرا يا ماما
مع التحيه:عاشقة الغروب

ابن البلد
24-09-2005, 02:55 PM
:d
انا كنت عامل زي شحيبر ده النهارده :d


Photo Gallery