المساعد الشخصي الرقمي

مشاهدة النسخة كاملة : لقاء مع فنانة



Nesma
05-04-2005, 05:49 PM
لقاء مع فنانة



المذيعة: أهلا وسهلا بيكم النهاردة مع برنامج "فقع مرارة" ، وضيفتنا النهاردة فنانة لها مشوار طويييييييييييييل في الفن تجاوزت الثلاث أشهر ، أبدعت في 320 أغنية غير 150 فيديو كلب، عفوا عفوا فيديو كليب،أهمها ( حطلقك بعد بكرة ) أحب أرحب بضيفتنا "جوسي لوسي".

الفنانة: أهلا وسهلا بيكي وبكل المشاهدين .

المذيعة: أهلا بيكي يا فنانتنا جوسي ، قوليلي بقا إيه سر الإسم الجميل دا؟؟

الفنانة: والله ميرسي خالص ، أصلي بابي كان عندو كلبة صغننة وكان بيحبها خالص ، بس لما ربنا افتكرو بابي زعل خالص وقرر إنو أول بنت تيجيلو يسميها على اسم كلبتو، وكنت أنا هيهيهيهيهيهيهيهي.

المذيعة: آه (بابتسامة ساخرة)، قوليلنا أن جولتك في أوروبا ، وهل هي كانت نجحة ولا لأ؟

الفنانة: أكيد طبعا توووووووور دا محصلش ، إنت عارفة الجمهور كلو كان بينادي باسمي على المسرح في نيويورك، ولا في نيجيريا ييييييييييييي مش حقولك كانو عاملين إزاي، بس بصراحة الحفلة بتاعت العراق وإسرائل كانو أحلى حفلتين وتعليقاتهم كانت تحفة على فني.

المذيعة: أيوة أيوة ،لازم أقولك على خبر بس بصراحة مكنش نفسي أقولهولك خالص ، في إشاعات بتقول إنك بتقلدي فنانة كبيرة على الساحة الفنية دلوقتي في كل حاجة ، اللبس ، المكياج ، تسريحات الشعر...

الفنانة: يالهوي ، أنا بردووو ، قوليلي مين دي وأنا أقصف رقبتها ، أصلا أنا مفيش حد زيي أنا وبس.

المذيعة : لالا مفيش داعي نتقل لسؤال تاني، قوليلنا عن مشروعك القادم في تصوير أغنية " حشكيك لبابي" ؟

الفنانة: أيوة طبعا الأغنية دي تحفة وأنا حبتها كتير ، بالذات إني بمثل فيها دور طفلة عمرها سنة ونص والموديل شاب أمور خالص عمرو سنتين ، والأغنية دي من كلمات إلي طقطاق ، و..... ومش فاكرة ألحان مين ، بس هو ملحن كدا أمور وشعرو أبيض شوية ، المهم إنها حنكون قمبلة... هيهيهيهيهيهيهيهي

المذيعة: هههههه أيوة أكيد طبعا ، أخر سؤال نختم بي حلقتنا النهاردة، إيه رأيك في قضية التحرر من اللبس ,وإنت معاه ولا لأ؟

الفنانة : والله الموضوع دا بالمرة مش عاجبني ، واتسألت السؤال دا كتير وردي واحد طبعا مش معاه؟!!!

المذيعة: بس واضح من لبسك إنك بتأيدي( بابتسامة لؤم خفيفة) !

الفنانة : هه لا والله بس أحيانا الجو بيكون حر وأطر ، مش أأكتر؟

المذيعة: ممممممم أوكي ماشي أحب أشكرك النهاردة على تواجدك معانا ، وإن شاء الله تشرفينا مرة تاني.

الفنانة : ميرسي خالص أنا انسط بوجودي والله .

aynad
05-04-2005, 06:00 PM
الفنانة: والله ميرسي خالص ، أصلي بابي كان عندو كلبة صغننة وكان بيحبها خالص ، بس لما ربنا افتكرو بابي زعل خالص وقرر إنو أول بنت تيجيلو يسميها على اسم كلبتو، وكنت أنا هيهيهيهيهيهيهيهي.
ههههههههههههههههه موتيني من الضحك يا نسمة

Nesma
05-04-2005, 06:09 PM
أهم حاجة إني ضحكتك يا aynad ههههههههه وشكرا على مرورك!

ديدي
06-04-2005, 02:53 AM
هههههههههههههههههههههههه
ربنا يشفيها هى وامثالها
شكرا يا نسمة.


Photo Gallery