المساعد الشخصي الرقمي

مشاهدة النسخة كاملة : اسكندرية مارية 3 - بانوراما



حنـــــان
04-04-2005, 01:33 PM
في عندي في الكاميرا "تصوير بانوراما"... ممكن استخدمه لو المنظر اللي عايزه اصوره كبير قوي مايجيش في صورة واحدة... او لو عايزه اصور صورة 360 درجة...


اللي بيحصل ايه... انا اقسم المنظر اللي عايزه اصوره على كام صورة وبعدين احمل الصور دي عالكمبيوتر وباستخدام برنامج خاص بأضم الصور دي كلها في صورة واحدة.

عملت كده لما حبيت اصور الكورنيش... صورته على 6 صور... أدي البانوراما اهيه... بس اتضريت اصغر الصوره قوي عشان احملها هنا
ايه رأيكوا؟


اسكندرية مارية 1 (http://www.egyptsons.com/misr/showthread.php?t=27099)

اسكندرية مارية 2 - سان ستيفانو (http://www.egyptsons.com/misr/showthread.php?t=28527)

أمة الله
04-04-2005, 02:08 PM
تسلم إيديك يا نونا الصورة حلوة اوى http://smilies.sofrayt.com/fdm/thumbs-up.gif و عموما إسكندرية دى احلى بلد فى الدنيا http://smilies.sofrayt.com/1/y/hearton.gif و تستاهل صور اكثر من كده http://smilies.sofrayt.com/1/y/eyelove.gif عشان كده شدى حيلك و صورى لنا كمان اكثر من صورة http://smilies.sofrayt.com/1/950/bouquet.gif

الصعيدي
04-04-2005, 08:03 PM
إيه ده يا نونا ..معقول دي كلها صورة واحدة .. ما شاء الله .. صورة جميلة جدا .. الله ينور عليكي

حنـــــان
04-04-2005, 08:08 PM
تسلم إيديك يا نونا الصورة حلوة اوى http://smilies.sofrayt.com/fdm/thumbs-up.gif و عموما إسكندرية دى احلى بلد فى الدنيا http://smilies.sofrayt.com/1/y/hearton.gif و تستاهل صور اكثر من كده http://smilies.sofrayt.com/1/y/eyelove.gif عشان كده شدى حيلك و صورى لنا كمان اكثر من صورة http://smilies.sofrayt.com/1/950/bouquet.gif
العزيزة داليا...فينك من فتره جيتي اسكندريه ولا لسه؟
ولا يهمك اما اليومين دول باصور كتير... فاضيه بقى
اشكرك عالمرور وماتتأخريش علينا تاني *8*

حنـــــان
04-04-2005, 08:21 PM
إيه ده يا نونا ..معقول دي كلها صورة واحدة .. ما شاء الله .. صورة جميلة جدا .. الله ينور عليكي

الصعيدي... دول 6 صور والكمبيوتر ضمهم لبعض

الحمد لله انها عجبتك وانا سعيده انك شاركت وشفتها وعجبك تصويري *8*

ماهو احنا الاسكندرانيه لازم نشجعوا بعض مش كده ولا ايه ! *15*
يعني خد بعضك كده وعدي على اسكندرية مارية 1 و 2 عالسريع كده :d

تحياتي *8*

الصعيدي
04-04-2005, 08:25 PM
أنا شفتهم .. بتوع السجاد .. بس دي أظرف كتير .. مع إنها عدة صور بس جمعهم بالكمبيوتر مخلي منظر الكورنيش جميل جدا .. مع إن الكورنيش دلوقت بقى مأساة إنسانية من كتر الحوادث اللي عليه .. بس صورة جميلة فعلا

عـزالديـن
05-04-2005, 02:28 AM
صورة جميلة جدا وعمل رائع

ننتظرالمزيد

حنـــــان
05-04-2005, 07:13 AM
متشكره جدا يا عز الدين واشكرك عالمرور http://smilies.sofrayt.com/fsc/tulips2.gif

aynad
25-04-2006, 12:09 AM
ازاااي الصورة دي يا نووونة
دي عريضة اوي

حنـــــان
25-04-2006, 09:20 AM
ماهي بانوراما يا ايناد... كانوا 6 صور ملضمين في بعض :)
بس ماكانتش مظبوطة قوي... ان شاء الله قريب أعمل واحدة جديدة أظبط شويه... وأحاول أخليها أوسع كمان!

شكرا يا ايناد على تواجدك الجميل.

قلب مصر
27-01-2008, 07:08 AM
حنان الصورة دي عبقرية مش ممكن
انا حقيقي معجبة بالتصوير الجميل في الصورة
تسلم ايدك يا نونا :m10:

حنـــــان
08-03-2008, 03:35 AM
ياه... فكرتيني بالصورة دي يا أم يوسف... أخدتها من 3 سنين تقريبا.
كانت ضاعت من عندي... كويس أديني أخدتها حفظتها عندي تاني.
بس هيه مش معمولة كويس قوي يعني الفواصل بين الست صور باينة وفيها زغللة.
يلا المرات الجاية تبقى أحلى ان شاء الله
شكرا يا أم يوسف على رفع الموضوع.