المساعد الشخصي الرقمي

مشاهدة النسخة كاملة : قطيعة تقطع الستات . . . . . و سنينهم



إسلام شمس الدين
16-12-2002, 08:40 AM
ستات دلوقت
للرجالة مكدرة

إن قلت شرق
تقولك غرب ياعنترة

وإن طلبت حقوق تطلب خُلع
وفى المحاكم جرجرة

حب الظهور
أستاذة فيه
وتحب الفشخرة

ألوانها صناعي
اشي أخضرة واشي أحمرة

واحدة عصاية
وواحدة تخينة مكعبرة

تشوفها ماشية
تفتكرها مُجنزرة

منظر م . الخارج
وفى الحقيقة ثرى

ايه ياعالم
للحريم جرى






منقول

وادكول مش معقول
16-12-2002, 09:02 AM
ايوه كده يا ابو الشمووووووووس ...

خضتني يا جدع .......؟؟؟

انا قلت ان انت اتحالفت ضدنا .........؟؟؟؟ لقلب نظام المنتدي علي الرجالة

بس احنا معاك دلوقت ..

تنتخبوا مين؟؟
ابو الشموس
وحبيبكم مين؟؟
ابو الشموس
ههههههههههههههههههههههههههه

saroo02
16-12-2002, 09:03 AM
بس إستلقي وعدك من نساء المنتدي يا عم سمش أنا يا عم مش هدافع عنك خالص
بس كويس تسلم إيدك

إسلام شمس الدين
16-12-2002, 09:23 AM
واد كول مش معقول

والله انا عارف ان انتوا معايا بالكلام بس

ساعة الجد حتقولوا ما نعرفهوش ، ده مش تبعنا

اما نشوف . . .


سارو

ربنا يطمنك ، انا احب الصراحة

عشان الواحد يعمل حسابه و يحجز في مستشفى عليها القيمة

دا انتوا اللي يعتمد عليكوا . . .

وادكول مش معقول
16-12-2002, 09:30 AM
عيب يا شمس انت بتقول ايه اكيد هنكون معاك طبعا ........

عجايب ........ ههههههههههه

امال مين اللي هيناولهم المقشات ............ ههههههههههههه

saroo02
16-12-2002, 09:32 AM
يبني هو فية حد يقف أدام القطر إنت مش عارف إنهم بقوا مستأووين القلب دلوقتي

peace
16-12-2002, 09:46 AM
جميل نقدك هذا بالرغم من انه نقد لكنه فكاهي وصح
وعشان تبقى على الحياد
لازم تكتب على الستات الكويسة
تحياتي لخفة دمك

مجموعة انسان
16-12-2002, 09:59 AM
ما تخفش كلنا معاك


زي العرب مع فلسطين بالكلام وبس


تحيييييياتي

tannjour
17-12-2002, 11:24 AM
أنت ظالمة الجنس اللطيف كله كدة ليه
والله في رجالة شافين نفسهم أكتر من البنات

وبعدين مش كل البنات زي ما أنت بتقولي ولو يعني أنهم في بعض الأحيان يشوفوا نفسهم على كل حال الموضوع مش حامركدة أصل الموضوع دة موضوع مهم
وأنا كنت أمس أفكر أنو أكتب عن الموضوع دة وأحطو في منتدى المواضيع الجادة

ta3mia
17-12-2002, 12:02 PM
شكلك واكل علقة سخنه
بس حتي لو كانت العلقة سخنه و طلعت علة جتتك بالشكل ده
برضو ما تقدرشي تقول على الستات كده

:mad:

milly
17-12-2002, 03:25 PM
:D:D:D
رجاله دلوتي من الستات متذمرة

ان قولتي شرق يؤلك لاغرب يا عبله

وان طلبتي حقوقك الموضوع يتغير وتبقي مستهترة

حب التحدي استاذ فيه واخرتها نقورة

ماشي بكرش ويا عيني على المنظرة

منظر من الخارج وفي الحقيقه ثرى

ايه يا عالم للرجاله جرى:3:
:6::6:

إسلام شمس الدين
17-12-2002, 11:01 PM
واد كول مش معقول

فيكوا الخير والله . . . بتتعبوا بصراحة


سارو

عارف يا صاحبي و شايف و ساكت ، هنعمل ايه ؟ ، بس ربنا على القوي


peace

عينيا الاتنين ، بس انا فعلا عملت اكتر من موضوع للستات ، بس انتي دوري في قاعات المنتدى .


مجموعة انسان

هي حصلت للدرجة دي ؟ العرب لفلسطين ؟ انتوا عايزين تودوني في داهية كمان
لا ياعم ، ( لاتقرصيني يا نحلة ولا عايز منك عسل ) .



tannjour

صباح الفل ، ( شايفة ايه و بتقولي ايه بس )
انت عمرك سمعت عن واحدة اسمها شمس الدين
انتوا محتارين تتعبوني معاكوا ازاي ؟؟؟؟؟



طعمية

والله انا غلبت معاكوا ، لا الرجالة عاجبهم ولا الستات عاجبهم
بعد كده حابقى اعمل مواضيع عن الشياطين ، يمكن يعجب


milly

هي حصلت كمان في عقر دارهم
طيب اكتبي عنهم زي ما انتي عايزة في الموضوع التاني
و لا هو افترا يعني ؟؟؟؟

master_of_hell
18-12-2002, 02:16 AM
ششمس الدين هاجم ولا يهمك

بس لم السكاكين والمقشات والاكياس النايلون السوده من البيت بسرعة

واحنا معاك بس قولك معاك
ابعت رسالة هنا
لس لو كلحقتكش اعرف انى مسبتكش بس النور كان مقطوع
والكمبيوتر بايظ
او كنت لسة مخلصت النشر غسيل اصلى مبحبش مراتى تتكشف على رجالة

tannjour
19-12-2002, 01:55 AM
أنا أسف جداً ياشمس الدين أصلي قريت أسمك بالغلط

deaa
19-12-2002, 03:02 AM
السلام عليكم ورحمة الله وبركاته
اخواتى فى الله انا مش شايفه الموضوع فيه هجوم على الستات بقدر ما فيه من صور واحداث تحدت بالفعل ويجب الكلام عنها
مثل حب الظهور والتحدى الدائم من المرأة للرجل والشعور بأنه أقوى منها وهى الى لازم تكون أقوى
ليه بقى نحط فى دماغنا هذا الكلام .....المفروض ان سنة الحياه فرضت على الرجل وظيفة وعلى المرأة وظيفة وكلاهما لا يقل قدرا عن الأخر ولكن تناسب قدرات الرجل والمرأه
وبالطبيعى لازم الرجل هو الى يكون أقوى ....لأن ربنا هو الى خلقنا كده .....
الرجال قوامون على النساء
فلو كل واحد رضى بالطبيعه بتعته يبقى مفيش مشكله


واحده تخينه وواحده عصاية
انا شايفه ان المفروض الستات تلتم بالزى الاسلامى المحترم حتى لا يبان التخينه والعصايه


الوانها صناعيه
انا شايفه ايضا ان المرأه لابد ان لا تضع المكياج عشان دى فطرتنا ليه نغير من شكلنا هل المكياج سوف يعدل على خلقة الله ويجعلها اجمل ....لا أعتقد


واسف للأطاله
السلام عليكم ورحمة الله وبركاته

milly
19-12-2002, 07:55 AM
deaa كلامك جميل فعلا بس بحب اضيف ملاحظه بخصوص الرجال قوامون على النساء كتير من الناس ممكن تفهم الايه غلط ربنا عز وجل قال الرجال ومعنى كلمه الرجل انو يكون عندو نخوة وكرامه وعزة نفس وكرم ..وغير كدة يبقى شبه رجل الي بنشوف منهم كتير هذة الايام لما يكون الرجل يتمتع بهذة الصفات حتكون الست جنبو ست ..
ارجو ان ما حدش يزعل مني:o

heba
19-12-2002, 08:24 AM
بسم الله الرحمن الرحيم

و الله يا شمس اللى بيقووك دول ما حينفعوك فى الآخر 0

إسلام شمس الدين
19-12-2002, 10:13 AM
master of hell

ما تنساش كمان تنزل تجيب العشا للأولاد
وبعدين سمعت ان حماتك تعبانة الف سلامة عليها ، لازم تاخد المدام تزوروها ، وتقعدوا عندها كام يوم بالمرة و . . .
حسبي الله و نعم الوكيل فيكوا ، اللي يعتمد عليكوا في كوبية مية يموت عطشان .


tannjour

ولا يهمك يا سيدي ، حصل خير
أهلا بيك دايماً معانا


deaa

قول ليهم ، عشان يبطلوا افترا عليا .


milly

كلامك صح 100% ، وأحب أضيف ان المقصود بالقوامة هي إلزام الرجل بالقيام على شئون المرأة فهو إلزام وليس تفضيل


heba

عارف والله ، ومش بعيد كمان هم اللي ينقلبوا عليا دلوقتي
ربنا يستر


Photo Gallery