المساعد الشخصي الرقمي

مشاهدة النسخة كاملة : أهلاوي علي طول بيقول === مبروك للزمالكوية



ابن البلد
13-12-2002, 08:17 PM
مبروك مبروك مبروك مبروك عليكم وعلينا
مبروك للزمالك يا رجاله أخد بطولة أبطال الدوري الأفريقي
عايزين نسمع أراء الأعضاء في المباراة لو يقدروا
:109:


علي فكرة أنا أهلاوي بس المرة دي بقول أنا مصراوييييي

بنت مصر
13-12-2002, 08:48 PM
هم كلمتين كاتمين على نفسي حقولهم واخد ديلي في سناني واجري






انا بكره اسرائيل





انا بكره الاهلي





يارب الاهلي يتغلب في كل الماتشات المحلية والدولية




جته داهية:D



بسنت

إسلام شمس الدين
13-12-2002, 08:49 PM
مبروك لجمهور نادي الزمالك ، ومبروك لجمهور مصر

الزمالك يعتلي قمة العرش الأفريقي الكروي

بعد فوزه على نادي الرجاء البيضاوي المغربي بهدف للمتألق تامر عبد الحميد في مباراة عصيبة ، فاز نادي الزمالك ببطولة كأس رابطة الأندية الأبطال الأفريقية .

هذه البطولة جعلت الزمالك على قمة الكرة الأفريقية بلا منازع

فأصبح الزمالك هو صاحب الرقم القياسي في الحصول على بطولة كروية أفريقية ( 5 بطولات ) سواء على مستوى الأندية في جميع مسابقاتها ؛ أبطال الدوري و أبطال الكأس و بطولة الاتحاد الأفريقي . أو على مستوى المنتخبات الوطنية بجميع مراحلها السنية .

و أصبح الزمالك هو صاحب الرقم القياسي في عدد البطولات الأفريقية التي يحصل عليها أي فريق أفريقي و هو10 بطولات ( 5 بطولات أبطال الدوري + مرة واحدة لأبطال كأس الكئوس الأفريقية + بطولتين للسوبر الأفريقي + بطولتين للكأس الأفروأسيوية )

و أصبح الزمالك مرشحاً لتحقيق رقم قياسي جديد إذا حصل على بطولة السوبر الأفريقي في مباراته أمام الوداد المغربي و التي ستقام بالقاهرة في شهر فبراير القادم ، و هذه البطولة سترفع من رصيد الزمالك إلى 3 بطولات للسوبر الأفريقي ليكون أول فريق أفريقي يحتفظ بهذه الكأس للأبد .

الزمالك أيضاً بحصوله على بطولة أفريقيا لرابطة أبطال الدوري رفع رصيد الأندية المصرية من البطولات الأفريقية إلى 20 بطولة أي حوالي ربع عدد البطولات الأفريقية للأندية منذ انشائها ، وهو ما لاتنازع مصر فيه أي دولة أفريقية أخرى .


الزمالك أيضا بهذا الفوز احتفظ بالكأس في مصر لتنتقل فقط من معقل شقيقه الأهلي بالجزيرة حامل اللقب العام الماضي إلى معقل القلعة البيضاء بميت عقبة .

مبروك لنادي الزمالك ولجماهيره ، ولكل جماهير مصر .


و يارب دايما أفراح يا مصر

$الرعب القاتل$
13-12-2002, 09:04 PM
ياشباب انا ماليش فى الكرة بس بردوا احنا نحب اى انتصار مصرى احنا اخوات بردوا والف الف الف الف مبروك لزمالك ويارب انتصارات اكتر فى مجالات اكبر:2:


:7:

heba
13-12-2002, 09:54 PM
بسم الله الرحمن الرحيم

من اهلاويه ابا عن جد اقدم تهانئى لنادى الزمالك و مشجعيه على الفوز00

ملحوظه: هل انتبه احد لجمال مبارك جالس فين ولابس ايه ؟ هما عايزين يقنعونا انه جالس بلا حراسه و الله تلاقى كل اللى حواليه امن فى زى مدنى و بعدين انظروا جالس ازاى زى القطط تحت المقصوره 000 تفتكروا ماذا يقصد من هذه التمثيليه؟؟؟؟؟

عبدالحكيم
13-12-2002, 10:13 PM
مرحبةالمهم ليس ان نكون اهلاوية او زملكاوية المهم فوز الزمالك بلبطولة والف الف مبروك يا زمالك يا حلو يالذيذ عبد الحكيم

بنت مصر
13-12-2002, 10:19 PM
هبهوبة السياسة في دمك ياعسل:D



احنا بالصلاة عالنبي حنبيت في ابو زعبل النهاردة:(

peace
14-12-2002, 02:35 AM
انا بحب البرازيل ينفع

ابن البلد
14-12-2002, 11:35 AM
ينفع peace

يا حجه هبه
في أيه

؟؟؟؟
:D
جمال مين
يالهوي
شكلنا هنروح القسم النهارده
تعيش الحكومة ةةةةةةةةةةة تعيش الحكومةةةةةةةةةةةةة
و مجلس الامن
و الأمم المتحده
يا حجه أحنا في قاعة الرياضة السياسة في اول المنتدي فوق وأنت نازله علي صلاح سالم :D

ماشي يا طنط بسنت
الاهلي هيتغلب أويك
الاهلي عمكم وحابس دمكم
يا أهلاوزي مفيش زيكوا ولا في أسكندرية ولا في حيكواااااااااا::p:p

وادكول مش معقول
14-12-2002, 11:35 AM
الف مليون بليون دشليون ترليون مبروووووووووووووووووووك ...

وياريت تشوفوا .... كواليس الفوز ده ........

http://www.egyptsons.com/misr/showthread.php?s=&threadid=2601

ابن البلد
14-12-2002, 11:51 AM
رائع رائع واد كول
أنت كنت معانا هنا في مصر ولا أيه
:D

وادكول مش معقول
14-12-2002, 12:03 PM
الزملكاوي ... الاهلاوي .... هيفضل في الآخر مصراوي
موجود في بلاده ... في الغربة حياته .. يفضل مصراوي
بالجسد متغرب ... بالفكر متشتت .. لكن بـروح مصراوي

نجم
14-12-2002, 11:50 PM
[QUOTE]كاتب الرسالة الأصلية : ابن البلد
مبروك مبروك مبروك مبروك عليكم وعلينا
مبروك [B]للزمالك يا رجاله أخد بطولة أبطال الدوري الأفريقي
عايزين نسمع أراء الأعضاء في المباراة لو يقدروا
:109:

انا بصراحه حبيت اشارك بلموضوع وانا اقول ان فريق الزمالك كان هو الاجدر بتحقيق البطوله للمجهود اللي قامو فيه لاعبين وادارة فريق طوال التصفيات وتقديم مستويات في جميع المباريات ولم تكن المبارة النهائيه الا تتويج للمستوي الراءع اللي ظهر فيه الفريق في جميع المباريات
وارغب ان اضيف نقطه وهي وجود لاعب عملاق مثل حسام حسن اللي كان بلفعل هو القائد الحقيقي للفريق
والف مبروك للعشاق الكرة الزملكاويه والكرة المصريه اللي اثبتت تسيد الانديه المصريه علي البطولات الافريقيه
والا الامام يانجوم الزمالك

ابن البلد
24-12-2002, 06:55 PM
يا مرحب بيك يا نجم معانا :)

حسام عمر
06-10-2006, 06:00 AM
والسنادي نبارك للأهلي

قولوا يا رب

عصام كابو
06-10-2006, 11:00 AM
انا مش فاهم يا حسام ايه سبب رفع الموضوعات دى؟؟!!!!

محمود زايد
06-10-2006, 12:46 PM
ولا انا كمان فاهم ياعصام السبب
بس حسام باين عليه بيدور فى دفاتره القديمه
مش لاقى حاجه يكتبها على الزمالك من 3 سنين ههههههههههه
صح ياحسومة

عمرو صالح
06-10-2006, 04:02 PM
حسام ارجع عن اللي في عقلك
هههههههههههههههههه

ازيك يا عصام وحشتني يا راجل

عصام كابو
06-10-2006, 08:27 PM
ازيك يا عصام وحشتني يا راجل



عمور و انت كمان وحشتنى قوى

ماشفتكش من امبارح بالليل

حسام عمر
11-10-2006, 03:35 PM
كنت بتمنى حاجه حلوه للأهلي

غلطت

حقكم عليا

ان شاء الله

الزمالك يكسب


Photo Gallery