المساعد الشخصي الرقمي

مشاهدة النسخة كاملة : طيــر في السمـا في عشرة على عشرة



الصفحات : [1] 2

boukybouky
27-05-2012, 01:40 PM
http://up.haridy.org/storage/1--10.jpg


بسم الله الرحمن الرحيم

http://up.haridy.org/storage/2--10.jpg

ويتجدد اللقاء في عشرة على عشرة http://www.egyptsons.com/misr/images/smilies/1110.gif

http://dc587.4shared.com/img/oUI-_Op6/s3/0.7117806010987422/__online.png
الأول نعرف الاعضاء ان طــير في السمـا هي إيمان الشامي في ثوبها الجديد *3*
اشتركت طــير في السمـا بمنتدى أبناء مصر في 2 مايو 2006
و مجموع مشاركاتها بالمنتدى حتى كتابة هذا الموضوع هو 7028 مشاركة

http://up.haridy.org/storage/10--4.jpg

السلام عليكم ورحمة الله وبركاته
أهلاً ومرحباً بكِ طــير في السمـا منورة عشرة على عشرة

ونبدأ معكي أول مرحلة في اللقاء وهي الأسئلة الموجهة إليكي...

http://up.haridy.org/storage/10--4.jpg

1- في رحلة الحياة نتخذ جميعنا قرارات..فمنا من يتخذ قرارات شبه يائسة لتصحيح الأوضاع التي غلب عليها الخطأ...
ما هي القرارات اليائسة في حياة إيمان الشامي ..وهل صححت الأوضاع الخاطئة؟

2- ما السبب وراء تغيير إسمك بالمنتدى؟ وهل الإسم الجديد له دلالات معينة لديك؟

3- لنتكلم عن الصبر...ونسأل إيمان الشامي هل " صبرك المزعوم " هو صبر فعلا....أم تسمية لشئ آخر قد يثقل عليك سماعه؟؟؟؟؟؟؟؟
يا ترى أين قراتِ هذا السؤال؟:)

4- حدثينا عن رسالة الدكتوراة الخاصة بك وما هي الإستفادة التي لسمتيها على المستوى الشخصي والعام؟

5- هناك مثل شعبي يقول"لسانك حصانك إن صنته صانك وإن هنته هانك"
محتاجين روشتة من الدكتورة إيمان ترشدنا كيف نتعامل مع الاشخاص التي لا تصون لسانها

6- أحياناً نسمح للغير بخداعنا وربما نشعر بالسعادة رغم ذلك..وربما نشقى بعد ذلك
متى سمحت إيمان الشامي لغيرها ان يخدعها بإرادتها ...

7- عندما تغمضين عينيك وتسرحين بعيداً ما أول هي اول صورة تظهر لك؟

8-"من أهم السمات النفسية المعروفة عن الشعوب العربية أننا شعب- بينسى بسرعة-و شعب- طيب-و تلك الطيبة نتيجة طبيعية للسمة الأولى"
هل تنسى إيمان الشامي سريعاً؟

9- هتنتخبي من في إنتخابات الإعادة؟ ولماذا؟

10- وها نحن نصل لآخر سؤال في اللقاء...
اختر من الأعضاء او المشرفين او المراقبين او المشرف العام ..
وضعي أمام تلك الكلمات الشخصية المناسبة (أنا فقط كتبت الكلمات بصيغة المذكر وهذا ليس دلالة على أي شئ):
1- لم أكن أتوقع ذلك منك
2- اسأت تقدير الموقف فعذراً
3- شكراً من قلبي
4- مواقفك دوماً تثير تساؤلاتي
5- متى سنراك مجدداً بالمنتدى

الف شكر لكِ طــير في السمـا على قبولك اللقاء معنا لنتعرف عليكي اكثر
واترك لكِ المساحة للرد على تساؤلات اللقاء

http://up.haridy.org/storage/10--5.jpg

وها نحن الآن نصل إلى المرحلة الثانية في اللقاء
وإنتظر مع باقي الأعضاء الكرام اسئلتك للعشر أعضاء للتعرف عليهم اكثر من خلالك
فلديك أربعة أيام للرد وفي اليوم الخامس ان شاء الله على الأكثر تبدأين في اسئلة الأعضاء

http://up.haridy.org/storage/10--4.jpg

دمتم بكل خير
في رعاية الله،،،



http://up.haridy.org/storage/10--3.jpg

أحمد ناصر
27-05-2012, 03:30 PM
يا مرحبا يا مرحبا
إختيار جميل جدا يا ربهام لشخصية عزيزة على قلوبنا جميعا
د. إيمان من الشخصيات الرائعة علم وثقافة وأخلاق ووطنية
أنتظر إجاباتها على الأسئلة بمنتهى الشغف
وكلى ثقة فى أن هذه الحلقة ستكون فى منتهى الروعة
تحياتى لك يا ريهام
وتحياتى ل د. إيمان
:f2:

فراشة
27-05-2012, 06:54 PM
أهلا أهلا بالدكتورة إيمان
في ثوبها الجديد او النيو لوك
طير في السما
في انتظار حضورك والإستمتاع بإجاباتك
والشكر موصول للجميلة ريهام
:f2:

boukybouky
28-05-2012, 10:36 AM
بسم الله الرحمن الرحيم

احمد ناصر
فراشة

الف شكر لكما منورين
في رعاية الله،،،

boukybouky
28-05-2012, 10:43 AM
بسم الله الرحمن الرحيم

محتاجين نجيب ميكروفون نلف ونقول

انت فين يا إيماااااااان ..انت فين يا إيماااااان

في رعاية الله،،،

ابن البلد
30-05-2012, 02:54 AM
الحقيقة أيمان حظها حلو أوي
:d

طـــــير في الســـما
30-05-2012, 01:52 PM
:)
يادي الكسووووووف..أرجوكوا يا جماعة محدش يلاحظ ان موضوعي نزل من هنا- و المنتدى قفل من هنا
دي صدفة..صدفة مش أكتر :d

راجعة إن شاء الله..و لو المنتدى قفل تاني، هعرف ان العيب فيا
و من حق ابن البلد وقتها يحذفني خالص :d

طـــــير في الســـما
30-05-2012, 01:55 PM
يا مرحبا يا مرحبا
إختيار جميل جدا يا ربهام لشخصية عزيزة على قلوبنا جميعا
د. إيمان من الشخصيات الرائعة علم وثقافة وأخلاق ووطنية
أنتظر إجاباتها على الأسئلة بمنتهى الشغف
وكلى ثقة فى أن هذه الحلقة ستكون فى منتهى الروعة
تحياتى لك يا ريهام
وتحياتى ل د. إيمان
:f2:
السلام عليكم
و الله أستاذ احمد الكلام ده كتير جدا عليا
اتمنى إن إجاباتي متكنش محبطة بعد الكلام الحلو اللي حضرتك قلته ده :d

طـــــير في الســـما
30-05-2012, 01:58 PM
أهلا أهلا بالدكتورة إيمان
في ثوبها الجديد او النيو لوك
طير في السما
في انتظار حضورك والإستمتاع بإجاباتك
والشكر موصول للجميلة ريهام
:f2:
إيه رأيك ف النيو لوك ؟؟؟

شكرا فراشة على وجودك الجميل :))

طـــــير في الســـما
30-05-2012, 02:04 PM
السلام عليكم

أولا: أحب أشكر ريهام على موضوعها الجميل و أسئلتها- غير التقليدية- :f2:

نبدأ باسم الله

- في رحلة الحياة نتخذ جميعنا قرارات..فمنا من يتخذ قرارات شبه يائسة لتصحيح الأوضاع التي غلب عليها الخطأ...
ما هي القرارات اليائسة في حياة إيمان الشامي ..وهل صححت الأوضاع الخاطئة؟


أنا مش عايزة أبدأ بالتقفيل الحقيقة :) بس انا مش هقدر أقولها تفصيلا يعني لأنها شخصية..طبعا اخدت قرارت مكنتش صحن بس الجانب الإيجابي إن مفيش مرة وقعت فيها في موقف غلط أو سوء فهم نتيجة قرار عبيط مني إلا و اتعلمت
فبوجه عام يعني ؛ القرارات الخاطئة أو اليائسة متعتبرش كتير في حياتي بصراحة لأن بطبعي مش متسرعة
و صححتها و لالأ؟؟الموضوع مش سهل اوي كده
في قرارات قدرت أصحح فيها الوضع تماما. و في قرارات - خاطئة- أقوى كتير من ضعفي، لكن يكفيني شرف المحاولة إني لازلت بحاول أصحح وضعها

طـــــير في الســـما
30-05-2012, 02:05 PM
الحقيقة أيمان حظها حلو أوي
:d

حقك :d :d

طـــــير في الســـما
30-05-2012, 02:11 PM
- ما السبب وراء تغيير إسمك بالمنتدى؟ وهل الإسم الجديد له دلالات معينة لديك؟
دخلت المنتدى بعد غياب و عجبني جداااا الشكل الجديد و اللون الهادي

طلعت في دماغي فجأة..إني أعمل نيو لوك..و بما إن النيو لوك المتاح للأعضاء هو تغيير الاسم أو التوقيع :)

فقررت أغير الاسم :)

boukybouky
30-05-2012, 03:15 PM
بسم الله الرحمن الرحيم


:)
يادي الكسووووووف..أرجوكوا يا جماعة محدش يلاحظ ان موضوعي نزل من هنا- و المنتدى قفل من هنا
دي صدفة..صدفة مش أكتر :d

راجعة إن شاء الله..و لو المنتدى قفل تاني، هعرف ان العيب فيا
و من حق ابن البلد وقتها يحذفني خالص :d

قال وانا اللي كنت فاكرة ان الأتوبيس اللي جايين فيه ولع بينا بالصدفة :d

في رعاية الله،،،

الشاطر حسن
30-05-2012, 03:42 PM
الدكتورة ايمان .المكان تجدد كي يليق بقلمكم واللقب تغير حتى يوحي بمدى تفاؤلكم ونحن هنا مصطفين نصفق لجميل كلامكم .
أينعت زهرا حروفا كُتبت ودا . هي عادتكم كما أظن.
القديرة بوكي هانحن نستمتع كل يوم أكثر فهلا كان أكثر

أنا مش فاهم حاجة من اللي أنا كاتبه:d

المهم يعني منورين

الشاطر حسن
30-05-2012, 03:44 PM
عايز أعمل لايك ياجماعة
هو راح فين *13*

ابن البلد
30-05-2012, 03:54 PM
عايز أعمل لايك ياجماعة
هو راح فين *13*

راجع هنا
http://www.egyptsons.com/misr/showthread.php?t=256757&goto=newpost

ابن البلد
30-05-2012, 04:01 PM
- ما السبب وراء تغيير إسمك بالمنتدى؟ وهل الإسم الجديد له دلالات معينة لديك؟
دخلت المنتدى بعد غياب و عجبني جداااا الشكل الجديد و اللون الهادي

طلعت في دماغي فجأة..إني أعمل نيو لوك..و بما إن النيو لوك المتاح للأعضاء هو تغيير الاسم أو التوقيع :)

فقررت أغير الاسم :)



الاسم الجديد حلو بصراحة وبيعبر أكتر عن الحرية اللي أن شاء الله نحصل عليها عن قريب
بس مفكرتيش ليه تغيري الصورة الرمزية بالمرة ؟

nariman
30-05-2012, 04:30 PM
ايه الحظ ده فعلا
وكمان ثالث مرة اكتب فيها رد ويارب ما يطير
:d

ايمان حبيبتي وصديقتي ..جداا :2:
تسجيل حضور وترحيب ولي عودة لاستكمال القراءة
*3*

الشاطر حسن
30-05-2012, 04:50 PM
راجع هنا
http://www.egyptsons.com/misr/showthread.php?t=256757&goto=newpost
راجع ليه يابوحميد خليك معانا شويه
طب روح وتعالى بسرعة
:d

إن شاء الله النسخة الأجدد يكون فيها كل حاجة

الشاطر حسن
30-05-2012, 10:15 PM
​http://im21.gulfup.com/2012-05-31/1338412420171.jpg (http://www.gulfup.com/show/X24vbyrq9as9ws)

طـــــير في الســـما
30-05-2012, 11:11 PM
بسم الله الرحمن الرحيم



قال وانا اللي كنت فاكرة ان الأتوبيس اللي جايين فيه ولع بينا بالصدفة :d

في رعاية الله،،،

ههههههههههههههههههههه..و الله يا ريهام لو تشوفي حالي دلوقتي و انا اخده اللاب على رجلي و قاعده فوق السفرة علشان خايفة م الصرصار اللي دخل م البلكونة..و حاسة اني كارهة الدنيا..لولا تعليقك خلاني اضحك بجد :d :d

طـــــير في الســـما
30-05-2012, 11:14 PM
الدكتورة ايمان .المكان تجدد كي يليق بقلمكم واللقب تغير حتى يوحي بمدى تفاؤلكم ونحن هنا مصطفين نصفق لجميل كلامكم .
أينعت زهرا حروفا كُتبت ودا . هي عادتكم كما أظن.
القديرة بوكي هانحن نستمتع كل يوم أكثر فهلا كان أكثر

أنا مش فاهم حاجة من اللي أنا كاتبه:d

المهم يعني منورين

هو الكلام الحلو ده كله ليا ؟؟!!

واضح إن الاسم الجديد عامل شغل نار :d:d

شاطر حسن..باختصار جدا



إبقى تعالى كل يوم :d:d

بجد..ألف شكر ليك و لوجودك الجميل :f2:

طـــــير في الســـما
30-05-2012, 11:16 PM
الاسم الجديد حلو بصراحة وبيعبر أكتر عن الحرية اللي أن شاء الله نحصل عليها عن قريب
بس مفكرتيش ليه تغيري الصورة الرمزية بالمرة ؟

لالالا..إلا صورة حلم
أصل الوردة دي اسمها حلم..و حلم دي حبيبتي حبيبتي حبيبتي حبيبتي حبيبتي..خمسة حبيبتي" على رأي القديرة فيفي عبده":d :d

طـــــير في الســـما
30-05-2012, 11:19 PM
ايه الحظ ده فعلا
وكمان ثالث مرة اكتب فيها رد ويارب ما يطير
:d

ايمان حبيبتي وصديقتي ..جداا :2:
تسجيل حضور وترحيب ولي عودة لاستكمال القراءة
*3*

هعمل نفسي عبيطة و مش آخده بالي من التلميح اللي بين حروفك..قصدك ايه باة من انك كتبتي الرد تلات مرات و مظهرش؟؟!!

ان موضوعي فقري؟؟!!!طب على قلبكوا :d

الغالية الصادقة نيرمين :f:

وجودك الجميل بيخلي للموضوع روح حلوة..متحرمش منه أبدا:)

طـــــير في الســـما
30-05-2012, 11:21 PM
​http://im21.gulfup.com/2012-05-31/1338412420171.jpg (http://www.gulfup.com/show/X24vbyrq9as9ws)





أول هدية بعد الاسم الجديد :)

ألف شكر لك :f2:

عادل الشرقاوي
30-05-2012, 11:56 PM
اهلاً بالدكتورة إيمان
بعد النيولوك طير في السما
حلقة رائعة ان شاء الله بس اكيد لما تفضى بعد القضاء على الجاسوس اللى دخل من البلكونة :d
كل الشكر لـ ريهام على اختيارتها المتميزة دائماً
متابع معاكم

اسكندرانى
31-05-2012, 02:13 AM
http://up.haridy.org/storage/beautytop.jpg

اختى العزيزة دكتوره ايمان

طير فى السما
ارق تحياتى لك


http://up.haridy.org/storage/5beautysmallpict.jpg

طبعا سعيد لوجود حضرتك فى الموضوع

وفى انتظار ردودك ومشاركاتك

لانه بالتاكيد سيكون موضوع شيق باراءه وثقافته واسلوبك الشيق فى الكتابه وعرض الافكار

اختيار موفق جدا واتمنى وجودك دائما على صفحات المنتدى

واسمحيلى اسالك سؤال وخليهم 11 من 10 وفرق الحساب خديه من بوكى

بورسعيد مدينه جميله واهلها اهل شهامه وكرم وايضا ودودين جدا

(دا طبعا بحكم البحر الابيض المتوسط المشتترك )

سؤالى

هل قرار عودة المنطقة الحرة مرة اخرى سيفيد المدينه واهلها ام هو قرار سياسى بعد احداث استاد بورسعيد


http://up.haridy.org/storage/5beautysmallpict.jpg

استاذة بوكى

كالعادة لا اجد ما اقوله لك على اختيارك الموفق

وعلى ادارتك الموضوع باسئلة مميزة

لك دائما خالص تقديرى واحترامى

http://up.haridy.org/storage/5beautysmallpict.jpg

nova_n
31-05-2012, 06:28 AM
الأستاذة بوكى

كعادتنا بموضوعاتك وضيوفك موضوع عاد بالجديد
والاستاذى إيمان الشامى نحن بأنتظار اجاباتها لنتعرف أكثر وأكثر عليها
موفقين دائما باذن الله

شكرا

zizoYAzizo
31-05-2012, 06:47 AM
شكرا يا بوكى على الموضوع مره تانيه وتالته وعاشره وعلى اختيارك الججميل مابين الاعضاء اللذوذين :d
انا استمتعت جدا بحوار د.ايمان واحلى مافى الردود الوضوع والصراحه والاجابات القاطعه فهى عضو من الزمن الجميل :d
والتعليق ده فظيع

.و الله يا ريهام لو تشوفي حالي دلوقتي و انا اخده اللاب على رجلي و قاعده فوق السفرة علشان خايفة م الصرصار اللي دخل م البلكونة..و حاسة اني كارهة الدنيا.
السسبنس والاصرار على الرد للاعضاء على الرغم من الاهوال :d
كل الشكر ليكى يا ايمان وللورده حبيبتك 5 حبيبتك الى لما بشوفها فى المنتدى بتكتب طبعا بكون مبسوط :f:
يعينى على الصرصار :P

الشحرورة
31-05-2012, 07:53 AM
الجميلات بوكى ود / إيمان الشامى

منورين الدنيا موضوع جميل وضيفة أجمل وتعارف من قريب
ننتظر الاجابات وممكن اسأل سؤال
يا ترى المنتدى غير شيئ فى أيمان الشامى ام انه لم يترك اثر ؟؟؟
ولا هو مفيش اسئلة معلشى بقى مرة اسأل هههههههههه
منورين يا قمرات

boukybouky
31-05-2012, 10:14 AM
بسم الله الرحمن الرحيم

إيمان ....هو انت ناوية تكملي ردود على الاسئلة امتى ان شاء الله؟ :3:

النهاردة بقينا الخميس يعني المفروض تنزلي اسئلة الأعضاء

يللا شدي حيلك شوية معانا

في رعاية الله،،،

طـــــير في الســـما
31-05-2012, 06:10 PM
هو أنا أي حد و لاإيه؟؟؟

لالالا..أنا اتأخر براحتي..أديكي جربتي موضوعي نزل المنتدى حصل له ايه؟؟!!تخيلي باة لو دخلت كل قاعة كتبت مشاركة واحدة..قولي ع المنتدى يارحمن يا رحيم :)


حااااااالا..هكمل اهو :)

drmustafa
31-05-2012, 06:13 PM
أتابع بشغف
كلما سمحت ظروف السيرفر والمنتدى
بس شكلها مش بتسمح ... ياترى فيه إيه؟؟؟؟؟

طـــــير في الســـما
31-05-2012, 06:45 PM
أتابع بشغف
كلما سمحت ظروف السيرفر والمنتدى
بس شكلها مش بتسمح ... ياترى فيه إيه؟؟؟؟؟

يا ربناااااااااا!!يعني تيجي من أقرب الناس!!ما بلاش يا دكتور!!

عموما..السبب هو ان الكهربا بتقطع عندك ف المكتب علطول :)

طـــــير في الســـما
31-05-2012, 06:48 PM
اهلاً بالدكتورة إيمان
بعد النيولوك طير في السما
حلقة رائعة ان شاء الله بس اكيد لما تفضى بعد القضاء على الجاسوس اللى دخل من البلكونة :d
كل الشكر لـ ريهام على اختيارتها المتميزة دائماً
متابع معاكم

قضيت عليه يا عادل خلاص

و فرحتي بعد القضاء عليه لا تقل أبداااا..عن فرحتي يوم اكتساح حمدين صباحي في بورسعيد :)

شكرا لك عادل و لوجودك :f:

طـــــير في الســـما
31-05-2012, 06:55 PM
http://up.haridy.org/storage/beautytop.jpg

اختى العزيزة دكتوره ايمان

طير فى السما
ارق تحياتى لك


http://up.haridy.org/storage/5beautysmallpict.jpg

طبعا سعيد لوجود حضرتك فى الموضوع

وفى انتظار ردودك ومشاركاتك

لانه بالتاكيد سيكون موضوع شيق باراءه وثقافته واسلوبك الشيق فى الكتابه وعرض الافكار

اختيار موفق جدا واتمنى وجودك دائما على صفحات المنتدى

واسمحيلى اسالك سؤال وخليهم 11 من 10 وفرق الحساب خديه من بوكى

بورسعيد مدينه جميله واهلها اهل شهامه وكرم وايضا ودودين جدا

(دا طبعا بحكم البحر الابيض المتوسط المشتترك )

سؤالى

هل قرار عودة المنطقة الحرة مرة اخرى سيفيد المدينه واهلها ام هو قرار سياسى بعد احداث استاد بورسعيد


http://up.haridy.org/storage/5beautysmallpict.jpg

استاذة بوكى

كالعادة لا اجد ما اقوله لك على اختيارك الموفق

وعلى ادارتك الموضوع باسئلة مميزة

لك دائما خالص تقديرى واحترامى

http://up.haridy.org/storage/5beautysmallpict.jpg

سلام الله عليك أستاذ نادر

ألف شكر لوجودك..و طبعا يشرفني إنك تتوجه ليا بالسؤال ده

قرار عودة المنطقة الحرة لبورسعيد..مش قرار..هو رشوة سياسية مش أكتر

و احنا اخدنا على كده
بورسعيد فضل مغضوب عليها تلاتين سنة ايام المخلوع
و كل مادا ما حالها بيسوء..دي وصلت للإهمال المتعمد في النظافة العامة يا استاذ نادر

و زاد موقف البورسعيدية بشكل عام بعد طبعا الظلم الفظيع اللي وقع علينا بعد المدبحة اللي حصلت في بورسعيد
و اكتساح الصباحي بشكل غير عادي و بفارق فوق الستين الف صوت عن المركز اللي بعده

بعدها علطول..جه قرار المنطقة الحرة

بكرر..هو مش موقف سياسي..هي رشوة سياسية
و لما حد بيكلمنا بخصوص المنطقة الحرة..بيكون رد اي بورسعيدي..ان بورسعيد مش مجرد جمرك و بضاعة مستوردة سعرها - مقارنة بباقي المحافظات- رخيص
لا..بورسعيد يعني جو رائع و بحر أروع
و دول حاجتين الحمد لله..مش هيعرفوا يغيروها في بورسعيد :)

طـــــير في الســـما
31-05-2012, 07:13 PM
الأستاذة بوكى

كعادتنا بموضوعاتك وضيوفك موضوع عاد بالجديد
والاستاذى إيمان الشامى نحن بأنتظار اجاباتها لنتعرف أكثر وأكثر عليها
موفقين دائما باذن الله

شكرا

يا هلا نوفا
طبعا بوكي من زمان مجمعانا بمواضيعها و فوازيرها:)

اهلا بك نوفا و شرفتيني :f:

طـــــير في الســـما
31-05-2012, 07:30 PM
نرجع للاسئلة

و نقول باسم الله ،،

اسمحيلي أبدأ بالسؤال الرابع..على وعد بالرجوع للسؤال الثالث :)

4- حدثينا عن رسالة الدكتوراة الخاصة بك وما هي الإستفادة التي لسمتيها على المستوى الشخصي والعام؟

رسالة الدكتوراه..أو الدرجة العلمية في حد ذاتها حدث من أهم أحداث حياتي..لأني كافحت علشان أحصل عليها في ظروف صعبة جدا..أهمها " وفاة والدي و ووالدتي في نفس التوقيت تقريبا" علشان كده..أنا بفخر إني أخدتها بتوفيق من الله سبحانه و تعالى ثم باجتهاد مني في السن ده

الاستفادة على المستوى العلمي..باختصار..طلعت درجة في الوعي الثقافي
و على المستوى الانساني..استفدت معرفة أكبر بقيمة الصبر و الثبات و الإصرار

5- هناك مثل شعبي يقول"لسانك حصانك إن صنته صانك وإن هنته هانك"
محتاجين روشتة من الدكتورة إيمان ترشدنا كيف نتعامل مع الاشخاص التي لا تصون لسانها

طبعا أنا أقل من إني أوجه نصيحة..لكن طالما طلبتي رأيي خليني أقولك إن أنا شخصيا اتعلمت من سنوات مبدأ" بلّغ أخبارك بنفسك"
و على أساس المبدأ ده بحكم على اللي أدامي..يعني لو الشخص مصنش لسانه نتيجة خطأ غير مقصود أو سوء فهم منه أو ضعف - غير أصيل- في شخصه..بسامحه طبعا
لكن لو نقل أخبار نتيجة إنه شخصية " ثرثارة" أو غاوية الطبع ده..بخرجه أنا من حياتي بهدوء شديد :) لأنه أكيد مش هيكون له مكانة فيها

و أخيرا أحب أفكر نفسي أولا و أفكركوا بقول" من قال لك..قال عليك " :)

6- أحياناً نسمح للغير بخداعنا وربما نشعر بالسعادة رغم ذلك..وربما نشقى بعد ذلك
متى سمحت إيمان الشامي لغيرها ان يخدعها بإرادتها ...

مش سماح بالمعنى المباشر..لكن تقدري تقولي إن الإنسان فعلا بيضطر إنه يستمر ف التعامل مع شخص و هو عارف إنهم مش أهل لكمية الثقة و القرب دي- و سبب اضطراره هو ضعفه البشري اللي بيخليه مقتنع إنه هيتعب جدا لو الشخص ده خرج من حياته
وقتها..الصح هو الصدام المباشر للنفس..يعني كل شوية أفكر نفسي و أقولها: يا إيمان خدي بالك فلان أو فلانة مش اهل للثقة دي و لا للمكانة القريبة دي
مرة ورا مرة.صدقيني الموضوع بيهون و بيكون قرار خروجه من حياتك أسهل كتير

7- عندما تغمضين عينيك وتسرحين بعيداً ما أول هي اول صورة تظهر لك؟
بصي حسب الموقف..يعني مثلا

لو أنا متضايقة، بفتكر سولى و هي عروسة" لمن لا يعلم" أنا عندي بنت اسمها سلمى ربنا يباركلي فيها..اتخيلها عروسة كبيرة و احس بابتسامة على وشي :)
لو أنا متحمسة نتيجة أي موقف مريت بيه..أتخيل إني نجحت في المشروع اللي بحلم أعمله بئالي سنتين، بس للأسف معطياته لسة مكملتش معايا
و لما أتخيلني و أنا محققاه أحس بفرحة كبيرة:)

بوجه عام.أنا شخصية متفائلة الحمد لله، و أجدع واحدة تسرح في أي حاجة تبسط و خلاص :d

طـــــير في الســـما
31-05-2012, 07:35 PM
-"من أهم السمات النفسية المعروفة عن الشعوب العربية أننا شعب- بينسى بسرعة-و شعب- طيب-و تلك الطيبة نتيجة طبيعية للسمة الأولى"
هل تنسى إيمان الشامي سريعاً؟

ده حقيقي..كل شعب له سمات غالبة بوجه عام..و فعلا اللي قلتي عليه من السمات العامة للشعب المصري
و انا لاأدعي إني بنسى بسرعة..ف الوقت الحالي " لا"
يمكن لو كنتي سالتيني السؤال ده من سنة كنت هرد بسرعة جدا و اقولك " آه للأسف"
لكن ف الوقت الحالي..لا، و على فكرة ده أفيد كتير :)
9- هتنتخبي من في إنتخابات الإعادة؟ ولماذا؟
حتى تاريخ كتابة هذه الكلمات..موصلتش لقرار نهائي..
يوم أقول مش هنتخب
و يوم اقول هروح ابطل صوتي
و يوم أقول هنتخب مرسي..للأسف

طـــــير في الســـما
31-05-2012, 07:39 PM
شكرا يا بوكى على الموضوع مره تانيه وتالته وعاشره وعلى اختيارك الججميل مابين الاعضاء اللذوذين :d
انا استمتعت جدا بحوار د.ايمان واحلى مافى الردود الوضوع والصراحه والاجابات القاطعه فهى عضو من الزمن الجميل :d
والتعليق ده فظيع

السسبنس والاصرار على الرد للاعضاء على الرغم من الاهوال :d
كل الشكر ليكى يا ايمان وللورده حبيبتك 5 حبيبتك الى لما بشوفها فى المنتدى بتكتب طبعا بكون مبسوط :f:
يعينى على الصرصار :P



و الله و الله يا زيزو لو تعرف انا قضيت عليه ازاي..هتحس بفخر انك معايا ف نفس المنتدي :d :d

عملت ايه باة؟؟لاقيته ماشي بفخر و خيلاء..قمت انقضيت عليه كالأسد و كنت ماسكة قميص ابني، و قفلت عليه القميص و جريت على البلكونة بسرعة البرق، و رمت الصرصار و القميص فورا :)
طبعا ابني قعد يعيط اني رميت قميصه..بس مش مشكلة، المهم ان ربنا وفقني و انقذت حياة أسرة بحالها :) :)

طـــــير في الســـما
31-05-2012, 07:45 PM
- وها نحن نصل لآخر سؤال في اللقاء...
اختر من الأعضاء او المشرفين او المراقبين او المشرف العام ..
وضعي أمام تلك الكلمات الشخصية المناسبة (أنا فقط كتبت الكلمات بصيغة المذكر وهذا ليس دلالة على أي شئ):
1- لم أكن أتوقع ذلك منك
سارة..مصراوية جدا
" أتمنى إنها تدخل تقولي ليه؟؟" :)

2- اسأت تقدير الموقف فعذراً

أستاذ أشرف حسان ..انا اعتذرتله فعلا قبل كده و هو مشكورا قبل اعتذاري

3- شكراً من قلبي

هايدي دياب

4- مواقفك دوماً تثير تساؤلاتي
مش عارفة..مش بحس بده تجاه حد الحقيقة ريهام

5- متى سنراك مجدداً بالمنتدى

بوسي كات

فراشة
31-05-2012, 10:32 PM
اجابات فعلا جميلة ايمان
تدل على شخصية مثقفة رقيقة متفائلة
اجاباتك منطقية ومقنعة جدا للعقل
هههههههه مش صعبان عليا غير القميص
نفسي أعرف مصيره ايه:d

عادل الشرقاوي
01-06-2012, 05:24 PM
قضيت عليه يا عادل خلاص

و فرحتي بعد القضاء عليه لا تقل أبداااا..عن فرحتي يوم اكتساح حمدين صباحي في بورسعيد :)

شكرا لك عادل و لوجودك :f:

هههههههه طيب الحمد لله
والله فرحتنا كلنا بكتساحه فى بورسعيد والاسكندرية اللى بيعبر عن الثورية الحقيقية للشعب ده
يا كسوفى من الشرقية *72*

طـــــير في الســـما
01-06-2012, 07:41 PM
اجابات فعلا جميلة ايمان
تدل على شخصية مثقفة رقيقة متفائلة
اجاباتك منطقية ومقنعة جدا للعقل
هههههههه مش صعبان عليا غير القميص
نفسي أعرف مصيره ايه:d

القميص اختفى :)

فراشة..ألف شكر لرايك الجميل..و الشرف ليا أنا :f2:

طـــــير في الســـما
01-06-2012, 07:43 PM
هههههههه طيب الحمد لله
والله فرحتنا كلنا بكتساحه فى بورسعيد والاسكندرية اللى بيعبر عن الثورية الحقيقية للشعب ده
يا كسوفى من الشرقية *72*

و لا يهمك عادل..حاليا مش بنفكر لا ف شرقية و لا بورسعيد

دي مصر كلها هتتظبط :(

طـــــير في الســـما
01-06-2012, 07:50 PM
الجميلات بوكى ود / إيمان الشامى

منورين الدنيا موضوع جميل وضيفة أجمل وتعارف من قريب
ننتظر الاجابات وممكن اسأل سؤال
يا ترى المنتدى غير شيئ فى أيمان الشامى ام انه لم يترك اثر ؟؟؟
ولا هو مفيش اسئلة معلشى بقى مرة اسأل هههههههههه
منورين يا قمرات

أنا اسفة من هنا لبعد بكرة
اناي تجاوزت- بدون قصد- مشاركتك
بس لاقيت الصفحة التالتة منورة زيادة..رجعت أبص لاقيت سؤالك :) أرجوك اقبلي اعتذاري :f2:

المنتدى غير كتيييييير..أنا اتعلمت فيه حاجات كتير الحقيقة
من خلال مواقف و مشاركات و أحداث
المنتدى مجتمع صغير..و يحمل في قلبي محبة لا يضاهيه أي موقع تاني على الشبكة العنكبوتية- اللهم إلا صفحتي على الفيس بوك- و إن كانت الأخيرة لا تحمل معي نفس القدر من الذكريات الجميلة:)

شحرورة ..ألف شكر لوجودك الجميل :f2:

طـــــير في الســـما
01-06-2012, 07:55 PM
السلام عليكم

عودة لأسئلتي- المتواضعة- للسادة الأعضاء

نبدأ باسم الله

السؤال الأول..لناريمان

"كلميني عن مدى صعوبة سيطرة شعور سلبي ما على النفس - و إيه أفضل طريقة - من وجهة نظرك-ممكن الإنسان يلجأ لها في محاولة منه للنجاة من السيطرة دي "

طـــــير في الســـما
01-06-2012, 07:57 PM
السؤال التاني لمحمد حسين

الاتهام بالتخوين أو سوء الفهم أو حتى التكفير أصبح شئ سائد و شديد السهولة و اليسر عند البعض
من خلال معرفتي إنك شخصية عنيدة لإثبات وجهة نظرك..إيه أصعب موقف اتعرضت له في مناقشة سياسية؟

طـــــير في الســـما
01-06-2012, 08:02 PM
السؤال الثالث

ل..جيهان محمد علي

لا يخفى عليكِ إعجابي بأسلوبك ف الكتابة

جيهان..هل شعرت من قبل أن راودك إحساس ما عجزتي عن التعبير عنه - رغم موهبتك اللغوية-؟؟
و أحب أعرف الخاطرة اللي كتبتيها في موضوعك- الرائع- و لها عندك مكانة خاصة للغاية :)

طـــــير في الســـما
01-06-2012, 08:04 PM
السؤال الرابع

لأستاذ أحمد ناصر

" هل حضرتك مؤمن فعلا إن الثورة تم القضاء عليها..أم لا زلت ترى بصيص من الامل في محاولة لإنقاذ ما يمكن إنقاذه؟ و إذا حضرتك اخترت الاختيار الثاني..ممكن تعرض لنا وجهة نظرك؟؟"