المساعد الشخصي الرقمي

مشاهدة النسخة كاملة : 10 سنوات..كل عام وأبناء مصر بخير



الصفحات : [1] 2

boukybouky
14-04-2012, 01:10 AM
بسم الله الرحمن الرحيم

http://gallery.egyptsons.com/data/media/10/aba2ff8da7.gif (http://gallery.egyptsons.com) http://gallery.egyptsons.com/data/media/10/aba2ff8da7.gif (http://gallery.egyptsons.com)

مرت عشر سنوات سريعاً

وها نحن اليوم نجتمع لنحتفل بعيد ميلاد منتدانا الغالي
http://rlv.zcache.com/happy_10th_birthday_gifts_and_birthday_apparel_sti cker-p217021368012414652envb3_400.jpg
كل عام وأبناء مصر بخير

كل عام ونحن مجتمعون والمنتدى في تقدم بنا

http://bleongcw.typepad.com/photos/uncategorized/2007/10/14/birthday_balloons.jpg

وبهذه المناسبة السعيدة يا ريت كل واحد فينا يدخل يعرفنا متى كان إشتراكه في المنتدى

وما هي أكثر المواقف التي يتذكرها فيه على مدار سنوات تفاعله فيه

من هم أكثر الشخصيات التي كان لها أثر في تعامله في المنتدى

في إنتظاركم

http://image1.masterfile.com/em_w/02/90/37/700-02903776w.jpg

دمتم بكل خير
في رعاية الله،،،

الشحرورة
14-04-2012, 07:09 AM
بوكى بوكى احنا يا قمر بنحبوكى

وانا أول واحدة جاية نبارك ونهنوكى

بعيد منتدانا العاشر

وندعيلك وعلى قلوبنا وردة يخلوكى

اه يا منتدايا الغالى

قضيت فيك أحلى الليالى

مع الأحبة والأخوة والأخوات

والوصل وياهم بيحلالى

واللى هنا واللى راح

دايما بيجوا على بالى

اللى سكن القلب والروح

واللى حتى له أثر وجروح

واللى غطى وجعى

واللى مسحلى دمعى

واللى شاركنى فرحى

واللى داوالى جرحى

ودعالى ودعوته ماتروح

باشكره من كل قلبى

واهديله ودى وحبى

وأدعيله فى الأدان

يهديه ويخليهولى ربى

فى البدايه والنهاية

انتم العيلة وفصول الرواية

لا أستغنى عنكم ولا تستغنوا عنى

انا حتة منكم وانتوا منى

يا أحلى لمة جوة الصورة

وسطكم تملى كانت الشحرورة

تضحك وتبكى تروح وتجرى

وفى كل مرة تسلم الجرة

من الهم والمضرة

تقول انا لسه والله

شحرورة الشطورة

يا ابناء مصر

ربنا يسعدك بولادك

ولا مرة عليهم تبكى وتنوحى

وتسلمى يا قمرنا انتى يا بوكى

http://www.qa44.com/vb/imgcache/2/22959alsh3er.png

وهارجع تانى أجاوب على السؤالات
دى زيارة كده سريعة
وفيها شوية ارتجالات

الشحرورة

حمادو
14-04-2012, 07:35 AM
كل عام وكل موضوع ومشاركة والجميع بخير وحب ومودة.

وحمدا لله على السلامة يا افندم

اليمامة
14-04-2012, 09:54 AM
أهلا يا بوكى
كل سنة وانتى طيبة وكل أعضاء المنتدى بخير وسلام ..وفى محبة دائمة ان شاء الله
الحقيقة انا اشتراكى كان فى نفس الايام دى ..تقريبا يوم 16/ 4/ 2009
يعنى بقالى 3 سنوات ..حاسه انهم عمر بحاله من كتر الأحداث واليوميات ..العشرة يعنى ..
عرفت المنتدى لما كنت بعمل بحث عن أكلة ..والبحث جابنى على موضوع " اطلب الوصفة اللى على بالك تلاقيها قدامك " للفاضل سى هورس ..فضلت اتابع الموضوع شوية ..حسيت ان الناس فى المنتدى دا اكتر تقاربا وطبيعية وود عن اى منتدى آخر فحبيت انضم واشارك ..وماخابش ظنى ..كان كل نشاطى مركز فى قاعة المطبخ ..بالتدريج وبالتشجيع بدأت اشارك برا قاعة المطبخ ..يعنى كنت داخلة لهدف وهو الطهى بس ..بس بعد كدا لقيت نفسى باندمج مع الناس ..

الحقيقة ماعنديش مواقف محددة يا بوكى اقدر افتكرها ..معظم اللى شفته هنا ود ولطف ..معاملات دون تطرف ..الذكريات الجميلة موجودة طول الوقت جوايا ..

بالنسبة للشخصيات ..كتير ..وكل واحد له بصمة وروح ..انا هنا عرفت واتعلمت فعلا ازاى الإنسان دا كائن ثرى ومتنوع ومختلف عن التانى ..ومش كل الناس تشبهنى ولا أنا اشبهها ..ودا من حسن الحظ ..ههههههه

مثلا جيهان محمد على ..من اوائل الشخصيات اللى اعتزيت بها ..
قلب مصر ..رشحتنى للإشراف بعد مقام بسيط فى المنتدى
انتى يا بوكى ورسالتك الاولى فى موضوع عشرة على عشرة وتقييمك ساعتها وأم أحمد
أحمد ناصر ..وروحه دايما الطيبةالخلاقة ..وحسن استقباله الدائم وتشجيعه
حكيم عيووون ..الفنان المختلف جدا ..المستهلم
ابن البلد ..الادارى الذكى والأخ العزيز
فاضل ..حكيم المنتدى وطبيبه
زيزو ..الطفل الكبير ..والقلب الطيب
ناريمان..الزهرة البرية
الأستاذ اشرف المجاهد ..عالى الإحترام و الخلق الدمث
الأستاذ اسكندرانى ..المعلم الفاضل
الدكتورة داو ..مانستهاش ..ونفسى ترجع
الدكتور مصطفى ..الإنسان الحساس المعطاء الوفى
يراع ..انسان حكيم اوى وثرى ..
الاستاذة لميس الامام ..السيدة المعجونة بالعاطفة والإحساس
الاستاذ ابن طيبة ..عالم التاريخ الأكثر دراية وحنكة
مصراوية جدا ..كوكتيل الشقاوة والذكاء والإنسانية
لولى .. ملكة التصميمات والحركات والألوان
محمد حسين ..الشاب المثقف المجتهد المخلص
العسل المر ..انسان رقيق جدا وطيب
حمادو ..المحترم والعاقل ..الواعى
الشاعر محمد سعيد ..التذوق واللياقة واللباقة
الأستاذ عصام علم الدين ..خفة الدم والإنسانية كلها
اخت ضابط شرطة ..وحشتنا بخفة دمها واحساسها المليان اخوة
الشاطر حسن ..يشبه الملائكة المجنحة
الشحرورة وقيثارة ..زى الكمنجات
نوفا ونورا..كما ريشتين فى هواء
فراشة ..انسانة مهذبة ورقيقة
عادل الشرقاوى ..ابن البلد الطيب ..والمباشر
الأساتذة الأجلاء سيد جعيتم وسيد حسن وعاطف هلال ومصطفى سلام..أغنياء عن التعريف


الحقيقة يا بوكى ماعرفتش اختار شخصيات محددة لأنى ماعنديش مواقف محددة فعلا ..مش حاسه غير بمحبة واعزاز للجميع وللمنتدى ..خايفة اكون نسيت حد ومؤكد نسيت ..فاللى نسيته يسامحنى ..

بس عندى امنية ..ان كل اللى غاب عن المنتدى يرجع ..بفكره وعطاءه وعاطفته ..بنفسه ..اد ايه محتاجين دلوقتى لتنوع افكارنا وعطاءنا ..لمحاولة بناء جديدة ليس على مستوى المنتدى فقط ولكن على مستوى الشخصية والوطن ..

أنا بشكرك جدا يا بوكى على التذكرة بهذه المناسبة السعيدة وانك اتحتِ لى الفرصة لحديث ..ومعذرة لو كنت أطلت كثيرا ..


http://www.sunna.info/souwar/data/media/47/Warda_726.jpg

الشحرورة
14-04-2012, 10:16 AM
انا جيت تانى يا بوكى

انا أشتركت فى عام 2007
يعنى بقالى كام سنة ؟؟ كام سنة ؟؟؟
أحسبيهم انتى بقى المهم انى أشنركت هنا بدعوة من صديقة
وبصراحة أول ما اشتركت أنقهرت قوى لأنى باين نشرت موضوع
ومحدش رد فيه عليه وكنت لسه مرفودة من وظيفتى بمزاجى طبعا
بعد خناقة جامده مع المدير
وكانت حالتى النفسية سيئة وقلت خلاص انا ماشية من المنتدى ده وساعتها
بعتلى أستاذى أسكندرانى الله يخليه رساله على الخاص وقالى لا خليكى
انتى قلمك جميل وأستنى شوية كل الناس هيردوا عليكى
بس انتى أدخلى موضوعاتهم علشان يتعرفوا عليكى
وفعلا دخلت موضوعاتهم وشوية شوية اتعرفت وأتعرفت
وبقيت اتواصل معاهم ومهما غبت عنهم تملى يوحشونى واجعلهم تانى
وبصراحة الفضل له ببقائى هنا من الأول

اما الشخصيات اللى اثرت فيه كلهم والله لهم علامات جوايا
بس نقول اللى عرفتهم أكتر عندك طبعا أستاذى الغالى أسكندرانى
صاحب اللفتات الطيبة والتصميمات المميزة وهو صاحب ايادى بيضاء مع كل الجدد
وكمان مايسترو الحرف الفنان الأنسان محمد سعيد أتعلمت منه كتير
واجمل ما فيه انه قلبه طيب ومش بيعرف يزعل من حد خالص وأنسان مهذب جدا جدا
وحبيبة قلبى قيثارة فعلا أقرب أنسانة لقلبى أول ما أتعرفت عليها
كنت فاكراها متعالية والكلام ده يعنى بس بصراحة وقفت جنبى كتير وساندتى أكتر
وقلبها طيب ونقى وبتتسم ببراءة رهيبة يا جماعة حد جميل قوى
تشعر انها أختك وتعرفها من زمان
وكمان أخى البرنس يحيى زكريا اتأثرت به جدا وأتعلمت منه كمان
وكلهم لهم مواقف فى وجودى هنا بس خايفة أنسى حد
الجميلة قلب مصر وأنتى يا بوكى وسماء وسمر وهايدى وبنت شهريار ومصراوية
واليمامة وأم أحمد وجيهان وسوما ولولى وفراشة ولميس الامام ونوفا ونورا
وأخت ظابط شرطة ولمسة ورورو قمر كتير نونات المنتدى يا بوكى
والراءات بقى أخى ابن البلد واستاذى مصطفى سلام وأخى عصام علم الدين
ووجدى محمود وأخى الطيب ليدر ياما اتواصلنا أدبيا وهو أنسان طيب
واخى احمد ناصر ربنا يكرمه وزيزو فاكرة هديتله شوية شخبطة مرة فى عيد ميلاده
وأبن طيبة ومحمد حسين وحكيم عيون وأخى الشاطر حسن أنسان متجدد
يااااااه فكرتينى بحاجات كتير يا بوكى بس كفاية كده بقى للناس تزهق منى
ههههههههههههههه

محبتى

الشاطر حسن
14-04-2012, 01:16 PM
ماشاء الله تبارك الله
أولا استمرار المنتدى محافظا على رونقه دليل عل نجاحه
ونجاح المنتديات يعتمد على أشياء كثيرة أهمها من وجهة نظري النية الصافية للجميع
ومنها تنطلق الحروف التي تسطر مايجول بعقل وقلب الأعضاء فتارة تنير طريقا وتارة تحاول اصلاح ماأفسده الزمن في نفوسنا
أرى المنتدى عقلٌ كبير يتغذى من عقول الجميع والمستفيد حقا من يوصل عقله بعقل المنتدى
أيضا قلبٌ كبير بما حوى من قلوب طيبة ومطمئنة يحيط بالقلوب الحائرة من كل جهة
مرحى بالكلمات الطيبة وبتأثيرها
ولنفترض مثلا أننا ذوي أقنعة . يقينا سيحدث أيضا التغيير بالصحبة الطيبة للأفضل
يعجبني هنا حقا العلاقة الرائعة بين الأعضاء
يعجبني التواصل بينهم وحسن الظن دائما
تعجبني الطريقة التي يدار بها المكان
يعجبني الإخلاص والذكاء وكرم الأخلاق
تلاحقني كلمة شكرا من فم أحدهم حتى لتصيبني بصدق
وحين أرسلها تجاهه أتمنى أن يشعر بصدقها
تخونني الذاكرة أحيانا ولا تخونكم فتسبقون بكل خير
ماسمعت من وقت وجودي هنا إلا طيبا وماعاملتموني إلا كأخ ولي الشرف طبعا
نبع الماء رائق وجزيل العطاء فحافظوا عليه هي نصيحتي للجميع
لي في المكان سنتين وثلاثة أشهر وأربعة أيام جزء منها ليس يسيرا كان أيام استقرار . أشعر كأنه قرن لكم مااكتسبت وساعة لأن اللحظات الجميلة تمر سريعا
أسماء وشخصيات نقشت في النفس الكثير
ستظل محفورة في الذاكرة
وعلى سبيل المثال لا الحصر

أ/ابن البلد : أيها الحبيب حقا علينا أن نحب شخصا بمثل صفاتك .
أ/أحمد ناصر : ( أبو حسن) ماذا لو كان هناك الكثيرون منك ؟ أظنه الأمان والرخاء
أ/ سيد جعيتم : زادك الله من فضله أيها المبجل
فاضل : لازلت أعتقد أنك سوبر كمبيوتر. زادك الله من فضله
أخويا زيزو : أيها الصقر النبيل دمت في كل وقت جميل
الدكتور محمد حسين : جميل العقل والقلب . رائعة لحظات وجودك
أ/محمد أمير : نعشق وجودك ياعاشق المطر. تشرفت بمعرفتك
المايسترو أ/محمد سعيد: شلال مشاعر وناصع بياض القلب لايشق له غبار
شاعر الدانوب أ/عصام علم الدين: نهر من جمال وأخلاق. رائع في كل حالاته
الدكتور مصطفي : العبقري المتواضع. نجم النجوم
أ/اسكندراني : فرح وسرور تهدينا أيها النادر
أ/عادل الشرقاوي: كلك على بعضك حلو
أ/مصطفى سلام : حرفك من روحك صافٍ وألق
أ/سيد عطية: الشمس المشرقة ونخيل الكلمات السامقة
أ/يراع: تدهشني دائما حتى في صيلغة حروف اسمك
الدكتور السيد عبدالله: أحب حرفك جدا . يباغتني بجماله
بوكي : عقل وقلب من ذهب وروح نقية
اليمامة : ( م. أ. ر. د ) متميزة أديبة رزانٌ ديّنة
ناريمان : نار المعرفة واليمان بقية اسمك منسوبة لنجمة الشعرى الأكثر توهجا
لميس الإمام: أظن شمسا سكنت قلبها ونجوما اعتادت الإجتماع في عقلها
قيثارة : لحن المشاعر الباهر من جوف وتر التمكن حركته أنامل الأخلاق
الشحرورة: ألوان الكلام بريشة فنان وشلال حنان
لولي: لؤلؤة نادرة لاحدود لإبداعها فقط نور مستمر
الفراشة: بكل ألوان الخير أتيتي بارك الله لكِ وعليكِ
بهية البراوية: البرنسيسة نورهان وورد شجرة البيلسان
نوفا : مقلوب اسمك النهر والنوف بمعنى العلو لذلك أنتِ فيضان جمال
نورا : ( ب.ن.ت) بسمة ونسمة تسابق الشمس إشراقا
جيهان محمد علي : كل الروعة . صدقيني لاتكتمل الفرحة دونكم
سوما سوما : الهتان تحول لسيل عارم من أخلاق وإبداع

وأخيرا لو نسيت حد أنا ياجماعة معذور الزهايمر جاني بدري بدري

ونجوم جديدة أتمنى لها طيب المقام
شكرا ياباشمهندسة على إتاحة الفرصة وكان ليا سؤال لحضرتك في موضوع لحضرتك ولا يعني حضرتك أخدتي عليه الذهبية ونسيتيه فياريت حضرتك تجاوبيني عليه .

boukybouky
14-04-2012, 04:07 PM
بسم الله الرحمن الرحيم


انا جيت تانى يا بوكى

انا أشتركت فى عام 2007
يعنى بقالى كام سنة ؟؟ كام سنة ؟؟؟

اهلاً بك الشحرورة منورة يا قمراية
وايه بس الكلام الجميل ده ...
ربنا يبارك فيكي ويا رب متجمعين في الخير دايما
ويا رب دايما اللمة الحلوة تفضل وتكبر اكتر بينا وبكل اللي بيحبوا المكان

انت كده يا سيتي بقيتي في KG2 منتدى أبناء مصر :)
http://gallery.egyptsons.com/data/media/6/FFER_c.jpg (http://gallery.egyptsons.com)
دمتِ بكل خير
في رعاية الله،،،

boukybouky
14-04-2012, 04:11 PM
بسم الله الرحمن الرحيم


كل عام وكل موضوع ومشاركة والجميع بخير وحب ومودة.

وحمدا لله على السلامة يا افندم

انت يا ابني تغيب تغيب وترجع تكتب كلمتين وبس
الله يسلمك يا رب والله دعيت لك يا حمادو يا رب يتقبل مني ويكون من نصيبك :d
كل سنة وانت بخير وترجع تشارك معانا زي الاول واكتر
فين يا سيدي تاريخ إشتراكك وذكرياتك ..احنا هنكروت والا ايه :3:
تعالى تاني قول يللا علشان اعرف هحطك في انهي فصل
http://gallery.egyptsons.com/data/media/6/FFBH_c.jpg (http://gallery.egyptsons.com)
دمت بكل خير
في رعاية الله،،،

boukybouky
14-04-2012, 04:15 PM
بسم الله الرحمن الرحيم



أهلا يا بوكى
كل سنة وانتى طيبة وكل أعضاء المنتدى بخير وسلام ..وفى محبة دائمة ان شاء الله
الحقيقة انا اشتراكى كان فى نفس الايام دى ..تقريبا يوم 16/ 4/ 2009
يعنى بقالى 3 سنوات ..حاسه انهم عمر بحاله من كتر الأحداث واليوميات ..العشرة يعنى ..



اهلاً بك يا ندى منورة يا جميلة
كل سنة واحنا كلنا نخاف على بعض وقلبنا يكون على بعض
ربنا يكرمك يا ندى ويوفقك دايماً ونبع العطاء اللي عندك يزيد ويكبر

انت كده يا سيتي هتدخلي baby class يللا الأيام هتجري وهنيجي هنا نشوف كنا في انهي فصل وامتى سبحان الله بجد

http://gallery.egyptsons.com/data/media/6/FFBS_c_2.jpg (http://gallery.egyptsons.com)

دمتِ بكل خير
في رعاية الله،،،

boukybouky
14-04-2012, 04:20 PM
بسم الله الرحمن الرحيم


ماشاء الله تبارك الله
لي في المكان سنتين وثلاثة أشهر وأربعة أيام جزء منها ليس يسيرا كان أيام استقرار . أشعر كأنه قرن لكم مااكتسبت وساعة لأن اللحظات الجميلة تمر سريعا

شكرا ياباشمهندسة على إتاحة الفرصة وكان ليا سؤال لحضرتك في موضوع لحضرتك ولا يعني حضرتك أخدتي عليه الذهبية ونسيتيه فياريت حضرتك تجاوبيني عليه .

ازيك يا حسن منرو يا فندم
كل سنة وانت بخير ونحتفل كلنا مع بعض
ربنا يوفقك دايما ويزيدك من نعيمه

انت يا سيدي هتنضم لفصل baby class مع ندى ...يللا خليكم حلوين مش عايزين مشاكل :)

والله ما ناسية انا شوفت مشاركتك فعلاً اللي اخرني في الرد النمازج اللي عايزة اجيبها لك علشان تدعم ردي

http://gallery.egyptsons.com/data/media/6/handlessbkt.jpg (http://gallery.egyptsons.com)

دمت بكل خير
في رعاية الله،،،

الشاطر حسن
14-04-2012, 07:02 PM
بسم الله الرحمن الرحيم



ازيك يا حسن منرو يا فندم
كل سنة وانت بخير ونحتفل كلنا مع بعض
ربنا يوفقك دايما ويزيدك من نعيمه

انت يا سيدي هتنضم لفصل baby class مع ندى ...يللا خليكم حلوين مش عايزين مشاكل :)

والله ما ناسية انا شوفت مشاركتك فعلاً اللي اخرني في الرد النمازج اللي عايزة اجيبها لك علشان تدعم ردي

http://gallery.egyptsons.com/data/media/6/handlessbkt.jpg (http://gallery.egyptsons.com)

دمت بكل خير
في رعاية الله،،،
طب ياكبيرة قعديني جنب الشباك في التخته اللي ورا خالص علشان يعني أعرف أزوغ في الفسحة أو أناملي شويه وياريت ماتقعديش آدم ابن ندى جنبي الواد ايده طرشة وبيشد العمة من راسي على طول .
مستني النماذج لبكرة الصبح ولايهمك اتأخري براحتك ومالو يعني لما تتأخري . المهم أستنى في الكلاس ولاجنب البيبي ؟

zizoYAzizo
15-04-2012, 03:21 AM
كل سنه واحنا طيبين

تسلم ايديكى يابوكى على الموضوع
يارب المنتدى يفضل منور بكل الى فيه كده
انا كده بقالى كام سنه فى المنتدى :d
انا من 2004 مش هحسب السنه الى كانت قبل التسجيل كمان هنقول انها كانت فتره اعداد :d
يعنى من 2004 ل 2012 يعنى 8 سنين :d
يعنى فى تانيه ابتدائى :d
انا المفروض امسك الكنتين بتاع المنتدى :d

kethara
15-04-2012, 09:34 AM
http://i975.photobucket.com/albums/ae233/azizac/HappyBirthday08.gif


الرقيقة الغالية ريهام

كل عام ومنتدانا الغالى طيب وبخير
بكل أعضاؤة وبكل ركن من أركانه
انه لشعور رائع هو الأنتماء لهذا الصرح البديع
هذا المكان الذى ألفناه وعشقناه لحد الأمتزاج بين ملامحنا وبينه
فبات من الطبيعى ان يجذبنا كل يوم للمشاركة والتواصل
واراه صامد أمام كل المعوقات وهذا أفضل دليل أنه ليس مكان فقط
بل مشاعر وروابط تربطنا به وبمن فيه
فأتمنى ان يظل للأبد

اما عن أشتراكى كان يوم 23 / 11 / 2006

وكان عن طريق الصدفة لأنى كنت مشتركة بمنتديات أخرى
ولم يطرأ ببالى الأنتقال لمكان اخر لانى لست من هواة التنقل كثيرا
وقد كانت البداية هنا تعرفت على الكثيرين
وحفروا بداحلى ذكريات لن تموحها السنين مهما مرت
هناك
أستاذى القدير مصطفى سلام الذى تابعنى ووقف جانبى وجانب كلماتى كثيرا
و أخى الفاضل جمال مرسى الى كان من أول من نقدنى وترك أثر طيب داخلى
ورفيقة الدرب والقلم الغالية لميس الامام النصف الاخر لى
وصديقتى الغالية رفيقة النت والحياة الشحرورة تلك الساجية فوق عرش القلب
تمدنى بالأبتسامة حين يشتد بى الأمر وتمدنى بعون وشعور نادر لا أعرف له اسم
وليلة عشق صديقة الطفولة ورفيقة سنوات الغربة وقلب ما زال ينبض بالود
وأخى الفاضل اسكندرانى نادر وأخوة نادرة وقلب كبير يحوى الجميع دون ملل
وأخى مايسترو الحرف المُبدع محمد سعيد ولقاءات عدة تُشبع وتُزهر حروفى الذابلة
وأخى البرنس يحيى زكريا وذكريات أكثر من رائعة
وأختى الحبيبة شعاع من نور التى تروق لى كثيرا حروفها ومشاعرها
وأخى محمد عثمان جبريل وباقات من التواصلات التى أثرت حروفى
وأخى الفاضل سيد عطية وتواصلات رائعة وله الفضل ان أنثر كلماتى بقاعة العامية
وربان بلا سفينة وأيام وايام من التواصلات الجميلة
وأخى الفاضل ليدر صاحب اللفتات المضيئة بكل مكان
وأخى الفاضل أحمد ناصر وبذور نقاء ينثرها بكل الأرجاء
وأختى ريهام الرقيقة التى شاركتنى الرحلة هنا ولها قلب طيب
وأختى الرقيقة قلب مصر لن أنسى مواقفها الرائعة معى
وأخى الفاضل حكيم عيون وخواطر دعتنى كثيرا للتفكير
والرقيقة أوشا وموضوعات كثيرة تجاور الإبداع
والرائعة جيهان محمد على وحروف مترعة بالرقة والجمال
واليمامة الغالية وتميز وتألق له سحر خاص بكل مكان
والرقيقة ناريمان المثقفة الواعية التى تُبادر دائما بالإبداع
والغالية نوفا وتميز وأنتقاء رائع لكل ما تخطة
ونورا المتألقة التى تشع حيوية وأبتسام وتنثر عبير الأمل
والدكتور مصطفى وتواصلات عدة بموضوعات جميعها تتألق فى سماء المنتدى
وأخى الفاضل زيزو وموضوعات يعجبنى كثيرا أنتقاؤه لها
وأخى المتميز الشاطر حسن الذى اراه نبع متجدد من العطاء
متميز متفرد بكل الأجواء
ولى موقف مميز معه عندما قمت بالمشاركة فى احدى خواطره
ورد بمنتهى الرقة والتميز وقال أخى العزيز ما زلت تشرنى بزيارتك
يومها ضحكت من قلبى لانه كررها بنفس الموضوع مرتين للتأكيد
اننى اخيه العزيز

ولن ننسى وسط زخم الذكريات صاحب هذا البيت الذى يجمعنا
القدير الفاضل أحمد صلاح الذى يتحمل الكثير
من أجل ان يظل هذا البيت عامر بأحبته

ولكِ كل الشكر والتقدير بوكى
لهذا الطرح الرائع وكل عام وأبناء مصر بحير


تحيتــى

ابن البلد
15-04-2012, 12:05 PM
كل سنة وكل أبناء مصر بألف صحة وسعادة وسلام

وعقبال 100سنة مجتمعين على كل خير يارب
وإن شاء الله ربنا يعدي علينا وعلى مصر الغمه ويزحها ونرجع أحسن وأفضل من ذي قبل

كل الشكر لكم جميعا والشكر خاص لك بوكي
ربنا يكرمكم يارب
:f2::f2::f2:

boukybouky
15-04-2012, 12:25 PM
بسم الله الرحمن الرحيم



كل سنه واحنا طيبين

تسلم ايديكى يابوكى على الموضوع
يارب المنتدى يفضل منور بكل الى فيه كده
انا كده بقالى كام سنه فى المنتدى :d
انا من 2004 مش هحسب السنه الى كانت قبل التسجيل كمان هنقول انها كانت فتره اعداد :d
يعنى من 2004 ل 2012 يعنى 8 سنين :d
يعنى فى تانيه ابتدائى :d
انا المفروض امسك الكنتين بتاع المنتدى :d


2004 يعني 8 سنوات يبقى تالتة ابتدائي..... تانية ايه :3:
زيزو لو سمحت مش تلخبط الفصول ...
على فكرة انت هتبقى معايا في الفصل علشان انا كمان في تالتة ابتدائي :d

ربنا يديم علينا اللمة الحلوة ويبعد عنا كل اللي بيفرقونا
وكل سنة وانت بخير يا زيزو ومنورنا
http://gallery.egyptsons.com/data/media/6/232yellow-and-purple-bouquet-large-1-edited.jpg (http://gallery.egyptsons.com)
دمت بكل خير
في رعاية الله،،،

boukybouky
15-04-2012, 12:30 PM
بسم الله الرحمن الرحيم




الرقيقة الغالية ريهام

كل عام ومنتدانا الغالى طيب وبخير
بكل أعضاؤة وبكل ركن من أركانه
انه لشعور رائع هو الأنتماء لهذا الصرح البديع
هذا المكان الذى ألفناه وعشقناه لحد الأمتزاج بين ملامحنا وبينه
فبات من الطبيعى ان يجذبنا كل يوم للمشاركة والتواصل
واراه صامد أمام كل المعوقات وهذا أفضل دليل أنه ليس مكان فقط
بل مشاعر وروابط تربطنا به وبمن فيه
فأتمنى ان يظل للأبد

اما عن أشتراكى كان يوم 23 / 11 / 2006

ولكِ كل الشكر والتقدير بوكى
لهذا الطرح الرائع وكل عام وأبناء مصر بحير


تحيتــى



ازيك قيثارة منورة يا قمراية
كل سنة وانت طيبة ونحتفل مع بعض كلنا في أبناء مصر
ربنا يخليكي ميرسي لك
انت يا سيتي كده في أولى إبتدائي استنى شوية هتلاقي ناس تنضم للفصل بتاعك :)

http://gallery.egyptsons.com/data/media/6/235orchid-and-anthurium-tropical-bouquet-large-2-edited.jpg (http://gallery.egyptsons.com)

دمتِ بكل خير
في رعاية الله،،،

boukybouky
15-04-2012, 12:37 PM
بسم الله الرحمن الرحيم



كل سنة وكل أبناء مصر بألف صحة وسعادة وسلام

وعقبال 100سنة مجتمعين على كل خير يارب
وإن شاء الله ربنا يعدي علينا وعلى مصر الغمه ويزحها ونرجع أحسن وأفضل من ذي قبل

كل الشكر لكم جميعا والشكر خاص لك بوكي
ربنا يكرمكم يارب
:f2::f2::f2:


كل سنة وانت طيب يا احمد وبخير يا رب
كل سنة وانت مجمعنا في أبناء مصر دايما
انت بجد بتعمل مجهود جبار ربنا يعينك عليه وعلينا :d

وان شاء الله المنتدى يتقدم دايما ويكون للأفضل
وربنا يصلح أحوال البلد ويفرجها علينا ان شاء الله

http://gallery.egyptsons.com/data/media/6/90.jpg (http://gallery.egyptsons.com)

دمت بكل خير
في رعاية الله،،،

الشاطر حسن
15-04-2012, 12:42 PM
لأ بقى أنا عايز أدخل سادسة ابتدائي مع أبا العمدة أصلي معايا شوية بمب وناوي أطفش بيهم مدرسين الفصل بتوعوا اللي بيدوه واجب كتير وماعودناش نشوفه .

أحمد ناصر
15-04-2012, 02:12 PM
يا سلام يا ريهام
عشر سنوات بحالها
كل سنة وإنت طيبة
وكل سنة وأبناء مصر بخير
بدأت رحلتى فى المنتدى منذ أوائل فبراير عام 2004
مش فاكر بصراحة إيه اللى خلانى أسجل فى المنتدى
عموما هو كان أول منتدى أسجل فيه عضوية
لكن فاكر كويس ليه أنا لسه موجود فى المنتدى وليه أنا منتمى ليه بشدة
وليه ح أفضل موجود فيه إن شاء الله طول ما لى عمر وعندى قدرة على الدخول على النت
لإن المنتدى ده أصبح جزء منى
فى كل قاعة وفى كل ركن لى فيه ذكريات لن تنمحى من ذاكرتى
أنا عشقت أبناء مصر
هنا أصبح الجميع أصدقاء لى وأصبحوا قريبين جدا من قلبى
أتذكر كل من قرأت له موضوع أو شاركته فى حوار
أدعو لكل من توفاه الله بالرحمة
وأدعو لكل من غاب أن يعود
وأدعو لكل موجود بالسعادة
:f2:

boukybouky
15-04-2012, 03:09 PM
بسم الله الرحمن الرحيم


لأ بقى أنا عايز أدخل سادسة ابتدائي مع أبا العمدة أصلي معايا شوية بمب وناوي أطفش بيهم مدرسين الفصل بتوعوا اللي بيدوه واجب كتير وماعودناش نشوفه .

يا حسن مش تعمل دوشة كده ندى هتشتكي انك معاها في نفس الفصل
وبعدين احنا عندنا بس خامسة خلاص لغينا سنة سادسة ديه هههههههههههه

في رعاية الله،،،

boukybouky
15-04-2012, 03:14 PM
بسم الله الرحمن الرحيم


يا سلام يا ريهام
عشر سنوات بحالها
كل سنة وإنت طيبة
وكل سنة وأبناء مصر بخير
بدأت رحلتى فى المنتدى منذ أوائل فبراير عام 2004
:f2:

احمد ازيك ...
منور فصل سنة تالتة معايا انا وزيزو :d
تعرف انا لما بفتكر بداياتي في المنتدى لازم ينط في وشي موضوعك بتاع الفوازير الطازة هههههههههه
والصعيدي..والمنوم في الشاي هههههههههه
ربنا يحلي أيامنا كلها ويفرجها علينا دايما
ويا رب بكرة يكون افضل على كل المستوايات
http://gallery.egyptsons.com/data/media/6/AB_c.jpg (http://gallery.egyptsons.com)
دمت بكل خير
في رعاية الله،،،

الشاطر حسن
15-04-2012, 07:15 PM
طب هاتولنا زيزو معانا في الفصل ينظمه شوية الست ندى ماليا السبورة كلام عن السياسة ومش مخلياني أكتب حاجة .أقولها ياأم آدم اعمليلنا حاجة نتقوت بيها احنا على لحم بطننا من الحصة الرابعة ولا سألت فيا أقولها طب حوشي الواد حمزة اللي مسح الشبابيك بالعمة بتاعتي تقوم مشاوراله على قزاز الباب علشان ينضفه .
أنا هافرش تحت التخته وأنام شويه على ماتشوفولنا حل.


























آه ياني يادماغي ماشي ياحمزة .

اليمامة
15-04-2012, 07:51 PM
طب هاتولنا زيزو معانا في الفصل ينظمه شوية الست ندى ماليا السبورة كلام عن السياسة ومش مخلياني أكتب حاجة .أقولها ياأم آدم اعمليلنا حاجة نتقوت بيها احنا على لحم بطننا من الحصة الرابعة ولا سألت فيا أقولها طب حوشي الواد حمزة اللي مسح الشبابيك بالعمة بتاعتي تقوم مشاوراله على قزاز الباب علشان ينضفه .
أنا هافرش تحت التخته وأنام شويه على ماتشوفولنا حل.


























آه ياني يادماغي ماشي ياحمزة .

ضحكتنى يا حسن والله
طب لعلمك بقى الخاص ..أولادى فى منتهى البراءة والطيبة والأخلاق
كل اللى يشوفهم يحسدنى عليهم
ويقولولى ياريت كل ولادنا زى ولادك

بينى وبينك ..دى حقيقة
بدليل انهم بينضفوا الابواب اهو والشبابيك
تفهم من كدا ايه غير انهم متحضرين جدا
احمد ربنا

:f:

boukybouky
15-04-2012, 08:05 PM
بسم الله الرحمن الرحيم


ضحكتنى يا حسن والله
طب لعلمك بقى الخاص ..أولادى فى منتهى البراءة والطيبة والأخلاق
كل اللى يشوفهم يحسدنى عليهم
ويقولولى ياريت كل ولادنا زى ولادك

بينى وبينك ..دى حقيقة
بدليل انهم بينضفوا الابواب اهو والشبابيك
تفهم من كدا ايه غير انهم متحضرين جدا
احمد ربنا

:f:

مافيش حد يا بنتي بيعجبه حاله هههههههههههههه
اهو الولاد بينظفوا ومش عاجبين ..
عملوا دوشة مش عاجبين
لو سكتوا مش هيعجبوا :d
حسن من مصلحتك الشخصية انك توفق امورك مع حمزة :d

في رعاية الله،،،،

الشاطر حسن
15-04-2012, 08:18 PM
ضحكتنى يا حسن والله
طب لعلمك بقى الخاص ..أولادى فى منتهى البراءة والطيبة والأخلاق
كل اللى يشوفهم يحسدنى عليهم
ويقولولى ياريت كل ولادنا زى ولادك

بينى وبينك ..دى حقيقة
بدليل انهم بينضفوا الابواب اهو والشبابيك
تفهم من كدا ايه غير انهم متحضرين جدا
احمد ربنا

:f:
أنا متأكد إن حمزة وآدم زهرتان ببراءة وليثان بشجاعة وبمنتهى الأخلاق بفضل الله ثم كرم أخلاق والديهما .
لكن دي العمة الخضرا ياأم آدم اللي جابهالي العمدة من باريز ومكتوب عليها ميد إن العتبة . أللا العتبة دي ياأم آدم سوق في باريز ولا محافظة؟

خلينا خلاص في البيبي كلاس بعد ماصالحني حمزة واداني الساندويتش بتاعه.
































































يالهوي
مين اللي لون وشي وأنا نايم؟؟؟؟؟؟؟؟

عادل الشرقاوي
15-04-2012, 09:58 PM
ياااااه يا ريهام دايماً مواضيعك وكلامك بيصحى الذكريات الجميلة ودايماً الاوقات السعيدة بتجري بسرعة
واكيد اكيد مش الاوقات السعيدة بره لانها لحد دلوقتى مش سعيدة خالص .. لا جوه المنتدى طعم مختلف
كل سنة وحضرتك طيبة
وكل سنة وأبناء مصر بخير
انا إشتراكى الاول فى 2004 واتنشل فى 2005 والإشتراك التانى فى 2005 لسه معايا بس ماتقوليش لحد *7*
بس علشان كان باسمى بالانجليزى ومكنش اعرف انه ممكن يغير الواحد اسمه فعملت الإكونت ده بالعربى فى 2006
كنت حاسس وقتها انى عيل صغير وسط ناس كبيرة
كبيرة المقام والمقال وعمالقة فى مواضيعهم اللى دايماً كنت بستفيد منها
مع حفظ الالقاب اوشا - أحمد ناصر - قلب مصر - ماما زوزو - سيد جعيتم - عاطف هلال - حنان - الدكتورة نسيبة
الانسة بكلويز - دكتور جمال الشربينى - الكميائى - ايمن رشدى - مفيش فايدة - اشرف نبوي- آيزيس - رحال اسكندرانى - سلوى
ابن طيبة - عبده باشا - سيف الدين - حمادو ..
بس كان فى عضو معلق فى دمغى اوى بجرائته وحبه الشديد لمصر مش فاكر هو مين من دول
فهد مصر او ابن مصر او فتى مصر
بس الاكيد انه من مصر ..

وكان اسعد اوقاتى لما الجيل الكبير ده الاقيه كاتب مواضيع تخص الشباب ..
كتبت مواضيع كتير اوى لكنها اغلبها مكرر فكان بيتحذف
وكانت اتنين بيجلهم نفس افكار المواضيع اللى كنت بكتبها
فلك 99 و رورو قمر كانوه متخصصين مواضيع ينزلوها
واكون انا كنت هنزله للمناقشة او ينزل ويبقا مكرر بس اللى سبق اكل النبق بقا :d
فتعقدت فبقيت مهتم بالمشاركة بس فى المواضيع وبعدين رحت للقاعة اللى تناسبنى واللى اغلبهم فى سنى
وهى قاعة المسابقات وفك التكشيرة من ضمن اصدقائى ربنا يطمنا عليهم
شيري - حبك خيال - بنت شهريار - مستر فيرس - توتا - ايمرالد - سموحة - ملك - احمد الامبراطور - عاشقة اسكندرية
عاشق بلا حب - شمسي - شعاع من نور - سونى - اشرف المصري - زهرة - عزة نفس - لمسة - عراقية وافتخر - اهلاوى
ميمة اسلام - وطبعاً ميمو المصري اللى طفشنى من القاعة من كتر حذفه وتعديله للتعليقات اغلبها بتكون عادية بين الاصدقاء
ورحت لقاعة الالعاب وبعدين رجعت هنا تانى بس


وما هي أكثر المواقف التي يتذكرها فيه على مدار سنوات تفاعله فيه
يوووووه فى كتيرررر
كان فى مثلاً موضوع كان بيصبنى بالرعب لما شفته اول مرة موضوع لاستاذ أحمد ناصر اسمه
اعترف انى عارف رسائلكم الخاصة ( حاجة زى كده )
ههههههه بس مكنش بعمل حاجة غلط بس كونك تحس ان فى كاميرا متسلطة عليك دايماً احساس مرعب :d
وفرحت فى مرة اوى فى موضوع كان الدكتور جمال الشربينى مسكنى زى اللى ماسك ارنب بيسلخه :d
وجاء الأخ فاضل ورد عليه فى مشاركة قاله فى معناه ( خف شوية على الاعضاء الجديدة ) .. كان بالنسبة لى المنقذ ..
حاجة اخيرة علشان طولت اوي عليكم
المنتدى بتروح اعضاء وبتيجى اعضاء لكن اللى بلاحظه ان قوامه بسمالله ماشاء الله ثابت وقوى
مجرد بتتغير اسامى لكن الروح واحده .. حنان وشعاع من نور .. اليمامة وجيهان .. اهلاوى شديد .. الشاطر حسن

اشكر الكل على قضاء اجمل الاوقات معكم
وحتى اللى اختلفت معه فى افكار واراء يسامحنى ..

nariman
16-04-2012, 12:22 AM
وأنا أقدر أنسى اليوم ده كان أول أغسطس 2005 في عز الحر :d
وكنت مسجلة بإسم nariman3230 وبعدين شيلت رقم الموديل :d على رأي سيف الدين الله يمسيه بالخير
يااااه الذكريات والمواقف كتير لدرجة إني مش قادرة أحددهم دلوقتي..كلهم في القلب مايتنسوش الحلو والمر
كان الإشتراك هنا مجرد تجربة بالصدفة مكنتش أعرف اني حارتبط به للدرجة دي وينتقل معايا للواقع كمان
هنا لقيت ملجأي وبيتي الثاني اللي عمره ما يقفل بابه في وشي أبدا
هنا عرفت أجمل صحبة واخوات

كل سنة وأبناء مصر بخير
*3*

صفحات العمر
17-04-2012, 12:06 AM
كل عام وأبناء مصر غنى بأعضائه فكرا وخلقا ووعيا
كل عام وأبناء مصر عامر بالروح المصرية والمواضيع النافعة
كل عام وأنتم أحبائى وأخوانى وأخواتى
وكل الشكر يا ريهام على لمتك للعيلة
وأخيرا كل عام وأنتم أجمل*8*

boukybouky
17-04-2012, 12:56 PM
بسم الله الرحمن الرحيم


ياااااه يا ريهام دايماً مواضيعك وكلامك بيصحى الذكريات الجميلة ودايماً الاوقات السعيدة بتجري بسرعة
واكيد اكيد مش الاوقات السعيدة بره لانها لحد دلوقتى مش سعيدة خالص .. لا جوه المنتدى طعم مختلف
كل سنة وحضرتك طيبة
وكل سنة وأبناء مصر بخير
انا إشتراكى الاول فى 2004 واتنشل فى 2005 والإشتراك التانى فى 2005 لسه معايا بس ماتقوليش لحد *7*
بس علشان كان باسمى بالانجليزى ومكنش اعرف انه ممكن يغير الواحد اسمه فعملت الإكونت ده بالعربى فى 2006

اشكر الكل على قضاء اجمل الاوقات معكم
وحتى اللى اختلفت معه فى افكار واراء يسامحنى ..

يااااه يا عادل انت توهتني ...
2004...2005....2006 :3:
طيب علشان اللخبطة ديه انت هتدخل على فصل اولى ابتدائي طبقاً لـ 2006
يللا هَوّي الفصل بقى وافتحه واستعد للناس اللي هتيجي تقعد معاك :)

منور يا عادل وربنا يجمعنا دايماً على خير

http://gallery.egyptsons.com/data/media/6/45irises_large_jpg.jpg (http://gallery.egyptsons.com)

في رعاية الله،،،

zizoYAzizo
17-04-2012, 01:12 PM
وأنا أقدر أنسى اليوم ده كان أول أغسطس 2005 في عز الحر :d
وكنت مسجلة بإسم nariman3230 وبعدين شيلت رقم الموديل :d على رأي سيف الدين الله يمسيه بالخير
يااااه الذكريات والمواقف كتير لدرجة إني مش قادرة أحددهم دلوقتي..كلهم في القلب مايتنسوش الحلو والمر
كان الإشتراك هنا مجرد تجربة بالصدفة مكنتش أعرف اني حارتبط به للدرجة دي وينتقل معايا للواقع كمان
هنا لقيت ملجأي وبيتي الثاني اللي عمره ما يقفل بابه في وشي أبدا
هنا عرفت أجمل صحبة واخوات

كل سنة وأبناء مصر بخير
*3*
:d ليه يا ناريمان شلتى رقم الموديل :d
تعالى اقعدى معايا فى الفصل انا وبوكى انا هقول لبوكى تدخللك 3 ابتدائى على طول بدل ماتقعدى فى تانيه لسه وكمان انا عايزك معايا فى الفصل :d علشان حصه الاملاء مين الى هيغششنى :d
هشوفلك واسطه عند بوكى :d

boukybouky
17-04-2012, 01:17 PM
بسم الله الرحمن الرحيم

وأنا أقدر أنسى اليوم ده كان أول أغسطس 2005 في عز الحر :d

كل سنة وأبناء مصر بخير
*3*

وانت طيبة يا ناريمان وبخير
ويا رب دايما نتقابل ونحتفل مع بعض بلمتنا الحلوة
2005 ....انت يا قطقوطة كده هتكوني في فصل سنة تانية ...

http://gallery.egyptsons.com/data/media/6/176promotional_pics_178.jpg (http://gallery.egyptsons.com)

دمتِ بكل خير
في رعاية الله،،،

اسكندرانى
17-04-2012, 04:14 PM
الف مبروك لكل ابناء مصر

ربنا يبارك فى الجميع ادارة ومشرفين واعضاء

ويجمعنا داااااااااااااائما مع بعض فى حب مصر وابناء مصر

نوورا
19-04-2012, 09:16 AM
الأستاذة بوكى

اسفة للتأخير
كل سنة ومنتدانا طيب وبخير
وكل عام يكبر وسنه يزيد
ونكون فيه جميعا مع بعض ويعم على الجميع الخير يارب

boukybouky
19-04-2012, 02:31 PM
بسم الله الرحمن الرحيم




:d ليه يا ناريمان شلتى رقم الموديل :d
تعالى اقعدى معايا فى الفصل انا وبوكى انا هقول لبوكى تدخللك 3 ابتدائى على طول بدل ماتقعدى فى تانيه لسه وكمان انا عايزك معايا فى الفصل :d علشان حصه الاملاء مين الى هيغششنى :d
هشوفلك واسطه عند بوكى :d



لالالا واسطة ...انت بتقول واسطة.....
انا عندي اقتراح افضل بدل ما ناريمان تطلع سنة تالتة
انت ممكن تنزل سنة تانية وتكملها معاها وتطلعوا لنا سوا السنة اللي جاية ان شاء الله :d

في رعاية الله،،،

boukybouky
19-04-2012, 02:37 PM
بسم الله الرحمن الرحيم



كل عام وأبناء مصر غنى بأعضائه فكرا وخلقا ووعيا
كل عام وأبناء مصر عامر بالروح المصرية والمواضيع النافعة
كل عام وأنتم أحبائى وأخوانى وأخواتى
وكل الشكر يا ريهام على لمتك للعيلة
وأخيرا كل عام وأنتم أجمل*8*



وانت طيب يا محمد وبخير يا رب
ونحتفل كل سنة واحنا متجمعين مع بعض في الخير دايماً
وبعدين بقى مش قلنا كل واحد يقول دخل امتى علشان نعرف نظبط الفصول :3:

ايه ده مكتوب عندك سبتمبر 2004 غريبة اوي انا كنت فكراك من قبل كده
علشان انا فاكرة يا محمد اول موضوع اتقابلنا فيه لما كنت بعدت ولسه راجع ودخلت شاركت فيه
عامة طبقاً للوثائق الرسمية بتاعة المنتدى انت 2004
يبقى اهلاً بك في سنة تالتة معايا انا وزيزو احمد ناصر

http://gallery.egyptsons.com/data/media/6/06-C8_c.jpg (http://gallery.egyptsons.com)

دمت بكل خير
في رعاية الله،،،

drmustafa
19-04-2012, 02:41 PM
كل سنة وكل أبناء مصر بخير
كل سنة ومنتدانا بينا كلنا للأفضل

ويارب كل اللي غايبين يرجعوا

اشتركت في المنتدى منذ 5 / 5 / 2006

وده كان تاني منتدى اشترك فيه
في الوقت ده حقيقي لقيت دعم نفسي رائع في وقت كنت في أشد الحاجة إليه

حقيقي كثيرين جداً في المنتدى لهم فضل وتأثير إيجابي علىّ وممكن أقول معظم من المنتدى

مش حاقدر أقول أسامي علشان ما أنساش حد


مرسي بوكي على الموضوع الرائع ده

وقبل ماتقوليلي في أولى ابتدائي
اعملي حسابك أن كل حاجة في حياتي من أول الدراسة كانت بدري سنة
يعني سنة ثانية على طول مع ناريمان علسان أللاقي حد أعرفه

ودي وتحياتي للجميع

boukybouky
19-04-2012, 02:41 PM
بسم الله الرحمن الرحيم


الف مبروك لكل ابناء مصر

ربنا يبارك فى الجميع ادارة ومشرفين واعضاء

ويجمعنا داااااااااااااائما مع بعض فى حب مصر وابناء مصر

كل سنة وانت طيب اسكندراني وبخير
يا رب دايماً متجمعين مافيش اي شئ او اي حد يفرقنا
برضه مش قلت مشترك في سنة كام ...بعد كده اللي مش هيقول هنزله فصل:d

طيب الوثائق الرسمية بتقول 2003
يبقى اتفضل يا سيدي على سنة رابعة
او لو تحب تنزل سنة وتيجي تقعد معانا... فصل سنة تالتة ما شاء الله يساع من الحبايب الف :)

http://gallery.egyptsons.com/data/media/6/06-C9_c.jpg (http://gallery.egyptsons.com)

دمت بكل خير
في رعاية الله،،،

boukybouky
19-04-2012, 03:17 PM
بسم الله الرحمن الرحيم


الأستاذة بوكى

اسفة للتأخير
كل سنة ومنتدانا طيب وبخير
وكل عام يكبر وسنه يزيد
ونكون فيه جميعا مع بعض ويعم على الجميع الخير يارب

نوورا منورة يا قمراية
وانت طيبة وبصحة وسلام يارب
يا رب دايماً المنتدى يكبر ويزيد ويزدهر بكِ وبكل أعضاءه الجمال اللي بيحبوه

http://gallery.egyptsons.com/data/media/6/06-C2_c.jpg (http://gallery.egyptsons.com)

دمتِ بكل خير
في رعاية الله،،،

boukybouky
19-04-2012, 03:23 PM
بسم الله الرحمن الرحيم


كل سنة وكل أبناء مصر بخير
كل سنة ومنتدانا بينا كلنا للأفضل

ويارب كل اللي غايبين يرجعوا

اشتركت في المنتدى منذ 5 / 5 / 2006

وقبل ماتقوليلي في أولى ابتدائي
اعملي حسابك أن كل حاجة في حياتي من أول الدراسة كانت بدري سنة
يعني سنة ثانية على طول مع ناريمان علسان أللاقي حد أعرفه

ودي وتحياتي للجميع

وانت طيب ي دكتور وبخير يارب
ونحتفل ان شاء الله كل سنة بلمتنا الحلوة
يا رب يطمنا على كل اللي غايبين ويكونوا بخير

لالا يا دكتور احنا مش يرضينا تكون لوحدك في الفصل
علشان كده لا تقلق انت هتكون في اولى ابتدائي مع عادل الشرقاوي :d

http://gallery.egyptsons.com/data/media/6/0YRB_c.jpg (http://gallery.egyptsons.com)

دمت بكل خير
في رعاية الله،،،

nariman
19-04-2012, 07:39 PM
:d ليه يا ناريمان شلتى رقم الموديل :d
تعالى اقعدى معايا فى الفصل انا وبوكى انا هقول لبوكى تدخللك 3 ابتدائى على طول بدل ماتقعدى فى تانيه لسه وكمان انا عايزك معايا فى الفصل :d علشان حصه الاملاء مين الى هيغششنى :d
هشوفلك واسطه عند بوكى :d



اسكت ده كان عاملي مشاكل نفسية رهيبة :d

أيوه أنا مستعدة أبقى معاك في الفصل..بس خايفة تبهت عليا :d
:f2:

bode4
19-04-2012, 11:23 PM
منتدى رائع



مواضيع تحفة




*40**40**40**40**40*

zizoYAzizo
20-04-2012, 12:36 PM
بسم الله الرحمن الرحيم



لالالا واسطة ...انت بتقول واسطة.....
انا عندي اقتراح افضل بدل ما ناريمان تطلع سنة تالتة
انت ممكن تنزل سنة تانية وتكملها معاها وتطلعوا لنا سوا السنة اللي جاية ان شاء الله :d

في رعاية الله،،،

يعنى اسقط :d
:f:

zizoYAzizo
20-04-2012, 12:38 PM
اسكت ده كان عاملي مشاكل نفسية رهيبة :d

أيوه أنا مستعدة أبقى معاك في الفصل..بس خايفة تبهت عليا :d
:f2:
:d
بوكى بتحضرنى انى اسقط علشان ابقى معاكى فى الفصل :d
وفيها ايه لو بهت عليكى :d دنا دكتوراه يابنتى :d

ابن البلد
23-04-2012, 08:21 PM
شاهد ستايل أبناء مصر في 2004
http://www.egyptsons.com/misr/index.php?styleid=62

شاهد ستايل أبناء مصر في 2006
http://www.egyptsons.com/misr/index.php?styleid=68

الإستايلات معدله إلي حد ما لتتوائم مع الإصدار الجديد من المنتدى
ولهذا وجب التنوية بأن الإستايلات تشبهه بنسبة كبير نفس التصميم في وقتها السابق

:f::f:

oo7
30-04-2012, 05:36 PM
وبهذه المناسبة السعيدة يا ريت كل واحد فينا يدخل يعرفنا متى كان إشتراكه في المنتدى

وما هي أكثر المواقف التي يتذكرها فيه على مدار سنوات تفاعله فيه

من هم أكثر الشخصيات التي كان لها أثر في تعامله في المنتدى












كل سنة وانتو طيبين ومتجمعين دايما فى الخير


انا اشتركت فى المنتدى من 2008 وكان سبب اشتراكى انى كنت بدور على ناس يكونو ليا اصدقاء
قبل 2008 مكنتش اجتماعى خالص وعلى مدار حياتى مكانش ليا علاقة بالبشر ومعنديش غير 2 اصدقاء فقط

لكن لما حسيت مدى اهمية ان يكون فى ناس فى حياتى يأثرو فيا وأثر فيهم دورت على النت
وكان اول حاجة تيجى فى طريقى هو المنتدى

ابتديت فيه فى قاعة المسابقات
كنت وقتها منتظر ولادة بنتى الاولى
وقلت المعلومة دى فى وسط السطور
لكن وجدت ناس كتير بتدعيلى وبيباركولى
حبيت المنتدى وتفاعلت معاه بشكل اكبر


بالنسبة للمواقف
افتكر مسابقة كنتى عاملاها يا بشمهندسة
وانا وقتها كانا معايا فى الفريق طائر الشرق والقواس
وكسبنا المركز الاول واخدنا شهادات تقدير وتيشرتات



بالنسبة للشخصيات احنا ممكن نقسمهم 2

شخصيات تواصلت معهم شخصيا داخل النت وخارج النت وهم طائر الشرق (هيثم) سادمان (مستر محمد) القواس (د/محمد) الامبراطور (احمد) ابن رشد المصرى (رامى) ابن طيبة (ا/معتز) الازهرى المصرى (احمد البحر) ألب ارسلان (محمود)

وشخصيات تواصلت معهم داخل المنتدى وخارج المنتدى
ابن البلد - مصراوية جدا - حمادو - احمد ناصر - ماما زوزو - حسام عمر - عاصم ابوندى - شاعر الرومانسية - محمد رفعت على - احمد خليل - عصام علم الدين - مادا سعد

وغيرهم كتير اعتذر لان الذاكرة لم تسعفنى لذكرهم


دمتم بكل خير

boukybouky
02-05-2012, 01:07 PM
بسم الله الرحمن الرحيم



منتدى رائع





مواضيع تحفة





*40**40**40**40**40*


http://gallery.egyptsons.com/data/media/6/rose14.gif (http://gallery.egyptsons.com)

أهلاً ومرحباً بك bode4 منورنا :f:

الرائع هو تواجدك وفي إنتظارك دوماً

دمت بكل خير
في رعاية الله،،،

boukybouky
02-05-2012, 01:49 PM
بسم الله الرحمن الرحيم


كل سنة وانتو طيبين ومتجمعين دايما فى الخير

انا اشتركت فى المنتدى من 2008 وكان سبب اشتراكى انى كنت بدور على ناس يكونو ليا اصدقاء
قبل 2008 مكنتش اجتماعى خالص وعلى مدار حياتى مكانش ليا علاقة بالبشر ومعنديش غير 2 اصدقاء فقط

لكن لما حسيت مدى اهمية ان يكون فى ناس فى حياتى يأثرو فيا وأثر فيهم دورت على النت
وكان اول حاجة تيجى فى طريقى هو المنتدى

دمتم بكل خير

اهلاً بك يا مصطفى منور.. :f:

وانت طيب وبخير يا رب ودايماً نتجمع على الخير

http://gallery.egyptsons.com/data/media/6/ro12.jpg (http://gallery.egyptsons.com)

2008 يا سيدي يعني انت كده على KG1 عدل :)
طبعاً وجود ناس تحب الواحد وتهتم لأمره ده شئ غاية في الأهمية
ربنا يبارك لك ويكتر أصدقاء الخير

دمت بكل خير
في رعاية الله،،،

عـاشق الاقصى
12-05-2012, 05:22 PM
http://a4.sphotos.ak.fbcdn.net/hphotos-ak-ash4/399064_10150792510942944_559732943_9627670_5090161 34_n.jpg

أحمد ناصر
12-05-2012, 06:32 PM
http://a4.sphotos.ak.fbcdn.net/hphotos-ak-ash4/399064_10150792510942944_559732943_9627670_5090161 34_n.jpg

وأنت طيب يا عاشق الأقصى
:f2:

boukybouky
12-05-2012, 08:32 PM
بسم الله الرحمن الرحيم


http://a4.sphotos.ak.fbcdn.net/hphotos-ak-ash4/399064_10150792510942944_559732943_9627670_5090161 34_n.jpg

http://gallery.egyptsons.com/data/media/6/FFBS_c_2.jpg (http://gallery.egyptsons.com)

وانت طيب وبخير عاشق الأقصي منور

وفي إنتظارك دوماً انت من 2008 يعني KG1 :)

دمت بكل خير
في رعاية الله،،،