المساعد الشخصي الرقمي

مشاهدة النسخة كاملة : مدام شحيبر .. الحلقة الرابعة .. مافيش فايدة .. برضه عالمستشفى



الصعيدي
07-01-2005, 10:08 PM
بعد مالبس أيمن البدلة النضيفة المكوية الجديدة
اللى دفع فيها دم قلبه وعلى فكرة دى اول بدلة يشتريها بعد بدلة الفرح نظرا لظروف التغيرات الفسيولوجية من حيث الكرش وخلافه
جلس ايمن على الكرسى يراجع اوراقه ثم هم بالقيام ليودع زوجته وينزل سمع صوت :

زييييييييييىء تشششششششششششيك

ووجد صعوبة فى مغادرة مكانه ماذا حدث
مسمار فى الكرسى الحقيقة ان أمانى ألحت عليه ان يصلح الكرسى بس مش فاضى ادى جزاة اللى مايسمعش كلمة مراته تقولها
تكهرب الجو
لطفت أمانى الموقف مافيش مشكلة مفيش مشكلة البدلة كحلى خد عليها بنطلونك الرمادى هو صحيح شتوى واحنا في الصيف بس مش مشكلة نضيف ومكوِى
دخل أيمن وغير ملابسه .. أعصابه تلفانة أرادت أمانى ان ترطب الجو تعالو يا أولاد بوسوا بابا وأدعوله وهو نازل .. الاولاد سارة 3سنوات وأحمد سنتين وكوكى ست أشهر
سارة عانقت بابا ايديها ملحوسة شوكولاتة هو ما اخدش باله وأمانى طنشت مش باين فى الكحلى
أما أحمد فكان بياكل صباع موز دهنه فى البنطلون وهو متشبث ببابا عشان يسلم عليه
وختمتها كوكى فقد اعطتها له ليقبلها ونظرا لظروف المقاطعة والبامبرز المحلى فقد تلحوس أيمن بالصوت والصورة والرائحة

ألقى أيمن بالأولاد وصرخ فى أمانى حبكت يعنى الأولاد يسلموا عليا
حاول أيمن أن يجد فى ملابسه مايصلح للمناقشة بدون أن يضحك عليه خلق الله فلم يجد
أمانى دائما عندها الحل اتصلت بأخيها ومقاسه مقاس أيمن أحضر لها بدلته البيج الجميلة الغالية
دخل أيمن وأخد دوش لزوم الترويق وإرتدىالبدلة وطبعا الشىء لزوم الشىء البدلة البيج يلزمها حذاء بنى لمعت أمانى الحذاءالبنى بالورنيش العلبه وخلتها ميت فل واربعتاشر
جلس ايمن على كرسى تانى اتقاء لشر الكرسى الاولانى ولبس الحذاء
الحقيقة وهو يجلس أحس انه جلس على شىء
لكنه لم يلق بالا ولما قام اكتشف أنه جلس على علبة الورنيش اللى نسيتها امانى من لخمتها على الكرسى

لم تتكلم أمانى ولم يتكلم أيمن
هو فقط وببساطة مسك العلبة ودهن بيها البدلة بحيث انها تبقى بنى كلها ولم ينس ان يدهن وجهه ووجه امانى ووجه الاولاد ونزل ايمن بعد ما بدات عليه علامات الفصل والخبلان
وحضر المناقشة بكل شموخ
ووسط اندهاش الجميع تكلم عن اهمية الورنيش فى حياة الشعوب وكيف ان سكشن واحد الذى تعرف فيه على امانى يجب ان يلغى من كلية الطب واهمية فصل البنين عن البنات فى جميع الكليات
ثم ختم كلامه بالتوصية بعمل كوكب خاص للنساء واخر للرجال
أيمن ورنيش نزيل المعمورة حالته مستعصية تلازمه علبة الورنيش يدهن كل من يقف فى طريقه ويشرح له كيف انه دكتوراه فى الورنيش
اما امانى فما زالت تتسائل هىغلطت فى إيه




منقووووووووووووووول .. من كتابات أخت الصعيدي

حسام عمر
08-01-2005, 03:54 AM
هههههههههههههههههههههه


مشكور اخى الصعيدى

انا تقريبا خايف ابقى زى ايمن

محمد فاروق
08-01-2005, 09:08 AM
فظيعة ياصعيدى ....

بس انت متاكد ان اختك هيه اللى كاتباها ؟؟؟

يعنى مش انت مثلا ومتنكر ولا حاجة ؟؟؟

قول .. قول عادى احنا رجالة زى بعض ونفهم بعض كويس !!!!

بس المشكلة ان المدام بقت بتبصلى بصات غريبة !!!! إلا تفتكر ليه؟؟؟؟

محمد فاروق

ماما زوزو
08-01-2005, 09:43 AM
ههههههههههههههههه
ههههههههههههههههه
حلوة ياصعيدى
بس هو حظه ملطش ليه؟؟؟
*167*

بنت مصر
08-01-2005, 02:51 PM
رهيبة يا صعيدي بجد بجد رهيبة
تحية كبيرة لاختك يا صعيدي وبلغها اننا كلنا بنحبها جداااااا


بسنت

الصعيدي
09-01-2005, 08:54 AM
هههههههههههههههههههههه


مشكور اخى الصعيدى

انا تقريبا خايف ابقى زى ايمن

إيه ياعم حسام .. ده احنا كلنا ذلك الرجل من زمان .. إنت لسه بتفكر تخاف .. :d

الصعيدي
09-01-2005, 09:06 AM
فظيعة ياصعيدى ....

بس انت متاكد ان اختك هيه اللى كاتباها ؟؟؟

يعنى مش انت مثلا ومتنكر ولا حاجة ؟؟؟

قول .. قول عادى احنا رجالة زى بعض ونفهم بعض كويس !!!!

بس المشكلة ان المدام بقت بتبصلى بصات غريبة !!!! إلا تفتكر ليه؟؟؟؟

محمد فاروق

لا والله يا حاج محمد .. دي فعلا من كتابات أختي الكبيرة .. بس هي بتكتب في منتدى تاني فماعندهاش وقت للمنتدى بتاعنا .. بس أنا إن شاء الله أنقل لكم بعض أعمالها
بس قوللي بصراحة .. المدام بتبص لك بصات غريبة .. الإحساس ده كان بيجيلك قبل دخول المستشفى .. وللا اليومين دول ؟؟
:d :d

الصعيدي
09-01-2005, 09:15 AM
ههههههههههههههههه
ههههههههههههههههه
حلوة ياصعيدى
بس هو حظه ملطش ليه؟؟؟


شكرا يا ماما زوزو على مرورك وتحيتك *8*
وأما عن هذا المسكين فهي مش ملطشة معاه ولا حاجة .. ده العادي بتاعنا معشر الرجال :d :d

الصعيدي
09-01-2005, 09:19 AM
رهيبة يا صعيدي بجد بجد رهيبة
تحية كبيرة لاختك يا صعيدي وبلغها اننا كلنا بنحبها جداااااا


بسنت

الغالية بسنت .. شكرا على تقديرك وسلامك لأخت الصعيدي .. وإن شاء الله أبلغها *8*
بس يا جماعة مش ملاحظين إن العنصر النسائي في المنتدى بتاعنا فرحان أوي باللي بيحصل فينا ده *9* .. أيوووووووووووه عليهن .. :d

أحمد ناصر
11-01-2005, 09:01 AM
ههههههههه
بصراحة
فعلا الستات بس اللى تقدر تجنن الرجالة
أنا بأفكر أكتب مذكرات مضادة تجعل الرجال هم الذين يذهبون بعقول السيدات
شكرا لك يا الصعيدى وشكرا للأخت الفاضلة

ديدي
11-01-2005, 09:51 AM
حلوة اوى يا صعيدى بس يارب الرجاله يتعظوا
تحياتى لاخت الصعيدى ربنا يخاليها لينا.

daria
11-01-2005, 05:16 PM
بجد
بجد
بجد
جميلة جدااااااااااااااااااا
ولا طبع ماينفعش *9*
لازم اختك اللي بقت حبيبتي دي( بالعافية ) تيجي عندنا *6*
يعني ايه منتدى تاني؟
بتوزن برة؟
سوري قصدي بتكتب بررة؟ *12*
ماينفعش طبعا
يلا بدل مااخلص امتحانات وانزلك موضوع كامل في فك التكشيرة *14*
ولا في التعارف
هههههههههههه :)
باهزر طبعا
بس فعلا ياريت هي تشترك
ميرسي اوي يا صعيدي والله فطست على روحي من الضحك وكنت لسه راجعة من امتحان مزحلق من اياهم :d

الصعيدي
12-01-2005, 01:56 PM
حلوة اوى يا صعيدى بس يارب الرجاله يتعظوا
تحياتى لاخت الصعيدى ربنا يخاليها لينا.

شكرا يا ديدي على المرور .. بس مش عارف يعني إيه يتعظوا .. يعني العزاب يتعظوا باللي يحصل للمتزوجين ؟ :d

الصعيدي
12-01-2005, 02:01 PM
بجد
بجد
بجد
جميلة جدااااااااااااااااااا
ولا طبع ماينفعش *9*
لازم اختك اللي بقت حبيبتي دي( بالعافية ) تيجي عندنا *6*
يعني ايه منتدى تاني؟
بتوزن برة؟
سوري قصدي بتكتب بررة؟ *12*
ماينفعش طبعا
يلا بدل مااخلص امتحانات وانزلك موضوع كامل في فك التكشيرة *14*
ولا في التعارف
هههههههههههه :)
باهزر طبعا
بس فعلا ياريت هي تشترك
ميرسي اوي يا صعيدي والله فطست على روحي من الضحك وكنت لسه راجعة من امتحان مزحلق من اياهم :d

شكرا جزيلا يا داريا على المرور والتحية وأنا بعت الرابط بالميل لأختي عشان أبلغها سلامك وشعورك ناحيتها .. وربنا يسهل ويكون عندها فرصة تشترك في منتدى أبناء مصر .. وسعدت جدا بمرورك وردك الجميل *8*

ديدي
12-01-2005, 02:15 PM
ههههههههههههههههه
ايوه يا صعيدى انا اقصد انبه العزاب:d
وكمان اللى متجوزين ياخدوا بالهم
وكفاهم الله شر القتال*9* .
وباضم صوتى لصوت داريا ياريت فعلا تقدر اختك تكون معنا فى المنتدى .
تحياتى لها.

ايمى ميشو
13-01-2005, 04:35 AM
جميلة اوى يا صعيدى

من زمان وحشتنى القاعة دى

بس انا خلاص اخد اذن من بابا وهبات هنا

سلملى على اختك اوى

وقولها تسلم ايديها

ايمى


Photo Gallery