المساعد الشخصي الرقمي

مشاهدة النسخة كاملة : نكت



محمد فاروق
05-01-2005, 10:35 AM
صحبات الستات
زوجة باتت بره البيت فقالت لجوزها انها كانت بايتة عند واحدة صاحبتها, فجوزها اتصل بعشرة من صاحباتها المقربين وكلهم قالولو انها مابتتش عندهم
أصحاب الرجاله
زوج بات برة البيت فقال لمراته انه كان بايت عند واحد صاحبه, فمراته اتصلت بعشرة من أصحابه المقربين، خمسة منهم قالولها انه فعلا كان بايت عندهم والخمسة التانين قالولها انه لسه عندهم


واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

مرة مجنون قاعد عند الدكتور كان بيكتب جواب لنفسة فقاله الدكتور انت كاتب فيه ايه قاله هاعرف لما يوصلنى

ايه أسرع ثلاث وسائل للاتصالات؟
Telephone
Television
Tell -a- Woman

اتنين بدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامهاسمبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك (*__*)

واحد مسطول رجع مع صاحبه البيت الفجر . مراته بصت من البلكونة.
بقينا الفجر و لسه جاى , اطلع يا منيل". قال لها : اطلع فين ؟؟؟
انزلى شوفى جوزك مين فينا

رئيس دوله عربيه لقي فانوس سحري قام دعكه فطلعله منه ابليس قاله:شبيك لبيك تطلب ايه؟
قاله:بص بقي يا عم ابليس انا عملت فب الشعب بتاعي كل حاجه..قوللي بقي علي حاجه حديده اعملها فيه
ابليس قاله: بس كده..بسيطه..هات ودنك..وش وش وش وش وش
قام الرئيس قاله: ايه ياعم لعب العيال ده..ده كلام برضه
قام ابليس قاله: بلاش دي..هات ودنك...وش وش وش وش وش
قام الرئيس قاله: ايه يا عم ده ...انت شكلك ابليس نص كم ولا ايه
ابليس قاله: معقول الفكره دي مش عاجباك!!..طب خد دي بقي..وش وش وش وش
قام الرئيس قاله: ياعم انت شكلك كده لا ليك في العفرته ولا حاجه..هات ودنك بقي اقولك انا
بعمل ايه في الشعب بتاعي....وش وش وش وش وش وش
قام ابليس برق و قاله: يا راجل اتقي الله!!!0


مره واحد بلديات أخد 8986 قفا علي سهوه

مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا

واحد بلدياتنا بنى جامع لقى الناس بتجيه كتير قـلـبه مـطـعـم

فى مرة واحد دكتور احول فى مستشفى.. اجاله مريض احول.. قال الدكتور الاحول: "متخشوش على بالاثنين!".. قالو المريض الاحول:" انا مش جاى الك جاى للدكتور اللى جنبك !!"0
مرة مدرس رياضيات خلف ولدين و استنتج التالت

فيه واحد غبي ذبح ابوه ليه؟

المدرسة عاملين رحلة للايتام!

طيب ذبح ابو الجيران ليه؟

عشان ابن جيرانهم يروح معاه!

طيب ذبح خاله ليه؟

عجبه الاجرام!

بعدين انتحر ليه؟؟

المدرسة لغت الرحلة


اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كده احنا بعدنا أوى

واحد أحول بعد عشر سنين اكتشف انه بيصرف على الجيران

صعيدي كان بيتفرج على عالم الحيوان فشاف الصيادين بيصطادوا الحيوانات

فقال : إشمعنا هما بيعملوا كده أنا كمان هعمل زيهم

فراح باع حتة الأرض إللى حيلته و اشترى معدات الصيد و سافر لمجاهل أفريقيا... و بعد ما رجع صحابه راحوا له

وقالوا له: قول لنا عملت إيه هناك ؟

فقال لهم: أول يوم إصطدت 30 غزالة و 70 أسد و 100نوبليز


تاني يوم اصطدت 50 غزالة و 100 أسد و 200 نوبليز


تالت يوم الحيوانات خلصت من الغابة أمت اصطدت 300 نوبليز

فقال له أصحابه: إنت طول القعدة عمال تقول نوبليز ..نوبليز هو إيه

النوبليز ده؟ فقال لهم: دى حاجة سودة بترفع إديها وبتقول نوبليز

NO PLEASE


تلغراف جه لهريدى من البلد مكتوب فيه : مراتك خلفت والجاموسة خلفت ...احضر فورا
للتعرف على المولود

مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!0

زار احد الوزراء العرب صديقه الوزير البريطاني فاستضافه على الغذاء عندما وصل بيته وجد ان البيت أحد القصور الفارهه في بريطانيا و له حدائق شاسعه وتشطيباته من أفخم المواد فقال له: كيف بنيت هذا القصر الفخم ؟ ضحك الوزير البريطاني وقال لصديقه و هو يتجه الى النافذه و يفتحها تعال هنا ياعزيزي أنظر .. هناااااااااك أترى ذلك الكوبري ؟ فقال وزيرنا العربي نعم قال له انه كلف 100 مليون أسترليني و نفذناه بـ 90مليون بس ضحك صاحبنا الوزير العربي و قال له دا شئ عظيم دارت الأيام وقام الوزير البريطاني بزيارة صديقه الوزير العربي فوجده يعيش في قصر أفخم من قصره و أكبر وأشيك بكتيير فأنبهر الوزير البريطاني وسأله كيف بنيت القصر هذا ضحك الوزير العربي وقام واتجه الى النافذه وقال له تعال شايف الكوبري اللى هناك ده الوزير البريطاني : لا مافيش كوبري فقال له الوزير العربي : أهو ده اتكلف 100 مليون دولار

سـلـوى
05-01-2005, 10:57 AM
ههههههههههههه تسلم يا اخى محمد
بس دى اللى حلوة هههههه اوى(فيه واحد غبي ذبح ابوه ليه؟

المدرسة عاملين رحلة للايتام!

طيب ذبح ابو الجيران ليه؟

عشان ابن جيرانهم يروح معاه!

طيب ذبح خاله ليه؟

عجبه الاجرام!

بعدين انتحر ليه؟؟

المدرسة لغت الرحلة)


Photo Gallery