المساعد الشخصي الرقمي

مشاهدة النسخة كاملة : نشرة اخبار سوق الخضار...



بنت شهريار
11-12-2004, 03:58 PM
شنت الفاصوليا هجوما على اللوبيا فى تل السبانخ .فأصيب اربعة ارغفة و25 قرص صعمية..
فجاء العقيد فلافل الذى صنع الملوخية من فروع الملوخية . *123*
فحكم على البطاطس بتحمير النصف الاول وسلق النصف الثانى . وعاد الجنود الى الحله سالمين...
كان هذا الموجز واليكم الانباء بالتفصيل بعد قليل!!!!!

بنت مصر
11-12-2004, 07:01 PM
ههههههههههه طيب احنا مستنيين باقي الاخبار المسبكة دي :d

شكرا ليكي بنت شهريار الغالية
على الموضع الظريف

Abdou Basha
11-12-2004, 08:16 PM
خبر عاجل

............



لا زال القتال دائرا في الحَلة الكبيرة ، مما أدي إلى إشتعال (شعلة البوتاجاز) اليمين ، في الوقت الذي أصدرت فيه هيئة الكوسة العليا بيانا تستنكر فيه تلك الأعمال غير المسئولة التي أدت إلى (غليان الموقف)..!

..

على صعيد العمليات الداخلية في الفرن ، قامت كتائب البسلة والبامية المأمعة من (طاجنها) الرسمي بعملية جديدة باللحمة .. أدت ألى إحراق بعض الخضار..

..

كان هذا الموجز وسنعود مع التفاصيل..

بعد الغدا..

ديدي
11-12-2004, 08:30 PM
ههههههههههه جمييل يا بنت شهريار انتى وعبدو باشا
بس معلش انا بحب والنبى الانباء بالتفصيل
بلاش الايجاز
علشان نقدر نحدد الموقف
يمكن تحتاجوا قوات امن دولى

حسام عمر
11-12-2004, 09:00 PM
شكرا ليكي بنت شهريار وعبدو باشا

aynad
12-12-2004, 02:04 AM
هههههههههههههههههههههههههههه
*109* جمبلة اوي يا بنت شهريار *109*
*109* تسلم ايدك يا عبده باشا هه *109*

بنت شهريار
12-12-2004, 03:45 PM
لا جميله يا عبدو باشا بس واضح اختلاف الوقائع بين المعركتين
فقد اذيع فى انباء نهايه الاسبوع بتاعة يوم الجمعة ان كتائب البامية المأمعة شدة حيلها على الاخر
وانها كانت السبب الاكبر فى حرق الخضار
اما معركة تل السبانخ كان اكثر الضحايا من نوع البطاطس المحمرة
ودا كان رأى العقيد فلافل
ولكم كثير الاكل وشكرااااااااااااااا *118*

ماما زوزو
12-12-2004, 04:20 PM
ههههههههههههههههههههههههههه
لالالالالالالالالا
والله حرام عليكم كدة
انتم عايزين قلبى يقف من كتر الضحك
ربنا يخليكوا ياااااااااااااااااااارب
ودايما سنكم ضاحك
*170*

بنت شهريار
08-01-2007, 04:17 AM
ههههههههههه طيب احنا مستنيين باقي الاخبار المسبكة دي

شكرا ليكي بنت شهريار الغالية
على الموضع الظريف
باقى الاخبار على النار
اول ماتستوى وتتسبك هاجيبهالكم علطووووووول
شكرا لمرورك الغالى بسنت
ارق تحياتى

بنت شهريار
08-01-2007, 04:21 AM
لا زال القتال دائرا في الحَلة الكبيرة ، مما أدي إلى إشتعال (شعلة البوتاجاز) اليمين ، في الوقت الذي أصدرت فيه هيئة الكوسة العليا بيانا تستنكر فيه تلك الأعمال غير المسئولة التي أدت إلى (غليان الموقف)..!
..
على صعيد العمليات الداخلية في الفرن ، قامت كتائب البسلة والبامية المأمعة من (طاجنها) الرسمي بعملية جديدة باللحمة .. أدت ألى إحراق بعض الخضار..
..
كان هذا الموجز وسنعود مع التفاصيل..
بعد الغدا..

لا جميله يا عبدو باشا بس واضح اختلاف الوقائع بين المعركتين
فقد اذيع فى انباء نهايه الاسبوع بتاعة يوم الجمعة ان كتائب البامية المأمعة شدة حيلها على الاخر
وانها كانت السبب الاكبر فى حرق الخضار
اما معركة تل السبانخ كان اكثر الضحايا من نوع البطاطس المحمرة
ودا كان رأى العقيد فلافل
ولكم كثير الاكل وشكرااااااااااااااا

بنت شهريار
08-01-2007, 04:23 AM
ههههههههههه جمييل يا بنت شهريار انتى وعبدو باشا
بس معلش انا بحب والنبى الانباء بالتفصيل
بلاش الايجاز
علشان نقدر نحدد الموقف
يمكن تحتاجوا قوات امن دولى
اهلاااااااا ديدى
مينفعش التفاصيل ياحبيبتى
كدا يروح سر الطبخه
قصدى سر المعركه
ههههههههههههههه
تحياااااااااااتى

بنت شهريار
08-01-2007, 04:26 AM
شكرا ليكي بنت شهريار وعبدو باشا
شكرا لمرورك العطر حسام
ارق تحياتى

بنت شهريار
08-01-2007, 04:30 AM
هههههههههههههههههههههههههههه
جمبلة اوي يا بنت شهريار
تسلم ايدك يا عبده باشا هه
الاجمل مرورك ام بودى
اى طبخه
قصدى اى خدمه
تحياااااااااااااااتى

بنت شهريار
08-01-2007, 04:32 AM
ههههههههههههههههههههههههههه
لالالالالالالالالا
والله حرام عليكم كدة
انتم عايزين قلبى يقف من كتر الضحك
ربنا يخليكوا ياااااااااااااااااااارب
ودايما سنكم ضاحك
ويخليكى لينا ماما زوزو
ودايما منورانا
شكرا لمرورك العطر
تحياتى

florensa
09-01-2007, 12:40 AM
السلام عليكم ورحمة الله وبركاتة
هههههههههههههههههههههه
جميلة اوى يابنت شهريار
وعندى شوية وصفات على النار اتحرقت من شوية لو تحبوا
يا جماعة انا فى الخدمة
ولكم جزيل الشكر والتقدير

بنت شهريار
09-01-2007, 01:03 AM
السلام عليكم ورحمة الله وبركاتة
هههههههههههههههههههههه
جميلة اوى يابنت شهريار
وعندى شوية وصفات على النار اتحرقت من شوية لو تحبوا
يا جماعة انا فى الخدمة
ولكم جزيل الشكر والتقدير
وعليكم السلام ورحمه الله وبركاته
ياهلا فلورنسا
نورتى المطبخ قصدى القاعه
ابعتى ياستى
المطبخ دا للاكلات المحروقه والمصابه
الف هناااااااا
ههههههههههه
شكرا لمرورك العطر حبيبتى
ارق تحياتى

florensa
09-01-2007, 03:27 PM
السلام عليكم ورحمة الله وبركاتة
اعزائى المشاهدين اليكم الان النشرة الجوية

سحابة سوداء غطت سماء مطبخنا المصون وننصح سائقى الصوانى التريث على الطرق خصوصا اذا كانوا سيتخذوا طرق الفرن فعليهم الاحتراس على الشبك

وقد نبهت وكالة الارصاد الفرنية اكثر من مرة الا ان صينية البطاطس لم تكترث وقد ادى ذالك اللى تصادم خطير مما ادى اللى اصابة معظم البطاطس ونزل الباقى الذى لم يصاب فى الحادث واشتبك مع الفرخة المشوية على انها السبب وذلك لانها قطعت عليهم الطريق فجاة

والان اعزائى اليكم الخبر الاكيد

اعزائى

جائنا البيان التالى


جاءنا البيان التالى انفجار بطيخه فى زاويه التلاجه مما ادى الى مصرع طماطميتين
>وخياره وتم نقل باقى الجرحى الى اقرب طبق سلاطه تحت اشراف الاستاذ الدكتور سكين
>الحاد والسيده ملعقه وسنوافيكم ببقيه الاخبار فى نشره السادسه بعد الغداء كان
>معكم الشيف رمان الحلو مع تحيات المعلق رئيس الثلاجه

شكرا لكم على حسن استماعكم


والسلام عليكم ورحمة الله وبركاتة

بنت شهريار
09-01-2007, 04:04 PM
مذيعة مطبخنا الغالى الاخت فلورنسا
ونعم الاخبار الشايطه والمحروقه
اى نعم فقد امتلات القاعه بالدخان
ولكن حنفيه الميه عملت الواجب
وتم حفظ القبض على الفرخه المتسببه فى الحادث الاليم
وتم التحفظ عليها فى التلاجه 4 ايام على زمه التحقيق
وجارى التحقيق للقبض عن باقى المشبوهين فى الحله

ههههههههههههههههه
عسل يافلورنسا
تسلم ايدك
ارق تحياتى وتقديرى

florensa
09-01-2007, 04:20 PM
اى خدمة
انشاء الله بقية الاخبار باليل بعد ما اخلص مذاكرة ادعيلى
واية وتم حفظ القبض على الفرخه المتسببه فى الحادث الاليم
ماخدتهاش دى لسة فى الكلية خلى حفظ المححاضر دى لينا احنا بتوع حقوق
شكرا ليكى وبينى وبينك ساعة ونصف ممكن اجى احرقلك اكلك واروح على اسماعيلية على طول
انتى حرة

florensa
10-01-2007, 01:32 AM
السلام عليكم ورحمة الله وبركاتة
اليكم اخبار الساعة التاسعة ننقلها لكم من مطبخنا المصون

هبت عاصفة مفاجاة على حلة المكرونة المغلية تصاحبها بعض الامطار الشديدة
وكان الامطار قد جائت قادمة برياح شديدة من الحنفية هانم ذاهبة الى صفاية المكرونة
وقد ادى ذلك اللى ارتباك شديد بين الاساتذة المكرونات الافاضل وادى دلك اللى توتر اعصابهم بما ان عندهم امتحان على وشك النزول فية عملاة ليهم الست عصير طماطم هانم

وانا معاكم دلوقتى جائنا خبر عاجلا الى القناة

اعزائى

جائنا البيان التالى

قامت عصابات مسلحة من مافيا الاستفندى الدولى بهجوم شديد على المانجة مببرين دلك الهجوم قال اية ان المانجة بتلحوس الهدوم (مع ان دا بينى وبينكم مش بيحصل اوى معايا غير اما بكون فى البيت ماما بتخلينى اكل فى الحوض علشان البهدلة لكن اما بكون بردة بمسك نفسى) لكن المانجة لم تسكت على هذا الهجوم وشككت فى نزاهة الاستفندى وقالت انة كلة تفتفة وقرف وحاجة مايعلم بيها الا ربنا

وقد حدث دلك على الطريق بين الاقفاص مما ادى اللى تحديف بعضهم ببعض مما ادى اللى تفعيص كل حاجة

انتهت الاخبار اعزائى
مع انى شكة فى الخبر دا لان المانجة فى الصيف والاستفندى فى الشتا
ما علينا

نوافيكم بالاخبار يوم الخميس بعد ما ارجع من الامتحان

والسلام عليكم ورحمة الله وبركاتة

the_chemist
02-06-2008, 10:23 AM
و جاءنا البيان التالى من مطبخ بنت شهريار

قطعت القلقاس و الكوسة

فحدثت معركة طاحنة بين الخضراين

و في النهاية نجحت الكوسة في زحلقة القلقاس

و الحمد لله

أصلي مش بأحبه يععععععععع

بنت شهريار
02-06-2008, 11:20 AM
هههههههههههههههههههههههههههههههههههههههه
يا تقليباتك ياكيميائى
يامطلع من الانقاض


اخوانى واخواتى الافاضل
مساء الله عليكم ورحمتة وبركاتة
جاءنا البيان التالى
قامت الملوخية بالهروب من الطشة
وتوجهت الى درج التلاجة القائم فى التلاجة ال 20 قدم
وكانت درجة حرارتها 3 تحت الصفر
وقابلت كيس البامية التى تم حفظة فى التلاجة من تلات ايام
وقام بالتستر على الملوخية
فى حين قام العقيد فلافل بالحث والتفحيص والتحميص عن الملوخية الهاربة
وكانت الطشة فى الاستعداد وقاعدة على النار فى البوتاجاز
وبما ان الجريمة عمرها ماكانت كاملة
للحظ الشىء بالنسبة للملوخية
والحظ الجيد للعقيد فلافل كان هناك فى التلاجة القرع
اللى طول عمرة بيمد لبرة
حيث قام بالفتنة وابلغ العقيد فلافل الذى توعدة بوضع القشطة عليه ساعه طهية
وهنا تمكن لعقيد فلافل من معرفة مكان الملوخية
والقبض عليها ووضع الشطة وقام بالخضة
حتى يتم تسبيك الملوخية وطهيها على اكمل وجة


كان معكم الموجز
واليكم الانباء بالتفصيل من قاعة المطبخ
ان ان ان تششششششششششششششششششششششش
:f2:

the_chemist
08-06-2008, 05:03 PM
جاءنا البيان التالى من قلب الحلة "قصدى من قلب الأحداث"

حدثت معركة بين الشوكة و المغرفة
و كان من بين الضحايا قرنى بامية مهروسين و دخلوا إلي العناية المركزة
لأن العناية المخففة متنفعش مع البامية

و نتج إصابة عود مكرونة اسباجيتى إحتراق طفيف و تكسير طولى

يا جماعة أنا أصف لكم الأحداث و أنا مستخبى تحت ترابيزة المطبخ
لأن في بيض في الحلة و المية بتاعته قربت تنشف

سلاااااااااااااااااااااااااااااام
خلعااااااااااااااااااااااااااااااااااااااااااااااا ااااااااااان


Photo Gallery