المساعد الشخصي الرقمي

مشاهدة النسخة كاملة : نكت بجد ووحشة اوى مش عايز حد يضحك عليها



saladino
10-12-2004, 09:19 PM
واحد عصبي ضرسه وجعه راح للدكتور وقال له اخلع كل ضروسي وخليه زي الكـلب لوحده

جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك واحد.

واحد بخيل ضرب عياله؟ ليــه ..؟ لقاهم مشغلين المروحة على ثلاثة وهم اثنيين

اثنين محششين واحد قال تصدق بالي مشغول ، قاله الثاني أكيد السماعه مرفوعه

في محشش خبط اثنين الاول مات والثاني قاعد يتخانق ، قاله المحشش شوف أخوك مات ولا قال حاجة.

ثلاثة فشارين راحوا فى للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى .

واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟

اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا .

ثلاثه صقور اتراهنوا على الصيد راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش

سكران أبوه مات وداه مغسلة الاموات وقال لهم غسيل وكي مستعجل؟؟؟ ؟؟؟

ندل عينوه مدير عام الأمن العام غير رقم الدوريات من 122 إلى 2594638547592565

فيه اثنين انحكم عليهم بالاعدام سألوا الأول ايه آخر أمنية عندك قال عايز اشوف امي وسألوا الثاني وكان ندل قال آخر أمنية إن الراجل ده مايشوفش أمه

ندل أبوه طرده من البيت كتب على البيت مقر تنظيم القاعدة

محشش عصبى قال لمراته نكته قالتلوه هههههههههههه بايخه قال لها طيب روحى وانتي طالق

مدرس سأل تلميذ عبيط : مين الحيوان اللي يصحّينا لصلاة الفجر ؟ قال له : أبويا
فيه بخيل جوز ابنه قاله : شوف دى علشانك انت واخواتك

حرامي معاه سكينة مسك راجل وست قالهم انا هاموتكم وقال للست اسمك إيه ، قالت منيرة قال خلاص مش هاموتك علشان اسمك على اسم أمي منيرة وسأل الراجل اسمك إبه قال اسمى سالم بس بيدلعوني منيرة

واحد كسلان قوى راح للحلاق وقعد على الكرسي منزل راسه .....قال له الحلاق ...شعر ولا دقن ...قال الكسول دقن ...قال له الحلاق ارفع راسك.... قال الكسول لا خليه شعر

ندل عينوه مدرس بمدرسة معوقين حط اول حصه قفز حواجز

محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق

حكمة المحشش : العلم نور, والنور كهرباء , والكهرباء خطره . .... يبقى نتعلم ليه؟

قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال

واحد حسودي على فراش الموت قال لمراته إذا مت اتجوزى جارنا محمود قلت ليه قال لأنه مره باعلي بضاعة وغشني فيها....

واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ.


في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.


محشش راح للدكتور قاله الدكتور اعمل إشاعه طلع برة الأوضة وقال الدكتور مات

ديدي
10-12-2004, 09:29 PM
هههههههههههههههههههه
ارحمنا يارب من المدمنين

أحمد المليجي
12-12-2004, 05:43 PM
ههههههههههههههههههههههههههههههههههههههههههههههههه
تسلم ايدك يامعلم

بنت مصر
12-12-2004, 07:11 PM
نكت رهيبة يا نيوتوت
شكرا لك واسمح لي اشارك معاك بشوية

اتنين مساطيل قاعدين يحششوا في المقابر ومرت جنازة فواحد بيقول للتاني هي جنازة مين دي يا محمد
فرد علية دي جنازة الشيخ محروس فقال الاولاني يا حول الله وتاني يوم وهما فاعدين في نفس المكان
مرت جنازة فنفس الشخص سال بيقول للتاني هي جنازة مين دي يا محمد فرد عليه دي جنازة الشيخ محروس
فقال الاولاني يا حول الله وتالت يوم برضه في نفس المكان عدت جنازة فنفس الشخص سال بيقول للتاني هي
جنازة مين دي يا محمد فرد عليه دي جنازة الشيخ محروس فرد عليه هي الدنيا ملطشة معاه كدة لية

واحد مسطول قاعد يسمع تعليق مباراة مع صاحبه .. سمع المعلق يقول :
دربكه في نص الملعب _ دربكه بين اللاعبين – دربكه قرب منطقة الجزاء – يا ساتر ..
دربكه أمام المرمى يا سلااااااام .. أخيراً هدف جميل جداً من دربكه أمام المرمى
فقال المسطول لصاحبه : ( دربكه ) دة لاعب ممتاز


إتنين مساطيل .
واحد بيقول للتاني : لو مفيش ستات في الدنيا كان إيه إلي حصل .
التاني قاله : مكنش الراجل إتجوز على مراته


واحد مسطول ماشي في الشارع خبط في عمود ... حط
ايده علي راسة لقى دم.... طلع منديل ربط العمود ومشي

سواق تكسي مسطول شاورت له بنت
قالت له ممكن اروح السوق قالها ممكن بس متتأخرييش

مرة واحد مسطول قابل واحد مسطول فقاله تصدق ان
اجددنا الفراعنة قعدوا يبنو فى الاهرمات 5000 سنة
فرد المسطول التاني وقال من حقهم ماهو كل
ما يرصوا حجر تكبس عليهم الحكومة

اتنين مساطيل سايقين العربية بسرعة .. شافهم البوليس ووقفهم
وقال للي سايق: رخصك ؟ السايق مد ايده على جيبته
راح التاني قاله و الله ما انت دافع ....
فالأول قاله: يا عم خلاص عيب انا اللي عازمك

كلب قاعد يجري ورا واحد مسطول من شارع لشارع
لحد ما وصل عند ميدان والراجل يجري والكلب يجري وراه
فشافهم واحد ماشي في الشارع فقال للمسطول خد بالك الكلب قرب منك
قال له ما تخافش انا سابقه بلفتين

مسطول بيسأل صاحبه انت اتولدت فين
فقال له في المستشفي اللي جنبينا
فقال له ليه خير انت كنت عيان؟

بنت شهريار
13-12-2004, 03:59 PM
هههههههههههههههههههه

هههههههههههههههههه
ههههههههههههههه
لا بجد انتم تجننوووووووووووووا
عسل يا بنت مصر انتى و sladinoooooo
يا رب دايما مبسوطين وتبسطونا معاكم

الاسكندرانى وبس
13-12-2004, 10:35 PM
بصراحه انا كنت هاعيط من بواختها يا صلادينو

ارحمنا شويه انت وريا ورايا

بنت مصر
13-12-2004, 11:02 PM
اكيد قاصدني انا كمان يا اسكندراني وبس :d طب بس يا اسكندراني وبس :d

ديدي
14-12-2004, 09:24 AM
ههههههههههههههههههه
لذيذه يا بسنت

saladino
14-12-2004, 08:53 PM
يسلمووووووووووووو ياجماعة على الرد والمرور اللذيذ دة منكم

بنت مصر
15-12-2004, 02:14 AM
وانتي كمان زي السكر يا ديدي *6*

أحمد ناصر
16-12-2004, 02:18 PM
كلها نكت قديمة
:p

بصراحة مش كلها
*109*

يوه آسف جدا نسيت إنك مش عايز يضحك
لذلك أطالب محمد فاروق بنقل النكت دى خارج القاعة
*109*

saladino
16-12-2004, 08:24 PM
كلها نكت قديمة
:p

بصراحة مش كلها
*109*

يوه آسف جدا نسيت إنك مش عايز يضحك
لذلك أطالب محمد فاروق بنقل النكت دى خارج القاعة
*109*

شكرا للجيمع على المرور

احمد باشا قديمة بالنسبة ليك بس جديدة لناس تانية .. هنقف على الواحدة مش هنخلص

وبعديين لو خرجت برة القاعة هعمل مظاهرة وخلونى ساكت *12*



شكرا مرة تانية وتالتة ...*3*

ديدي
16-12-2004, 08:41 PM
اشكرك يا بسنت ربنا يخاليكى

saladino
16-12-2004, 08:47 PM
شكرا لبسنت وديدى على المرور الكريم منكم ودايما يارب مايحرمنى
شكلى هشوف مسلسل جديد فى المنندى اسمه "" بسنت وديدي ""
ههههههه شكرا مرة تانية ليكم

ديدي
16-12-2004, 09:20 PM
ههههههههه ليه لا يا صلادينو
خدى بالك يا بسنت من صلادينو
ربنا يخالينا لبعض يارب *3*
ويخاليك انت كمان*8*


Photo Gallery