المساعد الشخصي الرقمي

مشاهدة النسخة كاملة : الطبيبة النفسانية الدكتورة سمسمومة



سمسمة
25-11-2002, 09:40 PM
ازايكم؟
الحمد لله كويسين
طيب

انا قولت اما اتسلى عليكم النهاردة شوية لانى اخدت اجازة من العيادة النهاردة عشان عندى زكام فظيع
ادعوا لى ربنا يشفشينى يارب

فوقلت طالما انا فاضية اكشف عليكم وباسعار رمزية

يالا ادخل على العيادة

السكرتيرة قاعدة هتديلها 1000 دولار(اسعار رمزية )

اتفضل عندى انا بقى هاسالك شوية اسئلة وتجاوب بصراحة
وممنوع الامتناع واذا دخلت هنا يبقى ترد زيك زى غيرك
مش تشوفه وتقول يالا نفوت
بقولكم انا عاملة تخفيضات والكشف باسعار رمزية جدا مش هتلاقوا فرصة زى دى تانى

يالا نبدا الاسئلة:

1-من هو الشخص الذى تتخذه قدوة لك؟

2-لو انت ماشى فى الشارع وجزمتك اتقطعت هتعمل ايه؟

3-مارايك فى الحب؟

4-لو قالوا لك نعطيك مليون جنيه وتعير اسمك للبغل؟

5-لواخوك ضربك قلم قدام الضيوف من غير سبب؟

6-لو ولوك منصب كبير هتوافق؟

7-مارايك فى اللون الابيض؟

8-مارايك فى اللون الاسود؟

9-حد مخنوق منه وعايز تضربه دلوقتى (غيرى انا ) مين؟


يالا الدعوة عامة للجميع
وذلك باشراف الاستاذة الدكتورة العبقرية الفيلسوفة\سمسة

خالد بن الوليد
25-11-2002, 10:11 PM
أول العيانين اهو .. ( شكك ) ينفع .. همضيلك على كمبيالة ..


1-من هو الشخص الذى تتخذه قدوة لك؟
سيدنا محمد عليه افضل الصلاة و السلام ..

2-لو انت ماشى فى الشارع وجزمتك اتقطعت هتعمل ايه؟
هشتري جذمة جديدة .. ههههههه


3-مارايك فى الحب؟
ده اللى من غيرو محدش بيعيش


4-لو قالوا لك نعطيك مليون جنيه وتعير اسمك للبغل؟
اقولهم كدابين :P

5-لواخوك ضربك قلم قدام الضيوف من غير سبب؟
الصغير ولا الكبير ؟ لو الصغير هضحك و اعملعا لعب عيال .. لو الكبير .. مممم .. هسيبهم و امشي ..

6-لو ولوك منصب كبير هتوافق؟
آه ..


7-مارايك فى اللون الابيض؟
اجمل حاجة في الدنيا ..

8-مارايك فى اللون الاسود؟
ملك الالوان

9-حد مخنوق منه وعايز تضربه دلوقتى (غيرى انا ) مين؟
شارون

ها يا دكتورة ؟!! عندي ايه ؟!
:rolleyes: :confused: :eek:

UNKNOWN
26-11-2002, 07:14 AM
أولا الكشف حدفع فيزا و رقم الفيزا:4498-4544-00012-121

1) القدوة بالنسبة لى هو : غاندى
2) لو الجزمة اتقطعت ومعى نقود سأشترى غيرها فورا أما لو مفيش حقلع الثانية وأجرى حافى
3) مازال موجود عند بعض الناس وهو بالطبع أجمل شىء
4) أغيره بس أقبض مقدم (بغل بغل بس أعيش)
5) حضربه برضه
6) أرفض أى عمل غير شريف
7) الصراحة
8) الغموض + الاثارة + الجمال
9) :mad: الحكام العرب :mad:

مازال لى استشارة مجانية

ابن البلد
26-11-2002, 01:06 PM
1-من هو الشخص الذى تتخذه قدوة لك؟
مستقبلي وأحلامي

2-لو انت ماشى فى الشارع وجزمتك اتقطعت هتعمل ايه؟
أشتري غيرها هو ده سؤال :p

3-مارايك فى الحب؟
عادي موجود

4-لو قالوا لك نعطيك مليون جنيه وتعير اسمك للبغل؟
موافق أن شاله حتى يكون أسمي بتنجان
و عندنا الجحش أشهر واحد بتاع فول في مصر في السيدة زينب
و الحيوان ده أسم دكتور عندنا مشهور جدا جدا جدا في جامعة عين شمس

5-لواخوك ضربك قلم قدام الضيوف من غير سبب؟
هديله فوق نفوخه
و هضربه وبعدها أعتذر للناس عن دخول شخص خطأ الغرفه بدون إستأذان :p

6-لو ولوك منصب كبير هتوافق؟
أوافق لو كان حلال
يعني مش زعيم عصابه أوافق :(

7-مارايك فى اللون الابيض؟
جميل بس الأصفر أحلي بكتير

8-مارايك فى اللون الاسود؟
رائع بس البمبي أروع منه

9-حد مخنوق منه وعايز تضربه دلوقتى (غيرى انا ) مين؟
المديرة بتاعتي

بنت مصر
27-11-2002, 01:48 PM
1-من هو الشخص الذى تتخذه قدوة لك؟
سيدنا محمد عليه الصلاة والسلام

2-لو انت ماشى فى الشارع وجزمتك اتقطعت هتعمل ايه؟
العمل عمل ربنا

3-مارايك فى الحب؟
الحب بهدلة

4-لو قالوا لك نعطيك مليون جنيه وتعير اسمك للبغل؟
مستعدة اتقاسم انا والبغل بس هو يوافق واخد النص ارنوب

5-لواخوك ضربك قلم قدام الضيوف من غير سبب؟
حقول له ربنا يسامحك

6-لو ولوك منصب كبير هتوافق؟
لا

7-مارايك فى اللون الابيض؟
كويس

8-مارايك فى اللون الاسود؟
مش بطال

9-حد مخنوق منه وعايز تضربه دلوقتى (غيرى انا ) مين؟

سواقين الميكروباصات

سمسمة
27-11-2002, 10:23 PM
ياخرابى


يالهوى



دة انتوا حالاتكم خطيرة اوى اوى

يالا عايزين الباقى كمان

اصل انا عايزة اكشف عليكم مرة واحدة

مفيش حد تانى عايز يكشف


قولنا الكشف ببلاش والعرض سارى حتى اخر رمضان

انتوا حريين انا قولتلكم وذنبكم على جنبكم

يالا انا كدة كسبت 4000 دولار بس

عايزة كمان
دول مايعملوش حاجة

يالا فين بقية المرضى

على فكرة ياانون انا بقبض كاش
مش عايزة انا لافيزا كارد ولا ماستر كارد انا عايزة كاش مونى


يالا ياجماعة انا محتاجة الفلوس

وياانون مش مسموح بحاجة تانية انتوا هتنهبوا

يالا استنوا حالاتكم المرضية الفظيعة دى بعد الفاصل

سنعود بعد قليل
======>space toon
:D


بااااااااااى

سمسمومة بيه...:D

اسامة يس
04-12-2002, 12:38 AM
:7:
1_ ابويا
2_ امشي حافي هههه حصلتلي الجزمة اتسرقت ...........
3_ الحب جميل طب ليه نخبيه
4_ لا مش موافق طبعا
5 _ اردله القلم قلمين
6_ موافقش علشان مش عايز وجع دماغ
7_ بيبان فيه البقع
8_ الكنج
9_ ثروت الديب

سمسمة
04-12-2002, 02:28 AM
وصل وصل يااسامة

يالا بقية المرضى فين

باين عليكم مفيش حد فيكم تعبان

النهاردة اخر يوم

هارد عليكم بكرة بالليل واقولكم على نتيجة الفحوصات والتحاليل

tannjour
19-12-2002, 02:16 AM
ممتاز لكن ياريت تحذفي البند الرابع من الأسئلة ، دة مش كويس عالشانك والله

وأخاف أنو حد يزعل منك لما يقرأه ، أما الساعة دي بقولك سيبك من الكلام دة وحولي لدراسة الحقوق واجري شوفي الأخبار العاجلة بسرعة والحقي
أصلها حاتفرأع ، وفي حد هناك بيطلبك


أيه رأيك











تشربي معاي نسكافي









أصل بعمل









نسكافي










وحأعملك معاي













فنجان من












النسكافة
















معلوم ياعم








بن موجود











سكر موجود
















مياه موجودة


















لكن ماحدش











راضي يشرب معاي














نسكافي

سمسمة
19-12-2002, 07:51 AM
نـــــــــــــــــعــــــــــــــــــم

هو حد يقدر يزعلنى

ولا يقولى تلت التلاتة كام

ولا حد يقدر يزعلنى ولا يقولى حاجة ولا جنبى ولا حتى يقدر يقولى بخ

وكمان تعالى هنا داخل عمال تقول لى احذفى ومجاوبتش على الاسئلة عشان اعرف حالتك النفسية انت كمان ليه؟؟

وهو حد يزعل ليه ماانت شايف الكل قريه اهوه ومحدش زعل

يبقى انت اللى زعلت

والكل رد الا انت

يالا بعد اما انت هترد هنبقى نوصف ليهم الحالات النفسانية بتاعتهم

باااااى

البروف النفسانى سمسم..:140:

milly
19-12-2002, 08:26 AM
-من هو الشخص الذى تتخذه قدوة لك؟
سيدنا محمدصلى الله عليه وسلم

لو انت ماشى فى الشارع وجزمتك اتقطعت هتعمل ايه؟
حشتري غيرها

مارايك فى الحب؟
عزاب

لو قالوا لك نعطيك مليون جنيه وتعير اسمك للبغل؟
مش مشكله هو انا اخترت اسمي اساسا

لواخوك ضربك قلم قدام الضيوف من غير سبب؟
في لحظتها حقولو منك لله وبعدين حعملها مشكله

مارايك فى اللون الابيض؟
جميل

مارايك فى اللون الاسود؟
اجمل

حد مخنوق منه وعايز تضربه دلوقتى (غيرى انا ) مين ؟
جارتنا الحشريه:mad::mad:

tannjour
20-12-2002, 03:50 AM
الدكتورة سمسمة :
نسيت أقولك سلامتك ، الزكام صعب اقوي ، وأنصحك ولو يعني أني مش دكتور أنك تقشري ليمون حامض وتأكليه ، وبإذن الله حاتبقي كويسة
أما بالنسبة للكلام اللي قولت ليك هنا عالشان تحذفي السؤال الربع من أسئلتك ، فأسمعي بقى دفاعي عن نفسي
وبعدين احكمي:
والله كنت عارف أنك حاتقولي كدة ، وتفتكري أني أنا اللي زعلت ، بس أنا بقى قلتلك أنك لازم تحذفي السؤال الرابع ، ليه !!!!؟
لسببين :
أولاً :
معقول تبقي دكتورة عليها القيمة وتتكلمي الكلام دا ، دا حتى يبقى عيب ، عيـــــــــــــــــــــــــــب يا بروف تتكلمي كدة

ثانياً :
بقى أنا بقولك احذفي السؤال الرابع علشان في الأيام الجاية ما حدش يدايك منك ، أصل مش كل الناس بتحملوا الكلام دا
تقومي أنت تتكلمي عني كدا ، بقى دا جزاتي أني بنبهك ، طب والله بقى أنا مخاصمك ، هه
بعدين تعالي لما قولك حاجة:

أنا ماجاوبتش على الأسئلة لأني لاأعاني من مرض نفسي ، بس على شان خاطرك أنا حاجاوب دولوأتي ، أصل درهم وقاية خير من قنطار علاج

1-من هو الشخص الذى تتخذه قدوة لك؟

الرسول عليه الصلاة والسلام ، ثم الصحابة الكرام لأنهم زي النجوم بأيهم أقتدي أهتدي ولو يعني أني مقصر كثير أقوي من ناحية العبادة ، ربنا يهدينا

2-لو انت ماشى فى الشارع وجزمتك اتقطعت هتعمل ايه؟
ودا سؤال بيتسأل برضو ، طبعاً حأركب تاكسي ، هم أخترعوا التكاسي ليه ، مش عالشان زنقة زي كدة


3-مارايك فى الحب؟
آه،آه من الحب...أنا برأي أنو
الإنسان من غير حب يشبه الربيع اللي من غير زهر

-لو قالوا لك نعطيك مليون جنيه وتعير اسمك للبغل؟

والله لو أعطوني كنوز الدنيا ، وقصور الدنيا ومال الدنيا كله ما حا أغير اسمي ، عارفة ليه !!!!؟



حأقولك ليه




علشان اسمي الأول




رمضـــــــــــــــــــــــــــــــــــان

بعدين تعالي لما قولك ، أنت مش عارفة أنو ربنا كرمنا احنا المسلمين ، إزاي بقى نغير أسماءنا للإسم اللي بتقولي عليه دا مهما كانت الإغراءات مش حاأغير اسمي


5-لواخوك ضربك قلم قدام الضيوف من غير سبب؟

مش حاأعمل حاجة ، لأنو أخوي عمرو ما ضربني لا قدام الضيوف ، ولا غيروا


6-لو ولوك منصب كبير هتوافق؟

أقبل ، عالشان عندي طموح كبير قوي ، أصل أتمنى أني أكون وزير أو عضو في مجلس الشعب السوري


7-مارايك فى اللون الابيض؟

لون الفرح اللي بتلبسوا العروسة ،

8-مارايك فى اللون الاسود؟

صحيح الناس بتلبسوا في المناسبات الحزينة لكن اللون دا ليه فائدة ، أيه هي !!!!!؟


ها قولك :


اللون دا بيمتص أشعة الشمس وبيخفف من ضررها وخاصةً إذا كان الإنسان ماشي في الشارع عند الظهر


9-حد مخنوق منه وعايز تضربه دلوقتى (غيرى انا ) مين؟
أولاً :
هو في حد بيدايك منك ، خلاص أنا صالحتك ، وصافي يالبن ، حليب ياقشطة ، زي ما نقول احنا هنا في سوريا

ثانياً :

إذا كنت حأضرب حد غيرك فهو الجاهل


بالنسبة للأجرة ، أنا بعثت ليك مستعرض انترنيت ، شغل إيدي وحيات عيني ،
جربيه وقولي لي إيه رأيك

دلوأتي أنا جاوبت على كل الأسئلة بتعاتك ممكن بقى أسئلك سؤال واحد

وبتجاوبيني عليه بصراحة

لو ماكنتيش دكتورة نفسية كنت تتمني تكوني إيه ؟


باي بقى أصل طولت عليكم أقوي وأنا شايف أنو فيه عندك مرضى كثير

ديدي
22-01-2006, 05:38 PM
الموضوع دا كان مستخبى فين :d :d :d
ومين اللى بيدور ورا سمسمة:) اه دا أنا ;)
بس خدى بالك مش هادفع غير لما اعرف نتيجة الكشف الاول
نتكل على الله ونجاوب على الاسئلة
*9*
-من هو الشخص الذى تتخذه قدوة لك؟
رسول الله صلى الله عليه وسلم ومن بعده والدى اطال الله عمره
2-لو انت ماشى فى الشارع وجزمتك اتقطعت هتعمل ايه؟
هاسيبها فى الشارع اعمل انى مش اعرفها واكيد اشترى غيرها
3-مارايك فى الحب؟
اجمل شىء فى الدنيا لو كان بصدق
4-لو قالوا لك نعطيك مليون جنيه وتغير اسمك للبغل؟
دى عاوزه كلام يا سمسمة اعتقد ان فى اجماع من الناس على النقطة دى
5-لواخوك ضربك قلم قدام الضيوف من غير سبب؟
هاقول انه واحد مجنون مانعرفوش وقليل ان ما طلبت له مستشفى البتنجان
6-لو ولوك منصب كبير هتوافق؟
لا مش باحب الخانقة
7-مارايك فى اللون الابيض؟
دليل النقاء بس مش دايما
8-مارايك فى اللون الاسود؟
برتاح فيه
9-حد مخنوق منه وعايز تضربه دلوقتى (غيرى انا ) مين؟
بنت عمتى وواحدة صحبتى هى عارفه نفسها طبعا:p


Photo Gallery