المساعد الشخصي الرقمي

مشاهدة النسخة كاملة : بهية البراوية على ضفاف النيل



الصفحات : [1] 2

الشاطر حسن
14-02-2012, 07:06 PM
عدى النهار وانتهى

ولااختشى (نهار قليل الرباية :d)



حيّر قلوب الطيبين لحد المسا



ولما الشمس تغطي نورها


الكتاف بترمي حمولها


تزورها نجمة صبية من دورها


يدوبوا في بعض كلام


وبغض النظر ان الليل المنتظر


طيب خاطرها
النهار لسه في بالها
مااتنسى





http://www.up.qatarw.com/up/2010-07-19/qatarw.com_1359893520.gif (http://forum.sedty.com/)





ومع كل لقاء جديد أشعر أن الكون أرحب مما كان في عيني يتسع بمجرد أن أتابع مسيرة ضيف فأشكر الله لأنه أبدع وصور وأتقن في خلقه ويقينا شكره مقرون بالزيادة فأنا أطمع فعلا أن أحمل بعض الصفات الجميلة منكم



وبرغم خفة دمها الغير معهودة (طبعا) وخلايا عقلها المكتملة النمو (وأي إكتمال :d) والتي تسطع بمهارة تجذب منك الابتسام (ببلدوزر) وتجره (بالجرار) فتتساقط الضحكات رغما عنك لتمسح أثناء خروجها الكثير من الهموم توجست خيفة (لازم تتوجس طبعا)
أن يكون ماأراه أمامي هو الاكتئاب المرح (هوا بعينه بغباوته :d)
فهكذا أغلب من صنعوا الابتسامات وأجبروك الضحك ، أمهلت نفسي فلا أحب التسرع بالحكم (براوة عليك )ووقتها مرت على خاطري مواقف خزنتها ذاكرتي خلتها ستساعدني كثيرا منها: مصراوية (أنا سابقا) ، البراوية (أنا حاليا) ، تباين الردود من حيث الطول ، الابتسامات ،



وأشياء أخرى تجول في نفسي حيرتني الكلمات في وصفها




فمن تلك المواقف كونت رؤية خاصة لضيفتنا اليوم : ذكية (وماله)، مثقفة (ميضرش:d)، جدعة(نادرا:d) ، فائقة الاحترام (شكرا) ، سريعة البديهة(إلا في الأوقات اللي بكون صاحية فيها :d)، موهوبة (بل متعددة المواهب :d)




وظننت أنه في لقائي سيغلب طابع الكوميديا (لا تأمل خيرا:d)على الموضوع وأن أسئلتي التي سأطرحها لابد أن تكون ضاحكة أكتبها بالمقلوب تارة (انا نظري ضعيف آه بس مش حولة يعني :d)وباللون الأبيض أخرى وأصل فيها لقمة الاستفزاز(وانا هسكتلك مثلا؟) لتخرج لنا كما هائلا من الابتسامات وربما نغرق بسببها في بحر الضحك وهي قادرة على ذلك لكني آثرت ألا أستعجل (ما قلنا براوة) وأن أمر على مواضيعها من البداية ومع كل موضوع أقرؤه كنت أبتسم ابتسامة المنتصر(غلباااان ومضحوك عليك :d). نور باهت بعقلي يشتد ضوءه مع استمرار قراءتي للمواضيع والمشاركات(آه ..ده نوري :d) حتى أني أدحضت نظريات كثيرة تصورتها ولن أتكلم عن ماأعجبني صراحة سأجعلكم تستنتجونه من خلال أسئلتي..(الجدع يستنتج حرف واحد :d)
http://www.up.qatarw.com/up/2010-07-19/qatarw.com_277533787.gif (http://forum.sedty.com/)





ضيفتي اليوم كبيرة الياكشاوية مهندسة في عمر الزهور مصراوية جدا ووقت اللزوم براوية





سارة عادل (تصفيق حاد)
http://www.up.qatarw.com/up/2010-07-19/qatarw.com_166046461.gif (http://forum.sedty.com/)








سارة مرحبا بكِ ضيفة هنا وفي كل مكان
لا انا صاحبة مكان هنا وفي اي حتة وفي اي مكان :d




أولا تهيئي بعقلك وروحك لأسئلتي فلتسكن ملامح وجهك ولتهدأ أسارير نفسك حتى أرى تلك النظرة الخاصة التي لايراها إلا القليلين (أهو*5*)
http://www.up.qatarw.com/up/2010-07-19/qatarw.com_277533787.gif (http://forum.sedty.com/)





وإني وإن كنت الأخير زمانه .. لآتٍ بما لم تستطعه الأوائل


مارأيك في معنى هذا البيت ؟ وكيف تفسرينه شخصيا ؟

..........................

أبو العلاء المعري ..يا مصيتني :d

http://www.youtube.com/watch?v=sNyjDSpIRDo&feature=player_embedded
انا عايشة بالبيت ده ..دي حقيقة
طول الوقت وانا جوايا يقين إني هغير وجه الأرض
والله ما اعرف إزاي ..بس انا هعمل كده وهتشوفوا هتشوفوا :d
تعرف كمان ..انا البيت ده سبب وكستي في حاجات كتير :d!!
يعني من زمان وانا بحب اتفذلك يعني
يعني اسيب الإمتحان كله وأحل السؤال البونس الصعب اللي عليه درجات زيادة
مرة ضيعت محاضرة مراجعة بالكامل عشان بفكر في سؤال صعب قاله الدكتور في اول المحاضرة وسؤال مش مهم ..بس عزيزة تربست خلاص وهتتجاب يعني هتتجاب :d
وجبتها ..وهجيبها :)

http://www.tawsl.net/tre7b/65.gif






الأحلام والواقع دربُ طويل وعناء سفر واغتراب . جملة تحوي خمس كلمات رئيسية كيف ترين ارتباطهما بالمعنى السامي " هدف العمر"


...............................

بفضل أسميه "حلم العمر"
الهدف كلمة حادة ..جامدة.. وأحيانا موجعة
بيقولها العالم بتوع الإدارة كتير واول ما بتتقال بحس إني في ماتش كورة
فيه حد هيكسب وحد هيخسر وهيروح زعلان ..ناهيك عن إني بكره الكورة كمان

مينفعش نقول "هدف العمر"
لو هنتكلم عن الإهداف فمفيش للعمر هدف واحد.. فيه مليون هدف
وكل ما تجيب هدف هتدور على اللي بعده واللي بعده ويمكن لما تجيب اللي بعده تنسى اللي قبله وتفضل تلهث وراء الأهداف قبل ما ينتهي الماتش
"الهدف "كلمة مادية أوي بتفقد الحياة طعامتها ولذاذتها
إنما الحلم..الله
حلم العمر ..يا سلام
الحلم بيغزلك الحياة كلها شال كبييييير مفيش في روعته
حتى العناء والسفر والإغتراب هيدوبوا جوا الشال ده وهيكون شكلهم حلو رغم انهم في الحقيقة مؤلمين ..الجميل في الحلم
إنه مش بينتهي بإنتهاء البني آدم ..ودايما بيكون في حد بعدنا يكمله
جاوبت ولا لسة؟؟

http://up.haridy.org/storage/282586_10150258858587807_293487032806_7785595_3001 517_n.jpg

http://www.tawsl.net/tre7b/65.gif


يتبع*6*

الشاطر حسن
14-02-2012, 07:10 PM
( البنات ألطف الكائنات ) عبارة مشهورة لكن متى تتبرأ البنت من لطافتها؟

...................


http://www.youtube.com/watch?v=NC2pjfP1nuQ&feature=player_embedded

ومراته تقول سبعي اللي راااح..هسمعها وافرح
يبقى زي ما إحنا شايفين كده البنت ممكن تفقد لطافتها ..لما تتجرح :d
انا بصراحة معرفش هل في قاعدة عامة..بس انا هتكلم عن نفسي
انا لما بتجرح او حد يمس كرامتي
بتحول لمخلوقة انا اصلا معرفهاش..ولا اعرف هي بتعمل إيه
ولا بتعمل كده ليه..وممكن اتصرف تصرف لو حد حلفلي بعد كده
إن انا اللي عملت ده مصدقش..عارفة إن ده مش صح بس للأسف مش عارفة اتغير

http://www.tawsl.net/tre7b/65.gif







الأسرة ودورها الكبير في نمو الذات شيء لاشك فيه لكن من نافسهم في تكوين شخصية سارة ؟

...............................

أستاذ العربي بتاعي في المدرسة ..والمنتدى..وحد تاني مش عاوزة افتكره :)
استاذ العربي بتاعي له النصيب الأكبر ..هذا الرجل خارج من أسطورة
كان ثقته فيا ملهاش حدود ..انا عشقت العربي بسببه
مش هنسى أبدا لما رجلي اتكسرت ولقيته جالنا البيت وكان بيديني الدروس مع الفصل عشان متفوتنيش ولا حصة ورفض ياخد اي مقابل مادي
لما كنت بعمل شئ غلط او اجيب درجة متعجبوش ..نظرته لي بإستياء كانت كافية إني ابكي دون انقطاع ..حتى يمد يده إلي بخمسين قرشاً ويقول"خلاص..كفاية عييط زي حريم الجنايز" :d
ربنا يمسيك بالخير يا استاذ "محمد مهران"

http://www.tawsl.net/tre7b/65.gif



"لأقول لأولادي وأحفادي أنا شاركت في هذا" أهي تلك العبارة سبب حماسك للخير ؟

.....................................


لأ طبعا ..
انا هعلم اولادي يعملوا الخير من غير ما يحكوا عنه لحد إلا للضرورة
انا اكثر شئ بخاف منه أوي إن عملي يكون فيه شبهة رياء
بفضل احاسب نفسي كتييييير أوي ودايما ضميري يلكزني_يلكزني دي بتاعت ندى:d_
لو للحظة أعجبت بعمل انا عملته

عمري ماهقول لأولادي _المحتملين:d_ إني عملت ده
لكن سبب حماسي للخير ..انا معرفوش
بس انا بلاقي نفسي عيني بتدمع غصب عني لما اشوف حد محتاج حاجة
وبحس إني موجوعة جدا فبعمل اللي بقدر عليه..

http://www.tawsl.net/tre7b/65.gif








ثروة هبطت عليكِ من السماء بمعنى أنها لم تكن في الحسبان بماذا وبمن تفكرين وهي بين يديكِ ؟


......................................

تعرف اناا دائما بسأل نفسي ..الناس اللي معاهم فلوس كتير أوي بيعملوا بيها إيه؟
وأصلا إزاي واحد يعرف ينام وهو معاه فلوس كتير أوي ..رغم إنه متأكد إن في ناس مش لاقية تاكل..وناس بردانة ومش لاقية غطاء..وناس مش لاقية تتعالج
لو لقيت ثروة ..هكرسها للتخلص من العشوائيات في مصر
حتى تنتهي ..فإن انتهت العشوائيات ولم تنتهي الثروة
هبعت الباقي _إلا 2000 جنيه_ للصومال
واخد ال2000 جنيه اجيب بيهم كلهم زيوت وكريم وشامبو ومصاصة :d
http://www.tawsl.net/tre7b/65.gif







سارة بعض الحزن والدموع لايضير فمن يكفكف دموعك ؟

...............................................


وكُن من أنت حيث تكون ..
وأحمل عبء قلبك وحدك .. !!

لـِ محمود درويش ،،،

تعلمت مؤخرا ان أحمل عبــء قلبي وحدي
ثم اضفت ما تعلمته لعادة قديمة ..
بعد ما كل الناس تنام ..بقعد اتكلم انا وربنا
واعيطله واشتكيله من كل الناس وحتى من نفسي
والله العظيم بحس إنه بيكلمني وبيطبطب عليا كمان
بعدها بحس إن قلبي إتغسل وبقيت خفيفة زي الفراشة
تفتكر بعد كده مستاهلة احكي همومي لحتة بشري زيي؟

http://www.tawsl.net/tre7b/65.gif



معكِ الآن ( تلات تقلام ) أحمر وأزرق وأسود استخدميهم ومخيلتك مع من تريدين ؟


....................................


هشتري فوقهم اقلام بكل الألوان
وهكتب على الحيطان والأبواب
يسقط يسقط حكم العسكر
يسقط يسقط حكم العسكر
يسقط يسقط حكم العسكر





http://www.tawsl.net/tre7b/65.gif










كلمات أحب أن تعبري عنها بجمل بسيطة :








الطفولة


في القلب مهما كبر العمر.. لما تزعل بسرعة وتعيط بسرعة وبعدين تنسى وتضحك مجرد ما تاخد شوكولاتة تبقى لسة عيل ..لما تخاصم حد واول ما عينك تيجي في عينه تحس ان قلبك بيدق بسرعة وعينك بتسخن وتدمع تبقى لسة عيل..لما تكون بتشتغل ومعاك فلوس وتلاقي نفسك بتنط من الفرحة لما جدتك تديك 20 جنيه تبقى لسة عيل..لما الأطفال ميعرفوش يندهولك غير بإسمك كده حاف من غير عمو ولا طنط تبقى لسة عيل..لما تكون لسة لحد دلوقتي بتقصقص اي قماش لونه عاجبك عشان تعمل بيه فستان للعروسة الباربي بتاعتك تبقى اكيد لسة عيل :d..جملة بسيطة اهو :d






الصداقة

مزقوها







مارتن لوثر كينج


كل لما ابص لأوباما اتذكر مارتن لوثر كينج واقول هو ممكن حد حلمه يبقى بالقوة دي؟








الصفاء


يعني تمدد على السرير وجنبك كوباية كاكاو وفيروز بتغني وبعدين تروح في النوم ومتحلمش بحاجة خالص :)






الألم




ألف= أهون عليك؟
لام= ليه كده؟
ميم= مكنش العشم ..








ماريه


البنت دي خارقة للطبيعة :d..ذكاء بشع..خفة دم مفيش بعد كده..غلاسة منقطعة النظير..سرعة بديهة مثيرة للقلق..وبتلمع أوكر :d








الصعايدة


انا فيا عرق صعيدي بالمناسبة بس انا مولودة في القاهرة وعشت 11 سنة في الغردقة كلهم هناك صعايدة واغلبهم من قنا فلو هلخص علاقتي مع كل الصعايدة اللي عرفتهم في جملة هقول..دحاحيييييييين حريقة مذاكرة يخرب بيت كده:d بس انا محبتش حد زيهم خالص ..لأن صعب اصلا الاقي زيهم







الجدال

هو العند بس 3D








الحياة


هي والموت سواااء ..بل إن في بعض الحياة موت وفي بعض الموت حياة








الانترنت


صنم العصر








منتدى أبناء مصر


يوتوبيا بتاعتي





http://www.tawsl.net/tre7b/65.gif



أكدي صحة أو خطأ الجمل التالية مع تصحيح الخطأ:








الحساسية صفة تلازمني أرى فيها الشفافية لكنها مؤلمة في أحيان كثيرة.


(صح)
........................







حتى لو كنت محقة فأنا من يبدأ بالاعتذار دائما.

(خطأ) مبعملش كده غير مع ماما والناس اللي خايفة اخسرهم بس

...........................







أنجرف وراء آراء الناس وماألبث أن أغير رأيي.

(خطأ)
انا اخسر ناس اقدرهم احيانا دفاعا عن مواقفي حتى لو خطأ ..وحدث بالفعل ومن فترة ليست ببعيدة :)..واتمنى نفرق بين الدفاع عن الموقف _ولو خطأ_والتشبث الأعمى بالرأي

...........................








كلنا فداء للوطن لكن ليس معنى ذلك أن نموت .

بل نموت نموت نموت ويحيا الوطن
وبرغم الجراح والحزن يحيا الوطن
يحيا الوطن
يحيا الوطن

................................







ربما يكون ذوقي مختلفا عن كثير من الناس لذلك أخجل أن أعبر عنه بصراحة.



غلط غلط غلط..انا أعبر عن رأيي ووصل لأمر بي ان اعتبرني البعض"مدب"
لكن في الضجيج أؤثر الصمت والترقب

.............................








لايهم إن لم يذكروني بشخصي فأنا أسمى من ذلك.

(خطأ)
لا يهم ان يذكروني بشخصي ولا حتى بأفعالي..فعملي لوجه الله ..وأنا من تراب

http://www.tawsl.net/tre7b/65.gif










عباراتٌ ناقصة أكمليها كما ترين:





1- كان من بعض أمنياتي... لكن... فقد رفضــ .....بسبب.... مع أنـ....



2- شكرا..... فإن ..... وكما قالوا.....





1- كان من بعض أمنياتي ان آكل مكرونة بالبشاميل اليوم لكن أكلت كوسة ورز فقد رفضــت ماما ان تطبخ مكرونة بالبشاميل بسبب عندي وخلافي معها بشأن احداث بورسعيد مع أنــي معملتش حاجة غير إني صرخت وعيطت ودبدبت برجلي في الأرض بس .






2- شكرا يا مجلسنا العسكري فإن أنانيتكم وغدركم أدى لموت شباب اصغر من فيهم أفضل من أكبر رتبة فيكم وما زدتمونا إلا عندا وإصرارا وكما قالوا قديما "إيش ياخد الريح مــ البلاط"

http://www.tawsl.net/tre7b/65.gif






عودة لملتقى الصحاب وحديقتنا الزاهية منتدى أبناء مصر



بدأتي بسن صغير وقت التباين وعدم اتضاح الرؤية فما هي الفكرة الناضجة التي كونتيها عن المنتديات على مر السنين؟

.................................

أي منتديات؟ انا معرفش غير منتدى ابناء مصر
انا مسجلة في منتديات كتير اوي بس لأسباب محددة ..يعني بعض المنتديات بتتطلب تسجيل عشان تحمل حاجة او تقرأ موضوع معين
لكن انا هنا بيتي ولعلمك هنا احسن من البيت كمان قول ليه؟
اقلك ليه..
هنا تقدر لما تتخنق تطفش :d
لكن في البيت مينفعش اطفش ..فيها رقاب :d

http://www.tawsl.net/tre7b/65.gif






"تمنيت ألا أفعل" متى خرجت من إطار النفس لتردديها بصوت مسموع ؟


ولا مرة..انا بحب اقول لعله خير
لالالا في مرة
قلت يا ريتنا ما سلمنا البلد للعسكر
بأعلى صوت وفي الشارع كمان :)

................................





ماهي قوة خيالك في اكتشاف ماتضمره النفوس؟

كبيرة لحد مخيف ..لدرجة توقع الأحداث
ورغم ذلك اكذب نفسي وافترض حسن النية حد الوقوع في المصيدة :d
هبل بقى بعيد عنك :d


http://www.tawsl.net/tre7b/65.gif






يتبع

الشاطر حسن
14-02-2012, 07:12 PM
برقيات عاجلة لشخصيات في المنتدى أبرقيها هنا كما تحبي

ايمان اخت ضابط شرطة..بحبك فوق ما تتصوري


لمسة..بحبك أوووووووي ومش هكلمك خالص


إبن البلد..تموت تموت ويحيا المنتدى :d


بوكي كا..نفتقد نشاطك فلا تحرمينا



ندى..جنيتي المسحورة ما أروعك *3*


جيهان محمد علي..مارادونا المنتدى*3*


محمد حسين..ترجع بالسلامة يا مغترب وبراحة عالعيال :d


استاذ احمد ناصر..رجل من زمن المستحيلات


عصابة حمادة وتوتو..وحشتونا أووووي


أهلاوي شديد..المنتدى محتاج دوشتك


دكتور مهندس جمال الشربيني..يا جبل ما يهزك ريح :d

ناريمان..مجموعة بنات جميلات اتضربوا في الخلاط فطلعتي انتي يا ناريمان :d


هنوووءة..نسمة هواء لطيفة ورقيقة *3*


زيزو..شكمان المنتدى يا مستر ألترا سنستيف :d

الشاطر حسن..ايه الشطارة دي يا ولد :d


مصراويةجدا ..بهية البراوية..إوعي تعقلي وإياكي تكبري :)




http://www.tawsl.net/tre7b/65.gif

انتهت الأسئلة وانتهى اللقاء أظنكم كمثلي لم تتمنوا ذلك ومثلي وددتم لو يستمر كثيرا فضيفتي جديرة بالاحترام أضاءت روحها نقاءً في كل إجابة أجبرتني ابتسامات أملٍ كثيرة لعلها على وجوهكم الآن .


شكرا مصراوية جدا ودعوة صادقة جزاكِ الله خيرا
وختاما شكرا جزيلا لا نفي معه كرم حضورك ووردا كثيرا لايحاكيه إلا عطر وجودك.

ومع ضيف عزيز آخر ونقاط مضيئة انتظرونا

أستودعكم الله

مصراويةجدا
14-02-2012, 07:24 PM
الموضوع ده طويل اوي وانا مش هقراه :d

وبعدين في واحدة تسمي نفسها بهية البراوية ؟! so weird

:d

الشاطر حسن
14-02-2012, 07:32 PM
الموضوع ده طويل اوي وانا مش هقراه :d

وبعدين في واحدة تسمي نفسها بهية البراوية ؟! so weird

:d
:d موضوع تعبني بجد بس بهية تستاهل لما تعرفيها هتحسي قد ايه هي عظيمة
أجبلك عصير ولب تتسلي وانتي بتقري:d

أحمد ناصر
14-02-2012, 08:36 PM
هههههههههههه
إيه يا عم الشاطر حسن الموضوع ده
لااااااااااااااااااا
بجد الحلقة دى جميلة قوى
طبعا علشان حجة سارة ربنا يطول لنا ف عمرها ما خيبتش ظنى فى إنى ح أفطس م الضحك على خفة دمها وتعليقاها الظريفة
والله زعلت إن الموضوع خلص
صحيح فضلت أقرأه فى نص ساعة
:d
بس والله كان وقت جميل جدا
تسلم على الموضوع وفكرته وطريقة عرضه
أسئلتك جميلة جدا وفى منتهى الذكاء
واضح إنك بتذاكر الشخصية كويس قوى قبل ما تستضيفها
كل الشكر لا يكفي
*3*

أحمد ناصر
14-02-2012, 08:49 PM
العواف يا سارة يا ثورجية
إيه الكلام الواعر ده يا مصراوية يا بهية يا أم طرحة وجلابية
:d
على رأى عبدالوارث عسر الله يرحمه
الجماعة المتعلمين دول بيجولوا كلام واعر بيمس القلب
.....
عارفة يا سارة
طول ما مصر فيها بنات زيك وشباب زى اللى فى التحرير
عمرى ما ح أقلق أبدا على البلد دى
لو شفتى نظرات الشماتة اللى زملائى فى العمل قابلونى بها بعد ما العصيان المدنى فشل
ح تستغربى إزاى كنت بأضحك من قلبى وأتريق عليهم وأقول لهم صحيح العصيان المدنى فشل فى المصالح وفى الشوارع
لكن نجح فى الجامعات والكليات
وده شيء طبيعى لإن الشباب ده هم من صنعوا الثورة
وده مؤشر رائع بالنسبة لى
لإن الأمل دائما فى الشباب
وكل الأجيال اللى شبعت مبارك والسادات المفروض يشوفوا لهم حتة ناشفة يقعدوا فيها
علشان بجد مصر دى مش ح يغيرها إلا الشباب الجديد اللى زى الفل ده
أنا إستمتعت جدا بالحلقة دى يا سارة
وكنت متوقع لها النجاح
ولم يخب ظنى
شكرا لك على مجاملتك اللطيفة
وإن شاء الله يا سارة الثورة ح تنجح والمجلس السمكرى ده ح يتحاسب على كل جرائمه
وبكرة أفكرك
سلامى إلى والدتك الفاضلة
وإلى مارية البرجوازية
ولك منى ألفين سلام وتحية
زيت الدرة كريستال
:d
:f2:
:f2:
:f2:

محمد حسيـــن
14-02-2012, 09:17 PM
متشكر لدعوتك الرقيقه الشاطر حسن وموضوعك الرائع ..
وبعد ماشفت الحلقه عايز اطمن عليك وعلي ثباتك الانفعالي ..(يارب يكون بخير) :d
_________________
ساره عادل ..
انتي عليكي عفريت اسمه يسقط حكم العسكر
ماله العسكر
ماهو زي الفل اهوه والرغيف كبير والمواصلات فاضيه والناس بقت بتروح الماتشات مابتموتش اهوه
بقالنا سنه بحالها مشغلين الدوري .. هتيجي في ماتش واحد وتمسكي فيه
والغاز اللي عليه ازمه ...اهو بيترش في التحرير ومحمد محمود بالجمله .. الناس بس تاخد الانابيب والخراطيم وتملي بعد العصريه
انما احنا اللي فراعنه صحيح
....
وشكرا بالمناسبه علي الدعوه
ومتخافيش علي العيال :D

جيهان محمد على
14-02-2012, 09:21 PM
ايه المواضيع الحلوة دى
بجد موضوع رائع جدا جدا
واضح انك موهوب فى المواضيع الحوارية يا شاطر حسن :)

اسمحولى بس اقراه على رواقة لانه طويل بعض الشئ ومحتاج تركيز
بس المداخلة دى مخصوص عشان اسأل الانسة ساره على حاجة كدا

جيهان محمد علي..مارادونا المنتدى*3*

ماردونا لاعب كرة قدم ..صح كدا ؟؟ طيب ايه معالمه يعنى هههههههه عشان انا خايبة جدا فى حكاية الكورة دى وعاوزة اعرف انا شبهة فى أيه بالظبط ؟؟ :d

محمد حسيـــن
14-02-2012, 09:22 PM
.....
عارفة يا سارة
طول ما مصر فيها بنات زيك وشباب زى اللى فى التحرير
عمرى ما ح أقلق أبدا على البلد دى
لو شفتى نظرات الشماتة اللى زملائى فى العمل قابلونى بها بعد ما العصيان المدنى فشل
ح تستغربى إزاى كنت بأضحك من قلبى وأتريق عليهم وأقول لهم صحيح العصيان المدنى فشل فى المصالح وفى الشوارع
لكن نجح فى الجامعات والكليات
وده شيء طبيعى لإن الشباب ده هم من صنعوا الثورة
وده مؤشر رائع بالنسبة لى
لإن الأمل دائما فى الشباب
وكل الأجيال اللى شبعت مبارك والسادات المفروض يشوفوا لهم حتة ناشفة يقعدوا فيها
علشان بجد مصر دى مش ح يغيرها إلا الشباب الجديد اللى زى الفل ده
:f2:
:f2:
:f2:

احمد ناصر
اقلك علي اجمل جمله قيلت في هذا الصدد :

لو سمع هذا الجيل كلام الجيل الذي قبله .. لما قام اصلا بالثوره

حازم ابو اسماعيل

محمد حسيـــن
14-02-2012, 09:24 PM
ماردونا :

اعظم لاعب في تاريخ كره القدم

معقول ياجيهان متعرفيش حاجه عن الكوره
ياااه

الثوره مغيرتش حاجه

جيهان محمد على
14-02-2012, 09:35 PM
ماردونا :

اعظم لاعب في تاريخ كره القدم

معقول ياجيهان متعرفيش حاجه عن الكوره
ياااه

الثوره مغيرتش حاجه

لا يا محمد انا عارفة طبعا انه لاعب كورة بس استغربت انى شبهه :d
بس اهى حاجة كويسة وخلاص ..بشكرك يا ساره على التشبيه المختلف :)

:f2:

اليمامة
14-02-2012, 09:41 PM
يا خبر
دى حلقة بهية البراوية مرة واحدة !!! :d
الصراحة يعنى ..الحلقة مافيهاش اى براوية ..
انما فيها براءة كاملة وانسان جدا جدا
لا براءتين واتنين انسان
سارة ..وانت يا حسن
انا مش عايزة أحبطكم يا جماعة لما أقول انى طبعا متوقعة الكلام
من شخصية " ..........." زى دى هههههههههه
طول عمرها كدا الحقيقة
كان عندى أمل انها تتغير
بس للأسف لم يحدث
والأيام اثبتت ان هى دى
هى دى بـــ .............
هى دى سارة
البنت الجدعة ..ام دم خفيف ..اللذيذة ..الحساسة والرقيقة ..واللوذعية الذكية
والمجنونة
وحاجات تانية مش عايزة أقول عليها
علشان نعرف نكلمها بس


سارة انتى عارفة انا بحبك اد ايه
بينى وبينك خيط رفيع انا مش عرفاه
بس بحس انه بيلاقينا وبيخلينا نفهم بعض وأكتر
بفتقدك كتير لما بتغيبى ..ودايما عندى الأمل انك هترجعى
ربنا يبارك فيك وتحققى احلامك
على رأسها انك تكونى انتى دايما .. نفسك
وبعدين تكونى مهندسة اد الدنيا

أما انت بقى الشاطر حسن
فلقد تفوقت على نفسك يا فتى
أسألتك مبهرة ..وموفقة جدا
وحساسة كأعماقك الرهيفة وذائقتك الرائعة

الحقيقة الأسئلة متركبة على سارة لدرجة انى حطيت نفسى فى موقع اجابة
فامعرفتش اجاوب الإجابات الجميلة دى

حلقة ممتعة
وبالعكس انتهت سريعا

واجمل شىء انها نزلت فى عيد الحب

وعلى المحبة دائما متجمعين

:f: ..:f:

فراشة
14-02-2012, 10:00 PM
الشاطر حسن

حقيقي موضوع جااااااااااااااامد

وضيفة ولا أروع

أسلوبك الحواري ومقدمتك للضيف تدل على موهبة صحفية كبيرة

أما سارة أول مرة أعرف ان هي نفسها بهية البراوية

هههههههه ليه يابنتي كدا ماكنتي مصراوية

على العموم مصر هي بهية بنت البلد الصعيدية الجدعه

ماقدرتش أخرج إلا لما أقرأ الموضوع كله

واستمتعت بكل سؤال واجابة

من خفة ظل وثقافة وردود في منتهى العمق والذكاء

حقيقي باشكركم على الوقت الممتع دا

تحياااااااااااتي

:f2:

drmustafa
14-02-2012, 10:39 PM
حلقة جميلة جدا
شاطر حسن أسئلة ذكية

ومصراوية او بهية او سارة اجابتها فيها حكمة تبرق وسط خفة الدم
أمتعتمونا بارك الله فيكم

مصراويةجدا
14-02-2012, 11:33 PM
الموضوع ده جميل أوي انا قرأته 3 مرات
لأ جامد أوي بجد
:d

مصراويةجدا
14-02-2012, 11:45 PM
:d موضوع تعبني بجد بس بهية تستاهل لما تعرفيها هتحسي قد ايه هي عظيمة
أجبلك عصير ولب تتسلي وانتي بتقري:d

اه لو سمحت وزبادو بالخوخ كمان :d

مصراويةجدا
14-02-2012, 11:51 PM
هههههههههههه
إيه يا عم الشاطر حسن الموضوع ده
لااااااااااااااااااا
بجد الحلقة دى جميلة قوى
طبعا علشان حجة سارة ربنا يطول لنا ف عمرها ما خيبتش ظنى فى إنى ح أفطس م الضحك على خفة دمها وتعليقاها الظريفة
والله زعلت إن الموضوع خلص
صحيح فضلت أقرأه فى نص ساعة
:d
بس والله كان وقت جميل جدا
تسلم على الموضوع وفكرته وطريقة عرضه
أسئلتك جميلة جدا وفى منتهى الذكاء
واضح إنك بتذاكر الشخصية كويس قوى قبل ما تستضيفها
كل الشكر لا يكفي
*3*

رجاء لو سمحتم


لو سمحتم
ركزوا مع الضيف وصاحب الموضوع حطوه جنب الحيط :d

اه هو تعب وفضل يدور ورا العضو لحد ما جاب قراره لكن ده مش مبرر انكم تشكروه كده وتقولوله كلام جميل هو يستاهله
وانا قاعدة ..ركزوا معايا كده وعلاء الدين دوره انتهى عند آخر سؤال

وده قرار نهائي وامر واجب النفاذ

:d :d :d

نوورا
15-02-2012, 06:44 AM
أستاذ الشاطر حسن

انا عرفت لقب الشاطر جاى منين
بجد حلقة زى السكر صحيح اتأخرت بسببها عن الشغل
بس لازم اعبر اسئلة ممتازة وحوار شيق واسلوب جميل
اما بقى بهية البراوية
هية البنت الحلوة المصراوية بكل خفة دمها واصالة فكرها
انا هارجع تانى بس لو أتخصم منى مليم هازعل قوى
منورين المنطقة

http://up.7cc.com/upfiles/zDG76188.gif
صورتى قبل الغسيل
صباح الموضوعات الحلوة

فاضــل
15-02-2012, 10:00 AM
مررت لإلقاء تحية بريئة تعادل براءة الضيفة و شكر خالص يماثل إخلاص المضيف

سارة لا تحتاج لوقت و لا لجهد لتعرفها فبينها و بين نفسها اتساق و صداقة تجعلها مليئة بالأمان النفسي و تطابق المظهر مع الجوهر

احساس الأمان النفسي هو الذي يشيع البهجة و البراءة على قسماتها و على لسانها و يملأ قلبها بالطاقة و ليس محاولة مداراة الم أو اكتئاب

امنيتي لسارة أن تحافظ على هذا الإحساس فهو الذي يستطيع أن يحافظ على القلب شابا حتى مع تقدم العمر

و هو الذي يستطيع أن يمكنها من الحفاظ على الأحباب حتى لو حدثت منهم جفوة أو تقصير

أمتعتمونا و اضحكتمونا و ابهجتمونا .. اسعد الله قلوبكم و ملأ ايامكم فرحا و سرورا و حبورا

و شكرا للشاطر حسن شكرا جزيلا .. فهو فعلا شاطر .. و حسن .. و زيادة على ذلك فهو منقّب ماهر عن الجواهر الثمينة التي لا يعرف مكانها إلا من يستطيع الوصول إلى الأعماق

boukybouky
15-02-2012, 10:16 AM
بسم الله الرحمن الرحيم

http://gallery.egyptsons.com/data/media/6/1177z.jpg (http://gallery.egyptsons.com)

ايه بس الحاجات الحلوة ديه...الشاطر حس كل مرة بتتفوق على نفسك اكتر واكتر ما شاء الله
حوار ممتع واسئلتك ذكية بجد...بتشوقنا كل مرة للضيف اللي بعده علشان نشوف تنقلات اسلوب الحوار اللي بتتحرك فيها بسلاسة من ضيف للتاني

http://gallery.egyptsons.com/data/media/6/111_5.jpg (http://gallery.egyptsons.com)

مصراوية ..مش عارفة ليه مش واخدة لسه على بهية ديه :3:
اقولك هقول سارة وخلاص علشان مش يكون فيه لخبطة :d

بجد عندك تلقائية ما شاء الله عليها ربنا يبارك لك
حوارك ممتع وبيمشي لوحده كده ههههههههه يعني مش تحسي بأي تعقيدات وكلكعات برافو عليكي فعلا

نشاطي انا مش لاقياه فعلاً يا سارة والله ونفسي الاقيه علشان ارجع له بس هنقول ايه..ربنا كريم

بجد استمتعت بحوارك ربنا يديم عليكي الروح الجميلة

دمتم بكل خير
في رعايةالله،،،

ابن البلد
15-02-2012, 10:28 AM
اهم حاجه أنا جيت أتأكد بس أن اسمي مش مكتوب ههههههههههههههه
وراجع لكم تاني مع الاخت مصراوية البراوية هههههههههههه

يا زين ما ختارت يا حسن
:f2:


أنا جاي تاني أوعوا تمشوا
:cool:

مصراويةجدا
15-02-2012, 10:46 AM
الموضوع ده جميل أوي عملتوه إزاي ؟
:d

الشاطر حسن
16-02-2012, 12:42 AM
هههههههههههه
إيه يا عم الشاطر حسن الموضوع ده
لااااااااااااااااااا
بجد الحلقة دى جميلة قوى
طبعا علشان حجة سارة ربنا يطول لنا ف عمرها ما خيبتش ظنى فى إنى ح أفطس م الضحك على خفة دمها وتعليقاها الظريفة
والله زعلت إن الموضوع خلص
صحيح فضلت أقرأه فى نص ساعة
:d
بس والله كان وقت جميل جدا
تسلم على الموضوع وفكرته وطريقة عرضه
أسئلتك جميلة جدا وفى منتهى الذكاء
واضح إنك بتذاكر الشخصية كويس قوى قبل ما تستضيفها
كل الشكر لا يكفي
*3*
الشكر لك ياباشمهندس والله أسعدني جدا رأيك وأكيد حضرتك لاحظت التعب الرهيب والرعب اللي حصلي قدام الحجة سارة كنت أسألها سؤال وأستنى لما تشحن بطارية السماعة أو تلمع النضارة أو تعدل طقم سنانها ومرة تطلب شاي وبعدين تفتكر الضغط ومرة قهوة وتقول لأ علشان القلب يووووه كانت حيرة بس الحمدلله عدت على خير.
وعلى فكرة ياأبولبنى هبدأ أذاكر شخصية الضيف الجاي وياريت لو تديني درس خصوصي.
كل الشكر ياغالي وجزاك الله خيرا

الشاطر حسن
16-02-2012, 12:48 AM
متشكر لدعوتك الرقيقه الشاطر حسن وموضوعك الرائع ..
وبعد ماشفت الحلقه عايز اطمن عليك وعلي ثباتك الانفعالي ..(يارب يكون بخير) :d
_________________
ساره عادل ..
انتي عليكي عفريت اسمه يسقط حكم العسكر
ماله العسكر
ماهو زي الفل اهوه والرغيف كبير والمواصلات فاضيه والناس بقت بتروح الماتشات مابتموتش اهوه
بقالنا سنه بحالها مشغلين الدوري .. هتيجي في ماتش واحد وتمسكي فيه
والغاز اللي عليه ازمه ...اهو بيترش في التحرير ومحمد محمود بالجمله .. الناس بس تاخد الانابيب والخراطيم وتملي بعد العصريه
انما احنا اللي فراعنه صحيح
....
وشكرا بالمناسبه علي الدعوه
ومتخافيش علي العيال :D
أستاذي الغالي أولا أشكر لك مروك العطر وأشكر لك ثانيا تقديرك لموقفي وسؤالك عن ثباتي الانفعالي اللي مش عارف لغاية دلوقتي هو راح فين :d
نورت الموضوع يادكتور وابقى خلي بالك من العيال:d
شرف الوجود عزيزي نال مني كثيرا فأشرقت نفسي شكرا لك

الشاطر حسن
16-02-2012, 12:58 AM
ايه المواضيع الحلوة دى
بجد موضوع رائع جدا جدا
واضح انك موهوب فى المواضيع الحوارية يا شاطر حسن :)

اسمحولى بس اقراه على رواقة لانه طويل بعض الشئ ومحتاج تركيز
بس المداخلة دى مخصوص عشان اسأل الانسة ساره على حاجة كدا


ماردونا لاعب كرة قدم ..صح كدا ؟؟ طيب ايه معالمه يعنى هههههههه عشان انا خايبة جدا فى حكاية الكورة دى وعاوزة اعرف انا شبهة فى أيه بالظبط ؟؟ :d
وايه الحضور الرائع ده بجد أنا مبسوط وفي ذاكرتي دي تاني مرة أتشرف بردك وبقول في نفسي الأستاذة جيهان لازم تكون ضيفتي يوم من الأيام بإذن الله
أشكرك بشدة وبالمناسبة أنا شايفك ميسي مش ماردونا وكل واحد ليه وجهة نظر
هذه الصفحة شهدت نور زائرة أضاءتها وأسعدت ساكنيها
كل الشكر والتقدير

الشاطر حسن
16-02-2012, 01:07 AM
يا خبر
دى حلقة بهية البراوية مرة واحدة !!! :d
الصراحة يعنى ..الحلقة مافيهاش اى براوية ..
انما فيها براءة كاملة وانسان جدا جدا
لا براءتين واتنين انسان
سارة ..وانت يا حسن
انا مش عايزة أحبطكم يا جماعة لما أقول انى طبعا متوقعة الكلام
من شخصية " ..........." زى دى هههههههههه
طول عمرها كدا الحقيقة
كان عندى أمل انها تتغير
بس للأسف لم يحدث
والأيام اثبتت ان هى دى
هى دى بـــ .............
هى دى سارة
البنت الجدعة ..ام دم خفيف ..اللذيذة ..الحساسة والرقيقة ..واللوذعية الذكية
والمجنونة
وحاجات تانية مش عايزة أقول عليها
علشان نعرف نكلمها بس


سارة انتى عارفة انا بحبك اد ايه
بينى وبينك خيط رفيع انا مش عرفاه
بس بحس انه بيلاقينا وبيخلينا نفهم بعض وأكتر
بفتقدك كتير لما بتغيبى ..ودايما عندى الأمل انك هترجعى
ربنا يبارك فيك وتحققى احلامك
على رأسها انك تكونى انتى دايما .. نفسك
وبعدين تكونى مهندسة اد الدنيا

أما انت بقى الشاطر حسن
فلقد تفوقت على نفسك يا فتى
أسألتك مبهرة ..وموفقة جدا
وحساسة كأعماقك الرهيفة وذائقتك الرائعة

الحقيقة الأسئلة متركبة على سارة لدرجة انى حطيت نفسى فى موقع اجابة
فامعرفتش اجاوب الإجابات الجميلة دى

حلقة ممتعة
وبالعكس انتهت سريعا

واجمل شىء انها نزلت فى عيد الحب

وعلى المحبة دائما متجمعين

:f: ..:f:
شوفتي ازاي ياأم آدم طلعت انسانة بريئة مش براوية ولو تلاحظي اجابتها في وصفها لمارية هنا كان الاسقاط كله :d
ربنا يحفظك وعائلتك الكريمة ومايحرمنا من وجودك المطمئن وقلمك الراقي وروحك النقية
هناك لحظات نتمنى ألا تنتهي وإن انتهت لانحزن بل نثابر حتى نزداد أملا أن تعود ومنها لحظات وجودك جزاكِ الله خيرا

الشاطر حسن
16-02-2012, 01:43 AM
الشاطر حسن

حقيقي موضوع جااااااااااااااامد

وضيفة ولا أروع

أسلوبك الحواري ومقدمتك للضيف تدل على موهبة صحفية كبيرة

أما سارة أول مرة أعرف ان هي نفسها بهية البراوية

هههههههه ليه يابنتي كدا ماكنتي مصراوية

على العموم مصر هي بهية بنت البلد الصعيدية الجدعه

ماقدرتش أخرج إلا لما أقرأ الموضوع كله

واستمتعت بكل سؤال واجابة

من خفة ظل وثقافة وردود في منتهى العمق والذكاء

حقيقي باشكركم على الوقت الممتع دا

تحياااااااااااتي

:f2:

وحقا أنا أشكركِ على تواجدكِ الذي نتمناه دائما
وبعدين هطبع الرد ده وأروح بقى لأي جريدة وأطلب يعينوني فورا :d
هو الفراش ده يعني ايه
غير ورد دبت الروح فيه
وطار
والورد ده أصله ايه
غير فراش مستني يطير
بيوزع عبيره
طول فترة الانتظار
الشكر لن ينتهي فراشة جزاكِ الله خيرا

الشحرورة
16-02-2012, 06:36 AM
اه منك ومن صبرك يا مصراوية
اتحملتى وبقيتى بهية
وانتى يا قمر عنوان
الأبتسامة والضحكة دية
باشوف حروفك اقول دى هية
وبراعم الفرح تطرح جناين
الناحية دية ودية
باتمنالك حياه حلوة
وتبقى دايما متهنية
يا بهية المصراوية

زى ما توقعتك يا قمر اجمل حكاية انك
جدعة وتلقائية

وأخى الشاطر حسن
محيرنى معرفش ليه ؟؟؟؟؟؟
وكأنى من زمان أعرفه
والكلام بيقول ياللا يا شحرورة
اسأليه
لكن الشطارة دى لايقة عليه
شكرا للدعوة يا أخى ودايما شاطر
وموضوعات جميلة
بس قولى أنت مين ؟؟؟؟
هههههههههههههههه

ودى وتقديرى

الشحرورة
16-02-2012, 07:11 AM
/COLOR]

على العموم مصر هي بهية بنت البلد الصعيدية الجدعه

تحياااااااااااتي

:f2:



[COLOR="Navy"]اهلا يا فراشة

أزيك وحشتينا منورة المنتدى

بس يعنى مفيش بنت بلد وجدعة
الا الصعيدية المصراوية
وليه مالها البنت الجدعة البحراوية
الشاطرة السواحلية
تلاقيها فى كل زنقة
تمد ايدها جد مش مجاملة
ناصحة وتفهمها وهية وطايرة
وتكبر قبل الأوان
صابرة فى كل وقت وأدان
مليانه حب وحنان
وعدوك ساعة الجنان
تلاقيها قوية بس مش مفترية
يا سلام لو تيجى اسكندرية
كنا خدناكى على البحر حبة
واتمشينا ساعة العصارى بالمحبة
نأكلوكى جمبرى وفريسكا
ونزوركى الأنفوشى
والعطارين وكوم الدكة
ونرجعوكى بحنية ومودة
ايه رأيك بقى فى البنت الأسكندرانية
المهم كلنا مصراوية

هههههههههههههههههههههههههه
باهزر يا قمر
حبيت ارحب برجوعك ووجودك الطيب الجميل
اصل الهوا الاسكندرانى كريم مش بخيل
ونسمة عطرة لكل موضوعاتك الجميلة
وبنصبحوا على الصعايدة الحلوين

ودى وتقديرى

الشاطر حسن
16-02-2012, 07:28 AM
حلقة جميلة جدا
شاطر حسن أسئلة ذكية

ومصراوية او بهية او سارة اجابتها فيها حكمة تبرق وسط خفة الدم
أمتعتمونا بارك الله فيكم
ياسلام لما تزورك ابتسامة وتسيب على وشك علامة باينة حتى وانتا مخبي روحك باينة في ضِلك وف كلامك وسط بوحك
ياسلام ييجي من فين الكلام والابتسام شاغل خيالك قاعد قبالك من يوم ماشرف عندنا
كان الشرف في وجودك يادكتور أترقبه دائما مع باقة ابتسامات
تقدير لاينتهي

الشاطر حسن
16-02-2012, 07:37 AM
الموضوع ده جميل أوي انا قرأته 3 مرات
لأ جامد أوي بجد
:d
لأياختي ضيفة غلسة وبتلعب في الرمل زي توقيعها لكن ممكن تقولي المضيف الله يرحمه كان كويس ومش عارف ليه متهيألي اداها عروسة باربي ومصاصة علشان تكمل الحوار:d

الشاطر حسن
16-02-2012, 08:00 AM
رجاء لو سمحتم


لو سمحتم
ركزوا مع الضيف وصاحب الموضوع حطوه جنب الحيط :d

اه هو تعب وفضل يدور ورا العضو لحد ما جاب قراره لكن ده مش مبرر انكم تشكروه كده وتقولوله كلام جميل هو يستاهله
وانا قاعدة ..ركزوا معايا كده وعلاء الدين دوره انتهى عند آخر سؤال

وده قرار نهائي وامر واجب النفاذ

:d :d :d
وأهون عليكي ياسارة بعد ماأفنيت عمري في الحوار واستحملت كتير وكل مرة كنت أقول معلش يا علي بابا سارة تستاهل كل خير أي نعم براوية حبتين بس مايضرش ولكن كما قال المثل ياخبر النهاردة بفلوس بكرة ينزل عليه أوكازيون وكما قال الشاعر بص في المراية وقولي انتا مين السندباد حسن ولا علاء الدين
ماعلينا المهم انتي رجلك اتكسرت زمان ازاي ؟
:d

angel
16-02-2012, 01:53 PM
انا لما بتجرح او حد يمس كرامتي
بتحول لمخلوقة انا اصلا معرفهاش..ولا اعرف هي بتعمل إيه
ولا بتعمل كده ليه..وممكن اتصرف تصرف لو حد حلفلي بعد كده
إن انا اللي عملت ده مصدقش..عارفة إن ده مش صح بس للأسف مش عارفة اتغير


انا كنت فاكرة انك بتتكلمي عني بس الظاهر ان كل البنات كده



تعلمت مؤخرا ان أحمل عبــء قلبي وحدي
ثم اضفت ما تعلمته لعادة قديمة ..
بعد ما كل الناس تنام ..بقعد اتكلم انا وربنا
واعيطله واشتكيله من كل الناس وحتى من نفسي


أجمل درس ممكن يتعلمه الانسان برافو عليكي




الألم



ألف= أهون عليك؟
لام= ليه كده
ميم= مكنش العشم .

بصراحة الكلام كله عجبني وحكاية الألم دي عجبتني قوي عشان اول ما حد بيسبب لنا الم بنسأله "أهون عليك" وبعد شوية بنسال نفسنا "ليه كده" وبعد ما نعدي المرحلة بنقول "مكنش العشم".

محاور جميل يعرف كيف يدخل في اعماق ضيفه
وضيفة حبوبة وصريحة وقلبها ابيض

مقابلة رائعة احييك الشاطر حسن على اختيارك لضيوفك.

الشاطر حسن
16-02-2012, 05:27 PM
أستاذ الشاطر حسن

انا عرفت لقب الشاطر جاى منين
بجد حلقة زى السكر صحيح اتأخرت بسببها عن الشغل
بس لازم اعبر اسئلة ممتازة وحوار شيق واسلوب جميل
اما بقى بهية البراوية
هية البنت الحلوة المصراوية بكل خفة دمها واصالة فكرها
انا هارجع تانى بس لو أتخصم منى مليم هازعل قوى
منورين المنطقة

http://up.7cc.com/upfiles/zDG76188.gif
صورتى قبل الغسيل
صباح الموضوعات الحلوة
مش عارف ليه مش لايقة كلمة أستاذ على الشاطر حسن
المنطقة منورة بأصحابها وبعدين أنا نصحت وبشدة بهية ان الموضوع ينزل بعد ماترجعي من الشغل حلفت ألف يمين ان الموضوع ينزل في الوقت اللي يعطلك ويخصموا منك علشان تثبتلك انها براوية
وأنا طبعا مقدرش أقف قدامها بس ولايهمك أجبلك بدل الخصم أنبوبة
نورا وحروف من أصل النور وروح مضيئة مشرقة . جئتِ وابتسامات مافارقتنا جزاكِ الله خيرا

nariman
16-02-2012, 07:00 PM
الواحد يغيب يومين ييجي يلاقي الدنيا اتقلبت كده
جرى ايه يا بهية ..ده ماكنش موضوع يا بنتي
:d

مش عارفة أقولك ايه حقيقي

يمكن دي تعبر أحسن

http://up.haridy.org/storage/Red_Rose__by_AnaKidd.jpg (http://up.haridy.org)
معلش هي لسه طالعة من الخلاط.. انتي عارفة بقى :d


دايما بتبهرنا يا شاطر حسن.. واعتقد لسه عندك كتير
*8*

الشاطر حسن
16-02-2012, 07:07 PM
مررت لإلقاء تحية بريئة تعادل براءة الضيفة و شكر خالص يماثل إخلاص المضيف

سارة لا تحتاج لوقت و لا لجهد لتعرفها فبينها و بين نفسها اتساق و صداقة تجعلها مليئة بالأمان النفسي و تطابق المظهر مع الجوهر

احساس الأمان النفسي هو الذي يشيع البهجة و البراءة على قسماتها و على لسانها و يملأ قلبها بالطاقة و ليس محاولة مداراة الم أو اكتئاب

امنيتي لسارة أن تحافظ على هذا الإحساس فهو الذي يستطيع أن يحافظ على القلب شابا حتى مع تقدم العمر

و هو الذي يستطيع أن يمكنها من الحفاظ على الأحباب حتى لو حدثت منهم جفوة أو تقصير

أمتعتمونا و اضحكتمونا و ابهجتمونا .. اسعد الله قلوبكم و ملأ ايامكم فرحا و سرورا و حبورا

و شكرا للشاطر حسن شكرا جزيلا .. فهو فعلا شاطر .. و حسن .. و زيادة على ذلك فهو منقّب ماهر عن الجواهر الثمينة التي لا يعرف مكانها إلا من يستطيع الوصول إلى الأعماق
تعرف ياأستاذ فاضل ليه يومين وانتا على بالي كل ماأدخل موضوع ألاقي رابط لأحد موضوعاتك وأفضل أقرا وأقول في بالي ماشاء الله تبارك الله ده انسان ولا برنامج كمبيوتر من كتر العقل وتنظيم الأفكار بارك الله لك والمهم النهاردة احترت أكتب موضوع عنوانه فاضل وقد ايه بتربكني موضوعاتك وبعدين هبقى أحكيلك على الربكة دي ولا أرد على أسئلتك في أكتر من موضوع لكن كالعادة لم أفعل هذا ولاذاك لكن الموضوع في بالي مش علشان أكتب يعني ولاحاجة لأ علشان أعبرعن اللي جوايا وتحللني بشكل علمي وتنير الطريق أمامي ومش عارف ليه صورتك الرمزية مثيرة للتفكير لسه بفكر فيها المهم وماتقولش كلامي مبالغ فيه لأني نقطة كنت عايز أكلمك فيها برضه الواحد بيكتب من اللي حاسه وبس أنا مالي أنا بسيب ايدي وهي بتكتب
ماعلينا المهم
أستاذي أفتخر بوجودك وملامسة غلافي الجوي فكرا وروحا فلك مكان محفوظ لاينازعك فيه أحد في القلب والعقل ويكفي أن أقول أحبك في الله أخي العزيز
جزاك الله خيرا

الشاطر حسن
16-02-2012, 07:27 PM
بسم الله الرحمن الرحيم

http://gallery.egyptsons.com/data/media/6/1177z.jpg (http://gallery.egyptsons.com)

ايه بس الحاجات الحلوة ديه...الشاطر حس كل مرة بتتفوق على نفسك اكتر واكتر ما شاء الله
حوار ممتع واسئلتك ذكية بجد...بتشوقنا كل مرة للضيف اللي بعده علشان نشوف تنقلات اسلوب الحوار اللي بتتحرك فيها بسلاسة من ضيف للتاني

http://gallery.egyptsons.com/data/media/6/111_5.jpg (http://gallery.egyptsons.com)

مصراوية ..مش عارفة ليه مش واخدة لسه على بهية ديه :3:
اقولك هقول سارة وخلاص علشان مش يكون فيه لخبطة :d

بجد عندك تلقائية ما شاء الله عليها ربنا يبارك لك
حوارك ممتع وبيمشي لوحده كده ههههههههه يعني مش تحسي بأي تعقيدات وكلكعات برافو عليكي فعلا

نشاطي انا مش لاقياه فعلاً يا سارة والله ونفسي الاقيه علشان ارجع له بس هنقول ايه..ربنا كريم

بجد استمتعت بحوارك ربنا يديم عليكي الروح الجميلة

دمتم بكل خير
في رعايةالله،،،
تتصور ياباشمهندسة لغاية دلوقتي معرفش أعمل الاقتباس المتعدد مع اني قريت عنه كتير ههههههههههه تحسي كده انه كارهني مثلا وأنا بالعند مش عايز أعرفه ده حتى بايخ هههههههه
المهم ياستي على ضفاف النيل لم يفد أحدا بقدري فلا نألف جدا حتى نفهم بعضنا بشده فنقدر ونعذر لكني بصدق هذه الأيام أقرأ لقاءات خطتيها وخططتي لها كانت غاية الروعة
لذلك إن مررت بجانب الصواب فهو بفضل الله ثم فضلكم وإن جنحت فهذا دأبي دائما
رقيقة روحك ونقية متأكد من ذلك فبارك الله لكِ وجزاكِ خيرا

الشاطر حسن
16-02-2012, 07:34 PM
اهم حاجه أنا جيت أتأكد بس أن اسمي مش مكتوب ههههههههههههههه
وراجع لكم تاني مع الاخت مصراوية البراوية هههههههههههه

يا زين ما ختارت يا حسن
:f2:


أنا جاي تاني أوعوا تمشوا
:cool:
أكيد اسمك مكتوب أنا بصراحة نصحت البراوية كتير وتعبت وأنا بقولها إلا ابن البلد ده هاكر معتمد وهيخربلك اللاب توب بتاعك لكنها أصرت ذنبها على جنبها بقى
طبعا هتييجي تاني بعد سنة وهتحجج بالزحمة :d

الشاطر حسن
16-02-2012, 07:38 PM
الموضوع ده جميل أوي عملتوه إزاي ؟
:d
بصي ياستي بعد ماتغلي الميه حطي السكر معلقة معلقة لو حطتيه مرة واحدة هيفرول منك ومتنسيش تغطي الحلة

مسمعتيش مش أم اسماعيل رجعت ههههههههههههههه

الشاطر حسن
16-02-2012, 07:53 PM
اه منك ومن صبرك يا مصراوية
اتحملتى وبقيتى بهية
وانتى يا قمر عنوان
الأبتسامة والضحكة دية
باشوف حروفك اقول دى هية
وبراعم الفرح تطرح جناين
الناحية دية ودية
باتمنالك حياه حلوة
وتبقى دايما متهنية
يا بهية المصراوية

زى ما توقعتك يا قمر اجمل حكاية انك
جدعة وتلقائية

وأخى الشاطر حسن
محيرنى معرفش ليه ؟؟؟؟؟؟
وكأنى من زمان أعرفه
والكلام بيقول ياللا يا شحرورة
اسأليه
لكن الشطارة دى لايقة عليه
شكرا للدعوة يا أخى ودايما شاطر
وموضوعات جميلة
بس قولى أنت مين ؟؟؟؟
هههههههههههههههه

ودى وتقديرى
هههههههههه والله ماعرفت أرد ازاي لو بهزار يعني بتوهك وهتشكي فيا أكتر ولو بجد هتشكي أكترين وكأني بدافع عن نفسي لكن بتمنى ان اللي في بالك يكون حاجة كويسة جدا ويبقى أنا الكسبان
برضه انتي ياشحرورة من الناس اللي زعلان منها بتغيبي كتير مش عارف ليه أنا هجرب موضوع الخصم ده

شفتي قبل كدة على الشجر اللي قبالك
بعض اليمام
أنا مش منهم
انا يمكن بروح عندهم
معاهم بيحلالي الكلام
شفتي الورد اللي تحت الشجر
عمري مامريت جنبهم
يمكن لهم ببعت سلام مع اليمام
ويمكن عمري ماشفت حاجة
يمكن في بعض أحلامي زرتهم

أحمد ناصر
16-02-2012, 10:41 PM
الموضوع ده جميل أوي انا قرأته 3 مرات
لأ جامد أوي بجد
:d

يا صبر أيوب
تقريبا كده الموضوع ده حأقوم بنقله إلى قاعة فك التكشيرة
:d

مصراويةجدا
17-02-2012, 05:37 AM
العواف يا سارة يا ثورجية
إيه الكلام الواعر ده يا مصراوية يا بهية يا أم طرحة وجلابية
:d

العواف عليك يا سي الأستاذ باشمهندز إحمد :d
على رأى عبدالوارث عسر الله يرحمه
الجماعة المتعلمين دول بيجولوا كلام واعر بيمس القلب
اه مش ده الفيلم اللي فاتن حمامة بتكاكي فيه طول الفيلم؟ عارفاه :d
.....
عارفة يا سارة
طول ما مصر فيها بنات زيك وشباب زى اللى فى التحرير
عمرى ما ح أقلق أبدا على البلد دى

اخجلتم تواضعنا اللااااااااااامتناهي :d

لو شفتى نظرات الشماتة اللى زملائى فى العمل قابلونى بها بعد ما العصيان المدنى فشل
ح تستغربى إزاى كنت بأضحك من قلبى وأتريق عليهم وأقول لهم صحيح العصيان المدنى فشل فى المصالح وفى الشوارع
لكن نجح فى الجامعات والكليات
وده شيء طبيعى لإن الشباب ده هم من صنعوا الثورة
وده مؤشر رائع بالنسبة لى
لإن الأمل دائما فى الشباب
وكل الأجيال اللى شبعت مبارك والسادات المفروض يشوفوا لهم حتة ناشفة يقعدوا فيها
علشان بجد مصر دى مش ح يغيرها إلا الشباب الجديد اللى زى الفل ده
أنا إستمتعت جدا بالحلقة دى يا سارة
وكنت متوقع لها النجاح
ولم يخب ظنى


النهاردة في الكلية الدفعات كلها تقريبا كانت مضربة وكان على رأس مطالبهم الإفراج عن عبد الرحمن موافي_زميلنا في اولى طبية_قبضوا عليه وهو بيوصل ادوية في شارع مجلس الوزراء ولفقوله تهمة تعدي على منشآت وحيازة مخدرات!! الولاد اعتصموا ورفضوا انهاء اعتصامهم حتى الإفراج عن عبد الرحمن والعميد هددنا بإنه هيحولنا للتحقيق ودكاترة حلفوا انهم هيورونا سنة سودة وإمتحانات اسود!! والهتاف كان "يا سيادة العميد آه لو إبنك كان شهيد"والهتاف كان "يا سيادة الدكتور ..نفسي اشوفك مرة تثور..يا مربي الأجيال إوعى تكون عبد المأمور" والهتاف كان "كنا بتوع حل شيتات ..كنا بتوع محاضرات ..لكن خلاص ده كان زمان ..ما صاحبنا مات"
..واللافتة اللي اترفعت امام العميد كانت "يسقط عمداء أمن الدولة" :)
الدكتور بيقول لرضوى صاحبتي اللي انتوا بتعملوا ملهوش لازمة وانتم هنا عشان تحضروا محاضرات وتتعلموا
قالتله "طب في 3 زمايلنا ماتوا ومش هيحضروا طول عمرهم ..وفي واحد مقبوض عليه مهدد ان مستقبله يضيع ومش هيحضر خالص ينفع حضرتك تخليه يحضر معانا هو كمان؟" طبعا الدكتور معرفش يرد
ومحاولات من الدكاترة لفض الإعتصام وإيهام الطلبة انه مش هيعمل حاجة ومالوش لازمة ..طبعا قوبلت برفض من الطلبة
النتيجة كانت ..
دكتور محمد البلتاجي وصل الكلية وابلغنا انهم افرجوا عن عبد الرحمن :)
وكان العنوان في الصحف..
جاء القرار بعد تظاهر عدد من الأساتذة بالكلية ونقابة المهندسين !!!

ودي صورة للباشمهندس البلطجي عبد الرحمن موافي ..بعد ما اتضرب في الحبس

http://a2.sphotos.ak.fbcdn.net/hphotos-ak-ash4/427094_192847084149911_169413956493224_253144_5530 47612_n.jpg

شكرا لك على مجاملتك اللطيفة

وإن شاء الله يا سارة الثورة ح تنجح والمجلس السمكرى ده ح يتحاسب على كل جرائمه
وبكرة أفكرك

إن شاء الله يا استاذ احمد

سلامى إلى والدتك الفاضلة

يوصل بإذن الله

وإلى مارية البرجوازية

يوثل :d

ولك منى ألفين سلام وتحية
زيت الدرة كريستال
:d

باشمهندس طارق نور :d
:f2:
:f2:
:f2:

نورتنا يا كابير :d:f2:

الشاطر حسن
17-02-2012, 11:30 AM
انا كنت فاكرة انك بتتكلمي عني بس الظاهر ان كل البنات كده



أجمل درس ممكن يتعلمه الانسان برافو عليكي




بصراحة الكلام كله عجبني وحكاية الألم دي عجبتني قوي عشان اول ما حد بيسبب لنا الم بنسأله "أهون عليك" وبعد شوية بنسال نفسنا "ليه كده" وبعد ما نعدي المرحلة بنقول "مكنش العشم".

محاور جميل يعرف كيف يدخل في اعماق ضيفه
وضيفة حبوبة وصريحة وقلبها ابيض

مقابلة رائعة احييك الشاطر حسن على اختيارك لضيوفك.
ياألف مرحبا بأنجل منورة والله
شكرا لحضورك الراقي جزاكِ الله خيرا
طبعا ضيفتي برغم صغر سنها لكنها حكيمة جدا بارك الله فيها وأكثر من أمثالها
تقدير لاينتهي

zizoYAzizo
17-02-2012, 12:32 PM
مررت لإلقاء تحية بريئة تعادل براءة الضيفة و شكر خالص يماثل إخلاص المضيف

انا حبيت اقتبس دى من رد استاذ فاضل لانى فعلا مش هعرف اكتب احسن منها جمله
تسجيل حصور للمتابعه والرد ان شاء لله بس لما اخلص من قرايه كلام ساره الكتير ده :d

عادل الشرقاوي
17-02-2012, 03:13 PM
[CENTER]




برقيات عاجلة لشخصيات في المنتدى أبرقيها هنا كما تحبي

ايمان اخت ضابط شرطة..بحبك فوق ما تتصوري


لمسة..بحبك أوووووووي ومش هكلمك خالص


إبن البلد..تموت تموت ويحيا المنتدى :d


بوكي كا..نفتقد نشاطك فلا تحرمينا



ندى..جنيتي المسحورة ما أروعك *3*


جيهان محمد علي..مارادونا المنتدى*3*


محمد حسين..ترجع بالسلامة يا مغترب وبراحة عالعيال :d


استاذ احمد ناصر..رجل من زمن المستحيلات


عصابة حمادة وتوتو..وحشتونا أووووي


أهلاوي شديد..المنتدى محتاج دوشتك


دكتور مهندس جمال الشربيني..يا جبل ما يهزك ريح :d

ناريمان..مجموعة بنات جميلات اتضربوا في الخلاط فطلعتي انتي يا ناريمان :d


هنوووءة..نسمة هواء لطيفة ورقيقة *3*


زيزو..شكمان المنتدى يا مستر ألترا سنستيف :d

الشاطر حسن..ايه الشطارة دي يا ولد :d


مصراويةجدا ..بهية البراوية..إوعي تعقلي وإياكي تكبري :)




[B][FONT=Arial][B][SIZE=4]http://www.tawsl.net/tre7b/65.gif





ههههههههه ومفيش رسالة ل عادل الشرقاوي
طب حتى ولو فلول :d ابعتى حتى ايموشن حتى ولو ده *130*

عصام كابو
18-02-2012, 08:51 PM
تسجيل حضور لغاية ما اقرأ الموضوع و ارجع تاني

الشاطر حسن
19-02-2012, 12:39 PM
الواحد يغيب يومين ييجي يلاقي الدنيا اتقلبت كده
جرى ايه يا بهية ..ده ماكنش موضوع يا بنتي
:d

مش عارفة أقولك ايه حقيقي

يمكن دي تعبر أحسن

http://up.haridy.org/storage/Red_Rose__by_AnaKidd.jpg (http://up.haridy.org)
معلش هي لسه طالعة من الخلاط.. انتي عارفة بقى :d


دايما بتبهرنا يا شاطر حسن.. واعتقد لسه عندك كتير
*8*

ناريمان هكذا أنت تمرين والزهور فأحتار من صاحبة العطر منكن
تقدير لاينتهي وإن زاحم شكري المكان

الشاطر حسن
19-02-2012, 12:48 PM
انا حبيت اقتبس دى من رد استاذ فاضل لانى فعلا مش هعرف اكتب احسن منها جمله
تسجيل حصور للمتابعه والرد ان شاء لله بس لما اخلص من قرايه كلام ساره الكتير ده :d
وحبيت أقتبس من كلامي السابق : تسعد الجميع بحضورك يازيزو فبارك الله لك وجزاك سعادة الدارين
ننتظرك

الشاطر حسن
19-02-2012, 01:08 PM
ههههههههه ومفيش رسالة ل عادل الشرقاوي
طب حتى ولو فلول :d ابعتى حتى ايموشن حتى ولو ده *130*
رسالة لعادل الشرقاوي
نحبك في الله
شرفت المكان أخي العزيز جزاك الله خيرا