المساعد الشخصي الرقمي

مشاهدة النسخة كاملة : المسابقه الكبرى .......لوعاوز تكسب الف جنيه



ابو الفهلوه
13-10-2004, 12:20 AM
عايز تكسب الف جنيه؟
لو معلوماتك الثقافيه كويسه؟
لو حتى معلوماتك الثقافيه مش كويسه؟
مش مهم المهم انك عايز تكسب الف جنيه
فى هذه المسابقه ممكن تكسب الف جنيه
فقط اتصل ب1441 من اى محمول
اسئله سهله جدا
لو عندك موبايل ومش عارف تودى الرصيد فين
اتصل فقط ب1441
هترد عليك بنت حلوه
وهتطول معاك فى المكالمه
اكيد انت معانا مش كسبان
المهم انك تتصل بينا
لكل من معه موبايل وعايز يتعايق قدام اصحابه
اتصل بس واحنا هنريحك ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍
*9* *11* *14* *9*
وهذه يا ساده لاسف احدى وساءل
النصب الجديده وللاسف انها عينى عينك فى التليفزيون
فماذا الحل؟؟؟؟؟؟؟؟؟؟
وعجبىىىىىىىىى

أشجان الليل
13-10-2004, 02:10 AM
عجبي...
بس المشكله فى الهبل اللى بيتصلوا بجد...
ومعذرة مالقتش لفظ أفضل من هبل أوصفهم بيه!!!

عراقية وافتخر
13-10-2004, 02:12 AM
الحل يافهلوي انك ماتتصل بالرقم وتريح نفسك وترتاح وبلاش الالف جنيه
بس هااااا
في حالة واحدة لو عايز تكلم البنت مفيش مانع

ابو الفهلوه
13-10-2004, 11:16 PM
يا جماعه الزن على الودان امر من السحر
والناس غلابه وطيبين
بس على فكره يا اشجان هم فعلا ناس هبل وعبط كمان
وكل عام وانتم بخير

ابو الفهلوه
13-10-2004, 11:18 PM
عيب يا هيام هو انا برده عرف ناس حلوه زيكم
ويروح يبس بره
انتم عندى بالدنيا
مش كده ولا ايه؟
وكل عام وانتم بخير

العتماني
16-10-2004, 10:35 PM
اولا يا ابو الفهلوه
نشكرك على الانتباه لهذا الامر الخطير
ثانيا كلمة قالها رئيس التحرير الاستاذ حمدي قنديل
من سنتين تقريبا قال انه (0900) شركات النصب العلنى
ومع الاسف انه هذه الشركات حققت نسبة ربح اكيده وعالية جدا
وطبعا شركة الاتصالات هي المستفاده برده
والمشكلة حتى الاطفال اول ما يشوفوا الاعلان في التلفزيون على طول يمسكوا التلفون ويطلبوا الرقم 0900
ويا سلام كمان لو لو لو لو واحد كسب الف جنية مثلا يقوم ينشر الخبر في الشارع بتاعه كله يخلى الى مش بيتصل
يقول انه الحكاية ده بجد وانا اتصل علشان اكسب زي صاحبي
ويبتدى يبلغ كل اصحابه وكل زمايله وكل احبابه انه في واحد كسب عندهم

وفي النهاية الى مستفاد من الموضوع كله هي شركات النصب

فاحنا ممكن نعمل حاجه
ازاى نبتدى ننشر انه الشركات دى شركات نصب ويجب الابتعاد عنها وكل واحد فينا يبلغ اصحابه
وكل واحد يبلغ واحد
او ممكن نكتب ورق زي ورق المقاطعة ونضيف فيها انه شركات 0900 وما شابها هذه شركات كلها شركات نصب ونبتدي نوزع الورق في الشوراع علشان الكل ينتبه

يجب عدم التعامل معا

ارجو من الله ان تكونو قد فهمتم ما اقصد قوله
ومعزرتاً على الاطاله


هاشم العتمانى

ابو الفهلوه
16-10-2004, 10:43 PM
كويس يا عتمتنى انك قلت الكلام اللى انا عايز اوصله بالضبط
وانا ابتديت فعلا يوم ما عرضت الموضوع هنا فى المنتدى
ولتكن هذه البدايه
وعلى فكره مفيش حد بيكسب الالف جنيه
هو فى نصاب بيكسب حد الف جنيه؟
اما انهم بيجيبوا حد فى التلفزيون ده بيكون معاهم ومن ضمن البرنامج
ويارب نكون فهمنا الموضوع كويس
وكل عام وانتم بخير

العتماني
16-10-2004, 10:57 PM
هو كلامك فعلا كده ميه فى الميه
بس هما ممكن يستخدموا ناس تنشر انها كسبت من التلفزون وهى فعلا تكون تبعهم
بس يعنى حتى لو كسب واحد الف جنية
انت شوف مصر فيها سبيعين مليون مواطن او اكثر
لو اتصل مليون واحد بس
شوف كل واحد بيتصل ياخدو منه على الاقل خمسة جنية
يعنى مليون في خمسة يعنى خمسة مليون لو دفعو الف جنية لواحد مش هيفرق معاهم
بس المشكلة انه الناس مش عارفه ان الفلوس دي كلها حرام حرام شرعا
ومفتى الديار المصرية اصدر افتاء في مجلة اللواء الاسلامى ان الشركات دي فلوسها كلها حرام ( والله اعلى واعلم )
( يعنى حتى لو اعطوا الناس فلوس فعلاً هتكون الفلوس دى حرام علشان جايه من الربا )


ويريت نوصل للناس كده

Tiger Woman
16-10-2004, 11:34 PM
الحمد لله معنديش موبايل

حروف صامته
17-10-2004, 12:39 AM
ههههههه
اة والله
لا وكمان يبيتفننوا بلارقام والاهداف وطريقه العرض
والافكار
ماشاء الله
ناقص يفاحوزا مدراس نصب
هههه اهى دى اول عيوب الموبايلات
حب الاستطلاع

ابو الفهلوه
17-10-2004, 10:48 PM
المفروض اننا نبدا بانفسنا وننصح اصدقاءنا
وهما بالفعل هينصحوا اصدقاءهم
فلا يغير الله ما بقوم حتى يغيروا ما بانفسهم
وكل عام وانتم بخير


Photo Gallery