المساعد الشخصي الرقمي

مشاهدة النسخة كاملة : ابو الفهلوه فى الصعيد...........الزعل ممنوع والغضب مرفوع......خوش على الموضوع



ابو الفهلوه
08-10-2004, 08:08 PM
ابو الفهلوه يقدم لكم احلى !!!!!!!!!!!
خوش واتفرج
========================
عملوا مسابقه لتحمل اكل نوع واحد من الطعام لمده سنه
الامريكى طلب طن هامبورجرودخل الاوضه بتاعته
الالمانى طلب 500كيلو كافيار ودخل الاوضه بتاعته
هريدى طلب سيجاره ودخل الاوضه بتاعته
وسالوه انت متاكد انك مش عايز غير سيجاره
قال ايوه
ادولهم طلباتهم
وبعد سنه
فتحوا الباب على الامريكى لقوه مات
وفتحو الباب على الالمانى لقوه مات
وفتحوا على هريدى لقوه بيقولهم:جبتوا الكبريت معاكوا؟؟؟؟
================================================== ======================
هريدى يتحدث الى ابوه
هريدى:عايز فيتراك يا بوى
ابوه:لازم تتجوز بنت عمك
هريدى:فيتراك دى مربى يا بوى
ابوه:بنت عمك عسل
هريدى:فيتراك دى برطمان يا بوى
ابوه:بنت عمك بلاص
================================================== ======================
هريدى عمل بنصيحه الله يرحمه محمد رضا وادى ضهره للترعه
ونزل بضهره البلهارسيا ادته على قفاه
================================================== ======================
هريدى بيكلم الدكتور البيطرى
هريدى:الحمار تعبان جوى جوى يا دكتور
الدكتور: بص يا هريدى حط الدواء ده فى خرطوم
وحط طرف الخرطوم فى بقك والطرف التانى فى بق الحمار وانفخ
تانى يوم الدكتور لقى هريدى جى تعبان وساله
مالك يا هريدى؟
هريدى:الحمار هو اللى نفخ الاول
================================================== ====================
هريدى كان بيقرقض اظافره وصل لكوعه
================================================== ========================
هريدى انضرب اربع رصاصات فى دماغه جاله صداع
=================================
والله لو اعجبتكم هذه النكت
عندى منها الف
بس انتم اطلبوا وانا اطنش
هههههههههههههههههه
وكل عام وانتم بخير

محمد فاروق
08-10-2004, 09:05 PM
وانت بخير

تسلم ايدك

جميلة طحن

العتماني
08-10-2004, 11:06 PM
عايزين نكت مفيدة لو سمحت

aynad
09-10-2004, 10:25 AM
جميلة يا ابو الفهلوة هههههههههه
انت فعلا بطنش علشان طلبنا منك نكت تانية لاطفال ومرتدش علينا
فأحنا مش حنسمع كلامك

عراقية وافتخر
09-10-2004, 11:57 AM
*12*
كدا يابو الفلهوة طب انا زعلت*12* منك
لاني بحب الصعايدة قوي
وكمان نكتك المرة دي بايخة . *5*

ماما زوزو
09-10-2004, 12:23 PM
هههههههههههههههههههههههههههههه
ههههههههههههههههههههههههههههه
جزاك الله خير ياابو الفهلوة
وقفت قلبى من الضحك
كل سنة وانت طيب
*170*

ابو الفهلوه
09-10-2004, 04:17 PM
يا جماعه حرام عليكم
انا مطنشتكيش ابدا يا ايناد انا والله بعزكم كلكم
بس انا بحاول انوع فى النكت
وبعدين انا كتبت نكت واتلغت عشان كان فيها جنه ونار
لذلك انا بحاول اكتب نكت تكون محترمه وكويسه
وبعدين انا اللى زعلان منكم عشان كنت تعبان ومحدش سال عليه
وكل عام وانتم بخير

ابو الفهلوه
09-10-2004, 04:22 PM
على فكره ياهيام انا بحب الصعيده جدا جدا
والمفروض انهم ولاد عمامى اصل انا شرقاوى
وعشان متزعليش مش هكتب نكت تانى عنهم
على الرغم انى كنت محوش لكم حوالى 20 نكته شديده جدا
كنت عايز اعملهم مفاجاه
بس انتم سديتوا الطريق فى وشى
وانا اسف تانى

مظلوووم
10-10-2004, 01:20 PM
ههههههههههههههههههههههههههههههههههه
نكت مالهاش حل يا ابنىهههههههههههههههههههههه
انت جبتها منين
اكيد انت قعدت مع الصعايده كتير
ايه يا عتمانى
دا احنا كنا لسه بنتكلم فى موضوعك مع عصام
وبنقول فليقل خيرا او ليصمت
انت فى قاعه فك التكشيره يا ريس
ويعنى ايه نكت مفيده
فيها فيتامين مثلا*106*
الراجل يشكر والله جايب شويه نكت لووووووووووووز*106*
والله جداد موت واول مره اسمعهم
وانتى يا هيام
نكت ايه اللى بايخه
طيب اذا كانت نكت الراجل بايخه
ورينا انتى النكت اللى مش بايخه
واتحداك انك تجيبى زيهم
وانت يا ابو الفهلوه
هات نكتك الجديده يا ابنى
وصدقنى انت كنز لقاعه فك التكشيره
والله يا ابنى قعدت اضحك عليهم قوى
وثانيا انت بتقول عندك عشرين نكته جديده
هما فين يا عم
والا انت بتاع كلام وبس
انا مستنى نكتك الشديده
ويجعله عااامر
وكل عام وانتم بخير بمناسبه رمضان
انوووووبيس

العتماني
10-10-2004, 01:56 PM
ايه يا عتمانى
دا احنا كنا لسه بنتكلم فى موضوعك مع عصام
وبنقول فليقل خيرا او ليصمت
انت فى قاعه فك التكشيره يا ريس
انا حرمت خلاص
اولاً / انا بعتزر لابو الفهلوه
ثانيا / انا كنت زعلان وقلت ادخل قاعة فك التكشيرة علشان افرح شوية لقيت النكت كلها على الصعايده
زعلت اكتر (علشان انا صعيدى )


ايه نكت مفيده
فيها فيتامين مثلا*106*

هههههههههههههههههههههههههههههههههههه
يعم اتريق براحتك
اهى كلمة طلعت منى (معلش احنا بنتكلم يعنى )

شكرا ليك
يا مظلوووووووووم

مظلوووم
10-10-2004, 02:14 PM
هههههههههههههههههه
ولا يهمك يا زعيم
طوول ما فى صعايده لازم يكون فى نكت
ههههه
ويا عم ما احنا كمان صعايده
وانتم بتسمونا صعايده بحلرى
والا انت ما تعرفش ان الشراقوه ولاد عم الصعايده
ههههههههههههههههههههه
وكل سنه وانت طيب
ويجعله عاااااامر
انووووووبيس

العتماني
10-10-2004, 02:40 PM
اخى ابو الفهلوه
ارجو ان لا تكون قد زعلت منى
بس انا الى زعلنى انك جبت النكت كلها على الصعايدة
يعنى نوع واحد من النكت احنا عايزين نكت كتير متنوعة
وانا عن نفسي هقدملك احلى هدية

جميع انواع النكت



1- نكته ماشيه فى الشارع بتعيط ليه؟

واحد ضحك عليها

*22*

2- نكته محكوم عليها بالاعدام ليه؟

موتت واحد من الضحك

*109* *147*

3- نكته دخلت الكونجرس ليه؟

نكته سياسيه

*111*

4- نكته بتمشى لوحدها ومحدش بيكلمها او يسلم عليها ليه؟

نكته بايخة

*154*

5 - نكته هدومها عليها تراب ليه؟

نكته قديمه

*132*

6- نكته خطابها كتير ليه؟

نكته حلوه

*224*



7 - نكته ملفوفه بورق سولفان ليه؟

نكته جديده



:mazika3:

8 - نكته واقفه على الباب ليه؟

نكته خارجه

*121*

9 - نكته ضربت واحد قاعد على القهوه ليه؟

بيقول على نفسه ابن نكته, ولا هى امه ولا تعرفه

*141*



10- نكته صابغه شعرها اصفر فى اخضر ليه؟

نكته روشه

*118*



12 - نكته بتوطى وهى داخله من الباب ليه؟



نكته طويله




*153*

13 - نكته ماشيه على الرصيف وماسكه سيجاره ليه؟

بتدور على حد يضحك عليها



*31*








اعتزر مره اخري الى اخى ابو الفهلوه على مشاركتى الاولى





اخوك هاشم العتماني

ابن البلد
10-10-2004, 02:56 PM
قديمة أبو الفلهوويي

وحلوه يا عتماني

العتماني
10-10-2004, 03:05 PM
قديمة أبو الفلهوويي

وحلوه يا عتماني
انا احييك على قوة ملاحظتك يا ابن البلد

انا عدلتها اول ما شفتها

مظلوووم
10-10-2004, 08:21 PM
هههههههههههههههههههههههههه
حلوين يا بو العتامين
عايزين تانى
ويجعله عاااامر
انوووووبيس

ابو الفهلوه
10-10-2004, 08:53 PM
طب مانت حلو اهو يا عم عتمان
وعلى فكره انا يسيدى بنوع فى النكت
بس كل مره بجمع النكت التى تختص موضوع واحد واكتبها مع بعضها
وعلى العموم انا مبزعلش من اى حد فى هذا المنتدى
وعشان خاطرك انا هحاول اكتبلك شويه نكت شديده
وكل عام وانتم بخير

العتماني
11-10-2004, 03:32 PM
وعشان خاطرك انا هحاول اكتبلك شويه نكت شديده
وكل عام وانتم بخير
تسلم يا باشا

وانت بالف صحة وسلامة
ورمضان مبارك علينا وعليك

ومنتظرين النكت


Photo Gallery