المساعد الشخصي الرقمي

مشاهدة النسخة كاملة : من انا ؟؟ .. هنا كل الحلقات السابقة



الصفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107

بنت مصر
01-09-2004, 07:15 AM
http://www.geii.univ-savoie.fr/~hochart/Genexi/man%20with%20question%20mark.gif


صباح الخير على اعضاء المنتدى الغاليين

النهاردة حاعرض عليكم مسابقة لذيذة جدا جدا
بس ياريت تركزوا معايا فيها كويس لانكم انتوا اللي
ممكن تنجحوها وانتوا اللي برضه ممكن تسقطوها


المسابقة عبارة عن اشتراك جديد باسم (من أنا؟) (http://www.egyptsons.com/misr/member.php?u=9385)...
العضو (من انا؟) انا اللي سجلت له في المنتدى بهذا الاسم ..
كل يومين حيتم اختيار عضو من اعضاء المنتدى وحاعطيه
الباسوورد بتاع العضو (من أنا؟) وهو حيدخل يسجل باسمه
والاعضاء يدخلوا يسألوه اسئلة عنه وعن شخصيته وهو مطلوب
منه الاجابة على اسئلتهم لحد ما يتعرفوا على شخصيته ..
يعني باختصار اليوزر نيم بتاع (من أنا؟) حيلف على كل
عضو حيقع عليه اختيارنا ليكون هو محور المسابقة ..

يعني كل مرة ارجع اختار عضو جديد وادي باسوورد العضو (من انا ؟)
ويسألوه الاعضاء وهكذا..... يارب تكون المسابقة كده وضحت للجميع


حانتظر اسمع رأيكم فيها وان شاء الله تنجح بمساعدتكم لنا


بسنت

الأزهري المصري
01-09-2004, 07:26 AM
مسابقة كويسة :)

يا ترى هنبدا بمين؟؟؟*4* *9*

ببنت مصر*5*

المهم الفكرة رائعة:)


اخوكم المحب :الازهري

بنت مصر
01-09-2004, 07:30 AM
شكرا يا أزهري على سرعة الرد
وحنبدأ بمين دي بقا حتكون سر
انت وباقي الاعضاء حتكشفوه
لما تسألوا العضو عن شخصيته

بسنت

محمد البنيان
01-09-2004, 07:36 AM
بنت مصر
إطلاله المنتدى الغالية
لقد سعدت بمشاهدة الموضوع منذ الصباح
وكان صباح جميلا بكل المقايس

الفكره جميلة جدا
وممتاز هذا الجهد المبذول

بارك الله فيك دوما
أمين

من محــــــــــــــــــــــ *3* ــــــــــــــــــــــب لك

الأزهري المصري
01-09-2004, 07:37 AM
اقتباس
"وحنبدأ بمين دي بقا حتكون سر"

طبعا ما انا عارف

هاهاهاها

اومال تبقي مسابقة ازاي

بنت مصر
01-09-2004, 07:42 AM
شكرا ليك اخي الغالي محمد البنيان على الرد ودايما انت سباق
بالتعاون والمشاركة في خلق روح الاخوة في المنتدى دائما ..


هههههههه يا ازهري ردي عليك طلع ذكي جدا
ربنا يستر بقا عليكوا مني من المسابقة
اذا كانت من بدايتها ذكاء بالشكل دا *106*

الصعيدي
01-09-2004, 08:14 AM
هتفضحينا كده يا بنت مصر
ما تخللي الطابق مستووووووووووور *13*
يالللا .. أنا هاشترك معاكم إن شاء الله
بس بلاش تبدئي بيا .. خليني أتفرج الأول شوية *9* *9*

:) :) :) :) :)

الصعيدي

محمد فاروق
01-09-2004, 11:15 AM
الاخت بنت مصر

لعبة لذيذة ...

بس ياترى العضو جاهز للاسئلة ولا لسه؟؟؟

محمد فاروق

أنفـــــال
01-09-2004, 11:47 AM
فكرة حلوة يا بسنت...
لذيذة و جميلة..
ياللا بقى هو فين العضو دة؟؟ :)

بنت مصر
01-09-2004, 11:47 AM
هههههههه يا صعيدي طيب شد حيلك بقا
وورينا الصعايدة حيعملوا ايه بعد ما فضحوكوا الاسكندرانية
واجمل تحية ليك ولكل من سيشارك في المسابقة


يا محمد ان شاء الله نبدأ المسابقة غدا صباحا وتابع معايا
عشان انت مشرف القاعة وشكلك كده حتتعك فيها وانا اخلع*106*

بنت مصر
01-09-2004, 12:02 PM
بكرة الصبح يا انفال يا حبيبتي
حتلاقي الموضوع نزل في قاعة فك التكشيرة
شدي حيلك بقا عشان تجيبي لنا الذهبية *106*

الأزهري المصري
01-09-2004, 12:16 PM
من اولها تحيز نسائي*4*

ليه انفال هي اللى تجيب الذهبية*11* *11*

الموضوع والفائز و((الشخصية)) كل ده نسائي*9*

انا معترض*12* *12*


بس مش مشكلة :)

خليها عليا انا :d

بنت مصر
01-09-2004, 12:30 PM
ههههههههه يا ازهري انت داخل بقا عشان تعمل فتنة طائفية
طب ايه رأيك لو عرفت (من أنا) برضه حخسرك *106*

الأزهري المصري
01-09-2004, 12:53 PM
واضح ان هاخسر من غير ما تقولي عشان مش تبع الحزب النسائي *12* *12*

على فكرة انا ممكن اعنل اضراب عن المسابقة وانا وكل رجال الموقع *9* *9*


وخلي القسم النسائي ينفعك*5*


ههههههههههه

أنفـــــال
01-09-2004, 12:55 PM
ايوة احنا ممكن جداً يا بسبوسة نخلي كل الاعضاء يتفقوا عليه و كل مايعرف حاجة و تطلع صح نقوله غلط..:)
انت اللي عملت في نفسك كدة يا ازهري..!!:)

daria
01-09-2004, 12:57 PM
وانا معاكووووووووووووووووووووووووووووووووووووو*9*

وممكن ابقى الاولى كمان:d
طول عمري متطوعة:)

ههههههههههههههههه

المتطوعة على الداوم
داريااااااااااااااا

الأزهري المصري
01-09-2004, 01:02 PM
حتى انت يا انفال*13* *13*

ماكنتش اتوقع كده خالص*12* *12*

عموما انا كده او كده صعب جدا اعرف احل المسابقة غير لشخص واحد اسمه(((الازهري المصري))):d :d

انا اصلا مشترك من 3 ايام واغلب الاعضاء في ((((((القسم الرجالي )))))) اصبحوا تبعي*9*

هنشوف مين هينتصر في النهاية*15* *15*

بنت مصر
01-09-2004, 02:01 PM
انت اللي جبته لنفسك يا ازهري
كان لازم تمشي جنب الحيطة بدل
ما تفاجأ بالهجوم من كل جانب
عموما انت ان شاء الله في
خلال يوم واحد حتلاقي نفسك
بقيت واحد مننا وعارفنا كلنا
هو دا جمال ورونق ابناء مصر
كلنا اسرة واحدة بنحب بعض ونبخاف على بعض
تابعنا بس شوية صغيرة حتلاقي نفسك عارف كل
الاعضاء كانك معانا من زمااااااااااااااان
عمار يا ابناء مصر


انفال الغالية معلش ازهري غلط ومش حيكررها تاني
فرأيي نسامحه وندي له فرصة ولو كررها تاني يبقى
مبدهاش هنهاجم حتتك بتتك بكل شراسة


اهلا بيكي يا دارية الحبيبة حتنوري اكيد وبعدين
انت طماعة اوي يعني عاوزة تبقى الاولي في
قلوبنا وكمان في المسابقة ؟؟ ربنا يخليكي لينا *6*

مظلوووم
01-09-2004, 02:52 PM
ههههه
مسابقه جميله اوى
بس اوعى تفكرى فيا
لانى اسرع واحد ها يتفقس فيكوا
ويا ريت ها اتفقس وبس
ههههه
دا انا هانطرد كمان
وكده تبقى باظت المسابقه
ههههههه
انا بهزر انا معاكوا يا باشا
وربنا معانا كلنا
اخووووكم
انـــــــــــــو

aynad
01-09-2004, 04:21 PM
جميلة اووووووووووي المسابقة يا بوسي
وعايزة شوية ذكاء
بس بيتهيألي انه حيبقي مجهود عليكي
يلا ربنا معاكي ومعانا

لحظة صدق
01-09-2004, 04:39 PM
هههههههههههههههه
عاوزه اشترك
بس ليه طلب
بس انا صحبتك ممكن تغششينى والنبى يا بسنت
لحسن طالعه بعد الماجستير بغباء مستفحل

الأزهري المصري
01-09-2004, 04:43 PM
شفت يا بسنت
انا ساكت اهوه
ولكن لحظة صدق بتهاجم الصعيدي*7*

ايه رايك؟؟؟*9* *9*

Sheriff
01-09-2004, 05:12 PM
مساء الخيرات علي الناس الحلوين

إيه اللعبه الجميلة دي يا بسنت

انا معاكوووووووووووووووو

و لو اني مش فاهم أوي بس مش مشكلة

أنا عارف ان ربنا هيسهلها ههههههههههههههههههههه

و متخفش يا ازهري يا خويا انا جمبك اهوه

ربنا هيكرمنا إن شاء الله و هنخلص علي الناس دي كلها

متقلقشي خليك ورايا *15* *15*

الأزهري المصري
01-09-2004, 09:38 PM
ايوه كده يا شريف

100/100

انا هاعينك قائد لحركة تحرير الرجل

اي خدمه

ميادة
02-09-2004, 12:00 AM
بسم الله الرحمن الرحيم

هههههههههههههههههههههه
حلوة اوى يابسبس
هتفرج..وطبعا مش هعرف احل حاجة

فى الانتظار
ميادة

سموره
02-09-2004, 12:31 AM
و انا كمان معاااااااااااااااكو*6*

mido_vib
02-09-2004, 12:56 AM
ايه اللعبة الجميلة دى يا بسنت


انا معاكم بس مع الحزب الرجالى :d


معاك يا ازهرى بس يا ريت تحطنى فى منصب كويس


*15* مــــــيـــدو *15*

Tiger Woman
02-09-2004, 02:04 AM
حلوى اوى يا بسنت انا معاكو
بس عايزة اسال على حاجة المفروض ان اللى هيتسأل يضلل الأعضاء يعنى ممكن يقول اجابة تحمل معانى كثيرة و لا لازم يرد بصراحة و خلى الوقت بتاع الصبح مفتوح شوية طولى يعنى علشان نقدر نشترك

على رأى القرموطى معلش احنا بنتكلم :d

الصعيدي
02-09-2004, 06:08 AM
ولكن لحظة صدق بتهاجم الصعيدي *7*
ايه رايك؟؟؟*9* *9*

إبه يا عمنا .. أجئت تطلب ناراً .. أم جئت .... صباح الفل
آآآخ من الأزهريين وعمايلهم .. :d :d

الصعيدي

alaahedya
02-09-2004, 06:56 AM
هههههههههههههههههههههههههه

ابن الجنوب
02-09-2004, 07:37 AM
واد عمنا .. صعيـــــدى ....
أنا واحمد نصر صعايدة المنتدى معاك ،
خش بقلب جامد ومتخافش ...
بس المشكلة أنك لو دخلت المسابقة (من أنا؟) مش هنعرفك :d

ابن البلد
02-09-2004, 07:48 AM
ha where is the man ??
*105*

الصعيدي
02-09-2004, 07:52 AM
إحنا ما عنخافش واصل
مرحب بيك وبولد العم أحمد ناصر
ولا يهمكم .. لو دخلت المسابجة هتعرفوني
وهديكم أمارة
أول ما هشوفكم
هاطخكم :) :)

الصعيدي

محمد فاروق
02-09-2004, 08:13 AM
كويس اوى يا صعيدى .....

طخهم وخد معاهم تلاتة اربعة عشان المنتدى بقى زحمة..هههه

حلو اوى عمالين نتكلم مع بعضنا ومفيش اسئلة!!!!

انت فين يابنت مصر؟؟؟؟؟؟؟؟؟؟ظ

محمد فاروق

elkery2003
02-09-2004, 08:16 AM
صباح الخير على الكل

أحمد ناصر
02-09-2004, 08:19 AM
إحنا ما عنخافش واصل
مرحب بيك وبولد العم أحمد ناصر
ولا يهمكم .. لو دخلت المسابجة هتعرفوني
وهديكم أمارة
أول ما هشوفكم
هاطخكم :) :)

الصعيدي
يابوى ياصعيدى
فكرة زينة جوى حكاية الطخ بالنار دى
إحنا دايما كنا نلعبها وإحنا صغار
:d :d
يا إبن الجنوب ياواد عمى
أنا معاك يا نديدى
إزعق عليا تلاجينى شجيك
*15* *15*
إيه الحكاية يا بسنت تلات صفحات والمسابقة لسه ما بدأتش؟؟
يالا بقى شوقتينا للمسابقة

batabeet
02-09-2004, 08:19 AM
ايدنا على ايدك ........... لعبة لذيذة اوى

الأزهري المصري
02-09-2004, 08:24 AM
عدنا اليكم باخر الفرمانات

تم تعيين ميدو كمساعد اول للقائد

والبقية تاتي


قائد الحبهة الرجالية :الازهري

مـن أنا؟
02-09-2004, 10:43 AM
الاخوة والاخوات الكرام

قامت ادارة المنتدى بخلع ثوبي الاصلي

واستبداله بثوب جديد خاص بالعضو المجهول من انا؟

ولكي اعود الي جلبابي الفضفاض سريعا سأتعاون

معكم باقصى جهد لاعود الي ملابسي الاصلية

فلا تتأخروا علي بالاسئلة وفي انتظاركم

حتى تتعرفوا علي شخصيتي الاصلية

وطبعا سوف اضللكم بقدر استطاعتى لكن بدون كذب

alaahedya
02-09-2004, 10:45 AM
طب المهم تلبس اى حاجة دلوقتى عشان نعرف نبص عليك
يعنى على الأقل قميص ولا بنطلون
يكسوفىىىىىىىىىىىىىى

أحمد ناصر
02-09-2004, 10:47 AM
هل مشاركاتك أكثر من الألف أم أقل؟؟

أنفـــــال
02-09-2004, 10:53 AM
هل انت نشيط في القاعات الأدبية؟؟

العوريفي
02-09-2004, 11:16 AM
فى اى قاعه تتواجد اكتر

بنت مصر
02-09-2004, 11:35 AM
شد حيلك يا اسمك ايه؟؟ اقصد يا من انا

daria
02-09-2004, 11:38 AM
ينفع اسال ذكر ولا انثي ولا مش ينفع؟
لو مش ينفع ممكن اسال معظم موضوعاتك المكتوبة في اي قاعة؟

ماما زوزو
02-09-2004, 11:46 AM
ياترى انت من هيئة الاشراف الموقرة
ولا من الاعضاء الكرام ؟؟؟؟؟؟؟؟؟؟؟

*8* *3* *8*

الصعيدي
02-09-2004, 12:02 PM
شوف بأه .. هاعرفك يعني هاعرفك *14*
س - تاريخ تسجيلك في المنتدى شهر كام سنة كام ؟؟
لو السؤال ده ما ينفعش .. يبقى السؤال عملت كام مشاركة في شهر أغسطس 2004

مارشيللو .. :d :d

الصعيدي

أحمد ناصر
02-09-2004, 12:15 PM
يا عم من أنا
إنت فين ؟؟
إنت الرجل الخفى ؟؟
ماتجاوب بقى على أسئلتنا
إنتوا عارفين .....
أنا حاسس إنه إبن البلد
أصلى كتب له فى كام موضوع كده ردود وهو مطنشنى
يبقى أكيد هو
*109*
*109*
*109*

لحظة صدق
02-09-2004, 12:42 PM
انا حاجيب من الاخر ومش حاسالك انت ابن البلد

صح

وبعدين شيل ايدك دى البتشاور بيها صبعك حيدخل فى عينى
اى ياعينى

الأزهري المصري
02-09-2004, 12:59 PM
انا عايز اعرف اول حرف من اسمك


ينفع؟؟؟؟


Photo Gallery