المساعد الشخصي الرقمي

مشاهدة النسخة كاملة : مذكرات بانجو وروشنة .. الحلقة الأولى .. المقامة الحلاَّقية



الصعيدي
08-09-2004, 07:18 AM
يوميات بانجو و رَوْشَنَة

الحلقة الأولى .. المقامة الحلاَّقية

قال مدمن بن خرمان :
خرجت في ليلة مُدْلهَِِمَّة .. لأقف مع الأنيتم على (الإمَّة)*
وهذه عادتي منذ زمن طويل .. ولم أنقطع عنها إلا القليل
حيث أن البيت دمه ثقيل .. ولا يصلح إلا لهواة الجنزبيل
وأما أنا فدائماً مع شلة الهنا .. وشهرتي بانجو .. وأنتيمي رَوْشَنَة
ولم أنقطع عن الأنتيم أبداً .. ولا الأمس ولا اليوم ولا حتى غداً
فدائماً نحن على الإمَّة مُتَلطِّعون .. لا نخاف مخبراً ولا يحزنون
ولاعمل لنا إلا التشييش .. وضرب البانجو وشرب الحشيش
فوصلت للمكان كالمعتاد .. فلم أجد أحدا من الأولاد
فقلت فلأذهب إلى الحلاق .. لأحلق حتى يأتي الرفاق
وكان صديقي العزيز روشنة .. قد أعطاني (باكتـــَّة)* صغننة
فشربتها لأعدل المزاج .. لسهر الليل والابتهاج
# وهذه أمور لا يعرفها الكثير .. ولا ينبئك مثل خبير
وبعد أن فارقت الحلاق .. ذهبت للأولاد في الزقاق
فوجدت الفريق في المكان المعهود .. غير أن روشنة غير موجود
ولم أر الأنتيخ ولا اللمبي .. فلعب الفأر في عبي
حيث وجدت القوم في وجوم .. ولم يردوا على السلام المعلوم
فسألت أين اللمبي وروشنة .. فإذا بأخبار آخر عكننة
وذلك أن هذه الكومبينة .. بعد سهرة الأمس المتينة
ساروا في الطريق وهم مساطيل .. يفعلون الأعاجيب والأفاعيل
فمروا على أحد الأفران .. فوقف روشنة كالسكران
وصاح في طابور المساكين .. إخرسوا يا مجرمين
ألا تعلمون من أنا .. أنا الصول روشنة
هاعلقكم كلكم يا غجر .. وأجركم في الطريق كالبقر
فخرج له الفران مهددا .. فسبه المسطول متوعدا
فأمسك الناس بتلابيبه .. وأقسموا أن لابد من تأديبه
فنال ما نال من التلطيش .. وسحبوه من قفاه إلى الشاويش
ومازال حتى الآن في التخشيبة .. حيث يفعلون به الأفعال المريبة
وأما عن اللمبي فحدث ولاحرج .. فقد جرى وسط الهرج والمرج
ووصل بالكاد إلى منزله .. فإذا برجل غريب في داخله
فأمسك بتلابيبه وقال يا لعين .. إلى متى تفعل الفعل المشين .. وتدخل البيوت كالمجرمين
وجره من قفاه كالذبيح .. فخرجت امرأته تولول وتصيح
فقال اخرسي فأنت طالق .. منذ متى تعشقين هذا المارق
وتدخليه البيت في غيابي .. لابد من طردك كالكلاب
فخرج الجيران مسرعين .. وأمسكوا صديقي المسكين
وأكثروا من شتمه وضربه.. ولطمه وصفعه وسبه
وقالوا له إلام يا ملعون .. تقتحم البيوت كالمجنون
وتأتي في الساعة المبكرة .. وتدخل الشقة المجاورة
وإذا به قد أخطأ العنوان .. ودخل مسطولاً على الجيران
وهو الآن في بيته ممدد .. وجسمه كاللحم المقدد
هذا ما كان من شأنهم .. ولابد أن تكون في عونهم
فصحت قائلا لا كنت أنا .. إن لم أحرر صاحبي روشنة
وانطلقت في طريقي هادرا .. إلى قسم الشرطة مزمجرا
فأوقفني المخبرون على الباب.. فسببتهم بأقذع السباب
وضربت أكبرهم فخر صريعا .. فإذا بهم يفرون جميعا
وانطلقت إلى باب التخشيبة .. وضربته بقبضتي الرهيبة
فإذا بهذا المخبر اللعين .. قد جمع رفاقه أجمعين
وأحضروا خرطوم المطافي .. يريدون قتلي وإتلافي
فلما بدأ الماء في الانطلاق .. أفقت فإذا أنا عند الحلاق
وأنا جالس على الأرض في إعياء .. وهو يصب على رأسي الماء
# والناس من حولي يضحكون .. وهم من الضحك ميتون
فقالوا ماذا شربت ياهذا .. فقلت وتصبون علي الماء لماذا
فقالوا لقد رأيناك تسب الفران .. ثم سببت امرأة الجيران
ثم ضربت صبي الحلاق ضربة منكرة .. وانهلت على الباب تريد أن تكسره
فلما رأيناك أوسعت الباب ضربا .. صببنا عليك الماء صبا
# فقلت لا .. !!! .. فقالوا هكذا والله .. فقلت لا حول ولا قوة إلا بالله
وخرجت من عندهم ساخطا لاعنا .. وبصقت في وجه اللمبي وروشنة
-------------------------------------------------
* الإمة : ناصية الشارع عند الاسكندرانية .. أجدع ناس
* الباكتة : وحدة البانجو في السوق المحلي

-هذه المقامة وإن كانت من تأليفي إلا إنها من وحي مقامات بيرم .. وللأمانة أيضا فقد استعرت من مقامته ثلاثة مقاطع رمزت لها بالرمز #

الصعيدي

محمد فاروق
08-09-2004, 07:41 AM
الصراحة بغض النظر عن الموضوع المحرض على الادمان !!!!!
لكن المقامة جامدة طحن طحن طحن
وتسلم ايدك
انتو كنتو فين من زمان.... فك التكشيرة كانت محتاجالكم اوى
عايزين اللى بعده بسرعة
وسلملى على اللمبى وقوله "العيال بطلوا يشدو كلة تحت كوبرى الملك الصالح وبقوا يشدو ....... بوية بلاستيك بس ايه ..سايبس"

محمد فاروق

أحمد ناصر
08-09-2004, 07:57 AM
شكرا يا صعيدى يا بلديه
على هذه المقامة الهدية
بس إنت ساكن فى إسكندرية ليه؟؟
إنت جاسوس على البحاروة ولا إيه؟؟

الصعيدي
08-09-2004, 08:36 AM
بس إنت ساكن فى إسكندرية ليه؟؟
إنت جاسوس على البحاروة ولا إيه؟؟

إيه يابو حميد .. إنت لسه لغاية دلوقت فاكرني صعيدي بجد .. لا لا لأ .. ده انت كده هتخليني أصدق اللي بيقولوه

:d :d :d :d :d

الأخ العزيز محمد فاروق .. شكرا على المرور .. والتشجيع .. وأقابلك بالليل عالإمة

*3* *3* *3* *3*

الصعيدي

مظلوووم
08-09-2004, 08:47 AM
هذه المقطوعه السيمفونيه
اكيد من عيال اسكندرانيه
عسل اوى وشديده جامد طحن
وماشيه اوى مع اللحن
وكان نفسى اجيب صحن
واخودلى منها معلقه
ههههههههههههههههه اخوكم اللى بيحب التريقه
انوبيــــــــس

الصعيدي
08-09-2004, 10:24 AM
هذه المقطوعه السيمفونيه
اكيد من عيال اسكندرانيه
عسل اوى وشديده جامد طحن
وماشيه اوى مع اللحن
وكان نفسى اجيب صحن
واخودلى منها معلقه
ههههههههههههههههه اخوكم اللى بيحب التريقه
انوبيــــــــس

اتتريق يا عم براحتك
بس ماتقفش هنا كتير أحسن شوية والبوكس يكبس علينا

:d :d :d

يا فكيييييييييييييييييييييييييك

lost
08-09-2004, 11:17 AM
فنان يا صعيدى
جميلة جدا جدا جدا جدا جدا

الصعيدي
08-09-2004, 12:11 PM
فنان يا صعيدى
جميلة جدا جدا جدا جدا جدا

شكرا يالوست .. ده من ذوقك *7* *7*

بنت مصر
08-09-2004, 01:28 PM
بجد يا صعيدي رهيبة انا فعلا مذهولة
انت فعلا موهوب جدا
المهم بقا عاوزين نشوف الحلقة التانية بسرعة

والحمد لله انك انتهيت في الحلقة الاولى الي ان الادمان افعاله وحشة

في انتظار الحلقة القادمة وتقبل تحياتي


بسنت

مظلوووم
09-09-2004, 03:36 AM
ههههههههه البوكس
ما بخافش وانت عارف
انا ممكن اعمل ايه انا اللى يبعنى ابيعه ما ندمش فى يوم عليه
صحيح انا قلبى طيب
صحيح دايما حزين
دانا اللى يسيبنى اسيبه وانساه لو هوااااا ايييييييييييييييييه
انساه لو هوا مين
بس خلااص
ويجعله عااااامر
انوووووووووووووبيس

الصعيدي
09-09-2004, 07:40 AM
ههههههههه البوكس
ما بخافش وانت عارف
انا ممكن اعمل ايه انا اللى يبعنى ابيعه ما ندمش فى يوم عليه
صحيح انا قلبى طيب
صحيح دايما حزين
دانا اللى يسيبنى اسيبه وانساه لو هوااااا ايييييييييييييييييه
انساه لو هوا مين
بس خلااص
ويجعله عااااامر
انوووووووووووووبيس

الله يا مظلوم .. إنت كده يابني هتقطع عليا :d :d
ماتكتب الحاجات الحلوة دي في قاعة الفن أحسن *3*
(أنا مش في سن والدك .. بس باستخدم كلمة ابني للنصح) *9*
سمعت الكلمة دي قبل كده فين .. فين :d :d

الصعيدي

بنت مصر
09-09-2004, 09:22 AM
فين الباقي يا صعيدي؟؟

الصعيدي
09-09-2004, 09:36 AM
فين الباقي يا صعيدي؟؟

باقي إيه .. هي الباكتة عندي بعشرين جني .. مافيش باقي .. لما انتوا مالكوش في الصنف بتشربوه ليه

*89*

ههههههههههه .. لامؤاخذة .. لسه الإنتاج الجديد مش جاهز .. أصل الحاجات دي باكتبها اليومين دول .. مش عندي من زمان

أحمد ناصر
09-09-2004, 11:44 AM
إيه يابو حميد .. إنت لسه لغاية دلوقت فاكرني صعيدي بجد .. لا لا لأ .. ده انت كده هتخليني أصدق اللي بيقولوه

:d




الصعيدي
الله الله الله
إيه ياعم؟؟
*14* *14*
هو إنت صعيدى تايوانى ولا إيه
*11*
أنا كنت فاكرك أصلى
:)
ولا علشان سيادتك إبتديت من أولها بالمقامة الحلاقية
*9*
لأ يا عسل
إحنا لا نحب اللى يحلق لنا
ولا نحب اللى ينفض لنا
*9*
بتقول إيه؟.
*11*
بأتخانق ليه؟
*11*
ولا بأتخانق ولا حاجة
ده أنا بأهزر والله
بس إنت عارف بقى هزار الصعايدة
*8* *3*

مظلوووم
09-09-2004, 02:52 PM
ههههههههههههههههه وبتقووول انا اللى بتريق يا صعيدى
ه ماشى يا باشا
ويا ريت تمدنا بالجديد
وسلملى على التروماااااااى
هههههههه
اخوك انوووووووووبيس
صحيح نسيت
هه ويجعله عاااااااامر

daria
09-09-2004, 04:22 PM
جميلة اوي يا صعيدي
يا فرحتك يا محمد يا فاروق(مشرفنا العزيز)
واضح ان بقى لي هنا حجز دااااااااااااااااااااااااااااااائم
ممكن؟

معاذ رياض
09-09-2004, 08:11 PM
كنت عايز أكتب تعليق بس نسيته ،
الله يخرب بيت البانجو ، الظاهر اني دخلت قاعة غلط .
هو أنا في منتدى ايه ؟

مظلوووم
10-09-2004, 02:49 PM
منتدى الحظ والفرفشه
ههههههههه
شعارنا دائما
اشرب وهيص وانسى البوليس
واغنيتنا المفضله
ذهب اليل طلع الفجر والحشاش كركر*65*
جاب الجوزه قلها شدى قالت له عمرر*68*
ماما قالتله سيب الجوزه وخليها فى حالها*23*
ساب مدرسته ورمى كراسته وراح جر حجرها
راحت الجوزه ملهلبه ايده لما مسك نارها*108*
وادى جزات اللى ما يشربش سجاير كيلوباترااا*110**
هههههههههه
مع الاعتذار للفنان (محمد فوزى)
ويجعله هههههههه معمر
انووووبيـــــــــــــس

daria
14-10-2004, 11:12 PM
الاخ الصعيدي
انتظرت طويلا ردوك علينا لم اجد
غريبة
كل عام وانت بخير

الصعيدي
17-10-2004, 11:44 AM
الاخ الصعيدي
انتظرت طويلا ردوك علينا لم اجد
غريبة
كل عام وانت بخير

العزيزة داريا .. رجعتيني للمنتدى بسرعة مع إني بسبب انشغالي الشديد كنت معتذر عن المشاركة في رمضان .. ولكن فوجئت بالإخطار على الميل بتاعي إن فيه رد على مشاركة مذكرات بانجو وروشنة .. طبعا أنا عشان الشهر الكريم بطلت البانجو والروشنة والحمد لله .. فقلت خير اللهم اجعله خير .. لتكون مذكرة ضبط وإحضار من الكركون .. بس الحمد لله جت سليمة .. وأنا آسف جدا إني سبت الموضوع من غير الرد على المشاركين الأعزاء .. مش عارف إيه اللي حصل .. ولكن دي طبيعة اللي بيشتغل في الأصناف دي :d .. وكل عام وأنت بخير وتقبل الله منا ومنكم الصيام والقيام وصالح الأعمال .. وشكلي كده مش هاقدر أبعد عن المنتدى أكتر من كده *8*

مظلوووم
17-10-2004, 01:52 PM
ياعم الصعيدى تهون عليك الجوانات
هههههههههههههههه
يا زعيم كل سنه وانت طيب
هوا حد يقدر يمشى من المنتدى
هوا دخوول الحمام زى خروجوه
هههههههههههههههههه
ويجعله عااامر
انووووبيس

أشرف المجاهد
28-05-2005, 01:36 PM
بسم الله الرحمن الرحيم

أخى الحبيب محمد الصعيدى

ايه يا عم الكلام الميه ميه ده

خلى بالك الحلقة الثانية لازم تكون أحلى كمان وكمان

تسلم ايديك يا محمد وربنا ما يحرمنى من عطائك الهادف الطيب هذا

بارك الله فيك اخوى

جزاك الله كل خير

ضابط شرطة
28-05-2005, 01:54 PM
ايه يا عم الطحن بتاعك ده


نتمنى الحلقات الاخرى اروش و اطحن

:d

أمة الله
28-05-2005, 01:58 PM
بسم الله الرحمن الرحيم
السلام عليكم و رحمة الله و بركاته
جميله جدا يابو يحي عايزين من الحاجات دى يامه و على رأى الأخوة الإسكندرانيه لما سألوهم الحشيش حلال و لا حرام قالوا
ان حلال أدينا بنشربوه و ان كان حرام ادينا بنحرقوه هههههههههههه
وفى انتظار الحلقه التانيه

الصعيدي
30-05-2005, 08:05 AM
إيه يا عم أشرف .. انت رحت طلعت الحاجات القديمة .. ياعم احنا خلاص ربنا تاب علينا من السكة دي من يوم ما اشتغلنا في لقاءات في حب الله .. لازم تفضحنا قدام الزملا .. هههههههههههههه

أعزائي
ضابط شرطة
أمة الله

أشكركم على المرور والتعليقات الجميلة .. ومستعدين لتوصيل الطلبات للمنازل .. هههههههههههه

DodiFodi
28-03-2006, 02:34 PM
فدائماً نحن على الإمَّة مُتَلطِّعون .. لا نخاف مخبراً ولا يحزنون
ولاعمل لنا إلا التشييش .. وضرب البانجو وشرب الحشيش :( :eek:

مقامه رائعه - تربت يداك

ابن البلد
28-03-2006, 02:44 PM
هههههههههههه
فين باقي الحلقات يا أستاذي :f:

الصعيدي
20-12-2006, 04:18 AM
فدائماً نحن على الإمَّة مُتَلطِّعون .. لا نخاف مخبراً ولا يحزنون
ولاعمل لنا إلا التشييش .. وضرب البانجو وشرب الحشيش :( :eek:

مقامه رائعه - تربت يداك

شكرا دودي فودي .. تقبلي تحياتي *8*

الصعيدي
20-12-2006, 04:20 AM
هههههههههههه
فين باقي الحلقات يا أستاذي :f:


Coming soooooooooooon is sha Allah


:2: :2: :2:


:h: حبيبي أحمد باشا :h:

أنفـــــال
02-01-2007, 06:03 PM
لما قرأت الحلقة الثانية ..
أدركت أنه قد فاتني الكثير بعدم قراءتي للحلقة الأولى ..
:)
فعلا جميل.. ربنا يبارك لنا فيك يا ابو يحيى ..
:f2:

الصعيدي
03-01-2007, 07:25 PM
لما قرأت الحلقة الثانية ..
أدركت أنه قد فاتني الكثير بعدم قراءتي للحلقة الأولى ..
:)
فعلا جميل.. ربنا يبارك لنا فيك يا ابو يحيى ..
:f2:

بل فاتني أنا الكثير أختي الفاضلة .. ومرحبا بك في مذكرات البانجو والروشنة .. خلينا نغير الصنف شوية .. تقبلي تحياتي أختي الفاضلة *8*

طـــــير في الســـما
20-01-2007, 03:56 PM
ههههههههههههههههه، و لا الاول ألقي السلام، سلام الله عليك أخي الصعيدي ، اعمالك جميلة و كلماتك رائعة ، ألف شكر علي هذا المجهود

عبده الدرملى
22-01-2007, 09:58 PM
ههههههههههههه
جامده طحن يا صعيدى
بس الحلقه التانيه هتبقى فين عند الكوافير


Photo Gallery