المساعد الشخصي الرقمي

مشاهدة النسخة كاملة : نكت جنوبية طازة



الصفحات : [1] 2

ابن الجنوب
23-08-2004, 07:10 AM
مره المدرس سأل الاطفال فى الفصل الى يفتكر نفسه غبى يقف ... بعد




شويه وقف تلميذ ...فساله المدرس و ليه بقه يا سيدي بتفتكر نفسك غبي



..فرد عليه التلميذ اصلي محبيتش اشوفك واقف لواحداك يا أستاذ



>>>>>



>>>>>



>>>>>



المدرس : يعيش السمك فى الماء... التلاميذ:يعيش يعيش يعيش



>>>>>



دخل التلميذ على مامته بيعيط قالتله فيه ايه ياوله قام قلها المدرس



سألني مين اللي حفر قناة السويس ماعرفتش قام ضربني قالتله عارفاك



وعارفه شقاوتك ماحدش حفرها غيرك



>>>>>



>>>>>



>>>>>



التلميذ : بحبك يا أبله و عاوز أجوزك... المدرسه: بس أنا مبحبش



الأولاد الصغيرين... التلميذ: وأنا مش مستعجل على الأولاد



>>>>>



>>>>>



>>>>>



مره عيل صغير بيسال امه و هي حامل ايه ده يا ماما فقالت له ده اخوك



يا حماده تاني يوم المدرسه بتساله انت ليك اخوات؟ قلها كان ليا بس



ماما بلعته



>>>>>



>>>>>



>>>>>



واحد بيستهبل اتجوز وحده بتستهبل ، خلفو واد ... لما خرج عمل فيها



ميت



>>>>>



>>>>>



>>>>>



واحدة بتسأل أمها : هو بابا بيعرف يعوم؟؟ فقالتلها:بتسألى ليه ؟؟؟



قالتلها أصلى سمعت بابا بيقول للشغالة : (أنا غرقان فى حبك)؟؟؟



>>>>>



>>>>>



واحد نذل ابوه طرده من البيت وهو طالع كتب على السور ، مقر حركة



>>>>>طالبان



>>>>>



>>>>>



مرة واحد ندل وصى ولادة وهو فى غرفة الانعاش يكونو ا اندل منه ،



راحو فصلوا عنه جهاز الاوكسجين



>>>>>



>>>>>



في ساندوتش لابس بامبرز لييه ؟؟؟؟؟؟؟؟؟؟ وجبة اطفال



>>>>>



>>>>>



مرة مدرس ريلضة قال للولد انت غبى اوى وكل يوم يقولة انت غبى اوى



راح الولد لابوة قالة ان المدرس بيقولة انت غبى اوى فراح الاب



للمدرس قالة انت ازاى تقول للولد انت غبى اوى فالمدرس قالة ايوة



ابنك غبى تحب تشوف ، فقال للولد روح يا بنى دور علية فى الحوش شفنى



هناك ، راح الولد جرى يدور علية فطلع يقولة ملاقيتكش يا استاذ



...... راح الاب قال للولد ملاقتوش فى الحوش دور علية عند الناظر



>>>>>



>>>>>



واحد قال لأبنه: نابليون وهو أدك كان أول واحد في الفصل،... رد



الواد على أبوه : نابليون وهو أدك يا بابا كان إمبراطور



>>>>>



>>>>>



ذهب أحد الأطفال إلى أمه وقال لها : ماما .. أعطيني نقوداً حتى



أعطيها لرجل مسكين يزعق ويصيح في الشارع . ففرحت الأم لطيبة قلب



طفلها فأعطته النقود ، ثم سألته : ولماذا يصيح هذا الرجل ؟ قال



الطفل : إنه يصيح .. آيسكريم ... آيسكريم



>>>>>



>>>>>



مدرس يسال طالب كم عمر أبوك؟ قال الولد :والله مأدري بس هو من زمان



عندنا



>>>>>



>>>>>



مرة ولد شاف قطة فى الشارع قال لأخوه انا هاخد القطة دى اغسلها و



اربيها.اخوه قاله لو غسلتها هتموت و سابه و مشى و رجع بعد ساعتين



لقى اخوه بيعيط وبيقوله القطه ماتت قاله مش قولتلك لو غسلتها



هاتموت قاله ماماتتش و انا بغسلها ماتت و انا بعصرها



>>>>>



مرة حلاق و ابنة بيتفرجوا على متش كورة فقال المذيع :وشطها بمشط



رجلة و جت فى المقص فقال ابن الحلاق : بابا دول بيلعبوا فى العدة



>>>>>



>>>>>



طفل صغير سال امة ازاى انا جيت الدنيا قالت له حطيت شوية سكر تحت



السجادة لاقيتك جيت ... راح الطفل حاطط شوية سكر تحت السجادة...



يومين و لاقى صرصور فقال له لو مكنتش ابنى كنت قتلتك



>>>>>



>>>>>



بخيل صحى من النوم قال لمراته أنا حلمت إنى اشتريت للأولاد 3 كيلو



موز و2 كيلو تفاح قالت له يا راجل ليه التبذير ده قال لها اسكتى



خلى العيال تاكل



>>>>>



>>>>>



مرة واحد مدرس سأل واحد تلميذ أبوك اشترى من الفكهانى اتنين كيلو



برتقال سعر الكيلو اتنين جنية يبقى ابوك دفع كام؟ فقالو التلميذ



يبقى دفع اتنين جنية ياأستاذ فقالو الاستاذ بص يابنى انت ماتعرفش



حساب فقالو التلميذ لا ياأإستاذ دا انت اللى ماتعرفش ابويا



>>>>>



>>>>>



واحد بخيل ييجي بالليل و يقول لولاده مين يتعشى ومين ياخد جنيه كل



الولاد يقولو ناخد الجنيه ييجى الصبح ويقولهم مين يفطر و يعطى



لبابا جنيه



>>>>>



>>>>



مره حشاشين كانو قاعدين في خيمه...بس مكانش معاهم حاجه يولعو بيها



فبعتو واحد منهم يجبلهم ولاعه...طلع ودخل من الناحيه التانيه !!و



قال يا جماعه لو سمحتو ممكن ولاعه.... قالوله اقعد..اقعد.. احنا



بعتنا واحد يجيب

DAHLIA MAHM,OUD
23-08-2004, 07:25 AM
حلوين اوى و فعلا خلتنى اضحك ع الصبح و ما احلى ان يبدأ الأنسان يومه بأبتسامه

تسلم ايديك يابن الجنوب

ابن الجنوب
23-08-2004, 07:37 AM
ربنا يجعلك مبسوطة دايما ان شاء الله ، وياريت برضه نشوف أعمالك الجميلة

أنفـــــال
23-08-2004, 12:04 PM
الله عليــــــــــــك يا ابن قنا...
تسلم ايديك اللي كتبت..
أنفـــــــال

lina
23-08-2004, 02:00 PM
ههههههههههههههههههههه حلوين اوي
تسلم ايدك يا ابن الجنوب


طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة...
يومين و لاقى صرصور فقال له لو مكنتش ابنى كنت قتلتك
فيري نايس :d

سلام
لينا

شادي الفلسطيني
23-08-2004, 03:14 PM
نكته جميله اؤي ولو في كمان يكون احسن واحسن

ايمى ميشو
23-08-2004, 10:26 PM
نكتك حلوة اوى يا ابن الجنوب
تحياااااااااااااااااااااتى لك

ايمى

مشالي
24-08-2004, 01:34 AM
فعلا جميلة أوي وجديدة
ربنا يملى أيامك كلها سعادة

MaTR|X
24-08-2004, 02:23 AM
ههههههههههه
جميلة جدا
ألف شكر يا باشا

V_I_P
24-08-2004, 07:39 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه

بجد نكت زي العسل ... تسلم ايدك يابن الجنوب

ابن الجنوب
24-08-2004, 08:19 AM
الحمد لله ان النكت عجبتكم وإن شاء الله أجمع لكم نكت جديدة
لأنى أحب أشوفك مبسوطين دايماً

ندوش
24-08-2004, 03:36 PM
نكتك كتير حلوين وانا مستنيه الباقي

شاهين
27-08-2004, 10:19 PM
حلوة النكت دي

بنت مصر
29-08-2004, 11:05 AM
ههههههههههههه نكت لذيذة جداااااااااا

اسمح لي اشارك بنكته انا كما

واحد بخيل جدا جدااااااا حلم وهو نايم انه بيفرق فلوسه .. لما قام من النوم قال ابقا جزمة لو نمت تاني بعد النهاردة


:d:d:d:d:d

د0 احمد فنديس
29-08-2004, 11:18 AM
واحد بخيل بيطلع في الروح نادى علي ابنه الكبير
ـ يا محمد إنت فين؟
ـ أنا هنا جنبك يا والدى
ـ وأخوك علي؟
ـ جنبك برضه يا بابا
ـ أنتو الاتنين هنا وسايبين النور مولع برة في الصالة ياولاد الـ....؟
---
واحد بخيل جدا والده مات عيط عليه بعين واحدة!!!!!!!!!!!!!!!!!!!!!!!!
_____
اتنين مساطيل قاعدين جنب الهرم واحد قال للتاني
ـ تصور الهرم دا بنوه في خمسين سنة
ـ يااااااااااه. خمسين سنة كتير قوى
ـ ما هم كانو كل ما يرصوا حجرين المباحث تكبس عليهم
_____
صباحكم فل

بنت مصر
30-08-2004, 01:45 AM
ههههههههههههههههههههههههههههههه مش ممكن يا دكتور احمد
احنا مش حنخرجك من قاعة فك التكشيرة مادامت مشاركاتك رهيبة كده

:d :d :d :d :d :d

batabeet
30-08-2004, 01:50 AM
نكت زى العسل بالرغم انا بكتب نكت ماشفتش احلى واجمل والذ من كدة

أحمد ناصر
30-08-2004, 08:46 AM
أيوة كدة يابن الجنوب
أخيرا لقيت حد ما بيقولش نكت على الصعايدة
ده أنا فيه ناس كتير لابدلهم فى الدرة بسبب الحكاية دى

د0 احمد فنديس
30-08-2004, 12:01 PM
نكت من تأليفي

أول واحدة

واحد هريدى صغير بيسأل أبوه
ـ هو ربنا خلج لنا الودان ليـ ـ ـ ـ ه يا بوووووى؟؟؟
ـ علشان نعرف العمة اللي علي راسنا ها تجف لحد فين

مهداة لبنت مصر

التانية

واحد هريدى ودنه كلته حب يهرش فيها بحاجة
مالقاش غير قلم رصاص جديد
لفه في ودنه تلات أربع لفات طلع القلم من ودنه التانية
مبرى

مهداة للحظة صدق بمناسبة الماجستير

التالتة
واحد هريدى رايح حفلة ولازم يلبس بدلة وكرافتة
معرفش يربط الكرافتة علموه بسرعة إزاى يربطها
دخل أوضته يلبس غاب جدا
بعد نص ساعة فتحوا عليه الأوضة
لقوه نايم علي الكنبة ولابس وآخر تمام بس

مخنوق

مهداة للـ لابد في الدرة

ودمتم
والجدع يؤلف نكت زيي

ابن الجنوب
31-08-2004, 08:41 AM
اتفضل ياعم أحمد ناصر هيبدأوا يألفوا نكت على الصعايدة
واحنا اللى بدعنا النكت

مهـــــــداه لــــــ د. احمد فنديس
واحد كان ماشى فى الطريق مش على بعضه وقابل واحد تانى ..
بيقوله خطط لى ظهرى بالطول
رد عليه الثانى : ايه ياعم انت مجنون؟
الأول رد عليه : انت اسمع الكلام بس ...
قام التانى خطط ظهر الأول بالطول
الأول قاله : تمام كدة خطط ظهرى بقى بالعرض ...
قام خطط له ظهره بالعرض
الأول قاله : دلوقتى بقى رقمهم
قام التانى رقمهم
قاله الأول تمام كدة ... أهرش لى فى رقم 56
يارب تفهموهــــــــا

ابن الجنوب
31-08-2004, 08:48 AM
خدوا دول كمان :
- اتنين بلدياتنا كانوا بيمصوا قصب .. وهما قايمين ملقيوش النبوت(الشوم) بتاعهم
- واحد مسطول كان معاه مسامير ، فوقع منه مسمار كسل يجيبه ...
رمى باقى المسامير وقالهم : هـــاتووووووووه

:d :d :d :d :d

أحمد ناصر
31-08-2004, 09:33 AM
نكت من تأليفي
التالتة
واحد هريدى رايح حفلة ولازم يلبس بدلة وكرافتة
معرفش يربط الكرافتة علموه بسرعة إزاى يربطها
دخل أوضته يلبس غاب جدا
بعد نص ساعة فتحوا عليه الأوضة
لقوه نايم علي الكنبة ولابس وآخر تمام بس

مخنوق

مهداة للـ لابد في الدرة
ودمتم
والجدع يؤلف نكت زيي
النكتة جميلة*156*
بس بالحق !!
يعنى إيه كرافتة ؟؟
*156*

m3tof
31-08-2004, 09:35 AM
صباح الفل
ابن بيسأل مامته "وهى حامل" انتي مالك تخينة النهاردة كده ليه ؟؟؟ قالت له : عيب متقولش كده يا ولد ، ده اخوك الصغير .... تانى يوم الولد راح المدرسة فالمدرس سأله :عندك اخوات؟؟ قاله : ايوة ... بس ماما بلعته

اتنين محششين قاعدين..واحد فيهم قال للتانى هات الدومينو نلعب لنا دورين شطرنج قام التانى قالله لاياعم انت بتقرص ع الزهر

رجل نساى اوى ذهب للحج وعند رمى الجمارات سال نفسه انا رميت اتنين ولا تلاته
فاعاد رميهم مره اخرى ثم ذهب للطواف فسال نفسه مره اخرى لفيت سته والا سبعه فاعاد الطواف وعند نزوله من الطائره! سال نفسه نسيت ايه يا جورج

د0 احمد فنديس
31-08-2004, 12:45 PM
العزيز أحمد ناصر كرافتة يعنى نبوت قماش يتلف ع الرقبة

هذه مهداة لك
ـ واحد مسطول قال لسواق تاكسي : تاخد كااااام وتودينى فـ ـ ـ ـين
قال السواق : هات كل اللى معاك وخليك واقف هنا

شكرا يابن الجنوب وخد بالك إن (عبد العال) صعيدى قوى

وهذه مهداة لك

واحد قابل التانى قال له :
ـ ليه غيرت لبسك . موش كنت بتلبس جلابية ليه لبست بنطلون وقميص
ـ عمري ما لبست جلاليب
ـ وكمان غيرت لون شعرك وصبغته
ـ عمري ما صبغت شعرك
ـ لا إنت اتغيرت قوى يا حسام
ـ وكمان ماسميس حسام
ـ لا الله إلا الله وكما غيرت إسمك

واحد هريدى ضرسة وجعه راح لدكتور الأسنان يخلعه له فلما خلعه لقي تحتيه برص نايم

واحد راح مشوار ورجع في (كلامه) من تأليفي ويارب هريدى يفهمها

أحمد ناصر
02-09-2004, 06:57 AM
العزيز أحمد ناصر كرافتة يعنى نبوت قماش يتلف ع الرقبة

أباى يا دكتور أحمد!!
أنا ما جادريش أهمل الكوفية
واللى عاتعرفه أحسن م اللى ماتعرفهوش

ودول هدية منى ليك
نمله راكبه جمل وبتصررررررررخ ياترى ليه ليه؟؟؟؟؟؟؟؟؟ ............بتصرررررررررخ
> عشان شبشبهاااااااااااا وقع
>
> مرة أسد شاف واحدة سودانية قالتلة : الله يخليك لا تكلني قالها : لا... أنا ممنوع
> من أكل المشويات
>
> مرة دكتور اسنان سرق حبسوه فى سيجنال2
>
> واحد غبي أوي اوي راح السينما لقى يافطة على الباب مكتوب عليها ممنوع الدخول لأقل
> من 18 راح ورجع معاه 17واحد
>
> غبى سألوه...تعرف ايه عن السيفون؟ قاللهم ده صندوق فيه حبل صغير بتضغطه فبيطلع
> لك مايّه ،...... يابتلحق تشرب يامبتلحقش
>

بيضة جواها كتكوت عدت عليها عربية ماتكسرتش ...ليه؟؟؟
علشان الكتكوت كان رافع إيديه و رجليه
>
> واحد رزل دخل السينما ما لاقاش غير واحد بس قعد وراه وقاله دماغك لو سمحت

> مرة واحد ظريف عاش في الدور.واحد أظرف منه عاش في الدور اللي فوقه

> .ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت (ملك) ههه

> ليه بلدياتنا بيربي شنبه ؟؟؟؟؟؟....................
> علشان الدبانه تمسح رجليها قبل ما تدخل
>
> قمة الهدوء.......... انك تسمع شريط فاضى
> وقمة الرخامة ..... انك تقلب الشريط
> وقمة التناحة....... انك تعيد حتة عجبتك


اتنين مخنوقين الاول قال للتاني ليه القمر ماطلعش اليوم قام قاله الغايب حجته معا

مره واحد راح للسوبر ماركت قله عندك معلبات رد عليه ايوه قله طاب ادينى علبة كبريت

فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك"
لكن مراته "ناجتس"

مرة واحد بتاع فيديو جيم مات كتبوا على قبرة game over

سوداني اتجوز سودانيه خلفوا صبي اشقر وعيونه خضر سماه مستحيل

مرة مدرس رياضيات اتجوز مدرسة رياضيات أنجبوا طفل متوازي الأضلاع

مدرس كيمياء رزق بولد .... فسماه سامي أكسيد الكربون

مرة واحد كهربائي أبوه مات، لفه في شيكارتون و دفنه في الحيطة.

مهندس كمبيوتر اتجوز وخلف ولد سماه مهنج

واحد سباك نفسه اتسدت غرق الشقه


وكل تحياتى لواد عمى ابن الجنوب

ابن الجنوب
02-09-2004, 07:15 AM
حلوة قوى ياواد عمى أيوة كدة با ابو حميد وحشتنا ووحشتنا خفة دمك
وبخصوص السودانيين
- مرة اتنين سودانيين قابلوا بعض ، الأول بيقول للثانى : تصدق مراتى كانت تقرأ
(الفرسان الثلاثة ) وخلفت ثلاث صبيان ؟!!
الثانى سابو وجرى ... قالوا لما الحق مراتى بتقرأ (على بابا والأربعين حرامى)

محمد فاروق
02-09-2004, 08:54 AM
حلو اوى النكت دى كلها يا احمد ياناصر :d :d *7*

لكن حد يقول نكته على واحد مشتبه انه صعيدى .... تطخه عيارين على طول!!!! *5* *5*

مفيش عدل حتى فى قاعة فك التكشيرة؟؟؟؟؟ *11* *13*

*8* *6*


محمد فاروق

أحمد ناصر
02-09-2004, 10:20 AM
حلو اوى النكت دى كلها يا احمد ياناصر :d :d *7*

لكن حد يقول نكته على واحد مشتبه انه صعيدى .... تطخه عيارين على طول!!!! *5* *5*

مفيش عدل حتى فى قاعة فك التكشيرة؟؟؟؟؟ *11* *13*

*8* *6*


محمد فاروق
الله يحلى أيامك يا شجيجى
لو حد جال إكده هانطربج الجاعة طربيج

د0 احمد فنديس
02-09-2004, 06:23 PM
عاجول لكو إيـ ـ ـ ـ ـه
خليكوا حلوين ومجعمزين في الضل

زى الأربعة هريدى اللي راكبين عربية بحمار
واحد موش هريدى عزمهم علي كوارع
بعد ما أكلوا لجوا حمارهم من غير رجلين

ولا الاتنين هريدى اللي راحو الأوبرا سمعوا المذيع بيقول
ـ والآن مع السيمفونية التاسعة لبيتهوفن
قال هريدى منهم للى جنبه
ـ ياخسارة يابوى فاتنا تمن سيمفونيات كده
ولا
هريدى بيلاعب هريدى تانى شطرنج شوية وقاله:
ـ موّت لك الملك
خرج التانى ورجع بعد نص ساعة وقال له
ـ سممت لك البهايم

عاوزين نكت طازة موش من مواقع تانية
تحيتى للجميع

بنت مصر
02-09-2004, 06:43 PM
واحد هريدى ودنه كلته حب يهرش فيها بحاجة
مالقاش غير قلم رصاص جديد
لفه في ودنه تلات أربع لفات طلع القلم من ودنه التانية
مبرى

ههههههههههه يا دكتور احمد بجد موتني من الضحك

:d:d:d:d:d

لحظة صدق
02-09-2004, 07:10 PM
[quote]نكت من تأليفي

أول واحدة

واحد هريدى صغير بيسأل أبوه
ـ هو ربنا خلج لنا الودان ليـ ـ ـ ـ ه يا بوووووى؟؟؟
ـ علشان نعرف العمة اللي علي راسنا ها تجف لحد فين

مهداة لبنت مصر

التانية

واحد هريدى ودنه كلته حب يهرش فيها بحاجة
مالقاش غير قلم رصاص جديد
لفه في ودنه تلات أربع لفات طلع القلم من ودنه التانية
مبرى

مهداة للحظة صدق بمناسبة الماجستير

التالتة
واحد هريدى رايح حفلة ولازم يلبس بدلة وكرافتة
معرفش يربط الكرافتة علموه بسرعة إزاى يربطها
دخل أوضته يلبس غاب جدا
بعد نص ساعة فتحوا عليه الأوضة
لقوه نايم علي الكنبة ولابس وآخر تمام بس

مخنوق

مهداة للـ لابد في الدرة

ودمتم
والجدع يؤلف نكت [/quote

[font=Arial]مهداه الى د احمد فندس

اتنين صعايدة بيلعبوا شطرنج الملك مات مشلول والوزير انتحر

ليه الصعيدي بيذاكر بره بيته علي نور الشوارع ؟؟ علشان يقولو انه متعلم في الخارج

صعيدي نام متأخر لقى الحلم بدأ


مره واحد صعيدى حب يشرب لبن سخن ولع فى الجموسه

واحد صعيدى راح يتمشى جابوه من على الحدود

مذيعه قابلت اتنين صعايده سالت الاول ايه رايك فى مصر قال الاول مصر دى امىسالت التانى وانت رايك ايه قال مقدرش اتكلم عن ام صاحبى
اتنين بلدياتنا حبوا يلعبوا شطرنج الملك ضرب نفسه بالنار

تقبل منى الورده دى كمان اهداه




*174*
مها

font]

بنت مصر
02-09-2004, 10:52 PM
عندي نكته بحبها اوي
بس ياريت تطولوا بالكم معايا
لانها طويلة شوية فمحدش يحدفني بالطماطم المفعصة *106*



في واحد سافر برا عشان يشتغل وكان عنده كلب بيحبه جدا
فاداه لواحد صاحبه وقال له دا امانه عندك
وخد بالك منه وكده

المهم بعد اسبوعين لقى صاحبه باعت له جواب بيقول له الكلب بتاعك مات


الراجل صاحب الكلب نزل على ملا وشه واغمى عليه وبقا يعيط

فقال لصاحبه ازاي تخضني كده وتبعت لي تقول لي الكلب مات مرة واحدة ؟
كان لازم تقول لي بالتدريج ... يعني تبعت لي الاول جواب تقول لي فيه
الكلب يلعب الكرة ..
وبعدين جواب تاني تقول لي فيه الكرة وقعت في الشارع
وجواب تالت الكلب كان بيعدي الشارع و بيجري عشان يمسك الكرة
وبعدين جواب اخير تقول فيه كان في عربية جاية من بعيد وخبطت الكلب ومات


فقال له صاحبه أنا اسف معلش مكنتش اعرف وكده


المهم الراجل سافر شغله تاني وهو حزين

لقي بعد اسبوع جواب جديد وصل له من صاحبه كاتب له فيه

7
7
7
7
7
7
7
7
7
7
7
7
7


ابوك يلعب الكرة

:d :d :d

د0 احمد فنديس
03-09-2004, 10:56 AM
العزيزة د0 مها شكرا علي الوردة الجميلة
وخدى النكتة دي
واحد هريدى كل يوم يفتح باب شقته ويرمي عشرة جنيه ويقفله تاني
واحد صاحبه بيسأله ليه؟
قال: عشان أهرب فلوسي للخارج

العزيزة بسنت
شكرا علي النكتة الطويلة
المرة الجاية الكلب هوا اللي ها يسافر بره
والحمد لله الطماطم اللي عندى موش مفعصة

خدى النكتة دى
هريدى قال لابنه
ـ هات ورجة وجلم وظرف عشان نكتب لعمك دواب (جواب)
جاب الصغير المطلوب هريدى حط الورقة في الظرف من غير كتابة
وقال لابنه
ـ إرميه في صندوق البوصطا
ـ لكن انت ما كتبتش حادة (حاجة) يا بوووووى
ـ أصل عمك ما عايعرفش يجرا

وآدى آخر مؤلفاتى النكتية

هريدى فتح مغسلة وعمل لها إيميل هوا
nadafa@FOM

بيسألوه
ـ ليك في الكمبيوتر
ـ أماال
ـ عندك إيميل
ـ اتنين
واحد في الشتا
دوت كوم
والتانى في الصيف
دوت نص كوم
أروح أصلي الجمعة
سلام

بنت مصر
03-09-2004, 11:20 AM
مش ممكن بجد يا دكتور احمد انا مكنتش اعرف انك عندك الحصيلة الرهيبة دي من النكت
بدد بدد نكت دبااااااااااااااارة :d


بسنت

محمد فاروق
03-09-2004, 06:29 PM
مش ممكن بجد يا دكتور احمد انا مكنتش اعرف انك عندك الحصيلة الرهيبة دي من النكت
بدد بدد نكت دبااااااااااااااارة :d


بسنت

انت بقيتى لثغة ولا ايه يابسنت *5* *5* :d

بس الصراحة النكت جميلة جدا يادكتور احمد *15* *15*

تسلم الايادى والامخاخ *8* *6*

محمد فاروق

د0 احمد فنديس
04-09-2004, 10:15 AM
معذورة يا سيدى من حلاوة النكت

واحد قصير جدا لابس بدلة ماشي في الشارع اتكعبل في الصيديري (ما يلبس تحت الجاكت)

وبعدين بلاش حكاية الأمخاخ دى لأن فيه واحد هريدى عمدة عيان راح للدكتور وبعد الكشف والتحاليل قال الدكتور بكل أسي
ـ معلهش يا عمدة البعيد عندك ( والعياذ بالله) سرطان في المخ
هرش العمدة في راسه وقال
ـ طب السرطان وعرفناه.المخ دا بجى دالنا منين (بقى جالنا)


واحد هريدى نايم فوق شريط السكة الحديد سألوه:
ـ ليه؟؟؟؟؟؟؟؟؟؟؟؟؟؟؟؟؟؟
ـ باسمعه
(من مؤلفاتى)
سلام

ابن الجنوب
05-09-2004, 07:57 AM
حلوة يادكتور وخد دى ..
- مرة واحد هريدى كان بياكل مش
الشيطان زهق من أكل المش معاه فقال له : ياخى ( سمــــى ) حرام عليك
( يعنى قول بسم الله الرحمن الرحيم )

- مرة واحد هريدى سافر القاهرة ... اتكعبل فى خطوط المرور .

أحمد ناصر
05-09-2004, 08:18 AM
وااااااااااااه
واااااااااااه
يا بووووى
مرة واحد (صعيدى)
بيقول لواحد(مش صعيدى)
شفت الإيشى بيشى اللى واقف فى البلكونة
قال له يعنى إيه بلكونة؟

د0 احمد فنديس
05-09-2004, 08:48 AM
ماهو هوا دا يابن الجنوب ابن عم هريدى اللي قفلت إشارة المرور علي ديل الجلابية بتاعه

يا عم احمد ناصر بالله عليك إحنا حولنا الاسم خلاص (لواحد هريدى) علشان الصعايدة ما يزعلوش مننا
خليها واحد هريدى بيقول لواحد موش هريدى!!!!!!!!!

فكرتنى بواحد هريدى كان ماشي في الصحرا (واخد بالك م الصحراااا دى)
فوقعت فوق راسه ......................بلكونة

والتانى بيتفشخر عليه أمريكانى ويقول
ـ عمالين تقولوا حضارة 7 تلاف سنة..إخنا ميتين سنة بس وطلعنا القمر
ـ رد هريدى : ولقيتوا فيه إيه؟؟؟؟؟؟؟؟؟
ـ أبدا..شوية رمل وزلط
ـ إحنا اللي طلعناهم فوق

واحد هريدى وقع في خلاطة اسمنت.بعد ساعة خرج ينضف جلابيته ويقول
ـ يااااااابووووووي.دى الملاهى دى وعرة جوي

صباحكم فل ياهرايدة
(عمدة كفر الهرايدة)

أحمد ناصر
05-09-2004, 09:14 AM
ماهو هوا دا يابن الجنوب ابن عم هريدى اللي قفلت إشارة المرور علي ديل الجلابية بتاعه

يا عم احمد ناصر بالله عليك إحنا حولنا الاسم خلاص (لواحد هريدى) علشان الصعايدة ما يزعلوش مننا
خليها واحد هريدى بيقول لواحد موش هريدى!!!!!!!!!

فكرتنى بواحد هريدى كان ماشي في الصحرا (واخد بالك م الصحراااا دى)
فوقعت فوق راسه ......................بلكونة

والتانى بيتفشخر عليه أمريكانى ويقول
ـ عمالين تقولوا حضارة 7 تلاف سنة..إخنا ميتين سنة بس وطلعنا القمر
ـ رد هريدى : ولقيتوا فيه إيه؟؟؟؟؟؟؟؟؟
ـ أبدا..شوية رمل وزلط
ـ إحنا اللي طلعناهم فوق

واحد هريدى وقع في خلاطة اسمنت.بعد ساعة خرج ينضف جلابيته ويقول
ـ يااااااابووووووي.دى الملاهى دى وعرة جوي

صباحكم فل ياهرايدة
(عمدة كفر الهرايدة)
*109*
*109*
*109*

ابن الجنوب
07-09-2004, 08:44 AM
ياعم التكت بتاعتكم أجمل وأحسن
وشكرا لبسنت (المشهورة بحكمة هريدى) ومحمد فاروق واحمد ناصر على النكت الجميلة دى


واسمعوا دى كمان :
- مرة واحد بلدياتنا سافر أمريكا رجع لابس جلابية جينز

د0 احمد فنديس
07-09-2004, 10:30 AM
طب خد دى

واحد هريدى راح ياخد ماجستير في طب الاسنان من جامعة (نيو ضرسي) من مؤلفاتى ومهداة لطبيبة الأسنان

هريدى صغير ميت من العياط أبو سأله ليه ؟ قال:
ـ موش عارف يابووووى لما اصحابي اللي بالعب معاكم دلوقتى يكبروا
ألعب مع مين؟؟؟؟؟؟؟!!!!!!!!!!!

يارب تكون وصلت

بنت مصر
07-09-2004, 09:55 PM
واحد هريدي راح للدكتور يقول له
يا دكتور كل لما اشرب الشاي عيني توجعني
رد عليه الدكتور وقال له طب ابقا شيل المعلقة الاول من الكوباية *109*

ايمى ميشو
07-09-2004, 10:15 PM
اين الجنوب احمد ناصر دكتور احمد
سلااااااااااااااام مربع ليكم*3*
بجد النكت تحفة
تسلم اديكم*8*

ايمى

ابن الجنوب
08-09-2004, 11:28 AM
حلوة قوى يادكتور وانتى كمان يابسنت
دا انا طلعت ولا حاجة .. بس ربنا يسهل واجيب لكم نكت طازة تانى

د0 احمد فنديس
08-09-2004, 11:37 AM
شكرا يا بسنت علي النكتة بس دى (مشروبة قبل كدا) عاوزين واحدة ليبتون موش شاي العروسة
شكرا يا إيمى
وانت يابن الجنوب علي ما تدور خد دى
(من تأليفي برضه)

واحد هريدى مفتح قوى (وخد بالك من مفتح دى) عاوز فلوس كتير عارف عمل إيه؟؟؟؟؟؟
خطف ابنه وحبسه وبعت لنفسه جواب تهديد
10 تلاف دنيه (جنيه) بعد يومين وإلا أجتل الولد

بعد تلات تيام ما جالوش فلوس

جتل الوِلد

وصلت؟؟؟؟؟؟؟؟؟؟؟؟؟؟؟؟؟؟؟؟؟؟؟؟

د0 احمد فنديس
08-09-2004, 11:39 AM
لسه مألفها حالا

واحد هريدى بيتتاوب

فتح بقه ع الآخر

دقنه غرزت في صدره

أحمد ناصر
08-09-2004, 02:42 PM
لسه مألفها حالا

واحد هريدى بيتتاوب

فتح بقه ع الآخر

دقنه غرزت في صدره
طب خد عندك دى
حسنين ومحمدين عملوا رحلة
نصبوا الخيمة جنب النيل
إصطادوا السمك
نضفوه وبعدين أكلوه
فضلوا يلعبوا طول النهار
بالليل وهما نايمين وبيبصوا لفوق دار بينهم الحوار ده
حسنين :شايف إيه يا محمدين؟؟
محمدين:شايف النجوم يا حسنين
حسنين:وده دليل على إيه يا محمدين؟؟
محمدين:ده دليل على إن الكون واسع قوى ومليان مجرات مش كده يا حسنين؟؟
حسنين:ده دليل على إن الخيمة بتاعتنا إنسرقت يا محمدين

د0 احمد فنديس
09-09-2004, 08:20 PM
حلوة جدا. وكويس ان هم ناموا ليلة واحدة فقط!!!!!!!!!!
مين عارف كان إيه ها يتسرق تاني..ربنا ستر
احبس بدى بقه

مرة حسنين ومحمدين ـ بعد ما أكلوا السمك ـ طبعا راحوا قعدوا علي قهوة يشربوا الشاي قدام مراية كبيرة فطلبوا
أربعة شاي

ابن الجنوب
12-09-2004, 07:07 AM
مرة واحد ميكانيكى كاتب على الورشة "الصبر مفتاح 15 "
مرة واحد نشال اتجوز واحدة مدرسة رياضة خلفوا ولد شبه منحرف


Photo Gallery