المساعد الشخصي الرقمي

مشاهدة النسخة كاملة : شويه نكت



الاسكندرانى وبس
22-08-2004, 10:06 PM
ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش


مره واحد كان ماشي في الشارع بيقول حماتي حماتي.... واحد معدي بيقوله مالها حماتك؟؟ قال له الحمار رفسها ماتت ، قاله كل الناس دي جاية تعزي في حماتك؟؟ قاله لأ دول جايين يشتروا الحمار

فى محل الحلاقة.........

الراديو:والاعب بيشوط بمشط رجله يااااااااااه بتيجى في المقص
صبي الحلاق:إلحق يا معلم بيلعبوا في العدة


مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام

واحد كسلان خالص راح عند حلاق فموطى راسه

الحلاق سأله شعر ولا دقن
رد :دقن
رد الحلاق:طب ارفع راسك

قاله طب خلاص خليها شعررررررررر

واحد مسطول كل ما يجى بالليل يلاقى عربيه 4×4 راكنه جنب البيت يروح كاتب على العربيه =16

يجى صاحب العربيه تانى يوم يسب ويلعن اللى عمل كده ويجى واحد يدى العربيه دهان ويمسح الكلام ده

وتانى يجى المسطول ويحصل نس الموضوع ويجى الصبح صاحب العربيه يسب ويلعن

وقعد على الحال ده اسبوع الى ان هدى ربنا صاحب العربيه الى فكره
انه يسيب العربيه على حالها
جه المسطول بالليل لقى مكتوب على العربيه
4×4=16

راح كاتب جنبها




صح




كفايه كده النهارده

ايمى ميشو
22-08-2004, 11:11 PM
جميلة نكتك يا اسكندرانى
انا موت من الضحك على الاولى بتاعة الصقور

تسلم ايدك
ايمى

محمد فاروق
23-08-2004, 05:33 PM
حلوة ياسكندرانى
عايزين تانى

محمد فاروق

امير الحزن
23-08-2004, 05:56 PM
مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام


احلى واحدة وموتتنى من الضحك

وبالمناسبه الجليله دى اقولك واحدة شبهها


- اعتذر عن حذف النكتة .... فلا مجال للهزار فى الدين حتى وان كان بغرض الضحك البرئ

معذرة يا امير الحزن وفى انتظار الرائع منك كما تعودناه دائما *6* ...."محمد فاروق"

وموااااااااااااااااااااااااااااااااااااة يا اسكندرانى

سلاموز *8*

الاسكندرانى وبس
29-08-2004, 10:39 PM
منورين بوجودكم وان شالله تكون عجبتكم

وعلى فكره نكته امير الحزن انا عارفها من زمان وكنت عايز احطها لكن لاستهزائها بالدين دورت على واحده مشابهها ليه وتدى نفس المعنى

مشكورين مره تانيه

سمسمة
31-08-2004, 06:52 PM
ههههههههههههههه

حلوة اوى بتاعة حماتى دى

طيب هاقولكم على واحدة سمعتها على دريم

مرة كان فيه مسابقة اللى هيتحمل الجوع لمدة طويلة هيفوز فرنسى وامريكى وبلدياتنا

وقالهم جنبكم التيلفون اللى يجوع يتصل بينا

دخل الفرنسى قعد يوم واتصل بيهم

دخل الامريكى 3 ايام واتصل بيهم

بلدياتنا يوم يومين اسبوع فدخلوا يطمنوا عليه لاقوه بيضرب التيلفون بالشبب وبيقوله

جولهم انا عايز اكل ...جولهم انا عايز اكل

البروف سمسمة..*158*

محمد فاروق
01-09-2004, 06:18 AM
حلوة وجديدة ياسمسة

بس ليه كنت شايفك بتضربى التليفون اول امبارح بالـ..............!!!!!!!!

محمد فاروق


Photo Gallery