المساعد الشخصي الرقمي

مشاهدة النسخة كاملة : زهرة العلا تطالب بالأخذ بالثأر من ابن البلد



الصفحات : [1] 2

زهرة العلا
02-08-2004, 11:47 PM
بسم الله الرحمن الرحيم

السلام عليكم ورحمة الله وبركاته

اعضاء منتدايا العسول والحبيب جدا جدا جدا

ازيكم جميعا ؟ واخباركم ايه ؟

ان شاء الله تكونوا جميعا بخير وبصحة جيدة

المشهد الاول

( ابن البلد في قفص الاتهام ولابس البدله الفوشيا ( مدلعاك اخر دلع وملبساك علي الموضة))

جميع اعضاء المنتدي قاعدين علي نار مستنيين الحكم اللي هتتخذوا هيئة المحكمة

والهدوء يخيم علي القاعه وفجأه تدخل سمسمة



















ومسكة في ايديها صندوق وماشية تقول

حاجه ساقعه بيبسي معايا الشيبسي معايا الكرانشي تاخد لبان يابيه عشان تهدي اعصابك

تاخدي شيشه يا هانم عشان شكل جوزك خنقك في البيت ولا اقولك اخلعيه احسن
بلا وجع دماغ

وفجأه خرجت سمورة وهي بطرقع اللبان وتصرخ

محكمة

***ابن البلد ( بيصرخ )

بريء والله العظيم بريء والله هطردك يا فجلة العلا انت ناسية انا مين وانت مين انا مشرف جامعه الامم العربية ( احم احم ) اقصد مشرف المنتدي ده وانت لسه عضوة لا راحت ولا جت

*** زهرة العلا بهدوء عجيب (وركبها بتخبط في بعضها )

انا اعرفه يا ابن البلد ومانستش انك المشرف العام للمنتدي
لكن احنا هنا بنتعامل مع بعض كأعضاء وبس وانت اللي جبته لنفسك

*** بنت مصر متوترة ( وبتوشوش زهرة العلا )

اتهدي ربنا يهدك ايه اللي انت بتهببيه ده انت ملبساه بدله فوشيا
مش اتفقنا تبقا برتقاني انت هتستهبلي من اولها ولا ايه وعامله فيها ديمقراطية

*** زهرة العلا بهدوء او بمعني اصح ببرود ينرفز

ده وقته يا بسنت خلي الليله تعدي

***زهرة العلا توجه كلامها لاعضاء المنتدي
( جلووووووووووووووووووووووووس)

***بسمة امل بتوشوش جرح الزمان

هي اخيرا افتكرت انها تقعدنا انا رجلي ورمت ايه المصايب اللي بتتحدف علينا دي


***جرح الزماناستني يا بسمة تدور وشها الناحية التانية وانا القها بالطماطمايه اللي في ايدي

*** سناك بيصرخ فجأة
بالروح بالدم نفديك يا ابو صلاح

بالروح بالدم نفديك يا ابو صلاح

( سادت الفوضي في القاعة والهمهمة والوشوشة بين الكل )

*** زهرة العلا تتصبب عرقا ولسه بتتكلم ببرود ينرفز

سناك يا اخويا نظرا لاني ديمقراطية وبحب الديمقراطية وانا عارفة قد ايه انت بتحب ابو صلاح

***سناك (منشكح اوي )

وواقف ولا ميل جيبسون في فيلم القلب الشجاع ( الله يمسيك بالخير يا واد يا ميل )

*** زهرة العلا بتكمل كلامها مع سناك

فده طبعا لا يعيطيك الحق انك تفتح بؤك من غير استئذان ارمووووووووووووووووووووووووووه بره

(ساد الصمت في القاعه )

*** زهرة العلا

طبعا انا عارف انكم مش عارفين سبب هذه المحاكمة العادله ( الكل بيسقف ) تشجيعا


***زهرة العلا

احب اعرف اللي مش عارف اني بورسعيدية ( الكل بيسقف )

*** بنت مصر ( بتبص في الساعه )

ماتخلصي يا هانم انت فاكرة نفسك جمال عبد الناصر ورايا غسيل

*** زهرة العلا ( بتهش الدبانه )

وان البورسعيدية بيحبوا الاسكندرانية جدا بل وبيعشقوا اسكندريه

يمكن المية بتحن الله اعلم

وفي يوم خير اللهم اجعله خير كانت فيه عضوة عسولة اسمها حلاوة كان موضوعها بعنوان ممكن نكون اصدقاء حاجه كده مش فاكرة بالظبط

وقد قام المتهم ابن البلد ( طلبت هيئة المحكمة بتكميمة منعا للازعاج ) بتعريف اسمه
وسنه ( قال ايه عنده 25 سنه بقاله 4 سنين بيقول كده علما باني مسجله بالمنتدي تقريبا من سنه )

مش ده الموضوع

(ترررررررررررررن تررررررررررررن)


ابن البلد كاتب ان بلده القاهرة ( اجدع ناس ) وكتب كمان ان البلد المفضلة القاهرة
مش دي المشكلة احنا شعارنا في المنتدي الديمقراطية

الخطير والغير متوقع انه كتب تعليق تحت البلد المفضله ان( اللي كاتب اسكندرية يبقي نص كم)

الاسم الحقيقي : أحمد صلاح

العمر : 25

البلد : مـصـر

بلد الاقامة : السعودية

البلدة المفضلة : القاهرة ( واللي يقول إسكندريه يبقه نص كم ) قال أسكندريه قال

الهوايات : يوه كتير اوي متعدوش بس مش بحب كمال الأجسام





(سادت الهمهمة والوشوشة في القاعه)


***زهرة العلا

اللي هيكلم من غير اذن تاني هطخه انتو فاهمين

*** زهرة العلا تكمل كلامها
انا طبعا كن............

(ترن ترررررررررررررررررررررررررن )


موبايل محمد شحاته ضرب لتاني مرة وقام بيرد علي التليفون

محمد شحاته : ايوة يا حمو ازيك ياحبيبي عامل ايه اخبار تماسيحك ايه ؟
وحشني ياواد جبت لك كل حاجه معايا ......... ايوة ايوة استناني انت بس في المطار

زهرة العلا بتشد في شعرها والكل متشوق للي هيحصل00لمحمد شحاته
خلص سعادته التليفون وقاعد منشكح ولا كأنه عمل حاجه

زهرة العلا لمحمد شحاته ايه اخبار حمو يا كابيتشينو

محمد شحاته بيرد عادي جدا : كويس خليكي في حالك انت و خلصي عشان مش فاضيلك

زهرة العلا دمها اتحرق وصرخت والكل كتم انفاسه : بقي انا قعده ادافع عن الاسكندرانية وانت ولا علي بالك انت منين يا هندسة ؟

سموووووووووووووووووورة خديه برة وفسحيه فسحه مينسهاش في حياته واتوصي بيه ده غالي علينا ( كان يا عيني في عز شبابه اهيء اهيء )

*** سمورة : من عينيه وبردو بتطرقع لبان

***زهرة العلا ماسكه ايد الهون وبتخبط بيه : سكوت

كنا بنقول ايه اه افتكرت ودلوقتي انا زعلت جدا من اللي قاله ابن البلد ده
يوهون عليك الاسكندرانية وولاد اسكندرية تقول عليهم نص كم في الحر ده
طيب خليها جابونيز حتي

وبما اني بهدي النفوس ومش عايزة حد يتخانق مع حد وبما اني بعزك جدا يا ابن البلد وربنا يعلم........... خففت الحكم عليك.

بنت مصر قالت اعدموه ( بهدي النفوس) لكن انا قلت انك صغير وانك عندك عيال عايزين مصاريف وانا ديمقراطية وما بخدش بكلام حد كله بالاجماع

قررت ان كل عضو يدخل يقول حكم عليك ولا فيه حد ليه رأي تاني ؟
( زهرة العلا تكشر عن انيابها ) مش مهم اللي اقوله هو اللي هيتنفذ

القاعه كلها بتسقف ومبتسمين ابتسامة كبيرة كانهم بيعملوا اعلان لمعجون اسنان

ابن البلد تخلص من الكمامه مش عارفة ازاي واخذ يهدد زهرة العلا

والله هوريكي يا فجله العلا انتي وماانتي قعده في المنتدي ده تاني وانا عارف انا بقول ايه


تم بحمد الله

وعايزة كل اللي يدخل الموضوع يكتب حكم علي ابو صلاح مش عارفة ياتري هقرا الرد وانا لسه عضوة ولا هكون مشردة بين المنتديات

فجلة العلا اقصد زهرة العلا

ميادة
03-08-2004, 01:10 AM
بسم الله الرحمن الرحيم

:d
ههههههههههههههههههههههه
كارثة العلا
فجلة العلا
يوووووووه
قصدى زهرة العلا



هو فيه ايه؟؟
مش عارفة اكتب ...بضحك لحد دلواتى
ههههههههههههههه
بس كده توقعى بينى وبين بسمة.بقى انا لفيت وشى الناحية التانية
طيييييييييييييب
مش هحكم على ابن البلد
بس هه *5*























بس بس
تعالى اما اقولك على الحكم :d

قلم رصاص
03-08-2004, 01:49 AM
بصراحة اول حاجه فكرة فيها في بدايه المحاكمه.هي اني اذاي هحاول اجمع فلوس الكفاله من الاعضاء وحتي الزوار...ولكن بعد ان انتهي حكم المحكمه في ابداء رئينا في ابو صلاح.اولا. نقوله حمدالله علي السلامه علي تخفيف الحكم عليك.ثانيا.ابن البلد.من اسمه نعرف جزء من شخصيته .وهو انه رجل شهم واصيل.ومن مواضيعه وتعليقاته ايضا فهو رجل مرح وخفيف الظل .وبيحب الحياة.وشكله كدا والله اعلم دائما مبتسم. اخي ابن البلد مبروك خروجك من المحكمه علي خير

محمد فاروق
03-08-2004, 12:05 PM
محاكمة عادلة بالفعل يازهرة العلا … ولكنى لم ارى دماء حتى الان !!!

منذ امد طويل وانا انتظر هذه اللحظة…. فقد جثم ابن البلد على صدورنا لفترة طويلة وآن لهذا الليل البهيم ان ينجلى …انقشع من هنا يااحمد ياصلاح ودع الكرسى لمن هو اهله وطبعا واضح من هو اهله…

"وليحفظنا الله من بطش اهل السلطة واعوانهم"

محمد فاروق

بنت مصر
03-08-2004, 12:44 PM
ايه اللي يخرج دا ؟؟
انا اطالب بالاعدام شنقا
حتى لا يتجرأ اي حد يهمس على
السيادة الاسكندرانية


زهرة الجميلة موضوع عسل زيك
تسلم ايديكي يا حبيبة قلبي


بسنت

محمد شحاته
03-08-2004, 02:18 PM
ههههههههههههههههههههههههههههههههههههههههههههه

مش معقول ده الخيار واللبن والكابيشينو اشتغلوا يظهر قريب حنزورك فى العباسيه يافجله اقصدى يازهره العلا

موضوع بصراحه عسوله ياساره زيك اهو كده شغل الجنان

أنفـــــال
03-08-2004, 04:52 PM
طيب و ليه شنقاً.. يا بسنت؟؟
في وسيلة اسمها كرسي كهربائي...
و مايقلقش هابقى اجيب له اربعة خمسة يقعدوا يقولوا يا سبعي يا جملي و حاجات من دي...
بس انتوا جمدوا فلبكوا كدة و مالكوش دعوة..
زهرة العلا..
كلنا وراك يا معلم.. كلمة السر كتكوت.. :)
أنفـــــال

atefhelal
03-08-2004, 05:04 PM
اكتشفت إننى فى قاعة فك التكشيرة ... الحمد لله

بسمة أمل
03-08-2004, 05:20 PM
بسم الله الرحمن الرحيم

ههههههههههههههههههههههههه
ايه يا بنتى اللى انتى عملاه دة :d
دة صوت المحاكمة جايب اخر البلد
لا وفعلا رجلى وجعتنى من الوقفة الواحد ما بقاش فيه صحة *7*
اما بالنسبة للحكم *4*
انا بقى بصراحة ما بصدق *9*
مساء الخير يا ابن البلد ازى الاخبار كدة :)
اوافق بسنت فى حكمها بالاعدام شنقا بقى ولا بالكرسى ولا بالاكياس ماتفرقش :) :d :)
وانا اتساهلت فى الحكم المرة دى بس دى اخر مرة *5*
لو حد اتكلم عن اسكندرية تانى هيبقى العقاب اشد دة انا لسه جايه منها
ولا بقى لو حد اتكلم عن بورسعيد ساعتها بقى الاعدام هيبقى عقوبة صغيرة اوى *15* *15*
بس المشكلة لو المحاكمة فشلت هنتطرد كلنا باذن الله *11*

ابن البلد
03-08-2004, 05:42 PM
الحقيقه في البدايه أتقدم بخالص التهاني والشكر لجميع الحاضرين وأخص بالشكر الأستاذ قلم رصاص وربنا يستر وميتقصفش بعد اللي احنا شايفينه ده اما بقه المحمكة المزيفة ورئيسة المحكمة*147* ال......... أيه ؟ طيب ماشي فجله فجله مش مهم المهم متكونش أي حاجه تانيه


المهم يعني قررنا نحن العبد لله الفقير أحمد بيه باشاا السلطان صلاح :3:

قرار أداري رقم واحد منع دخول جنس البنات من سن 15 سن ( من أول جنان هانم ) لحد سن 28 سنة ( أصلا مفيش بنت أو واحده ست بتزيد عن السن ده بيقف عمرهم هنا ) دخول قاعات المنتدى جميعا إلا قاعة السياسة فقط وده لظروف الحرب الضاريه بها ( علي الجبهه علي الجبهه يا بنات )

قرار إداري رقم 903 لسنه 2003 لعام 2004 يوم النهارده اللي أسمه مودان ده يبفضل مودان وممومان طول حياته وميدخلش غير قاعة الطفل والمرأة :baby: وبس وذلك لتضامنه مع الاخوة الاعداء البنات والإسكندرانيين *154*


قرار إدراي رقم 2 بقه ترقيه قلم رصاص ليصبح كبير مشرفين سجون المنتدى *128* اللي هتتشحن عليها يا محمد يا فاروق *15*

قرار إدراي رقم 2 برضك محمد شحاته يتسحب منه الموبايل لانه كان عامل قلق هو وحمو اللي السكندراني ده وعلشان مدفعش عني :'(

مين تاني
بنت مصر
هعمل معاها أيه دي بقه *221* *14*

يحيا العدل :007:
:4::4::4:


موضوع حلو يا زهره بس ينقصه الإبتسامات المكملة :p

mas20877
03-08-2004, 08:50 PM
الله ينور علي الموضوع يا زهره
اللي يخبط في الأسكندريه عقابه لازم يكون شديددددددددددددددددددددددددددددددددددددددددددد
و حكمي يابوحميد يا حبيبي *7*
نلبسك مايوه مخروم ونزلك البحر في شهر واحد
وابقي وريني هتتكلم علي الأسكندرانيه ازاي بعد كده
*9* *9* *9*

welly76
04-08-2004, 06:44 AM
السادة أعضاء المحكمة الموقرة

هو ما فيش قانون فى البلد دى و لا إيه "أي خدمه يا أبو صلاح "

إعدام إيه و حكم إيه ده الظالم الأول قبل مل تحكموا على أحمد بتلك الأحكام شوفوه الأول قال كده ليه و بعدين إحكموا عليه

بس الصراحه أنت تستاهل يا أبو صلاح ليه تخبط فى بحرى و أولاد بحرى بس .

و ما تنساش إن محمد مومان إسكندرانى

و بعدين يا أ/محمد شحاته أنت نسيت اللى عملوه فيك فى قاعة المحكمة و بتبيع صاحبك كده من أول حكم ما كنش العشم

و بعدين يا أبو صلاح لما بنت مصر باعتك من اللى هيشتريك يا راجل

على فكرة يا ست زهرة العلا موضوعك ده جميل جداً و شيق جداً

بس أخمد ما يستحقش كده هو بصراحه يستحق أكتر من كده.

ههههههههههههههههههههه


وليـــــــــــــــــــــــــــد

محمد فاروق
04-08-2004, 06:44 AM
انا مش سامع صوت زهرة العلا ولا شايفها بقالى كتير .....

فى الغالب .............



























تعيشوا انتو اول امبارح

الله يرحمك يازهرة ويبشبش الطوبة اللى تحت راسك....

ان شاء الله ياجماعة الخارجة هاتطلع من كنتاكى ... وهايوزعوا على روحها "كولسلو"

ولا اراكم الله مكروها فى عزيز لديكم

محمد فاروق

ابن البلد
04-08-2004, 11:22 AM
الله ينور علي الموضوع يا زهره
اللي يخبط في الأسكندريه عقابه لازم يكون شديددددددددددددددددددددددددددددددددددددددددددد
و حكمي يابوحميد يا حبيبي *7*
نلبسك مايوه مخروم ونزلك البحر في شهر واحد
وابقي وريني هتتكلم علي الأسكندرانيه ازاي بعد كده
*9* *9* *9*
مايوه مخروم:*105*
يا حبيبي انا بنزل البحر من غير مايوه أصلا :p

ابن البلد
04-08-2004, 11:26 AM
وليد أفندي
ما ات كنت كويس يا بني
أستعد بقه
:xx:




محمد فاروق
خد بالك الدور جايلك جايلك
:4:

welly76
04-08-2004, 01:11 PM
أبو صلاح

أنا مش بخاف من أي تهديد يا بيه

و لا بيهمنى يعنى هتعمل إيه يعنى

بس أستعد بقه لإيه بالظبط

وليــــــــــــــــــــــــد

اسكندرانية
06-08-2004, 06:55 AM
تسلمي يا احلى زهرة بصراحة محاكمتك جميلة وظريفة خالص انت احلى بورسعيدية قابلتها وزيدينا من مواضيعك الحلوة دي وعلىفكرة انا اسكندرانية بس دمي مش خفيف

سموره
06-08-2004, 06:21 PM
محكككككككككمه*48* (http://www.egyptsons.com/misr/misc.php?do=getsmilies&wysiwyg=1&forumid=4#)



حكمت المحكمه حضوريا برئاسه فجله العلا *67* (http://www.egyptsons.com/misr/misc.php?do=getsmilies&wysiwyg=1&forumid=4#)اقصد زهره العلا


بالحكم علي المدعو ابن البلد*110* (http://www.egyptsons.com/misr/misc.php?do=getsmilies&wysiwyg=1&forumid=4#)بالعدام رميا في البحر الابيض المتوسط*83* (http://www.egyptsons.com/misr/misc.php?do=getsmilies&wysiwyg=1&forumid=4#)عشان يحرم يجيب في سيره الاسكندرانيه

وقررت المحكمه ايضا تعين فجله العلا*67* (http://www.egyptsons.com/misr/misc.php?do=getsmilies&wysiwyg=1&forumid=4#)المشرف العام للمنتدي لحرصها الشديد علي مصالحه وزرع الديمقراطيه بين الاعضاء*149* (http://www.egyptsons.com/misr/misc.php?do=getsmilies&wysiwyg=1&forumid=4#)

*150* (http://www.egyptsons.com/misr/misc.php?do=getsmilies&wysiwyg=1&forumid=4#)وتعين سموووووووووره نائب لها لجهودها المبذوله في طرقعه اللبان اقصد في رفع شأن المنتدي *138* (http://www.egyptsons.com/misr/misc.php?do=getsmilies&wysiwyg=1&forumid=4#)

mas20877
06-08-2004, 06:41 PM
لأ حرام عليكوا ابو حميد لازم يلبس بدله حديد 1.5 طن عشان البرد

pharma_boy4
06-08-2004, 08:00 PM
زي العسل

والله دمك زي الشربات

وبصراحه العنوان هو اللي شدني

علي العموم انا بأقول اعدام ونخلص
هههههههههههه

سموره
06-08-2004, 10:39 PM
[QUOTE=mas20877]لأ حرام عليكوا ابو حميد لازم يلبس بدله حديد 1.5 طن عشان البرد[/QUOTE




عليه ب 5 طن هههههههههههه ده ابو حميد حبيبنا كلنا و بنعزوا اوي اوي اوي:d :d

قلم رصاص
07-08-2004, 12:53 AM
تحذير عاجل وهام. ان لم يلتذم الاعضاء بلكلام الموجه الي رئيس الجمهوريه..عفوا رئيس المنتدي.. سوف نطر الي فرض الاحكام العرفية علي الجميع . واستخدام قانون الطواريء. لحفظ الامن في البلد..عفوا..لحفظ امن ابن البلد

سموره
07-08-2004, 01:01 AM
اعتبرده تهديد*14* فين الديمقراطيه*12* فين المن والمان في البلد اقصد في المنتدي وتهديد كده علني عيني عينكلا لا اهو ده اللي مش ممكن ابدا*13* انا اطالب من موقعي هذا بالتغير الفوري للحكومه:d :d

زهرة العلا
07-08-2004, 01:51 AM
السلام عليكم ورحمة الله وبركاته جميعا

ازيكم يا جماعه اخباركم ايه

اسفه علي تاخير ردي

اصلي ابن البلد خطفني وحبسني في اوضة مليانه قطط فظيعه

وقالي لو عملتي كده تاني هطردك من المنتدي

بس انا سهيت القطط وهربت

نموت نموت ويحيا المنتدي

نموت ونموت ويحيا المنتدي

دلوقتي هرد علي كل منكم بالتفصيل

حبيبتي الشقية مودي

مرسي اوي علي مرورك اللي دايما يفرحني

بس كنتي احكمي بقلب علي ابن البلد

ولا انت كمان بتخافي من القطط

زهرة العلا
07-08-2004, 02:03 AM
بصراحة اول حاجه فكرة فيها في بدايه المحاكمه.هي اني اذاي هحاول اجمع فلوس الكفاله من الاعضاء وحتي الزوار...ولكن بعد ان انتهي حكم المحكمه في ابداء رئينا في ابو صلاح.اولا. نقوله حمدالله علي السلامه علي تخفيف الحكم عليك.ثانيا.ابن البلد.من اسمه نعرف جزء من شخصيته .وهو انه رجل شهم واصيل.ومن مواضيعه وتعليقاته ايضا فهو رجل مرح وخفيف الظل .وبيحب الحياة.وشكله كدا والله اعلم دائما مبتسم. اخي ابن البلد مبروك خروجك من المحكمه علي خير


يا سلام عليك يا قلم بيه

ايه الحب ده كله يا خويا

وتجمع فلوس وبتشكر في ابو صلاح

حد قال عليه حاجه وحشه لا سمح الله

اممممممممممممممممممممم

الموضوع في غموض

يا جماعه اعلن لكم من الان ان

قلم رصاص جاسوس

واما شوف اخرتها

سعدت بمرورك كتييييييييييييييييييير

زهرة العلا
07-08-2004, 02:12 AM
محاكمة عادلة بالفعل يازهرة العلا … ولكنى لم ارى دماء حتى الان !!!

منذ امد طويل وانا انتظر هذه اللحظة…. فقد جثم ابن البلد على صدورنا لفترة طويلة وآن لهذا الليل البهيم ان ينجلى …انقشع من هنا يااحمد ياصلاح ودع الكرسى لمن هو اهله وطبعا واضح من هو اهله…

"وليحفظنا الله من بطش اهل السلطة واعوانهم"

محمد فاروق

اللهم صلي علي النبي

سقفة جامده اوي لمومان

هو ده الكلام ولا بلاش

ايه الكلام الجامد ده بس اللي يودي في داهية

تستاهل وردة

*8* *8* *8* *8* *8* *8*

زهرة العلا
07-08-2004, 02:17 AM
ايه اللي يخرج دا ؟؟
انا اطالب بالاعدام شنقا
حتى لا يتجرأ اي حد يهمس على
السيادة الاسكندرانية


زهرة الجميلة موضوع عسل زيك
تسلم ايديكي يا حبيبة قلبي


بسنت


بوسي حبيبة فلبي الله يعسلك يارب دايما *3*


انت تامري *8*


وده مصير اللي يخبط في الحلل

زهرة العلا
07-08-2004, 02:21 AM
ههههههههههههههههههههههههههههههههههههههههههههه

مش معقول ده الخيار واللبن والكابيشينو اشتغلوا يظهر قريب حنزورك فى العباسيه يافجله اقصدى يازهره العلا

موضوع بصراحه عسوله ياساره زيك اهو كده شغل الجنان


مين هنا حمو ؟

منور يا باشا

ليه بس كده

تجيب الاسرار كلها قدام البشر

الله يعسلك انت كمان يامحمد ويعسل رحلتك يارب

عشان تعرف بس مايجبها غير فجلتها قصدي زهرتها

زهرة العلا
07-08-2004, 02:24 AM
طيب و ليه شنقاً.. يا بسنت؟؟
في وسيلة اسمها كرسي كهربائي...
و مايقلقش هابقى اجيب له اربعة خمسة يقعدوا يقولوا يا سبعي يا جملي و حاجات من دي...
بس انتوا جمدوا فلبكوا كدة و مالكوش دعوة..
زهرة العلا..
كلنا وراك يا معلم.. كلمة السر كتكوت.. :)
أنفـــــال

احلي بوسة لاحلي انفال *3*

تسلمي لي يارب *8*

انا احب اللي بيفكر

ويجيب افكار مطرقعه

كلمة السر مستكنيص

زهرة العلا
07-08-2004, 02:26 AM
مشرفي الغالي الاستاذ عاطف

اهلا بيك والموضوع منور بيك والله

قلم رصاص
07-08-2004, 02:54 AM
وهل يوجد احد في السلطه الا وكان جاسوس؟

سموره
07-08-2004, 04:26 PM
وهل يوجد احد في السلطه الا وكان جاسوس؟

*4* *4* *4* *4* *4* يعني ايه جاسوس*14*




:d :d :d :d :d

ابن البلد
07-08-2004, 05:49 PM
وهل يوجد احد في السلطه الا وكان جاسوس؟
لو تقصد السلطة بتاعت الخضار والخيار والطماطم
لإأظن أن تخمينك في محله
لكن لو تقصد السلطة بتاعت الحكومة
فأظن أنك اخفقت في القاعة
فهنا فك التكشيره
السياسة في أول الشارع هناك
:d

قلم رصاص
07-08-2004, 11:21 PM
ابن البلد . انا بسببك اتهموني باني جاسوس . ويظهر بسببك هاكون عميل مذدوج . زهرة العلا عليكي الحضور حالا لكي نتفق

زهرة العلا
08-08-2004, 01:23 AM
[QUOTE=بسمة أمل]بسم الله الرحمن الرحيم

ههههههههههههههههههههههههه
ايه يا بنتى اللى انتى عملاه دة :d
دة صوت المحاكمة جايب اخر البلد
لا وفعلا رجلى وجعتنى من الوقفة الواحد ما بقاش فيه صحة
اما بالنسبة للحكم *4*
انا بقى بصراحة ما بصدق *9*
مساء الخير يا ابن البلد ازى الاخبار كدة :)
اوافق بسنت فى حكمها بالاعدام شنقا بقى ولا بالكرسى ولا بالاكياس ماتفرقش
وانا اتساهلت فى الحكم المرة دى بس دى اخر مرة *5*
لو حد اتكلم عن اسكندرية تانى هيبقى العقاب اشد دة انا لسه جايه منها
ولا بقى لو حد اتكلم عن بورسعيد ساعتها بقى الاعدام هيبقى عقوبة صغيرة اوى
بس المشكلة لو المحاكمة فشلت هنتطرد كلنا باذن الله *11* [/QUO

السلام عليكم جميعا

منورة يا بوسي والله

هو ده الكلام ولا بلاش

عشان تحرم يا ابن البلد

تعمل كده تاني

اه بقي ولو جبت في سيرة البورسعيدية *9*

هما اينعم مش كتير تقريبا تلاته

بس التلاتة يكلوا الزلط

خد بالك بعد كده *8*

زهرة العلا
08-08-2004, 01:45 AM
الحقيقه في البدايه أتقدم بخالص التهاني والشكر لجميع الحاضرين وأخص بالشكر الأستاذ قلم رصاص وربنا يستر وميتقصفش بعد اللي احنا شايفينه ده اما بقه المحمكة المزيفة ورئيسة المحكمة* ال......... أيه ؟ طيب ماشي فجله فجله مش مهم المهم متكونش أي حاجه تانيه



دي كوسة وانا ما قبلش بيها هو عشان شكر فيك تخصه بالشكر
وبعدين انا بس اللي اقول فجله


المهم يعني قررنا نحن العبد لله الفقير أحمد بيه باشاا السلطان صلاح

قرار أداري رقم واحد منع دخول جنس البنات من سن 15 سن ( من أول جنان هانم ) لحد سن 28 سنة ( أصلا مفيش بنت أو واحده ست بتزيد عن السن ده بيقف عمرهم هنا ) دخول قاعات المنتدى جميعا إلا قاعة السياسة فقط وده لظروف الحرب الضاريه بها ( علي الجبهه علي الجبهه يا بنات )


المفروض نقول سمعا وطاعه *9* *9* *9*

وبعدين انت فاكر البنات كلها زيك بقالك عشر سنين بتقول عندك 25



قرار إداري رقم 903 لسنه 2003 لعام 2004 يوم النهارده اللي أسمه مودان ده يبفضل مودان وممومان طول حياته وميدخلش غير قاعة الطفل والمرأة : وبس وذلك لتضامنه مع الاخوة الاعداء البنات والإسكندرانيين

الله الله الله انت كده يا ابن البلد هتعمل حرب ومش هتلاققي حد يقف جنبك

احنا اعداء وكمان الاسكندرانين

يعني خربتها

يا صغير.......... مكنش يومك يا ابن البلد



قرار إدراي رقم 2 بقه ترقيه قلم رصاص ليصبح كبير مشرفين سجون المنتدى اللي هتتشحن عليها يا محمد يا فاروق *


ولا يهمك يا مومان هو فرحان شوية بقلم رصاص

بس قلم رصاص مش هسلك معاه كتير

وهتيقي يا فرحه ماتمت



قرار إدراي رقم 2 برضك محمد شحاته يتسحب منه الموبايل لانه كان عامل قلق هو وحمو اللي السكندراني ده وعلشان مدفعش عني


:d :d :d :d :d :d :d :d :d :d :d


مين تاني
بنت مصر
هعمل معاها أيه دي بقه


مش هتقدر طبعا تعمل حاجه عارف انت متقدرش خله وفيها زتونه



يحيا العدل



موضوع حلو يا زهره بس ينقصه الإبتسامات المكملة :p


امتي يجي اليوم اللي متقولش فيه كلمة بس

لازم تطلع حاجه بس انا عارفة انها من ورا قلبك

معلش بردو انت متغاظ

علي فكرة مرورك اسعدني جدا

وشكرا ليك

زهرة العلا
08-08-2004, 10:46 PM
الله ينور علي الموضوع يا زهره
اللي يخبط في الأسكندريه عقابه لازم يكون شديددددددددددددددددددددددددددددددددددددددددددد
و حكمي يابوحميد يا حبيبي *7*
نلبسك مايوه مخروم ونزلك البحر في شهر واحد
وابقي وريني هتتكلم علي الأسكندرانيه ازاي بعد كده
*9* *9* *9*


بسم الله الرحمن الرحيم

السلام عليكم جميعا


الله يخليك يا ماس

ده بس من ذوقك

بس ليا عندك طلب

وبما اني ديمقراطية

وربنا حليم ستار

بلاش حكاية المايوة دي يحسن مش عارفة ابلعها

ياريت تختار كده حكم ذي حكم انفال ولا بوسي

شوف انا ديمقراطية ازاي وبخيرك

لو سمعتك جبت الحكم ده تاني علي لسانك

هطخك

زهرة العلا
08-08-2004, 10:58 PM
السادة أعضاء المحكمة الموقرة

هو ما فيش قانون فى البلد دى و لا إيه "أي خدمه يا أبو صلاح "

إعدام إيه و حكم إيه ده الظالم الأول قبل مل تحكموا على أحمد بتلك الأحكام شوفوه الأول قال كده ليه و بعدين إحكموا عليه

بس الصراحه أنت تستاهل يا أبو صلاح ليه تخبط فى بحرى و أولاد بحرى بس .

و ما تنساش إن محمد مومان إسكندرانى

و بعدين يا أ/محمد شحاته أنت نسيت اللى عملوه فيك فى قاعة المحكمة و بتبيع صاحبك كده من أول حكم ما كنش العشم

و بعدين يا أبو صلاح لما بنت مصر باعتك من اللى هيشتريك يا راجل

على فكرة يا ست زهرة العلا موضوعك ده جميل جداً و شيق جداً

بس أخمد ما يستحقش كده هو بصراحه يستحق أكتر من كده.

ههههههههههههههههههههه


وليـــــــــــــــــــــــــــد





ويل يا ويل

ويل يا ويل

الله عليك يا سيدي

هو ده الكلام ولا بلاش

وقعت قلبي

شايف يا ابن البلد وليد بيقولي ست زهرة

الله يكرمك يارب ويعلي مراتبك

بس انت اللي ردك شيق جدا

زهرة العلا
08-08-2004, 11:12 PM
تسلمي يا احلى زهرة بصراحة محاكمتك جميلة وظريفة خالص انت احلى بورسعيدية قابلتها وزيدينا من مواضيعك الحلوة دي وعلىفكرة انا اسكندرانية بس دمي مش خفيف


هههههههههه

والله انت اللي سكر يا اسكندرانية *3*

الله يخليكي ويسكرك كمان وكمان

انت تامري

بس اهدي اللعب مع ابن البلد

يحسن متشوفينيش تاني *12*

تحياتي ليكي ياتوتة *8*

زهرة العلا
08-08-2004, 11:29 PM
محكككككككككمه*48* (http://www.egyptsons.com/misr/misc.php?do=getsmilies&wysiwyg=1&forumid=4#)



حكمت المحكمه حضوريا برئاسه فجله العلا *67* (http://www.egyptsons.com/misr/misc.php?do=getsmilies&wysiwyg=1&forumid=4#)اقصد زهره العلا


بالحكم علي المدعو ابن البلد*110* (http://www.egyptsons.com/misr/misc.php?do=getsmilies&wysiwyg=1&forumid=4#)بالعدام رميا في البحر الابيض المتوسط*83* (http://www.egyptsons.com/misr/misc.php?do=getsmilies&wysiwyg=1&forumid=4#)عشان يحرم يجيب في سيره الاسكندرانيه

وقررت المحكمه ايضا تعين فجله العلا*67* (http://www.egyptsons.com/misr/misc.php?do=getsmilies&wysiwyg=1&forumid=4#)المشرف العام للمنتدي لحرصها الشديد علي مصالحه وزرع الديمقراطيه بين الاعضاء*149* (http://www.egyptsons.com/misr/misc.php?do=getsmilies&wysiwyg=1&forumid=4#)

*150* (http://www.egyptsons.com/misr/misc.php?do=getsmilies&wysiwyg=1&forumid=4#)وتعين سموووووووووره نائب لها لجهودها المبذوله في طرقعه اللبان اقصد في رفع شأن المنتدي *138* (http://www.egyptsons.com/misr/misc.php?do=getsmilies&wysiwyg=1&forumid=4#)










ههههههههههههههههه

عسل والله ياسمورتي

حقيقي مطرقعه

بس يا ست مطرقعه اقصد ياست سمورة

ليكي حرية الحكم بس علي ابن البلد بس

لكن منتداي الحبيب مينفعش حد يمسكه غير ابو صلاح

لكن انا عضوة لا راحت ولا جت

ومن ناحية تعيينك فانا اعينك نائب لي لما نطرد انا وانت من المنتدي :d

مرسي يا احلي مطرقعه شفتها

زهرة العلا
08-08-2004, 11:54 PM
زي العسل

والله دمك زي الشربات

وبصراحه العنوان هو اللي شدني

علي العموم انا بأقول اعدام ونخلص
هههههههههههه



هههههههههههههههه


الله يعسلك ويشربتك يارب

اخجلتم تواضعنا

يالله اعدام اعدام انت شكلك مخنوق من ابن البلد

ليه بس كده يا ابو صلاح

عايزة اعرف بتعمل فيهم ايه بس

جنان الفردوس
09-08-2004, 10:00 AM
يا نهار من غير شمس ..
ايه ده ايه ده ..
كل ده حصل وانا معرفش..
ده انا جاية متأخر أوي
بس الحمد لله لسه الحكم مطلعش..
استنوا استنوا ..
ايه الكلام الجامد ده ..
لا انا رايحة ظرف دقايق وراجعة على طول عشان اقول على الحكم
ثانية واحدة بس عشان اتابع معاكم الموضوع

جنان الفردوس
09-08-2004, 10:28 AM
ااااااااااه
انا شوفت القضية ودرستها ..
وشايفة ان انتوا كبرتوا الموضوع شوية يا جماعة
ابن البلد طيب برضه وابن حلال وهو بيقول كده عشان بيحقد عليكم ومتغاظ منكم
وبعدين انتوا عارفين انه عنده عيال بيربيهم ربنا يخليهم له
..
فأنا شايفة بقى يا جماعة نظرا لعملي لمدة اربع ايام في جمعية الرفق بالحيوان ..اييه .. اقصد الانسان
شايفة يعني أنه اذا كان ولابد وحتما ومن الضروري والواجب معاقبة المدعو ابن البلد
وبما أنه أخطأ هذا الخطأ الشنيع الفظيع المريع
فيعني ايه بقى .. رفقا بيه شوية .. بلاش حكاية الاعدام دي .. عشان خاطر يوسف حتى
وبعدين المنتدى .. هنعمل ايه في المنتدى من غيره.. انتوا عارفين انه عامل زي الفلفل في الكنافة
من غيره البسبوسة مش هيبقى ليها ريحة..
..
ولكل هذه الأسباب السابق ذكرها .. أرى أن نعاقب ابن البلد بنفيه إلى العراق وزجه في سجن أبو غريب مع توصية الأخوة الأشقاء الأمريكين بحسن معاملته لمدة 99 سنة و11 شهر و29 يوم
ويعفى من هذا العقاب إذا توفي قبل المدة المحددة سالفا ..
وشكرا ..



..
زهرة العلا الرائعة .. *6*
موضوعك جميل جدا جدا جدا
من زمان والواحد نفسه يحكم على ابن البلد..
شكرا ليك *8*

سموره
09-08-2004, 06:55 PM
زهرتي الجميله *48* (http://www.egyptsons.com/misr/misc.php?do=getsmilies&wysiwyg=1&forumid=4#)احنا طبعا منقدرش نستغني عن ابن بلدنا الجميل ابو يوسف بس انا قلت اعمل جو يعني عشان ميتكلمش علي الاسكندرانيه تاني *78* (http://www.egyptsons.com/misr/misc.php?do=getsmilies&wysiwyg=1&forumid=4#)ده انا غلبااااااااااان وهمشي جنب الحيط :d قال طرد قال*160* (http://www.egyptsons.com/misr/misc.php?do=getsmilies&wysiwyg=1&forumid=4#)متخفيش وراكي ضهر*15*



















































































































































































































































































ملحوظه ربنا يستر*36* (http://www.egyptsons.com/misr/misc.php?do=getsmilies&wysiwyg=1&forumid=4#)

زهرة العلا
11-08-2004, 02:21 AM
بسم الله الرحمن الرحيم

السلام عليكم جميعا

مش معقول عسولة المنتدي

نورت موضوعي اخيرا

حقيقي زي العسل بس مكنتش اعرف انك بتعزي ابو صلاح بالطريقه دي

بس بيني وبين انا هعفي عنه عشان خاطر مجهوده في المنتدي

الكلام ده سر عشان هرجع المحاكمة تاني

اتشرفت بمرورك يا توته

وشكرا ليكي انت واي خدمه

زهرة العلا
11-08-2004, 02:24 AM
ههههههههههههههههههه

مش انا قلت لك قبل كده انك احلي مطرقعه شفتها في حياتي

welly76
11-08-2004, 07:31 AM
يا جماعه

أنا شايف إن الحكم اتأخر

موتوه و خلاص بس أنا شايف إن القتل راحه

أخنوقوه من رجليه أهو حكم يخلص القديم و الجديد

بتتوعدنى يا أبو صلاح

ماشى بس خلى بالك من اللى هيجرى لك يا أحمد بك سابقاً

أما بالنسبه لزهرة أشكر لك التعليق و الموضوع اللى مش ممكن يحصل

خلى بالك أنا شايف إن فيه مؤامرة لإغتيالك ربنا معاكى

ما حدش هينفعك

وليـــــــــــــــــــــــد

ابن البلد
12-08-2004, 10:05 PM
على فكره يا جماعه كان فيه طرف مهم فى القضيه وكان ها يقلبها راسا على عقب وهو الشاهد الوحيد فى القضيه
انه العضو الجديد الشديد
انوبيس
وقد ظهر فى الساحه بعد اختفاءه خوفا من رجال ابن البلد الاشرار
والان قد تدرب على احدث فنون القتال واصبح جديرا بمحاربه الاشرار
فاهلا بك يا انوبيس
والان الى ساحه القضـــاء مره اخرى



اخوكم انوبيس

وسر كا مرى انوبيس===========>عاشت روح انوبيس للابد
(نص من كتاب الموتى)*51* *51* *51* *123* *175* *175* *181* *181* *217*

يا حلاوة يا نوبيس
طيب قولي
الواقعه بتاعت القضيه
كانت فين ويوم أيه
؟؟؟؟

Tiger Woman
13-08-2004, 02:19 AM
معلش اتاخرت شوية و الله لسه شايفة المحاكمة انا معاك يا ابن البلد شد حيلك بس اوعى يتقطع هههههه معلش نسيت انه مش وقت ضحك الراجل فى ضيقه غلوش غلوش

:dهى خسه العلا و لا فجلة العلا ( يوووه زهرة العلا معلش عطل فنى) ما سمعتش الأغنية اللى بتقول (القاهريين اهمه حيوية و عزم و همه فى ميدان رمسيس متجمعين )

و بعدين اه انا معاه بدال مجبتيش سيرتى فى قاعة المحكمة و لو انى كنت قاعدة و لا هو استقصاد اه هو استقصاد و لا يمكن استقصاد براءة يا ابو صلاح ان شاء الله و هجبلك اكبر محامى فى البلد حسن سبانخ بذات نفسه و لا اقولك اجيب ابن خالتى لسه خريج السنة دى و اهى سبوبه للواد بدال ما بيدور على شغل و شدوا حيلكم و اختنقوا علشان القضايا تكتر كده و الواد ابن خالتى يشتغل و انا مع الحق و لا شىء غير الحق *36*



قال ديمقراطية قال

مع تحياتى / عضوة بتصطاد فى الميه اللى مش ولابد *9*

اسكندرانى
13-08-2004, 01:04 PM
السلام عليكم ورحمة الله وبركاتة
انا كل ما ادخل المنتدى الاقى فى مشكله بسبب اخونا صلاح
على كل حال
معلش
سيبوه لى وانا حافهمه خطئه
مفيش داعى للقسوه من اول مره كده
خلاص دى غلطه وانا حاشوف ايه اللى يرضيكم واخليه يعمله
وانا بعون الله حاخليه يرجع عن كل كلامه ده
واذا مرجعش يبقى الحل اللى انا باقترحه
انه يجلس جنب نانسى عجرم على طشت الغسيل
ويغنى نص نص نص نص نص
ويتحرم من
فيروز
وشط اسكندريه يا شط الهوى
ومن محمد قنديل
بين شطين وميه عشقتهم عينيه
يا غاليين عاليه يا أهل اسكندريه
ومن بدريه السيد
ياحوده
وخليه هو مع نص نص نص
ويتحرم من جيلاتى عزة
وفشار ميشو
وكباب بقش
وهريسة العصافيرى
وفول محمد احمد
وبن البرازيلى
وشوفوا بيقى حيعيش ازاى


Photo Gallery