المساعد الشخصي الرقمي

مشاهدة النسخة كاملة : كحك العيد واخواته .... كل سنه وانتم طيبين



sea horse
24-08-2011, 11:30 PM
http://www.loly-ho.com/data/media/3/stamp2011----_copy.gif


دى وصفاتى ومتجربه اكتر من مره وعلى ضمانتى
اولا : الكحك
كيلو دقيق هانخلط عليه ريحة الكحك ونحطه فى حله كبيره ونعمل وسطه حفره
نحط فى الحفره 3 معالق كبيره سمسم
هانقدح عالنار كيلو سمن ( ممكن النص سمن والنص زيت )
هاندلق السمن السخن فى حفرة الدقيق ونستنى دقيقتين للتشرب
ونقلب من بره لجوه بمعلقه خشب بالراحه حتى تصبح الحرارة تتحملها اليدونبدأ فى بس العجينه بالايدين
البس يعنى الفرك بين راحتى اليد
بعد كده هانضيف كوبايتين ونص لبن دافى + نص كوباية لبن فيها معلقتين خميره ومعلقة سكر
طبعا خلطة الخميره مع اللبن نعملها قبل ما نبدأ عشان الخميره تشتغل وتفور
نخلط الخميره باللبن عالعجين ونكمل عجن حتى تسيب العجينه اليد
نغطيها ببلاستيك ونسيبها فى مكان دافى ساعه تتخمر وتتضاعف
نبدأ فى تكوير قطع الكحك صغيره ونحشيها عين جمل او نسيبها ساده حسب الرغبه
ممكن فى قالب او ننقشها
وتخبز على حرارة 180 ونتابعها لمدة 20 دقيقه او حتى بداية التلوين
وبالهنا
:eat:

sea horse
24-08-2011, 11:36 PM
ثانيا : البيتى فور
هانضرب نص كيلو زبده ساقعه مع 200 جرام سكر لدرجة الكريمه
بعد كده هانضيف بياض اربع بيضات بدون الصفار
واخر شئ نضيف 625 جرام دقيق منهم الكاكاو ونعجن للتجانس
يعنى هانضيف 600 دقيق وبعد العجن نضيف لنص العجينه 25 جرام كاكاو
ونشكل بالقمع او باى وسيله العجينتين البيضا والبنى
ونصيحه نحط مع البنى حبيتين تلاته ابيض عشان نشوف لما تستوى فى الفرن
الخبز حوالى 15 دقيقه او التلوين الذهبى الفاتح
وبعد ما تبرد نلصق حبايه بنى مع حباية بيضا بمربى مشمش
ونلصق بطرفها مطحون مكسرات او شيكولاته فورماسيل او جوز هند مبشور
وبالهنا
:eat:

sea horse
24-08-2011, 11:40 PM
ثالثا : الغريبه
هانضرب ربع كيلو سمن مع 100 جرام سكر لدرجة الكريمه
ونخلط معاهم فى الاخر نص كيلو دقيق خلط جيد (بس بدون مبالغه فى الخلط)
ونريح العجين نص ساعه وبعد كده تشكيل حبات وممكن تزيينها بوحدات القرنفل او اى شئ نحبه
والخبز فى فرن هادى حرارة اقل من 140 والمهم عدم التلوين
يعنى تبقى الحبات بيضا
وبالهنا
:eat:

sea horse
24-08-2011, 11:44 PM
رابعا : بسكويت لانكشير
هانضرب 50 جرام سكر مع 100 جرام سمن ساقع لدرجة الكريمه
هانضيف بيضه واحده ونضرب
بعد كده نضيف 125 جرام دقيق و 65 جرام نشا ومعلقة بيكنج باودر
هانريح العجين ساعه ثم التشكيل فى شكل بللى صغير ويخبز على حرارة 160 حوالى 10-15 دقيقه
وبالهنا
:eat:

جيهان محمد على
25-08-2011, 08:13 PM
تسلم ايدك يا سى هورس
انا جربت بسكويت الانكشاير وطلع جميل جداااااااا
http://cdn.content.sweetim.com/sim/cpie/emoticons/00020408.gif (http://www.sweetim.com/s.asp?im=gen&lpver=3&ref=10&p=%7B44910E57-A8C2-11E0-88C7-00219772D49F%7D)
ممكن بقى تقولى طريقة عمل الكحك بس بالبيكينج بودر بس
http://cdn.content.sweetim.com/sim/cpie/emoticons/00020575.gif (http://www.sweetim.com/s.asp?im=gen&lpver=3&ref=10&p=%7B44910E57-A8C2-11E0-88C7-00219772D49F%7D) http://cdn.content.sweetim.com/sim/cpie/emoticons/00020576.gif (http://www.sweetim.com/s.asp?im=gen&lpver=3&ref=10&p=%7B44910E57-A8C2-11E0-88C7-00219772D49F%7D)

أم أحمد
25-08-2011, 09:43 PM
كل سنة وانت طيب يا سي هورس
تسلم الايادي وعقبال كل سنة ان شاء الله

nariman
26-08-2011, 12:37 AM
الله عليك يا كبير
تسلم ايدك يا سي هورس

نفسي ربنا يكرمني كده واجرب اعمل الحاجات دي في البيت

كل سنة وانتم طيبين

fishawy
27-08-2011, 12:20 AM
أستاذنا سي هورس
كلما احتجت وصفة أكلة معينة أو خبرة في مكونات وصفة معينة, أعود لمشاركتك هذه أو مشاركاتك القديمة بمنتديات أخرى, فأجد طلبي جاهز.
لك كل الشكر والإعتراف بالفضل
بخصوص الكحك
أنت تعرف من لا يقيم بمصر لن يجد الأشياء المصرية, ولكن دائماً لك حلولاً
ريحة الكحك غير موجودة فهل يمكن استبدالها بشئ؟ أو هل يمكن الاستغناء عنها؟
هل تلك الوصفة هي وصفة الكحك الناعم أم الخشن؟
لك مني كل التقدير
وكل عام وأنت بخير

sea horse
27-08-2011, 04:05 PM
العزيزه جيهان
بصراحه لم اجرب عمل الكحك بالبيكنج باودر
بس مش هاقدر اقول الا لو جربت بنفسى واتاكدت من النتيجه
مشيها بالخميره السنه دى على ضمانتى
والخميره ممكن منها الجاف فى اى سوبر ماركت
او طريه من اى فرن افرنجى
ومساء الفل
:eat:

sea horse
27-08-2011, 04:07 PM
شكرا للعزيزه ام احمد ودايما منوره كل الموضوعات
شكرا للعزيزه ناريمان واتشجعى ياللا معانا وابداى بكيلو واحد
كل سنه وانتم طيبين
:eat:

sea horse
27-08-2011, 04:11 PM
العزيز فيشاوى
ولا يهمك وهاتعمل احلى ريحة كحك كمان
اساس ريحة الكحك حاجتين واكيد متوفرين عندك
المحلب والمستكه
المحلب ده هاتلاقيه كور صغيره قد بذور الجوافه فى الحجم
ولون المحلب اصفر
والمستكه طبعا عارفها
عشان تعمل ريحه لاتنين كيلو كحك
هاتحتاج 40 حباية محلب وعليهم 6-8 فصوص مستكه
هانطحن الاتنين مع بعض فى المدقه وننخلهم فى مصفاه الشاى
والناتج نحطه على دقيق الكحك وكمل عادى
وكل سنه وانت طيب
:eat:

بنت البادية
30-08-2011, 02:30 PM
كل عام و انتم بخير
بالنسبة لمقادير الكعك
انت متأكد إن كمية السمن نفس كمية الدقيق
أعتقد مستحيل
لأن السمن بيكون نصف الدقيق بيكون الكعك ناعم جدا
و في الخشن بيكون أقل من النصف
أرجو مراجعة المقادير جيدا لتعم الفائدة على الزملاء
كمان كمية اللبن كبيرة على كيلو دقيق
أعتقد مقاديرك جميلة جدا بس لو على 2 كيلو دقيق
و على فكرة أنا بستبدل الروائح بالفانيليا بتكون أفضل من الروائح
أرجو الرد و الإفادة
تحياتي

sea horse
07-09-2011, 07:17 AM
العزيزه بنت البادية
طبعا عندك حق مليون فى الميه
انا فعلا عملت 2 كيلو دقيق بس لما جيت اكتبها هنا قلت اكتب مقادير الكيلو
وللاسف اختصرت الدقيق لكيلو واحد ونسيت اختصر باقى المقادير
يعنى نفس المقادير اللى ذكرتها صح بس مع 2 كيلو دقيق
اعتذر ليكى ولكل الاصدقاء على هذا الخطأ الصيامى
وكل سنه وانتم طيبين
:eat:

بنت البادية
08-09-2011, 10:43 PM
الأخ الفاضل
أشكرك جدا على إعترافك بالسهو ( جل من لا يسهو )
البعض لا يعترف بهذا أبدا
بس و الله وصفتك جميلة جدا و إنت رائع
على فكرة الطبخ أهم هواياتي
و أنا متابعة جيدة لمواضيعك القيمةو على فكرة أنا مبسوطة لإني خدت بالي من الخطأ البسيط رغم ان كان فيه أكتر من مشاركة
بس علشان تعرف إني متابعة جيدة ليك
شكرا أخي العزيز

sea horse
09-09-2011, 04:56 PM
العزيزه بنت البادية
بالتاكيد اى تصحيح لخطا لابد من تصحيحه وشكر من اكتشفه
لان الاصدقاء يثقون فى وصفاتنا ولابد ان نكون حريصين على صدق تجربتنا
بالاضافه ان الناس مش ناقصه اتلاف خامات
اشكرك مره تانيه
ومنتظر مشاركاتك معانا بكل جديد
:eat:

drmustafa
28-12-2011, 04:24 PM
لكم منا جزيل الشكر وخالص التقدير
مع تحيات
http://www.loly-ho.com/data/media/3/stamp--lagna.gif

nova_n
03-01-2012, 07:32 PM
الاستاذ سى هورس

http://www6.0zz0.com/2011/03/17/05/159432591.gif


مبارك التميز


شكرا

sea horse
03-01-2012, 08:06 PM
شكرا لعزيزه نوفا
وانا باعتبر اى جايزه لموضوع هى بنفس الوقت جايزه لكل من شارك
فالتفاعل فى الموضوع هو النجاح الحقيقى
فشكرا ليكى ولكل الاصدقاء معانا
مساء الفل
:eat:

أحمد ناصر
03-01-2012, 08:51 PM
http://www.shooq4.net/upfiles/40F28326.jpg
بصراحة يا سى هورس
كل وصفاتك لذيذة
تسلم إيدك وربنا ما يحرمناش من موضوعاتك الجميلة دى
*3*

الشاطر حسن
03-01-2012, 09:14 PM
http://alfaris.net/up/78/alfaris_net_1325619662.JPG (http://alfaris.net/up/78/alfaris_net_1325619662.JPG)
الشيف المتميز سي هورس مباركٌ ألف

sea horse
04-01-2012, 06:56 PM
شكرا للاعزاء
احمد ناصر والشاطر حسن
وكل الشكر لمجهود لجنة المسابقة والقائمين على المنتدى
بس سؤال ؟
هو الوسام لعام 2010 ولا 2011 ؟؟
وكل سنه وانتم طيبين يا احلى عيله جميله
مساء الفل
:eat:

أحمد ناصر
04-01-2012, 08:10 PM
شكرا للاعزاء
احمد ناصر والشاطر حسن
وكل الشكر لمجهود لجنة المسابقة والقائمين على المنتدى
بس سؤال ؟
هو الوسام لعام 2010 ولا 2011 ؟؟
وكل سنه وانتم طيبين يا احلى عيله جميله
مساء الفل
:eat:



أهلا سى هورس
الوسام عن عام 2011 يا شيفنا
*8*

أحمد ناصر
05-01-2012, 11:11 AM
وها هو الوسام مكتوب عليه عام 2011
1000 مبروك
http://www.loly-ho.com/data/media/3/sea-horse--2011-.gif

drmustafa
07-01-2012, 05:00 PM
http://up.haridy.org/storage/h2011.jpg (http://up.haridy.org)

sea horse
08-01-2012, 08:07 AM
شكرا للعزيز احمد ناصر لتعديل الوسام لعام 2011
وشكرا للعزيز د. مصطفى للتهنئة الرقيقه
بس ليا طلب معلش
ونظرا لقدراتى الفظيعه فى مواضيع السوفت وير والهارد وير برضو
فياريت حد يعدل لى الوسام فى توقيعى للوسام الجديد
وكل الشكر والتقدير لتعبكم معايا
وصباحكم فل
:eat:

محمد أمير
08-01-2012, 09:29 AM
الاستاذ الرائع سى هورس

ألف مبروك التميز تستحقه عن جدارة

http://www.k-loody.com/up/uploads/13046081993.gif

الله يديمك

sea horse
08-01-2012, 06:03 PM
الف شكر للعزيز محمد امير لذوقك وتشجيعك
وكل سنه وانت طيب وبخير
:eat:

أحمد ناصر
08-01-2012, 06:23 PM
شكرا للعزيز احمد ناصر لتعديل الوسام لعام 2011
وشكرا للعزيز د. مصطفى للتهنئة الرقيقه
بس ليا طلب معلش
ونظرا لقدراتى الفظيعه فى مواضيع السوفت وير والهارد وير برضو
فياريت حد يعدل لى الوسام فى توقيعى للوسام الجديد
وكل الشكر والتقدير لتعبكم معايا
وصباحكم فل
:eat:


أهلا بك يا سى هورس
لا شكر على واجب
الحقيقة أنا لم أعدل الوسام بل هو تصميم الوسام لهذا العام الذى قامت به الأخت العزيزة لولى
للأسف لا أستطيع أن أقوم بوضع الوسام الجديد فى توقيعك لكن الخطوات سهلة جدا

1- ح تعمل كليك يمين على صورة الوسام الجديد وتختار
إنسخ مكان الصورة إذا كانت نسخة متصفحك بالعربى
أو copy image location إذا كانت نسخة متصفحك بالإنجليزى

2- ح تضغط على إختيار لوحة التحكم وهو موجود فى أعلى الصفحة جهة اليسار

3-تضغط على إختيار تعديل التوقيع الموجود على يمين الصفحة التى ستظهر لك

تقوم بمسح توقيعك القديم ثم تضغط على الرمز http://www.egyptsons.com/misr/images/editor/insertimage.png ثم تضغط زرار ctrl الموجود فى الكيبورد وتضغط على حرف v فى نفس الوقت
ثم تضغط على موافق ثم تعتمد التوقيع فتجد الوسام الجديد ظهر فى توقيعك..ياريت تجرب كده وتقول لى

sea horse
08-01-2012, 06:32 PM
العزيز أحمد ناصر
شكرا جزيلا للشرح التفصيلى
والحمد لله نجحت فى التنفيذ بارشاداتك
معلش تعبتك معايا
الف شكر

:eat:

اسكندرانى
09-01-2012, 05:20 PM
http://www.7ozn.com/files46/09_01_2012_b50513261224743.gif
اخى العزيز
سى هورس
ارق تحياتى لك دائما
http://www.7ozn.com/files46/09_01_2012_b50513261224747.gif

ارق التهانى واطيب الامنيات

بفوزكم الكريم

وتمنياتى لكم بدوام النجاح والتوفيق

http://i7.tagstat.com/images/user/92/34/71/5391923471-69055706.gif



http://www.7ozn.com/files46/09_01_2012_b50513261224748.gif

kethara
10-01-2012, 07:53 PM
أخى الفاضل سى هورس

http://www.7ozn.com/files46/09_01_2012_b50513261224741.gif

sea horse
12-01-2012, 07:28 AM
العزيز الغالى اسكندرانى
تهنئتك لها طعم خاص من شيف كبير زيك
تسلم ودايما جهودك مميزه
العزيزه قيثارة
الف شكر لتهنئتك وذوقك
والشكر للجميع وللمشاركين فالتميز صفه عامة بمنتدانا الجميل

نوورا
20-02-2012, 06:26 AM
أستاذ سى هورس

لالالالالالالالالالالالالالالالالالا
انا بقى الا كحكى وغريبتى وبيتفورى يجننوا
بجد تسلم ايديك حاجة حلوة جدا
عابقى اقول على طريقة كمان سهلة

sea horse
21-02-2012, 10:59 AM
العزيزه نورا
وانا مستعد دايما للتعديل والتطوير والتجريب لكل جديد
ياللا ورينا الهمه
ونزلى طريقتك لكحك العيد واخواته
فى الانتظار
صباح الفل
:eat: