المساعد الشخصي الرقمي

مشاهدة النسخة كاملة : أطباق البطاطس الجميلة



اليمامة
30-07-2011, 06:04 PM
كل سنة وأنتم طيبين

http://www.mazikao.net/vb/imgcache/21359.png


كلنا نحب البطاطس كبارا وصغارا ونصنع منها أشكالا متنوعة من أصناف الطعام وبمذاقات مختلفة ..ونحن لا نستغنى عن البطاطس أبدا تقريبا فى كل سفرة وفى رمضان فى موسم العزائم والولائم نحتاج للبطاطس دائما كسلطات أو كأطباق رئيسية ومشهيات أو حتى ديكورات للأطعمة تفتح شهيتنا نحوها وتزيدها جمالا ومذاق ..

وكما هو معروف أن ثمرة البطاطس من الخضروات المحببة إلينا جميعا فى الشرق أو الغرب نظرا لثمنها الزهيد ولسهولة هضمها وسرعة طهيها ولما تحتوية من مواد كربوهيدراتية تشمل المواد النشوية والسكرية التى لا غنى للإنسان عنها لتوليد الحرارة والطاقة ..لذا قام الطهاة الغربيون المتخصصون فى الطهى ..وخاصة فى فرنسا ..التى أصبح لها أسلوب يدرس وتبع فى أكثر من 90% من الفنادق السياحية فى العالم ويعرف بالمطبخ الفرنسى حيث استخرجوا أشهى الأطباق من ثمرة البطاطس لتقدم فى شكل راق ورفيع ..ولقد أضيف إليها الإضافات لتكون وجبة شهية كاملة المواد الغذائية التى يحتاجها الجسم ..

http://www.sptechs.com/emarket/Thumbs/pics/item210576.gif


وإننى أقدم لكم هنا أصناف لا معدودة مستخرجة من ثمرة البطاطس وأفتح أمامكم مجالات للإبداع الكربوهيدراتى على سفرة رمضان وللأطفال وللأيام العادية ..بوصفات سهلة ومبسطة ومفهومة ان شاء الله مع ذكر اسم كل صنف طبقا لقواعد المطبخ الفرنسى ..

لذا أود أن أضيف معلومة ..وهى أن اسم البطاطس بالفرنسة هو " بم دى تير " وترجمتها : تفاح الأرض ..نظرا لأن ثمرة البطاطس تنمو تحت سطح الأرض ..لذا يطلق على اسم كل وصفة كلمة " بم " ثم تضاف الصفة بعد ذلك لتكون " بم بوريه " مثلا .. أى ( البطاطس البيوريه ) وهكذا ..


http://www.singingpotato.com/graphics/Potato%20animation.gif

ولن أنسى بكل تأكيد وصفاتنا المصرية الجميلة للبطاطس

تحياتى

zizoYAzizo
30-07-2011, 08:00 PM
انا بحب البطاطس المحمرة الصراحه ياندى وبتكون جميله وباكل منها كميات كبيرة هههههههه مره يعنى انا وصديق ليا جبنا 5 كيلو وقاعدنا نقشر فيها ونحمرها يعنى حتى وقتها كنا صغيرين ومكنش معانا فلوس نجيب زيت نزل هو جاب ازازه زيت بقله انت جبتها منين قالى اديت للراجل جنيه وباقيله جنيه وربع :d

وجدى محمود
30-07-2011, 08:54 PM
رغم شطارة المدام وجمال نفسها في الطبيخ
إلا أنني لابد وأن أساعدها في وقت العزائم خاصة
لأنني أعشق المطبخ وأحب الإبتكارات في الطهو ودائما ما أعطي الأطعمه شكلا خلابا يفتح شهية الضيف
وأنا كأخي زيزو أعشق البطاطس المحمره وأحيانا أكثر أقوم أقوم بغسلها وتقطيعا طرنشات وأسلقها مع بعض الملح وأأكلها كما هي
أو أقوم بهرسها وتقليبها في الزيت المغلي بعد إضافة الثوم والتوابل والكرفس وأخرجها ثم أصنع منها أصابع أو كور صغيره وأضظها في البيض ثم البقسماط
وأقوم بقليها
و
بالهنا والشفا
ولي طرق أخري لحفظ البطاطس
بعد ان أقوم بغسلها وتقشيرها وتقطيعها أصابع رفيعه وأضعها في الزيت المغلي لمدة 5 دقائق وأقوم بإنتشالها ووضعها في الشمس علي ورق جرائد حتي تجف ويمتص الورق الزيت وأضعها في أكياس وأخزنها في الفريزر وأخرجها حين أريد وأقوم بتحميرها

واو
طعمه بشكل
ولسه حأنتظر وصفاتك وأنا علي ثقه من جمالها

nariman
31-07-2011, 01:04 AM
أنا بحب البطاطس جدااا بالذات المحمرة والسلطات بأنواعها

كنت زمان عملت وصفة لسلطة البطاطس ونزلتها هنـــا (http://www.egyptsons.com/misr/thread135184.html) بالصور
شوفي كده يا ندى وقوليلي بصراحة مكسلة أكتب :d
تسلم ايدك يا حبيبتي

nova_n
31-07-2011, 09:40 PM
اليمامة

جميل الموضوع فعلا
اكيد كلنا بنعشق البطاطس وخصوصا انا بحبها بكل الطرق
محمرة مشوية مسلوقة بيورية بانية كله كله
انا متابعة معاكى

شكرا

اليمامة
01-08-2011, 02:45 PM
انا بحب البطاطس المحمرة الصراحه ياندى وبتكون جميله وباكل منها كميات كبيرة هههههههه مره يعنى انا وصديق ليا جبنا 5 كيلو وقاعدنا نقشر فيها ونحمرها يعنى حتى وقتها كنا صغيرين ومكنش معانا فلوس نجيب زيت نزل هو جاب ازازه زيت بقله انت جبتها منين قالى اديت للراجل جنيه وباقيله جنيه وربع :d

ههههههههههه
مغامرات بطاطساوية ..:d
بس فعلا البطاطس تستاهل التضحية والدين يا زيزو
جميلة وشهية وممتعة
وطبعا المقلية بالخصوص وخاصة لما تكون مقرمشة
تعرف انا لما بعمل لولادى بطاطش شيبسى
بعمل فى المرة الواحدة ما لايقل عن 3 كيلو شيبسى زى الجاهز بالضبط
وطبعا بتتنسف
كلنا بنهجم عليها
هنا هاقول وصفات كتيرة سهلة وشهية جدا جدا

:f2:

اليمامة
01-08-2011, 02:48 PM
رغم شطارة المدام وجمال نفسها في الطبيخ
إلا أنني لابد وأن أساعدها في وقت العزائم خاصة
لأنني أعشق المطبخ وأحب الإبتكارات في الطهو ودائما ما أعطي الأطعمه شكلا خلابا يفتح شهية الضيف
وأنا كأخي زيزو أعشق البطاطس المحمره وأحيانا أكثر أقوم أقوم بغسلها وتقطيعا طرنشات وأسلقها مع بعض الملح وأأكلها كما هي
أو أقوم بهرسها وتقليبها في الزيت المغلي بعد إضافة الثوم والتوابل والكرفس وأخرجها ثم أصنع منها أصابع أو كور صغيره وأضظها في البيض ثم البقسماط
وأقوم بقليها
و
بالهنا والشفا
ولي طرق أخري لحفظ البطاطس
بعد ان أقوم بغسلها وتقشيرها وتقطيعها أصابع رفيعه وأضعها في الزيت المغلي لمدة 5 دقائق وأقوم بإنتشالها ووضعها في الشمس علي ورق جرائد حتي تجف ويمتص الورق الزيت وأضعها في أكياس وأخزنها في الفريزر وأخرجها حين أريد وأقوم بتحميرها

واو
طعمه بشكل
ولسه حأنتظر وصفاتك وأنا علي ثقه من جمالها

أهلا يا وجدى
ايه يا سيدى الشطارة دى
انت قولت شوية حاجات جميلة وشهية
وعلى فكرة لما البطاطس تتسلق طرنشات فى المية وملح ممكن تآكل منها كدا وهى سخنة بأى كمية ومش هاتتخن خالص طالما ماعليهاش مادة دهنية ..وطبعا البطاطس المهروسة بالتوم بالذات لا تقاوم ولما تعملها كفتة بالبيض والبقسماط ..ممكن تآكل للصبح
أما طريقة حفظ البطاطس اللى انت قلتها فهى مش للحفظ اوى اكتر منها انها طريقة ناجحة جدا بتخلى البطاطس مقرمشة اوى فى القلية وطعمها حلو زى بتاعة كنتاكى كدا وماكدونالدز ..

شكرا لوجودك يا وجدى وان شاء الله أقول وصفات ترضى ذوقك

:f2:

اليمامة
01-08-2011, 02:57 PM
أنا بحب البطاطس جدااا بالذات المحمرة والسلطات بأنواعها

كنت زمان عملت وصفة لسلطة البطاطس ونزلتها هنـــا (http://www.egyptsons.com/misr/thread135184.html) بالصور
شوفي كده يا ندى وقوليلي بصراحة مكسلة أكتب :d
تسلم ايدك يا حبيبتي

نيرمو ..انتى تقصدى البطاطس المايونيز ..



من السلطات المفضلة بالنسبة لي


حبيت أشاركم بها في المطبخ




سلطة البطاطس بصوص المايونيز والمسطردة



المكونــــات :


بطاطس مسلوقة ( ياريت مش نسلقها قوي علشان مش تتهري مننا )


بصلة صغيرة


زيتون اسود أو اخضر حسب الرغبة


فلفل رومي


بقدونس


معلقتين كبار مايونيز ومعلقة مسطردة


معلقة لبن


ملـــح



http://up.haridy.org/storage/1111111111111.jpg (http://up.haridy.org)




أولا نحضر الصوص وهو عبارة عن المايونيز والمسطردة ومعلقة اللبن مع التقليب المستمر حتى الوصول لقوام مناسب وغير سائل تماما


وبعدين نقطع باقي المكونات الفلفل الرومي والبصلة والبقدونس والزيتون
ونضيفهم للبطاطس المسلوقة المقطعة مكعبات صغيرة
مع اضافة الملح والفلفل حسب الرغبة


.. فيه ناس بتضيف شطة كمان بس بصراحة احنا مش بنفضلها في البيت



وفي النهاية نضيف صوص المايونيز ونقلب


حيبقى ده شكلها النهائي



http://up.haridy.org/storage/222222.jpg (http://up.haridy.org)



بالهنا والشفا ..ويارب تعجبكم :girl25:


:f2:

دى فعلا جميلة أوى يا ناريمان ..ماشاء الله تسلم ايدك يا حبيبتى
مكوناتها جميلة وماتخنشى أوى ..بصراحة انا دايما بآخد بالى من المسألة دى أهم شىء
بس فعلا ساعات كدا بآكل المقلية ولا بسأل فى اى وساوس خاصه بالرجيم ..أصل سحرها لا يقاوم
بس هنا انا هارفع المايونيز منها وهاكتفى بالليمون بعد اذنك كحالة خاصة ليا يعنى ..وممكن نحط فص توم
بس فى الحالة دى مش هاتبقى بطاطس المايونيز خالص ..ههههههههههه

:f2:

اليمامة
01-08-2011, 02:58 PM
اليمامة

جميل الموضوع فعلا
اكيد كلنا بنعشق البطاطس وخصوصا انا بحبها بكل الطرق
محمرة مشوية مسلوقة بيورية بانية كله كله
انا متابعة معاكى

شكرا

أهلا يا نوفا
انا زيك تمام
بحبها بكل الصور
طعمها جميل جدا وبيبان فيها الاضافات وسهلة التشكيل
بتسعدنى متابعتك
وكل سنة وانتى طيب
:f2:

اليمامة
01-08-2011, 03:27 PM
أنا هابتدى معاكم دلوقتى بوصفة مطلوبة دايما فى العزومات وغيرها ..ومرغوبة جدا عند الكبير والصغير
وهى البطاطش الشيبسى ..وهاقولكوا على الطريقة دلوقتى وبتطلع زى الجاهزة واحسن مع الفارق ان دى كمان صحية ولذيذة جدا جدا ومش هاتقاوموا ..وجربوا على ضمانتى ..


البطاطس الشيبسى

http://www.myelaph.com/elaphweb/Resources/images/Health/2010/9/week4/potato_chips.jpg

أول حاجة بجيب كمية البطاطس اللى أنا عايزاها بقشرها بعدين بغسلها بعدين بجيبها أقطعها حلقات رقيقة بقدر الامكان ..انا بفضل أقطعها بالسكينة وبقدر الحمد لله أقطعها بالسكينة كويس وبقدر كمان اتحكم فى السمك بتاعها بالخبرة والممارسة وانا بحبها شوية سميكة زى الكرانشى السميك كدا ..زى ما هو باين كدا فى الصورة ..وطبعا فى آلات مشرشرة بتقطع البطاطس كدة ..فيه سكينة كدا ومكن كدا ..وفيه طبعا قطاعة البطاطش الشيبسى انتى ممكن تستخدميها ..بس انا بحب اقطعها بإيدى بالسكينة العادية ..بعد كدا بنقعها شوية فى ميه متلجة وبحطها فى التلاجة شوية بدون ملح ولا أى حاجة ..بعد نص ساعة أو ساعة بحط حلة على النار فيها ميه لازم تغلى ..بعدين بجيب البطاطس من التلاجة واروح حاطها فى المية المغلية واسيبها تغلى دقيقتين لغاية لما نحس وكأن البطاطس اتسلقت ..بس مش اوى يعنى ..طريت كدا وشبه استوت ومحتفظة بقوامها ..على طول بآخد البطاطس اصفيها من المية وافاجئها بجرعات من المية المتلجة ..لغاية لما تفضل فى مية متلجة ..مغطياها يدوب ..نا بحبها بالخل ..بجيب الخل والملح واحطهم على البطاطس فى المية واسيبهم شوية ..واراعى ان البطاطس هاتمتص بسرعة ..يعنى لو هاقلى دلوقتى اكتر الخل والملح اما لو هاستنى شوية هاقلل ..يعنى على حسب وقتك

بعد كدا نيجى بقى للقلى ..مفضل جدا ان الزيت يكون طازة ونضيف ..جديد يعنى ..والطاسة غويطة زى بتاعة الصينين السودا..عارفينها ..انا عندى واحدة منا من تيفال ..حبيبتى وروحى الطاسة دى ..سودا وعميقة وواسعة جدا وبتسخن بسرعة ..بحطها على النار وبملاها زيت ..اول ما الزيت يسخن اوى هاوطى سنة وهاجيب البطاطس كبشة كدا فى ايدى ولازم احط البطاطس متفرطة ..بطاطساية بطاطسية ..يعنى مارميش الكبشة كدا..دا غلط ..لازم افكها من بعضها وارميها واحدة واحدة ..وتكون الكمية قليلة هاتتقلى كدا احسن وبسرعة بس انا علشان جربتها كتير بحط كمية معقولة وبقف جنبها ألاحظها ..بعلى النار بمجرد ما بخلص وضع البطاطس واغطى الطاسة ..

هابدأ الاحظ انها بتتقلى وبتنشف وبتبقى حلقات جافة وجميلة زى بتاعة برا ..وكدا خلاص ..نكون عملنا الشيبسى ..ونطلعه على ورق ابيض او ورق نشاف وخلاص ..نكله بقى جدا تسالى او نزوق بيه اللحوم وغيره ..

لو عايزنها بطعم الجبنة ..هانجيب جبنة رومى قديمة ونجمدها فى الفريزر ..ونطلعها نبشرها وهى جامدة بالمبشرة الدقيقة جدا ..هاتنزلها بودرة او نفرمها فى الكبة او فى المفرمة وبعدين نقلب عليها مرقة دجاج فورية اللى هى البودرة دى برضو ونرشها بسرعة على البطاطس وهى سخنة ..هايبقى طعمها جميل جدا ..وطبعا ممكن مكان الجبنة نحط شطة نحط بابريكا مع المرقة الدجاج..وممكن مرقة الدجاج بس وتبقى بطعم الفراخ ....فيه كمان شيبسى بالجمبرى ..دا بيتحط يتغلى فى شوية شوربة سى فود او سمك او جمبرى ويطلع يتقلى عادى وبيعطى نفس الطعم والنتيجة ..جربوها ..ويارب تعجبكم

http://acookweb.hawaaworld.com/sites/acookweb.hawaaworld.com/files/recipes_images/Potato_Chips.jpg?1260088612

عصام كابو
08-08-2011, 02:47 PM
انا شخصياً باموت فى كل ما هو بطاطسي

مقلية.. مسلوقة.. مهروسة.. سلطات و وجبات.. طواجن و صينيات الخ الخ

يعني باختصار بطاطساوي على طول

هتابع الموضوع اللذيذ ده بس ليا طلب صغير يا ندى لو سمحتي

انا كام مرة كده دوقت مخلل قطع بطاطس و اللى عجبني فيه ان قطع البطاطس كانت مش طرية.. بالبلدي كدة بتقرش :d
كنت عايز اعرف طريقته لو تقدري

اليمامة
10-08-2011, 10:39 PM
انا شخصياً باموت فى كل ما هو بطاطسي

مقلية.. مسلوقة.. مهروسة.. سلطات و وجبات.. طواجن و صينيات الخ الخ

يعني باختصار بطاطساوي على طول

هتابع الموضوع اللذيذ ده بس ليا طلب صغير يا ندى لو سمحتي

انا كام مرة كده دوقت مخلل قطع بطاطس و اللى عجبني فيه ان قطع البطاطس كانت مش طرية.. بالبلدي كدة بتقرش :d
كنت عايز اعرف طريقته لو تقدري

أهلا أهلا دكتور عصام ..منور دنيا البطاطس اللى هنا ..وأهلا بكل بطاطساوى علطول وشيبساوى على طول ..
كل سنة وانت طيب ..هو الحقيقة يا دكتور عصام البطاطس حاجة ساحرة ..حاجة لا يمكن أبدا الإستغناء عنها ..
والحقيقة كمان أنا مش هاخبى عليك يعنى ..اول مرة اسمع عن مخلل البطاطس بس أنا مستوعباه وشايفه انه فعلا اختراع لطيف ولائق جدا مع طبيعة البطاطس التى تكتسب المذاق بسهولة والمنكهات وتتشرب الأملاح والحوامض وتقرش ولا تذوب .. يعنى ايه الفرق مثلا اللى هايكون ياترى بينها وبين الجزر ..وبين الخيار ..مع احتفاظ كل صنف منهم طبعا بحق تقرير مصيره ..أقصد طعمه ..

أوعدك سريعا هاكتبلك وصفة حلوة للبطاطس المخللة ..بس ليس الآن الآن ..

تحياتى

:f2:

جيهان محمد على
10-08-2011, 11:03 PM
موضوعك دا بيفكرنى بقلب مصر يا ندى
كانت دايما بتقول على نفسها انها مخلوق بططساوى هههههههه
البطاطس طبعا من الخضروات اللى لازم تبقى موجودة باستمرار فى اى مطبخ والحقيقة بتحللى مشاكل كتير لانها بينفع يتعمل بيها كل واى حاجة ومعظم الناس بتحبها
بس اكتشفت مؤخرا ان البطاطا ممكن تكون منافس جيد لها وبتعطى طعم مختلف بس احنا اللى مش واخدين عليها غير مشوية او مسلوقة او فى اصناف قليلة جدا فى اكلنا
هاتابع معاكى عشان اعرف وصفات جديدة لها http://cdn.content.sweetim.com/sim/cpie/emoticons/00021757.gif (http://www.sweetim.com/s.asp?im=gen&lpver=3&ref=10&p=%7B44910E57-A8C2-11E0-88C7-00219772D49F%7D)

عصام كابو
11-08-2011, 10:48 PM
أهلا أهلا دكتور عصام ..منور دنيا البطاطس اللى هنا ..وأهلا بكل بطاطساوى علطول وشيبساوى على طول ..
كل سنة وانت طيب ..هو الحقيقة يا دكتور عصام البطاطس حاجة ساحرة ..حاجة لا يمكن أبدا الإستغناء عنها ..
والحقيقة كمان أنا مش هاخبى عليك يعنى ..اول مرة اسمع عن مخلل البطاطس بس أنا مستوعباه وشايفه انه فعلا اختراع لطيف ولائق جدا مع طبيعة البطاطس التى تكتسب المذاق بسهولة والمنكهات وتتشرب الأملاح والحوامض وتقرش ولا تذوب .. يعنى ايه الفرق مثلا اللى هايكون ياترى بينها وبين الجزر ..وبين الخيار ..مع احتفاظ كل صنف منهم طبعا بحق تقرير مصيره ..أقصد طعمه ..

أوعدك سريعا هاكتبلك وصفة حلوة للبطاطس المخللة ..بس ليس الآن الآن ..

تحياتى

:f2:


انا مستني الطريقة يا ندى.. و كمان هاستني انك تدوقي مخلل البطاطس و تقولي رأيك..
متهيألي هتلاقيه عند بتوع الطرشي الجامدين :d

اليمامة
12-08-2011, 08:22 PM
موضوعك دا بيفكرنى بقلب مصر يا ندى
كانت دايما بتقول على نفسها انها مخلوق بططساوى هههههههه
البطاطس طبعا من الخضروات اللى لازم تبقى موجودة باستمرار فى اى مطبخ والحقيقة بتحللى مشاكل كتير لانها بينفع يتعمل بيها كل واى حاجة ومعظم الناس بتحبها
بس اكتشفت مؤخرا ان البطاطا ممكن تكون منافس جيد لها وبتعطى طعم مختلف بس احنا اللى مش واخدين عليها غير مشوية او مسلوقة او فى اصناف قليلة جدا فى اكلنا
هاتابع معاكى عشان اعرف وصفات جديدة لها http://cdn.content.sweetim.com/sim/cpie/emoticons/00021757.gif (http://www.sweetim.com/s.asp?im=gen&lpver=3&ref=10&p=%7B44910E57-A8C2-11E0-88C7-00219772D49F%7D)
ههههههههه
فعلا يا جيهان ..قلب مصر كانت دايما بتقول انها كائن بطاطساوى وتروح حاطة صور بطاطس بترقص :d
ربنا يمسيها بالخير ..
وواضح كدا اننا كلنا نفس الكائن البطاطساوى
انتى قلتى كمان حاجة جميلة جدا وهى البطاطا
هى بالضبط نفس البطاطس بس مسكرة ..حتى بيسموها البطاطس المسكرة
فى أوروبا والدول المتقدمة ..ههههههه..بيتعاملوا مع البطاطا بشكل اساسى فى اطباقهم وبطريقة شيقة جدا
غالبا بيقدموها مقلية او مشوية او مسلوقة ومتبلة وعليها صوصات مع اطباق اللحوم عادى جدا
انا شخصيا بقليها صوابع زى البطاطس لولادى عادى
وساعات بسلقها واروح مقلباها فىالبقسماط واقليها فى الزبدة بالزيت او بزيت درة بس
بتبقى جميلة
بس هاتتخن طبعا وهى عليها مادة دهنية
اما لو مسلوقة او مشوية .. مش هاتعمل حاجة
انا بحبها مشوية جدا

http://www.holwati.com/photo/12763428222049-tb-sweet_potato.gif


شكرا يا جيهان على وجودك ..وخليكى معانا

:f2:

اليمامة
12-08-2011, 08:34 PM
انا مستني الطريقة يا ندى.. و كمان هاستني انك تدوقي مخلل البطاطس و تقولي رأيك..
متهيألي هتلاقيه عند بتوع الطرشي الجامدين :d



أهلا دكتور عصام ..مساءك خالى من المخلل يارب ..حتى لو بطاطس
بص بقى يا سيدى انا جبت لك وصفة ..ومن خبرتى العبقرية اللوذعية كما يعلم الجميع ..هههههه فى المطبخ اقدر اقولك انها وصفة ان شاء الله ممتازة ..

اتفضل ..

المقادير:
4 بطاطس كبيرة مقشرة ومقطعة لأى حجم مخللاتى مفضل
4 فلفل رومى مقطع الى مربعات
6جزر مقطع اعواد رفيعة
6فلفل حار مقطع انصاف
كام فص ثوم مهروس
فنجان شاي خل اسود " ممكن استبداله بخل ابيض عادى "
نص كوب عصير ليمون
حوالى 3 كوب ماء
م ص من كلا من ( كمون-فلفل اسود-شطة -كركم-زنجبيل-قرفة-كزبرة ناشفة)
1/2 م ص قرنفل
2 م ك ملح
الطريقة:
يخلط الخل مع عصير الليمون والتوم وجميع البهارات والملح ويترك جانبا
نضيف خليط الخضار فى برطمان ونصب عليه الخليط السابق ويغطى وجهه بالزيت ويحكم الغطاء ويترك لمدة لا تقل عن 5 ايام
ولو عايزة سريع يا دكتور عصام ممكن تسلق الخضروات اقل من نص سلق ..يدوب تاخد غلوة على النار فى مية وبعدين نعمل فيها نفس اللى عملناه وناكل بقى وخلاص

جرب وانا كمان هجرب علشان انا لم أجرب وربنا يستر

خليك معانا فى عالم البطاطس الشهىىىىى

:f2:

أم أحمد
13-08-2011, 02:39 AM
ايه الموضوع البطاطساوي الرائع ده يا ندي
انا وكل البيت عندي من عشاق البطاطس والبطاطا بكل اشكالهم وانواعهم
ولسه كمان النهاردة علي السيرة يعني عاملة صينية بطاطس رهيبة اتمسحت الحمد لله مسح ههههههه
وعايشة في بلد البطاطس زي ما بيقولوا
والبطاطس المقلية شئ اساسي هنا زي الفشار واللب في مصر كده
لما نتمشي في اي مكان بدل ما نشتري لب بنشتري قرطاس بطاطس بالكاتشب بقي او المايونيز او زبدة الفول السوداني
الحمد لله اني جيت الموضوع بعد الفطار عشان ما كانش يحصل قلق ههههه
يا ربي انا طبعا هاكون مقيمة هنا معاكم عشان عشان الست الغالية بطاطسية ههههههه

hudadodo
20-10-2011, 12:22 PM
جميييييييييلة فعلا

اليمامة
24-11-2011, 10:55 PM
ايه الموضوع البطاطساوي الرائع ده يا ندي
انا وكل البيت عندي من عشاق البطاطس والبطاطا بكل اشكالهم وانواعهم
ولسه كمان النهاردة علي السيرة يعني عاملة صينية بطاطس رهيبة اتمسحت الحمد لله مسح ههههههه
وعايشة في بلد البطاطس زي ما بيقولوا
والبطاطس المقلية شئ اساسي هنا زي الفشار واللب في مصر كده
لما نتمشي في اي مكان بدل ما نشتري لب بنشتري قرطاس بطاطس بالكاتشب بقي او المايونيز او زبدة الفول السوداني
الحمد لله اني جيت الموضوع بعد الفطار عشان ما كانش يحصل قلق ههههه
يا ربي انا طبعا هاكون مقيمة هنا معاكم عشان عشان الست الغالية بطاطسية ههههههه

ازيك يا أم أحمد
وحشانا
مشاركتك دى فكرتنى بأيام رمضان الجميلة
يااااه
من زمان مادخلتش الموضوع دا
آخر حاجة بقى عرفتها يا أم أحمد
ان البطاطس بتضيع الإكتئاب
ضحكت جدا لما تصورت ان الواحد بالطريقة دى هياكل كدا بطاطس بالعبيط
بالذات فى الأيام دى
الحقيقة كنت داخلة اتكلم عن البطاطس البيورية
وبدور على صوره علشان أرفقها
لقيت مشاركة كووول أوى عن البطاطس البيورية
قلت والله لأحطها لكم زى ماهى كدا ..واللى يحصل يحصل ..
بشكر وجودك الجميل والتلقائى جدا يا أم أحمد
ودمتى فى رعاية الله
:f2:

اليمامة
24-11-2011, 10:57 PM
جميييييييييلة فعلا


شكرا لمرورك واطرائك

تحياتى

اليمامة
24-11-2011, 10:58 PM
هى دى المداخلة اياها ...

صينية بطاطس بيوريه بالكريمة
أعزائى:
بعد أن جربت تأثير هذه الوجبة فى علاج حالة الاكتئاب إياه(أنظر موضوع:بتعمل ايه و انت متضايق؟) قلت لازم أوصفلكم الأكلة العبقرية دى
إلى جمهور الأكيلة...مبعرفش أقول مقادير لكن جربوا طريقتى(طريقة الصندل)أى: حط أى حاجة تيجى فى وشك انشالله حتى فردة صندل ما لهاش صاحب :o

تجيبوا كيلو ونص بطاطس (يفضل المتوسطة الحجم أو الصغيرة) و تتغسل كويس قوى
و بعدين تسلقوا البطاطس فى مياة كتيرة لحد ما تتهرى خالص(معايا العملية دى بتاخد لها حوالى ساعة تقريباً )
خلاص اتهرت البطاطس نسيبها لحد ما تهدى شوية و نشيل القشرة بايدنا
بعد كده تتهرس بالشوكة(أنا باختصر و أهرسها بإيدى ys): ) و تتبل بكل التوابل اللى موجودة :ملح؛فلفل أسود؛كمون؛شطة(واااااااو)؛كل واحد ويحط المقدار اللى هو عايزه(أنا شخصياً باحط عميانى بس أكتر حاجة بحبها الفلفل الأسود)
أثناء سلق البطاطس نجهز العصاج و الصوص(البشميل)
العصاج طبعاً عارفينه(للمبتدئين أمثال السادة الرجال):لحم مفروم مع بصل و فلفل أخضر و ملح و فلفل اسود
كله يتفرم مع بعضه و فى الآخر يتحمر فى سمن لحد ما تستوى اللحمة (حوالى تلت ساعة)-ابقوا ذوقوا و شوفوها استوت و الا لأ-كل واحد و بوتاجازه يعنى متوجعوش قلبى على الصبح ups:
البشميل :معلقتين سمن و شوية دقيق (ربع كوباية )و يتحمروا كويس لحد ما الدقيق يبقى لونه دهبى و اوعى يكلكع و بعدين نزود شوية لبن و نقلب باستمرار (أول ماتحس ان العملية كلكعت زود لبن و اضرب بايدك جامد ترهب العدو) ولما تحس انها سابت خالص زود دقيق و ارفع الحلة من على النار شوية و هكذا لحد ما توصل لقوام معقول.و متنساش طبعاً تظبط الملح و التوابل فى البشاميل
ملحوظة هامة: لضعيفى القلوب و أصحاب المرض يمكن استبدال السمن بزبدة بتبقى أخف و خصوصاً الصفرا

كده خلاص قربنا نخلص
نحط الأول فى القالب(أو الصنية)طبقة من البطاطس اللى عملناها و بعدين طبقة من العصاج و بعدين طبقة من الصوص و بعدين طبقة بطاطس و فى الآخر نرش على الوش جبنة رومى مبشورة و نحط معلقتين زبدة على الوش.
بعد كده ندخلها فرن متوسط الحرارة و نبص عليها من وقت للتانى(كل ربع ساعة كده) لحد ما الوش يبقى لونه دهبى snk:
بتاخد حواى نص ساعة لحد ما يحمر الوش(برضو حسب البوتاجاز)
تقدم مع سلاطة خضرا
و بعدها رز بلبن
وبعدها اكتبوا وصيتكم بقلب جامد. :unsure:

ابن البلد
24-11-2011, 11:20 PM
طيب والله العظيم أنا جعان جدا جدا جدا

وفعلا نفسي في البطاطس هههههه

مينفعش تعمللنا طبق حضرتك
يكون
3d
كده وتحطيه كمرفقات في الموضوع
*109*

:eat:
ينوبك ثواب فينا يعني
:d

اليمامة
26-11-2011, 08:27 PM
طيب والله العظيم أنا جعان جدا جدا جدا

وفعلا نفسي في البطاطس هههههه

مينفعش تعمللنا طبق حضرتك
يكون
3d
كده وتحطيه كمرفقات في الموضوع
*109*

:eat:
ينوبك ثواب فينا يعني
:d

أهلا ابن البلد
ياترى لسه نفسك فى البطاطس ؟
اخترت لك بقى وصفة شهية جدا ..مابتزودش الوزن بالرغم من انها بطاطس ودا لأنها معمولة بطريقة ذكية مشوية وشهية
وتشبه بتاعة مجدونالدز وكنتاكى ..وتنفع جدا تتقدم مع المشويات
كان نفسى والله أقدمه 3d
يمكن نقدر نوصل لكدا فى يوم من الأيام

http://www.ommahat.net/forum/imgcache/5066.jpg


المقادير :



6-4 حبات بطاطس .
2-1 ملعقة صغيرة بابريكا .
ملعقة صغيرة كركم او مستردة جافة .
ربع كوب دقيق .
رشة ملح .
نصف ملعقة صغيرة فلفل .
2ملعقة طعام زبدة او زيت .

الطريقة :

تقطع البطاطس سميكة ونضعها في كيس بلاستيكي مع الملح و الفلفل و البابريكا و الكركم والدقيق ونهز جيدا حتى تعلق البطاطس بالخليط
نسخن الزبدة و نحمر فيها البطاطس قليلا من 3-2 دقيقة ثم نضعها في فرن حار 200 درجة لمدة 30 دقيقة مع التقليب مرة واحدة ثم تقدم حارة

أتمنى تعجبكم

ابن البلد
26-11-2011, 10:01 PM
جميلة جدا
وشهيه فعلا
:d
بس أنا مشبعتش ههههههههه

هي فعلا شبهه بتاعت كوك دور
تسلم أيدك وبشكرك جدا على تعبك
:f2:

اليمامة
10-12-2011, 09:39 PM
عجة البطاطس الشهية ..سهلة التحضير ولذيذة ( احدى الطرق )

http://i61.servimg.com/u/f61/11/21/19/15/0_0111.jpg

المقادير:

نصف كيلو من البطاطس.

6 ـ 7 بيضة.

2 بصلة متوسطة الحجم ومفرومة ناعمة .

1 ملعقة صغيرة من الفلفل الأسود.

1/2 ملعقة صغيرة من الملح.

2 ـ 3 ملعقة كبيرة من السمن النباتي أو الزيت.

1 ملعقة صغيرة من الكركم .

الطريقة :

- تقشر البطاطس وتقطع إلى مربعات كبيرة وتسلق بالماء والملح ثم تهرس.

- يضاف البصل المبشور والملح والفلفل الأسود والكركم إلى البطاطس.

- ويخلط المزيج جيداً ويترك جانباً حتى يبرد قليلاً.

- يخفق البيض بالخلاط الكهربائي ثم يضاف إليه مزيج البطاطس.

- يحمى السمن في صينية الفرن وتغلف الجوانب بالسمن أيضاً.

- يصب مزيج العجة في الصينية ويدخل إلى فرن معتدل الحرارة.

- مدة 30 ـ 40 دقيقة حتى يحمر سطح العجينة.

- ترفع صينية العجة من الفرن وتقلب في طبق مستدير وتقطع.

- إلى مثلثات متساوية وتقدم ساخنة أو فاترة حسب الذوق.


:f:

اليمامة
02-01-2012, 03:54 PM
طريقة سهلة وممتعة لصنف من اصناف البطاطس السريعة


http://2.bp.blogspot.com/-lzfagei8TEA/TskdKfQ-UPI/AAAAAAAACB8/SRUOA4M0Ebc/s1600/6.jpg


المقادير:

ثمرة بطاطس مبشورة خشن مقدار ملح وفلفل أسود ملعقة كبيرة دقيق عدد 1 بيضة مقدار زيت زيتون مقدار لحم معصج مقدار فلفل حار مقدار ملح وفلفل مقدار زيت زيتون ملعقة زبادي


التحضير:

1- تعصر البطاطس المبشورة باليد للتخلص من الماء فيها.
2- يضاف لها الدقيق والملح والفلفل والبيضة وتخلط جيدا.
3- يتم عمل الصلصة بخلط مكوناتها معا.


الطبخ:

1- يوضع القليل من زيت الزيتون في مقلاة ساخنة غير قابلة للالتصاق.
2- يوضع بالملعقة مقدار ملعقة كبيرة من البطاطس وتفرش قليلا مثل القرص ثم يوضع فوقها من الحشوة وتغطى الحشوة بملعقة أخرى من البطاطس.
3- بعد أن تحمر من الأسفل تقلب لتحمر من الوجه الآخر ثم ترص في طبق التقديم.
4- يوضع على الأقراص من الصلصة وتقدم ساخنة.


ودى طريقة تانية


http://www.alarab.net/data/news/2010/08/29/batata.jpg

أقراص البطاطس المبشورة

نوع شهير من المقبلات الغربية تجدينها في معظم المطاعم الكبيرة, يمكنك الأن التعرف علي طريقة تحضيرها مع مطبخ مشاركات.

مقادير تحضير أقراص البطاطس المبشورة

* عدد ثلاث حبات من البطاطس.
* حبة واحدة من الكوسا.
* ثلاث ملاعق من الجبن الفيتا المفتت.
* ملعقة واحدة من الطحين.
* ملح وفلفل أسود.
* ربع كوب من الزيت للتحمير.
* بيضة واحدة.

طريقة تحضير أقراص البطاطس

* نبّشر البطاطس والكوسا.
* نخفق البيضة جيداً.
* نقوم بخلط البطاطس والطحين والبيض مع الكوسا والجبن والفلفل والملح كلهم في إناء واحد.
* نضع قليل من الزيت في المقلاة علي النار.
* بإستخدام ملعقة نبدأ في أخذ قطع صغيرة في حجم الملعقة من الخليط ونضعه في الزيت. نترك القطع حتي تتحمر ثم نقلبها علي الوجه الأخر.
* نخرج الأقراص ونضعها علي ورق نشاف ليمتص الزيت.