المساعد الشخصي الرقمي

مشاهدة النسخة كاملة : جدول المظاهرات ليوم الجمعة ..ونكت أخرى ..



الصفحات : [1] 2 3

اليمامة
05-06-2011, 06:12 PM
جدول المظاهرات ليوم الجمعة


http://www.alexlovers.net/vb/images/smilies/patch_rir.gif http://www.alexlovers.net/vb/images/smilies/patch_rir.gif http://www.alexlovers.net/vb/images/smilies/patch_rir.gif


المسيحيين: ماسبيرو

اسفين يا ريس: مصطفى محمود

الثورجية :ميدان التحرير

البلطجية: امام الاقسام

القوميين : سفارة اسرائيل

السلفيين: مسجد النور

الاخوان: مجلس الشعب

الفئويين : كلا أمام شركته

المرشدين السياحيين : مستشفى شرم الشيخ

اهالى المحبوسين: عند السجون

الاغلبية الصامتة:فى البيوت على الكنبه بيتفرجوا والبلد بتولع

كده الكل عرف مكانة عشان مفيش حد يتلخبط و يروح مكان حد تاني :d:d:d:d

اليمامة
05-06-2011, 06:13 PM
يا ترى بقى كل واحد فيكم عرف مكانه فين ؟ :d

اليمامة
05-06-2011, 06:15 PM
بالنسبة ليا الحمد لله عارفة مكانى من دلوقتى
أصل أنا تبع الأغلبية الصامتة ومكانى على الكنبة
هاعتصم عليها من دلوقتى
علشان بس الزحمة
:d

مصراويةجدا
05-06-2011, 07:17 PM
انا عارفة





















في لجنة الإمتحااااااان حيث يهان المرء ويهاااااااااان :d

طب انتي قولتي نكت اخرى فين بقى ؟؟ عشان بس شكلك قصاد الجماهير هقولك نكتة

واحد غبي اوي بيعاكس واحدة غبية اوي في الموبايل ..
قامت غيرت رقمها وبعتتله رسالة بتقوله:
"انا غيرت رقمي عشان خاطرك يا حيوان"
قام رد عليها وقالها :
"وانا مش هيهدالي بال غير لما اجيب رقمك من تحت طئاطييييئ الأرض" :d

اليمامة
05-06-2011, 07:49 PM
مصراويةجدا

انا عارفة





















في لجنة الإمتحااااااان حيث يهان المرء ويهاااااااااان

طب انتي قولتي نكت اخرى فين بقى ؟؟ عشان بس شكلك قصاد الجماهير هقولك نكتة

واحد غبي اوي بيعاكس واحدة غبية اوي في الموبايل ..
قامت غيرت رقمها وبعتتله رسالة بتقوله:
"انا غيرت رقمي عشان خاطرك يا حيوان"
قام رد عليها وقالها :
"وانا مش هيهدالي بال غير لما اجيب رقمك من تحت طئاطييييئ الأرض"



:d:d

وأنا من ذكائى مافهمتهاش من أول مرة لكمية الغباء اللى فيها ..

راعينى دايما بآخر النكت الله يخليكى ..

وأنا قاعدة على الكنبة :d

اليمامة
05-06-2011, 07:50 PM
طب دى ..تحفة يعنى ..:d


مرة مبارك و سوزان و جمال راكبين سيارة و فيها سواق ،
جمال قال أنا لما بخطب في مجلس أو في جمعية جيل المستقبل بيصفقلي حوالي 2 مليون ..
سوزان قالت أنا لما بخطب في مجالس المرأة و المجتمع بيصفقلي 5 مليون ..
مبارك قال أنا لما بقول بيان أو خطاب بيصفقلي 7 مليون ..

قام السواق قال : و أنا لو لبست بيكم في الحيطة هيصفقلي 80 مليون ..

اليمامة
05-06-2011, 08:02 PM
التقى مبارك بإبليس في يوم من الأيام ، فقال له :
عارف يا إبليس يا خويا ، أنا عاوز اعمل في الشعب المصري حركه تطلع من نافوخهم ؟
ردّ إبليس : طب هات ودنك و خد الفكره دي ( عرض عليه همساً ) ..
مبارك : لالا يا إبليس الفكره دي مش نافعه .. عاوز حاجه أشد ..
إبليس : طب خد دي ؟
مبارك : لالا .. برضه مش نافعه .. إيه يا إبليس أنت بقيت مش نافع كده ليه .. هات بقه ودنك و أنا أقولك أنا نويت أعمل فيهم إيه ..
( لما عرض عليه الفكرة )
قال إبليس : لا يا راجل حرام عليك ! ..

اليمامة
05-06-2011, 08:04 PM
مواطن مصري قال لآخر :
مبارك خطفوه و الفدية 5 مليون دولار ، و لو الفدية ما اندفعتش .. الخاطفين هددوا يدلقوا عليه بنزين و يحرقوه و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام ؟
الرجل الثاني : " من 5 إلى 10 لتر بنزين ..

اليمامة
05-06-2011, 08:05 PM
مبارك جمع شيخ الأزهر و بابا الكنيسة المصرية و قال لهم :
أنا جمعتكم النهارده عشان أقول لكم أن ابني جمال هيبقى رئيس مصر سنة 2011 م
قام البابا قال : ماشاء الله اللهم صلى ع النبي
شيخ الأزهر قال له : إيه اللي بتقوله ده يا حضرة البابا .. الكلام ده بتاعنا ؟
البابا قال له : ما هي حاجة تخلي الواحد يطلع عن دينه ..

اليمامة
05-06-2011, 08:06 PM
كان هناك شيخ اعتقل من قبل أمن الدولة ، ثم أطلقوا سراحه مع مراقبته ،
أول يوم لقوه ماشي في شارع الهرم راحوا مكلمين الريس و قالولو الشيخ تاب يا ريس ،
ثاني يوم لقوه في كباريه قالوا الشيخ تاب و أناب يا ريس ،
ثالث يوم لقوه في الأتوبيس يسرق واحد قالوا الشيخ تاب و أناب و بقى عضو في الحزب الوطني يا ريس ..

اليمامة
05-06-2011, 08:07 PM
بن علي اتصل ببرنامج ما يطلبه المستمعون و طلب أغنية "أنا بستناك" و يهديها للرئيس المصري محمد حسني مبارك ..

....

اتصل مبارك بزين العابدين بن علي و قال له : " ألو و حياة أبوك إذا بتنام بدري خبيلي المفتاح تحت دعاسة الباب ..

اليمامة
05-06-2011, 08:09 PM
اكتشاف خطير : الراجل بتاع كنتاكي أبو دقن بيضا ، طلع إخوان ، فاحذروا المؤامرة التي يخطط لها من زمان يا شباب ، دي صوره في كل مكان وتم اختراق الإعلام بيها منذ فترة ، ياااه ، شايفين ولاد الايه
بيخططوا من إمتى ؟

اليمامة
05-06-2011, 08:10 PM
عاجل وخطير : الأمن المصري يعتقل عناصر إخوانية مسيحية الديانة وهم يهتفون : الإرهاب لا دين له !!! !
<<<<<<<<<>>>>>>>>>>>>><<<<<<<<<><>>>>>>>>>>>>>>> >

اليمامة
05-06-2011, 08:12 PM
كيف تعرف العملاء : أي أشقر عميل أمريكي ، أي واحد لافف حطة يبقى عميل لحماس ، أي واحد اسمه “علي” أكيد عميل لإيران ، مش ممكن كم الاندساس في المكان-
><<<<<<<<<<<<<<<<<<<<<<<<<<<<<<<<<>>>>>>>>>>>>>> >> >>>>>>

اليمامة
05-06-2011, 08:15 PM
النّومينيز لهذا الأسبوع في برنامج "رئيس آكاديمي":ا
1. معمّر القذّافي من ليبيا
2. علي عبد الله صالح من اليمن
3. حمد بن عيسى من البحرين
...صوّت لرئيسك المفضّل و اربح معه رحلة للسعوديّة

اليمامة
05-06-2011, 08:16 PM
على فكرة أنا عندى أصلا شوية اكتئاب دفين ..ومن العجب العجاب انى عاملة موضوع عن النكت .موش عارفة ايه سبب الحالة دى ..عموما جت عليا ..ماهى كل حاجة بقت عجيبة ..المهم بس أكون سريت عن نفسكم شوية ..

احنا المصريين
حيوية وعزم وهمة
جيل بعد جيل
مفرفشييييييييييييييييييييين
المصريين أهمه
حيوية وعزم وهمه


خدوا دى ..

شعار الشرطة الجديد :

الشرطة في عرض الشعب"

اليمامة
05-06-2011, 08:18 PM
ايه قمة الهبل ؟؟..........
.
.
أنك تزغزغ واحد ميت
.
............................
.
.
.
.
.
طيب ايه قمه الرعب ؟؟
.
.
.
.
.
.
.
.
.
.
انه يضحك

اليمامة
05-06-2011, 08:19 PM
فلتكن كالطفل
جميل
برئ
مبتسم
صادق
.......
.
.
.
.
.
بس متعش الدور وتعملها على نفسك

اليمامة
05-06-2011, 08:20 PM
شعب مصر الى الرئيس القادم
.
.
.
.
..........
.
.

.
.
...امشى بما يرضى الله علشان ال85 مليون خدوا نمر بعض و هى رنه و انت عارف الباقى.

الله...الوطن...التحرير..يوم الجمعه

اليمامة
05-06-2011, 08:22 PM
للجادين فقط : دبابة موديل 1973,
أستعمال نقيب,
جنازير أسبور,
دواخل فابريكة,
راشة المدفع فقط,.
.......
.
.........لأعلي سعر ................

اليمامة
05-06-2011, 08:23 PM
حـــالة حظر التجول هاتترفع والجيش سيعود الى معسكرات

عندما تتأكد الحكومة أن أخر واحد من الشعب
.
.
...................
.......
.
.
.

.
أتصور جنب الدبابة

اليمامة
05-06-2011, 08:24 PM
عاجل/ مراسل الجزيره للقائد معمر القذافى ..فخامه الرائيس نرجو الا تزعجك التظاهرات الآخيره للشعب المصرى والتونسي فى قلب نظام الحكم...الرئيس القذافى ..انت شكلك مراسل غبى ايه هيجيب المصرين والتوانسه يتظاهروا فى ليبيا :d

ابن البلد
05-06-2011, 08:25 PM
هههههههههههههههههههههه
أنا على الكنبة بحاول أعمل أي حاجه في الموقع ههههههههههه

اليمامة
05-06-2011, 08:27 PM
الجديد فى عيد الحب :

.....

.......
......
...

.....

الزوج يريد تغييير المدام

اليمامة
05-06-2011, 08:29 PM
هى ثورة أخرى لاشك تفجرت مع ثورة 25 يناير ومحورها "النكتة السياسية"، أضفت على الثورة الشعبية نكهة خاصة تنبع من رحم المعاناة، وزاد من بريقها الشعارات التي رفعها المتظاهرون والمعتصمون في ميدان التحرير.

تابعوا معى ..واضحكوا ..

واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

اليمامة
05-06-2011, 08:31 PM
"بلطجي" لقناة العربية: العيال بيرموا علينا قنابل "بلوتوث".

اليمامة
05-06-2011, 08:32 PM
عاجل جدا :الجراح العالمى مجدى يعقوب يصل الى مصر لعمل جراحة فصل التوأمين مبارك والكرسى -

اليمامة
05-06-2011, 08:34 PM
هههههههههههههههههههههه
أنا على الكنبة بحاول أعمل أي حاجه في الموقع ههههههههههه

ايه دا ايه دا ..انت كمان على الكنبة ..
يعنى من الأغلبية الصامتة :d
يعنى كله فى التمام
يعى الموقع
يعنى أبناء مصر
احنا أسرة مع بعضشينا ..
كلنا على الكنب بنعمل أى حاجة فى الموقع :d

اليمامة
05-06-2011, 08:35 PM
أصحاب المؤامرة الإيرانية الأمريكية الحماسية الإسرائيلية القطرية الإخوانية لتدمير مصر يدفعون مئات الدولارات للمتظاهرين فى التحرير، ويبعثون لهم رسائل مشفرة بالأطباق الطائرة، ويتواصلون معهم بالتخاطر الذهنى وتحضير الأرواح، وكل متظاهر يأخذ وجبة «هابى ميل» باللعبة، وشقة فى مدينتى. لا تنخدع وتأخذ الوجبة بلا لعبة! إيّاك والانضمام إلى القلَّة المُندَسَّة!

اليمامة
05-06-2011, 08:36 PM
واحد يقول في المظاهرة : حرام عليكم ، أخرتووونا يجي ألف سنة
رد عليه واحد تاني قال له : ايوه صح انا رجعت البيت امبارح لقيت اخواتى لبسين جلد معيز وبيتنا بقى من البوص
>>>>>>>>>>>>>>>>>>>>>>>>>>>>>>>>>>>>>>>>>>>>>>>> >> >>>>>

اليمامة
05-06-2011, 08:43 PM
أنّ "شرّ البلية ما يضحك"، تظلّ النكات حاضرة رغم فداحة الواقع.
وكلما كان الواقع عبثياً، منح الطرفة مادة أوّلية أدسم.
ومهما كانت الظروف فالشعب المصرى يجتازها ويتغلب عليها وقد وجدوا في ثورتهم ضد
ضد الفساد والقمع متمثلا فى مبارك وحكومته فرصة غير مسبوقة للترويح عن أنفسهم

متابعين ؟

صعيدي مصري دخل عالم النكت عندما رد على من سأله من : ماذا سنفعل بعد الإطاحة بمبارك قائلا : سوف نلعب مباريات النهائية مع تونس

http://www.essirage.net/images/stories/remote/http--up8.up-images.com-up--uploads-images-images-666c246dba.jpg

اليمامة
05-06-2011, 08:45 PM
http://media.almasryalyoum.me/sites/default/files/imagecache/main_media/caricature/2011/01/30/20/mubarak.jpg

اليمامة
05-06-2011, 08:46 PM
(السلام الجديد بين الزعماء العرب هو "الثورة عليكم ورحمة الله وبركاته" !) ..

اليمامة
05-06-2011, 08:48 PM
http://www.alwafd.org/images/news2/glpqoglpqoglpqoglpqoglpqo.jpg


هذه عينة من مئات النكات التي تبادلها المصريون قبل وبعد خلع الرئيس مبارك في ثورتهم الشعبية، بخلاف آلاف الرسائل والإفيهات واللافتات الطريفة عن خلع حسني مبارك علي فيس بوك وتويتر ولافتات التحرير ، بعدما اعتادوا علي السخرية وإطلاق النكات في كافة المناسبات السعيدة وحتي الحزينة .

من هذه النكت ..

وهناك نكات أخري تقول : مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش !) ..
(مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي !) –
( إعلان طلب وظيفة نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة) .
ومن نكات شبكة الإنترنت أيضا : (سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : يا جماعة أنا فرض مش سنة ) –

اليمامة
05-06-2011, 08:51 PM
خبر عاجل:الشعب الليبي يقرر تحديد يوم 17 فبراير يوم غضب، للمطالبة باسقاط الحكومة.والقذافي يقرر التضامن مع الشعب والنزول معهم في الشارع

اليمامة
05-06-2011, 08:52 PM
القذافي يؤكد : من حق المرأه ان تحصل علي كامل حقوقها سوا كانت ذكر ام انثى

القذافي في مذكراته يؤكد أن السبب الأصلي للطلاق هو الزواج

اليمامة
05-06-2011, 08:55 PM
يبدو ان الشعب الليبي انتقلت له عدوي النكت فصار كلماته اشد من السيوف, فانطلقت السنة الشباب الليبي ترد علي القذافي وابنه بنكت ساخرة تصور الم المعاناه

متضامنون من الشعب الليبي

واليكم النكت

نظــريــة رياضيـات في الكتاب الأخضر: كل مستقيمان متــوازيان لا يتقاطعان إلا بإذن الله فإن تقاطعا فلا حول ولا قوة إلا بالله

لولا الكهرباء لجلسنا نشاهد التلفاز بالظلام


من يحرق نفسه فيموت يسجن ٥ سنوات

القذافى انا هزمت امريكا و بريطانيا و فرنسا و ايطاليا و مانشيستر يونايتد و برشلونة و ريال مدريد و بلدية المحلة

القذافى: إن الليبيين لازم يتحالفون مع إخوانهم الليبين ويثورو على الليبيين علشان ليبيا تنتصر على كل الليبين و تبقى ليبيا لليبين

ما بعد خطاب ابن ا-----:
1- تسجيـل 20 حـالة وفـاة من الضـحـك أثــنـاء بــث كـلمة القــذافـي
2- دعوة لمظاهرة ترليونية يوم الجمعة في مصر للاعتذار لحسني واخرى في تونس للاعتذار لبن علي بعنوان: الى يشوف بلاوي الناس تهون عليه بلوته
3- ليبيا: الشعب يريد إنهاء الخطاب
5- قناة الجزيرة تعتذر عن بث خطاب القذافي حيث ان حقوق الملكية مخصصصة لقناة موجه كوميدي

شعار المظاهرات في ليبيا : الشعب يريد علاج

شعار المظاهرات في ليبيا:" الشعب يريد تفسيرالخطاب"

ومن أشهر أقوال القائد العقيد ملك ملوك أفريقيا خلعه الله: "أيها الشعب .. لولا الكهرباء لجلسنا نشاهد التلفاز في الظلام"

الهدف الرئيسي للقذافي لو قدر ينهي الثورة انه يزرع الارض الليبية كلها بالمكرونة

رساله من القرموطي للقذافي : ابني وحيد في ليبيا .. أظن المسدج وصلت ياقذافي

القذافي سمع بالزين في غيبوبة سأل وزيرو قداش تبعد غيبوبة على ليبيا ..؟

بن علي: فهمتكو - مبارك: خدمتكو - سيف: هطلع عين أمكوا

المظاهرات المصرية اليوم بتقول: مصر وليبيا ايد واحدة... ده معناه انهم حينزلوا بوس واحضان في الليبيين ويوقفوهم في الشارع يتصوروا جنبهم

للقدافي إنجازات كتييير: يكفى إنه أول من استخدم قماش الملايات والستاير كملابس رئيس دوله

اليمامة
05-06-2011, 08:59 PM
http://n4hr.com/up/uploads/a2f3acd126.jpg

قد يكون الليبيون وحدهم دون شعوب العالم من هم في غنى عن اختراع النكت، لأن حياة رئيسهم مليئة بالنكت، أما عن كلامه وخرجاته فإن كتابين صدرا بهذا الشأن كفيلان بأن يؤكدا أنه لم يحدث في تاريخ البشرية أن قدم زعيم لفنون الغرابة والفكاهة ما قدمه معمر القذافي، والكتابان أحدهما بعنوان "اضحك مع القذافي" والثاني بعنوان "كتاب الكافي الوافي في فك طلاسم القذافي" ..

الدرس المستفاد من خطاب ابن القذافي :
أن الليبين بيحاولوا إحتلال ليبيا
و لكن الليبين سيتصدوا لهم
يا تري مين هينتصر ؟


القذافي يبرر إطلاق الرصاص الحي على المتظاهرين بأن السلطات في ليبيا لا تمتلك رصاصاً مطاطياً
هههههههههههه راجل دماغه مسافرة

اليمامة
05-06-2011, 09:01 PM
عاجل : القذافي يهرب إلى ليبيا !!

دعا حسناوات إيطاليا للإسلام و طالب بفتح الكعبة لكل الأديان !!

اليمامة
05-06-2011, 09:02 PM
أوباما عربي و اسمه الحقيقي بركة حسين أبوعمامة ، و قال هذا الكلام أمام الملايين في تجمع الاحتفال بالذكرى الأربعين لجلاء الأمريكيين من ليبيا !

من آخر نوادره زيارته إلى إيطاليا مصطحباً معه ابن عمر المختار ، و بعد عودته إلى طرابلس طالب بتحاليل الحمض النووي لكل الإيطاليين ، لأن الكثير منهم افتكروه ليبى !!!

اليمامة
05-06-2011, 09:03 PM
القذافي للشعب : أهم شئ بر الوالدين حتى لو كان على حساب أمك و أبوك !

القذافي : خيار التنحي بالنسبة لي هو خيار مخلل !

القذافي مش بس بشهرته و جماهريته
القذافي بتوكتوكه و شمسيته

اليمامة
05-06-2011, 09:04 PM
فهمت إيه من خطاب القذافي ,, هل هو ؟

1- إعلان شمسية
2- إعلان توك توك
3- إعلان فيلم سلاحف النينجا العربية
4- كل ما سبق

اليمامة
05-06-2011, 09:06 PM
من أهم مميزات القائد الملك ::


أول من فضل يتكلم لمدة ساعة و نص في مجلس الأمن لحد ما المترجم تعب و جابوله مترجم تاني , و برضو مبطلش رغي ..

أول من قام بترجمة جملة " يزيد الطين بلة " من العربية إلى الانجليزية , على مرأى و مسمع الجميع ..


...


بجميع دور العرض .. بعد نجاح أبي فوق الشجرة .. فيلم القذافي تحت الشمسية !!


...


جديد القذافي : " كليب " أواخر الشتاء
القذافي يتحدى البلل !!


...

تظاهروا كما تشاؤن و لكن لا تخرجوا إلى الشوارع و الميادين !!


...


سأظل فى ليبيا إلى أن أموت أو يوافيني الأجل !!


...


الديموقراطية تعني ديمو الكراسي !!


...




القذافي : النسوان تطلع ولادها و الرجاله تطلع ولادها عشان نسيطر على ليبيا !

...

يقول القذافي : مصريّون و تونسيّون أعطوا المحتجّين حبوباً مخدّرة !

...

يعني هو إمبارح يخطب 14 ثانية و النهاردة ناوي يخطب 14 ساعة ؟؟

...

قالك القذافي بيبيع في السوق أرنب جاء واحد محشش و قال بكم القرد ،
قاله القذافي إنت ما بتشوفش ده أرنب قاله المحشش أنا ما سألتكش سألت الارنب ..
أتاري المحشش عندو حق !

...

مصراويةجدا
05-06-2011, 09:06 PM
على فكرة أنا عندى أصلا شوية اكتئاب دفين ..ومن العجب العجاب انى عاملة موضوع عن النكت .موش عارفة ايه سبب الحالة دى ..عموما جت عليا ..ماهى كل حاجة بقت عجيبة ..المهم بس أكون سريت عن نفسكم شوية ..


حصلتلي قبل كده ..متقلقيش هترجعي فلة شمعة منورة :d
خذي ذي..

مرة واحد صعيدي وواحد امريكي وواحد فرنساوي جايين من السفر
الامريكاني سبق عالفندق دخل يحجز اوضة قالوله مافيش غير اوضة واحدة فضية فيها العفريت ابو فنلة مقطوعة
قالوهم دي تخاريف ادوهاني
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قام الراجل صوت وطلع يجري
الفرنساوي دخل الفندق قال عاوز أوضة
قالوله مافيش غير اوضة واحدة فضية فيها العفريت ابو فنلة مقطوعة
قالوهم دي تخاريف ادوهاني
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قام الراجل صوت وطلع يجري
جه الصعيدي قالهم عاوز اوضة
قالوله مافيش غير اوضة واحدة فضية فيها العفريت ابو فنلة مقطوعة
قالهم هاتوها انا مابخافش
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قاله اجري ياله خلي امك تخيطهالك

اليمامة
05-06-2011, 09:09 PM
الراجل اللي دخل كوباية المية للقذافي هههههههههههههههه ::!

مجلس الأمن يصدر مذكرة توقيف فى حق الراجل اللي دخل للقذافى كباية المية !

الراجل اللي دخل كوباية المية للقذافي يبقى جوز أخت الراجل اللي ورا عمر سليمان !

معمر سيخرج معنا لإسقاط النظام و الراجل اللي دخل كباية المية !

من الرجل الذي يقف أمام الرجل الذي أحضر كوب الماء للقذافي ... هههههه !

من الرجل الذي يخطب خلف الرجل الذي يتمشى أمام القذافي ؟؟؟ هههههههه !

اليمامة
05-06-2011, 09:13 PM
القذافي الآن : السفن ترفض النزول في مطار بنغازي لأنه أصبح خراااابة !
يا لههههووووي



حاولوا تدققوا في هدومه هتلاقوا تحت يده اليمين مقطوع !



القذافي : أنا مجد لا تفرط فيه ليبيا و لا كل الشعوب !

...

القذافي : مجموعة قليلة من الشبان المخدرين تهاجم مقار الشرطة !

...

القذافي : لست رئيساً حتى أتنحى و إنما أنا قائد للثورة ::!



القذافي : ليس لدي مانع في دستور أو أي منظمة أخرى لتنظيم الحياة !

...

القذافي : أجهزة خيانة عربية شقيقة تغدركم و تخونكم و تسيء لصورتكم !

...

حد يعرف النضارة مزعلاه في حاجه عمال يلبسها و يقلعها ليه ههههه !

...

طب هو مفيش استراحة بين الشوطين و لا إيه !

...

و أخيراً انتهى الخطاب بعد أكثر من ساعة كاملة !!

يختمها بقوله :

احنا انحسدنا !! هاذي عين !!

...

اليمامة
05-06-2011, 09:17 PM
الراجـــل اللي نــزّل الشــاي للقـذافــي ::!

عيب عليكو يا جماعة الراجل دا كابتن منتخب ليبيا !

الراجل اللي نزل الشاي للقذافي معاه مش هتبقى عطشان !

هل الشاي كان فتلة و لا لأ ؟
سؤال يطرح نفسه !



القذافي مش بتاع أجندات .... بتاع تكاتك !

...

القذافي خلص الخطاب و ركب التوك توك بتاعه و راح يعمل دورين ، راجل كسيب برضه !


معمر القدافي :

على الشعب أن يكون فقيراً لأن الفقراء يدخلون الجنة !

ليبيـا صابتهـا عيـن بخروووووووها هههههههههههه !

المهنة : عارض أزياء , متخصص ترفيه , كاتب و رئيس جمهورية في أوقات الفراغ ..

المعلومات الشخصية : شخصية محبوبة و ذات شعبية كبيرة جداً في الوطن العربي من المحيط للخليج و له مواقف عظيمة و هو أول عربي يستخدم قماش التنجيد في صنع ملابسه الخاصة ده غير ذكائه و وسامته التي فاقت وسامة براد بيت و ليوناردو ديكابريو !

...


عاجل : قناة الجماهيرية تُعلن أن ما أذيع منذ قليل كان "التريلر" .. و سيذاع خطاب القذافي كاملاً في موسم الصيف بجميع دور العرض !


الدروس المستفادة من خطاب القذافي :

1- إنه عنده نظارتين ..
2- إنه عنده شنبين ( واحد فوق بؤه و التاني تحت بؤه ) ..
3- إنه عنده عبايتيين واحده لابسها و واحدة متغطي بيها ..
4- إن هو أصلاً مش رئيس ليبيا يتنحى إزاي يا أغبييييييييييا ..
5- إني لازم أتعلم العربي الليبي ..
6- إن كل المترجمين للقنوات الأجنبية يولعوا في نفسهم الآن ..
7- إن القذافي هو مخترع الهكونه مطاطه ..
8- الزونتاااان ..

...

سؤال اليوم :

ليه القذافي كان راكب توكتوك و الأهم من دا ليه كان حاطط الشمسية فوق التوكتوك ؟؟

اختر الإجابة الصحيحة :

1- كان خايف على التوكتوك يتبل ..
2- كان بيقدم النشرة الجوية و عايز يعمل جو النشرة ..
3- كان بيتعلم سواقة التوكتوك بإيد واحدة و الإيد التانية فيها شمسية ..
4- كان عايز يعرف الناس إنه في ليبيا مش في تشاد و لا رواند ..

اللي هيجاوب صح هيكسب الشمسية اللي كان ماسكها القذافي !

اليمامة
05-06-2011, 09:19 PM
حصلتلي قبل كده ..متقلقيش هترجعي فلة شمعة منورة :d
خذي ذي..

مرة واحد صعيدي وواحد امريكي وواحد فرنساوي جايين من السفر
الامريكاني سبق عالفندق دخل يحجز اوضة قالوله مافيش غير اوضة واحدة فضية فيها العفريت ابو فنلة مقطوعة
قالوهم دي تخاريف ادوهاني
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قام الراجل صوت وطلع يجري
الفرنساوي دخل الفندق قال عاوز أوضة
قالوله مافيش غير اوضة واحدة فضية فيها العفريت ابو فنلة مقطوعة
قالوهم دي تخاريف ادوهاني
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قام الراجل صوت وطلع يجري
جه الصعيدي قالهم عاوز اوضة
قالوله مافيش غير اوضة واحدة فضية فيها العفريت ابو فنلة مقطوعة
قالهم هاتوها انا مابخافش
قاام طلع الاوضة العفريت طلع قاله عوووووووووووووو انا العفريت ابو فانلة مقطوعة
قاله اجري ياله خلي امك تخيطهالك

هههههههههه
أنا موش قلقانة ..
أصل الحالة مخلية الدنيا لطيفة
وأنا خفيفة
وماشية على أطراتف صوبعاتى بثبات
قربت أطير
ياريت يطلعلى العفريت أبو فنلة مقطعوعة ..
يمكن يرجعلى صوابى :d
بالصدمة الرجعية
ههههههههههههه
اللى وراها

اليمامة
05-06-2011, 09:22 PM
ماهى مساحة الحرية فى مصر بعد ثوره 25 يناير ؟؟
هى حاصل عرض ضرب قفا الظابط x طول كف المواطن

اليمامة
05-06-2011, 09:24 PM
اختر :

*مكاسب الثورة المصرية:
١. اقالة الحكومة الأردنية
٢. رفع قانون الطوارئ في الجزائر
٣. اعلان الرئيس اليميني عدم ترشيح نفسه للرئاسة
٤. تعديل الدستور الصيني
...٥. قمع الشعب السوري قبل ما يفكر يثور
٦. بقاء الرئيس المصري ولا كأن حاجة حصلت


Photo Gallery